ما تخبئه الايام/ بقلمي

وعد : اوكي لا تتأخرين .

رغد : لا يلا اكاني دقيقه بالبس و بايي .

و نزلت وعد و وقفت عند الباب و طبعن الكاب منزلته على ويهها عشان مايجوفها احد من الجيران ..

و رغد لبست و بسرعه نزلت و هيه تقول : يلاا مشينا .

وعد : اقول رغود !
رغد : هــآآآ !!؟

وعد : مو كأنه فشله نخلي البنيه توصلنا و ترجعنا !

رغد : اووووو اووووو وعود اختي تقول جي .. اقوول امشي بلا فشله بلا خرابيط و بعدين البنيه فاهمه

وضعنا و انا ماغصبتها انها تودينها و اهيه حبت تساعدنا .

وعد قعدت تطالعها و تقول بصوت خفيف : اييه .. اشكره من الحنة .

رغد سمعتها و جافتها بس ما عطتها ويه لي ما وصلوا لي بيت مروة .

رغد اتصلت على مروه : الوو مرووه انا عند الباب ويا وعود .. عاد لتستغربين من اشكالنا التحفه .

مروه و هي تقول حق روحها : بل بل ما صرفتني اتكلم .

نزلت مروه بسرعه و طلعت عند الباب .. تلفتت يمين يسار و هيه تقول بصوت خفيف: ( وينهم ذلين مب

وقتهم احين ) جافت يم سيارتها صبيين واقفين !

راحت لهم و سألت رغد عبالها انه اهيه صبي : اممم لو سمحت .

رغد و هيه تخشن صوتها : نعم !! ممكن اي خدمه ياا .. ياا حلوووة !

مروه و هيه تقول ف نفسها ( افف شيبي ذي ) و لفت عنه و هي تكلم وعد : انت ماجفت بنتين كانو

واقفين هني صوب الباب !!

وعد بصوت خشن شوي و تضحك : اممممم اي يمكن .

رغد : شدددددددعوووه .. ماتعطينه ويه يالقمر .

مروه وصلت حدها و راحت بتدش البيت معصبه من هالصبيين !!

بس بسرعه راحت لها رغد و هيه تضحك و تقول : هههههههههههههه .. لالا تعاالي مرووي انه رغود

مروه لفت عليهم و هم ميتين ضحك و قالت : انتي رغود و من هاذيج !!؟

رغد : هاي وعود يعني من غيرها .

مروه تمت تطالعهم من فوق لي تحت : انا ابي افهم شسالفه الثياب الرجاليه !!؟

وعد : عشان محد يعرفنا و ماننكشف عند امي و بعدين بتصير قضيه طويله و عريضه .

رغد و هي تكمل عليها : مثل ما انتي عارفه ((و قالت و اهيه تتنهد )) امي جذي من يوم كنا صغار

على هالمعامله .

مروه ماحبت تجوفهم جي و قالت عشان تضيع الموضوع : يعني ناويين توقفون هني مثلا !!؟

وعد و رغد : لالالا يلاا خل نروح قبل لا ترجع امي .

و ركبو السياره و راحوو للمجمع .

………………………………………….. ………………………………………….. ………………………………………..

و من جهـــــــــــــــــــــــه ثانيه !!

و بالتحديد في مجمع السيتي سنتر صوب محل ( ZARA ) ! كآنت العنود ويا بنتها لولوة يتسوقون في

هل المحل .

و بنفس الوكت كانت مروة توها اموصلة رغد و وعد الستي .. اله وعد تقول حق مروة : حياج نزلي ويانا

مروة : لا وين أنزل !! لو أحد يجوفني وياكم شبيقول !!؟

رغد سحبت وعد و مشت و قالت : أوك يلا باي بنتصل فيج بعدين .

و مشت مروة عنهم .. دشوا الستي رغد و وعد و اهمه امنزليين الكاب على ويوهم عشان محد

يعرفهم .

