على المغرب .. خالد كان لابس و بيروح لعمر ..
غلا : وين رايح خالد؟؟
خالد : بزور بيت أبووي ، اشتقت لهم ، من زمان ماشفتهم
غلا : خالد اذكر ربك واقعد ، انا عارفه شفبالك
خالد بمكر : لا ، لاياحياتي ماتعرفين ولا ذره من "الاشيا" اللي فبالي
غلا وهي تبلع ريجها : خالد شبيوديك يعني ؟ خلاص السالفه انتهت رايح تشب الضو مره ثانيه ؟ ماخبرتك تحب المشاكل
خالد وهو يلم غلا وهي جنبه : صـح كلامج حبيبتي ، انا ماحب المشاكل ، بس هاا ..! اللي يرد يفتح باب المشاكل بعد ماسكرته ، اكسر الباب على راسه ، فهمتي شلون !
غلا و قلبها طاير من مكانه ، شناوي عليه ، شبيسوي ، كلامه يخووف وايد !!
خالد : فهمتيييني؟
غلا : فهمتك ، بس الله يخليك لاتروح
خالد : لا الحين السالفه ركبت راسي ، رايح يعني رايح
غلا : انزين بروح معـاك
خالد يغمض لها عينه على انه مب راضي ..
خالد كان يكلمها باعصـاب باارده .. شكله متكتك لكل شي و عارف شبيسوي بس ماعليه الا انه ينفذ ..
رن التليفون و غلا تطالع خالد بخوف ، تخاف ترد يشرد منها
خالد : ردي
غلا : رد انت
خالد : لا انتي
غلا : مب ضروري
خالد : روحي ردي غلا
غلا بدون وعي ردت و خالد لما شافها راحت تسحب من البيت بشوويـش
غلا : ارد اكلمج بعدين
و سكرت السماعه و طاحت على الكرسي
((ياربي استرر ، شلون بلحقه؟ شبيسوي خالد؟ شالمصيبه اللي يبي يسويها ، الله يسامحك ياعمــر على اللي سويته )) ..
" تهقون عمر سوى او بيسوي شي يضر غلا ؟ " ..
غلا فكرت انها تتصل و تقول لهم يطلعون عمر بره البيت ، خالد شكله ناوي على مصيبه ، لكن خافت ، لان ان راح خالد و عمر محد بيدري انها متصله او معلمه حد ..و بتطلع بصوره مب حلووه كلــش .
غلا مابقت فيها أعصاب .. خالد حرق كل اعصابها قبل مايطلع
خالد فالسياره كان توه يبي يطلع زقارته بس ردها ، و كان يحس بشي ثقيل على صدره ، يعني مايقدر يتنفس براحـه .. رجعها خالد ، وهو يحس بالحزن بنفس الوقت ، يحس الدنيـا ضايقه فيه ، شمعنى هالمصايب تصير لـه و من اخوه .!
ليش المصايب صارت ملازمتني ليش؟؟ شهالكدررررر يارب
وصل لبيت ابوه و كان لين الحين قاعد فسيارتـه ..
شبسوي فيك ياعميـر ؟ شبسوي ..
نزل للحوش و راح عند دريشة دار عمرو لقاها مفتوحه و عمر فالدار و مدنع على ورقه فالمكتب كانه يلون شي بسرعه و يغني
لا هي نار ولا هي مـا ..
لا هي غيمه ولا ضمـا ..
ان حكت غنت سنابل من رضـا ..
و السكوت ان صار نيران الغضـا ..
يارضاها وقف وناضر شووي ..
شف ( غلا ) وشسوت بشخص حـي !! ..
كيف حي ولا لقاها ! !
وان لقاها مابقى بايدينه شي ,,,,,, غير انه يحتريها .!.
خالد فثواني صار داخل الدار
و عمر ولا حس له و عقب لحظات قام من المكتب و بشهقه وحده حس قلبه سـااح فبطنه
خالد : بسم الله عليك تخرعت وايد؟
عمر بصدمه: خالد؟
خالد : عيل
عمر : لا ،،بس ، ،،،مادري، شلون دخلت؟
خالد : الباب ، فتحته ، دخلت ، قعدت ، واسمعك وانت تغني على مرتي..
عمر يبلع ريجه: شتقول انت ؟ استخفيت ؟ حياك اقعد ..!
خالد وهو مطنش لآخر كلامه: لا بالعكس ، انا قبل كنت مستخف و واثق حتى ، ومأمن أخوي،، بس حساف الحين بس و عيت و صرت اشوف كل شي ، كل شي كنت تغطيـه انت تفتحت عيوني عليـه .
عمر : خالـد ،، بسك عاد وشوف عمرك شقاعد تقول ، انت قاعد تخون فيني و تخون فام عيالك
خالد وهو يحط ريل على ريل : ماشالله لا عارف ، بعد بعد كمل ، لاايق الدور عليك والله
عمر : انت بتحترم نفسك ولا
خالد : اووه ، و بتعلمني درس الاحترام هالمـره .. زين يلا اسمعك ، يمكن فعيونك تربية أمي و أبوي لي غلط ، ماكفتني و ناطرك انت تربيني و انت شنبك توه خاط
عمر قرب من خالد و العرق يهطل من جبينه ماهو عارف نفسه خايف ولا معصب ولا مرتبك ؟!
عمر : انا لين الحين محترمك لانك اخوي الكبيـر بـــس
خالد وقف و دز عمر من جدامه : الحين انت تعرف شي فالاخلاق ؟ انت ياللي ماستحيت على وجهك و قلت خلاص بعد اللي صار احشم عمري ، لا رجعت العن من قبل ، اللي مكانك بعد مايرفع عينه فعيني ، ماتستحي انت ؟ لعنبوك انت ( خوااااااان) و ترد لنفس الموال؟ انت شنو ؟. شصادك؟ شاللي قلبك مره وحده
عمر زعق فيه مره وحده : بسبتك ، كله منك
خالد و الغضب حقن وجهه : شنو اللي بسبتي انا؟
عمر اللي من يجي طاري غلا يصيـر واحد ثاني : بسبتكم و بسبتك كنت تقدر ترفض لو انك تحب اخوك ، تشرد ، تسافر ، خذتها مني لانك اصلآ كنت تحبها و ماتحبني ، كنت تبي سعادتك على تعاستي ، خذتوها و جريتوها من مكان لي ثاني و هي ماتبـي و مع كل ذي سكتت و رضت بكل شي لان فيها اشيا ماعندي اياها ، قدرت تصبر و تحبك و تتأقلم معاك و تنساني؟
بس انا ماقدرت اعيش بدنيا مافيها غلا .. ماعرف انساها وهي كل يوم تصير فبالي اكثر، ساممحني خالد ، بس غلا تمكنت مني ، يمكن مثل ماقلت لي ، لاني صغير و ماعرف اتحكم بمشاعري ، جات اهي ولعبت بحسبتي و خلتني مثل القلم فاصابعها تكتب فيني و تشطب و تمسـح و انا ماعلي الا انفذ ..
انـا حبيتها و ماقدر اكرهها ، حاولت و جذبت عليكم و على عمري بس الجذب حبـله قصيييييير ، و انت اللي كشفت كل شي …….
خالد : ……….
عمـر يلف وجهه عن خالـد(انت قلتها تبيني احط عيني فعينك ولا ارد عليك بعد)
خالد : بعتبرك خلصت و برد على كلامك ،، ترا انا لين هالثانيه و اعصابي متجمده و ماسك عمري عنك و مابي احط بنت عمي فمشاكل ولا ابيها تدخل فعوار راس هي جاهله فيـه ..هي توها تتعلم اللي انا متعلمه من زمان
عمر يرفع حاجبه و هو يغلي على خالد ..
يكمل خالد : اسمعني ، انك تقول لي خذتها منك واني احبها و اكرهك ماراح يجدم و لا يأخر ولا يغير أي شي ولاني بمصدقه لانك تقوله و انت ماتدري شتقول .. اسمع الكلام اللي طلعت روحي وانا اعييده على راسك ،،غلا اول ماشفتها كانت هي آخر وحده من اللي يقربون لي اشوفهم ، لانها كانت بعيده عنا و اهلها الله يرحمهم ماخلوها هني ، يعني ماكنا نعرفها عدل ، اتذكر كل شي بالتفصيـــل يوم توصل بيتنا مع عمي و قعدتها حتى تحركاتها اذكرها و اذكرك انت و شلون متسبل فيها .. انا اول ماشفتها اكيد شفتها حلوه ، بس بعدها طنشتها ، لانها كانت صغيره و صج كنت معتبرها اختي ، لاني شفتك منسجم معاها، حسيتكم صغار .. انا ماعلقتني فيها كثر ماتعلقت انت فعيوووونها .. و بعدين تطورت المسائل و امي خطبتها لي و بدت امي بطريقتها الخاصه تدخلها فراسـي ، انا رفضت و رفضت و كلمت ابوي و بينت لهم رفضي و ليش رافض لدرجة اني قمت ادخن صبح و ليل عشان اذبح روحي ، لكن هاللي سويته بينت نتايجه الحين ..
عمر : الحين؟
خالد يكمل ولاجنه سمعه وهو يتنهد بحزن واضح : و ماقدرت اقنعهم و ماقتنعوا حتى بدموعي اللي طاحت لأن فكرة اني آخذ و حده عين (اخوي الوحيـد ) عليها صعبــه حيييييل ..
بس كل شي صار غصب علينا بس انا ماكسرت بخاطر غلا المنهمش ، و قدرت افرحها مع اني ادري اني فكل لحظه كنت فيها مع غلا انت فبالها ماغبت مثل ماانا اغيب عنها ..
عمر : استغفر ربك خالد
خالد ماقصد اللي قاله ونزل راسه : استغفر الله ، بس انت مانك حاس باللي فيني ،ولا بتحس وانا اليوم كان المفروض اجي و اخلص عليك ، لكن انا ضعيف و ماقدر اسوي شي فاخوي ، بس انت اللي اصغر مني اقوى مني و قادر تسوي كل شي مايعوقك حد .. فباقول لك كلمتيـن ،، بعد عن غــــــلا هذي كلمتي الأخيــره فاهمني !! ترا كثر ماستحملت هالسنين ماني مستحمل بعد ..حط نفسك مكاني ،، وين غيرتك ؟؟
و طلع عنـه ، ولا خلى عمر يشرح له ولا يفضفض له حتى ..
عمر زعل و حس ان ضميـره مأنبه بس قلبه يمنعه من انه يصلح غلطته ، شيسوي بعمره؟
عمر (( انا قاعد اخسر اخوي و بخسر غلاي ))
خالد طلع من عند عمـر وهو متضايق ، راح مع رفيجه خليفه مايبي يرد البيت لغلا
غلا اتصلت لخالد اكثر من مره بس مارد عليها ،، اتصلت لبيت عمها ورد عليها عمها سعود و قال لها انه ماشاف خالد ..
غلا سكتت و ضيعت السالفه و قالت لها انها فكرته بيروح لهم بس هو ماأكد لها هالشي ..
سكرت من عمها وردت تتصل له بس ماكان يرد لين سكر جهازه عنها ..
غلا صارت تحس ان خالد ماعاد يحبها مثل الاول و لاقام يهتم فيها ، و صار مقصـر معاهـا وايـد ،، لما كانت هي قاسيه معاه كان معاها مثل العسـل ، و لما هي تعلقت فيه هو جفاها و صارت عاااادي عنده ..
غلا تعبت وهي تنتظره و طلعت تنام لان الوقت تأخر و الساعه قربت للـ1 و نص وهو ماوصل البيـت ..
بعد ماغلا نامـت وصل خالد للبيت ابوه ، و غلا فالبيت بروحها .
ثاني يوم الصبح لطيفه كانت بالصدفه فممر غرفة غلا و حست ان حد داخلها فتحتها و لقت خالد نايم فيها ..
لطيفه قعدت عند راسه و قعدته ..
خالد وهو ماله خلق لها : شنو يمه ؟؟
خالد : مافي بينا شي يمه بس امس تأخرت مع رفيجتي و نسيت مفتاح بيتنا
لطيفه استغربت هم مب متعودين انهم يستعملون مفاتيح لبيوتهم..
