ليش ذاب الصدق بقلوب الرجال

ليش ذاب الصدق بقلوب الرجال ؟

ليش انا قبل الزواج كنت اناديها " الغلا "
وكنت اناديها " الغرام "
و " بعد أُمي وابوي "و " ضحكتي … وابتساماتي … وبلسم جرحي المفتوح وجروحي "

وعقب ما ربي جمعنا …~
واجتمعنا
وصرنا أُسرة
وصرت انا واياها جميع
نصحى وننام
ونشرب بكاس الغرام
ويوم اناديها تجيني ما تأخر
وتقول " ســم …! "
و " لبي قلبك يا بعد قلبي انا "

صرت اناديها عقب ذاك الغلا
" هيه… وينك يامره …؟!"

ليش انا قبل الزواج كنت اكلمها
واسولف
واقضى ساعات وزمان
واحتريها
وحتى لو تأخرت … او اخلفت ميعادها
ما ازعل عليها

لاآآآآ

ولا حتى اعاتبها شوي
وكنت اشوف عيوبها بعيني جمال
ونقصها بعيوني هو معنى الكمال

ويوم صرنا مع بعضنا
لو حكت لي كلمتين
او سولفت … او مازحتني وضحكت
قلت : كافي … بس … ما ابي قلة ادب
" واعتقد يكفي كلام وبربرة …!! "

يااااااااااااااااااااااهـ !!
بعد ماكان الحكي بشفاهها ينقط عسل
صار بتاليها حكي…؟!
لآآآ
وليته حكي …
صار اسمه " بربرة … أو ثرثرة …!! "

ليش اراضيها منوّل يوم تزعل
وما آتحمل بس لو لحظة زعل
وكنت ادللها
واموت بضحكها
واقول " آسف يا غلاي "
واكتب [ اجمل بيت شعر ] لعينها لين ترضى

وعقب ما ربي جمعنا

من تزاعلني اقول لها
" في بليس … طقي راسك بالجدار أنتي حي الله بقرة …!! "

وربي احنا صدق [[ مرضى عشق ]]
واشواق
ومشاعر
وعشقنا من دحدرة في دحدرة
ماعرفنا وش معنى البنت ~
ولا عرفنا قدرها
ولا وفاها بصدرها
وما حكينا عن غلاها
ولا صفاها
ولا هواها
ولا دفاها

بس نتكلم على
ثرثرتها
وبربرتها
وحكيها السامج

ما نخاف الله يعاقبنا وهي
عطر دنيانا وهوانا ~
بدونها تظلم سمانا … بدرنا في خدها ~
وصبحنا في قدها ~
وشمسنا بكفوفها ~
وربي وردة … يا سعد من شمها ~
وغيمةٍ تمطر حنان … والحلا في دمها ~
وشكل بسمتها جنان … والكرز في فمها ~
وبن عمتها المطر … وغيمة الشوق أُمها ~
و ولد خالتها الربيع … والزهر هو عمها ~
وخصرها دنيا لحاله … حظ صدرٍ ضمها ~
وريقها نكهة عسل … والعطر في كمها ~

وشهي الدنيا اذا مابه بنات …؟!

صحراء مافيها ربيع !
وعيون كاسيها الوجل !
و وجيه ما فيها امان !
وطفل يبكي !
وشيخ يشكي !
ودنيا مافيها رفيق !
وصحبة ما فيها وفاء !
وقلوب ما فيها حنان !
وما احدٍ يرحم احد !

برحمتك يارب … " خل لنا البنات "
بضحكهم
وهبالهم
وخبالهم
ودموعهم
وشموعهم
ويا حلو تدليعهم
ويا حلو تدليلهم

رحمتك يارب … " خل لنا البنات

أؤيدك على أن الحب والإحترام لا بد أن يبقى بل يتجدد, لكن لا أؤيد حصرك المشكله على الرجال, بل بعض النساء لهن نصيب من هذه المشكله, ولا أؤيد طريقة التعميم على الرجال كلهم, فأنت بهذا تظلم من يعاشر زوجته بالمعروف.

يجب أن يفهم الزوج والزوجه أن علاقتهم علاقة تكامل لا تضاد, ويجب أن يفهم الزوج والزوجه أن الحياة الزوجيه لا تخلو من المشاكل, ولا تخلو من البرود العاطفي, عليهم معرفة ذلك, وأن لا تغرهم أكاذيب الأفلام والمسلسلات الرومنسيه, فمن خلال متابعتي لسِيَر أبطال الأفلام, هم أكثر الناس فشلا في الحياه الزوجيه.

كلمات روعة
الله يعطيك العافية
ولاتحرمنا بوح قلمك

موضوع رائع

كلامك حلو وكثير واقعي

المفروض من البداية سواء الزوج او الزوجة يوضح كل واحد عيوب ثاني
اكيد يكلمو بعضهم في الملكة يوضحو كل واحد فيهم مبدأة في الحياة
احسن بعد الزواج على قولتهم العسل راح

عصفورة المدينه
ابداع مرورك على متصفحي
الا الشخص اللي بتعيش معه
ابعد عن الكذب عليه حتى ما ينصدم
لا تذم نفسك لكن لا تمدح وانت تكذب

مشكور عالطرح

بصراحة انا فرحت كثير لان في احد لهالدرجة مهتم

الله يخليلك زوجتك يارب

وانا متاكدة ان كل الزوجات اذا دلعوهم ازواجهم وربي بيعيشونكم بنعييم وربي

انتم بادروا وزوجاتكم بيريحونكم

امين
احسن ما سويتي انك دعيتي لي
اشكرك على المرور العطر