و اهمه يمشون صوب بنك بيري .. مره وحدة رقعت رغد بجسم ضخم خلاها تطيح بقوة على الأرض !!

وعد لفت عليها بخوف و بصوت واطي : رغوده تعورتي !?

رغد و اهيه على الأرض متألمة شوي : آآآآآخ راسي !! بشنوو رقعت أنا !!؟

رفعت راسها و اله اتجووف جدامها آدمي جسم ضخم و ملامحها اشوي تخرع !! رغد بقت عيونها و

حدها خايفة يطيح الكاب الي عليها و يبين شعرها الطول بس ما بينت خوفها .

بس رغد على طول قالت له : سـ…ســ…سـوو..سووري !

و جان يقووم و يرفعها من فانيلتها !! و وعد اتجوفها و موب عارفة شتسوي !! و يقول حق رغد و اهوه

معصب : يا العمي ما اتجوف جدامك !!!؟

رغد و اهيه اتحس روحها مخنوقة من رقبتها و ما تقدر تتكلم و تحس أن الفانيلة الي عليها بتنفصخ

و بين بطنها شوي .. قالت له : لا .. لا .. بــ..س..

و قطعها و قال : و يبس انشاء الله .. والله لا اراويك الحين !! أما خليتك تندم .

رغد قاعدة تطالعه و مو عارفة شتسوي .. أما وعد عيونها مليانة دمووع اشوي و تصيح .

و تيمعوا الصبيان حواليهم و قعدوا يقولون : اييي حموود يله راوه لا تخليه يروح !!

للعلم الشاب الي رقعت فيه رغد اسمه ( محمد ) "

و توه بيعطي رغد بووكس على ويها !! و وعد توها يتصرخ من كثر ما اهيه خايفة على رغد ! و رغد

خايفة من الي بييها منه و امغمضة عيونها لنها مستسلمة للوضع الي اهيه فيه .

جان ……………………..

………………………………………….. ………………………………………….. ……………………………………

في بيت عووود واايد واايد .. فخم و اللي يجوفه من برع يقول واااو بصرااحه عجيب !!

و هاي بيت كفاح عقب 12 سنة .

لولوه بنتها كبرت و صارت في نفس عمر التوام و عيالها الصبيان كبروا و اهمه :-

سيف صار عمره 17 سنه و بقى له سنه و يتخرج و يدخل الجامعة و أهوه عنده طموح يصير دكتور ،،

أما صقر فهو أكبر من سيف بسنتين يعني يدرس بالجامعة و يبي يصير مهندس ،،

و أكبرهم عمر ( عمره 28 سنه ) ولا عمره فكر بالزواج بس كفاح دايم تحن عليه يتزوج .

كفاح : لولو !! نزلي و نزلي صقوور و سيفوو وياج .. قولي لهم العشا جاهز .

لولوة : انشاءالله يمه .. بس عمر وينه !!؟ ليكون بعد مابيتعشى ويانا ..!؟

كفاح : لا والله اليوم بيتعشى ويا ربعه .

لولوه راحت دشت على صقر و هي تقول : صقوور بسسك سؤالف في الفون كله مغازل ويا هالبنات

مادري شحابين فيك !! أموت و اعرف ليش !!؟

صقر و هوه يأشر لها أنها تسكت .. بس أهيه راحت و صرخت ف أذنه : إمممي تنطرك تحت خل تتأخر

ثواني أنا أراويك !

و طلعت و راحت دشت على سيف .. ابتسمت و قالت : اوويه على أخوي .. إيي هذا الأخو السنع

اللي بيرفع رأسنا .

طبعن سيف يحب الدراسة وأيد .. رفع رأسه و قال بنفس ابتسامتها : هلا لولو تعالي قعدي .

قالت له : لا بس ييت أقولك أن أمي تنطرك على العشئ .

قال لها : آوكي دقايق و إيي بس أكمل هالصفحه .

يأت عنده لولوه و سحبت الكتاب و أهيه تقول : بسسك بسسك قلنا شاطر توني أمدح فيك عاد مو

تزودها .. قووم تره أمي بتعصب .