لطيفه : قوم انت تجذب علي
خالد : لا يمه صدقيني ، ابي انام تكفييين(يرجع يلحف وجهه)
لطيفه خلته و قامت اتصلت فغـلا ..
غلا : الووو !!
لطيفه : هلا غلا ،، شلونج؟
غلا : اهلين خالتي انا بخير شلونج انتي؟
لطيفه : انا حمدلله اسأل عنج
غلا : سألت عنج العافيه ( وهي تدري ان لطيفه عندها حجـــي)
لطيفه: الا بسألج
غلا : سألي خالتي
لطيفه : ريلج وينه
غلا رصت على شفتها، شبتقول لها الحين ،، حست بالغصه ببلعومها ..
غلا : ها؟ خالد من امس طلع و مارجع للبيت
لطيفه : و ماتعرفين تتصلين له ؟؟ ولا متهاوشين مع بعض؟
غلا : لا بسم الله علينـا ، اصلآ انا اتصلت له بس ماكان يرد علي شكله جهازه كان مفضي
لطيفه : و ليش تقفلين عنه باب البيت؟
غلا : قفلته؟
لطيفه : أي
غلا : أي صح قفلته لان الوقت تأخر و خفت
لطيفه : انزين يلا مع السلامه
غلا : شنو مع السلامه ، خالد عندكم ؟
لطيفه : أي حبيبتي عند امـه
غلا : اهـا انزين مع السلامه ..
وسكرت عنها ، غلا فلحظات حست من كلمة "عند امه" ان خالد صار بصف لطيفه و تنكر لها ، و صارت هي بروحها تدور من يوقف معاها ، طاحت دموعها و هي تتمنى لو عمها سعد يرجع يحيى ثانيه و يشوف شصار فيها ، يشوف هي شلون انقطت فبلاوي و دوامات ماتعرف تطلع منها .. لا أم تنجدها ولا أبو يحميها ولا أخو يسندها ..لكن كل اللي فبالها توهمات لانها قاعده تتوقع اشيا ممكن تصير أو ماتصيـر !!
صار الظهـر و خالد مارجع ..
غلا كانت قاعده فالصاله بروحها و عيونها ذابله و صارت شخطتين من الصياح .. بس كانت تحاول ماتبين ..
انفتح الباب و خالد دخل ..
خالد شافها وظاقت فيه الدنيا اكثر ..
خالد : السلام عليكم ( وهو يسكر الباب)
غلا ماردت عليه و طلعت للدار ..
خالد : وين يبا؟من امس ماشفتج
غلا تمشي على الدرج بسرعه عشان مايلحق عليها ، خالد تلها من يدها لين مانرشت دموعها على وجهه
خالد بعصبيه خفيفه : اكلمج انا
غلا : شتبي فيني ؟
خالد : ليش ماتردين علي
غلا : يعني انت اللي رديت علي !
خالد رخى من رصته على ذراعها الظعييفه ..
خالد : ولاشي .. خلاص
غلا : أي هذا اللي انت شاطر فيه ، تمد ايدك علي ، وتعلي صوتك علي ، لان انا ولاشي بالنسبه لك .. اذا تشوف فذبحي راحه لك اذبحني ، ارحم من اللي تسويه فيني،، صرت رخيصه عند الكل..ولاعاد حد يهتم فيني،ابات بروحي جني منبوذه..الله يرحمك ياعمي سعد ريتك هني بس
خالد بصوته العالي :بـــس بس ،، شنو شتبين اسوي فيج؟ شسوي! ضيعتي عقلي وضيعتينا وراج ..
غلا تطالعه و هي ماتقدر تمسك دموعها بعد شقصده بهالخرابيط؟ ترسوا مخه و جا يسوي لي مشاكل
و ركضت للدار وقفلت على عمرها
خالد : اووفففف شسويت انا ..
مشى للدار و حاول انه يفتحها بس غلا قافلتها قعد يحن على راسها لين فتحت الباب ..
دخل الدار و هي قاعده على الكرسي تشوفه ،، كل شوي هالانسان بشكل ، كل شوي له حاله
واقف على الكمدينه و يشوفها و هو يعقـّد حواجبه ..
خالد : غـلا؟؟
غلا تطالعها و هي ساكته عنه و لاتبيه يكلمها
خالد خلاها و راح يبدل ملابسه و غلا راحت المطبخ تاخذ دواها،حست نار فـ معدتها تتقلب
وقفت غلا و هي تتذكر هالدقايق اللي مرت و خالد شلون كان فيها شربت الكاس و خذته معاها و دعمت فجسم خالد اللي كان وراها و انكسر الكاس من يدها
غلا ماعرفت شتسوي كانت تبي تروح عنه توخره ،، نزلت بتلم الزجاج اللي تكسر و نزل..بس خالد مسك يدها اللي ترجف و طلعوا الصاله ..
خالد : شفيج غلا؟
غلا : مافيني شي ، بروح انام تعبانه
خالد : آسف على اللي صار
غلا ماردت عليه
خالد : صدقيني ماصار شي بيني و بين عمـر ، بالعكس رحت معاه وتصافينا و فهمته بس ، مامديت يدي صدقيني
غلا بعد ماترد عليه
خالد يحط راسه على جتف غلا : غلا تكفيين انا تعبــان من امس ، وماعندي من يواسيني ، لاتقسين علي جذي ، وربي اتعب
غلا قلبها من داخل كان يشهق عليه و حطت ايدها على راسه ووخرته عنها و قامت عنه نزلت الصاله
خالد هني فار عليها و صفق باب الدار .. ((شسوي يعني؟شبلاها صارت جذي معاي؟كرهتني عدل))
غلا ماسوت شي غير انها بمثل ماسوى لها سوت له ، و نزلت طلبت الدكتور يجيهم البيت بدون ماتروح لخالد .. خافت يكون صج تعبان وشكله هالايام مايطمن
خالد اللي تسطح على السرير وهو يفكر فغلا بغضب دخل الدكتور
خالد : بسم الله الرحمن الرحيم ، من انت؟
غلا من ورا الدكتور : خالـد،، هذي الدكتور
خالد يطالعه بتووعد لها …. و طلعت عنهم غلا خلتهم مع بعض
غلا كانت تنتظرهم فالصاله بعد مارن التليفون و كان عمر المتصـل .. بس غلا ماحاولت تخليه يسأل أكثر عن خالد و سكرت بسرعه .
خالد فهم الدكتور انه يقول لغلا ان خالد تعبـان كلــشش
دخلت غلا وهي تفتح شيلتها و تعلق عباتها ، قعدت حذا خالد
غلا : سلامتك ، شفيك؟
خالد يكح : انلفوعنزه
غلا تدري عنه وهي ماسكه الظحكه والله انه يهبل : لاا ، سلامة عمرك ماتشوف شر
خالد يكح فوجه غلا وهي تغمض عيونها : مشكوره ام فيصل
غلا : تبي تاكل شي ؟
خالد : اذا من يدج أي
غلا ترفع له حاجب ، و خالد يكح ..
غلا : بس مره ثانيه لاتوصي حد يوصيني فيك
خالد يبتسم على جنب على كلام غلا .. ( والله وكبرتي و قمتي تقطين كلام يا غلووي ) .
غلا احترت هي ماقالت له نكته عشان يظحك .. طلعت عنه و عرفت شتسوي فيه طرشت له فيصل و سعد و مريم اللي مايتوصوووون ..
غلا " مفكر خالد بهالحركه بنسى اللي صار " ، مسكت غلا بطنها اللي حّـر عليها فجأه و قعدت على الكرسي
غلا بخووف : اعوذ بالله ، شصار فيني ..
غلا حست ان المكان كله صار ازعاج من شدة العوار اللي فيها و فتحت الباب و طلعت للحوش مع ان الجو ماكان يساعد
بعد ثواني ، رفعت غلا عيونها على غرفتهم ، و شافت خالد فالبلكونه بس شكله مانتبه لها ، كان شكله جذاب بالبجامه البنيه ، كانت غامقه اقرب للبني المحروق ، و اشعة الشمس مخليته يرص بعيونه وتبين غمازته ، و بين شكله من أروع مايكون .. غلا حست بحرارة الجوو و الهوا الحار و دخلت لداخل البيت ..
دخلت غلا و لقت فيصل و سعد تحت ، شكله خالد ماخلاهم و قدر يكشهم .. راحت غلا للمطبخ بس ماكانت فيها قوه تخليها تسوي لخالد شي .. وراحت له الدار .. بس هو كان فالصاله و يشوف التلفزيون .. و مريم بس اللي عنده
غلا : شوي ويجهز الأكل
خالد : تسلم يدج يابعد الكلل والله
غلا : آسفه خالد انا بروح ارتاح ، شوي تعبانه
خالد : تعبانه؟ شفيج؟
غلا : لا ولاشي تعبانه بس
خالد : أي من شنو تعبانه ، خذتي دواج اليوم؟ ولانروح المستشفى؟
غلا ترفع عيونها له .. خالد انصدم من نظراتها .. شنو؟ شبلاها؟
ودخلت الدار و خلته ياكل غداه ، طبعآ هو ماكل ولاشي وتم طول اليوم فتفكيـر × تفكيـرر ..
غلا و خالد كانوا فالبيت العود مثل كل نهاية اسبوع الكل متجمع و الجو الحلوو بين الكل ولو ان الجوو كان شووي حار ={
غلا كانت قاعده مع المها و غاده و بنات خال خالد منتشرين فالحديقه ههه " حليلهم عبالهم الجو حلوو . ههههههه . "
المها : ترى فحينا من الحر
غلا : أي والله انا بدخل مافيني اقعد اكثر بعد
المها : أي والله خذيني معاج ، غاده عاجبها الجو مع ولدها ، شكلوو أول الخلـفه هههههههههههههههه
غلا+غاده: هههههههههههههههههههههههههههه … غاده:يملقققققج يامهوه
غلا و المها طلعوا من الحديقه عشان يدخلون للبيت ..
بس شافوا محمد اخوها فطريقهم لان الحديقه كانت بعيده شوي عن مدخل الصاله ..
محمد : هلا والله
المها : شتبي
غلا كانت واقفه و تطق ابهام فوق ابهام لان محمد مايطمـن .. وعينه ربع زايغه
محمد بابتسـامه وهو يمرجح جسمه وهو ماسك بالشجره : شلوووونج غلا؟شخبارج؟ شمسووويه عساج بخير
غلا : حمدلله الله يسلمك
محمد : ويينج من زماان ماشفنااج ، شدعوى ماعندج ولد خال ريل تسألين عنه
غلا ترفع حاجب و هي ساكته عنه
محمد : شكله ماعندج ، يبـيله ولد خال عيل
غلا تظحك له بسخافه على كلامه
محمد : بل بل شقلنا احنا
غلا : ولاشي ، المها انا بسبقج اوكي
المها : اوكي
غلا مشت وهي تتحلطم فداخلها عليه .. و تذكرت جوالها نسته وين كانوا قاعدين شلون بترد الحين وهي متأكده انه وراها لقت ولقته يتابعها بنظره … اففففف منه
كملت دربها على انها بتروح للصاله لكن لفت من ورا البيت عشان توصل الحديقه
مرت على دار عمر و شافت شي فالدار بس القزاز كان شوي مانعها تشوف عدل .. قربت و شافت عدل لان الستار كان مفتوح عنها
غلا شهقت و تمنت لو انها تختفي فهاللحظه ..
شافت رسمة عمر اللي خاشها بس شكله نسى يغطيها هالمره
غلا تفاجئت و انصدمت و حست كأن كف جا على وجهها
"راسمني؟ شفيه عمر اكيد استخف" ،، قعدت غلا تتذكر
عمر كان طالب منها هالشي من قبل لاتتزوج و هي رفضت أكثر من مره .. بس عمر كان كل يوم يرسم لها شي من ملامحها بالظبط مثل ماكان يغمض عينه عنها ويروح يرسمها
عمر كان فالدار بس ماكان عند الدريشه ، كان بزاويه ثانيه يعني.
