لذة العمر في منظر ملامحها / بقلمي

الســـــــلآم عليكم ورحـــمه الله وبركـــآته … !
اقدم لكـــم اول روايــــآتي : لذه العمــــــر في منظر مــــــلآمحها
روايتي الاولى .. خيآليه لكن معظم الشخصيآت فيها واقعيه !
رومـــآنسيه وفيـــهآ اكشن وقصص للعـــبره
وانا تـــقريباً مجهزه كل البـــــآرتات ومنسقتهــــآ
وبتكون ايـــــآم نزول البـــــــارتات : الثلاثــــــــــاء والاربــــعاء والجمعــــه والســـــبت
اتمنى تنـــــآسبكم الايـــآم .. ووعد مني اني اكمـــلهآ للنهايـــه بإذن الله

جمـــــيلآتي .. اتمنى ان تنال روايتي اعجـــآبكم واتقبل النقد اكيـــد لكـن بأسلوب بنـــآء

تيــــــفآني

™♡<3♥`’•.¸( tiffany style ;$ )¸.•’´♥<3♡™

الـــــــــــــــــــبــــــــآرت الأول

ســــــــائق اجـــــــــره
كان يمشي بسيارته الاجره بضياع , سرحان ومهموم ومو حاس بالدنيا , كل اللي حصله اليوم 35 ريال بس ! , ماتكفي يعشي نفسه ويعشي بنته
كان يراجع اللي حصل له الليله قبل ساعات
كان توه راجع من صلاه المغرب رغم الاحوال الجويه السيئه جدا , كان الجو ممطر مطر قوي ورياح وبرق ورعد
ولاحظ تسريب بسطح بيته المتواضع يقطر مويه المطر تنهد بعجز
وثواني يسمع طرق عالباب
راح فتح الباب وظهرت بوجهه صاحبه البيت ( سعاد )
بوجه عابس كالعاده قالت : السلام عليكم
قال بهدوء : وعليكم السلام ورحمه الله وبركاته
دخلت سعاد وهي تناظر البيت بقرف , مو مستوعبه كيف قادر يعيش ببيت زي كذا
وجلست بالكنب المبلل واعطته نظره وقالت : عبدالعزيز آل صقرر الطواش , انتهت المهله اللي عطيتك اياها قبل امس وإلى الآن ماسددت شي .. دبرت الفلوس ؟؟!
سكت عبدالعزيز بارتباك
كملت سعاد كلامها : هه اكييد لا
جلس عبدالعزيز وقال : والله ماقدرت اجمع المبلغ المطلوب
سعاد ترفع حاجبها : بس اعطيتك شهرين كامله وانت رياال واحد ماسددت
قال بعجز : بس والله الفلوس اللي احصلها كل يوم من شغلي يالله تتعدى الخمسين ويالله أأكل بنتي وكمان ياسعاد بنتي جامعيه وتحتاج مصروف ماقدرت اوفر اي ريال على شان اسدد
سعاد تأففت : السالفه مو كذا , انت تماديت لاني عطيتك فرص كثيره ولا انت مو عامل لي حساب
جا بيتكلم بس قاطعته : بعطيك فرصه اسبووع واحد بس
زفر براحه لكن كملت كلامها : وهالمره لو ماسددت عالأقل 20 الف , تطلع انت وبنتكك برا هالبيت
عبدالعزيز بصدمه : نطلع من البيت انا وبنتيي ؟!
تنهدت سعاد : وهذا اللي مخليني ساكته عنك للاسف بنتك , حرام صغيره وماتستحق اب مثلك مايأمن مستقبلها حتى ببيت زي الناس وماودي تتجرجر بالشوارع ولا انت ماعندي مشكله معك
ناظر فيها وقال : بس ياسعاد 20 الف مو هينه اقووول لك يالله احصل خمسين ريال تقولين 20 الف ما اقدر تسلفت كثير وعلي ديون كثيرر من وين اجيب لك 20 الف من ويين ؟؟!!
سعاد بلا مبالاه : والله محدن قال لك تتهاون بالدفع كل شهر اجي والقاك مادبرت لي حاجه ومن زين البيت اصلاً بس تطلع منه بهدمه وببني فوقه بيت زي الناسس
عبدالعزيز يمسح جبينه اللي عرق : طيب وبنتي وين تروح ؟؟!!
ابتسمت وقالت ببساطه : زوجهاا !
عبدالعزيز : وكيف اززوجها ومحد خطبها ! اخلق لها زوج يعني !! , استغففر الله
سعاد : مو ذاك مشعل مزعجك يبي يتزوجها ورا ماتزوجه اياها ؟!
قال عبدالعزيز وهو يعقد حواجبه : هو مو وجه مسؤليه وكفايه اللي سواه العام مستحيل اعطيه بنتي
انهى كلامه بتنهيده طويله
سعاد بنظره وابتسامه خبيثه : انا عندي الحل يابو شاهين
رفع راسه ينتظرها تكمل كلامها
سعاد بوقاحه : آخذ شيهانه ليلتين بس ببيت واحد بطران وعنده خير وهالليلتين بيجيك من وراها فلوسس تعيشك بفيلا
عبدالعزيز رمقها بنظره استفهام بعدين استوعب ووقف بثوران : تلعبين علي انتي ؟! شايفتني مهبوول انا ابيع شرف بنتي على شان بيت !!, انتي وبيتك بستين داهيه
سعاد وقفت وبعصبيه مماثله : مالك الا هالحل ولا بتطلع , ياتزوجها ولا تسدد اجر البيييت
عبدالعزيز مسح وجهه بكفوفه وقال بهدوء بعد ما تعزذ من الشيطان واستغفر قبل لا يكفر فيها : سعاد اطلعي برررا
سعاد رفعت ايدها تهدد : اسبوع وااحد يابو شاهين ولا انت وبنتك براا هالبيت
واخذت شنطتها وطلعت بخطوات غاضبه وعبدالعزيز يراقبها لين طلعت
بتصك الـ60 وهذي شغلتها ! بدل ماتلحق على عمرها قبل لا تموت جالسه تبيع بنات خلق الله
جلس يستغفر وهو يفكر وين يودي بنته وييين !!

