السلام عليكم و رحمة الله و بركاته ..
اضع بين ايديكم احبتي روايتي الثانية .. كنت قد بداتها سابقا دون اكمالها .. اما الان فهي كاملة انتظر فقط ان تشرفوني بقرائتها ..
طالعة من المحاضرة وراسها مصدع ومالها خلق احد ..
طلعت الجوال تشغلها شي تسمعه
( Mama يتصل بك)
…: ايوه هلا ماما
….: اتصلي عالباص وارجعي البيت بسرعة!
…: ليه اش فيه اش صار؟؟
….: ابوكي!
…: اشفيه؟؟
….: مات!!
************************************************** *******
قطع عليها ذكرياتها صوت الغلايه …. قامت عن الطاولة الدائرية واتجهت للغلاية …. طلعتلها كوب ورفعت راسها بتطلع الكبتشينو و …..
************************************************** *******
قاعد في مقلط الرجال في الدور السفلي عالابتوب حقه .. طالع فاخوانة اللي نايمين جنبه عالارض وطالع في الساعة 4 الصبح …. فكر يطلع المطبخ يسوويله شي ياكله ( اكيد الكل نايم ) قال في نفسه….
************************************************** *******
نورسين .. رفعت راسها الا شافت واحد بيدخل المطبخ وانخم لما شافها وطلع على طول ….
( هذا بندر مسكين شكله جيعان واتفشل ) قالت في نفسها …. طالعت مكان ماطلع .. وطالعت في الكاسة اللي بيدها …. سوت ليبتون وساندوش مرتديلا وخس ومايونيز …. حطت الاشياء في الصينية ونزلت ….
************************************************** *******
البيت هادي في الفجر .. طلعت من غرفته اللي فبيت اخوالها ببجامتها .. ( لويقوم احد ويشوفني ماشية بالبجامة فالبيت بيطلعوني عاهرة هههههههههه ) فكرت في نفسها بسخرية ( الحمدلله والشكر مدري عقولهم متى بتتطور) ! …. كانت نورسين لابسة بجامة قطنية بنطلونها اسود وابيض زي جلد البقرة وبلوزة نص وواسعة رمادية عليها بقرة .. وفاكة شعرها المموج اللي يوصل لكتفها مع قصة كثيفة على جبهتها …. ولابسة شال كبير صوف لونه كحلي …. راحت للمطبخ تشرب موية ….
….: يابنت !
ردت نورسين وهيا تصك باب الثلاجة: البنات نايمين ..
بندر اللي قرب من باب المطبخ ( فرصة اكلمها الحين) قال في نفسه….
.. طلعت نورسين من المطبخ راجعة عالغرفة
ماتطالع الا اللي يسحبها من يدها ….
نورسين بصدمة: خير ان شالله !!!!
بندر: تتزوجيني؟
نورسين: !!!!
بندر: نور اسالك جوابيني اشبك
نورسين : انت ما تستحي على وجهك واقف قدامي وانا مو من محارمك ….
بندر بابتسامة : بتصيرين ان شاء الله!
نورسين تكتفت : وليش واثق بالله؟
بندر: وليش ترفضيني بالله؟؟
نورسين: لحظة الحين من جدك تسأل
بندر: اي والله من جدي شايفتني امزح مع الصبح
نورسين بجدية: شوف بندر خليني اكون واضحة معك.. بصراحة هذا اخر شي توقعت اسمعه في حياتي كلها …. انا اصلا اعتبرك زيك زي عزوز مع احترامي الشديد ….
بندر مصدوم: ……. نور انا
قاطعته : واصلا اش هالطلب الغريب انت ما تحب جيهان!!!!
بندر بسخرية: هه جيهان .. جيهان تحب اخوي واخوي يحبها ,,,,, طالع في نور لقاها ساكته: اشوفك ما استغربتي … . والا اصلن شكله الكل عارف ويطالعني بشفقة
نورسين: وافهم من كذا انك ماخذني مجاكرة مثلا!
بندر رفع راسها : نور انا احبك ليه ماتفهمين ………….
نورسين بواقعية:بندر انت ولد خالي على عيني وراسي, و والله اني اعزك بس مو المعزة اللي تخليني ارتبط فيك .. انا اسفة!
مشت ووقفها صوته: معزتك هذي تخليكي ترتبطين برامي صح؟
ضحكت بسخرية: اخوك هذا لو كان اخر واحد فالدنيا مااخذته …. ومشت وبندر راح وسط ذهوله…….
************************************************** *******
قطع عليه ذكرياته صوت دق عالباب…. لما فتح الباب مالقى الا صينية اكل عالارض وماسمع الا صوت خطوات متثاقلة عالدرج الخشبي…………………. ************************************************** ****************************
نورسين طلعت غرفتها المشتركة مع اختها ايناس وقعدت تقرا رواية لين مااذن الفجر ونامت ……..
الجد: متوفي ..
الجدة: منيرة ..
لها 3 اولاد و3 بنات
الاولاد:
• (احمد – 49 ): مطلق زوجته من زمان ,
عنده بنت وحدة (جيهان – 27 ).مواصفاتها : طويلة .. حنطية.. شعرها كستنائي ناعم وقليل .. عيونها واسعة بس فيها بروز خفيف .. خشمها عادي .. شفايفها صغار ..
• ( محمد – 47 ): متزوج من سلمى ,
عنده 4 اولاد وبنت ::
(بندر -27 ).يشتغل فمشفى صيدلاني .. مواصفاته: طويل عريض بس جسمه مو رياضي بعضلات.. ابيض .. شعره غامق وكثيف ومموج .. وسيم جدا .. عيونه وسط .. خشمه واقف .. لحيته ديرتي ..
( رياض – 25). معاه دبلوم اشعة ويشتغل فمستشفى .. وحاليا يكمل دراسته الجامعيه بجانب شغله.. مو بوسامة بندر .. ملامحه عادية حنطي .. اللي يميزه طوله وجسمه الرياضي .. جذاب بشكل عام .. لحيته سكسوكة ..
( رامي – 21 ). يدرس فمكة طب .. طويل .. نحيف .. ابيض ..ملامحة حلوة .. عيونه فيها مطة خفيفة (مو مطة مطة يعني .. مثلا زي العيون الناعسة رسمتها على تحت هوا على فوق ان شاء الله فهمتو الشرح البنقالي هع ) .. خشمه واقف .. حالق كل شي مبقي لحية صغيرة تحت شفته السفلية ..
( سناء – 16 ). اولى ثانوي.. طويلة .. ضخمة شوي بس مو سمينة.. شعرها طويل لاخر ظهرها احمر برغندي .. بيضا .. ملامحها تشبه بندر..عيونها وسط خشمها واقف صغير .. شفايفها ممتلئة ..
(فارس – 9). ثالث ابتدائي.. نسخة رامي بس هو قصير ودبدوب….
• ( حمد – 43 ): متزوج من هدى,
عنده ولدين وبنت::
( عزوز -13 ). ثاني متوسط .. حنطي .. شعره كستنائي .. ملامحه صااااااااروخ .. عيونه وساع .. خشمه واقف .. نحيف .. طويل..
( فراس – 7). اولى ابتدائي .. قصير.. ابيض .. عيونه وساع .. خشمه صغير.. فارس ولد عمه قدوته في الحياة ..
( علا -10 ). رابع ابتدائي .. نحيفة .. بيضا .. عيونها وسط دائرية.. خشمها صغير .. شفايفها مليانه .. عيبها اسنانها الكبيرة هع .. شعرها كرزي طويل ..
• ( ناهد – 54): متزوجة من سالم اخو سلمى – زوجة محمد – ماعندهم عيال. مديرة مدرسة .. قصيرة وبيضا ودبدوبة ….
• ( نهال – 51): متزوجة من جاسم,
عندها 5 بنات::
( ميسم – 24). تشتغل في معهد لغات وتدرس ماجستير .. سمرا .. قصيرة شوي .. شعرها اسود مموج كثير .. عيونها عسلية غامق ناعسة .. خشمها متوسط واقف .. شفايفها كبار ممتلئة ..
( ايناس – 23). تدرس ماجستير علم نفس ..قصيرة شوي .. جسمها حلو.. بيضا ..شعرها ناعم صابغته اشقر رمادي لنص كتفها.. عيونها وسط .. خشمها مكور .. شفايفها صغار ..
(نورسين – 20). تدرس قانون .. طويلة .. جسمها حلو.. سمرا فاتح .. شعرها كيرلي لنص ظهرها دايما تصبغه بني .. ملامحها كلها صغار .. عيونها صغار.. خشمها واقف صغير .. شفايفها صغار ممتلئة .. تلبس عدسات نظر لونها زيتوني .. مسويه حواجبها زي سيرين عبدالنور .. الناس يخقون عليها بس هي تحس نفسها جذابة مو جميلة ..
