قلبي الصغير لا يتحمل / بقلم شمرية 2024.

انا ماعندي حساب بالمنتدى وهذا حساب صديقتي هي الي بتنزلها لكم جزاها الله الف خير .

مستلقيه على سريرها ..
تتظاهر بنوم..!
تنقلب يمينا وشمالا ..
تغطي اعينها بأناملها لتمنع الضوء من الوصول اليهم ..
تأففت وجلست وهي تتمغط ولم تشبع نوم حتى الان !
وقفت وفتحت عيناها بكسل .. لكن.. اتسعت عيناها .. وركزت على شيء ما..! منصدمه..
نوف : بدر..!!
بدر مستلقي على الارض ونائم ..!!!
نوف : بدوور شجابك هني ! بدرررر ..حبيبي بدور قوم يله .. بدوري بدووووووري
بدر : لا مابي وخري عني مابي مابي لاتطقيني تكفين لالالالالااااا بابااااا.. نووووف تعالو
نوف مخترعه : حبيبي بدور انا عندك قوم شفيك قلبي قوم بدووور انت تحلم يله حبيبي قوم …بددددددددر
بدر فز من نومه مخترع ويبجي: لا لا لا نوف وخريها عني تكفيييييييييين وخريها ..
نوف ضمت اخوها بقوه : حبيبي اهدا خلاص هذا حلم ي قلبي خلاص انا عندك الحين .. خلاص اهدا حبيبي اهدا بس بس ..
بدر وهو يبجي ومخترع ومتمسك بنوف بقوه وخايف انها تروح : لا لا تخليني نوف اذا خليتيني بتجيني والله..
نوف : بس يا عمري انت بس .. هذا حلم مافي احد شفيك ي قلبي .. حلم يعني خيال .. يعني مافي شي .. فج عيونك يلا شوف في احد بالغرفه غيري وغيرك .. فج عيونك قلبي شوووف ماكو احد..
بدر وهو دافن وجهه بحضن نوف ومو راضي يبعد: لا مابييييييي مابييي مابيييي مابيييي ..ابيييج ابي ابوي ..
نوف تضايقت لانه ماقال ابي امي : وماما؟
بدر صرخ : لاااااااااااا لا تقولين ماما اخاف تجي لالا مابيها مابيها بتطقني لا لا لا .. (( وقعد يبجي ويشاهق))
نوف وضمته بقوووه : خلاااااص خلاااص بدورييييي بسس لا تبجي بس خلاص ماراح اقول بس خلاص انا عندك الحين حبيبي شفيك خايف انا كااااني عندك وماراح اخليك خلاص ي عمري انت قوم يله بغسل وجهك .. يله حبيبي يله..
بدر وهو مازال متعلق فيها وقام وياها ..وغسلت وجهه ..
نوف : ها حبيبي الحين شلونك !
بدر وهو يشاهق: ن.. ن.. نوو..ف.. نوف ..
نوف : هلا حبيبي عيون نوف هلا..
بدر : مابي انام بروحيي ابي ك.. ك.. كل ي.. ي ..و،.م انام عندج <<(( مابي انام بروحي ابي كل يوم انام عندج))..
نوف تمسح على شعره : خلاص ولا يهمك بتنام عندي كل يوم.. وبجيب سريرك هني عندي .. ها شتبي بعد ي حلو ..؟
بدر رفع راسه بسرعه لها : لا لا
نوف : شنو لا !؟ ماتبي تنام عندي؟
بدر : امبلااا ابي انام عندج..
نوف : شنو لا !؟ ماتبي تنام عندي؟
بدر : امبلااا ابي انام عندج.. بس لا تجيبين سريري عشان امي ماتدري اني انام عندج ..
نوف عورها قلبها : ليش حبيبي عادي انا راح اكلم ماما واقولها ان..
بدر يقاطعها : لااا لا تقولين لها تكفيييين..
راح تعيي والله..
