حبيت أشاركم بهذه الرواية و هي أول رواية ليا فا أتمنى انو تتفاعلوا معايا و تقوليلي رايكم
و أسيبكم مع الرواية
القصة في مدينة جدة
تعريف بشخصيات القصة:
عائلة ابو راشد:
أبو راشد (محمد): أكبر واحد من أخوانه من أكبر تجار البلد وأب لثلاثة عيال
أم راشد (فاطمة): طيبة و ما لها في الدنيا غير عيالها و زوجها
راشد: أكبر واحد عمره 25 سنة يشتغل مع أبوه في الشركة لونه برونز جامد شوية مو مرة رومنسي طوييل ووسيم و عنده جاذبية شديدة و عيونه سدة ماشية مع لون شعره.
فيصل: عمره 22 سنة يدرس في آخر سنة في CBA طويل و جسمه حلو معضل دمه خفيف و رومانسي جدا و عيونه عسلية و شعره فاتح.
هديل:دلووووعة مرة عمرها 18 ثالث ثانوي عيونها سودا و شعرها أسووووووود.
عائلة أبو خالد (عبدالله):
أبو خالد(عبدالله) : عنده شركة خاصة بيه و يتاجر في السيارات مريض بالسكر و الضغط و أب لبنت وحيدة وولد
أم خالد (هدى): تشبه في صفاتها أم راشد و هما صاحبات من زمان و أسرارهم عند بعض.
خالد: عمره 26 سنة يكمل دراسات عليا في قسم الهندسة في لندن عصبي بس قلبه كبير و ما يحب أحد يزعل منه و اذا حب يحب من قلبه.
نور: 20 سنة تدرس في دار الحكمة interior design جميله و حلوة مرررررررررة و عليها جمال رباني يطير العقل.
و أخيرا أخر عيلة
عمار: أصغر أخوانه و عنده شركه مستقلة و أب لبنت وحدة.
ريم: زوجة عمار و أم لبنت واحدة و خلفت ياسمين و بعدها ما خلفت رادة الله.
ياسمين: 18 سنة في عمر هديل و هم صاحبات من زماااان و اتربوا مع بعض دلوعة أبوها و أمها لونها برونزي و طويلة و عيونها خضراء في جمالها تشبه الايطاليين.
البارت الأول
أبو راشد جالس في الصالة يقرا جريدة و أم راشد جالسة تتفرج تلفزيون دخل فيصل.
راشد: صباح الخير يبه، صباح الخير يمه
أم راشد و أبو راشد: صباح النور
راح حب راس أمه و أبوه
أم راشد:فيصل
راشد: نعم يمة
أم راشد:روح صحي خوانك عشان يفطروا
فيصل بابتسامة خبث: ان شا الله يمه.
طلع للدور اللي فوق راح غرفة أخوه راشد و دخل بشويش لقا أخوه نايييييم في سابع نومة صب ماي بارد من الطاولة الللي جنب السرير و قرب من أخوه و رفع البطانية من وجهة و صب الموية في وجهه.
راشد: آآآآآآآآآآآآآآآآآآآآآآآآآه وش ذا
فيصل: ههههههههه قوم يالعود
راشد استوعب اللي حصل و قام يجري ورا أخوه
راشد: أنا أوريك يالكلب ان ما وريتك ما يكون اسمي راشد
فيصل: هههههههههههه و الله خلاص توووووبة هههههههههه
دخلت هديل: الواحد ما يعرف ينام في ذا البيت الله يهديكم بس.
هدأ راشد : حعديها هاذي المرة بس عشان هديلو دخلت و لا عاد تكررها اطلعوا برة أقول.
بسرررعة طلعوا فيصل و هديل ونزلوا لتحت
هديل: صباح الخير
أم راشد و أبو راشد : صباح النور
أم راشد: هديل اليوم بنروح عزومة عند عمك بو خالد عشان خالد رجع بالسلامة و انتا يا فيصل و أخوك بتجون عزومة الرجال.
فيصل: طيب يمه بقول لراشد
دخل راشد وهو معصب
راشد: صباح الخير
أم راشد: وش فيك راشد ليش معصب؟
راشد: اسألي ولدك ذا يكب ماي علي عشان يصحيني لو عادها ما راح يصير له طيب.