…. ميسم وايناس ونورسين اكثر شي يميزهم اهتمامهم الشديد بنفسهم ….
( مدى-17).ثاني ثنوي.. دبدوبة ..قصيرة .. ملامحها عادية .. احلى مافيها شعرها الناعم المموج اللي اطول من نص ظهرها بشوي ..
(ندى – 16). اول ثنوي .. طويلة .. شعرها مكرونه اسود لنص رقبتها .. ملامحها عادية ..
• ( نهلة – 42) . مو متزوجة .. تشتغل مدرسة
الجد كان متزوج حرمة ثانية غير الجدة منيرة وجاب منها ثلاث بنات ….
(فدوى – 28). طويلة ..ضخمة مع سمنه شوي .. شعرها اسود كثيف لرقبتها .. ملامحها مافيها مايميزها غير عيونها الواسعة الحادة .. سمرا .. شفايفها كبار ممتلئة ..
(سلوى – 27). طويلة .. جسمها عادي .. عيونها وسط .. خشمها واقف .. شفايفها كبار ممتلئة ..
( نجوى- 25). طويلة .. ضخمة شوي.. شعرها خشن لكتفها .. عيونها وساع ورموشها كثيفة .. شفايفها كبار ممتلئة ..
طبعا هذول اخوال البنات ( نورسين واخواتها ) عايشين في الرياض في عمارة وحدة : الجدة منيرة مع نهلة والبنات(فدوى وسلوى ونجوى وجيهان) في الدور الارضي .. الدور الثاني فيه شقتين : شقة لمحمد وعياله .. وشقة لحمد وعياله .. والدور الثالث سطح …. اما نهال ام نورسين فهي عايشة فجدة مع بناتها .. واما احمد فهو ساكن لحاله في بيت العيلة القديم في الطايف ويروحلهم في الاجازات ..
ملاحظة :: رح تبدا احداث روايتي ان شاء الله قبل البارت اللي نزلته من شوي بسنة .. والاحداث هذي رح نوصلها ونكمل عليها .. روايتي ترتبط باحداث الماضي بقوة عشان كذا رح اتبع اسلوب الـ
دخلت نهال الغرفة اللي نايمين فيها ميسم وايناس و نورسين ..
نهال: نورسين ..نور …… يالله قومي دوام
نورسين اللي مدت يدها عالكومدينة:واخذت الجوال شافت الساعة 6 الصبح ….
نورسين بصوت كله نوم: يلله يلله ….
نهال كانت قد طلعت وصارت في المطبخ تكمل الفطور لمدى وندى اللي شوي يجيهم الباص ….
نورسين قامت اخذت منشفتها وعفشها ودخلت الحمام .. وبعد نص ساعة كانت طالعة وهيا لافة المنشفة على نفسها وشعرها مبلل .. في الوقت اللي كانو مدى وندى في طريقهم على مدرستهم ….
لبست بنطلون جينز اسود وقميص اقصر من نص الفخذ بشوية لونه بيج بازرار.. لبست جزمتها البنية .. حطت كحل من فوق وماسكرا ومرطب لابيللو.. اخذت عبايتها وشنطتها لويس فيتون الجلد البنية المايلة .. وراحت تفطر …. بيتهم كان كله على بعضه اربع غرف : غرفتين نوم ميسم وايناس ونورسين فغرفة والام ومدى وندى فغرفة .. اما الغرفتين الثانية كانت هيا غرفة المعيشة واستقبال الضيوف غرفة فيها كنب وغرفة فيها التلفزيون وطاولة طعام خشب بستة كراسي …. ومطبخ وحمامين .. هذا كان بيت نهال وبناتها الخمسة!!
****************************
الساعة 11 طلعت نورسين من محاضرتها .. افففف ذا الدكتور ساعة ونص يهرج جابلي الصداع ….
( Mama يتصل بك)
نورسين: الو هلا..
نهال: السلام عليكم .. نورسين انتي فاضية الحين والاخلصتي ؟
نورسين: وعليكم السلام ..والله عندي بريك الحين بعدين محاضرة وحدة وارجع ..بغيتي شي؟
نهال: والله كنت مفكرة اروح لمحل الاثاث قلت اشوف اذا بتجين معي ….
نورسين: خلاص انا الحين اتصل عالباص واجي بسحب عالمحاضرة …. تمام …. هههههههههههههه اوكي اوكي ….يلله باي ….
سكرت من امها واتصلت عالسواق ورجعت البيت ….
****************************
بالليل كانو نهلة وبناتها يتعشون ….
ميسم: يعني الحين بس باقيلنا غرفتكي يا امي و اثاث الصالون صح
نهال وهي تصب الشاهي: ايه وبعدين عاد التكميلات..
مدى: طيب امي يمدينا خلال شهرين نكمل التاثيث وكلو….
ندى: ايوه مانبى ننقل للبيت بعدين نكمل تأثيث ….
نهال: ايوه ان شالله يمدينا بالراحة .. وترى اللي اشترى العمارة معطينا مهلة 3 شهور مو شهرين ….
ميسم: امي باقي معاك فلوس
نهال: ايوا الحمدلله الخير كثير.. نصيبنا من العمارة والورث يكفي ويزيد الحمدلله .. وكمان خالك احمد ماقصر ….
مدى: امي صح صيته(مرة ابوهم) لسا هنا والا راحت؟؟
نهال: والله بعد ماتقسم الورث اخذت نصيبها ومعد ادري عنها هيا لسا بجدة والا فديرتهم.. على كل حال حنا حولنالها نصيبها هي وعيالها من العمارة حطيناه فرصيدها ….
مدى: لا والاخت ماكانت تبغانا نبيع العمارة الكحيانة هذي .. ناقصين عوار راس كل شهر نقعد نقسم فاجار الشقق على الأمَة اللي مخلفها ابوكي ذي….
نهال بحزم:الله يرحمه
البنات: الله يرحمه
ندى ترجع للموضوع: لا وانتي الصادقة تبغى تقعد متبحبحة فالدور اللي فوق مع نفسها وحنا فعلبة الكبريت هذي نعيش الحياة ….
نورسين: خلاص عاد افتكينا منها جبتولنا سيرتها .. خلاص الحرمة الله يستر عليها بقلعتها الله لا يردها .. حنا الحين احرار –ابتسمت ابتسامة كرتونية وكملت- الله واخيا رح نعيش فبيت حلو زي الناس الحمدلله الله عوضنا خير الحمدلله يارب ..
ميسم: لابنات وبأثاث جديد تخيلو مو اثاثنا ذا اللي لسان حاله يقول الله يخارجنا ..
الكل:هههههههههههههه
ايناس: منجد ماشالله حنا واسرتنا هذي عمرها قدي ههههههههههه……
…. كملو كل سوالفهم عن البيت الجديد وتأثيثه ………………..
****************************
كانت نهال كل يوم تنزل مع بناتها او وحدة منهم ويقضون للبيت .. كانو في قمة السعادة .. حسو بالحرية بعد وفاة ابوهم الظالم اللي كان كابت عليهم .. وفالوقت نفسه كان معيش زوجته الثانية في حالة طبيعية زي ماكل البشر تعيش .. اما نهال وبناتها فما كان يصرف عليهم غير خالهم احمد ..وماكان يوديهم لخوالهم الا خالهم احمد .. !!!!
كانو اخوالهم متقاطعين مع ابوهم(جاسم) من سبة وقاحته واخلاقه القشرى .. فكان خالهم حتى لما يرجعون من السفر ماينزل عندهم ..يسلم عليهم ويكمل طريقة للطايف ….
****************************
نورسين وايناس قاعدين فالغرفة وما نزلتلهم دمعة وحدة..
نورسين:الناس يحسبونا ما بكينا من زود الصدمة ..
ايناس: كويس ماقمت ازلغط وارقص .. كان قالو انهبلت صح..
نورسين: يالله ياايناس ليش سوا ابوي فينا كذا.. يالله ماني قادرة حتى احزن …. ابوي ! ابوي مات …. وانا احس براحة !!!!
ايناس: الله يرحمه هوا اللي جابه لنفسه.. حنا ماكرهناه كذا حنا كرهناه لتصرفاته .. اكذب عليك اقولك زعلانة؟لاوالله اني فرحانة .. اكيد لما سمعت الخبر امس انصدمت وحزنت بس مو عليه .. عشان رهبة الموت بس زيه زي أي غريب ما اعرفه …. بس اكيد مسامحته الله يغفرله ويسامحه .. احسه كان عقبة قدامي .. قدامنا .. قدام حياتنا .. قدام سعادتنا….
نورسين: شفتي وجه صيته .. تحسينها منخمة !!
