سلطة الجرجير بالجوز وباستا بالروبيان

سلطة الجرجير بالجوز وباستا بالروبيان
للاخت [ Orabella ] .. مع الشكر ..
نقلتها لكم .. إن شاء الله تنال إعجابكم ..

سلطة الجرجير بالجوز

المقادير:
– خس امريكي
– جرجير
– طماطم
– زيتون
– جبنة فيتا
– جوز
– دريسنق انا استخدمت salad magic اللي بـherb and garlic الحلو في هالدريسنق ان 99% fat free و no oil و طعمه روعه
– اذا حابين ممكن تضيفون ذره.

الطريقه:
نقطع خس لقطع صغيره .. و الجرجير بس نقطع عوده .. و نخلي الورقه مثل ما هي .. نحطهم في صحن التقديم .. نضيف لهم الطماطم المقطع+ الجبن + الزيتون+ و بعدين نغرقها بالدريسينق اللذيذ،، و ننثر الجوز من فوق

صورة الدريسينق .. هم انواع وايد و مثل ما قلت انا استخدمت اللي بالاعشاب و الثوم و على فكره كل انواع الدريسينق اللي في الصوره 99% fat free و no oil

ملاحظة:
اذا ما حصلتو الدريسينق .. ممكن تخلطون م ك زيت الزيتون+ شوية خل + شوية عصير ليمون + ملح و صبوه فوق السلطة

باستا بالروبيان

المقادير:
– روبيان مقشر و نظيف – الحجم الوسط
– باستا اي نوع انا استخدمت بيني
– ثوم و زنجبيل مهروسين
– رشة فلفل احمر مجروش الحار
– ملح
– اوريقانو
– رشة بقدونس يابس ما ادري ناشف
– كوب جبنة بارميزان
– كوب صلصة طماطم للاسباغيتي – ماركة kimball احلى من العلالي مليون مره

الطريقه:
نفور ماي و ملح في جدر و نضيف له الباستا + 1 م ك زيت الزيتون.
في جدر ثاني نحط شوية زيت الزيتون + الثوم و الزنجبيل لما يتغير لونه نضيف الفلفل المجروش و بعدين الروبيان .. لما يبدا الروبيان يستوي نضيف صلصة الطماطم و نخلط..نضيف رشة الاوريقانو و الملح .. بعدين نضيف الباستا بعد ما استوت .. و نتركها لمده 3-4 دقايق .. ثم نضيف البارميزان
عند التقديم نزينه بشوية بارميزان و رشة بقدونس