غلا ضاعت ,, تمنت لو انها تختفي تنشق الارض وتبلعها لما شافت خالد جاي ، شجايبه هني؟ كانت تبي تركض تنخش ..
خالد : غلا؟ شتسوين هني
غلا : الله جابك خالد (وبسرعه تجره عشان مايشوف اللي فالدار)
خالد : شفيج عمري؟ شتسوين هني ، الدنيا حر ، مب زين عليج
غلا : لا ولاشي ، ناسيه جوالي هناك ، وماكنت ابي اروح لان غاده ان شافتني بتقول لي قعدي معاي
خالد : هههههههه افا علييج ياعيوون خالد ، الف طلب مثل هالطلببب
غلا ( شصاير؟ من متى عن هالكلام ) .. ابتسمت له غلا و راح خالد يجيب الجوال لها ..
رجع خالد و دخلت غلا معاه لداخل البيت و هي تحمد ربها ألف مره ان خالد ماشاف شي ..
عمر غطى الرسمه و كان توه شاري بعد منظر كبيييير وعلقه فوقها،لأنه يدري ان اللي يسوي غلط ، و أي شي نخشه يعني غلط ..
وطى ليتات الدار و طلع و شافهم .. اول ماطالع طالع فخالد اللي كان يسولف مع غلا بس لف له لما شافه
عمر : السلام عليكمممم
الكل : وعليكم السلام ..
عمر قعد حذا خالته وهو يتحاشى يشوف غلا و خالد
سند عمر خده على اصابعه الطويله
غلا : خالد انا بدخل وانت خلك هني
خالد : ليش؟
غلا : لا ماعليه احسن
خالد ابتسم لها براحه: اللي تشوفينه ..
باس جتف غلا بدون لحد يحس و غلا تحس انه العبره خانقتها وخدودها انصلخت من الفشله ..
دخلت غلا للصاله اللي كانوا فيها البنات و قعدت معاهم ولو انهم مب من سنها ، بس حاولت انها تخلي هالكم ساعه تمر بدون مشاكل ..
خالد قعد حذا عمر اللي سحب ولاعه من الطاوله و قعد يلعب فيها على اصابعه
خالد ولاجنه صار بينهم شي من كم يوم : تدخن عمير؟
عمر من دون مايلتفت له : جايز
خالد : شنو اللي جايز؟
عمر : ليش معصب انت تدخن بعد
خالد سكت عنه وهو يفور عليه .. ويمسح بوجهه عن الغضب:لين الحين اكلمك باعصاب بارده .. كلمني بأدب شوي
عمر يدندن ولاجنه يسمعه
شال الولاعه من يد عمر و عمر لف عنه
خالد توه بيتكلم الا بصرخه من عمر : هاتهـا
خالد بصوت أعلى : انثبـر مكانك
عمـر : ماني ياهل عندك ولا انت اللي بتعلمني الصح من الغلط ،هاتهااا
غلا اللي سمعت صراخ خالد و قالت يالله ، وقفت على الباب وهي تشوف الحرب
لطيفه كانت واقفه بينهم :عمر اذكر ربك و انت بعد ياخالد شحركات اليهال هذي ، عطه الولاعه و روح عنه ، بلا سخافه لااكفخ كل واحد فيكم ، استح على وجهك انت معاه ؟ شخليتوا لليهال؟؟؟؟
خالد خلاهم وراح للمجلس عند ابوه و خواله و كانوا عندهم ضيوف و عمر لحقه ودخل المجلس كانه بيتهاوش بس شاف الناس وسكت وطلع …
غلا ركضت تبي تلحق على خالد قبل لا يطلع بس ماقدرت و قعدت فالحوش تتصل له عشان يرجع ..
خالد:الو؟
غلا:خالد،انت وينك؟
خالد:فالمجلس ليش؟
غلا:تعال،ابيك شوي
خالد:انشالله ، شوي و برجع
غلا:لا الحين
خالد:ماقدر غلا(يحط يده على الموبايل وهويكلمها)،عندنا ضيوف
غلا : انزين عشر دقايق بس
خالد:انشالله
و سكرووو ..
غلا قعدت على الكراسي المحطوطه فالحوش وهي تتذكر اللي صار
حركتهم بايخه مب يهال عشان تطلع منهم هالحركات .. على ولاعه يتهاوشون؟ استغفر الله .. صج بياخه فعيال عمي ,, هههه
فتحت غلا شيلتها ورجعت عدلتها
عمـر : مسـاء الخيـــرر
غلا بصدمه طيحت قلبها : عمـر؟؟
عمر : ليش مستغربه ؟ أول مره تشوفيني !
غلا : ها لا بس تكفى روح خالد بيجي بعد شوي
عمر : خلاص اقعد اسليج لين يجي
غلا : عمر واللي يسلمك عشاني روح
عمر : عشانج انتي؟ عشانج اهد الدنيا كلها لو تبين اقط عمري فالنار اقطها ، افا علييييييييج
غلا تلف وجهها عنه كانها تدور خالد
عمر حس بثقله عليها: خلاص رايح ، مع السـلامه
مشى عمر عنها و راح للحديقه وين ماكانو قاعدين فيها وشاف بنات خاله بس كان يمشي ومنزل راسه ، كانه يفكر بشـي ..
عمر((الله ياغلا الحين انا تبيني اروح؟ وتلفين وجهج عني ماتبين تشوفيني؟ ليش مثل ماانتي حبي الاول ماني حبج؟انتي كنتي تحبيني شصار؟ليش كل هالكره مره وحده؟عذرناج لكن حتى رسميات مافي بينا صارت!حتى الرسميات حبيتها لانج لما تقولينها تبتسمين،لكنج نسيتيها الحين و قسيتي صرتي ماتبتسمين لي حتى ولا تضحكين ان شفتيني من تشوفين وجهي تبرد ملامحج و تندهش؟ ليش انا شسويت ؟ هذا جزاي ان قلبي ماحب غيرج ولا خانـج؟؟ مشكوره يا غلا و ماقصـرررتي فيني
خليتيني مثل المراهـق الياهل فـ حبج .. حقج علي))
خالد : ههههههههههه بسم الله عليج تراني أخرع وايد !!!
غلا تضحك له : ههههه لالا بس لأني كنت بروحي و خايفه
خالد : آســـف ياغلا ، آمريني شكنتي تبين !!
غلا وتغير مودها فجأه: هـا !! …. أي كنت بقولك عن اللي صار
خالد يبتسم و يجتف ايديه : اسمعج تفضلي
غلا : خالد ،، انت شفيك مع اخوك؟ شصار لكم؟ ماكنتوا جذي؟ علاقتكم صارت فبعض ماهي بـ علاقة اخوان ،، كل اسبوع نجي و نتهاوش و نرجع و الناس زعلانه علينا..! مهي بحاله جذي ياخالد.. خالد لا أنت ولا عمر صغار و ماتفكرون؟ ماظن اللي سويتوه قبل شوي عدل..ماهي حلوه لـ 2 فـ سنكم ..! (شافته ساكت)،، خالد ليش ماترد ..
خالد يقاطعها : غلا هذي علاقتي بأخوي و ….. " سكت خالد ونزل عيونه ماعرف شمعنى اللي قاله " شلون طلع منه هالكلام
غلا فتحت عيونها : و شنو؟ (غلا فهمت قصده) ، آه قصدك علاقتك بأخوك و أنا مالي خص ..(تبلع ريجها).. انا آسفه شكلي تعديت حدودي.
و مشت عنه
خالد : لا غلا لا فهمتي غلط انتي مرتي شهالكلام الله يهداج!! أي حدود بعد……… يلحقها خالد وهي متوقف له
غلا لفت عليه مره وحده وعيونها تبرق : خلاص خالد ، خل هالليله تعدي على خير و نتفاهم فالبيت
خالد سكت و الحروف ضاعت منه ماعرف شيرد و كان يلحقها حتى لما دخلت
قعد على الكرسي وهو متضايق و يحس بشي ثقييييل صار له فتره يجي و يروح عليه ..
غلا و هي قاعده رن جوالها و طلعت تتكلم بره .. ردت و شافت ملامح خالد ، تعبان و يكسر الخاطـر ، بس هو توه كاسـر خاطرها..
كان خالد حذا امـه و فجأه طاح خالد عليهم و كأنه مب قادر يتنفس .. غلا انذهلت شصار فدقيقه !! توه عادي
ركضت لعنده و هي تشوف ملامحه وسط صراخ لطيفه و الكل متجمع .. غلا مسكت يده بقووه : خالد شفيك؟
لطيفه : عمر اتصل فالاسعاف بسرعه
عمر على طوول اتصل لهم
وخالد ماكان قادر ينطق و وجهه احممر حس ان روحه طلعت
غلا تمت ماسكه فيده ودموعها تهمر من عينها ،، شكل خالد كان يروع .. ماحست الا بيدها تنسحب من يده و عيال خاله و عمر معاهم يشيلونه و يحطونه على سرير الاسعاف و عمر اللي ركب معاه
خالد كان صعب يتنفس عليه مب قادر .. كانوا كل ماريحوه على السرير فز غصبٍ عنه وهو يحس بشي يضغط على قلبه و مب قادر حتى يصرخ من عواره
و صلوا للطوارىء و سعود و غلا كانوا موجودين بعدهم بشوي
عمر كان متسند على الغرفه اللي داخلها خالد و غلا واقفه حذا عمها اللي متكتف
غلا بصوت واطي : عمي خالد صار له فتره يقول لي انه تعبان بس لما جبنا الدكتور ماقال لنا شي
سعود وهو حاس بان شي بيصير : لا ماعليه شر انشالله
عمر كان واقف ويمسح على وجهه ويظغط براحة يدينه عليه بقوه، قرب منه ابوه وربرب على جتفه العريـض
عمر التفت عليه و ظحك له و نزل راسه
طلع الدكتور و خذ سعود معاه و من جهه ثانيه طلع خالد على السرير و شكله غايب عن الوعي وجهاز التنفس على وجهه
غلا : وين ماخذينه؟
الممرضه : العنايه المركزه
غلا شهقت : ليش (تلتفت لعمر بعد ماراحوا عنها) شفيه خالد؟ عمر قولي شفيه
عمر : والله مادري ، تعالي ،، خل نلحق ابوي
غلا : لا بروح لخالد عمر
عمر : مب مدخلينج غلا ، تعالي معاي بنعرف من الدكتور شفيه
—————-
سعود بصدمه: لاإله الا الله .. (هز راسه لكن شيقول؟) ماقصرت يدكتور بس لاتقول لزوجته هالكلام خفف من الصدمه عليها..انا نفسي ماعرف شسوي..الله يشفيه يارب…..يفكر بوخالد((ماعندي الا هالاثنين و كل منهم فيه مصيبه اكبر منه..ياربي انك تشافيهم))
الدكتور : انشالله ، بس لازم تعرف شفيه زوجها بالظبط عشان تقدر تعتني فيه عدل
سعود :بس هي بعدها صغيره ،، لاتقول لها اياه مره وحده
عمر دخل عليهم : يبا .. شفيه خالد ؟
غلا بينت من وراه و شافها الدكتور شكلها اصغر من اخوه ومبينه اختهم
الدكتور : انتي زوجة خالد؟
غلا : أي دكتور ، انا ، شفيه خالد؟ ليش بالعنايه المركزه؟ هو تعبان؟؟ فيه شي
الدكتور : لا حمدلله صدقيني..احنا حطيناه لان حالته يبي لها شوية عنايـه أكثر من الحالات الباقيه..لانه خالد مثل ماانتي تعرفين(يغمز لها)
غلا : لا دكتور تكفى قول الصج ، شفيه خالد ،، شكله تعبان ، هو من فتره كان كله يقول انه تعبان و جبنا له الدكتور و ماقال ان فخالد شي خطر
الدكتور : ومن قال ان خالد فيه شي خطر ؟
غلا : ليش العنايه المركزه عيل ؟؟ و ليش شكله تعبان
الدكتور : اول شي ارتاحي خلينا نفهمك..
غلا قعدت على الكرسي و عمر قعد على ركبه على الارض حذا كرسي غلا و كان شلكهم يبي الواحد يسكت و يتم يناظر فيهم..