ايناس: اكيد حبيبتي راح مصدر الدخل .. الحين تاخذ فلوسها هي وعيالها وتاكل تراب مالها عندنا شي …. والعمارة تنباع وتاخذ فلوسها بدون ولا هلله زيادة …
نورسين:منجد.. حتى سعود (اخوهم من ابوهم -13 ) حسيته حاس بالاكشن بس ماقدرت اميز هوا فرحان والا زعلان .. بس الشي الاكيد اذا كان زعلان انو مو على جاسم .. لانه فحياته ماحبه …. كان يخاف منه وينافقه ! زي امه….
ايناس: ستي الله يرحمه على كل حال .. والحمد لله ربي فرجها علينا….
نورسين:الحمدلله….
.. ومامر شهرين على وفاة جاسم الا كانت صيته قد راحت مع عيالها .. ونهال وبناتها حطو اعلان بيع العمارة .. وخلصت نورسين السنة التحضيرية وتخصصت قانون زي ماكانت تبغى .. وبدت الاجازة الصيفية وجت الجدة منيرة والعيلة للطايف يقضون صيفييتهم بعيد عن حر الرياض .. وفي بيت العيلة القديم!!
****************************
نهاية البارت ..
احمد في الطايف ..
محمد توه متقاعد يستمتع بالحرية ..
حمد عسكري يطلع لدوامه من الفجر ..
بندر دوامه مسائي ففي الصبح دايما نايم ..
رامي في مكة ..
.. من بقي ؟؟ ..
…………………………(ريــــــاض)…….. ………………….
كل يوم الصبح .. رياض ياخذ عمته نهلة اخوانه سناء وفارس .. عيال عمه عزوز وعلا وفراس .. ويوصلهم على مدارسهم بعدين يروح المستشفى ..
في العصر يروح الجامعة .. وقبل لا يرجع يقضي الاغراض الناقصة من البيت ..
في الويكند يوديهم لبيت عمتهم ناهد او للسوق او الخ ……..
ماكان ناقص رياض الا شغلة وحدة …… ينادونه (بابا رياض) !!
****************************
الرياض –6:45 الصباح
سلمى: يلله ياسناء بسرعة تأخرتي على اخوك ..
سناء: يلله نازلة ..
لبست غطوتها: يلله يمه مع السلامة وباست راس امها ونزلت ..
****************************
عندر رياض تحت في الشارع ..
رياض بعصبية وهو فاتح مرتبة الجيب اللي ورا: ياخي خلصني انت وياه كل يوم على هالحاله
فراس مبوز: لاااا مالي شغل ابا اركب جنب عزوز ….
رياض: انت مو امس راكب قدام ؟ الحيـ … سمع صوت الباب يتسكر وسناء تجي جهتهم ….
دف فراس جوا بالغصب: اقول لايكثر عطيتك وجه .. مبزرة.. سكر المرتبة .. وركبت سناء ومشو ….
سناء: الله حماس اليوم آخر يوم ..
رياض: والله انكم دفر.. ماني فاهم الطقم اللي ورا ليش مداومين اجل دامه اخر يوم اكيد مافيه دروس..(الطقم:عزوز..فارس..فراس..علا)كانو قاعدين ورا يبتسمون بغباء .. وعزوز جنب سناء ونهلة قدام….
نهلة: شافو سناء مداومة لازم كلهم يرتزون خخخخ
الطقم: لازالو يبتسمون بغباء مفهين….
سناء:اكيد عمي احمد ورامي وعمتي نهال وبناتها جايين بكرة ..فله
نهلة:لاكلمت نهال امس تقول ماحيجون الحين..عشان نقل البيت وكذا..
سناء:اففف يعني بيعيدون لحالهم بجدة……وبرطمت
نهلة: لا ان شاء لله بيجون قبل عرفة ويعيون معنا ….
رياض:وكيف بيجون اذاجا عمي احمد من اول الاجازة؟؟
****************************
جدة – 9 الصبح
نهال: خلاص يااحمد اشفيك نجي بالطيارة ليه تقعد اسبوع لحالك بالطايف ؟؟
احمد عالجوال: نهال منجدك كلكم حريم لحالكم كيف تطيرون للرياض لحالكم..؟؟
نهال:عادي هذا انت قلت حريم مو حرمة وحدة .. بعدين الرياض تراها مو لندن….
احمد:ولو..خلاص انا اقعد لين يوم 8 ونسافر سوا
نهال:طيب عالاقل تعال عندنا هالاسبوع..
احمد: يانهال انتي عارفة انا بيت جاسم الله يرحمه حالف ماادخله..
نهال: بسـ….
….: خلاص ياعمي انا قاعد بجدة هالاسبوع وراح ارجع مع عمتي بالطيارة ….
احمد:سمعتي يانهال..
نهال: ايه سمعت .. خلاص انت سافر توكل على الله .. واعطيني رامي..
رامي اخذ الجوال:السلام عليكم..
نهال:ياهلاوالله وعليكم السلام.. اخبارك ياولدي اخبار دراستك..
رامي:هلا عمه .. والله كله تمام…. انتي شخبارك واخبار البنات….
نهلة:والله كلهم بخير..هاه يارامي دامك قاعد كذا كذا لا تسويلي زي عمك ..تعال عندنا هالاسبوع ….
رامي:بس ياعمة ماودي اضايق البنات..
نهلة:لا حبيبي ..اصلن حنا الليلة اخر ليلة لنا في العمارة ومن بكرة فالبيت الجديد ….
****************************
جدة – 4 العصر
..نورسين راجعة على اذان العصر من الجامعة ..
اول ماطلعت الدرج فكت الغطوة والطرحة لانه مافيه غيرهم بالعمارة فوق .. كانت طالعة سرحانة تفكر انه اليوم اخر يوم ترجع فيه من الجامعة على هالبيت ..
ماحست الا براسها يخبط في صدر عريض ….
****************************
.. رامي طلع من البيت يصلي العصر ماحس الا احد يخبط فيه بقوة ..
رامي باستغراب:نورسين؟؟
نورسين باستغراب اكبر:رامي!!!!!!
مدت يدها على شعرها بعفوية, حطت الطرحة على راسها بسرعة ….
قالت ببرود: عالعموم شرفت الله يحييك وطلعت….
رامي: (غريبة ليش تكلمني كذا؟ توقعت تفرح لما تشوفني مو تكلمني بهالبرود) فكر فنفسه وهو ينزل الدرج:( اففففف منك غبي اش متوقع تحضنك مثلا.. اكيد مستحية او ماتوقعت تشوفني)……
..عند نورسين دخلت البيت وهي مودها خربان..
:امي …. ماما….
لقت امها في المجلس تحط فيه فراش وشافت عالكنبة شنطة سفر..
نورسين: السلام عليكم..
نهال:وعليكم السلام..
نورسين وهي تتكي عالباب وتكتف يدينها مسوية ماتدري: ذي لخالي احمد؟؟
نهال:لا لرامي ..
نورسين:ليه بيقعد هنا؟؟؟؟
نهال: ايه قلت لخالك يسافر ورامي اخر رحلته معنا..
نورسين ببرود: اها..
وهي رايحة..نهال: انتي ليه تاخرتي..
نورسين ماشيه لغرفة النوم:ابد قاعدة مع الشلة .. الا صح ..خالي احمد مشي؟؟
نهال:أي مشى الظهر الله يستر عليه..
دخلت لقت الغرفة فاضية من الاثاث بس باقي فرش ينامون عليها .. ولقت في الزاوية شنطة فيها كم لبسة ….
لبست بجامتها وصلت العصر ونوووووووم ….
****************************
الرياض – 11 الليل
في بيت محمد مجتمعين عالعشا..
سناء: امي رامي رحلته الساعة كم؟؟
محمد وهو يقلب في التلفزيون:كلمني قال مارح يجي الحين ..بيجي يوم 8 مع عمتك نهال…. احمد اليوم يوصل ان شاء ا الله….
سلمى مقهورة من ولدها ليش مضيع اسبوع من الاجازة فجدة .. بس سكتت ….
بندر حس بقهر هو الثاني مايدري ليه
..يمكن لان رامي عند ..نورسين.. وهو هنا!!!!
****************************
نهاية البارت..
(خيبة امل)!!
جدة – 11 الصبح
في الـ(بيت الجديد)….
اول شي خل اوصفلكم البيت
كان عبارة عن حوش خارجي يتوسطه بيت مكون من ثلاث ادوار….
..الباب الرئيسي يفتح على المدخل اللي فيه دولاب ومرايا ..
عاليمين فيه باب يودي على قسم الرجال(مجلس ومقلط وحمامين).. وفي منتصف المدخل درج لولبي خشبي ….
طبعا ارضيت البيت خشبية ..
