سائق التاكسي والكرتون قصة حقيقية 2024.

السلام عليكم . أسعد الله اوقاتكم يأصحاب الاذواق الرفيعة . هذه قصة حصلت في حي من احياء الرياض قبل سنوات طويلة . فيها عظة وعبرة . تقول القصة .
كان هناك رجال سواق تاكسي . أيام التاكسي الصفراء يمكن بعضكم لحق عليها . المهم يقول السواق في صباح يوم من الايام كنت اسوق التاكسي اترزق الله واكد عليه . وانا ماشي اشرت لي ذيك الحرمة يقول وقف عندها وقالت توديني للمحل الفلاني قلت مايخالف . وركبت ومن طريق الى طريق ومن شارع لشارع الين وصلتها للمحل اللي تبيه ونزلتها وحاسبتني بريال تقريبا . وبعدين قمت ادور على زباين وبعد شوي سمعت صوت من وراء والتفت ماشفت شي كملت المشي وفجاة سمت صوت ثاني يارببببه وش ذا والتفت ماشفت شي ومرة ثانية سمعت صوت الصراحة حفت وتعوذت بالله من الشيطان الرجيم ووقفت التاكسي وحولت وقمت اشوف وش ذا الصوت وفتحت الباب الخلفي ولقيت كرتون صغير ياربي وش ذا الكرتون مهوب لي واسحبه واطلعه من المرتبة وافتحه ياربببببببببببه ياساتررررررررررررر لقيت بزر صغير رضيع طار علي وانهبلت قمت رجعت البزر في الكرتون واحط رجلي للمكان اللي زلت فيه الحرمة اكيد نسيته يوم وصلت للمكان وادور على الحرمة يمين يسار واسال عنها بعض الناس ؟؟؟؟ ياجماعة محد شافت حرمة كذا شكلها . مالقيت جواب وادور ثانية والف ذاك الحي كله ولا حصلتها . ان لله وان البه راجعون وش الحل . صبرت شوي يمكن تطلع منا او منا لكن طول الوقت ياربي وش اشوي . صعبة احط البزر في الشارع حرام وش ذنبه . والمساجد مسكرة الساعة اللحين ثمان ونصف الصبح والوقت طويل الين صلاة الظهر ياربي ياربي ياربي !!!!!
اخيرا هداني عقلي الى حل واحد مافيه غيره . اروح للشرطة وابلغهم باللي صار وهم يتصرفون في اليزر . وفعلا دخلت !!! على الظابط وحكيت له القصة كاملة .!!! سكت الظابط وناظرتني نظرة غريبة ثم قال علينا هالكلام ؟؟؟؟ قلت نعم !!!!!!! قال علينا قلت وش قصدك قال وين ام البزر قلت وشو قال اقول لك وينها هذا شي انت مسويه يوم تورطت بالبزر قلت اروح اوديه للشرطة مسوي نفسك شهم واخلاق !!!! طبعا ياجماعة الشرطة عندهم اساليب كثيرة في كشف الجرائم بكل ذكاء . المهم انهبل الرجال قال ياضابط انا رجال عمري اربعين سنه ولاني حق الكلام ؟!! قال اقول لك طلع ام البزر احسن لك قلت خف من الله انا ماني حق هالشغلات . الظابط ضغط على الرجال اكثر واكثر واكثر يوم مالق حيل قام دخل الرجال في السجن والرجال يحلف بالله العظيم ماسوى شي . يوم جاء بكره قال الضابط بسوي لك تحليل انت والبزر وراح نشوف المهم الرجال قال مايخالف انا بري وربي مايضيعني يوم جاء بكره وانا حاط يديني على راسي من هالمصيبة واسمع الصياح من عند الظابط والافراد اللي معه ياربي وش السالفة يوم دخلوا على أبشرررررررر ابشررررررررر طلعت برئ طلعت عقيم عقيم وشوووووووو عقيم وش عقيم قالو ا انت عقيم ماتنجب عيال مبروك انت بري انا انهبلت قلت ياضابط وش عقيم هالكلمة اش علي من اتهامك لي من الاول وشلون عقيم فال كذا نتيجة التحليل قلت مايصير انا متزوج وعندي اربعة بزران قال انت عقيم مايجيك عيال يابن الحلال ماتسمع اقول لك عندي اربعة بزارين . قال مهوب شغلي . المهم كلمة مني وكلمة منه . قال خلاص خلاص نجيب عيالك ونحللهم قت نعم جبهم ويوم حللهم وقت المصيبة الثانية نتيجة تحليل فصيلة الدم تختلف بيني وبين بزراني يوم بغيت اموت .!!!! الضابط شك فيني وفي الموضوع وش هاللغز انا طار عقلي قال الضابط من عندك في البيت قلت زوجتي واخوي قام الضابط وطلب تحليل دم من اخوي وتحليل دم من بزراني فوقعت الكارثة الاخرى
نتيجة الدم بينهم متطابقة وشوووووووووو شلون قال الضابط فيه تتطابق بين اخوك والبزران في النتيجة انا اغمى علي وعرفت ان البزران ماهم عيالي ولاهم مني ولكن من اخوي اللي عايش معنا . فسبحان الله على حكمته وتقديره على كشف هذه الجريمة والمصيبة " انتهت
قال رسول الله عليه الصلاة والسلام ( إياكم والدخول على النساء .. قالوا يارسول الله أريت الحمو ؟؟ قال الحمو الموت الحمو الموت … والحمو هو أخو الزوج ) لاحول ولاقوة الا بالله …
صورة مع التحية للعقلاء من الرجال والنساء . للعظة والعبرة والحيطة والحذر
صورة بدون تحية لمن أراد إفساد بناتنا ونسائنا بدعوى التقدم والحرية الشخصية من دعاة إفساد
المرأة المسلمة . والى لقاء في القصة التالية بعنوان ماذا حدث لي في شارع الخزان

قصة مؤثرة ..

يعطيك العافيه ..

قصة مؤثرة جداً
يعطيكـ العافيه

همسات
حلا الروح
ممنون كتير للمشاركة الرقيقة

حبل الخيانه جدا جدا جدا قصير ..

نسأل الله السلامه /

سلمت أخوي

.,

احترت بدنيتي
صحيح كلامك
والاعجب تقدير الله لهذا الامر
تشكرات………

اللهم استر علينا يارب العالمين

ي الله وشلون جد ناااس م في ضمييير

تسلم يالغلا

يعطيك الف عافية يارب
يسلمووووووووووووووو

قصه موأثره جدا
ويسلمو