قـآم سيف و اهمه متملل و يتأفف .. و نزلت لولوه و سيف .

نرؤووح حق صقر ،، صقر و أهوه يكلم نوف : حبيبتي يلا أنا بأصكه عشأان أمي ماتعصب لأنها غثتني

من إمساعه تحن فوق رأسي .

نوف بدلع : لا لا مابي ما شبعت منك .

صقر صكه ف ويهها و نزل راح قعد على الطاولة لنه الكل ينطره .. و الأب كان بالخارج يشتغل بس

كان يزورهم من فتره لي فتره .

صقر قعد جدام لولوه .. و يم لولوه سيف .. و الأم ف الوسط .

كفاح بشده : صقر لييش تأخرت مو كاني طرشت لولوه عشأان تناديك تنزل !!

صقر توهق و توه بيتكلم إلا سمع لولوه تتكلم بصوت خفيف : ايه أكيد بيتأخخر دامه لاهي مع حبيبة

القلب.

صقر رفس ريلها بالقوه و هوه يرقع الموضوع : إيي .. ههههه بس كان رفيجي حمود متصل يسأل

عني .

لولوه صرخت : آآآي آآآي آآآي .. يمه جوفي ولدج قاعد يرفس جنه مو عاجبه كلامي .

سيف : افف إنتو بتسكتون و الله شلون ..!؟

كفاح بعصبية : بسكم و سمو بسم الله و أكلو عسئ تهدون شوي .

الأجواء بالخارج ممطرة ( ريااح و أمطآآر و رعد و برق …الخ ) فجأة !! أبرقت السمااء و سكت الجميع

و طفت الكهربا في بيت كفاح !!!

لولوة و هي خايفة : امبييي يمه ! شصار !!؟

صقر : نيآهاهاهاهاهاهاها .. و قال بصوق قويي بوووووووووووووو !!!

لولوة صرخت !! : آوووو يمه جووووفي صقووور .

كفااح : صقر يووز عن اختك و روح جووف شسالفة الكهربا .

سيف : اتوقع انه هاي من المطر أو انه صادنه شووط ( التماس كهربائي ) .

لولوة : لا اتفلسف علينا و قوم ويا اخوك وعدل الكهربا .

طلع صقر و يا سيف برع و الجوو كان حده مغييم و المطر يطق بقووووة !!

صقر : بييييي اشلوون الحين بنعدل الكهرباا المطر يفلت بقووة .

سيف : قوم وخر خل اشغلها … و يود صقر من يده و سحباه عشان يشتغل !

سيف مندمج يزعم الحين يعرف يشغل الكهرباا و صقر قاعد يراقبه وهو يقول : احين انا باعرف انته

شسوي ..!؟ من مساعة قاعد اتعبث !! انا ذبحني المطر قاعد يطق بقووة !!

سيف طنشه و ما رد عليه … و صقر بعد سكت و خلاه يكمل شغله .. و اهمه مندمجيين في الشغل

على اساس يشغلون الكهرباا .. و عقب وكت طوويل سيف رجع على ورى و اهوه يقول : اففف هاي

يبيله عمر اخووي ايي لنه اهوه الي يعرف يشغلها كل مره .

و فجآة و اهمه يحاولون يشغلون الكهرباا يه احد من وراهم و قال : ………………….. بعدين بتعرفون !

………………………………………….. ………………………………………….. ………………………………………..

في الستي و بالضبط صوب محل بنك بيري حيث هوشة رغد هناك !!

و جـــــــــــآآن !! راشد ايي من وراه و ايود يده بقوه و يلفها و اهوه يقول : انته هي شفيك .. الولد مب

قاصد يدعمك بس تعال و طق .. افف ناس ماعندها إلا تتمشكل مع غيرها .

وعد انصدمت ان راشد اللي واقف جدامها و في نفس الوكت حست بأمان على الاقل بيوقف الصبي .

رغد نزلت الكاب على ويهها عشان مايعرفها .