استوعب المكان اللي هو فيه !! طلع عالحدود !!
المكان بر فاضي ومابقى شي ويأذن الفجر لازم يرجع قبل لا يأذن
كان بيلف بس لمح من بعيد شخص يأشر له بيده
: لا اله الا الله وش مودي هالشباب لهنا لهالوقت , الله يهديه بس
توجه بسيارته لعنده ووقف له , كان واقف وبجنبه مخيم كبييرر وفاضي وسياره فخمه تحولت لاجزاء محروقه ! "ياترى ايش صار لهالولد وبسيارته على شان يضطر يوقف اجره ؟؟!"
مشى الشاب ودخل السياره بالمقعد الخلفي بغرور
عبد العزيز استغرب هالحركه منه بس لاحظ ملابسه وساعته واضح انه ولد عز " ابتسم بسخريه " وانا مو قد المقام على شان يجلس جنبي قال : السلام سنه
قال بغضب وماله خلق شي : اقول اكرمنا بسكوتك وامشي
عبدالعزيز بهمس : الله يهديه
علاَ على صوت القرآن وهو يستغفر بهدوء
والشاب مانطق بكلمه كان ساكت
شوي يجيه اتصال
رفع جواله قدييم الطراز وابتسم الشاب باستهزاء وهو يقول بنفسه "للحين عايشه ذا الجوالات" !
رد ابو عبد العزيز بوجه بشوش : هلا وعليكم السلام ورحمه الله وبركاته ………. الله يسلمك ويعافيك الحمدلله عايشين وانت كيفك ؟! …………… ايه الحمدلله "سكت شوي وكمل" …. ايش صار بموضوع بنتي
رفع الشاب راسه , كان من النوع العاشق تماما لجميع النساء بأنواعهم
كمل عبدالعزيز بوجه متهلل : اخيرا لقيت لها عريس
كتم الشاب ضحكته الساخره "يدور لبنته عريس بالتلفون هههههههه لهالدرجه ملوعه كبد الشايب"
ولف راسه للنافذه بدون اهتمام
عبدالعزيز تغيرت ملامحه وقال بدهشه : انت ؟؟؟؟!! ……….. لا شدعوه والنعم فيك بس بنتي توها 20 سنه انت يا ابو محمد ماشاء الله متزوج ثنتين وعيالك كثير ……………. لا هذا موعيب ماتفهمني غلط ………………… بس يعني !……….. خلاص خلاص على بركه الله …… اليوم بعد الظهر نخلص امور التحاليل ونتوكل على الله …………….. ان شاء الله ………. اكيد اكيد يلا مع السلامه

كان يسمع لكلامه ومستغرب منه "يزوج بنته وعمرها 20 واحد متزوج وعنده عيال !!"

