هالجمله صارت تترد على السنه الناس بشكل مو طبيعي ..
فلان تغير..
فلان مو مثل قبل ..
فلان موب فلان اللي اعرفه..
الناس تغيرت معادنها ماعادت مثل قبل..
كلهم صاروا كذابين كلهم قلوبهم وصخه..
طيب ياجماعه الخير ..لو وقفنا شوي وجينا نحاسب انفسنا لدقايق
طيب مو ممكن اكون انا اللي تغير؟؟
مو يمكن انا اللي بلحظه ماراعيت مشاعر رفيقي .؟؟
مو يمكن انا السبب في بعد الناس عني؟؟
ياجماعه الخير صرنا نمتلك كميه هائله من الكبرياء وعزه النفس انسانا كل شي حتى انفسنا..
شي حلو إن الانسان يكون عنده اعتزاز بنفسه بأخلاقه بتربيه بس مو بالطريقه اللي قاعدين نشوفها الحين
الحين لو خويكـ يزل عليك بغلط واحد بس سويت بلبله ومدري وشو وفلان قال وسوا وعمل وانا عندي عزه نفس وكرامه
ومحد يدوس لي على طرف..
ولما انت تخطى تقوم تبرر لنفسك بأشياء مو معقوله .؟
معقول بس حنا اللي عندنا كرامه وباقي الناس لا..
لاعندهم بس لانهم مايبون يخسرونكـ لانهم يحبونك لانهم يخافون يمر عليهم يوم بدونكـ ..
عشان كذا يتغاضون ..
ربما يمتلكون من العزه مالا تمتلكه انت لاكنهم يغمضون عيونهم عند اخطاءك احتراما للعشره..
وبعدين مافيه اي علاقه على وجه الارض تمر دون مشاكل ..
المخلص اللي يقدر يتخطاها ..
اذا انا بأخطئ وانت ماراح تتحملني وتحاسبني على الصغيره والكبيره..؟ اجل ليش حنا حبايب ؟؟
ليش ندعي الوفاء والصدق؟؟
ليش نقول إنا مانخون؟؟
ترى كلنا بشر ..نخطي ونتعلم من اخطاءنا
الجميل ان مهما صارت معنا من مشاكل يظل الحب الصادق..
حتى لو انت غلطان برجع اعتذر ..
حتى لو بقلبي شي وعارف إنه ممكن يزعلك بقولك لاني ماتعودت اخبي شي عنكـ
حتى لو صار ومهما صار بظل اعاتبك لاني مابي اخسرك
لاني ابيك دائما جنبي..
ابيك حولي..
ابيك انت كلهم ..ابيك المختلف عنهم..
ابيك سعادتي وراحتي وهناي ودنيتي ..
ابيك صديقي وخوويي ورفيقي ووليفي ابيك اخوي اللي ماجابته امي..
ابيك سعاده ماعرفت احكيها ..
ابيك ابتسامه تنرسم على شفايفي كل ماطريت ببالي ..
ابيك نصفي الثاني ..
مابي يجي يوم واكابر وواقول إنك ماتهمني وانت الهواء اللي اتنفسه..
مابي يجي يوم و اصير اعرف اخبارك من الناس..
مابي يجي يوم واوقف حايره بين الحب والكبرياء..
اي نعم انا عندي كرامه وعزه نفس وكبرياء بس انا مع وليفي دام ماجاء منه خطأ فأنا
كلي لهـ
مشكوره على الطرح الاكثر من رائع
يعطيكي الف عافيه
قلتي اللي فعلاً صاير
بوقتنا هذا
كلامك ذكرني بمثل يقول
اللي يبي صحبه صاحبه تدوم يمضي أخطائه
ولا به حد ما يخطى
وعلى فكره بين الحبيب مافيه كرامه
ولا وش فايده الحب
الحب بكل انواعه مشاعر مبسطه شعاره الميانه النابعه
من الألفه المحسوسه بين الأرواح
فعلاً ابدعتي ياذوق
أبدعــت حقـا
ودي وكل احترامي
وهمسات تعاصر واقعنا المؤلم
أسيرة الأحزان
عوافي ع الطرح الرائع
يسلموووو
روووعه كلامتك
في الصميم 🙂
بأنتظار المزيد من ابداعك
ودي لك