محمد : و انت شلك شغل انا و الصبي .. ( و هد رغد و طاحت على الارض لانه كان رافعها فوق و

التفت على راشد يبي يطقه .. قامت رغد عدلت روحها و يات لها وعد تتطمن عليها .

راشد لف بدون مايعطي محمد ويه .. و توه بيطقه الا رغد تقوله : هي انت .. سالفتك معاي انا على

ماعتقد مب معاه .

وعد تقول لها بصوف خافت : شتسوين يا المينونة !! الحين زين افتكينا منه بعد تردين !!

رغد تقولها : انتي مالج شغل .

محمد لف على رغد : جوف ان ماسكتت باعلمك الشغل عدل .

رغد لفت على وعد و هيه تقول : امممبيي واااي يمه يمه خفت خشني عندك .

وعد مستغربه منها و قاعده تجوفها ولا كأنه هامها اللي بيصير فيها .. و الناس يطالعون الهواش و

يضحكون على رغد .

راشد لف و هوه متأكد انه سامع الصوت من قبل و عارفه زين بس راح يبي يجوف من صاحب الصوت ..

دش ف النص الا انصدم ان اللي يتكلم الصبي اللي من شوي كان في يد محمد و وقف عشان يطالع

ملامح ويهه اللي ماتبين بسبب الكاب .

محمد عصب من حركة رغد و لف على شلته و قال : شباب شباب .. هاي جنه متسبب على روحه

اليوم مايدري اني باكسره عقب شوي .

و قام دز رغد بالخفيف بس بما ان جسم رغد ضعيف ف بالنسبه لها الدزه قويه و كانت بتطيح بس وعد

يودتها .. وعد : اخوي ممكن توخر عنه لان ماعنده وكت حقك و حق هالهواش .. ف ممكن تبتعد !!

راشد بعد يعرف هالصوت و متأكد متأكد انه سامع هالصوت و كان الصوت ناعم مايطيح عليه صوت

صبي .. بس وقف ينطر لين ماتخلص السالفه عشان يروح حق الصبيين و يجوف اشكالهم .

محمد قال بستهزاء : لا ارجوك عاد انا اللي فاضي حق اشكالك .. قوم عني زين ( و قبل ليروح تفل ف

الارض و قال : هه ناس وصخه .. و مشى و ربعه وراه

رغد : انت …

و بسرعه قاطعتها وعد و حطت يدها على حلجها : بس سكتي .. كفايه اللي صار احين يعني تبين

تتكسرين زوود !!

رغد : افف وعود هديني عليه خل اعلمه السنع .

و الناس اللي كانو حواليهم تفرقو ماعدا راشد اللي قال حق ربعه ينطرونه في الكوفي .. و كان واقف

ورا رغد و وعد و سمع كلامهم و قال في نفسه : معقووله هاي رغد و وعد خواااتي !!!!!!!!!!!!!!؟

رغد و وعد حسو بشخص قاعد يراقبهم لفو على راشد و على طول خشو ويوههم و توهم بيمشون الا

راشد يود وعد و قال بتردد : و..وعــ… وعــــــــد !! انتي وعود اختي ؟

وعد تمت ساكته و تطالعه .. و على طول رغد تحجت و قالت : لــ…لــاا !! غلطان اخووي .

و لاحظ ملامح ويهها و عرفها زين .. عشان يتأكد قام يودها من ذقنها و رفع راسها له و رفع حواجبه

و تم يطالعها بنظره و على طول ابتسم .. قال بثقه : لااا مو غلطان انا صح رغد .

رغد و وعد تمو يجوفون بعض و نزلو ويوههم من الفشيله .

راشد ماخلاهم يتكلمون و قال : باسألكم سؤال .. ليش انتو هني !! ( و طالع الثياب و قال :

لحظــــــــــــة !! مو كأنه هاي ثياابي !!

