جيت لكم اليوم
طولوا بالكم علي
برب
*سلطة المكرونة بالعدس ..
*مطبق
*ورق عنب
*سمبوسة البيتزا
*حلا الهدايا
*مربعات السنكرس بالقرفه
*كور السنكرس
قوالب الشوكولاه ..
*طبقات الكيك بالتوفي
جيبي الوان من التورتلا وقصيها على شكل زائد
بعدين لفيها على شكل أقماع وحشيها اللي تبين ..
عن نفسي ..
حشيت الحمراء همبرقر مع خس وطماط
والخضراء فلافل ..
والبيضاء .. جبن وخس وطماط ..
وقدميها بالعافية ..
سلطة المكرونة بالعدس ..
أول شيئ نسلق مكرونة وعدس أسود ..
بعدين نبشر جزر ونقطع بقدونس وخس ونعصر عليها ليمون ..
بعدين نقلي .. بطاطس ..زهرة .. باذنجان ..
ونحط عليها هالخلطة ..
زبادي .. مايونيز .. خل .. ليمون .. فص ثوم مبشور ..
وبالعافية على قلوبكم ياااااارب …
ورق العنب ~
المكونات :
ورق عنب – بصل مفروم ناعم – طماطم مفروم ناعم – ثوم مفروم – نصف علبه صلصه – باقه بقدونس مفرومه – باقه كزبره مفرومه –
باقه شبث مفرومه – 2 ملعقه كبيره ملح ليمون – كزبره ناشفه – باربيكا – فلفل اسود – بهارات مشكله – ملح – ارز مصري مغسول ..
الطريقه :
– نحمس البصل مع الثوم الا ان يذبل ثم نضيف الطماطم ونتركه يتسبك ثم نضيف الارز وشوي مويه
ونتركه الا ان يتشرب المويه ونطفي النار .
– نضيف الخضار مع الملح والبهارات .. وبكذا تكون الحشوه جاهزه .
– ناخذ ورق العنب ونضع الحشوه على الوجه الباهت ونلفه .
– نصف شرائح بطاطس في اسفل القدر ونصف ورق العنب بطريقه مرتبه ( انا اصفها واقفه ) .
– نحضر كوبين ماء مع ملح ليمون ومكعبين ماجي وملعقه صلصه وثوم مهروس وبعد ماتغلي نصبها على ورق العنب
وبعد مايغلي نبشر طماطه ونضيفها على الوجه .
– بعد ساعه ونصف نضيف عليه عصير ليمون وبعد ساعه نضيف زيت زيتون وفنجال دبس رمان
بعد مانطفي النار مانفتح القدر الا بعد مايبرد عشان مايتغير لونه ..
بالنسبه للي سألوا عن نوع ورق العنب استخدم ( اورلاندو كاليفرونيا ) او ( يرقات كاليفرونيا )
والدبس من شتوره .. وعليكم بالف عاافيه 
المطبق ~
المكونآت :
عجين مطبق مربع – فلفل رومي مقطع مكعبات – طماطم مقطع مكعبات – بصل مقطع مكعبات – كراث مقطع ناعم –
ملح – فلفل اسود – بيض ..
الطريقه :
– نحمس البصل ونضيف له الطماطم ثم الفلفل والكراث والملح والفلفل الاسود .
– نخفق البيض ونضيف له الخضار وبكذا يكون جاهز للحشو .
– ناخذ مربعين من العجين ونفردهم بحيث يتقاطعون في الوسط ونحط الحشوه ونثني الاطراف عليها .
– نسخن الصاجه ونحمر عليها شرائح المطبق بعدها نقطعها ونقدمها .. وبالعاافيه 
سمبوسه البيتزآ ~
المكونآت :
رقائق سمبوسه – بصله مبشوره – طماطمه مبشوره – 2 ملعقه صلصه – فطر مقطع – فلفل رومي مقطع –
زيتون مقطع – جبن شيدر –
جبن موزاريلا – طماطم مقطع مكعبات – 2 ملعقه كبيره اريقانو ..
الطريقه :
– نحمس البصل مع الطماطم المبشور مع الصلصه ونضيف عليها باقي الخضار والاريقانو وبكذا تكون الحشوه جاهزه .
حلا الهدايا
سويته من المقادير اللي متوفره عندي والحممممدلله طلع طعمه وشكله
جبت قوالب سيلكون وغطيت جدرانها وقاعدتها بطبقتين شكولاته غامقه وبعد ماجمدت حطيت عليها الحشوة
وهي في الخلاط بسكوت شاهي مكسر
4مارس صغير مذوب في المايكرويف
كيس واحد دريمويب
ملعقة طعام طحينية
شوي حليب سايل يمكن 4 ملاعق يعني احط شوي شوي لما احصل على الثقل المناسب
حطيت في القوالب بسكوت شاهي مكسر وملعقه من الحشوة وسكرتها بالشكولاته ولما جمدت قلبتها
ورسمت عليها بالشكولاته البيضاء .
