مجموعة من الأطباق اللذيذة " 4 " 2024.

منيو الاطباق

1- محششي الكروم
2- محشي الكوسا
3- برياني مع اللحم
4- كوب كيك الجزر
5- بسبوسة بالقشطة

رز مصري كاستين و حبتين بصل وخمسة فصوص ثوم وكزبرة وشبت
واذا تبغي تحطي بقدونس ما فية مشكلة ومعجون طمام وحبتين طمام او ثلاثتة
وبكت مرقة ماجي ملعقة كمون وفلفل اسود وفلفل احمر شطة مطحونة وملح ,,

اول حاجة نحط الملفوف في نار تغلي مدة 20 او 15 دقيقة علئ حسب الحجم
عشان يصير لين وينلف معانا

وبعدين نجيب قدر ونحط فية البصل طبعا البصل نقطعة صغير صغير ونحط الثوم
وبعدين نحط الطمام ( علئ فكرة الطماطم نضربها في الخلاط )ونخليها تقريبا 10دقايق
وبعدين نحط باقي البهارات حقنا ونحط الرز بعد ما يتغسل ونخليها لين يشرب الموية
وبعدها نحط الشبت والبقدونس واذا تبغين تحطين نعناع مطحون يعطي طعم حلو بس انا ما حطيت

بعد ما نجهز الحشوه نطلع الملفوف من النار وقصصه مربعات عشان ينلف معانا

الحين الحشوه عندنا جاهزة والملفوف جاهز نجيب القدر ونرص في قاع القدر الملفوف القوي
اللي في النص وبعدها نبدأ نلف الملفوف حقنا وطريقة اللف بسيطة

بعد م نلفها

وبعد ما نرصة نجيب حبتين ماجي ونبشرها فوق الملفوف ونغطية بصحن ونحط علية موية حارة
لين يتغطئ الملفوف ( زي ما تسوي الرز ) ونرفع النار لين تفور وبعدين نشيل الصحن
ونغطي القدر ونوطي النار علئ الأخير ونخليه لين تنشف الموية حقو وبالعافية عليكم ,,,

وهذي النتيجة

1/ اربعة كيلو كوسة (( زي ما تحب ))
2/ رز مصري كاستين 3/ كيلو ونص لحم مفروم
4/ ثلاثة حبات بصل 5/ مرقة ماجي 6/ نص فنجان شاي زيت
7/ ملح 8/ فلفل اسود 9/ كمون 10/ بقدونس 11/ شبت
12/ حبة دجاج 13/ بطاطس 14/ فلفل رومي 15/ وشوية نعناع

اول حاجة نجيب قدر ونحط فيه اللحم المفروم بعد ما نغسلة ونحط فوقة الرز
طبعا بعد ما ننقعة في الموية ونخلطهم مع بعض وبعدين نحط البصل ونقطعة صغير
او نفرمة في الفرامة ونحط البقدونس والشبت والنعناع وبعدين نبشر حبتين ماجي فوقهم
ونحط الملح والفلفل الاسود والكمون والزيت ونعصر 3 حبات ليمون فوق الخلطة
ونخلطهم مع بعض وكيذا تكون الحشوه جاهزة عندنا

طبعأ بعد م حشينا الكوسة نرصها في القدر ونحط في النص نص حبة دجاج
اوحبة علئ راحتكم عشان يعطي نكهة حلوه

بعد ما رصينا وكل شي جاهز نسوي الكشنة حق المحشي اللي نصبها فوقه وهي عبارة عن :
1/ حبتين بصل 2/ وثوم 3/ اربعة حبات طماطم 4/ نص علبة طماطم
5/ معجون طمام 6/ ملح 7/ بهارات مشكلة 8/ موية حاره
ونحط البصل علئ النار وبعدين الثوم وبعدين الطماطم كلها مع المعجون نضربها في الخلاط
ونحط البهارات وعلئ النار عشرة دقايق لين تغلي وبعدها نصبها فوق المحشي
ونخليها مددة 40 دقيقة

وبعد مرووور 40 دقيقة

ونقدمها سسساخنة بالعافيةة

1/ لحم غنم 2/ رز 3/ كزبرة 4/ نعناع 5/ زبادي 6/ ثلاثة حبات طماطم
7/ معجون الطماطم 8/ بصل 9/ ثوم 10/ زنجبيل طازج 11/ بهارات البرياني