..الدور الثاني فيه صاله صغيرة ..فيها حمامين .. عاليمين فيه قوس كبير يفتح على مجلس الحريم اللي كان عبارة عن مساحة واسعة فيها الكنب وطاولة طعام فخمة مع دولابها واغراضها….
عاليسار فيه قوس ثاني كبير يفتح على المطبخ الخشبي ومعاه طاولة طعام خشبية بكراسيها لافراد العائلة ….
..الدور الثالث فيه غرفة المعيشة(الصالون) عبارة عن كنب ايكيا هادي .. عاليمين فيه قوس يفتح على سيب فيه غرف النوم الاربعة:غرفة لنهال..غرفة لميسم..غرفة لنورسين و ايناس ..وغرفة لمدى وندى..وفي اخر السيب فيه حمام..
اما القوس لثاني عاليسار فيفتح على سيب فيه غرفتين:وحدة منهم فيها كرسي هزاز وصوفا ومكتبة خشب كبيرة للكتب ومكتب خشبي كبير.. ووحدة فيها زولية وجلسة مساند عالارض..
وبرندة كبيرة فيها بعض الزرع .. وجلسة كراسي خزفية ..
****************************
..نهال ورامي في مجلس الحريم يرصون الصحون في الدولاب….
ميسم في المكتب ترتب الكتب ..
ندى ومدى في المطبخ يرتبون ..
ايناس في غرفتهم ..
نورسين تكوي بجايمها وملابسها الداخلية هي و ايناس في غرفة امها….
********************************
ميسم دخلت الغرفة مدرعمة:نور تكفين حبيبتي اكوي ثوب رامي بيطلع لصلاة الجمعة وبعدين نزليله اياه في المقلط..
نورسين:هاتي….
********************************
رامي طلع من الحمام وهو لاف منشفه على خصره وشعره مبلول..
دخل المجلس لقاها تعلق الثوب والشماغ ….
********************************
بندر بعمر ال15: اففففففف وين شماغي ياجماعة احد شاف شماغي …. يالله رح اتاخر عالجمعة …. افففففففففف…..
امي انتي وين علقتيه….
سلمى:قلتلك كويته وعلقته في غرفة الغسيل ….
بندر:دوبي راجع منها مالقيته….
سلمى وهي تخلص الشماغ اللي كانت تكويه: خلاص رح للصلاه بعدين دوره….
.. بندر وهو راجع من الصلاة .. دخل مجلس الرجال الصغير:لاااااااااااااااااااااا…. اش سويتو يا معوقين!
…. نورسين ورامي يطالعونه ببرائة: ليش مو حلو….
طالعهم بفجعة ورجع طالع شماغه الابيض اللي تحول للمونيليزا مع الرسمات البديعة اللي مسوينها رامي ونورسين!!!!
بندر بقهر: مااااااااااااالت عليكم روحو انقلعو عن وجهي….
نورسين تتفلسف وهي طالعة:مالت عليك انت.. الشرهه عاللي يزبطلك شماغك …. اصلا كذا صار احلى مو صح رامي….
رامي وهو رافع خشمه: صح مالت عليه ماعنده ذوق ….
وبنظرة طفولية شريرة:اش رايك نزبط اشمغة رياض كمان ..
وراحو وهم يضحكون بخباثة طفولية …………
********************************
.. نورسين لفت لقته يطالعها: (وجع يامال الفقع بدال مايتنحنح والا يذلف واقف قدام خشتي) ….
مشت وهي متجاهلته ولا كانه موجود….
رامي:مشكورة….
نورسين:العفو….
..رامي كان يحس بغصة:ليه نورسين كذا تعاملني..من الصيف اللي راح وهي مي طايقتني …. اموت واعرف اش سوويتلها …. اتذكر فالصيف كانت اذا جبت شي او اشتريت شي من البقالة تسال من جابه اول ..واذاقالولها رامي تقول ماابغى!! حتى لمايجون يروحون مكان بس تشوفني انا اللي بيوصلهم ترجع تدخل البيت وماتروح .. كانت نورسين كلما جت عينه بعينها ترصه بنظرة ما يفهمها.. صدمة ..لا لا موصدمة ,فكر فنفسة….(خيبة امل!)قالها بصوت عالي….
********************************
..وفي مدينة ثانيه كان شاب عشريني يمسك شماغ ابيض قديم عليه رسمات طفولية مضحكة وغير مترابطة ويبتسم.. بمرارة !!
********************************
رياض نزل تحت شقة جدته يجلس مع البنات….
فدوى ورياض قاعدين على عتبة الباب اللي تطلع عالحوش….
رياض:اخاف اكون خيبت املها يافدوى ..البنت تحبني!
….من ورا الباب المردود: انت ماوعدتها بشي عشان تخيبها.. فدوى تعالي ابوي يبيك….
فدوى:دقيقة رياض اشوف احمد اش يبي واجي….
رياض هز راسه………
********************************
طالع من الحمام مستعجل بيتأخر على الجامعة.. فتح جواله لقا مكالمات كثيرة من رقم غريب…. دق عالرقم….
فتح الخط..
رياض:الوووو..
……:رياض؟
رياض:ايه مين معاي؟؟
…..:انا ايناس ..بنت عمتك نهال!!
رياض:ايناس؟آآهلا هلا..اشبه صوتك فيكم شي عمتي فيها شي ….؟؟؟؟
ايناس(يامخ يعني لوفينا شي بتصل عليك انت بالذات .. يعني وين راحو خوالي)قالت فنفسها..
ايناس:لامافينا شي….
رياض: طيب ايناس اسمعي انا توني طالع من الحمام حتى مالبست.. اعطيني عشر دقايق انا اتصل عليك ..طيب؟
ايناس:اوكي..
.. وبعد عشر دقايق بالزبط كان رياض يدق على رقم ايناس ويسوق سيارته متجه للجامعة….
********************************
قطعت افكاره فدوى وهي تجلس جنبه….
رياض:وش يبي عمي؟
فدوى:جيهان اللي كانت تبيني قالتلي ابوي عشان اقوم ..
رياض: اها(شكلها سمعت النقاش وحبت تقطعه بس)
قال فنفسه….
********************************
..رياض:الو….
ايناس بصوت واضح فيه البكا:الو ….
رياض:قوليلي اش صار معاك؟
ايناس:انخطبت!
رياض:…………
شوفي يا ايناس انتي عارفة اني لسا ادرس .. و…..
قاطعته:رياض انا ما اتصلت اطلب منك تبرير ولا اطالبك ..اعرف انك ماتكنلي أي مشاعر …. انا اتصلت لاني متضايقة وحبيت اشكي لاحد..مالقيت نفسي الا اتصل عليك….
رياض:مين هو؟
ايناس:هو اخو صديقتي ..مطلق من كم شهر .. والاخت تبغى تاخذني مجاكرة بزوجته الاولى …. آآآآآآه المشكلة انهم ساكنين فحارتنا..والرجال موظف وعمره صغير وعنده بيت…. يعني مافيه أي سبب وجيه اني ارفضه لو اتقدملي …. وخايفة ابوي يجبرني عليه….
رياض:لااامارح يقدر يجبرك .. لحظة مو انت تقولين انه اخو صديقتك طيب قوليلها انك ما تبينه..!!
ايناس:والله قلتلها بس احسها حقدت .. ياخوفي تحرجني وتجي ……..
********************************
….نورسين متربعة عالسرير قدام ايناس-وبحماس-: ايييييييه كملي وبعدين ….
ايناس تطالع بيدها:ياستي ولا قبلين …. بعد ماسكرت منه ارسلتله رساله شكر انه سمعني وكررتله اني مااتصلت اطالبه بشي واني فاهمة مشاعرة تجاهي .. وطلبت منه ما يقول موضوع الاتصال ذا لاحد…. انتي عارفة العقد اللي هناك ..والفضاوة .زمايصدقون بسيرة او موضوع ويسوون من الحبة قبة!
نورسين:تهقين يقول لاحد؟
ايناس بثقة: رياض رجال !! مستحيل يقول لاحد….
********************************
فنفس الوقت كان رياض وفدوى قاعدين فالحوش ورياض يحكي فدوى انو قبل شهر .. وفي احد الايام اللي كان طالع فيها للجامعة ..جاله اتصال من ايناس!!قالتله فيه……………………………!
********************************
نهاية البارت..
جدة – 8 مساء
.. سكر رامي شنطة الجمس بعد ماحطوا اخر شنطة .. وحركو عالمطار….
***************************************
…. ركبو الطيارة .. كانت الام وجنبها ميسم .. وراهم ايناس وجنبها حرمة مصرية ….
ووراهم بكم مرتبة كانت نورسين وجنبها كرسي فاضي ….
اما فجهة ثانية من الطيارة كانو ندى ومدى جنب بعض ..وقدامهم رامي
***************************************
جدة – 9 الا ربع مساء..