أم راشد: ليش كذا يا فيصل خلاص امسحا في دي المرة.
راشد عابس: لا يمة ماصار شي بس لا يعيدها.
فيصل راح حب راس أخوه: خلاص حقك علي و ما راح أعيدها.
الساعة 5 في بيت بو خالد
أم خالد: نور يمة قولي للخدم يجهزوا أشيا الضيافة و يلا تجهزا الناس حيجوا الساعة8
نور: طيب يمة.
و راحت قالت للخدم و طلعت غرفتها تلبس
في غرفة جنب غرفة خالد
أتى اليوم الذي سأراكي فيه مرة أخرى , لا زلت أتذكر أول يوم رأيتك فيه قبل سفري، لا زلت أتذكر ضحكتك، و أنتي لم تلاحظيني و لم تلتفتي الي لا زلت أتمنى ذلك اليوم الذي يجمعنا فيه سقف واحد, و لكنني خائف من رد فعلك عندما أخبركي بحقيقة مشاعري اتجاهك ، أخاف رفضكي لي، لأنه قد ينهي حياتي آآآآه كم اشتقت الى لقياكي.
قفل خالد الدفتر الأزرق (دفتر خواطره) و حطاه في درج و قفل عليه بالمفتاح سمع صوت دق
خالدبصوت مبحوح : مين؟
هديل: أنا هديل ممكن أدخل؟
و أذن لها خالد و دخلت
هديل: وش فيه صوتك ؟ و ليش ما لبست الناس بيجون دحين عشان يشوفوك؟
خالد بصوت جامد: ما في شي ارهاق سفر بس.
هديل: طيب أسيبك تلبس بااي.
قام خالد و اتمدد على السرير كانت الساعة 7:30 قام خدله دش و طلع و لبس و شاف شكله في المرايا وو
دق الجرس.
نهاية البارت الأول
ايش توقعاتكم للبارت الجاي؟؟ و مين البنت اللي ميت فيها خالد؟؟ و ايش حيحصل في الحفلة؟؟
ملاحظة:
معليش البارت قصير عشان أول واحد و أبغى أشوف رد فعلكم و أكمله و لا لا
ايش ردودكم؟؟؟؟؟؟ .gif "Graaam (133)")
بســـم الله
و عليكــم الســلآم و رحمــة الله
يعطيك العــافيه
موفقـه إن شــاء الله بروايتك الأولــى
قوانين قسم الروايات / تحديث جديد 23 / 1 / 2024 ~ الإطلاع هام و الإلتزام ضروري ~
هلا وغلا
بالتوفيق ان شاء الله
نورتينا
..,
وعليكم السلام والرحمه
الله يعطيك العافيه
موفقه ان شاء الله
,’
بدايــه مشووقــه خيتـــو
نشووفكـ في البــارت التـــاني
:-)Smile(-:
وعليكم آلسلآم ورحمة آلله وبركآته
يآهلآ فيك عزيزتي
موفقه بآذن آلله
منوره آلقسم عسوله ^،^
.,,.
في البداية أحب أشكر الجميع اللي قرأ و اللي رد على الرواية مشكوورين ^_^ و هذا البارت الثاني
البارت الثاني
في بيت أبو خالد في مجلس الرجال الساعة 9
أبو راشد و أبو خالد و أخوهم عمار و راشد و فيصل و خالد كانوا جالسين
أبو راشد: حمد لله على السلامة يا خالد يا ولدي
خالد: الله يسلمك عمي
عمار: خالد خلاص أول ما تتوظف تدورلك على عروس عشان تستقر
خالد نزل راسه و ابتسم: ………………..
فيصل بخبث: يا هو يا للي يستحو ههههههه
الجميع ضحك الا خالد
خالد في نفسه: أنا أوريك يا فيصلو
الكل كان مستانس أنو خالد رجع بالسلامة و حيستقر معاهم
عند البنات
هديل: أووووووووووووف و الله طفش
ياسمين و نور: ايه و الله
هديل: و ايش رايكم نلعب كوتشينة
نور: من جدك بلا شغل بزارين أنا خلاص مليت هاذي اللعبة
هديل: اممممممم طيب واش رايكم نلعب واحد طش.