"طيب انا ليه ما اتزوج !!!, يعني آخذ لي وحده تهتم فيني وترتب الفيلا وتنظف ملابسي ومو بعيده تكون للتسليه كمان !, يعني آخذ بنت ذا الشايب ؟! , دامه يبي الخلاص منها وواضح انها مطينه عيشته ولا مايزوجها بالطريقه السهله هذي ! , يعني اتمم كل شي بالسر ولا من شاف ولا من درى شهر بالكثير واطلقها وآخذ اميره بنت خالتي لاني كذا ولا كذا ماخذها , بس خل اسلي نفسي شويه واسوي خير في ذا الشايب ماني بخسران شي"

كان يفكر بابتسامه عريضه وهو يوجه نظره لـ عبد العزيز اللي وجهه البشوش تكدرر وقال : هيه !
انتبه عبدالعزيز : هلا ؟!
الشاب بابتسامه ماكره : انا ابي بنتك على سنه الله ورسوله !!!

فـــي قصــــر بــــدر الروق

طلعت من المطبخ بعد ماكانت تسولف مع الخدم من الطفش , تحس بوحده كبيره رغم النعيم اللي هي عايشه فيه , كل اخوانها مو فاضيين , رند ببيت زوجها وجواد برا كالعاده , دلال مشغوله مع خطيبها , وغلا متى فضت لاحد غير نفسها واسيل بعالمها الكوري المعقد .. " آآآآآه وش ذا العيشه "
حتى امها مايمديها تسولف معها , وقررت تمر غرف خواتها يمكن تلقى وحده فاضيه تسولف معها
طلعت فوق وراحت عالممر اللي فيه اجنحه اخواتها
اول جناح اختها دلآل , راحت فتحت الباب بهدوء للجناح الاحمر الراقي كانت دلال جالسه ومعطيتها ظهرها وحاطه السماعات وتغني مع نانســي : مشتاقه ليك شوق الهوا لروحي وحياه عينيك ذابت انا روحي فيك .. من زمــآ……..
حطت ايديها على عيون دلال وفزت دلال وفكت السماعات وهمست : مين ؟؟!
ماردت قالت دلال بتأكيد : سمــــر ؟!
ارخت ايدينها وقالت بإحباط : اكيد انا ومن غيري فاضي بهالبيت
دلال رحمتها وعدلت جلستها : ياحبيبتي انتي .. انا فاضيه خل نسولف
سمر ابتسمت بحماس وجلست قبال دلال : اخييراً .. تخيلي من الطفش رحت اسولف مع الخدم وكل وحده اغبى من الثانيه .. اقول لهم لا تقولون مس قولو سمر يقولون اوكي مس سمر
دلال بنعومه : ههههههههههههههههههههههههه
سمر تبوز : ماتدرين قد ايش طفشانه ودي كذا نجتمع كلنا .. كل ماسافر ابوي تبريتو من بعض
دلال بحنان : ياحياتي .. انا موجوده ياروحها متى ماطفشتي تعالي سولفي معي
سمر ابتسمت : ايوه اخبارك مع يوسف ؟؟!
دلال مجرد ماقالت اسمه ابتسمت بحب : الحمدلله كل شي تمام .. احبه ياسمر وهو يموت فيني وننتظر متى يخلصو هالشهرين على شان اصير له
سمر حطت ايدها على خدها : الله لا يغير عليكم يارب
دلال من قلب : آمين
سمر : تصدقين دلول ودي اكلـــــ……
ماكملت كلامها الا ورن جوال دلال ( يوسف :$ )
ابتسمت دلال بشوق , بعدين رفعت نظرها لـ سمر وارخت ايدينها وحطته صامت
سمر وقفت : لالا عادي ردي انا اصلاً كنت بروح لأسيل
دلال : ياقلبي انتي 10 دقائق واقفل
وارسلت لها بوسه بالهوا
ابتسمت سمر وطلعت من الجناح وهي تهمس : الله يخليهم لبعض
وكان الجناح اللي قدام جناح دلال بالضبط جناح اسيل عاشقه الكوريين
راحت دقت الباب وفتحته على طول وهي تسمع صوت الاغاني الكوريه العالي
كانت اسيل لابسه شورت وتيشيرت واسع وشراب طويل مقلم ملون ورابطه شعرها بإهمال ومنسدحه عالسرير الكبير على بطنها وقدامها اللاب كانت تعلك وتغني مع الاغنيه
سمر : اسسيـل
ماسمعتها اسيل من صوت الاغاني
سمر بصوت اعلى : اسيــــــللل
برضو ماسمعت , راحت سمر لقت ريموت الاستريو اخذته وقفلت الاستريو
رفعت سمر راسها : يـــــاااااا ( يعني هيه بالكوري )
سمر اللي متعوده على مصطلحاتها : فاضيه ؟؟!
قالت اسيل وعينها على شاشه اللاب : آنيا ( لا )
سمر بإحباط : اوكي
وكانت بتطلع بس قالت اسيل : آنيا آانيا ( لا لا ) انا فاضيه شوي بس على شان جالسه اكلم تشينقو حقي
سمر بإستفهام : تشينقو ؟!
اسيل بابتسامه : ديه ( ايه ) .. تشينقو يعني صديق .. هو من كوريا
سمر جلست على الصوفا : ايوه وايش تقولون ؟!
اسيل : ممم تعارف بس
سمر : اها طيب ماتبـــ…….
صرخت اسيل وفزت من مكانها : التيزززر نزل التيززر نززل نزل !
سمر وقفت معها بفزع : ايش فيه ؟؟!
اسيل بحماس وعينها عاللاب : التيزر حق اغنيه البوم بيق بانق الجديد نزل
سمر وهي تحس بضياع : بيق بانق ؟؟!!
اسيل : ايه ايه فرقه كوريه اعشقهااا
سمر : طيب ايش هو التيزر ؟!!
اسيل : يعني مقطع قصير من الاغنيه اللي بتنزل بعد اسبوعين
سمر بملل قررت تنسحب مو قادره تفهم اختها الصغيره ابداً وما انتبهت اسيل لخروجها
وطلت سمر للجناح اللي بجنب جناح امها وابوها … "جناح الدلوعه غلوي"
عارفه ان غلا مستحييل تعطيها ثواني من وقتها بس خل تجرب حظها
راحت دقت الباب وحاولت تفتحه كان مقفل
ودقت مره ثانيه وثالثه وشوي انفتح الباب بقوه وطلعت منه غلا وهي حاطه قناع اخضر على وجهها ولابسه روب ولامه شعرها بمنشفه ( فوطه ) : نعــــــــم ؟؟؟؟!!
سمر بإستهبال : هذي غرفه غلا وين غلا لو سمحت
غلا بنرفزه : هاااهههاااهااا ظظريفه
سمر : وانا الصادقه ايش هذا اللي على وجهك ؟؟!
غلا وهي تتخصر : هذا ماسك يفتح مسام البشره وانتي ايش عرفك بهالحاجات وانـ……
سمر قاطعتها بإبتسامه : كأنك شريك
طــــــــــــــــــــــراااااااااااخ
تسكر الباب بوجه سمر , والتفتت سمر لآخر جناح
بآآآآخر الممر , جناح جواد المهجور تقرياً , محد يقرب منه حتى الخدم
تنهدت وكانت بتنزل شوي تطلع امها وهي في كامل اناقتها
سمر مشت لها : يمه وين رايحه ؟!!
رزان وهي توقف قدام المرايه المعلقه بنص الممر الزينه بالانوار والشموع الجميله : اول شي وش يمه ؟!! قولي ماما زي غلا
سمر تأففت : خلاص ماما .. مدري ايش عاجبك بـذا الغلا
رزان وهي تعدل شعرها الاشقر البلاتيني . ججميله رغم سنها وانجابها لـ 6 , لكن بالعمليات والعز كل شي يصير واللي يشوفها يعطيها بالثلاثينات ماكأنها بتصك الخمسين قالت : بروح عزيمه بنت شريك ابوك بالشغل
سمر تستند عالجدار الناعم : قصدك سميه الرميح ؟؟!
رزان : ايوه .. تبين تروحين معاي بدل الطفش اللي انتي فيه ؟؟!
سمر تهز راسها بـ لا : يع كل بناتها شايفه نفسها والله لو انقرضو كل العالم ما اروح لهم
رزان بلا مبالاه وهي تسكر ساعتها الالماس الثمينه : بكيفك .. روحي كلمي من تلفون الخدم خليهم يقولون للحرس يجهزون الفورد السودا
سمر بملل : اوكي
رزان وهي تاخذ شنطتها وتمشي : يلا بيباااي