مربعات السنكرس بالقرفه
هالحلا اتعععععععب وانا اقول لذييييييييييييييذ
الطبقة الاولى
كاسين وربع دايجستيف مطحون
مع اصبع زبدة ذايب يخلط مع البسكوت ويرص طبقة اولى
الطبقة الثانية
شرايح 2 سنكرس و 2 مارس
الطبقة الثالثة
في الخلاط
علبة نستلة
6 جبن كيري
بيضتين
علبة قشطة
شوي فانيلا
بعدين ندخلها الفرن من 20 – 30 دقيقه من تحت وفوق .. لما تتماسك
اخر شي نرش عليها بالمنخل قرفة وندخلها الثلاجه تبرد
بنات لايفوتكم 
كب كيك البراوني بالمارشميلو
ممكن تسوينه في صينيه كبيره او في كب كيك وطعمه
جيبي خليط براوني بالفدج جاهز وسويه في الفرن عادي
واذا استوى حطي عليه طبقة مارشميلو الحجم الصغير
ودخليه الفرن وهو حار دقيقتين بس لما شوي يذوب المارشميلو وشوووي يتحمر
طلعيه من الفرن وخليه على جنب
الخليط اللي فوق عباره عن
فول سوداني ونوتيلا وبسكوت مطحون
قوالب الشوكولاه ..
جيبي الورق العادي حق الكب كيك
*وحطي كل ورقه داخل صينيه الكب كيك
ذوبي شوكولاه خام وجيبي فرشه وادهني الورقة
*وودخلها تبرد
*وبعد شوي طلعيها واعيدي الكره بعد تسخين الخام وسوي هالطريقة اكثر من مره لين تصير عندي طبقة سميكه
تقريبا ثلاث طبقات تكفي ..
*اذا صار طبقة سميكه لان لو ما اسوي هالطريقة كم مره بتصير طبقه بسرعه تتكسر
بعدها سوي هالحشوة ..
*كيك مفتت فوقه توفي فوقة بسكوت اريوا مفتت ولا اي كاكاو
دخليها الفريزر تجمد وقبل لا تاكلينها طلعيها قبل بعشر دقايق زينيها زي ماتحبين ..
واستمتعي بالطعم
طبقات الكيك بالتوفي
4 بيضات – كاس ونصف سكر – ثلاث اربع زيت -كاس حليب – ربع كاس مويه
3 كاسات دقيق – 3 ملاعق بكنق بودر
فانيلا
اقسميها قسمين .. قسم حطي معها شوكولاه بودره وقسم خليها زي ماهي ..
صبي طبقة سخيفة من خليط الكيك ودخليها الفرن ..بعد ماتزين من تحت وفوق ..
صبي طبقة قليلة من الخليط البني ودخليها الفرن من فوق .. وهكذا مره ابيض ومره بني ..
لين تصير طبقات بهالشكل ..
زينيها بالتوفي واستمتعي بالشكل والطعم ..
كور السنكرس
عباره عن بسكوت شاي مطحون ومحموس شوي
كاس حليب باودر محموس شوي
تعجن ب تقريبا اقل من نص العلبه نستله
و نص علبة قشطة
مع كراميل ( كاس سكر وربع كاس مويه واذا صار مويه نضيف له علبة قشطة )
وفول سوداني مجروش
لما تتكون عجينة لينه
نسويها كور ونحطها على ورق بليسيه ثم
نذوب مارس مع باقي القشطه اللي هي نص العلبه ونصب منها شوي على الكور
ويبلغكم شهر رمضان وينعاد علينا وعليكم ياارب
ولا تنسوني من دعواتكم في ظهر الغيب
دمتم بوووود
.gif "Graaam (89)")
تسلمين ع الاطباق الشهيه وبصراحه كلها حبيتها
واشكالها تفتح النفس
ودي
/
أصناف منوعة و شكلها لذيذ
وكل صنف أحلى من الثاني
يعطيك العافية
يعطيك العافيه…
ودي…
مباركـ عليكم الشهر الفضييل…
وصفات اكثر من رائعه
خصوصا الحلوياااااات
أنا من عشاق حلى القهوه فقط
يعطيك العافيه
جوري لـ روحگ
يعطيك العافية
بلغنا الله واياك رمضان