زمن الألم ثلاث سنوات ابحث عن هذه القصيدة

أحببتها أكثر من كاتبها !!

أترككم مع نبض هذة القصيدة

هو ظهور الحب او حب الظهور = هو بداية عشق والا منتهاه

هو شعور بالخطا والا غرور = هو ضغينة نفس اوتقدير جاه

هو ثقة بالنفس او فيها قصور = هو سرورالقلب او سبة عناه

هو شعورالذنب او نفحة طهور = هو نذير الموت او رمز الحياة

هي تدور الارض والا ما تدور؟ = خبر اللي ضيع بصبحه مساه

وش شعوري ؟ خافقي دايم غيور = هو حقود القلب والا وش دهاه

هو شعور صادق والا فجور = هو جحود الذات او حب الاناه

الشجر لا مات تحييه الجذور = والبشر لامات تنساه الحياه

كل هالدنيا دبور في دبور = وكل من فيها وضيع مستواه

يا مشاعر خافق دايم فخور = هاجس فيني ولا فيني سواه

والله اني عاقل رزن وقور = و والله اني جاهل ضيع خطاه

ولو وصلت بقصتي حد السفور = اشهد ان الله ما غيره اله

هو شعور الخوف او طيف جسور = هوضلال القلب او ربي هداه

خبر اللي ما هوى عيش الجحور = خبر اللي بارزت ارضه سماه

لحظة التفكير في صوت جهور = تنشر الاسرار في كل اتجاه

اسأل الغياب عن معنى الحضور = واسأل العاشق عن طعم الحياة

واسأله عن حاجة بين السطور = هي معي ؟والا تبي تيقى معاه؟؟