––––•(-• Tiffany Style •-)•––––

اختفت ابتسامتها تدريجياً وهمست بعدم استيعاب : اتــ…. اتـزوج ؟؟؟!!
بلع ريقه ومسح على شعره الابيض بحركه سريعه وقال : يابنتي انا قررت هالقرار على شان اضمن مستقبلك لاني مو اهل لاتحمل مسؤوليتك
سكت شوي بعدين تنهد : لو اخوك شاهين موجود كان ماصار كل هذا
امتلت عيونها دموع وقالت : بس ….
قال يقاطعها : انا مابدوم لك
قالت بألم : اسم الله عليك
قال وهو يحتضن ايديها بإيديه : شيهانه يبه .. طيعيني وريحيني صدقيني مابتندمين .. اللي بتتزوجينه هو جواد بن بدر الروق !
شيهانه بقهر : مايهمني مين هو بس ليه كل شي بسرعه ؟؟!!.. يبه انت مخبي عني شي ؟؟!
تنهد تنهيده طويله وراها الف معنى ومعنى لكن مارد
شيهانه : يبه ايش فيه ؟؟!
قال وهو يبتسم ابتسامه كاذبه : بس ابي افرح فيك ..
" ايش اقول لك يابنتي .. اني بطلع من هالبيت الاسبوع الجاي ولا اني مريض بمرض ماله علاج " !!!!
كان اقناعها صعب صعب جداً , لكن بالنهايه رضخت له ووافقت على شان ترضيه !

