صباحكم مسائكم ورد وجوري احمر
واحد اسمه بدر جاه مرض و قالوله انه بيموت كتب الشعر لصديقه يقول له فيه انه يحب حبيبته و يبي من أخوه هذا انه يخليها تنساه اقرأ القصيده والله تستاهل …. وراح تعرف معنى الحب الصادق
وصاتي لك من بعدي …….. تموت فيها علشاني
ابيها تعيش و تحيا بك …….. واظل بالذاكره مفقود
وصاتي لك تنسيها ………. ملامح وجهي و تنساني
وتعزفها قصيدة حب ………. على عكس اللي عزفته بعود
وصاتي لك تبعدها …….. عن اشعاري وقيفاني
تراها مغرمة بالحيل …….. ويشهد لي عدد الردود
وصاتي لك تسايرها …….. ترى فيها من احزاني
طلبتك لايضيق بالك …….. طلبتك والطلب مردود
وصاتي لك تناديها …….. حياتي..عمري..ازماني
أنا عودتها دااايم ………أدلعها وانا موجود
وصاتي لك تعاملها …….. بطيبه قلب و احساني
تراها تذرف الدمعه …….. ودمعتها بليّا حدود
وصاتي لك تحفّظها …….. سور وآيات قرآني
وتخبرها عن الميت …….. رحل لايمكنه بيعود
وصاتي لك ترسمها …….. على قبري وأكفاني
أبيها لوحةٍ تبقى …….. على طول الزمن محدود
وصاتي لك تمازحها …….. وتشوف الضحكة بأسناني
سعيتك ياضحك هالكون …….. طلبتك لاتصير جلمود
وصاتي لك تقهويها …….. من دلالي و فنجالي
تراها تعشق السمرا …….. ويكفيها دخون العود
وصاتي لك تركّبها …….. على خيلي و على حصاني
وربي فارسة من قلب …….. شهادة ماهي لشهود
وصاتي لك تسفّرها …….. بلاد الشام و لبناني
ترى يحلالها تقطف ورده …….. وردة من بلد الورود
وصاتي لك تراقصها …….. علىألحان رحباني
ترى فيها عرق خالة …….. وفيها من جنون السود
وصاتي لك تحببها …….. فأبونورة بعد هاني
وتنسيها ندم غلطة …….. أنا فيها ترى المقصود
وصاتي لك تكرهها …….. في تاريخي و عنواني
أبيها تلعن اللحظة …….. وتلعن كل فرح موعود
وصاتي لك تكلمها …….. عن المجني وعن الجاني
وتخلّيني أنا الظالم …….. وأنا من حرق الاخدود
وصاتي لك تشبّهني …….. بدمٍ أحمرٍ قاني
وانا هالقاتل السفاح …….. مجرم من عصر نمرود
وصاتي لك تحلّفها …….. تتوب تحبني ثاني
ترى يكفيها ماعانت …….. ويكفي حيلها مهدود
وصاتي لك تنسيها …….. وصية قالها لساني
أنا اخبرك رجل موقف …….. وانت قدها وقدود
صديقي مالقيت غيرك …….. يعرف وشلون تنساني
أمانه ضمها بقلبك …….. ترى بدر….رحل مايعود
للامانه منقوول
بس صج قعدت اقراها والعبره خانقتني
شرااايكم بالقصييده؟؟
طرحك سبق وأن تم طرحه بالقسم
ولكن بتاريخ قديم ..لذلك وحسب قانون المنتدى
لايعتبر طرحك مكررا..
ننتظر جديدك…
لك ودي..
وعليكم السلام
اختيــار رااااائع
سلمت اناملكـ على هـذا النقــل
.gif "Graaam (276)")
.
.
ويعطيكم العافية
اضفتم لمسة جميله تزيد جمال القصيده جمالاً
دمتم بود
كلمات سلسله موسيقسه عذبه
احسنتي الانتقاء
آنتقآء عذب
عوآفي
/
صرااحه خنقتني العبرة وعنوني دمعن وانا ااقراها
يعطيك العااافية على النقل
ودي// جــــورريــــــة
والله يعافيكم من كل شر
مع خالص ودي الـــــجــــــوريـــــة