وعد انفجرت ضحك و رغد و هيه تقوله : شرايك يعني ..!؟

قعد يتضحك على شكلهم اللي كانو الثياب واسعين عليهم شوي و قال : انزين ماجاوبتوني .. اشلون

ييتو هني !! يلا يلا بسرعه تحجو لتلفون و تدورون بالحجي .

وعد على طول جافت رغد و هيه تقول : انا مالي شغل مالي شغل .. كلم اختك .

رغد طقتها على جتفها و قالت لها بصوت خفيف : جب جب انتي بعد لتفضحيني .

راشد : احم احم يلا تكلمو شفيكم ساكتين و تتسوسرون !!

رغد لفت عليه و قالت : هاا .. هههه ايي لاا .

راشد : شنوو اللي اي لاا !!

وعد سوت روحها بريئه و قالت : رشود اسمع انا ماكنت ابي ايي بس اختك اللي خلتني ايي و

غصبتني ايي معاها .. اتصلت حق رفيجتها و خلتها توصلنا عشان نشتري ثياب حق الشتا .

رغد بطلت عيوونها بقوه و قالت : اناااااااااااااا !! اناا غصبتج يالعياره .. و لفت على راشد و قالت : رشود

معليك منها بس احنه كنا نبي نشتري ثياب الشتا و محد يودينا و انته جفت امي شقالت لنا من جي

قلت حق مروه رفيجتي اتييبنا و نلبس هالثياب عشان محد يشك فينا او يعرفنا .

راشد : كله هااي منج انتي !! لو انا ماييت جان شصار فيكم .

رغد : بعد شنسوي ماكان عندنا حل غير ان نيي بروحنا .

راشد : لو قايلين لي جان وديتكم .

وعد : و احنه شدرانه عبالنه انت في البر ويا ربعك .

راشد : لا بس كنسلنه لان الجو صار مغيم و الحاله حاله .. المهم شريتو لكم شي !!

رغد : لا و الله كله من ذي خرب علينه .

راشد : انزين يلا امشو عشاان تشترون و ارجعكم البيت قبل لا توصل امي البيت قبلكم .

و مشو رغد و وعد ويا راشد اخوهم اللي يحبونه لان دايم متفهم معاهم عكس العنود مرت ابوهم

و اهمه عبالهم امهم .

………………………………………….. ………………………………………….. …………………………………….

في بيت كبييير و وااسع جداً !! حيث تسكن ريم و زوجها وليد هناك .

لما كان المطر يطق بقووة و غزيييير واااايد !! لدرجة انه داخل البيت ينسمع الصوت ( لنه محد فيه غير

ريم و وليد و الخدم ) .. كان الهدوء و السكون المعتاد يملئ المكان ماعدى صوت المطر المتساقط .

كانت ريم قاعدة تطالع المطر و اهوه يتساقط من الدريشة و هي تفكر و تقول في نفسها ( ياربي انا

ملييت من حيااتي !! ليش ياربي انا !! لييش انه عقييم من بين كل هل الحرييم !!؟ استغفر الله هاي

كتبة ربي ما اقدر اعترض عليها !! لكن حرام اشذنب وليد يتم بدوون عيال .. انا لازم اتصرف و اقول له

الموضوع الي شاغل بالي ) .

قامت و راحت حق ريلها وليد الي كان في المكتب ماله .. طقت الباب .

وليد و اهوه يقره الجريدة : تفضل ..

دشت ريم و قعدت عل الكرسي و تمتت ساكته : ……….

وليد هد عنه الجريدة و قعد يطالع ريم و قال : حيا الله من يانه !

ريم ضحكت و قالت : الله يحييك .. عقب تنهدت و قالت له .. وليييد !

ولييد لاحظ تغير نبرتها : هلا .. فيج شي ريم ..!؟

ريم و اهيه موب عارفة شتقول : امممم ايــ..ــيي .. وليد انا خلاص قررت … و سكتت

وليد استغرب : قررتي شنوو ..!؟

ريم :…………………………………………. ……..

انتهى البـــــــــــــــــــــــــــــــــــــــارت