––––•(-• Tiffany Style •-)•––––

انزل كوبه وهو مركز نظره عليه وقال : تتزووج ؟؟!!!!
قال وهو يولع سيجارته ويطالعه ببرود : ايه
سأل : اميره بنت خالتك مو ؟؟!
نفث الدخان ببطئ بعدين قال : لا
انزل كوبه من جديد وهو يحس انه شوي وبينجن : ايشش تقول انت ؟؟!
جواد يبتسم بهدوء : سيف سيف .. take it esey .. مو اميره .. خذيت لي .. "قال بسخريه" بنت سواق
سيف طير عيونه : جواادد انت بتجنني اليوم بتطلعني من فيلتك على شهارر .. قول لي السالفه من البدايه ايش حصل ؟؟!
جواد عدل جلسته وقال له السالفه كلها
سيف بصدمه : جوواد حرامم كذا !!
جواد بلا مبالاه : وايش الحرام في الموضوع .. الشايب محتاج ومتورط بإيجار بيته ويبي يرمي بنته على اي احد يكفلها بداله .. خلاص آخذها انا لاني محتاج خدامه آخذ راحتي معها بالبيت ترتب وتنظف وما ابي آخذ خدامه من بيت ابوي وبتشوف البلاوي اللي بالفيلا وتعلم واتورط .. وخلاص شهر واطلقها ومحد بيدري عنها وانا الوحيد اللي مستفيد بالموضوع
سيف : وايش بتسوي اذا طلقتها ؟؟!
جواد : انفذ طلب امي وآخذ اميره بنت خالتي
سيف بعد صمت : ماتخاف تتعلق فيها ؟؟!
جواد ابتسم وتحولت ابتسامته لضحكه : هههههههههههههههههههههههه انا اتعلق بـ بنت السواق هههههههه لا ياحبيبي ايش يعلقني فيها وابوها كان يدور لها عريس بالجوال ! خلاص سيف لا تناقشني بالموضوع خلك ســآكت
سيف يرفع كتوفه : بكيفك .. بس انا رأيي تهون عن الموضوع وش لك بوجع الراس وتظلم المسكينه
لف جواد راسه بلا اهتمام وكمل تدخين

––––•(-• Tiffany Style •-)•––––

اليـــــــــوم الثاني الســــــاعه 3:57 المساء

كانت واقفه بغرفتها الصغيره وقدامها شنطه كبيره لكن واضح انها قديمه ولونها باهت واكياس سودا كبيره وماسكه جوال وتكلم : لا ماكفت ملابسي للشنطه فحطيت الباقي بأكياس
ردت بحزن : يا الله ياشيهاانه مره مقهوره علييك .. مايصير طيب تجي تسكني عندي ؟؟!.. احنا جيران وامي هي اللي ربتك والوضع بيكون عادي
شيهانه بحسره وهي تجلس : لا ياليلى ماتقصري .. انتي وخالتي منيره لكم فضل كبير علي وخالتي منيره تعبانه ومابتتحمل وجودي بثقل عليها .. واصلاً انا توني راجعه من المستوصف على شان يطلعون التحاليل
ليلى : طيب اذا رحتي .. توعديني تمريني مو تشوفي العز وتنسيني
شيهانه بضحكه جميله بينت غمازتها اليمنى : ههههههههه اففاا بس انا انساكِ .. عالعموم انا مو راضيه بهالزواجه خير شر
ليلى باستفهام : كيف يعني ؟!!
شيهانه وهي تلعب بشعرها : ممم يعني مايقرب مني وزواجنا عالورق وبس
ليلى بتردد : لا شيهانه مايصير !..اصلاً هو يقدر يشوفك ومايقرب
شيهانه بخجل وعصبيه : انططمي اقول .. لا لا تخافين انا قدها وانا بنت آل صقر .. زواجنا عالورق يعني عالورق
سكتت شوي وكملت : المهم ياليلى الموضوع يبقى بيننا ابوي حرص علي ما اعلم احد
ليلى بوفاء : ارقدي وامني يابنت عبدالعزيز سرك في بير
شيهانه بألم : حتى موضي والبندري وشهد لاتقولي لهم
ليلى : اوكي من عيوني
شيهانه : طيب الحين فاضيه ؟؟!
ليلى : ايوه
شيهانه : طيب ايش رايك تيجي تساعديني اجهز اغراضي
ليلى بتساؤل : طيب مابتروحي السوق تشتري اغراض
شيهانه : لا لا انا حاسه ابوي الحين وعليا عليه مره ماعنده ولا ريال مابي اثقل عليه
ليلى بدموع : يازينك بس … يلا ثواني وجايه
شيهانه : انتظرك

