شعر قوي لشاعر فيصل الشمري

بعض البشر لامن حشمته طمع فيك
وبعض البشر لامن جفيته يودك
وبعض البشر يتعب على شان يرضيك
وأغلى من اخوانه بقلبه يعدك
ويا صاحبي هالحين بانت خوافيك
عـلقتني مابين مزحك وجدك
وش جاك مني ياعشيري وانا اخيك
قبل امس انا صاحبك واليوم ندك
لاضاق صدري من عنا وقتنا اجيك
واشوف دمعات الغلا فوق خدك
والحين تظلمني وانا منك وفيك
بكل إحترام اقول يا خوي حدك
ثمن كلامك يا عسى الله يهديك
لاصار ماي الوجه يعجز يردك
ثوب الردى ياصاحبي مايقديك
الثوب لا ثوبك ولا القد قدك
انا اول انسان اذا ضقت بجيك
حتى ولا اذكر يوم وقفت ضدك
ماتذكر اني بالوفا كنت اجازيك
وانته تجازيني بظلمك وصدك
لكن خلاص اليوم والله مابيك
النفس طابت سو ماهو بودك
الطعنه اللي من ورى الظهرتنهيك
وشلون لاجاتك من اللي يودك

مما راق لي