ياسمين: ههههههههههههههه
نور: مو قلنا بلا شغل بزارين
هديل: مو عشانك أكبر واحدة فينا تتكبرين علينا و على ألعابنا
نور: أجل اللي يسمع هاذا الكلام يقول انكم في الابتدائي يا بنتي انتو السنة الجاية جامعة تحسبون نفسكم صغار
ياسمين: يلا نور خلينا نلعب واحد طش
نور: أوووووووف طيب يا الله
اتفقوا أنو هديل اللي تدور عليهم (عشان هي صاحبة الفكرة) 🙂
نور طلعت الدور اللي فيه غرف النوم تستخبا في واحدة فيهم
و ياسمين نزلت بسرعة في الحديقة تستخبى
خلصت هديل العد و طلعت فوق
هديل في بالها (أكيييييد وحدة منهم فوق)
و فتحت غرفة أبو و أم خالد
هديل في نفسها (ماهم هنا أكيييد وحدة منهم في غرفة نور)
و دخلت غرفة نور
هديل تدور و لقت نور مندسة ورا باب الحمام
هديل تضحك: هههههههه دا مكان أحد يندس فيه
نور معصبة: قلتلكم ما أبغى ألعب
هديل: هههههه طيب وين ياسمين
نور: أنا شفتها نزلت تحت أكييييييد اندست في الحديقة
هديل: يا الله ننزل
نزلوا الاثنين لتحت وكل واحدة تدور في جهة
طلع خالد برا المجلس حاسس انو دايخ و تعبان من اجهاد السفر ليه كم أسبوع ما ينام زين
خالد في نفسه : أأأااااااااه ويش أسوي في المشاكل اللي مبتلي فيها الله يستر بس
سمع صوت جاي من جهة البيت خالد استغرب راح لجهة الصوت.
كانت تجري بأقصى سرعتها و هي تناظر ورا و لما لفت خبطت في شي ضخم وطويل
طاحت على الأرض سمعت صوت يقول: أنا آسف و شخص مدا يده
اتفجعت و قلبها صار يدق ياسمين في نفسها: هاذا صوت رجال منو دا؟؟؟؟؟
خالد ساكت : هاذي ياسميييين أخيرا شفتك
خالد: ياسمين
ياسمين على طووووووول قامت و صارت تركض من محل ما جات
ياسمين لقت البنات ووقفت عندهم و هي تلهث ووجهها أحمممممممممر
هديل مفجوعة: و شفيك بسم الله عليك وين كنتي؟
ياسمين مو قادرة تاخذ نفسها
نور سحبت ياسمين للمدخل و قالت: خليها تاخذ نفسها و تقولنا وش صار
خالد رجع المجلس وهو مبتسم و مستانس ما حد انتبله كله كان يتكلم جلس جنب فيصل
فيصل طالع فيه و قال: و شفيك مبتسم
خالد: ها لا ولا شي بس افتكرت شي يضحك
فيصل: ضحكنا معاك
خالد: لا ما في شي
فيصل: طيب حعديها لك ذي المرة بس لأنك ما ليك الا يوم
عند البنات
نور تضحك: ههههههههههه طيب وش فيها خبطي في أخوي خالد وش يعني
ياسمين تطالع فيها بحقد: ………………………………..
