فـ النهايه••
كل واحد فينا بيْروح بطريق ويبدا ليل ومَالِه آخر
بينْكِسِر فيك النهار وينْذبح في قلبي•• شاعر
فـ النهايه••
بَفْتَح عيوني في يوم•• وما الْقا بعْيوني•• عيونك
لا حَنيْنِك••
لادفا ايدينك•• ولا•• وجهك••
ولا حتى بيبْقى فيني•• شي منك إلاّ ذكرى••
تِشْعِل الثلج وتكابر
مافيه شيّ بيبْقى فينا من هوانا••
لازَعَلْنا لاعَتَبْنا لاسَهَرْنا
لا فَرَحْنا••
لا••ولا وَرْد الجروح
كلّه ياعمري بيروح
كنِّه ماكان عمره حاضر!
شنهو آخر هالمشاعر؟!
شنهو آخر فرحتي•• شنهو آخر دمعتك••
شنهو آخر شوقي لك•• شنهو آخر لهفتك••
شنهو آخر هالقصيد•• اللي في صدر الدفاتر؟!
أنا أدري••
إنك أجمل من فتَنِّي
وانك اغلى•• حُب سكَنِّي
إنتي خَلِّيتي غصوني الصفرا•• تشْرَب••
من حَلَى ماك•• وْتِغَنِّي
وانا أدري••
إنك انتي•• شيّ مني•• شي يسوى الروح•• طاهر
بس قولي••
شنهو آخر هالمشاعر؟!
لا أمل عايش معانا••
لا رجاوي••
لاصبر •• والياس صابر!
أنا وانتي نجمتين
مهما تجْمَعْنا سما••
وليل ساهر
لكن الصبح بيجي•• وبيفرِّقْنا أكيد
ويمحي اللي كان ظاهر!
أنا وانتي وردتين••
لو تسامينا•• عطر••
لكن المجد للخناجر !
أنا وانتي موجتين
ضد تيار القبيله
ضد ابوجهل وقريش
ضد دمعه فـ المحاجر
أنا وانتي•• شراع سفينه
والرياح•• تنْهى وتامر
أنا وانتي••
نؤمن إن الحب صلاه
في زِمَن بالحب•• كافر
أنا وانتي••
ندري لازم نِفْتِرِق
كان مهو اليوم•• باكر
حنَّا ندري•• بتنجرح فينا الخواطر
وفـ النهايه••
بينكسر فيك النهار••
وينذبح في قلبي•• شاعر•
يسعدك ربي على رووعه النص
وكلك ذووووق يالغلا …
نترقب الجديد…
|
المشاركة الأساسية كتبها يادرب ماأصعبك
 روووووووووووعه
يسعدك ربي على رووعه النص وكلك ذووووق يالغلا … نترقب الجديد… |
تسلمين على مرورك عطرتي الصفحة لا خلا وعدم
| كلمات جميله وعبارات ربما تكون واقعيه رغم ما تحمله من ألام |
| شكراً على نقلك الرائع ودام لكِ نبض قلبك |
الله يعافيك
كلمات جميله
وإنتقاء رائع
الله يعطيك العافيه
عــ روعة النقل
ودي