يكمل الدكتور: انتي مثل ماتعرفين خالد من المدخنين ، و شكله يدخن بزياده عن اللزوم ، و يمكن هو ماتلقى التوعيه الكافيه اللي توضح له خطورة التدخين ، هو كان يعاني من قبل بنقص في كمية الدم و الأوكسجين ،، والأكسجين اللي يغذي عضلة قلبه ، (عمر عقد حواجبه.. حصة علوم ؟؟) فجاته ذبحات صدريه متباعده لكن اللي جاته اليوم كانت شوي قويه وماتحملها ، يمكن كان تحت ظغط نفسي وتأثر بسرعه
غلا شهقت : شنو؟؟؟؟ذبحه!!!
الدكتور : لالالا لاتخافين ، هي اسمها يخوف شويه ، بس معناها غير صدقيني ، و هي مثل ماقلت لك كانت تجيه على شكل فترات متقطعه ، يعني يمكن كانت تجيه وهو فالبيت وهو فالدوام و كذا.. بس انشالله بنعطيه العلاجات عليها و لازم قبل كل شي يوقف التدخين كلياً عشان يقدر العلاج يعطينا النتيجه الممتازه
غلا الدموع طاحو من عيونها و الدكتور انكسر خاطره و رفع عينه لسعود و عمر وغلا نزلت عيونها لعمر اللي على الارض
عمر : طولي بالج غلا ، قال لج الدكتور مافيه شي خالد انشالله بتتدلعين علينا يعني؟
الدكتور : ههههههه لا انشالله هي اقوى من كل اللي صار و بتقدر توقف معاه انشالله
غلا تناظرفالدكتور بهدوء : انشالله
قامت عنهم غلا و طلعت بكل هدوء و هي تحس قلبها صار رماد ،، صار مثل الزجاج لما يتكسر و ينطحن و هالزجاج ينغرس فقلبها و يوجعها
و قفت على باب الغرفه اللي فيها خالد و يدها على الباب و هي تشوفه من القزاز ..
تشوفه وتبتسم و دموعها تطيح .. ((بعدي صغيره ولااعرف شسوي ياربي ،، حطيتني فمواقف حيييييل صعبه )) حست نفسها فلحظه انها جاهله فكــــــل شـي تواجهه !!!
توه معـاي و قلت له بنرجع البيت نتفاهم ، انا غبيه غبيييييه احب النكـد ، كله مني نكدت عليه .. خلاص بس يقوم خالد ماني قايله له شي ولا ابي نتفاهم على أي شي بس ابيه يقوم مثل قبل ،، يارب انك تشفيـه .. لاتخليني ياخالد انت الوحيد اللي بقى لي بضيع بدوونك
والله اضييييييييع
ثانـي يوم غلا كانت قاعده بالمستشفى و عمها راح و ظنت ان عمر بعد راح ،، لكن عمر كان فالمستشفى لكنه بعيد عنها شوي عشان تاخذ راحتها .. مايبيها تدري بوجوده ..
الساعه 6 عمر كان راجع للمستشفى راح لقهوه حذاهم اخذ له شي يشربه و جاب لغلا و رجع ..
غلا دخلوها على خالد بعد ماطلعوه الفجـر و حطوه بغرفه خاصه
قعدت عنده .. وصل عمر للطابق اللي ترك فيه غلا امس تنتظر خالد و مالقاها .. هني انصب قلبه عليهم . و قط قهوته اللي كان يشربها و تم ماسك اللي جابها لغلا .. سأل و قالوا له انهم نقوله لغرفه خاصه و رقمها ***(مانقدر نقول ههههه )
عمر تنهد بخوف صج ان الكلام ريحه لكن حاس بخوف على خالد وانشالله يطلع كل اللي فبالي وهـم و ركب اللفت و راح لغرفة خالد..
غلا كانت فالغرفه معاه قطت عباتها و تمت بالشيله ،،غسلت وجهها بالماي حتى تصحصح وتنفس عن الهم اللي فيها،، كانت قاعده ومسنده راسها على يدها و هي تناظر فـ خالد ..
قربت ليده و مسكتها ،، ماكانت مثل يد خالد الي تمسكها كل مره هالمره عليها المغذي و البقع المزرقه من الابر .. ياعساني ماذوق حزنك ياخالد..
باست غلا يده ووطت راسها على يده و هي تصيح
((شمسويه انا فدنيتي عشان تقسى علي جذي؟ ))
عمر طق الباب و دخل
غلا مسحت دموعها بسرعه وقامت تفتح الباب : أهليـن عمر؟؟ (( غلا كانت تبي تستوعب شلون وصل ))
عمر : صباح الخيـر ،، ها شلون خالد !!
غلا تتنهد : مثل ماهو لين الحين ماوعى
عمر : الله كريم ، تلاقينه تعبان و يبي يرتاح له شوي
غلا : شلون يرتاح و انا مزعلته
عمر ماكان يبي يفتح معاها باب للكلام و لا يبيها تتكلم معاه كان منكسر خاطره حيييل على اخوه
عمر : انزين انتي ماتبين تردين بيتج ؟ ماتعبتي
غلا : لالا انا بتم مع خالد لين يقوم انشالله وبعدين اشوف
عمر : على راحتج
غلا بيأس : بنتظره لين الظهر اذا ماقام بروح البيت العود باخذ سعد و فيصل و مريم و برجعهم بيتنا .. بس …..
عمر : انا بوصلج
غلا : لاا مشكـور
عمر: على راحتج (( تذكر القهوه )) ، هاج انشالله تعجبج
عمر رن موبايله و طع يرد ..
غلا شربت من القهوه بس كانت مــــرره وايد و استحت تقول لعمر ،،هالعايله سكرهم منهم وفيهم شكله ، كل شي مر عندهم ،، خلتها على جنب و لبست عباتها قبل لايدخل عمر ..
الساعه صارت 8ونص عمر كان بره لين الحين استحى يرجع يدخل و قعد على الكراسي،،خالد لين الحين نايم ، و غلا قلبها ولع نار على خالد .. خافت لايكون صار له شي وهي ماحست
عمر طق الباب و فتحت له الباب غلا
عمـر : غلا انا رايح البيت ،، تامريني بشي ؟
غلا : لا تسلم .. ماقصررت
عمر : ماصحى خالد ؟
غلا تنزل راسها : لين الحين
عمر: انا باخذ اوليا عهدهو بوصلهم بيتكم
غلا تبتسم له : ماتقصـر ياعمـرر ، مشكوور
عمر : افا عليج يامرت اخوي ،، بعيوني اخدمكم،، توصيني على شي؟
غلا : سلامتك ، مشكور وماتقصررر
عمر : يلا فمان الله
غلا سكرت الباب واول مره كلام عمر يريحها جذي من بعد مابعدت عنه ، كل مره يقط كلمه تخليها تحاسب على نفسها قبل لايطلع و يعلم خالد بدون وعي
عمر وصل لبيتهم و لقاهم كلهم نايمين .. دخل داره و تسبح و طلع كمل لبسه و راح لقى عيال خالد عند يدته شكلهم قايمين من وقت لانهم كانوا يلعبون
عمر: هااا عيال خالد ، وانتوا هاي شغلتكم يالعب يا طق
سعد كان لسانه طويل شوي : ابـووي وينه ؟ وامي وين؟ احنا من امس هني ، شنو ماعندنا اهل يسألو عنا؟
عمر : سافروا زين
سعد و فيصل عيونهم صارت كور متروسه دموع و كان شكلهم نكته
عمر : هههههههههههههههههههههههههههههههههههههههه
سعد : واحناااا؟
عمر : ههههههههههههههههه ،، انشالله اليوم بيرجعون
فيصل : وين راحوا؟
عمر: ياخي وانت شعليك ، مريوم وين !
فيصل : مريوم فالحوش
عمر : حسبي الله و نعم الوكيل (يكلم يدته) ،، يمه شلون تخلينها تطلع فالحوش فـهالحرر
يدته : من انت ؟
عمر : الحرامي اناا ,.. واعدج بالعرس ماتذكريني
اليده :سّعود هات العصا ، كلم الشرطه بسرعه
عمر : هههههههههههههههههههههه فديييييييتج والله يايمه (يحب راسها) انا عمر عمر .. ماتعرفيني يعني ،، افــاا جذي يعني،، ماشالله مبرزه كل شي على طول ، شرطه و سعود السكرتير ولا شسالفته؟؟
اليده تلمه وهي تظحك : لا بس نسيتك
عمر بصوت واطي : يبلفيت رقعتي
على الظهر غلا كانت واقفه تناظر الدنيا اللي هدت حيلها من قزاز الدريشه .. الدنيا كبيـــره على مد البصــرر و همومها تكسي كل هالعالم آلاف المرات .. بس لازم الواحد يصبر ويخلي أمله بالله قووي .. يارب انك تصبرني و تشفي خالد و تقومه سالم انشالله ..تذكرت خالد و لفت عليه و حسته يتحرك شوي ركضت وقعدت عنده وهي تبتسم و عيونها تقطر
كان يحرك عيونه مبين على جفونه التعبانه لكنه ماكان قادر يفتحهم
خالد بصوت هزييل ويده على عيونه : آآخ
غلا ماعرفت شتسوي و ضغطت على زر الممرضه و خالد ضلل على عيونه بيده و فتحها
خالد : غـلا ؟
غلا توها بترد الا الممرضه وصلت
الممرضه : لاء لاء الله هو احنا هنبدى نتدلع عشان المدام هنا؟
خالد : تعبان ، النور قوووي و ريجي ناشف .
الممرضه : معليش تحط يدها على جبينه و شوي شوي قدر يفتحهم
الممرضه : شفت ازاي
خالد : أي شفت
الممرضه : استأزن بأى ،، حنده الدكتور عشان يعاينك لأنو شكلك بسم الله ماشاء الله بأيت سليم
غلا : الحمدلله
خالد طيح راسه على جنبه اليمين وغلا عطته الماي
و طلعت عنهم
غلا : سلامتك حبيبي ماتشوف شر،، شلونك الحين؟
خالد : انا شصار فيني ماذكر الا لما طحت بالاسعاف ،، شصار فيني؟
غلا :ماعليك شر حبيبي ، مافيك شي,, قالت لك الممرضه تبي تتدلع
خالد : الله المرض يخليج تدلعيني عيل؟
غلا : شدعووى ، و انا من لي غيرك
خالد :يوعاااااان ميت " بدخلة عمر "
غلا قامت من على سرير خالد ووقفت
عمر : هابوفيصل سلامتك ، أجر و عافيه
خالد : الله يسلمك
عمر : ها مايعت ؟تبيني اطبخ لك ترا انا حاضر
و طلع عمر و غلا صج كانت متعجبه ، امس تتهاوشون و لكم نية ضرب ، واللي يشوفكم الحين يقول هذا العين وذاك نوره؟؟
جابوا له المستشفى أكل مع انه ماكان حلو بس شرب العصير ،، واكل التفاحه دخل الدكتور عشان يشوفه و طلعت غلا ولقت عمر فالممر
غلا ابتسمت له وهي تسكر الباب
عمر كان واقف ومسند جسمه على الطوفه و يمرر اصابعه على حنجه ، و غلا وقفت قريب من الباب
عمر : شقال لج خالد
غلا : قال انه مايتذكر الا طيحته و قال لي يوعان شكله مب مركز
عمر : ايه ، يالله بالسلامه انشالله
غلا ظحكت له و هي مرتبكه على آخر درجه …
طلع الدكتور عنه و انتبه لهم
الدكتور : آه انتوا موجودين زين
عمر : أي بشر دكتور
الدكتور : لا حمدلله احسن كثير عن البارحه ، بس هـا ضروري يمشي على العلاج
غلا : أكيد دكتور ، بس متى بيطلع انشالله ؟
الدكتور: متى ماتبين يابنيه
غلا نزلت عينها و هي ساكته
عمر وهو يظحك : هذي زوجته
الدكتور انحرج:اهـ ـه ،، عفوآ
عمر انفقع ظحك ، كان يبي يلطف الجو بس حس بسخافه منه : هههههههههههه ماعليج يلا ندخل له
غلا سبقته
خالد كان يطالع غلا و عمر وهو يرمش بعينه ببطء واضح
عمر حس بان ماله لزم
عمر : يلا خالد انا ماشي توصيني بشي ؟
خالد : اسأل الدكتور متى اطلع
عمر تذكر موقف البنيه و ظحك : هو قال متى ماتبي البنيه؟
خالد شد شفته على جنب يعني يبتسم : لايكون مرتي البنيه !