هديل: لا بس هي خبطت فيه بقوة
ياسمين بدأت تبكي : أكيد شكلي غبي
نور: يا بنتي عادي أنا أكلمه و أقوله انو ما كان قصدها عادي ما صار شي
نهاية البارت الثاني
وش رايكم في البارت ؟؟؟؟ و ايش توقعاتكم للبارت الثالث؟؟؟؟؟؟؟؟
انتظروا البارت الثالث عن قريب
البارت الثالث
صحي خالد من النوم مبسوط ومستانس ليه أسبوعين مداوم في شغله الجديد في احدى الشركات الكبرى (ما رضي يشتغل مع أبوه أو أحد أعمامه)، قام بكسل ودخل الحمام يتروش
في قصر بو خالد تحديدا غرفة المعيشة
دخل خالد وعلى وجهه ابتسامه، لقى الكل صاحي وجالسين في الصالة
خالد: أوووووه ما شاء الله أشوف اليوم الكل قايم بدري
ناظرت نور الساعة لقتها 10
نور: انتا اللي صاحي بدري
نور وابتسامة خبث: يا للي شاغل بالك يا معرس ههههههههههههههههه
الكل: هههههههههههههههههه
خالد: أقول اسكتي ومالك دخل انتي
لف خالد على أمه وقال: يمه متى بنروح لبيت عمي
أم خالد: بعد العشاء ان شاء الله
خالد:أها عشان عندي مشوار وبعدها أمركم ان شاء الله
الساعة 9 في قصر بو ياسمين
في غرفة ياسمين ،، ياسمين جالسة متوترة ومعاها هديل ونور
هديل: هههههههه و الله شكلك تحفة يبغالك صورة
وقامت أخدت الكاميرا وراحت تصور ياسمين
ياسمين: مرررررررررة مو وقتك أنا فين وانتي في
سمعي دق في الباب قامت نور قتحت الباب
نور: أهلين خالتي تفضلي
دخلت أم ياسمين وهي تطالع في بنتها وهي حزينة بنتها الوحيدة بتفارقها دمعت عيونها، قامت ياسمين تحضن أمها لا يما لا تبكي ما أقدر على دموعك ، دمعت عيون ياسمين مسحتهم على طول، بعدت الأم عن ياسمين وناظرت بنتها و في وجهها ابتسامة
أم ياسمين: يا الله يا بنتي أبوكي يقولك أنزلي عشان تقدمي العصير للعريس
ابتسمت ياسمين بخجل ونزلوا تحت هي وأمها و البنات
و أخدت الصينية ودخلت ولقت وطالعت على نور وهديل وهما يشجعوها ، دخلت وقلبها يدق
أول ما طالع خالد فيها وقف
خالد في نفسه: ما شا الله ايش هادا الجمال
ووزعت ياسمين العصير على أبوها وأعمامها والعريس، وجلس في الكنبه اللي جنبه، ماهي قادرة ترفع راسها مكسوفة
خالد مبتسم: أهلين ياسمين كيفك؟؟
ياسمين: …………….
خالد: ههه وش فيك مستحية تستحي مني أفا
خالد: ما أقدر أنا على الناس اللي يستحوا
قامت ياسمين وقف خالد
خالد: بدري على وين
مشيت ياسمين وطلع ومشيت وما عبرت البنات طلعت فوق وقفلت الباب
هديل: هههههههههههههه
نور:هههههههههههههههه لو هي كدا تتكسف الله يعينها من أخويا
قبل الملكة باسبوع
البنات في شارع التحلية تحديدا في أحد أسواق التحلية
هديل: أووووووووووووف و الله تعبت خلونا نرتاح
نور: يا الله خلونا نخلص باقيلنا شوية
ياسمين: طيب بعدها نروح لفة في جدة مول يقولوا في أشياء حلوة هنالك
هديل: يا الله خلاص طيب بس بسرعة
واحد وصاحبه كانوا يراقبوا هديل
تركي: ها وش رايك؟؟
محمد: أقوول لا تفوتها أحسلك
تركي : شكلها هبلة أنا أعرف كيف أجيبها
نور وياسمين مشيو مع بعض وما حست هديل ، شدها الفستان ومسكته تعاينه وحست انو أحد جنبها حسبته نور
هديل : نور ايش رايك في دا الفستان لياسمين ………… ومدت ايدها ومسكت الايد اللي جنبها
هديل حست انو قلبها وقف ايش اليد دي ، خشنة وكبيرة و مو ممكن تكون يد نور أو ياسمين
طاح الفستان وطالعت في صاحب اليد ، وطا الولد ورفع الفستان وعلقه وطالع فيها و هو مبتسم
تركي: أنا تركي ال………..
هديل عيونها وسعت هو من أكبر العوائل في البلد
تركي: و أنا أعجبت فيكي صراحة حب من أول نظرة زي ما يقولوا
هديل: ………………………
تركي مد ايده بكرت فيه رقمه وقال: و أنا حابب أتعرف عليكي ممكن؟؟
هديل: ……………
تركي: يعني ما حتاخدي الكرت
هديل مدت ايدها و أخدت الكرت ،
ابتسم تركي وقال: اتوقع أسمع صوتك قريب باي ،، ومشي
هديل حست بدوخة أول مرة يحصلها الموقف وما عرفت كيف تتصرف
نور: هديل ايشبك ايش فيكي؟؟
هديل: ……………….
