مجبوس اللحم الأصلي طريقة كويتية 2024.

عطوني رايكم بهالمجبوس ..وحاولو تجربونه ويعله بألف عافيه على قلوبكم…
الطريقه:

1-نغسل اللحم عدل ونحطه بجدر على النار ونقلبه شويه على نار خفيفه ليما يطلع منه الماي

يعني حوالى عشر دقايق

2-نحمس في جدر ثاني شوية بصل وثوم وورق غار والزنجبيل ليما تطلع ريحة الحمسه نضيف

لها اللحم وشوية طماط مقطع صغار والبهارات المشكله والكركم والفلفل الاسود واعواد

الدارسين والمسمار والهيل الصحيح واللومي الاسود العدل

3-ونضيف الماي على اللحم ونخليه يطبخ على الغازعلى نار متوسطه لي مدة ساعه ونص

او ساعتين يعني تجيكين على استواء اللحم وطبعا قبل ما تتطفين النار بنص ساعه تملحينه .

-تطلعين اللحم وتكونين منقعه زعفران بماي ورد مع هيل ناعم تفركين اللحم فيه عدل مع رشه

بشوية فلفل اسود وتدخلينه الفرن ليما يتحمر

-طبعا العيش نكون غاسلينه ومنقعينه بماي دافي مو بارد ولا حار لمدة لا تقل عن ساعه

نغسله عدل ونضيفه على مروق اللحم اللي صفيناه من البهارات الصحيحه اللي فيه ونكون

شابين النار تحته علشان نجبس العيش فيه واهوا حااارونعلى على النار اول عشر دقايق

وبعدين نقصر عليه ونخليه على نار هاااديه حيل ليما تحسين ان العيش تناشف تحطين عليه

الزعفران اللي منقعته بماي الورد وتحطين قفشة اكل زيت او زبده على الوجه وتحطين الحشو

على الوجه اهوا واللحم اللي طلعتيه من الفرن ونخليى الجدر مسكر ليما يتسكرالعيش على نار

هاااديه حيل .وبعدين تنجبينه

وطريقة الحشو:تقصصين بصل صغر وتحطينهم بالمقلاة على نار هاديه وتحركينهم ليما تحسين

إن لونهم صار احمر واشقر

تحطين عليهم حوالي قفشة زيت وتحركين وتضيفين عليهم الكشمش اللي تكونين منقعته حواي

ساعه بماي دافي والنخي اللي سالقته ثلاة ارباع السلق وتحركينهم مع بعض مع اضافة الهيل

الناعم والقليل من ماي الورد وشوية لومي مطحون وملح

واذا شفتي حشوج ناشف بخيه بشوية ماي وزيت.

وهني سويت معاه سلطه خضرا ودقوس ومرقة لحم وتلاحظون

وعوااااااااافي مقدمااااا

لاتنسون الدقوس…..والسلطة………….(ملاحظه والله ماعرف أحط الصور جان صارت تحفه)

،،