نوف تنهدت : ااااه.. خلاص حبيبي اوكي الي تبيه بسويه .. ها ي بعد روحي تبي شي(( وقرصت خدوده ))
بدر ابتسم لها : شكراا نونه ..
نوف : هههههههه حلات هالاسم .. نونه ها ههههه
بدر كشر : ليش مو حلو؟
نوف : عسسل عسسسسسل .. والله حلو .. هههه ابيك من اليوم ورايح بس انت الي تناديني جذي اتفقنا ؟
بدر ابتسم مرا ثانيه : اييي اتفقنااااا ..
نوف : انزين حبيبي تبي ريوق؟!
بدر : ايي جوعان ..
نوف : يخسي الجوع.. امششش يلا معاي تحت ..
بدر: يلا ..
وهم ينزلون الدرج..
تهاني بصراخ : بددددر !!!
بدر تعلق برجل نوف : نوووف لا تخليني..
نوف مستغربه : نعم خالتي !؟
تهاني : تخلخلت حنوجج بلا .. شعندج مع ولدي ها.. تركيه يلا اشوف ..تركيه يذلف داره ..
نوف : احترمي نفسج رجاء..! وبعدين ماني ماكله ولدج .. ومثل ماهو ولدج هو اخوي من ابوي!!!
تهاني : يالي ماتستحين تركيييييه لا والله يوصل الخبر لبوووج ..
نوف : وصلييييه يلا.. قطع ..
تهاني وهي تصعد الدرج رايحه صوبهم : تركيه احسن لج واقصري الشر ي العقربه ..
بدر ميت خوف: نوف جت بتاخذني نوووف لا تخلينها ..
نوف : انتي شنو بضبط ها .. تراه ولدج !! ماعندج احساس انتي !!! وبعدي مناك يلا ..
تهاني مدت ايدها بتاخذ بدر بس نوف بعدتها بقوه : وقصصصص ان شاء الله ..
تهاني : وجعععععع يا***** خلي ولدي لا وربي تندمين..
نوف: هههههه بتعلمين ابوي؟ هذا الي تقدرين عليه ؟؟ روحي علميه .. بسرعه يلا ..
بدر يبجي : نوف نوف شوفيييي
تهاني : انت هيييي من صجك !!! ياليااااهل للحين ماكبرت !!! وانتي بعدييييييييي عن وجهيي
نوف لفت وانصدمت بدر سواها على نفسه من الخوف!! لهدرجه يخاف من امه!!
نوف ولأول مرا تعصب جذي..
نوف : الله يااااااخذج ان شاء الله انتي حشا مو انسانه انتي حيوانه لا والله الحيوان يمكن ارحم ..
شوفي ياتهاني قسسسسسسم بالله !! ها وانا اقسسسسمت بالله..والله والله والله !! ثلاث مرات قلتها !! ان شفتج تعاملين بدر او سمععععت انج طاقته او زافته وربييييي لا تندمييين وانا الكل يعرفني اذا قلت شي اسويه اسويه .. لا تخليني انددمج ..
تهاني صج خافت شوي بس مابينت : ومن تكووونين انتي اصلا .. وهذا ولدي وانا حره فيه ..
هين بنشوف يا نوفوه بنشوف ..
<< ممكن الحين ببالكم تساؤلات كثيره ..
بقولكم شسالفه ومنو هذول .. ومنو هالناس الي فجاه قريتوا عنهم وانتو ماتدرون شسالفه!
نوف : فتاة جميله متوسطة الطول تميل للقصر
بيضا.. وشعرها طويل لحد اردافها ..مو اسود ولا بني .. بينهم تقريبا… لما تدقق بتلاحظ انه مو اسود ..