––––•(-• Tiffany Style •-)•––––

في قصـــــر سليـــــــمآن الــــــــروق
الساعه 7:42 المســاء
صحت بعد نوم متواصل لأكثر من 13 ساعه وهي تحس بخمول , قامت من سريرها المزين بمفرش بنفسجي والوان زاهيه وفاتحه , ومشت على رخام ارضيتها البااارده من تبريد المكيف , دخلت غرفه الملابس اخذت لها فستان بسيط للبيت لونه اوف وايت وقصير الى الركبه ونعووم مره ولايق عليها
لمت شعرها الاسود الكثيف وطلعت من جناحها بخطوات بارده ونزلت للمجلس الرئيسي للقصر وتلقى اختها الصغيره داخله من البوابه ومعاها خدامتين يشيلو اكياس من محلات راقيه وبعدد كبير
قالت وهي تفصخ طرحتها وتهوي نفسها بإيدها : طلعوها فوق بغرفه الملابس بجناحي
هزو الخادمتين روسهم وطلعوا
يارا وهي تجلس بجنب اختها بتعب : oh my god .. مرره حرر الجو
ردت اختها بملل وهي تقلب بالقنوات : وانتي ماتتعبي كل يوم بسوق ؟!
قالت اختها : وانتي ماتتعبي نص اليوم نايمه .. حشى سنجاب
دخلت اختهم الثالثه ومعها ملفات ولاب توب صغير وقالت وهي تعدل نظارتها : ماينضرب المثل بسنجاب اذا كان الموضوع يتعلق بالنوم .. يمكن تشبهينها بالكوالا لان الكوالا ينام 22 ساعه باليوم ويصحى ياكل ويرجع ينام .. "اكملت وهي توجه نظرها لاختها الكبيره" نفس ناديه بالضبط
ناديه وهي تحط رجل على رجل بابتسامه : وش احلى من النوم وراحه البال ؟! .. تعالي ندى اجلسي معنا
ندى وهي تعدل نظارتها مره ثانيه : لا شكراً مع هالجو الجميل قررت اكمل بحثي بالحديقه
ردت ناديه : براحتك
اول ماطلعت قالت اختها : آآخ ياناديه ندى جمميله مره بس لو تغير لوكها وستايلهاا السامج
ناديه وهي تاخذ كوب الكابتشينو من الخادمه : والله يا يارا حريه شخصيه انا تعجبني ندى باهتمامها وحرصها على دراستها لاحقه على النيو لوك والكشخه
يارا وهي تفصخ عبايتها وترميها للخادمه : بس احنا بنات الرووقق مو اي بنات تقدر تجيب لها شهاده بالواسطه ياحبيبتي ماله داعي تقطع نفسها بالدراسه كذا خل تكشخ خل تغير نفسها شوي
ناديه : انتي تعرفين ندى تكره النجاح بالواسطات وتحب يكون بجهدها
يارا ترفع كتوفها : خلاص براحتها .. انا بطلع اغير ملابسي وآخذ شاور وبرسل لك الخادمه اذا خلصت تتفرجي عالاشياء اللي شريتها
ناديه وعينها عالتلفزيون : اوكي
طلعت يارا وصادفت اخوها يوسف طالع من جناحه وكاشخ ومعاه مفتاح سيارته ويدندن وواضح انه مبسوط
قالت بابتسامه جميله : بتطلع مع دلوول صح ؟؟!
وغمزت وهي تعض على شفتها من تحت
يوسف بوساعه صدر وهو يمسح على شعرها بحركه سريعه : يب باخذها للعشا
ومشى وتعداها وهي تراقبه وتبتسم الى ان نزل وقالت بابتسامه : الله يديم المحبه بينهم .. اجمل منهم مافيه
وطالعت تلقائياً بـ باب جناح اخوها نادر البكر وعبست ملامحها وقالت : الله يفرجها عليك انت وزوجتك المسكينه
تنهدت ودخلت غرفتها

