صدر الورق 2024.

السلام عليكم ورحمة الله وبركاته
اسعد الله جميع اوقاتكم اخوتي + اخواتي
هنا قصيده راقت لـي للشاعر شيبان محمد

يقول:
عجل تعال شفيك ماتسمع نداي
……………………القلب ماهو مثــل ماكنت خابـــر .

. كان البشر والناس نستك فرقاي
……………………تعال شف دمع الغلا كيف صاير .

. ون كان ماهزك قصيدي ورجواي
……………………خوفي تهل الدمع بين المــــقابر .

. تهزني فرقاك كلي من اقصاي
……………………واجمع تناهيدي واسوق البشاير .

. وارسم من الاحلام رحله بممشاي
……………………وتصحي معي كل الجروح الغواير .

. تعال جرب عيشتي يوم وياي
……………………وسجل على صدر الورق بالمحابر .

. اما تدوس على الغضا نفس ماطاي
……………………والا يروح العمر شعر وزقـــــاير .

. ياهيه تكفى طالبك اعزف الناي
……………………والعب دخيل ابوك وارخ الظـــفاير .

. ماتدري انك راس مالي وسلواي
……………………وهمس الحروف اللي سرا بالمحاجر .

. عجل ترى ضيم الدهر بعثر خطاي
……………………والروح ملت حزن والـــــهم كافــــر .

. الحق علي ان كان ودك بمرضاي
……………………ترى العمر لحظات وانا مـــــــــهاجر .

وسلامتكم
+ اتمنى تروق لكـم