تدرس بالجامعه ثاني سنه عمرها 22.. تخصص ادارة اعمال..ابوها اجبرها تدخل هالمجال عشان الفلوس وبس..هي ماكانت تدري ان تهاني جذي تعامل ولدها ! لان تهاني كانت عايشه بشقه بس ابو فواز طلعها من الشقه وحطاها ببيته عشان مل من كثر مايدفع ايجار الشقه ! وشوي شوي عرفت نوف تهاني عدل بانها خوافه بس كلام بدون فعل.. وحلفت انها هي بتربي بدر وبتنسيه امه
ابوها متزوج على امها مرة نسره تخرع تخرع
مو بالشكل ! بالطبع .. اما شكلها فهي جميله بس ماينفع جمال الشكل الجمال جمال الروح! والي هي تهاني
زوجها ابوها غصب عنها واحد شايب الي هو ابو نوف.. تكرهه وتكره بنته وزوجته الاولى وتكره كل شي يخصه .. جابت منه ولد وكرهته حيل لانه يربطها فيه .. صارت فيها حاله نفسيه بانها تعصب ع كل شي ماعمرها رضت وماعمرها ابتسمت من تزوجته.. وحقوده وتكره الكل واولهم ابوها الي حرمها من كل شي حلو بحياتها وزوجها هالشايب المخرف .. عمرها 28
انزين نتكلم عن شخصين .. ماطلعو للحين بالروايه..
ابو نوف (( فواز)) ام نوف (( مريم ))
فواز كلمه حيوان شويه بحقه..
مايحس ابدا عديم احساس .. اهم شي بحياته الفلوس .. اكبر همه .. بس ماعمره سوا شي حرام مثل السرقه وجذي لا بس انه بخيييل ويموت بالفلوس .. وفوق هذا شايب عمره 71
اما مريم (( ام نوف ))
طييييبه وحبوبه وانسانه محترمه .. تزوجت فواز عشانه ولد عمها فواز .. وهي صغيره عمرها الحين 42 صغيره حيل بنسبه لفواز ..
وفيها السكري والضغط ..>>>
نرجع نرجع لروايا ..
تهاني انقهرت وراحت لغرفتها..
اما نوف ودت بدور وغيرت ملابسه وهدته ووعدته ماتخليه عند امه ونزلت تحت تريقوا وصعدوا فوق تلعبه ..
ابو بدر (( الي هو ابو نوف)) دخل وهو معصب : تهااااانيييييي..
تهاني فزت : نعععم..
ابو بدر : وييييييين الفلوووس ها.. وييينهم !!؟ طلعيهم بسرعه !
تهاني : اي فلوس ؟ شتقول انت؟
ابو بدر وواصله معاه : طلعيييهم اقووول بسرعه ولا بلا تمثييل يلا خلصييينيي..
نوف : هلا يبا شفيك شهالصراخ..؟
ابو بدر : نوف روحي غرفت هال**** الي قدامي وفتشي باغراضها شوفي يمكن تلقين 300 دينار
نوف تطالع تهاني : 300 وليش ؟
تهاني : شدرااااني .. روحي روحي دوري حمدالله وشكر .. ماني خدامه عندكم تفتشوني بعدين انا شبي فيهم !
ابو بدر : جبببببب انتي ولا كلمه .. ان لقيتهم عندج لا اوريج شي عمرح ماشفتيه .. وانتي ذلفييييي دوريهم ..
نوف اخترعت : ان شاء الله يبا بقوم بقوم ..(( وراحت تدور بغرفة تهاني ))
بدر من ورا نوف : نونه ..نونه
نوف : هلا هلا بدوري عيون نونتك هلا شتبي حبيبي ..
بدر : نونه شوفي هذا لقيته على سريري..
نوف : شنو .. عطنيي اشوف ..
بدر : هاااج..
نوف انصدمت: 300
بدر : هذول فلوس منو .. فلوسي؟؟
نوف : لا حبيبي من وين لك هذول وين لقيتهم..
بدر : لقيييتهم على سريري.. يمكن الفراشه حطتهم عندي !! لاني اطيع الكلام صح ؟
نوف : لقيتهم على سريرك ؟ اممممم !