روايتي : الصمت المؤلم

فتحت باب غرفة امها و هي تبكي
: ماما ماما
قعدت امها بخوف و حطت يدها على صدرها
: هاه يمه اشفيكِ حبيبتي ليش تبكي
وسن جلست على طرف السرير و ضمت امها هي تبكي
امها هي تحاول تبعدها : وسن ماما اشفيكِ
وسن بكاء فقط !
امها مسحت على شعرها بحنان : يلا قولي حق ماما اشفيكِ
وسن بصوت متقطع : مـ.. ـابي اروح المدرسة
امها بستغراب : ليش حبيبتي ؟؟
وسن بعدت عن امها و هي تمسح بيدها الصغيره الدموع : بــ ـس بنام عندكِ
امها أبتسمت لبراءة بنتها الصغيره : طيب روحي خلي نينا تبدل لكِ ثيابكِ و تعالي نامي حبيبتي
وسن ابتسمت و بصوت طفولي : طيب
راحت بسرعه حق نينا المربية الخاصة فيها

♪ ♪─────────── ♪ ♪

دخلت المدرسة و ركنت بـ جنب الباب و فسخت عبايتها المطرزه و حطتها بالشنطه
كانت لابسه طوق ليموني و اكسسورات ليموني و شوز ليموني > انتم بالكرامه
المديره لاحظتها و صرخت عليها : روان
طالعت في المديره و ابتسمت تكلمت بدلع : صباح الخير ابلة
المديره تنرفزت منها و قالت بصوت عالى : يا بنت تأدبي احسن ما اعطيكِ تعهد
روان حطت يدها على فمها و بصوت ناعم : تيب
المديره انقهرت اكثر : يا بنت تكلمي زين وش تيب ذي !! قولي طيب ولا حاضر
روان ضربت رجلها بالارض بنعومه بدلع زايد : ما اعرف ابله انا كدا متعوده بـ بيت اهلي
المديره تلفت اعصابها : استغفر الله العظيم روحي الله يهديكِ روحي بس
روان ابتسمت أبتسامه جانبيه و راحت بدلع
وصلت عند شلتها
روان بدلع : هاااي بنات
البنات وقفوا و بأبتسامه : آهلين روان
روان حطت اظافيرها قدام عيونهم : وش رأيكم حلوه صح
ضربتها بخفه على كتفها : يا دوبا من وين اشتريتها لفيت الشرقيه كلها و ما لقيتها
روان حطت يدها مكان الضربه تتصنع الالم : آي غبيه تعور ايه حبيبتي هذي من دبي
صرخوا البنات بصوت واحد : وشووووووووووو دبي !!
روان بغرور : أيه دبي
جائت المرشدة
المرشدة : يلا على فصولكم يا بنات يلا
راحت روان ويا شلتها لصف

♪ ♪─────────── ♪ ♪

كان يجلس على مكتبه بكل عفوية و أحترام لكل من يدخل عليه من الموظفين
طرق باب المكتب هذي الطرقات مألوفه عليه
حط يده على المكتب بوضعيه تظهر ان والدهم محترم جداً لهم و الى غيرهم : تفضل
دخل و سكر الباب و الابتسامه مرسومه على شفته و الغمازات ظاهره على خدوده
مشى بخطوات أدب أحترام الى ابوه هو يعرف قد أيش ابوه يحب الهدوء و الاحترام و الاخلاق العالية هذا ما تربى عليه طول هذه السنوات
ابوه بأبتسامه : خير يبه
فهد : الخير بوجهك يبه بس حاب اطلع من عملي عشان نواف ولد عمي وصل من البحرين
ابوه أبتسم بحنان : طيب يبه روح الله معاك
فهد بانت عليه ملامح الفرح و التأثر بطيبة قلب ابوه : شكراً يبه " بداخله " الله يخليك لنا يبه
ابتسمت حق ابوه و مشى بفرح وصل الى الباب مسك المقبض و فتح الباب و انفتح الباب بعد . . .