غلا حطت يدها على ويهها
خالد : هههههههههههههههه
عمر : يلا فمان الله
" خسسوا فيها المسكييييينه" :p
لطيفه : مافي يا سعود يطلقها يعني يطلقها انت شايف حياة عيالي شلون صارت؟ شفت هالامراض اللي تتحذف علينا من كل صوب
سعود يصرخ فيها : كل اللي فيهم منج ياللي ماتخافين ربج ، انتي قهرتي قلوب كل منهم لين ماخليتي شبابهم ينطفي ، انتي لو فـ قلبج ذرة رحمه ماسويتي اللي سويتيه ، اجني حصاد زرعج الحين
لطيفه : بلا هالكلام اللي ماخوذ خيره و خالد يطلق غلا يعني يطلقها
سعود : لي فات الفوت ماينفع الصوت ، مب بعد ماصار عندهم عيال يتعدل الوضع لا يبـا .. روحي استغفري ربج على اللي سويتيه يامره ابرك لج من افكار الشيطان هذي
لطيفه توها بتتكلم الا بزعقه من سعود
سعود : كلمه ثانيه مابيها منج و فكينا من شرج يالطفوه قبل لااسود عيشتج ، تراني حاشم العشره اللي بينا و كافي خيري شري لان قلبي مات على عيالي من زمان
وراح عنها ..
و لطيفه ماأثـر فيها كلام سعود كثر ماتأثرت بطيحة خالد ولا عمى عمر ولا مرض غلا و سوالف عمر و خالد ..
على العصر غلا انتبهت على خالد شقاعد يسوي
فتح لزقة المغذي اللي مثبته الابره و شالها و زعق من كثر ماكانت داخله فيه و سحبها بقوه
شال كل شي عليه
غلا و هي تمسكه : شفيك خالد ؟؟
خالد يوخر يد غلا : بطلع من هني اففف ، ماقدر اتحمل
غلا : الدكتور قال لك الساعه 6 بنطلع ليش تسوي جذي
خالد؟(وهي ترجعه للسرير وهو يبعدها)،، مابقى شي حبيبي انتظر هالكم ساعه و بيمرون بسرعه
خالد لانه كان تارك الزقاير فحس بانه متضايق ويبي يطلع ، يفرغ كل شي فيه
خالد : مابي وخري عني غلا
بدل خالد اللي كان لابسه مالقى الا ثوبه الامسي لبسه و طلع و شاف ابوه فـ وجهه
سعود : خالد؟؟
خالد مشى عنه
غلا كانت تمشي بسرعه وحمدت ربها انها شافت عمها ماكانت عارفه تتصرف
غلا : عمي الحق خالد ، يبي يطلع الحين
سعود:شفيه خويلد استخف؟؟
غلا : عمي انا بلحقه وانت روح للدكتورر
سعود : انزين يبا تحملوا بعمركم
خالد كان واقف على رصيف المستشفى يلتفت يمين و يسار و الشمس كانت قويه
غلا من وراه و هي تمشي على درج المخرج
غلا بصوت مافيه حيل وتعبان : خالد شفيك؟
خالد وصوته يرقل لكنه عالي : ودي اموت ياغلا .. بمشي فهالشارع و أي سياره تجي بقط نفسي عليها
غلا لحقت عليه ومسكت جتوفه و هي تحاول ترجعه عن الرصيف
غلا و عيونها مليانه دموع : شفيك ياخالد ؟ شصار لك ..استغفر ربك تبي تذبح عمرك؟ كفرت انت !
خالد يحط راسه على جتف غلا و هو يصيح : تعبان غلاااا ، ماقدر اتحمل شي ، بذبح اخوي ان مامسكتوني ، احس بنارر داخلي،،خلييج معاي غلا، لاتروحين عني،تعبااان وراسج تعبان،،ماعرف شفينييييي ياناااس،، تعبـــاان
غلا حست خالد بين ايديها مثل الياهل .. لمته و دخلت معاه المستشفى و قبل لايدخلون خالد وقف .. مسح عيونه و تكلم
خالد : مابي ادخل غلا ، برجع البيت مابي ارد المستشفى
غلا : انشالله اللي تبيه ، بروح انادي عمي ، تعال يلا
خالد : ماني راد مابي ، بنتظركم هني
غلا :خلاص انشالله ..ماني متأخره,,لاتروح مكان ،انزين خالد؟؟
خالد يهز راسه
انمسك قلبها ودخلت غلا و خالد قعد على الرصيف مثل المكسور
دورت سعود فالمستشفى لين تذكرت غرفة الدكتور وراحتها ولقته فيها
غلا : عمي خالد ينتظرنا بره لازم نوديه البيت مايبي يتم
سعود : انشالله ، خلاص دكتور انشالله انا ببلغه الكلام ، ماقصرت
الدكتور : ولو هذا واجبنا ،، و آسفين يامدام
غلا ابتسمت و طلعت مع عمها وهو يمشون للباب
غلا : عمي خالد مادري شفيه ، يقولي تعبان و …….
غلا تلف يمين و يسار .. خالد مب موجود
غلا و دموعها تطيح : كان هني قبل شوي..وينه قالي بنتظركم ، غلا تصفق وجهها .. لاا لايكون سوااها
سعود : شنو
غلا : يبي يذبح عمره قالي ان شفت سياره بقط روحي عليها ، عمي وينه دوره
سعود :لالا مايسويها ماهو بكافر ،، انتي روحي من ذاك الطريق شوفيه و انا من هني
غلا مشت بسرعه و طلعت من مدخل المستشفى لكن الشارع كان رئيسي و هاللي خوفها ردت لعمها تدوره و ماحصلته
غلا : ياااا ربي كنت فمصيبه صرت فثنتين !!
و قعدت على الارض تصييح .. شاب قلبها من اللي يصير لها
طلعت موبايلها اتصلت لعمر وهي تحاول تمسك عمرها
عمر : هلا والله ..
غلا : عمررر ( و ماحست بنفسها الا ميته من الصياح )
عمر هني فز على حيله خاف اللي فباله صار..
عمر : شفيج غلا؟ شصاير ليش تصيحين ، خالد فيه شي
غلا : تعال المستشفى بسررعه تكفى
عمر هني ماكان حاس بنفسه : جايج حبيبتي جاايج
وسكر الخط و بسرعه ركب السياره
غلا نفسها ماانتبهت لكلامه وسكرت الخط و حطت يدها على جدار المستشفى الحـار .. رفعت راسها و تشوف فمواقف السيارات ،، يمكن هو بينهم .. شافت واحد بثوب و تغيرت ملامحها اكيد خالد لكن لما لف ،، طلع واحد ثاني
غلا: يااااااربــي
عمر كان جاي بالسياره و قريب من المستشفى ودنع يجيب موبايله لكن مانتبه للجدار و لف بقوه عليه و دخل فيه حس ان هذي ساعته و موتته هذي رفع اصبعه يتشهد وغاب عن وعيه
كانوا في شباب واقفين قريب من المكان فالمطعم اللي شرى منه قهوه الصبح و ركضوا للسياره الي تهشمت مقدمتها ،، قدروا يفتحون الباب ويجرون عمر منها بسرررعه ووجهه ينزف
شالوه و حطوه على الارض و سمعوا شي فيها انفجـر يمكن التاير او شي !
غلا كانت واقفه و انخطف قلبها فلحظه .. مسكت قلبها وتنهدت
وينك ياعمي و ينك يا خالد وينك ياعمر انت بعد ليش تأخرت
شافت شلة شباب جايه تركض شايلين واحد غلا انصدمت وحست النفس انقطع عنها
مروا جدامها و هي منمسك قلبها ( الله يعينكم )غلا شافت الي شايلينه و لفت عنهم رجعت نظرها عليه وصرخت : عمر؟؟؟؟؟؟؟
ركضوا لداخل المستشفى
غلا لحقتهم ووقفت واحد منهم :
غلا : لوسمحت ؟
– – : هلا؟
غلا : اللي جبتوه توكم تعرفونه ؟
– – : لا والله هالصبي توه دخلت سيارته بالطوفه حمدلله قدرنا نطلعه .. الله يحبه زين ان المتسشفى قريب ، ربي رحمـه
غلا وصوتها يتغير لان صيحتها كانت خلاص تعلن الفضيحه جدام الصبي : هذي ولد عميييييي
– – : اكيد ،شدراج ان هو ؟
غلا : انا متأكده توني مكلمته
– – : روحي شوفي سيارته وتأكدي مانقدر نقول لهم انه ولد عمج و نبلشج فيه
غلا ( اففففففففف وقت التفلسف)
مشي الصبي و غلا تلحقه و عيونها تذرف بهالدموع اللي تصلخ خدودها وصلوا للسياره اللي نارها خمدت و غلا هني صادتها حالة صياح هستيريه
– – : شفيج ؟ هو ولد عمج
غلا ماكانت ترد و صياحها يقطع القلب ،، الصبي كان يبلع ريجه و منكسر خاطره ماعرف شيسوي
– – : اختي تعالي المستشفى ، لاتسوين جذي بعمرج .. حمدلله ان لحقنا عليه
غلا حست بان الدنيا تدور فيها ،، عمر مات؟؟ كل لحظاتها معاه تذكرته
غلا :مات؟
الصبي ماعرف شيقول حس انه فوضع لين قلبه : تكفين اختي خلينا نروح المستشفى احسن مانقعد هني ، على الاقل نتطمن عليه
غلا واصلت صياحها و الصبي ماقدر الا انه يسحبها معاه
وهو فقمة الحرج
راحوا عند الغرفه اللي كان فيها والدكاتره و الممرضات ترس الغرفه
ربعه سألوه و قال لهم ..
راح واحد منهم لها
خليفه : لوسمحتي؟؟
غلا لفت عليه و كانت مشبهه على ويهه .. : نعـم؟؟ وهي عيونها مختفيه
خليفه : انا اخوهم الكبير ، انا اقولج اتصلي لابوه كلمي اهله
غلا : انت ماتدري عمي راح يدور خالد ، انا طلعت اتصلت له و انتوا جبتوه ميت .. انا مب مصدقه ماقدر اصدق
خليفه حسها انها قاعده تهاذي بدون ماتحس
خليفه : اختي اللي داخل عمر بن سعود صح؟
غلا تمسح دموعها :أي
خليفه ضرب جبينه : آآآآآآخ ياربي ، اخو خالد ، شفيه خالد .. وعمر شسوى فيه جذي
وراح خليفه اتصل على جوال خالد مسكر ،، اتصل لسعود ورد و قال له و جاهم سعود وهو منذهل .. خلاص مات سعود فهاللحظه خالد و عمر فوقت واحد ،، قويه حيل ياربي
سعود : شصار فعمر؟ ……………. "انتبه لغلا" غلا؟
خليفه : عمي سعود انا خليفه رفيج خالد .. اسمعني عمر سوى حادث والحين هو داخل غرفة العمليات ..
سعود : شنو؟؟؟؟؟؟؟ عمر؟؟؟؟
خليفه : أي عمي انشالله ماشر عليه
سعود : وين اهدي البال ياولدي؟ وخالد الثاني وينه؟حصلتوه
غلا قربت عند عمها
غلا : عمي خالد وينه اخاف سوى اللي قاله تكفى قلبي مايتحمل بعد
خليفه وخر عنهم و راح لاخوانه .. و قال للي كان يكلم غلا يروح يدور خالد ..
طلع عنهم يدور خالد ..
خليفه: عمي انا قلت لاخوي فهد يروح يدور خالد انشالله يلقاه .. هو متى راح عنكم ..؟
سعود ماكان يبي يتكلم .. و خليفه فهم .. طالع فـ غلا
غلا تطالع السقف و ترجع تكلم خليفـه ..: انا متأكده انه ماباعد ، بس هو قبل لايروح عنا قال انا ان شفت سياره بقط عمري عليها
خليفه يلف وجهه عنها وهو عافس ملامحه ، لان خالد حتى من فتره كان يقول لخليفه انه تعبان ومب في وعيه : الله يرجعه انشالله ، بيلقاه بحيل الله ..
