[poem font="Simplified Arabic,5,black,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
ياعرب ياناس يا تال البشر = ابرهه جانا على سبعين فيل
المساجد هدّمت عزّ الظهر = والصليب بدارنا جيشن وخيل
المنابر سال من دمّه نهر = والمساجد كل ساعه له قتيل
نحسب الحكام من دونه نحر = وصاروا أذنابن لأمريكا وذيل
من جبل تونس الى مينا قطر = سادها صمت العميل ابن العميل
أنكروها وقطعوا عنها الخبر = أنكروها وانكروا كلّ الجميل
شيخنا يااللي على منهج عمر = كيف تفتينا وماعندك دليل؟
أنت من علمتنا باوّل شهر = أنت من ولّعت ياشيخ الفتيل
مانذل أرقابنا للي كفر = الشهاده نصر والجاحد بخيل
من يلوم الشمس تكسف والقمر ؟ = ومن يلوم القاع لاضجّت عويل؟
وش بقا ياناس شيّن ما ظهر ؟ = وش نهاية ظلمة الليل الطويل؟
العيون تصب من ماها مطر = والدما تمشي بها الوديان سيل
نهر دجله اقتلب لونه حمر = والنسا تنخا الاصيل ابن الاصيل
ياعظيم العرش عشناها قهر = ارحم قلوبن نهاره صار ليل
أجعل أمريكا سواليف وعبر = ماضين يرويه جيلن بعد جيل
أنصر الاسلام ياربّي جهر = وانتصر يارب للعبد الذليل[/poem]
خالد الرشيد
ابن رشيد
كفو ،، وصح لسآن قائل هالقصيده
يعطيك ألف عآفيه
تحايآي
نص شاعري .. معبر .. يعطيك العافية عالأحساس النبيل
والشعر منبر لجميع الاغراض النبيلة وهذا مانطمح اليه في منتدانا العزيز
.. جل تقديري لشخصك الكريم .~
الله يعطيك العافيه
عالكلمات الرائعه
قصيده وافيه وقوية شوي
لاعدمتك وتقبل تحيات اخوك
أســــ الغنج ــــير
جزله ووافيه هالغاليه ومافيها قصور ..
شاعر نعتز بتواجد امثاله ..
لاهنت ..
تحياتي ..