♪ ♪─────────── ♪ ♪

أبتسم لـفهد أبتسامه طفوليه خرج فهد و دخل
وقف العم ابو فهد بسرعه له
ابو فهد و هو يشير بيده على الكرسي : تفضل يا ولدي
مشى بخطوات مليئه بالخوف و الارتباك و لما وصل جلس بسرعه كانت جلسته مؤدبه مره
ابو فهد ابتسم له من بين أبتسامته : ها يبه امر وش تبي
حط الملف الاخضر اللي كان بيده على المكتب
ضحك ابو فهد بخفه عليه و أخذ الملف
فتح الملف و شاف اسمه
ابو فهد : أسمك مشعل
مشعل بخوف : أ أيه
ابو فهد ابتسم و قفل الملف : طيب يا مشعل المطلوب مني ؟؟
مشعل : أنا أبي اصير موظف عندكم !!
ابو فهد : طيب لحظه اشوف عمرك مناسب ولا لا
مشعل بسرعه : الا عمي مناسب عمري 23 سنه خريج جامعه
ابو فهد طالع فيه نظرات شك : بس جسمك يقول غير عن هذا ما عليه بشوف
فتح ابو فهد الملف مره ثانيه و شاف عمره و انصدم لما طلع انه 23 سنه مثل ما قال قفل الملف و ابتسم مره ثانيه : طيب بس اليوم ما اقدر احدد لك الوظيفه بكره بأذن الله تعال و ان شاء الله تلقى الوظيفه
وقف و هو مبتسم : آن شاء الله مشكور عمي
ابو فهد : العفو
راح مشعل للباب و فتحه وخرج

♪ ♪─────────── ♪ ♪

نزل من سيارته و دخل المطار و وقف ينتظره لحد ما يجي جاء له واحد من وراء
: فهووود وش تسوي هنااا
ارتعب من الصوت و التفت له و شافه
فهد ضربه : ويع ويع ما تعرف تتنحح تحسب كل الناس مثلك ما يخافون
بضحكه : ههه بسم الله على قلبك يبه اقول بس نوفوه ما جاء الغبي
فهد هو يطالع في الناس : لا
ضربه : هيي انا وراء مو قدام عشان تكلمني كذا
فهد بأنزعاج منه : سلووم كلش مو رايق لك
عبدالسلام : طييب ايوا عشاني مسكين تسوي في كذا
فهد التفت عليه : اقول اسكت بس تراك مدلع بزياده
عبدالسلام هو يرد شعره لوراء : طبعا يا حبيبي وحيد الماما كيف ما تبغاني اصير دلوعه ههه
فهد : هههه اسكت الناس طالع فينا
عبدالسلام ما أهتم له و صار يطالع في الناس الراجعين من السفر
شافوا نواف
عبدالسلام يلوح بيده له : نووووواف هنا
فهد حط يده على رأسه : الله يقطع بليسك فضحتنا اشش ولا كلمة
جاء لهم نواف و هو يضحك عليهم
نواف : السلام
فهد و عبدالسلام : عليكم السلام
فهد ضمه : الحمدالله على سلامتك
نواف ابتسم : الله يسلمك
عبدالسلام بعد فهد : وخر بسلم على الولد
فهد يضحك : طييب اعوذ بالله
سلم عبدالسلام على نواف و راحوا مع بعض لسيارة
برا المطار
فهد : سلووم روح لوحدك بسيارة انا بأخذ نواف و اوصله البيت
عبدالسلام بأبتسامه : Ok باي
ركب عبدالسلام سيارته و راح و ركب فهد ويا نواف السيارة