فهد اللي كان يمشي بالبطيء بين الشوارع و كل داعوس يوقف سيارته و ينزل يدخله يدور خالد .. حس انه في فلم .. يراقب الشارع و الطريق و الفريج و البراحات الفاضيه و الأماكن المكتضه و الأرصفه بتدقيق مرعب ..
ماجى على باله يدخل مسجد ماتوقع انه بليلقاه داخل .. وهو فعلآ ماكان فالمسجـد ..
فهد اتصل لاخوه خليفه
فهد : مالقيته مالقيته ،، بوصل خط الشمال وانا ادوره خلصت الدوحه مالقيته ،، شسوي
خليفه:دوره لازم تطلعه من تحت الأرض،،انت شايف هله شلون؟كفايه عمر الي ماندري عنه
فهد:مالي شغل دورته ومالقيته ، ياخي شسوي ! انا اقول ارد و ندوره فالمستشفى لأن ولاحد منا دور فالمستشفى
خليفه : اوف منك ، حنا بندوره خلاص
فهد : زين زين ، باي
سكروا من بعض و خليفه نزل يدوره مع اخوانه الباقين
لكن مالقوه .. و خافوا يردون ويبشرونهم بجذي ..
فهد اللي استسلم و مل من تدور خالد رد و بين الطرق بين البيوت اللي توصل للمستشفى شاف واحد قاعد ,,
فهد قال ليش لا انزل و اشوف يمكن هو ؟؟
اللي كان قاعد ماعطي فهد ظهره و قاعد على صخر كبير و يناظر الدنيا براسه المسند على ايده ..
فهد : السلام عليكم ؟!
خالد مارد ماكان يبي يتكلم مع أي حد
فهد : أقول الشيخ؟
خالد لف على فهد و انصدم ! شجايبه ذي شيبي بعد مو وقته كلش ، مالي بارض مجاملات وسوالف مصاخه
فهد : خااااالد؟ حنا ندورك فالسما و انت فالارض ، ياخي امش معاي هلك فالمستشفى ينتظرونك …
خالد : وانت شدراك ؟؟
فهد : امش معاي تكفى ،، هلك هناك ،، اخوك سوى حادث والله اعلم بحاله .. امش ياخوي .. بسجد لله شكر اني لقيتك
خالد و الصدمه ثقلت راسه و جبينه الحـــــاار من الشمس:اخوي سوى حادث؟؟ عمـر؟؟؟؟ من صجك؟
فهد: من صجي امش السياره
ركبوا السياره ..
فهد : اكيد بوديك انا اللي بوديك ..
خالد : اففففف عطني زقاره
فهد : لا والله مادخن
خالد : آآآآآآآآآآآآخ .. شكلي برد المستشفى ..
وصلوا للمستشفى و خالد ركض لابوه و غلا و امه
خالد : ها يبا بشر .. وين عمر ؟ شصار عليه!! (يطالع غلا و دموعها ماتطمن)
سعود:انقلوه الانعاش يبوك ،، الله يعدي هالساعات على خير،انت وين كنت بعد،ليش جذي تسوون فيني يايبى ليش؟
خالد مسك فجتف ابوه:شنو؟؟ انعاش؟ يبا عمر شفيه؟
سعود : ولا واحد منهم فهمنا شي ياخالد ، ماقالوا لنا الا انه لازم يروح الانعاش عشان تستقر الحاله .. مافهمنا الا ان فيه كسور .. بس يبوك الكسور تدخل الانعاش؟
خالد تقطع قلبه على ابوه و حط راسه على ركبة ابوه
غلا ماقدرت تقرب من خالد كان وسط ضبة ابوه و خليفه واخوانه
خالد كان يتهرب منها ، شبيقول لها،مثل اليهال انا شردت منج ؟
لطيفه : غـلا..
غلا : تكفين خالتي مابي اسمع شي .. عارفه شبتقولين .. بدال كلامج ،، ادعي الله
لطيفه سكتت و ماكملت
خالد قدر يتماسك اعصابه بعد مامرت ساعتين و عطوه مهدي و دوا يخليه يكتفي عن الزقاره اللي يبيها ..
قرب من خليفه
خالد : ماقصرت ياخليفه ،، نردها لك بالأفراح ،، تقدر تروح ،، انت موملزوم بالنطره
خليفه : افا ياخالد ،، ليش مانك عادني أخوك الثالث؟؟
خالد : انت اخوي و نص .. بس اكيد انك مرتبط او وراك شغل
خليفه : مافي شي شاغلني غير عميـر ،، الله يقومه بالسلامه
خالد : اللي تشوفه
خليفه يربرب عليه : شفت ياخالد؟
خالد : تكفى خلّيّف مب وقته
خليفه سكت عنه ودار وجهه و قال لاخوانه يروحون
فهد كان اصغرهم تقريبآ فالـ19
فهد : ياروحي،،وانت تتم هني !! لا الشيخ انا اللي مدور مب انت
خليفه : ليش الشيخ قاعد اشوف فلم ولا فسرك انا ،، رازين وجيهكم ساعتين مالكم شغل ،، روحوا البيت و انا اتصل اقول لكم عنه ،، استحوا عاد ،، انا وثقيل عليهم ، ذلفوا ياجيش ابوي ،، روحوا يالله..
خالد قعد على الكرسي مع خليفه..
غلا كانت قاعده داخل مع لطيفه ،، تنتظر اخوان خليفه يروحون ويخف المكان
كانت تطل و كل شوي تشوف خالد صاد عنها ، اخيرآ صادته يوم لف يتثاوب
غلا تأشر له
خليفه : خالد ،، خويلد
خالد : هلا؟
خليفه : مادري، اظن مرتك تأشر لك
خالد يلف على غلا اونه ماشافها : عن اذنك
راح عنه و خليفه ابتسم على خالد ههههه نكته هالصبي
غلا : تكفى خالد حمدلله ان امك راحت لعمي ، الله يخليك لاتخليني
خالد من غير نفس : ماني مخليج ، كاني اسمعج
غلا حزت فنفسها طريقته وسكتت عنه بس ردت تكلمه و تسأله
خالد : شعندج ؟؟ كاني اسمع
غلا : لاتخاف ماني مطوله معاك ،، بس بعرف وين كنت ؟!
خالد : ليش شاكه؟
غلا احترت: فشنو اشك؟؟ انا خفت عليك ، قلبي كلني عليك ، اخليك و ارد مالقاك ، حرام عليك ، خالد انت شفيك علي ؟! (( تذكرت اللي قالته لما كان طايح وسكتت))
خالد : مافيني غلا ، انا متضايق ، ماشوف وقته نتكلم فهالسالفه،انا ماقدر اخلي خليفه بروحه
و طلع عنها
غلا : بس قادر تخليني انا بروحي
خالد لف عليها وهو على الباب
غلا فقلبها (( انا شسويت لك؟ حرام عليك ، انا مايفصل بيني وبين الجنون غير شعره ،، بتذبحني ياخالد ،، انا اللي المفروض تكون معاي ، و اكون معاك ،، انا اللي انعفست و كل مافيني مات لما شفتك والاجهزه عليك مو خليفه ، الحين تخليني و تروح له .. "انهارت غلا بشكل جنوني" ترا اللي فيني كافيني حييييل و لافيني قوه اتحمل اكثر))
خالد يقرب من غلا : غلا ، انا ماقصدت ..بس تكفين محد فيه بال يسمع عتاب من الثاني ,, انا اوعدج بس يقوم عمر ونتطمن اقولج كل اللي فخاطرج..بس عيب اخلي خليفه بروحه
غلا سكتت و وخرت عنه وقعدت على الكرسي
طلع خالد عنها ..و قعدت غلا على الكرسي
تدري ان لو مهما قاست فهالدنيا ..
بتقاسي بروحها ..
لو مهما غرق خدها بالدموع ..
ايدها هي اللي بتمسح دمعها ..
و تدري ان جسر الصبر بتعبره بروحها ..
تدري ان الصراحه بتشاطرها مع روحها ..
لاام ولا ابو ولا ونيـس . حتى خالد
اللي المفروض يشاركها كل نصخ ..
ابتعــد عنهـا
صارت الساعه 12 و نص بالليل و خليفه اعتذر و قال يجيهم الصبح ..
غلا طلعت بعد ماراح خليفه بوقت طويل
غلا : خالد؟؟
خالد : هلا؟
غلا : انا رايحه البيت ،، بتجي معاي؟
خالد : لا وين اروح؟
غلا : ببدل وبرجع ،، و اليهال ماحد شافهم .. بروحهم
خالد : وديهم لتغريد غاده .. أي حد أي حد
غلا : اعرف .. ماله داعي تعصب جذي ، مع السلامه
خالد رفع حاجب عليها و مشت عنه
لطيفه : وين رايحه ؟؟
غلا : بيتنا خالتي ، ببدل و اشوف اليهال و راده
لطيفه : ماطرى عليج الا نص الليل؟؟؟؟؟
خالد : يمـــه!!
سعود : لطيفه و تاليتها
غلا : تبي شي من عمي؟
سعود : الله يحفظج يبى ،، اقول لو تخلين عيالج فالبيت عندنا، لان امي محد عندها ،، وانتي ارتاحي واحنا نطمنج اذا صار شي
غلا : الظاهر جذي ، مع السلامه
سعود : عيالج وانتي ادرى
طلعت غلا و وصل السواق اللي كلمته عشان يجيها .. ركبت السياره .. و تذكرت كل شي .. عمر و شكله و الدم على ثوبه .. كلامه لها قبل لايصير ماصار .. كانت تبي تتذكر شي سمعته حتى يبرد قلبها .. ماقدرت .. ماتذكرت غير ابتسامة خالد لها لما قام .. كانت حلوه .. لكن كلامه قبل شوي كان ماله طعم
صاحت غلا فرغت كل مابداخلها .. تذكرت تغريد عمتها و طلعت موبايلها .. فتحته و لقت مسجات و مسد كولز كثييييييره ..
اكيد دروا بالخبـر ..
رجعت سكرته و وصلت بيتها .. نزلت و دخلت البيت
قطت عباتها و قعدت على كرسي الصاله .. شافت خالد فكل مكان فالبيت .. وحشتها الدنيا الحلوه .. رغد الحياه نست طعمه .. فارقته و لاتدري متى بترجع له !!
ركبت الدرج تشوف عيالها لقتهم نايمين .. نزلت وقعدت الخدامه وصتها عليهم و بعدها رجعت عشان تاخذ لها دش حـــاار يخفف عليها التعب .. كانت تعبانه مواصله صار لها ساعات طويله ..
طلعت من الحمام بتعب يهد الحيـل ..
انسدحت على السرير و قالت بغفي ربع ساعه و بقوم ،، حست مافيها قوه تشيلها حتى تلبس وترجع
نامت غلا ..
و مرت ساعه .. ساعتين ,, صار الفجر ,, و طلع النور .. صار الصبح!!!!!!
وهي كانت غرقانه فالنوم ..
قامت و رجعت المستشفى و راحت لهم ..
خالد : مات عمر ياغلا .. ماااااااااااات
كشف لها خالد عن الغطا عن وجه عمر .. و كان مشووه والدم بعده يسيل .. حطت يدها على وجهه و غرقتها بالدم .. لكنها ركضت من رعب وجهه
ولقت خالد جدامها حطت ايديها على وجهه وشمخته له وخلته ينزف مثل وجه عمر ..
و شهقت و قامت من نومها
غلا : بسم الله الرحمن الرحيم .. بسم الله الرحمن الريحم اعوذ بالله ،، يارب استرر
حطت يدها على قلبها وهي تسمي وتقرى
غلا : شهالكابوس الفظييع ،، يارب سترك ،، انشالله مافيه شي
رفعت ساعة يدها من على الطاوله و انصدمت
غلا : سبع؟؟؟؟ يالله انا شنومني جذي ، شبيقولون الحين. ماصدقت على الله تطلع ..
