رحت للحواج وخذيت حنة يمنيه وسدر يمني وعلبتين شقور وصابون رقي ( صابون الغار )
رديت للبيت وخذيت خلاط الدقوس وخلطت فيه الصابون مع تقريبا كوب ونص الى كوبين ماء واخلطي واذا شفتي الخلاط ثقل بالخلط زيدي الماء شوي لين تنخلط الصابونه كلها بعدين صبيها في الطاسة وضيفي عليها ثلاث ملاعق أكل حنة وثلاث ملاعق سدر >>> قلبت طبخة هههه
خليت الخلطة تنقع ساعتين اذا تبين ساعة عادي ما يهم وقت النقع لان المهم الخطوة الجاية
خذيت مرش وصبيت فيه علبة شقور مع ملعقتين ملح خشن وخضيته ثم رشيت فيه شعر خواتي لين غرقته وبعدين نشفته بالسشوار لين نشف لاني حنيتهم بالليل اذا تحطينه بالنهار يفضل تقعدين بالشمس يكون احسن بس احنا شمسنا ما تغشمر تحرق على طول
خلصت تنشيف شعورهم سحبتهم على المطبخ وبعدين ضفت باقي الشقور اللي بالمرش على الخلطة مع نص العلبه الثانيه وخلطته لين تجانس ولبست كفوف وهات يا تلبيخ على شوشهن وييوم خلصت لفيتهن بشيله وقلتلهن طسن ولا ااشوفكن لين تنجح التجربة واذا شعركم خرب ترى ما اعرفكن
المهم حطيت الخلطه على شعورهن الساعة وحدة بالليل واغسلن شعورهن وحدة الساعة خمس ونص والثانية الساعة ست والثالثة الساعة سبع ونص والحين بوريكم صور شعورهن وانتوا احكموا اذا انا شاطرة والا لا >>> تكفوون امدحوني حطمني ابوي يوم هاوشني يقول ليش تزينينهن هن زينات وزدتيهن زين والحين الناس بينظلونهن >>> مقيولة القرد بعين امه غزال << ابوي الله يحفظه عنده بناته ملكات جمال الحمدلله والشكر .gif "Graaam (308)")
هذي محنيه شعرها قبل الصبغة مرة وحدة
هذي محنيه شعرها قبل الصبغة يمكن مرتين او ثلاث مرات ما اذكر
هذي الصغيرة ولا مرة حنت شعرها وهذه صورتها تحت الليت
وهنيه سحبتها العصر برة باللاهوب وصورتها علشان خاطر عيونكم ويوم دخلت وشافت امي وجهها
طماطة هزأتني تهزيئة محترمة علشان الشهباء صارت حمراء >>> مفروض تشكرني عطيت بنتها
لون خير تعمل شر تلقى يا كافي
وهنا بعد السشوار
وهذي صورة مكونات الخلطة
السدر
الحنة
صابون الغار
الشقور ( ماي الاوكسجين ) بدينار الا ربع يعني عشر ريال
وهذي شكل صابون الغار يوم خلطته كريمي
تكفون جربوها واللي تعجبها تدعيلي واللي ما تضبط معاها امانه لا تدعي علي لان كل شعر ومدى
قابليته للصبغ ولا تنسين تزيتين شعرج بعد الصبغة لانها تنشفه شوي والله يوفقكم بدرجة اللون الحلوة
ودعتكم الله
مشكووورة
وصفة رائعة
يعطيك العافية
.
.
.
لووون شعرة خيالي الله يستر عليييه
فديتس يابعدي
الله يجزاك الجنه
/
بس آآنا طبيعة شعري قريبة للون هذا ومآآ أفكر أبداً إني أصبغه
لأني مآآ أحب الصبغات
بس لما شفت هذوليي عيبووني مرررررررررره
تقبلي مروري . ودي
يسلمووووووووو ايدينك
لكي ودي