…..:جهزوا الطيارة لازم الحين اروح الرياض..
وكمل وهو يوقف: الساعة 9 تكون جاهزة ….
بصوت متردد : بـ…س يآآطويل العمر..
لف طالع فيه بنظرة تخوف:وشو….؟؟
مصطفى: الاستاذ فيصل طار فيها لماليزيا قبل كم ساعة ,و(غمض المسكين عينه يستنى تهزيئة )….
,,قبض على يده بقوة….:(فيصل هه!)
….ببرود:مومشكلة شف لي أي طيارة الحين …. وكمل طريقه طالع من المكتب….
مصطفى:انشالله طال عمرك….
***************************************
بالطيارة
رامي اللي شاف نورسين قاعدة لحالها….جا جلس جنبها ….
نورسين حست فيه بس مالفت ….
كان الصف اللي قاعدين فيه بالنص ..وكانت نورسين حاطة الهيدفون فاذنها وتسمع انريكي(takin back my love) والصوت عااااالي جدا طالع من السماعة….
رامي يحاول يحتك: نورسين وطي الصوت….
نورسين ماتسمعه….
رامي دقها..
طالعت فيه من تحت اللثمة:نعم!
رامي:اقول قصري عالصوت مو بالبيت انتي!!
نورسيين عصبت(لفت عليه وتكلمت بنبرة تخوف): وانت يابابا وش دخلك..؟؟
رامي عصب:وش ذي بابا اصغر عيالك احترميني!!
نورسين:حلوة ذي انت اللي قاط فيسك من البداية وجاي جالس.. مزعجك الصوت رح اجلس فمكانك ….
رامي جا يرد.. الا نورسين حطت يدها على فمها وراحت الحمام.. جا يلحقها الا عبدتين كبار وحدة تجلس يمينه ووحده يساره ووحدة معاها بزر والثانية بزرين شايلتهم معها لان الطيارة مزحومة ….
رامي انحشر فمكانه وخايف يقول للحرمة – اللي شكلها معصبة- بعدي تقوم تهفه بكف ….
***************************************
..راحت نورسين الحمام ركض ويدها على فمها من سبة الغثيان اللي جالها من الطيارة اللي كانت قد اقلعت اثناء ما كان رامي يكلمها….
..طلعت من الحمام راجعة لمكانها لقت عبدات قاعدين فيه ولقت رامي محشور بينهم …. فطست ضحك على شكله .. شوي طالعت: ( افففففففف الطيارة مرة زحمة حشى كل الناس اختارو يسافرون للرياض هاليوم!)..
.. شافت المضيفة وبعد حوار لمدة دقائق اكتشفت انه فيه لخبطة وانها هيا والعبدة حاجزين نفس الكرسي !! .. وماكانت نورسين على استعداد ابدا تتهاوش مع الحرمة المخيفة ذي!!!!
..اخذتها المضيفة لكراسي الدرجة الاولى يمكن تلقى مكان ….
وبعد بحث لقو كرسي في الركن فاضي ….
شكرت نورسين المضيفة وهيا جاية بتقعد اهتزت الطيارة ….
***************************************
سلطان اللي قاعد بالطيارة مسرح ماحس الا بنت واقفة بتعدي من قدامه شوى وتطيح…. قام مسكها بسرعة من خصرها….
نورسين وهي متفشلة:شكرا..
سلطان:العفو….
..نورسين تعدته وقعدت جنبه….
***************************************
.. جات المضيفة تسالهم اش يبغون….
سلطان طلب بلاك كوفي….
المضيفة: what about you madam?
نورسين اللي كانت تقرا رفعت راسها: (مدام فعينك.. اف لهالدرجة شكلي كبير(قالت فنفسها .. "ماجا على بالها انو بسبة سلطان".. طلبت موكا….
***************************************
احد منازل الطبقة المتوسطة كانو يجهزون البيت لاستقبال الضيوف .. والبيت في حالة استنفار …. في نفس الوقت اللي كان واحد من اكبر القصور في الرياض فاضي كلّ قافل على نفسه جناحه ماكان اللي جاي بعد ساعات اخوهم اللي ماشافوه من مدة لا بأس بها ….
***************************************
…. نورسين تطالع فالموكا اللي جابته المضيفة من دقايق وترجع تطالع باللي قاعد جنبها ..( اف كيف اشرب لازم افك اللثمة .. )طالعت فيه لقته مشغول باوراق معاه ومركز: (والله موداري عني شكله مشغول….
فكت اللثمة و جلست تتقهوى .. وهي متكيه راسها عالكرسي …. تذكرت اجازة الصيف اللي راحت ..كان ابوها متوفي قبل كم شهر …. وكانت دوبها مخلصة السنة التحضيرية .. وكانت العيلة وقتها مجتمعين في الطايف فالبيت القديم….
***************************************
.. جت الصالة …. امها.. وجدتها ..وخالاتها ..ومرة خالها سلمى ومرة خالها هدى .. وميسم ونجوى قاعدين ….
نورسين: علا قومي ناديلي سلوى من المطبخ ,,(المطبخ كان قريب من الصالة يعني اللي واقف في الصالة يسمع اللي يتكلم في المطبخ بصوت عالي)….
كانت سلوى مع رياض و رامي يسولفون ….
علا فتحت الباب: سلوى تعالي كلمي نورسين ….
….: آآآآآآآآآآآآآآيه آآآآآآآطلعي يلآآآ يله برآآ ….
علا رجعت الصالة..
نورسين:وين سلوى
علا :اف طردتني من المطبخ هي ورامي هاوشني ….
نورسين: يعني رامي اللي كان يهايط من شوي !! هيــن!!…..
راحت وهي معصبة …. وجع كانت تبغا موكا وكانت بتطلب من سلوى تسويلها بما انهم فالمطبخ …. عمى سدو نفسي !
…. بعد ساعتين جات سلوى:هلا نورسين بغيتيني!
نورسين طالعتها بنظرة:…. اطلعي برا وصكي الباب ….
سلوى:اشبك نورسين زعلتي .. والله كان فراس عندي وكنت شايلته و….
نورسين :طالعتها بنظرة طويلة وما علقت ..
سلوى:براحتك….
.. كانت نورسين تتذكر انها لما ارسلتلهم علا كان فراس قاعد يلعب قدامها فالصالة ولا قرب صوب المطبخ!!!!
.. قهرها الموقف ..وقهرها رامي االلي كان هذا مو الموقف العبيط الاول اللي يسويه معاها…. وماشافت الا منديل ابيض قدامها….
***************************************
نورسين تطالع فالمنديل ! يوه دوبي استوعب قاعدة ابكي من اليوم ..الله ياخذك يارامي….
:شكرا..
مسحت عيونها وخشمها وحست باحد يناظرها.. لفت وطاحت عينه بعينها….
***************************************
.. سلطان متكي راسه عالكرسي يفكر : (ياترى رح يقعدون بالرياض والا يرجعون معاي .. افففف هذا اللي ماكنت متوقعه …. الله يرحمها على كل حال)..
..طالع فيدها الصغيرة اللي ماسكة الكاسة اللي ماشربت منها شي..وامتدت عينه لوجهها المليان دموع ….
..طلع منديل من جيبه ومده لها….
….: شكرا.. شافا تمسح عيونها وخشمها بالمنديل ..مايدري ليه تكى وسرح فوجهها الملائكي ….
لفت وجهها عليه وشهقت (يووه يافشلتي من اليون كاشفة انا ….)
عدلت لثمتها ورجعت لفت ….
***************************************
نورسين اللي حست بكهربا اول ماشافت صاحب العيون العسلية !!
: (ماشاالله عالجمال الله لايضره .. بس ياربي ليه احس وجهة مالوف …. اف اش علي منه اصلن باين شكله واحد بطران رافع خشمه) ……
….سلطان اللي من جهته ضاع فملامحها .. يمكن ماتكون خاااارقة الجمال بس مايدري ليه حس ملامحها انحفرت فعقله وقلبه….
وغرق كل منهم فافكاره الخاصة…….
***************************************
نهاية البارت
كل العائلات – بصفة عامة- لها تركيبة معينة: (ام اب اخوان اخوات ….الخ)..
بس في نفس الوقت لـ(كل عائلة) تركيبة خاصة ….
مثلا .. نورسين واخواتها فقدوا ابوهم وهو عايش …. وكانت امهم بالنسبة لهم الام والاب وتحملت اعباء لا يعلم بها الا الله ..
ومثلا.. جيهان فقدت امها بعدت طلاقها من ابوها في طفولتها .. والحين ابوها عايش وحيد فالطايف!
ومثلا.. فدوى وسلوى ونجوى فقدوا ابوهم من طفولتهم .. ومن ثم قدوا امهم اللي زوجوها اهلها بعد وفاة ابوهم بحجة انها صغير ومو لازم تضيع عمرها على تربيتهم !!
