قلت أسمعيني ياعنود المزايين يأم العيون اللي بها السحر مسكوب

حبايبي القصيده كتابه
وصوتيه بصوت صاحبها

[poem font="Arial,5,darkred,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
دقيت قالت من على بابنا مين=وش قصتك يالي تدقدق على البوب
ماتستحي من دقة الباب ياشين=حتى بدق الباب ما عندك أسلوب
قلت: المعذرة والعتب لا تزيدين=من ضيقتي كني على الوجه مضروب
قالت تفضل قلت جعلك تدومين=فنجالكم يابنت الاجواد مشروب
لكن انا ليّه على أبوك قرشين=محتاجهن والدين راكبني ركوب
ليتك عليّه في طلبهن تجودين=واوعدك انا عن دقة الباب لاتوب
قالت تجينا يافتى الجود بعدين=رح واعتبرهن معك في جيبة الثوب
وقبل اتسهل عاضبت نظرة العين=الا تشوف اللي وراء الباب محجوب
يوم التفت وشفت انا الحسن والزين=لقيت قلبي بالهوى ذايب ٍ ذوب
ونيت أنا ونت صويب المعادين= منها يشيب اللي له ايام مجيوب
قلت أسمعيني ياعنود المزايين=يأم العيون اللي بها السحر مسكوب
قولي لابوك مسامح لساعة الدين=ولو ما عطاني ما على مثله ذنوب
شوفك يكفى لوطلبته ملايين=واللي عليه اليوم ماهو بمحسوب
بالامس انا الديان واطالب بدين=واليوم اصبح طالب الحق مطلوب[/poem]

الي يحب يسمع القصيده صوتيه بصوت صاحبها

للأحفظ والاستماع هناا

شايم الشراري

أتمنا تعجبكم

لكم وردي