و سريع في اشياء نسيت اصورها بس بقولكم كل
شي انشالله و مالكم بطويلة نبدأ
المقادير :
1 كوب حليب
1 بيضة
4 ملاعق سكر
3،5 ملاعق من الكاكاو " حسب انتو شو تريدون تقدرون تزيدون و تنقصون فيها "
1 ملعقة شاي فانيليا
1/2 ملعقة صغيرة بكينج بودر
1 كوب طحين
1 معلقة مربى اي نكهة حابينها
2 ، 4 حبة موز
للتزيين :
نوع مكسراتكم المفضلة مطحونة
"انا اخترت الفستق الحلبي"
و شوكليت هيرشي السائلة
يعني هذا راجع لكم و للي تحبونه
في ناس يحطون عسل اسود بعد عشانه
مفيد اذا كان الي بياكلونه اطفال
الخطوات :
"1"
نخلط البيض مع الحليب والفانليا
"2"
نحط عليها السكر والطحين و الكاكاو و البكينج بودر
"3"
تخلطينها اوكيه عشان ما يكون فيها دواير طحين باقيه هاي الخطوة مهمة
"4"
تيبين مقلاة مسطحة و واسعة عشان تكفي تيفال وتدهنيها او تمسحيها بالزبدة بعدين تبدين تحطين
كمية من الخليط على نار متوسطة وتتركيها لـ7 دقايق بعدها تقلبيها على الوجة التانى لمدة 5 دقائق
لحد ما تنتهى الكمية
بعد ما خلصت من النار
"4"
تيبين الموز و تحطينه عليها نفس في الصورة
و تمسحين اخرها بالمربى مسح بس عشان تلزق مو اكثر
"5"
ونلف الكريب على الموز و تقطعينه لحلقات انا نسيت احط مسحة المربى
فصارت تفتح معاي و صرت امسح طرف وحدة وحدة مربى
"6"
نقدمها مع مع هيرشي الشوكليت او العسل الاسود وتزينينها بالفستق الحلبى المفروم خشن
و هذا شكلها اخر شي
وصحة و هنا و انشالله تجربونها بالعافيه
هذي من تجربتي يوم يتني ربيعتي فجأة
ما اخذ مني ربع ساعة فالمطبخ و كان
لذيييذ مع الشاي
و اهم شي تعجبكم 🙂
يعطيكي العاافيه..
تسلم الايادي ..
ودمتي بخيير..
☂ جميلٌ , ومشهى وصفهة خفيفة ☂
♡ تحياتي ♥
و اسعدني مروركم