.. عاشو البنات مع مرة ابوهم(الجدة منيرة) – الللي ما اقول انها كانت الحنان المتدفق والعطاء بلا حدود ….الخ لان هذا الكلام موجود في الروايات بس- بس ماكانت شريرة وظالمة وحقودة في المقابل ….
..لكنها كانت تعاملهم زي ماتعامل باقي عيالها – او نقول احفادها لانهم كانو بعمر جيهان وعيال محمد وبنات نهال – ..
( فــــدوى ) .. تعرفون لما يكون فيه شخص دايما في الوجه والكل يعتمد عليه وهوا منسي في المقابل؟؟
هذي كانت فدوى!! .. كانت منسية من الكل .. حتى اخواتها .. كأن فدوى هذي موجودة عشان تساعد الكل وتنصح الكل و تخدم الكل وتهتم بالكل!.. ما كانها انسانة تحتاج هذا الاهتمام اللي تقدمه لهم ….
انا ما اقول انهم مايحبونها ..
بس ماكانو يقدمولها اللي تقدملهم اياه ..
.. فدوى انسانة دوبلوماسية اهم شي عندها محد يزعل منها .. تهتم بالانتقاد وكلام الناس جدددددا ..
( ســــلوى ) .. طيييييييييييبة جدا على نياتها .. بس طيبتها بلغت فيها حد البلاهة !! .. سلوى متهورة واللي فقلبها على طرف لسانها .. وما تعرف تمشي بالحيلة والدوبلوماسية زي فدوى ..
مشكلتها انها open mind شوي .. واخواتها متزمتين جدا .. ويعايرونها ديما ببلاهتها وخيالها الواسع !..
تندمج اكثر مع بنات نهال ….
( نــــجوى ) .. لما توفى ابوها كان عمرها سنتين بس!الجدة منيرة تحبها اكثر وحدة لانه هي اللي مربيتها ..
.. نجوى نقدر نقول "محتجزة" في مرحلة المراهقة .. يعني لسا جوها تشلح حلويات و عندها اسرار ! .. مو جو بنت دخلت الـ 25 ابدا!!
.. نجوى خفيفة دم جدا مع كل هذا..
اقرب انسان لها (رامي) ….
*******************************
( جــــيهان ) .. كانت علاقتها مع البنات كانها اختهم الرابعة .. حتى غرفتهم كانت غرفة وحدة .. اقرب وحدة لها نجوى
.. جيهان شخصية عصبية جدا .. مزاجية .. غيورة .. فيها بداوة شوي .. ذكية جدا .. فيها شوفة نفس شوى ……
.. جيهان وبندر بسبب عمرهم المتقارب -او ربما بسبب القرابة- الكل راسم في مخه انه جيهان وبندر يحبون بعض وانهم رح يتزوجون بمجرد ما يتوظف بندر ويوصل لعمر يخليه قادر يكون عائله .. بندر كما توضح من الاحداث السابقة يكن مشاعر لشخص غير جيهان .. اما جيهان ماكانت تحبه ولاتكرهه .. وكانت متقبلته كزوج في يوم من الايام ….
ولــــــكــــــــن
حـــــدث مــــــا لــــــم يــــكـــــن فــــــي الحـــــســـــبـــــــــــــان
ففي اثناء السنين اللي قضاهم بندر للدراسة خارج الرياض .. حست انها بدت تميل لرياض !! كانت عارفة انها مالها امل .. رياض اخو بندر .. ورياض اصغر منها بسنتين ….
.. واللي يقهر انها كانت تعرف مشاعر رياض ..
*******************************
…. الجدة منيرة: يلله اجل توصلون بالسلامة …. فامان الله
.. سكرت التلفون وهي تنادي : يا نهلة .. فدوى ….
نهلة:هلا يمه..
الجدة منيرة: نهال توها متصلة تقول طلعوا من المطار وجايين بالطريق ..
نهلة: احد راح يجيبهم؟
الجدة منيرة: ايه راح لم حمد واخذ الجيب ..
*******************************
.. في الجيب ….
حمد يسوق وجنبه رامي ..
نهال وميسم وندى في الثاني ..
ايناس ونورسين ومدى اخر شي ..
متوجهين للبيت..
*******************************
الكل مجتمع فبيت الجدة منيرة ….
الجدة والبنات و احمد و محمد و ناهد و نهلة في الصالة ..
سلمى و هدى في مجلس الحريم ومعاهم سلوى ..
العيال في مجلس الرجال ..
*******************************
.. بندر واقف عالباب ومعه البزارين اللي من شافو الجيب ركضو داخل يسوون دعايات هع ….
بقى بندر وعزوز ….
.. حمد ورامي نزلو ونهال وميسم وندى ..
مدى: افا سحبوا علينا ..(وبصوت عالي): الووووو نحن هنا ..
بندر جاهم بعد ماسلم لى عمته وفتح المرتبة .. نزلوا البنات وكانت نورسين اخر وحدة .. وهي نازلة كانت بتتعرقل من العباية
بندر اللي كان جنب الباب يستناهم ينزلون مسكها من يدها بسرعة ….
نورسين: يوه عالفشلة اشفيني اليوم اول بالطيارة والحين ….
نورسين: شكرا بندر .. اش اخبارك ؟
بندر: الحمدلله انت وش اخبارك؟
نورسين: تمام ….
*******************************
.. دخلو البيت وبعد السلام والاحضان والدموع دخلوا احمد و محمد وحمد المجلس وجو سلمى وهدى وقعدو .. واستاذنت نهال وراحت لمجلس عشان تسلم عالعيال ,,,, وبعد العشا الكل نام لانه بكرة عرفة وكرف ولازم يقومون بدري …….
*******************************
.. اول مادخل سلطان البيت سمع صوت ركض عالدرج ….
فنار تحضنه بقوة: وحشتني ياخوي .. لاعاد تتركنا كذا ….
آآآآآآه يخوي شفت اش صار فينا .. آآهئ ….
سلطان: خلاص حبيبتي هذا قضاء الله وقدره .. امك كانت مريضة يمكن كذا ارحملها بدل ما تقعد تتعذب …. ادعيلها بالرحمة ….
…. فكته فنار ..
سلطان: الا فيصل متى بيجي ..
فنار: فيصل راح ماليزيا يجيب جثتها من هناك وصت انها تندفن فالرياض …. (رجعت تبكي بقوة بس قالت جثتها) ..
سلطان حضنها بقوة ….
*******************************
فنار الـ …. : اخت سلطان من ابوه .. عمرها 22 .. ماتشبه سلطان .. بيضا وعيونها زرقا وشعرها فاتح وجهها بيبي فيس .. توأمها فيصل نفس الشكل ..
امهم مرضت بالسرطان قبل سنتين ومن هذاك الوقت وهي تتنقل بين دول العالم للعلاج .. واستقرت اخيرا في ماليزيا لتلفظ انفاسهاا الاخيرة هناك .. وتركت وراها فنار وفيصل مالهم احد – بعد الله – الا اخوهم (سلطان الـ ….) ….
*******************************
سلطان: انا ماقدر اخيكم هنا لحالكم .. من رأيي تجون تسكنون عندي فجدة ….
فنار: ايوه اكيد .. حتى فيصل اقترح نجي عندك في جدة .. بس كنا خايين ماتتقبلنا ..
سلطان: افا عليك يافنار انتو اخواني .. قال مااتقبلكم قال.. انتو اللي باقيلي من هالدنيا ….
فنار : .. آنآآ بس كنت اقصد ..عشان ماما الله يرحمها و …
سلطان قاطعها: امك الله يرحمها ويغفر لها .. وانا مااخذ احد بخطية احد ….
فنار: تقدر تغفر لامي بعد كل اللي سوته؟؟؟؟
سلطان سكت شوي .. بعدين قال: الله يرحمها عل كل حال …. وقام وهو يقول : جهزي حالك بعد العيد بنسافر ….
..فنار تطالعه : (فديتك يااخوى على قسوة امي وكرهها لك وتعذيبها لك طفولتك انت تغفر لها بكل بساطة .. ياليتني اقدر اوصل زيك .. للغفران !! ) ..
طالعت البيت الفخم الكئيب اللي مافيه غيرها هي والخدم اللي كلهم فغرفهم في مثل هالساعة …. مسحت دموعها وقامت بتثاقل ….
*******************************
نهاية البارت
الرياض – يوم عرفة في العشا..
.. نورسين قاعدة في الصالة تسولف مع جدتها .. اذن العشا وقامت الجدة منيرة تصلي ….
.. نورسين اخذت الريموت تقلب في التلفزيون(افففففف طفش) ..
