شعري بالفرن ^-^

السلام عليكم جميعا ،،،

بما اني من عشاق السمك لاني الفجيرة فديتها ع الساحل يعني بحرنا ما شاء الله معطاااء ورائع ،،

اليوم سويت لكم شعري بالفرن والشعري سمكه لذيذه جدا طبعا تختلف المسميات لكن أظن الجميع يعرفه ،،

يسمونه (حراش) بعد وهالمسمى عندنا بالفجيرة ،،

خلونا نبدا وان شاء الله تكون طريقة سهلة ويجربها الجميع ،،

ويدعي لي ،،،

هاي سمجتنا الغاوية ….

بصل ، ثوم ، وفليفله أقطهعا مثل ما شايفين ،وبعد فلفل أخضر حار للي يحب الأكل (سبايسي) ،،

بقدونس ، كزبرة ، شبت ، عشان الريحه والنكهة الزينه ،،،

هاي عاد خلطه عبارة عن ثوم مطحون مع فلفل حار وممكن الاستغناء عنها بخلطه تسوينها

بالخلاط تحطي الثوم والفلفل وممكن تحطين شوي من الأعشاب اللي ذكرناها فوق ،،

ألحين نروووح حق طريقة العمل :

أول شي نملح السمكه من كل أطرافها وجوانبها …

عقب نبهرها بشوية كركم وكمون ناعم ونحط عجينة الثوم والفلفل ونفرك السمكه وكل اجزاءها

ونتاكد ان الخلطه اتوزعت زين على السمكة ،،،

عقب أدهن القصدير بشوية زيت زيتون ،،،

عقب الخضره أوزعها داخل السمكه وحواليها في القصدير ،،،

ألف القصدير لفتين على السمكه واسكره زين وأدخلها الفرن لمدة ساعة ونص تقريبا ،،،

طبعا حسب حجم السمكة ،،

وهذي سمكتنا الغاويه ريحتها جميله وطبعا الطعم كان لذيذ ،،

وهذا العيش الأبيض ،،،

جرجير وليموون ،،،

وهني وعافيه على قلوبكم ،،،

يممممممممممي
و الله انا اقرا الموضوع و احس ريحة الطبخة
بخشمي .. حرام عليج عهودي 5 ايام ما باكل سمج
كيف اصبر الحين !!!

المره اليايه نبا نشوف طريقة مجبوس الهامور
~>> دبستج

يعطيج العافيه بنت ابوي

طبخة رائعة خيتو

ما ننحرم من ابداعاتك يا جميلة

يعطيك العافية ..

**

اهلا وسهلا عزيزتي

وصفه جميله جداً

ووووشهيه حقاً

لروحك اللافندر

لاتحرمينا من وصفاتك

معَ حُبيِ
♥

ماشاء الله وصفة وصور شهية وتفتح النفس ألف شكر ع الوصفة الطيبة و ان شاء الله تتم التجربة
يعطيك العافية وتسلم الأيادي

السلام عليكم ورحمة الله وبركاته

شعري = نسميه شعور النوع الوحيد الي أكله من السمك

راح يكون غدانا اليوم هذي الاطباق ان شاء الله

وجووووعتينا ي عهود

عوافي عليكم

ودي

سبحان الله وبحمده سبحان الله العظيم

طريقه سهله اوي بس بجد شكلها لذيذ جدا

لازم اجرها انا بعشق السمك

يسلموو كتير على الطرح المميز

نورتيني الغاليه ،، هلا وغلا والله ،،

أسعدني حضورج بنت أبوي ،،