و بسرعه غلا لبست و طلعت من البيت قبل لايشوفونها عيالها
فالطريق كلمت تغريد وفهمتها لكن تغريد كانت فالمستشفى بعد
وصلت غلا و قالت للدريول يتم هني ، اكيد بيتحتاجونه ..
مشت عشان تروح لهم .. وصادفها محمد فطريقها
غلا بصوت واطي : يالله
محمد بهدوء و جديه : غلا؟ تكفين سمعيني ، ادري بتقولين جاني الموذي ، بس والله عندي لج سالفه حدها خطره ، فيها حياتج انتي وخالد ، وراسج
غلا : شتخربط انت
محمد : تكفين تعالي هناك ، لايشوفنا حد ، اخاف لطيفه تنتبه لي
خذها محمد لزاويه من المستشفى تأكد ان محد بيشوفهم فيها
محمد وهو يشوف وجه غلا ،، اللي يشوف وجهها يحس انه بدنيا بارده و رديه و هاديه ، ولا ابتسامتها اللي تخلي القلب الميت يحيى ،،
محمد : غلا .. خالتي لطيفه تبي خالد يطلقج .. صدقيني .. تراها تبيني اورطج .. كانت بتطرشني لج بيتكم قبل لاتجين .. حتى تقول لخالد ان انا عندج .. لكن و غلاتج ياغلا .. صدقيني .. انا يمكن ساعات تقولين عني مغازلجي وهالكلام .. بس والله مادري ليش تعاطفت معاج فذيج اللحظه .. غلا سمعيني انا اخاف اقول لخالد .. انا بلغتج و انتي قولي له .. و سامحيني
غلا حطت يدها على وجهها : هذي شنو ؟؟انت من صجك؟
محمد : وراس عيالج المتان
غلا: هذي مستحيل تكون انسانه،شبلاها ذي
محمد : هذي وحده فيها عقد من راسها لي رجولها ، تعرفين شقلت لي .. روح و نام مع عيالها ،، هذي مخرفه ،، محد رنها بكف فهمها ان الشمال فوق الجنوب
غلا ظحكت على طريقة كلامه بس الرعب فذيج اللحظه تسكن فيها ..
غلا : ماقلت لي شلون عمر ؟؟
محمد : فاللفت اقولج
غلا : يلا
غلا :يالله يامحمد لو تعرف شكثر انا تحطمت لما شفته ،، تخيل كنت اكلمه و بعدها مر علي وهو مسوي الحادث ،، انا من داخلي رماد يامحمد ،، والله تعبانه وايد .."غلا انتبهت على عمرها"
محمد: طولي بالج ياغلا .. انشالله ازمه و تعدي
" وانفتح اللفت"
و صلت غلا للطابق
غلا وهي تمشي و محمد حذاها بس بعيد : ماشالله كلهم هني
محمد يلوح لهم من بعيد .. ويسوي لهم طريقة الشكر بعد الرقص هههه واخوه يكب عليه
راحت غلا بعد ماقام عمر ولد خال خالد عنه عشان غلا تقعد .. وقعدت حذاه
خالد : وينج انتي؟ قلتي بتردين لنا ،، وجهازج مسكر
غلا : نمت وماحسيت بعمري
خالد : عمر طلعوه من الانعاش
غلا تسوي روحها ماتدري : صج(بصوت عالي)..وطت صوتها..صج .. حمدلله .. شقالوا لكم .. انشالله مافيه شي
خالد : الا فيه عساه فيني .. قالوا كسور قويه..وصدره متضرر شوي..حتى عينه المسكين بيسوون لها عمليه ،، و شوي من وجهه بعد صادته رضوض مادري شنو ، الصبي تكسر حده
غلا سكتت ونزلت راسها (( انا السبب فكل شي . سامحني . لولاي جان انت الحين مافيك شي ، قاعد فالبيت . انا اتصلت لك و خرعتك . وسويت فيك اشيا ماصارت . ))
خالد : شلون العيال غلا؟
غلا انتبهت له وابتسمت : طيبين .. بيروحون عند عمتي لين نرد احنا ،سألو عنك
خالد : لاانشالله ، احنا بالكثير باجر الصبح فالبيت او احتمال اليوم،يارب هونها عليه
غلا تمسك يد خالد : آمين انشالله
خالد ارتاح واايد: تصدقين غلا .. عندي لج كلام وايد ابي اقوله .. آسف على اللي صار
غلا : الحين مب وقته لايهمك شي وانسى اللي فات حبيبي ،، وطمني عليك قولي شلونك اليوم؟؟ قابلت الدكتور؟
خالد وهو يحك رقبته بخوف :لا ؟
غلا : لييش انشالله ،، كفايه شردتك
خالد ظحك بفشيله و تبين غمازته من تحت العارض اللي طلع له من قعدة المستشفى ،، وكان طالع فتاك : خلاص عاااد
غلا كان ودها تلمه بكل قوتها وشوق لها فيه لكن شبيقولون؟ : ضروري تروح له ، قال بيوصف لك علاج و يبي يكلمك
خالد برجا : تعالي معااي انزيين
غلا حست انها ردت مثل ماكانت مجنونه فخالد لو يذبحها و يضربها و يرد يقول لها كلمه حلوه ، تنسى كل شي و تصير كانها مولوده من جديد
غلا : أكييد بجي ..انا كم خالد عندي
خالد:ودي اصفق هاللي قاعدين كلهم من وناستي
غلا:ههههههه انشاااالله دومها هالوناسه
ونزلوا للدكتور اللي كان مع خالد و عفسه الدكتور على الشرده .. ومن بعدها رجعوا
على الـ 8
عمر كان صاحي فالغرفه بس مايقدر يفتح عينه ولا يحرك يده ولا يحس باطرافه ، يحس بالجوع و العطش ولا حد حوله ..
ثواني ودخل الدكتور معاه الممرضات
الدكتور : شكله صحي من فتره
و تكلم عمر قال و بعد مافحصوه تبين عندهم ان جاه نقص بعد فالدم .. لانه نزف وايد
نقلوا له دم من خالد اخوه و ابوه ..
طلع لهم الدكتور حتى يشرح لابوه ..
قعد سعود مع خالد .. يسمعون الكلام و عمر كان يتألم من داخله و من كله
الدكتور : مثل ماتشوف احنا سوينا له خياطه فـ راسه ,, و الكسور الخفيفه جبسناها له لكن عنده عظمه الرجل انكسرت فبنحط له اصياخ حديد .. وانشالله مع العلاج الطبيعي بيتمكن من المشي .. بس اول الفترات راح تآلمه ، ماخفي عليكم شويه الالم قوي بيكون .. لكن مع المهدئات و وقفتكم معاه راح يلتأم كل شيء,, وعملية العين انشالله ماراح تكون خطره ، و الاصابه اللي في وجهه بتلتأم انشالله
سعود : الله كريم .. كثر الله خيرك يادكتور
خالد : لحظه ،، دكتور مايصير نعالجه بره؟
الدكتور : نفس العلاج بره ، موجود هنا ، نفس الكلام بتسمعونه
سعود : ماله داعي ياخالد حمدلله مافيه شي جايد
خالد : يبا يقولك اصياخ حديد وتقول مافي شي جايد
الدكتور : كثير من الشباب يتعرضوا لحوداث ونحطها لهم ، انشالله بيتعود عليها .!
سعود : خلاص خالد امش
طلع خالد مع ابوه
خالد : يبا من صجك اقتنعت ؟
سعود : شوف خويلد .. واصله معاي .. نخلص من امك تجي انت..قول حمدلله جات على جذي
سكت خالد و بعدها راحوا لاهلهم قالوا لهم كل شي و طمنوهم
و رجعوا بيوتهم . حتى غلا و خالد
خالد : يبا ، يما .. انا و غلا رايحين البيت و انشالله الصبح بنجي
لطيفه : هو يوم طيحتك ،، مافارقك ، و لاشفناه و انت الحين تدور الآه حتى تشرد ،، بس ترست مخك بنت آمنه
غلا فتحت عيونها.. شتقصد بعد ذي ؟؟؟ شنو ترست مخه ؟
سعود يتل لطيفه ويقعدها على الكرسي
خالد : ماتقصرين يمه . فمان الله
وصلهم الدريول البيت العود و ركب خالد سيارته وردوا البيت
فالطريق
خالد : ماودج نتعشى بره؟
غلا : مالي نفس والله ، بعدين حالتنا حاله وانت تعبان لازم ترتاح فاهم ؟؟؟
خالد : انشااااااااااااااااالله وعلى هالخشم بعد
وصلوا للبيت وقعدوا شوي مع عيالهم << جو العيله
وبعدها بدلوا و طلعوا للحوش
غلا حست ان خالد يبي يغير جو بس ماعرف يقول لها..
بعد العشا خالد راح دارهم وانسدح على السرير
(( ياحلاة الراحه والله ، حمدلله على الصصحه يارب))
وغلا كانت تنوم مريم .. و لما نامت مريم رجعت دارهم
خالد منسدح على السرير وهي واقفه تاخذ دواها
خالد : ههههههههه آخ شفتي مريوم هالدبه
غلا: شفيها
خالد : واحشششششششششتني
غلا وهي تحط كاس الماي : هههههههه لاتقول عنها دبه حرام عليك يسمعك سعّود ولا فيصل يمسكونها عليها
خالد : ههههههه من زينهم بس
انسدحت غلا وهي تتثاوب
خالد : شنو بتنامين
غلا : أي والله تعبانه خاااالد ..
خالد : وانا بعد تعبان
غلا: ههه سلامتك نام عيل
خالد كان فوده يكلمها عن كل اللي صار بس حس مالها خلق وأجلها مره ثانيـه.. هو بعد تعباان ويبي يرتاح
الساعه 1:15 ..
على طرف السرير اليسار خالد كان غرقان فنومته و لاحاس بشي حوله ..
و غلا من الجهه الثانيه ماغمض لها جفن .. حست بان فقلبها هم..
أكيد هم خالد و عمر .. مهما الانسان حب ولا كره .. الحب الأول مايفارق باله .. حتى لما نمر فأي مرحله .. غير الحب .. أول تجربه لنا فيها .. تكون هي كل الذكرى ..لأن أول تجربة شوق كانت معاه..أول تجربة غيره معاه.. أول تجربة وله ولهفه معاه..كل اللحظات حلوه كانت أو مُـره ..معـــااه
فـشلون غلا و عمــرر .؟؟
غلا قامت و صلت لها ركعتين و قعدت على الشيزلانق تشوف خالد ..
((ادري ان فبالك كلام وايد و كنت تبي تقوله لكني خفت مامسك مشاعري وانفجر جدامك .. وهذا بيزعلك انا ادري .. سامحني خالد .. سامحني ياعمر .. كل اللي صار فيك بسبتي .. يارب تقومه بالسلامه..يارب تسامحني على اللي سويته))
سمعت رنة المسج بموبايلها ..
طلعته من الشطنه و فتحت المسج ..
"" تدري وش اللي مشاهده كنه الموت ؟؟
شخص"ن" بعد عزه تشوف انكساره "" ..
. محمد .
غلا استغربت اول مره تشوف هالرقم ,, فكرت و تذكرت
اكيد محمد ولد خال خالد .. يحليله .. بس شيقصد بالمسج بعد
متفرغ الصراحه
و تذكرت كلامه و شلون راح مره وحده عن بالها و كلش كلش نسته لدرجة انها ماتذكرت شلون راح عنها .. و قعدت تعد الثواني متى تمر و يقوم خالد .. سالفه مثل جذي لازم ماأنساها
فلت شعرها و حطت راسها فوق كفوفها
بس خالد بعده تعبان ماله داعي اغثه من اولها بنتظر أي شي يصير منها و انا اللي برد عليها هالمره 😉
قعدت غلا تتذكر ايامها مع عمر..
تذكرت لما خطبوها لخالد قبل لايملجون ..
اول ماعرفوا بالخبر و عمر طاح بالمستشفى ..
بعد ماطلع ورد البيت
لما مرت على دار عمر لقت الباب مردود وعمر قاعد على كرسي ويطالع من الدريشه ..