ياسمين: هديل ايشبك ما تردي؟؟؟؟
هديل: هابس تعبانة راصي يعورني و أبغى أرجع البيت دايخة
نور خافت: طيب خلاص نكمل يوم تاني
يوم الملكة
كانت ياسمين جالسة الكوفيرة تعملها مكياج ، نور وهديل خلصوا
نور: يا الله متى بتخلصي
ياسمين : خلاص خلصت أهو باقي شوي
ياسمين قلبها يدق: الله يستر مرعوبة
هديل: هههههههههه لا تخافي خالد ما راح ياكلك
نور: بدال ما نتي كدا روحي أنزلي شوفي الوضع
هديل: أوكي
هديل نزلت وشافت المكان زحمة مرة
هديل في نفسها: ههههههههه الله يعينك يا ياسمين شكله بيغمى عليكي لو نزلتي
وطلعت فوق
نور: ها كيف الأوضاع
هديل: ههههههه الله يعين ياسمين
نور: هههههههههههه
أم ياسمين : يا الله يا بنات العريس جاي عشان الزفة
نور وهديل: يا الله باي
ياسمين تتراجاهم : لا لا بنات خلوكم معايا
هديل: ههههههه بنستناكي تحت
نور: باي
ونزلوا البنات تحت وهم يضحكوا على شكل ياسمين
الناس لبسوا العبايات وبدأت الزفة خالد داخل ماسك يد ياسمين وهو مبسوووط أخيرا تحقق حلمه
وياسمين يدها باردة وقلبها يدق بقوة
خالد طالع فيها وهمس بحنان: لا تخافي أنا معاكي ليش خايفة؟؟
ياسمين ابتسمت و مشيوا مع بعض على أنغام الموسيقى الهادئة، جلسوا على الكوشة و أم ياسمين تدعي لبنتها وهية تبكي و البنات يهدوها
ياسمين تحرك عيونها تدور على نور و هديل، طلعت صاحبتها هدى صديقة عمرها من الابتدائي
هدى وعيونها تدمع: مبرووووووووك حبيبتي الله يوفقك طالعة جنان
هديل وهي تحضنها: الله يبارك فيكي يا قلبي
هدى للعريس: مبروك يا عريس
خالد منزل راسه ومبتسم: الله يبارك فيكي
وبعدها طلعوا الناس يهنوا العروسين ، وبعدها أكلوا بعض الكيك و شربوا بعض العصير و قدموا رقصة رومانسية على أنغام رومنسية و الناس يناظروهم مبسوطين فيهم
خالد يهمس: تعرفي يا قلبي اليوم أسعد يوم في حياتي
ياسمين: و أنا كمان
خالد بخبث: و حصير أسعد ليلة الدخلة
ياسمين وجهها حمر: ………………………
خالد: ههههههههههه
نور وهديل وصاحبات ياسمين بصوت عالي: عايزين بوسة عايزين بوسة
خالد لف عليهم وياسمين تناظرهم بحقد خالد طبع بوسة في جبين ياسمين
خالد: هههههههه لا تزعلي عشان لا يزعلون
ياسمين تناظرهم بحقد: حسابهم معاي بعدين
وبعدها بعد ماراحوا المعازيم طلعت ياسمين تبدل عشان تروح مع خالد و البنات طلعوا يساعدوها
أبو ياسمين دخل ولقا أم ياسمين عيونها منفوخة من كتر البكا
أبو ياسمين: ها بشري وشلون كان الحفل
أم ياسمين بصوت مبحوح: الحمد لله كان كويس
أبو ياسمين: هههههههههه خلاص يا أم ياسمين وحدي ربك لا تبكي
نزلت ياسمين ومعاها نور و هديل
أبو ياسمين يناظرها جات تسلم على أبوها ، حبت يده وطبع بوسه في جبهتها
أبو ياسمين: و الله وكبرتي يا ياسمين الله يوفقك يا بنتي
ابتسمت وسلمت على البنات وأمها وراحت طلعت خالد كان يستناها برة
راحو لمطعم رومانسي و أخدوا طاولة في الطرف و الشموع الصفراء مضائة خافتة
جلسو قدام بعض وطلبوا الأكل وجلسوا يتكلموا و أكلوا و ضحكوا و انبسطوا
خالد: تعرفي يا ياسمين أنا مررررررة مبسوط اليوم انو معاك
ياسمين بخجل: و أنا كمان يا قلبي
خالد قام و اسمين اتفجعت
ياسمين: بسم الله وش فيك؟؟
خالد وعيونه تلمع : ايش قلتي؟؟
