انا اليوم مسافر بدون تطويل شرح انا مسافر جاكرتا اليوم وابغى انزل بعض القصائد قبل اسافر وانقطع عنكم لفترة سفري الااذا سمحت الظروف بالدخول معكم عمومآ اليكم القصيدتين اقبلوها كماهي!!
طيب قلت:/
اخذت جوالي السابق وشليته |
| قريت فيه اللي ماودي ولا لي به |
| قريت شي ٍ تسبب لي بتنهيته |
| ولج الحشى والبلى شب بدواليبه |
| لواحد ٍ من قديم الوقت حبيته |
| ومن بعد عرسه تسلا مع معازيبه |
| سنين وسنين واحسبني تناسيته |
| واثر الغلى باقيه حمر(ن)مشاهيبه |
| تقول يامبارك ان خلك تباطيته |
| والا غدى بالزمان وطوّل الغيبه |
| لو مرّك الطاري بلحظه وطريته |
| اذكر لزينه مع دمحة عذاريبه |
| ليته لمح دمع عيني يوم هليته |
| كنه قرى بالزمان وويش يجري به |
| ماقالها لين ثبت بالحشى بيته |
| مكّن عموده .. بعد ثبّت لأطانيبه |
| رسالة(ن) وقتت للجاش توقيته |
| وخلتني اجيب شي ٍ مابي اجيبه |
| هذا ترى طاري(ن)اليوم مريته |
| مع واحد(ن)راح والقلب بمخاليبه |
| بس انتبه ياعشير(ن) تو لبيته |
| اخاف لااذكرك يوم(ن)بعد تغريبه |
| ياويلي أليا لفى طيفك وضميته |
| كنك على الموت تشر لي وتوصي به |
تنهيته=>تنهيده اصلآ بس انا انطقها بكلامي كذا من خلقني الله وجات على الفطره مالي دخل ههههههـ
القصيده الثانيه اهداء لكم واعتذار اذا زليت على احد سواء بقصد او بغير قصد والله اني مااذكر فيكم من اولكم الى اخركم احد حاقد عليه فالمعذره وسامحوني يااخواني وخواتي!!
المهم اليكم الابيات:/
اقول:/
| اذكروني لامشيت اذكروني بالجميل |
| مابي احد ٍ يذكر اليامي بشين العمل |
| كل منكم بالحشى ساكن ماله مثيل |
| حايز(ن)له بيت والبيت مفروش ٍ بزل |
| ادري انه صعب فرقا خليل ٍ من خليل |
| المثل لونضربه ويش يكفي من مثل |
| الحقيقه منجبر !! والحقيقه مستحيل |
| مستحيل انسى ليال لها عندي محل |
| اعذروني لوحصل قاصر ٍ مني وميل |
| والكمال لواحد(ن)دون غيره مكتمل |
<<فمان الله يالربع استروا ماواجهتوا وان شالله تسمح لي الفرصه على الدخول!!!
بقلمــــــــــــــــــــــي
مبارك العرجـــاني
أســــ الغنج ــــير
واثر الغلى باقيه حمر(ن)مشاهيبه
اول شي صباح الخير وتروح وتجي بالسلامه
يمدحون جاكرتا هاليومين هابين فيهاا الشبااب يمكن نتواجه هنااك ههههههههه
انشوينا بالسعوديه << …
ثانياا / صح لسانك ملايييييييييييييييييين يا مبارك
ماني مادحك ولا مادح قصايدك .. لأنك تعرف رايي بس لاتطول علينا
اشوفك على خير
وليه يا مبارك أحد بالله عرفك ولا حبك الله يسعدك
ولا جا منك شي يكدر الخاطر
ما يجي من الحلو الا الحلو
تروح وترجع بالسلامه
وبانتظارك
تســــــــــافر وتـــــــــرجع يالغلا بالسلامـــــــه
ويـــــــارب يعذوورنك اللي انت مزعلهم >>استنتجته من كلامك
>>مع اني ما اتوقع فيه
>>بتتصفق …
القصيــــــده الاولـــى موب صاحيه >>هذا نوع جديد من الاطـــراء
والقصيده الثانيه تمصع القلب >>> اطراء 2024 هههاي ..!!
وبعلمك كلمه بقولها لك قبل لا ترووح
تريماكاسي >> معناتها شكراا
واذا احد رد عليك وقالك سامو سامو >> تراهي سبه
>>ناويه تخليه يتصارع معهم هههاي
>>لا والله معناتها عفـــــواا
مودتي
//
صح نبضك على قصايدك الجميله تروح وتجي
بسلامه
دمت سالم يا ايها الأنيق أنا بنتضارك
.gif "Graaam (70)")
معزوفتين , من أروَع ماداعب ناظري
سلِمت يمينك التي أجادك
,’
مبارك , لااااتطوّل بـ جاكرتا وتنسانا ):
تروووح وترجع بالسلامـهـ يارب
ابدعت
صح لسانك
ترجع بالسلامه إنشاء الله
تحياتي
اختك/ السبات الطويل
ياوجه محلف
وبيض الله وجه
كفيت ووفيت
وتروح وتجي بالسلامه
تقبل مروري
أسير الغنج….
اذكروني لامشيت اذكروني بالجميل
مابي احد ٍ يذكر اليامي بشين العمل
كل منكم بالحشى ساكن ماله مثيل
حايز(ن)له بيت والبيت مفروش ٍ بزل
ادري انه صعب فرقا خليل ٍ من خليل
المثل لونضربه ويش يكفي من مثل
الحقيقه منجبر !! والحقيقه مستحيل
مستحيل انسى ليال لها عندي محل
اعذروني لوحصل قاصر ٍ مني وميل
والكمال لواحد(ن)دون غيره مكتمل
قصيدتك الاولى جداً رائعه
والثانيه أروع…
صح لسانك وبيض الله وجهك
تسلم ويسلم منطوقك…
أمنتك الله…تروح وترجع بالسلامه…
تقبل مروري/
عذرى الحسوسي