اول حاجة نجيب قدر الضغط ونحط فيه شوية زيت ونقطع ثلاثة حبات بصل ونحمسها
وبعدين نقطع خمسة فصوص ثوم قطع صغيرة ونص اصباع زنجبيل يعني معلقة صغيرة مليانة
ونحمسها مع بعض وبعدين نقطع حزمة كزبره وربع حزمة نعناع وفلفل حار حسب الرغبة
ونحطها فوق البصل ونحمسها ونحط بعدها اللحم ونخليهم عشرة دقايق علئ النار
لين يأخذ النكهة وبعدها نضرب في الخلاط ثلاثة حبات طماطم مع نص كاسة موية
ونحطها فوق اللحم ونخليها خمسة دقايق وبعدين نحط ثلاثة ملاعق معجون طماطم
ونحرك لين يمتزج الخليط مضبوط بعده نحط علبة زبادي ونحرك
وبعدين نحط ملعقة كبيرة بهارات البرياني وفيه انواع كثيره
انا استخدم نوع اسمة ( ابازير البرياني شركة اسناد )
وبعدين احط موية حاره واقفل علية مده 25 دقيقة في الضغط

وقت ما اللحم علئ النار نحط الرز في قدر ثاني ونحط له مويا وملح وزيت ونسلقه نص استواء
ونخليه على جنب

بعدين نفك القدر حق الضغط ونشيل الدهن برا واذا كانت المرقة زايده ننقصها
ونقطع حبه بطاطس كبيره ونحطها فوق اللحم ونحط الرز عليها ونقفل عليها
عشره دقايق علئ نار متوسطة وبعدها نطفي ونخليها خمسة دقايق لين تسكن الطبخة
وبعدهااا نصلح سلطة لبن وب العافية عليكم

النتيججة

كاسة دقيق ، نص كاسة زيت ، كاسة جزر مبشور ، كاسة الا ربع سكر
حبتين بيض ، ملعقة كبيرة قرفة ، ملعقة كبيرة بكينج بودر ، نص ملقة فانيلايا وربع ملقة ملح

اول حاجة نجيب وعاء ونحط فيها السكر مع الزيت ونضربها بالخلاط

بعدين نحط البيض ونخلط

نحط الدقيق شوية شوية ونخلط ونحط باقي النواشف اللي هيا القرفة والفانيليا
والبكينج بودر والملح ونخلطهم

وبعدين نحط الجزر المبشور

نجيب صينية الكوب كيك وندهنها بزيت ونرش عليها رشة دقيق ونصب الخليط
وطبعا الخليط حيكون ثقيل مره وندخلها الفرن ونخليها تقريبا 20 او 25 دقيقة

وهي في الفرن نسوي الخلطة اللي فوقها طعمهااا يججججنن
وهي عبارة عن ستة حبات جبنة كيري وكاسة الا ربع سكر مطحون
ونص ملعقة قشرة ليمون ونضربها في الخلاااط

وبعدين نطلع الكيكة من الفرن ونزينها ب الخلطة ونحط عليها شوية جزر مبششور

ا/ علبتين قشطة التاج او اي نوع 2/ علبتين قشطة قيمر مراعي او بوك او ك دي دي
3/ كاسة سميد 4/ كاسة حليب بودر 5/ كاسة الا ربع سكر 6/ ملعقة كبيرة بكينج بودر
7/ ونص فنجان شاي مويه

اول حاجة نحط علبتين القشطة مع السكر ونضربهم ب الخلاط وبعدين نحط الحليب والبكينج بودر
وبعدين نحط السميد والموية وكيذا يكون الخليط جاهز .
نخلي الفرن حقنا شغال علئ درجة حرارة 180 قبل ما نحط الصينية بربع ساعة

بعد م جهزنا الخليط نجيب صينية وندهنها بزيت ونحط فيها ربع الخليط
وبعدين نحط العلبتين القيمر وبعدين نحط باقي الخليط
وندخلها الفرن مده 25 دقيقة او نص ساعة ونحمرها من فوق خمسة 5 دقائق الين تحمر خفيف

وهذي النتيجة بعد ما تطلع من الفرن

وطبعاً نصب فوقها الشيرا و ب العافيةة

اقتباس:

المشاركة الأساسية كتبها حلوة الدنيا مساء الووورد يعطيك العافية أطباااااق رووووعــــــه وخصوصا البسبوسة والرز تسلم ايدك

..

…..