رمت الريموت واخذت مجلة كانت جنبها .. وهي تقلب في المجلة بملل لفت انتباها صفحة اخبار فيها تقرير عن رجل الاعمال السعودي سلطان الـ…. .. طالعت نورسين بصورته اللي ماخذة نص الصفحة .. تاملته بطوله وعضلاته اللي مبينة من تحت البلوزة السودا .. وعيونه الوساع العسلية الفاتحة .. وبياضه الصافي .. وشعره الغامق الكثيف .. وخشمه الواقف .. ولحيته الديرتي الخفيف .. وحواجبه العريضة المكشرة اللي فواحد منهم غرزة مخيطة تساءلت نورسين عن سببها …. وتذكرته وهو قاعد جنبها في الطيارة .. ( وانا اقول الوجه مالوف اثاريه سلطان الـ…. ,, اف وانا اش علي منه انا قلت من شفته واحد بطران شايف نفسه ) .. رمت المجلة وقامت .. وهي فطريقها على غرفتهم قابلت سلوى ..
سلوى: وينك نور .. روحي البسي عباتك طالعين السوق ..
نورسين: مين رايح؟
سلوى:امك ومدى وندى قضوا في العصر .. وميسم قالت جيبولها على ذوقكم ….
نورسين:اها يعني بس انا و ايناس ..
سلوى:ايه وكمان خالتك نهلة وسناء وانا ..
نورسين:اوك يلله ثواني ..
*******************************
لبست نورسين جينز سكيني كحلي غامق وتيشرت ابيض وجزمة فلات سودا.. لبست عبايتها وطرحتها الرصاصية..اخذت شنطتها السودا وطلعت ….
.. وهي ماشية في الصالة قابلت جيهان اللي شهقت من شافت عبايتها ..
جيهان: نورسين من جدك طالعة بهالعباية ..
نورسين باستغراب: ايه ليه فيه شي ..؟؟
جيهان لوت فمها: كمان تسأل ..عيييييب عيب وش بيقولون عنا الناس لا شافوك طالعة بهالعباية ..
نورسين: اقول الناس اخر همي .. وبعدين انا ماني مسوية شي غلط عشان تغير لون العباية عن اللون المتعارف عليه صار عيب .. لا وليت قلتي حرام بعد .. العيب وكلام الناس اخر شي افكر فيه حبيبتي .. وبعدين انا مقتنعة بحجابي كذا .. يلله تشاو تاخرت ….
جيهان شمقت وراحت: (ماتستحي بنت جدة …)<<نفسيات ….
*******************************
.. نورسين طلعت من باب العمارة شافت رامي فسيارته وجنبه خالتها نهلة .. ووراهم ايناس ….
.. فتحت الباب تبغى ترجع ……
*******************************
..بندر نازل مع اخته سناء وسلوى بيوصلهم لان سيارة رامي ماتكفي الكل …. جاب يفتح الباب الا انفتح من برا .. وشاف نورسين..
*******************************
..نورسين غيرت رايها بعد ماشافت رامي بيوصلهم وذكرياتها ترجع للصيفية ……..
*******************************
نجوى ونورسين وايناس و نهلة قاعدين في سيارة رامي ورا ..
وقدام راكبة نهال .. ورامي طول الطريق نفسية ويتافف كل ماسمع نورسين تتكلم مع ايناس وكانه متثاقلهم ..ونورسين تمنت فذيك اللحظة انها تسوق سيارة .. او ان عندها ابو .. ولا تكون هي وامها واخواتها عبء على احد ….
*******************************
..شافت سناء اللي سالتها: ليش راجعة نورسين؟
نورسين طالعت فيها بعدين طالعت فسيارة رامي وقالت بدون نفس: خلاص غيرت رايي ما ابغى اروح ….
بندر وسلوى وسناء انتبهوا انها ماتبغى تروح مع رامي بس مافهموا اش السبب .. نورسين كارهة رامي من الصيف الماضي الكل ملاحظ ….!!
سلوى: خلاص مو مشكلة روحي مع بندر وسناء انا حروح مع رامي ….
.. وراحت لرامي وركبت وسكرت الباب .. وبندر راح مع سناء ونورسين لسيارته ….
.. ايناس تسأل سلوى في السيارة بصوت واطي سمعه رامي: اشبها نور؟
سلوى بصوت واطي – سمعه رامي كمان -:مدري بس شافت رامي قالت معد لي نفس اروح قمت قلتلها روحي مع بندر وانا اروح مع رامي ….
..رامي ضرب الدركسون بقوة وحرك عالسوق ….
*******************************
تابع الجزء السادس ..
*******************************
سناء وايناس ونورسين مع بعض وسلوى ونهلة مع بعض كل ناس راحو بجهة في المول ..
.. سناء ونورسين اللي كانو متفقين يطقمون بالعيد مع مدى وندى….
سناء تطالع الجيليه الاسود: مدى وندى اشتروا لاسود والا الاحمر؟؟
نورسين: والله مدري عنهم .. ويت ويت..
اخذت جوالها ودقت على مدى: الو .. جبتوا الاحمر والا الاسود؟…. اها …. اها خلاص طسي ….
سكرت وهيا تقول:الاسود….
*******************************
بعد ما خلصوا شوبينغ دقت نهلة على رامي اللي جا لحله بالجيب عشان ما يكون لنورسين حجة ما تركب معاه….
نورسين عصبت بس ماعندها حل ثاني ….
وصلوا البيت ونزلوا ورامي قعد في السيارة وهو حاط راسه عالدركسون سمع صوت وراه ….
*******************************
.. شاف عالمرتبة اللي وراه بلاك بيري ابيض: (اوه ذا حق نورسين نسيته) .. لف اخذ الجوال و جا بينزل .. غير رايه وفتح الصور يقلب فيها ….
لقالها صورة واقفة في الجامعة جنب شجرة ولابسة بنطلون اسود وتيشيرت اصفر عليه سبونج بوب ونظارة شمسية وتضحك وهيا متكية ظهرها عالشجرة .. طلع جهازه وارسل الصورة بلوتوث ..
نزل من الجيب ودخل البيت واعطى سناء الجوال ..
رامي باقتضاب: عطيه نورسين نسته في السيارة ….
*******************************
الرياض – يوم العيد
.. نورسين و سناء و مدى وندى .. واقفين عالجدار في الصالة ….
ميسم وهي تصورهم بالكاميرا : ااااايوا اثبتوا لا تتحركون..تشششك….
نجوى دخلت المجلس مع رياض: ايه بقوة مصدق نفسه …. شفت ذاك اليوم ….
رياض اللي لف اول ماشاف البنات: هههههه تقول فرقة ميامي خخخخ
( البنات لابسين بناطيل سودا وقمصان بيضا رسمية بازرار وعليها جيليه اسود .. وابوات سودا فلات ..)..
سناء اللي سمعته:من زينك ابو سروال وفنيلة ….
رياض من ورا الباب : ايه ماشالله طلعت الشجاعة عند البنات .. اش رايك تجين نتناقش فيس تو فيس ….
البنات فطسو ضحك عليها ….
سناء: طيب يا اخوي الحبيب وخر عن الباب نبي نطلع يلله….
وخر (اخوها الحبيب) وطلعو البنات .. ورجع رياض عند نجوى وكملو سوالف ….
شوي الا يدخل فارس وفراس وعزوز وهم في قمة حماسهم ..
فارس: رياض ابوي يقول يلله بنذبح الخروف ..
>> قمة الاكشن كانت عندهم يوم يجي عمهم يذبح الخروف في العيد .. هذا اهم حدث عندهم في السنة كلها هع ….
…. مر العيد بشكل روتيني مافيه احداث ….
*******************************
الرياض – 5 العصر ..
.. نورسين طلعت من الحمام وهي لافة نفسها بالروب : (بررررد..) ….
لبست بنطلون اسود وتيشرت كم طويل لونه رمادي وعليه سنفور ازرق .. حطت ماسكرا و مرطب …. جفف شعرها الكيرلي و رفعته ذيل حصان ..تعطرت و اخذت شال صوف كبير لفته عليها وطلعت للصالة ..
شافت ايناس قاعدة تقلب في التلفزيون ….
ايناس كانت لابسه جينز ازرق وبلوزه صوف عشبية ورافعة شعرها الناعم باهمال ..
نورسين وهي تجلس جنبها: اش فيك ؟
ايناس: صارت اشياء ….
نورسين: زي ؟
ايناس وهي تسحب نورسين من يدها وتقومها: مو هنا .. قومي نسويلنا شي حار ونطلع الحوش واحكيكي ….
.. وبعد عشر دقايق كانت ايناس تحكي نورسين وهم يتمشون في الحوش ….
*******************************
.. فدوى قاعدة مع ايناس في مقلط الحريم ….