––––•(-•Tiffany Style •-)•––––

كان جالس يحرك قهوته الساخنه وسرحان
يفكر بحبه الوحيد واللي جالس يدرس بكل جهده لعيونها
"آآآآآآآآآآآآخخخ بس جننتيني".. تنهد وهو مازال سرحان الين ماقطع عليه صوتها النشاز بالنسبه له : ثثــآآمرر
فز من مكانه بخوف وانكب شوي من القهوه على ايده , قال وهو يمسك يده بألم : آآآه
عض على شفته السفليه وقال : مررريـــممم
قالت بدلع وهي تمسك يده : عيووون مريم .. سوري خرعتك
قال بنفاذ صبر : متى تفهميين انتي متى تستوعبييين بططلي هالحركات اقلقتيني
قالت بغيض ممزوج بغنج : طيب انا قلت لك نصير فريندز
ثامر تأفف : لا صداقه ولا زمااله ما ابي اشوف وجهك خيرر شر خلاص اذلفي عن وجههي
وقفت بقهر وعيونها تدمع : ليه يعني ؟؟!!.. انا ايش قاصرنيي !! انا اللي بيجنني انك رافضني على شان المعقده نديه بنت سليماان
وقف وصارخ بوجهها : حددددك عاد الا ندى .. قلت لكك اذلفيي عن وجههي ماابي اشوف خلقتك
ذرفت دموعها ومشت وهي تاخذ شنطتها بغضب وتلعن ندى في نفسها بقلب محروق
وثامر جلس بهدوء وهو يتجاهل نظرات الطلاب

––––•(-• Tiffany Style •-)•––––

نزل جواد من سيارته الفخمه واشر للحارس وانفتحت البوابه الخارجيه ودخل لحديقه ودخل القصر ولقى بالمجلس الرئيسي امه واخته غلا
قال بهمس : سلام
وقفت رزان باتسامه : هلا يمه حبيبي
جواد بابتسامه بارده وهو يبوس ايدها بحركه جميله
غلا وهي تطالعه : اخيراً تذكرت ان عندك بيت
جواد يجلس بأريحيه وقال بجمود : غلا انطمي
غلا تحط رجل على رجل : ايوه وين تختفي انت ؟؟!
جواد يرفع حجبه : وبصفتك مين تسأليني ؟!!
غلا ترفع حاجبها نفسه ويبان التشابه الكبير بينهم : بصفتي اختك
جواد طنشها وولع سيجاره وبدا يدخن
وشوي مرت خادمه وقالت بالانجليزي : آنسه رند وصلت
الا وبدخله سمر اللي سمعت كلام الخادمه : اوه جاك الموت ياتارك الصلاه
كان قصدها جواد اللي كان يدخن ومعروف عن رند رفضها التام لتدخينه بصفتها دكتوره
طفى جواد سيجارته ودعس عليها بسرعه
دخلت رند بإبتسامه وكلهم وقفوا ماعدا جواد
سلمت عليهم كلهم وجلست وقامت رزان للمطبخ تقول للخدم يسوون قهوه وحلا لقدوم رند
قالت غلا بإبتسامه ماكره وهي تطالع بجواد : جواد له دعست على سيقارتك ؟؟!
رند رفعت راسها بشهقه : جوااد
جواد اعطى غلا نظره كرهتها نفسها
رند تخصرت بعصبيه : رجععت تدخن ؟!!.. كم مره قلت لك انك قاعد تقتل نفسك بالبطيء قاعد تدمر شبابك والله بتندم .. تجينا يوومياً حالات سرطان الرئه الله يكفينا وكله من هالدخان اللي مابيفيدك بشي ليش ماتفهم ..
قطع عليها نزله دلآل وهي تطلب من الخدامه تجيب عبايتها : اوه رند عندنا
رند قامت سلمت عليها : كيفك دلول ؟!!
دلال : الحمدلله الله يسلمك
سمر تطالع بدلال بتفحص : شكلك طالعه ؟!!
دلال بخجل وهي تاخذ عبايتها من الخادمه : ايوه طالعه مع يوسف نتعشى
ما امداها تنهي كلمتها الا وغلا تتكلم وتقتل فرحتها : وانتي كل يوم طالعه معه فطور وغدا وعشا ؟!.. ايش تبين الناس يقولون عننا ؟؟!!.. بنات الروق خفيفات ..! طالعه معه وانتي توك متملكه وزواجك بعد شهرين !!
دلال انخطف لونها ووقفت جامده بدون ملامح قدام كلام اختها الصغيره
لكن سمر قالت بثقه : وانتي ايش حارق دمك لهالدرجه وعليا على يوسف من كثر ماهو يموت فيها مايقدر يفارقها يوم .. حركات الغيره اتركيها اذا انتي طايح حظك ومحد طل بوجهك ماله داعي تخربين فرحه اختك يا النفسيه
غلا وقفت بثوران : اناا مو طايح حظي .. انا بس مالقيت اللي يستحقني "كملت بغرور وهي تحرك شعرها".. اناا غلا بنت بدر الروق مو اي وحده
قال جواد وهو يطالع بـ غلا بإبتسامه : قصدك غاليه
غلا ثار دمها وقامت تمشي بقهر وصدمت دلال بكتفها
رزان وهي تقوم : غلااا غلاا حبيبتي تعالليي
والتفتت على سمر وجواد : زين كذا زعلتوها المسكينه .. اففففف
وطلعت ورا بنتها على نزله اسيل اللي سألت امها بالدرج : ايش فيه اوما (امي)
رزان وهي تطلع وتتعداها : اخوك واختك سمر زعلو غلا
اسيل بفرحه : وااو جواد هناا
سمعها جواد وقال بصوت عالي : تعالي ياروح جواد انتي
نزلت اسيل بسرعه وهي لابسه فستان احمر منفوش ولابسه فلات ناعم وفاكه شعرها الحريري وغرتها نازله على وجهها البريء
جواد فتح لها ايدينه وهو جالس وارتمت اسيل بحضنه وضمته ورند وسمر ودلال يتفرجون
علاقه اسيل بجواد جميله جداً , خصوصاً ان جواد يعششق اسيل ويشوفها غيرر
جواد كان يلعب بشعرها ويسألها عن احوالها
وسمر ورند يسولفون
اما دلال فطلعت عند يوسف اللي كان ينتظرها

