عـلى نـ غ ـمـات الحيــآهـ الحزينــه
آنثـر كلمـآتــي الوآقعيــه عــلى صفحــآت خيــآليــه
لتكون روآيــه مـلآمســه للآبدآع
مليئـه بآلآحــآسيـس المرهفـه
لتتعــآيشوآ في لحظـآت رومــآنسيــه
يكتب عنهــآ شكسبير …… ×
وحيـآة يرسمهآ بيكآسـو …. ×
وآلحــآن يعزفهآ بتهوفن … ×
على اوتــآرهـ الذهبيــهفـي بدآيــة كتبــآتــي …
انشر احـآسيسي على هــذهـ الروآيــه
متآملــه تفـآعلكم فـي سطـور بديآتــي
بسم الله الرحمن الرحيم
هذي اول قصه لي اكتبها واتمنى انها تنال اعجابكم واهمشي ردودكم
العوائل:
بو راشد الأخ الاكبر وله شركه له ولخوانه؛؛
عائلة بو راشد:-راشد عمره 30 سنه عزوبي ماتزوج يشتغل بشركة ابوه
فهد عمره 24 يدرس محاماه يوسف عمره 22 يدرس في كلية الضباظ علي عمره 20 يدرس في ابريطانيا يدرس هندسة كمبيوتر العزوف 18 سنه برابعه ثانوي غرام16 ثانيه ثانوي فرح 14 سنه
عايلة بو جراح:- جراح 26 يشتغل بشركه ابوه وعمامه ونواف 22 بالجامعه نايف عمره 20 يدرس مع علي ببريطانيا هندسة كمبيوتر هنوف 18 مها 14
عايلة بو محمد:- محمد 24 يشتغل بشركه نجود عمرها20 فارس 18 سنه مبارك 16 سنه مريم 14
عايلة بو سعد:-سعد 26 يشتغل معاهم بشركه فهد 24 يدرس في الجامعه اخر سنه
تركي 22 سنه في اولى جامع وجابر21 يدرس محاماه في ابريطانيا جنى 19 اولى جامع تدرس اداب انجليزي شذى 18 (انسانه مغروره اكرهاااا وراح تكروهونها بالقصه بس بالاخير بتحبونها) غزل 17 عكس اختها انسانه حبوبه وطيبه والكل يحبها بس انها دلوعه
عايلة بو عبدالله:- عبدالله 29سنه ريان وركان تؤام 25 سنه جاسم 23 فيصل 20 مغازلجي ومو مهتم في دراسته يمكن اكبر مغازلجي بالكويت وريف عمرها 18والباقي تعرفونه بالقصه ادري لوعت جبودكم تحملوني شووي لووول نبدي
بسم الله الرحمن الرحيم
الجزء الأول:
في بيت بو راشد كانت العزوف تشوف التلفزيون الساعه كانت 6 المغرب جتلها امها
ام راشد: يمه العزوف روحي نادي فهد ولا راشد يوديني بيت عمج بو جراح
العزوف بقلبها اووف ياكره هل الاسم بقلبي:بتروحين الحين يمه
ام راشد:اي الحين بتروحين معاي
العزوف:اي والله يمه ملل
ام راشد: يمه العزوف قولي لخواتج اذا بيروحون
العزوف:انشاء الله
راحت العزوف فوق لغرفة غرام مالقتها راحت لفرح لقتهم قاعدين على الاب توب وهي تصارخ :غراموو فريييح بتروحون معانا ولالا
لفت غرام برود :ويييييين
العزوف:بيت عمي بو جراح
فرح: منو موجود هناك
العزوف وهي تصرخ: مافي احد
قالو خلاص بنروح معاااكم وراحو يلبسون واتجهووو لبيت العم بو جراح
ام جراح:ياحي الله من جانا تو مانور البيت
ام راشد:الله يحيج يام جراح منور بهله
ام جراح: شدعوه ياحافظ مانشوفكم خير شر
ام راشد:والله لاهين مع الامتحانات تعرفين البنات الحين امتحانات
ام جراح:-اي والله وانتي الصاجه يوخيتي
ام راشد:الهنوف يمه شلونج
الهنوف :بخير الله يسلمج خالتي
العزوف تكلم الهنوووف:هنوفوو وين الافلام اللي بتعطيني ياهم
الهنوف:شوفيهم فوق بغرفتي
العزوف:تكفين روحي جيبيهم لا انساهم مثل ذاك اليوم
الهنوف:روحي انتي تلقينهم بتواليت انا بقهوي فشله
العزوف:اوكي
راحت العزوف فوق قبل لا ننسى العزوف لابسه نفنوف فوايت ناعم لي الركبه ومسويه شعرها كيرلي وحاطتلها على صوب فيونكه عنابيه صغيره ولابسه كعب عنابي وطالع شكلها عجييييييب المهم نكمل
بطلت غرفة الهنوف وسكرت الباب العزوف بقلبها يووه وين حاطتهم هذي الحين ورااحت ادور بالتواليت مالقت شي وراحت صوب الشوفنيره
جا جراح بينزل ولا يسمع صوت الادراج تنفتح وتتسكر قال بقلبه اشفيها اختي انجنت
وراح جراح لغرفة هنوف دخل الغرفه وسكر الباب وراه انصدم جراح من اللي شافه
جراح بصراخ:- العزووووووووووف
العزوف ماردت عليه من الخوف والصدمه اسرحت تتذكر المواقف اللي صارتلها يوم كانت صغيره وكل يوم يزيد كرهها له وتتذكر نذالته وحقارته
جراح بصراخ:- انتي ماتستحين ماتقولين يمكن فوق عيال عمي وين الهنوف عنج ويطالعها من فوق لي تحت بنظرة استحقار في وحده تلبس هل البس وتجي فوق انتي ماتتوبين
العزوف جت تركض عند الباب بتطلع بس اهو ما خلالها مجال
جراح:- ما راح تطلعين الا اذا قلتيلي شنو تسوين هني
العزوف:-مو على كيفك وبعدين انت شكو شسوي هني
جراح:-والله حبيبتي غرفة اختي وانا بصراحه والله خايفه عليها منج
العزوف:- اللي يقول باكل اختك عااد وخر بس وخر
وخر جراح عن الباب وراحت تركض بدرج تعرجبت بدرج وكان جراح وراها مسكها مع خصرها جراح:-ثاني مره بطلي عيونج عدل صج عميه
العزوف :- عمى يعميك انشاء الله وبعدين انت شكو انا اللي بغيت اطيح ولا انت
جراح:-لو ما مسكتج جان طحتي وتشوهتي احنا ناقصين عاهات بعد فيج
العزوف بين دموعها :- صج حقير
وراحت تركض العزوف واتصلت على راشد اخوها وقالتله انها تعبانه وقالت حق امها انها مصدعه وبترد البيت مع راشد
جراح قاعد بادوانيه وبقلبه هين يالعزوف انا اوريج شغل الله ماكون ولد ابوي اذا ما علمتج منو جراح
اذا اعجبتكم ابي ردود اكمل ولالاء وشكرااا اتمنى من الله انها تنال اعجابكم
كملي
شكل الروايه جنااااااااااااااااااان
بليز كمليها
تقبلي مروري وحبي واحترامي
ابدااااااااااااع يفوق الوصف
ورواية فعلا جميلة
واسلوب راقي
وارجو تقبل مروري