ياسمين وقلبها يدق: ولا شي
خالد جلس جنبها: لا لا قلتي حبيبي يا حلوها من فمك عيديها
ياسمين: خلاص يا خالد
خالد: قوليها و أسكت
ياسمين نزلت راسها تتمنى الأرض تنشق و تبلعها: يا حبيبي
خالد: لا علي صوتك
ياسمين: خالد
خالد: لا ما لي دخل
ياسمين: يا حبيبي
خالد: آآآآآآآآآآآآه يا قلبي
ياسمين خافت: بسم الله عليك وش في قلبك
خالد ابتسم: خلاص ملكتيه ما أقدر أسوي شي
ضحكوا الاثنين
خالد مسك ايد ياسمين ورفعت راسها و التقت عينها في عينه ما قدرت تنزلها
خالد: ياسمين لي 5 سنين و أنا أحبك من 5 سنين أول ما شفتك لما كنتي بايتة عندنا و شفتك تلعبي مع نورو انتي تضحكوا ضحكتك دي هي اللي سحرتني و بعدهاا قلت خلاص انتي ملكتي قلبي و اتقفل بالمفتاح و معاكي المفتاح مستحيل يفتح لأحد غيرك
خالد و ياسمين قلبهم يدق: ياسمين أنا أحبك و أموت فيكي ياسمين مو بس أحبك أنا أتنفس هواكي
ياسمين وجهها قلب طماطم ما عرفت ايش ترد نزلت راسها
خالد رفعه في نفسه : يا الله شكلها بتذبحني
لف خصرها بايده و قرب منها شمت ريحة عطره الرجولية
ياسمين: يا الله يا خالد وش كثر أنا أموت فيك و شكر أنا أحبك
حضنها خالد حضن دافي و بعدها و مسك راسها الصغير بايدنه الاثنين
خالد همسلها: يا قلبي يا ياسمين
و قرب وجهها لوجهه وطبع قبلة على شفايفها الصغيرة (the first kiss) لها طعم ثاني و و حست ياسمين انها تبغى تكون جزء منه ما تبغى تفارقه تبغى تجلس طول العمر في حظن حبيبها يهمسلها طول الوقت يضحكوا مع بعض يبوسها
و جلسوا طول السهرة مبسوطين ويضحكوا
في قصر بو ياسمين الساعة 11
دق جوال ياسمين ( صدفة ومن بين كل الناس علقني ………… من يوم شفته وعيني جات في عينه)
ردت ياسمين بكسل: ألو
نور تصرخ: ألللللللللللللوووووووووووووووو
ياسمين: وجع ايشبك
نور: ههههههههههههه كيف عروستنا و كيف سهرة أمس؟؟
ياسمين تفتكر اللحظات: آآآآآآآه يا شيخة أخوكي يجنن ويهبل
نور: ههههههههههه ما أقدر أنا ترى أغار
ياسمين: هههههههههههه أقول انقلعي أخلي خلودي يوريكي شغلك ترى ما يرضى على زعلي
نور: هههههههههه خلاص خلاص ماني ناقصة مشاكل
نور: المهم ايش رايك تيجي عندي
ياسمين بخبث: وليش لا من العصر أنا عندك
نور: ههههههههه يا خبثك يا ياسمين را أكلم هديلو أصحيها و أقولها
ياسمين: طيب يا الله باي
نور: باي
قامت ياسمين من السرير وهي مبسوطة وتغني
يسألني مكانه وين…………………. جوا القلب و الا العين
ما يدري حبيب الروح انه ساكن له سنين……. انو ساكن له سنين و يسألني مكانه وين
وراحت أخدتها دش ونزلت وسلمت لى أبوها و أمها
الساع 5 العصر في أحد كافيهات التحلية
مجموعة من الشباب جالسين
فيصل: ها تركي وين خويتك ليها اسبوعين ما قلتلنا ايش أخبارها
تركي: أقول بلا قرف غثت كبدي الله يحرقها
الكل: هههههههههههه
محمد: الا يا تركي وش أخبار البنت حقت التحلية سنتر للحين ما دقت
تركي: ايوه للحين ما دقت
راشد: ومين هذي بعد
تركي يتنهد: آآآآآآه هادي وحده شفناها أنا ومحمد في التحلية
فيصل: زينة
تركي: لا شينة
الكل: هههههههه
تركي : خبل انت أكيد زينه ما دامني رقمتها
راشد: شكلك خوفتها و ما راح تدق
الكل: هههههههههههههههههههه
………………………………………..