––––•(-• Tiffany Style •-)•––––

في بــــــيت عبدالعزيز
الســـــآعه 5:38 المســـآء

كانت ضامتها بقوه وتبكي من قلبها
وشيهانه تمسح على ظهرها وتهديها : خلاص خالتي ماله داعي كل هالبكا
منيره ( ام ليلى ) تبعد عنها وهي تمسح دموعها : قلبي محروق عليك يابنتي تتزوجين كذا وتبعدين عنا
شيهانه بإبتسامه بارده : خالتي بس انا بزوركم اكيد مستحيل اقطعكم
منيره بحنان وهي تمسح على شعرها الكستنائي الطويل : الله يحفظك وييسر لك ياحبيبتي
شيهانه ترد لها الابتسامه وتجي ليلى تضمها : استودعتك الله شاهونه
شيهانه تضمها : ياحبيبتي انتي بشتاق لك مره
ليلى بدموع : وانا اكثر وربك
دق عبد العزيز الباب وقال من ورا الباب : شيهانه جهزتي ؟؟!
شيهانه وبدا قلبها يدق بقوه وهي تتخيل شكلها طالعه من البيت للابد : ايـ.. ايه يه خلصت
عبدالعزيز بصوت حنون : يلا انا نزلت اغراضك تعالي
شيهانه بعد ما اخذت نفس طويل : يلا
منيره تمسك ايد ليلى : يلا احنا نستأذن
شيهانه بلعت ريقها وهي تضم ليلى للمره الاخيره : يلا مع السلامه
مجرد ماطلعو جلست شيهانه على السرير وهي تحاول تضبط انفاسها
بتروح مع واحد غريب ! انسان بترتبط فيه طول حياتها
حاولت تتذكر شكله بالمحكمه بس ماقدرت حتى تطالع فيه لانه هو بدوره اكلها بالنظرات وهي كانت مغطيه عيونها
حست بقلبها يدق بقوه وهي تتأمل غرفتها الصغيره وتتذكر ابوها واخوها شآهين اللي سافر مصر يدرس على حساب الدوله وقامت الثوره وهو هناك واختفى وماظهر له اي خبر
لو ماراح ماكانت بهالحاله ولا تزوجت بهالطريقه
تنهدت بحسره وهي تضغط على فراشها
الغريب في كل هذا انها مابكت ابداً بطبيعتها وشخصيتها القويه ماكانت حساسه يمكن تميل للكتم وتكره تظهر مشاعرها وماتبي تكون ضعيفه بتجربه مثل هذي

ثواني وسط سرحانها وعت على صوت ضرب الباب بقوه وصراخ وصوت ينادي : عبــــددالعزززييز …. ششــيهانه !!!

نهـــــــــــــــآيه البــــــــآرت

من ععيوني ~
اكيد مابزعل م فيه شي يزعل
شكراً ع التنبيه والاطراء جمييلتي
يسعدلي قلبك

بدلية حلوة البارتات كلهم روعه
يعطيك العافية بانتظارك
تحياتي الك

يعــــآفيك ربي جميلتي

صباحكم ومسائكم جوري
الله رهيبه روايتك بليز اذا تقدرين اتنزلين باارت الاحين

شكراً ججميلتي

ممم انتظري لـ بكره بإذن الله بنـــزل البـآرت الثـاني
ودقــــآيق وبنزل شخــصيآات روايتي