عمر شاف ظلها وانمسك قلبه ..
غلا دخلت داره ..
عمر: نطرتج وايد ..
غلا : عمـــــــر
عمر: آآآآخ ياغلا ، تعبااان حيل و محد حاس فيني
غلا تقعد على طرف السرير
غلا: لاتقول محد، انا وين رحت؟؟ عمر انا انذبح كل يوم من كل شي بحياااتي (ترفع عينها للسما) احس اني صرت متعوده عل كل شي مر ، ماحسيت الفرح مره سكني كثر الحزن واللوعه.. تنزل عينها
لكن عرفت أحلى شعور وأحلى أيام مستحيل غيري يمرها ..
عمر متبع بكلامها: كملـي
غلا: حبك لي وحبي لك مافي حد فالدنيا حسه مثلنا
عمر: ياه ياغلا تمنيت كلامج يكون بأول يوم لنا واحنا لبعض صج
غلا صاحت …
عمر: الله عليج يايمه ، ماتوقعتها جذي والله ..
غلا: طول بالك حبـ ( تنتبه) ،، عمر انت الحين تعبان لازم ترتاح وتريح عمرك ..
راحت غلا وعمر قالها
عمر: قبل لاانسى هاي هديتج ، ومو لشي عشان ملجتج باجر،، الله يهنيكم ..
غلا خذتها وهي تصيح من كل قلبها
عمر اللي مثل العاده مايبي يجيسها وقفها من طرف جلابيتها داس عليها
غلا ظحكت كانت هاي طريقته الدايمه ..
غلا: ياااااعيوني انت.. آمررررررني ياولد عمي
عمر: لاتخليني احببببببببج ياغلا لاتروحييين عني
غلا: شلون اخلييييك؟ انا روحي فيك لكن كل شي علينااا
عمر نزلت دموعه .. : آآآآآآآآآخ منهم
غلا خدها تبلل
عمر: دموعج غاليه علي لاتنزلينها عشاني
غلا تنشف دموعها ..
عمر: الله يخليج لي ،(يتذكر) لنا انشالله ..
غلا طلعت عن داره وعمر حط راسه بالمخده يكتم صوته وهو يصرخ ويصيح غلا طول ماهي تمشي بدارها
وهي تصيح ودموعها تطيح على تغليفة عمر للهديه كان هو مغلفها بيده
التغليف كانت الوانه حلوه ورومنسيه وايد
فتحتها كان رابطها بنفس الخوص الاسود ..
فتحت العلبه
لقتها كلها اوراق رسمات قعدت تصيح
كان كل اسبوع يوريها هالاشيا
اوراق كلها اشيا علي غلا
راسمها بس دايمآ وهي صاده
كانت في ورقه حارق اطرافها وكات حرف العين بالعريض والنقطه على فوق بس من جنب
الحرف كان كله عباره عن اسم غلا صغار صغار مشكل حرف العين
وتذكر لما سألته ليش النقطه فوق وعلى اليسار؟؟
قال لها "لان هاي مكان قلبـي"..
غمضت عينها غلا ""و شكثر هالذكريات حلوه .. ""
تحس بالدنيا مثل الحرير تداعب خدودها .. لكن كل هاللي تحسه .. تتخيله .. مو تعيشه !!
سمعت خالد يتحرك على السرير و رفعت عينها له بس كان لين الحين غارق فنومته ..
شبتذكر و شبتذكر ،، ايامي كانت وايد حلوه معاك ..
ماكنت متوقعه ان الدنيا دواره مثل مايقولون .. كنت مو مصدقتهم
لكني جربت و صدقت
تذكرت خالد و العنود و قعدتها فالبيت العود مع يدتها و عمر
تذكرت لما جابت سعد و فيصل .. جنون خالد فأول توأم له ..شحلاتك ياخالد والله بس شوفة حلاك ترد الرووح .
،،تذكرت اول مادرت عن عمر لما انعمى .. شكثر حست بالذنب ،، تذكرت موتة عمها سعد وطيحتها,, حست ان الدنيا انتهت لها ،، لكن الدنيا استمرت و ماوقفت ! يمكن وقفت عندها لكنها ماشيه عند الباقي .. و أول مانجحت عملية عمر و رد يشوف .. بس وقفت ذكرياتها عند "خالد" خالد طيـب واايد ، بس عمر أطيب ، و خالد أطيب بعد
كلهم طيبين معاي ؟؟ شمعنى معاي ، ليش بس انا احس جذي
يمكن صج اعتبروني اختهم .. بس لطيفه ليش جذي؟
مو معقوله بسبة غيرتها من امي تسوي جذي ؟؟انا ماصدق
الله يايمه لو انج حيه .. و ابوي حي .. و عمي سعد
شكنتوا بتسوون لي؟
شكنتوا بتسوون لي وانا فهالموقف و المواقف اللي صارت
كنتوا بتزوجوني عمر ولا خالد؟؟
كنتوا بتخلوني اشقى و اتعب ؟؟ الله يرحمكـم ياارب
قطع على افكارها أذان الفجـر ..
غلا بصوت واطي :يالله مر الوقت بسرعه
رن منبه خالد و خالد بدون وعي يبي يطفيه طيحه على الارض
وصار ازعاج قوي شوي خلى غلا ترتعب لان المكان كان هادي وفجأه صارت ضجـه
قام خالد و فتح عيونه
خالد يفتحهم بصعوبه وهو يتثاوب .. لف يساره مالقى غلا ..
خالد : غلا؟شمقعدج لهالحززه؟
غلا : لا بس سمعت مريومه تصيح و رحت لها و ماجاني نوم بعدها
خالد : آآآآخ فيني النوم ، 5 دقايق رجعي قعديني
غلا تبتسم له : صل و ارجع نام
خالد :آههه، ان غسلت وجهي بيطير النوم
غلا تظحك له و شكلها دافعين لها على الظحكه خخخ
خالد دخل توضى وبدل ملابسه و صلى و رد من المسجد و غلا صلت و ردت على نفس قعددتها
دخل خالد على سعد و فيصل عشان يقومهم
سعد تحرك تحرك و كفخ خالد على وجهه بدون مايحس كان لين الحين نايم
غلا سمعت الحركه وراحت دارهم وشافت خالد يعافر فيهم
وتمت تشوفهم من ردة الباب و هي تبتسم لين ماقومهم ورشهم بالماي..والله انك اروع انسان شفته يا خالـد
رجعت غلا دارهم .. وبعد ماصلت قعدت على السرير تنتظر خالد دخل خالد و بدل و طب نام على طووووول
غلا ظحكت عليه ،، من يومه يموت على النووم
صار الصبح و خالد كان قاعد فالصاله و غلا خذتها النومه بس وعت بسرعه ..
دخل خالد الدار على غلا و كانت توها بتبدل ملابسها
خالد : غلا ماشفتي زقايري وين
غلا : لا ولابتشوفهم (وهي ماسكه ملابسها)
خالد : شنو ولابشوفهم؟خير اختييييييي؟
غلا : الزقاير ممنوعه ولا نسيت ؟؟
خالد : اوكي اوكي ، بس وحده اليوم وبعدها خلاص (بلهجه تحنن قلبها يعني)
غلا وهي تطلع ادويته من الدرج : لا خذ دواك و هذا بيكفيك عن الزقاير
خالد يطالعها وهو رافع حواجبه
غلا : لاتقعد تطالعني جذي ،، خذهم
خالد خذى الادويه ورجع الصاله ..
و كل شوي يرد الدار و يطلع يرد و يطلع ،، طلعت غلا الصاله وقعدت معاه
مرت فتره على قعدتهم جذي لايتكلمون ولاشي
غلا تكلمت : الا مادريت عن عمر ؟؟
خالد ينتبه لها : لاوالله مادريت بشي ،، اروح له الظهر
غلا : وعملياته هني بتسوونها
خالد : أي
غلا : يقوم بالسلامه انشااالله
خالد قط غترته و رن موبايله وبعد عن غلا ..
صار يوم عملية عمــر ..
سعود و خالد و عيال خالته كانوا هناك ولطيفه ، بس الباقي ماكانوا موجودين ..
مرت الساعات و خالد اتصل لغلا و قال لها ان عمليته نجحت لكنه بيتم فالمستشفى بعد ..
مثل مامرت الايام و خالد تشافى ..
مرت الايام ووقف مره ثانيه عمر على رجله ..
مرت اسابيع كثيره على طلعة عمر من المستشفى و قرر انه يسافر مع ربعه كم يوم يغير جو ..
و غلا و خالد واهلهم قرروا يروحون الشاليهات لان الجو صار حلووو ويشرح الخاطـــرر
خالد وهو فبيته ومستانس وااااايد لانه يحب البحر كانت الساعه 8 ونص الصبح ..
غلا قامت : خالد ليش ماقعدتني معاك؟؟؟ راح موعدي
خالد نسى : أي موعد؟
غلا وهي تقوم من السرير ، اليوم لازم اسوي غسيل الكلى نسيت؟
خالد : لا مانسيت
غلا بعد ماطلعت من الحمام ( وانتوا بكرامه) و بدلت لقت خالد ينطرها تحت .. كانت تكلم الخدامه وانتبهت له
غلا : تنتظرني خالد؟
خالد : أي
غلا : لا ماعليه انا بروح بروحي يطول ترا
خالد : لالا ماعليج بنتظر
غلا : يمكن اخلص على المغرب العصر الله اعلم ، بتمل صدقني
خالد : يالله منج امشي يالله يالله
غلا ظحكت و راحت معاه
فحصوا على غلا وخلصوا ودخلوها الغرفه حتى تبدى عملية غسل الكلى .. كان خالد قاعد معاها يخفف عليها لان يدري انها تخاف من غسيل الكلى
خالد وهو ماسك يدها ويعد على اصابعها : ولما تطلعين من هنييي ، نروح البيت سيددده ، وبكرررره نروح البحر ونستانس الله مع غلا ايبااااااااه
غلا : ههههههههههههه عادي خالد ماني خايفه ، تعودت، بس يعوررني شوي ، لكن بتحمممل
خالد ينتظرها تصيح
غلا : خااااااااااااااااالد (( وانفجرت))
خالد هني مات من الظحك عليها
غلا : اطلع برررره
خالد : ههههههههههههههه افا هههههههههههههههههههههه جذذي.؟
الممر ضه كانت تطقطق بالاغراض بصوت عالي يعني اطلع
خالد يبوس راس غلا .. وعيونه تلمع من كثر ماظحك
خالد بصوت واطي : ياعساه فيني ولافيج ياام فيصل
غلا بس سمعت هالكلمه زاد صياحها المسكينه
طلع خالد و قعد يفكر فغسل الكلى ،، اكيد يعور ،، مسكينه ياغلا توج صغيره على هالاشيا..صج ان المرض مايعرف صغير ولا كبير
وفعلآ على المغرب خلصت غلا لكنها لين الحين داخل الغرفه ونص مخدره
دخل خالد وشاف غلا راسها غايص بين المخدات الكبيره و شكلها تعبانه او شي يعورها
مسك خالد اطراف اصابعها المتجمده وهي حاسه بكل شي لكن جفونها ثقيله و المغذي بطرف شفتها و شكلها حارق قلب خالد
يمسح على حدود وجهها و هي تحس بالموت ..
طلعوها من الغرفه ونقلوها للبيت بسيارة نقل المرضى ..
خالد لحقهم بالسياره لان اول مره تصير معاهم جذي
بثاني يوم الصبح غلا قدرت تتحرك و صار وضعها عادي
خالد ماقومها ،، ونزل هو وعياله كل شي للسياره لان المفروض يمشون من زمان للشاليهات
خالد فتح باب الدار بهدوء وشافها قايمه
خالد : صباااااااااح الغلا يالغلا ،، شلوونج ؟انشالله تمام!
غلا : تماام ، شلون جذي بتمشون عني ها
خالد : ههههه افا واحنا نقدر ؟
غلا : خلاص عيل اربع دقايق بس وابرز
خالد : ودقيقه مجانآ من عندي شتبين بعد ؟؟؟
غلا : هههههههههههه حبيبي والله