في دي الأثناء كانت جالسة تطالع الكرت اللي في يدها وقلبها يدق
هديل في نفسها: تركي ال………… شكله ولد ناس و الله ما أفوته
طالعت نفسها بالمراية : من جد حبني زي ما يقول من جد حب من أول نظرة
مسكت جوالها بيد ترجف و بدأت تضغط الأرقاك *******050 وعملت call
……………………………..
وصلت ياسمين لبيت نور وهي متكشخة على الأخر
نور: هلا و الله ههههههه
ياسمين: هلا ههههههههه و شفيك تضحكي
جلسوا الاتنين يضحكوا على خبالهم
نور: ها وش سويتي أمس
ياسمين: يا شيخة اسكتي أمس كان أحلى يوم بحياتي
نور: هههههه الله يهنيكم
ياسمين بقلق: الا وين هديل
نور افتكرت: قالتلي انو بتكون موجودة الساعة 5 دحين 5:30 غريبة
ياسمين: حدق عليها أشوفها فين
طلعت جوالها ودقت على هديل
ياسمين: يا الله هاتفها مشغوول الله يستر
نور: ما تقلقي أكيد في الطريق
………………………………………….. …..
كان الشباب جالسين يسولفون ويضحكوا، رن جوال تركي ، رقم غريب كشر تركي مستغرب
فيصل: ميين المتصل وشفيك ما ترد؟؟
محمد: أكيد وحدة من خوياته
الكل ما عدا تركي: ههههههههه
تركي: أقول مو وقتك انتا وياه بقوم عن اذنكم
الكل: اذنك معه
راح تركي لمكان بعيد عن الشباب مكان هادي شوي
رد تركي بصوته الرجولي: ألو
هديل اتوترت: ……………
تركي: ألو مين معي؟؟
هديل : ألو
تركي استغرب هاذي بنت: ايوة نعم
هديل: الأخ تركي ال…………
تركي: ايوة معك مين؟؟
هديل: ممكن ما تفتكرني أنا البنت اللي قابلتها في التحلية سنتر قبل أسبوعين
تركي افتكر: ايوة ايوة افتكرت اللي في محل ………..
هديل: ايوة بالظيط
تركي: أها وشلونك الحين؟؟ أسبوعين ما أسمع صوتك حرام عليك من يوم ما شفتك و أنا ما أنام الليل أفكر فيك و أقول متى بتكلمني حرام عليكي عذبتيني
هديل: هههههههههههههههه
تركي: تسلملي ها الضحكة،،،، ما تعرفنا الاسم الكريم
هديل: اسمي هديل
تركي: عاشت الأسامي يا هديل اسمك حلو
هديل: هههههههه تسلم
هديل: اسمه لازم أروح دحين عندي مشوار
تركي: خلاص بكلمك بالليل ان شاء الله
هديل: ان شا الله باي
تركي: باي قلبي
بعد المكالمة حست هديل باحساس أول مرة تحس بيه ممكن الحب بس هاذي أول مرة تكلمه كيف لحقت تحبه ممكن عشان صوته الرجولي وجلس تتذكر أول يوم شافته فيها تذكرت ملمس ايده و ابتسامته العذبة ولما مد لها ايده بالكرت
هديل تتنهد: آآآآآآآآآآآآآآآآآآه شكلي أخيرا حفتح قلبي ومشاعري لحد
طالعت بالجوال وهي مبتسمة تذكرت انو لازم تروح للبنات أكيد قلقوا عليها قامت تروشت ولبست عشان تروح للبنات
ها ايش توقعاتكم للبارت الرابع؟؟؟؟؟؟؟؟؟؟؟؟؟؟؟؟؟؟؟؟
وايش ردودكم للرواية وايش رايكم فيها؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تحياتي ليكم جميعا