♪ ♪─────────── ♪ ♪

في احدى الاحياء الفقيره في الشرقية
كانت في بنت تمشي و لابسه عباية محتشمة بس فيها بعض التقطيع لانها قديمه حيل و لابسه شنطة لونها بني نوعه قديم بعد
مرت من عند باب بيت العم ابو مشعل تذكرت وش صار فيهم و بكت
فجأة سمعت صوت سيارة
نزل منها ولد لابس ثوب ابيض نظيف و شماغ احمر مدموج بالابيض ظلت تطالع فيه منصدمه و اللي صدمها أكثر انه وقف عند باب البيت و يبي يدخل
لاحظ الولد انها تطالع فيه بس ما أهتم لها صرخت البنت
: لــحــــــظه
لف الولد عليها متعجب
: اش فيكِ يا بنت ؟؟
البنت برتباك : هـ…ـذا بيت عمي ابـ..ـو مـ..ـشعل انت كيف تدخل له
تذكر ان ابو مشعل ابوهم تذكر الحادث اللي صار فيهم قبل خمس سنوات نزل رأسه بحزن
مشعل : الله يهديكِ انا ولده مشعل و هذا بيتي بعد وفاة اهلي ما احد يعيش معي
البنت كان الذكريات بدأت تعود لها و تذكرت ان العم ابو مشعل كان متزوج وحده غير ام مشعل و قالت بحروف مرتجفه
: بس عمـ..ـي كان متزوج قبـ..ـبل ل صح
مشعل تنهد : آآه آيه بس مرته اخذت الورث و راحت في سبيل حالها
نزلت البنت رأسها بحزن و احراج : طيب أسفه على الازعاج الله يرحمهم
راحت بسرعه لبيتهم و الخوف يملىء جسمهم و قلبها مو مرتاح حق المشعل هذا !!
دخل مشعل البيت و سكر الباب و تذكر الحادث و الاسعافات و النار اللي لدعت الطريق بكامله و بكى بقوه بعد ما تذكر

♪ ♪─────────── ♪ ♪

جالسه على فراشها الوردي و تلعب بـ موبايلها الخاص
فجأة جائت كلمات في بالها
حطت الموبايل على ذقنها و قالت بداخلها : اتصل عليه ولا لا ليش هو ما يتصل صح منور قالت لي هو راح يتصل فيك يعني يمكن الحين يتصل امم الله وناسة بيصير حبيبي و احبه و اشتري له و يشتري لي كل شي الله وناسة
صارت تنقز على سريرها و في حضنها المخده
دخلت عليها الخدامه
الخدامه : مس روان مدام يقول يلا انزلي عشان الغداء جاهز
حست بالحراج و صرخت عليها : ليلي كم مره قلت لكِ ما تدخلي كذا اووف طيب اطلعي الحين اجي
خرجت ليلي
جلست روان على سريرها و هي زعلانه من طريقة فتح ليلي للباب ><
تذكرت الغداء و نزلت بسرعه
على طاولة الطعام
كانت ماسكة الشوكه و ضربتها على الطاولة بزعل
وسن : وين روان ماما انا جوعانه متى تجي
سألت امها بكل براءه
امها ابتسمت على غضب بنتها البريء : الحين تجي ماما هاه ايه روان جائت يلا يمه
روان هي تمشي بدلع : حاضر حاضر ماما
بعدت الكرسي و جلست جنب اخوها
وسن بأبتسامه بريئه : روان ليش ما جلستِ جنبي
روان بعصبيه : كيفي اقعد في المكان اللي يعجبني
ابوهم بهدوء : خلاص عاد يلا سموا بالله
سموا بالله ظلوا يأكلون . . .

♪ ♪─────────── ♪ ♪

في غرفته جالس يكلم الموبايل
: هاه منار حبيبتي وش سويتي
منار بأبتسامه شريره : آفا عليك ظبتها لك ما عليك الا تكلمها
: كفو بنت ابوكِ
منار بغرور : آحم انا منور حبيبي مو اي احد
ضحك بخبث : ههههه ماله داعي الغرور اعرفكِ بنت اصول
امها : منار منار
منار بخوف و ارتباك : طيب حبيبي عزيز اكلمك بعدين
عبدالعزيز : ok يا حياتي باي
منار بسرعه : باي
قفلت منار الموبايل و رمته
دخلت عليها أمها بعصبيه : أنتِ وينكِ فيه صار لي ساعه انادي عليكِ
منار بخوف و حاسه ان صوتها جف : آه يمه كنت اذاكر
امها بعصبيه : في احد يذاكر بدون كتاب
منار ارتبكت اكثر : ههه اش اسوي يمه كنت كنت بذاكر
امها وقفت عند الباب كان ظهره خلف منار : تعالي بسرعه مابي كذب
راحت امها
و لحقتها منار

♪ ♪─────────── ♪ ♪