فدوى: انتي يا ايناس مرة تغيرتي علي .. تذكرين زمان كنا بس فدوى و ايناس فدوى وايناس .. الحين احسك صرتي تفضلين سلوى علي !
ايناس: انا تغيرت عليكي والا انتي …. انا شفتك سحبتي نفسك .. مارح اقعد لزقانة فيكي .. بس انتي عارفة انه مكانتك يا فدوى في الحظ والصون و..
قاطعتها : ايه صح والدليل لما كلمتي رياض ما قلتيلي و هوا لحـ …. احم (سكتت يوم شافت عيون ايناس تتوسع بصدمة )..
ايناس بعصبية: رياض قالك ؟ قالك ؟ لاااا مو مصدقة منجد مو مصدقة .. رياض !! رياض اللي اتفاخر يه وبرجولته قدام الكل .. طلع مو رجال ..
فدوى : ايناس!
ايناس : ايه يا ستي مو رجال .. رجال مايقدر يحفظ السر اش فايدته وين رجولته ؟؟ …. رفعت راسها فجأة : مين يعرف كمان ؟
فدوى: بصراحة رياض قالي اول شي .. بعدين دخلت عليه كان يسولف مع نجوى نفس السالفة ….
ايناس : (يااااحبيبي .. ونجوى عند جيهان و رامي ورامي عند امه .. كملت) قالت في نفسها ….
فدوى بزعل : شفتي .. شفتي يا ايناس اني ما عدت قريبة منك .. شوفي كيف زعلتي لما عرفتي انه رياض قالي ….
ايناس : يا فدوى لا تجننيني .. انا ما زعلت لانه قالك انتي بالذات .. انا انصدمت لاني قلتله لاااااتعلم احد وفجأة القى كل البيت عارف .. لو ماقلتله شي كان افهم ليش قاعد يقولكم كلكم .. بعدين تعالي لنفرض انه قالك انتي بس باعتبارك اقرب وحدة ليه .. يقول لنجوى ليه ؟؟ واكيد رامي صار عنده خبر بما ان نجوى عرفت .. مع احترامي الشديد لاختك …. منجد ..منجد رياض طاح من عيني !..
*******************************
نورسين: والله وانا كمان طاح من عيني بقوة .. اش حركات الحريم ذي ما ينقاله شي !!
ايناس : لا انا لسا ما قلتلك عن سلوى ..
نورسين : اش فيها كمان ؟
ايناس : تخيلي حكيتها عن السالفة وانا مقهورة .. وكان اول شي قالته ( ما شالله البنات كلهم يدرون ولا قالولي!) .. تخيلي!
نورسين : Omg منجد .. تدرين اش المشكلة .. انه انتي تقوليلها انك متضايقة انه كلهم صاروا يقولون لبعض .. وهي متضايقة انهم ما قالولها .. !! منجد لا تعليق ….
…. قاهرني مرة هالرياض .. بدوي غبي ما صدق يصير له اكشن ..
ايناس : الحمد لله والشكر بس .. قال احبه قال .. الحين فهمت اني كنت عايشة في وهم .. كنت احب شخصية انا راسمتها لرياض ما كنت احب رياض .. راسمتله صورة الشجاع الشهم الابضاي الرجال اللي مافيه منه .. طلع خرطي …. تصدقين خطرتلي شغلة .. رياض ما كنت – احبه – الا واحنا هنا بالرياض .. اما لما نكون بجدة انساه .. يعني اش هالحب بالله والله شي يضحك .. تماما زي لما تخقين على ممثل اثناء ماتتابعين الفلم حقه .. فهمتي قصدي!
نورسين : فهمت ..الحمد لله اللي طلع من راسك ….
وفي جهة من الحوش كانت جيهان تمشي راجعة على غرفتهم بعد ما سمعت كل الحوار ….
*******************************
.. ايناس انسانة واثقة من نفسها واراءها لأبعد حد …. حتى لما حست بمشاعر تجاه رياض عبرت عنها بكل صراحة .. قالت لفدوى و سلوى و نجوى وميسم و جيهان وطبعا نورسين .. حتى انها قالت لامها !! وحتى انها قالت لرياض نفسه !! ….
وهذا الكلام كله وهيا لسا ما خلصت المتوسط ..!! ..
حسدتها جيهان على جرأتها .. تمنت تكون زيها تعبر وتتكلم بصراحة .. تمنت تكون زيها تقول انها تحب رياض .. مو بندر ..!!
كان هذا آخر شي فكرت فيه جيهان وهي في فراشها قبل ما تستسلم للنوم ….
*******************************
نهاية البارت
(السلطان)
سلطان اليوم راجع على جدة معاه اخوانه اللي كان عزى امهم من ايام .. اخوان سلطان اللي طلعوا من حالة الحزن والكآبة – تقريبا – بمجرد ما عرفوا انهم رح يسكنون مع سلطان ومارح يضلون وحيدين .. خصوصا انهم ما كانو يحبونها ذيك المحبة ..
*******************************
.. طفل يتيم بعمر الثمان سنين يرتجف من الالم والقهر والحزن في مستودع كان قد تعود على النوم فيه مؤخرا .. ويحاول يوقف نزف الدم اللي ينزل من جرح سببته قزازة رمتها فيه انسانة قاسية ماتعرف الرحمة وما تخاف الله في الطفل اليتيم اللي كان امانة عندها….
كان الجرح اللي قطع جبهته من عند حاجبه عميق ومؤلم .. لا لسبب .. الا لان مرة ابوه كانت متضايقة وما كان عندها احد تفرغ فيه انفعالاتها الا هذا البرئ .. فرمته باقرب شي طاحت يدها عليه ….
.. ومرة ابو مع طفلينها التوأم اللي ماتجاوزوا السنتين تتفرج عالتلفزيون وناسية المسكين المرمي في المستودع ….
.. وابو لاهي بالفلوس والتجارة وناسي عيلته .. وتارك ولده البكر اليتيم تحت رحمة زوجته ….
.. وسواق عجوز ما يرضى بالظلم دخل للمستودع بدون ما يحس عليه اهل البيت .. و اخذ الطفل اليتيم للمستشفى .. وهناك خيطوله الجرح اللي قعد علامة بارزة فوجهه تذكره دايما – حتى بعد ما صار الـ ( سلــــطان ) اللي الكل يحسبله الف حساب – بطفولته المريرة ….
*******************************
.. لابس بنطلونه الاسود .. ولبس قميصه الاسود .. طالع فصورته اللي انعكست قدامه في المراية قبل لا يقفل الازرار .. مد يده ولمس الغرزة اللي فحاجبة الايمن وعقد حواجبه : ( خلاص يا سلطان انسى .. مرت عشر سنين خلاص .. مرة ابوك ماتت خلاص .. والمستودع انقفل للابد من زمان .. خلاص !).. تنهد بقوة .. قفل ازرار بلوزته .. تعطر ورجع شعره بالجل على ورى .. شال شنطته ونزل الدرج ….
.. شاف فنار تستناه عند باب القصر وهي تطالع ارجاء القصر بوداع ….
اخذها من يدها وطلعوا للسيارة اللي كان فيصل يستناهم فيها ….
.. طالع سلطان في ارجاء الحديقة الكبيرة المهملة من شهور .. وطاحت عينه على باب المستودع من بعيد .. شال عينه بسرعة وركب السيارة وساقها مبعدين عن القصر ..
.. و طالعوا في القصر اللي كان الحارس يقفل بابه .. لآخر مرة ….
*******************************
.. انتهت عطلة الحج .. ورجعت نهال مع بناتها لجدة .. ورجع احمد للطايف .. ورجع رامي لمكة …. ورجع سلطان لجده مع اخوانه .. وانتهت السنة الهجرية و دخلت سنة هجرية ثانية ..
.. وتغير الجو في جدة .. وصار يميل على برودة ما تعودها اهل المدينة ….
*******************************
.. فنار دخلت الجامعة وهي خايفة .. وجوه جديدة .. جامعة جديدة .. حياة جديدة .. ماتعرف احد .. دخلت اول محاضرة لها ..وطلعت منها وهي معصبة اكثر من الاول .. وقررت تروح تشربلها شي حار لان الجو بارد ..
*******************************
.. نورسين حاطة الهيدفون في اذنها وحاطة يدينها في جيوب بنطلونها و مدنقة راسها وتمشي ….
.. صدمت في بنت ..
نورسين : سوري حبيبي ..
وكملت طريقها ..
البنت : نو بروبلم ..
وكملت طريقها ..
*******************************
جدة – 8 صباحا ..
.. نورسين داخلة على محاضرة القانون الجنائي العام .. سلمت على بنات تعرفهم …. طالعت فآخر الكلاس .. ( هذي نفس البنت اللي خبطتها امس) .. اشرتلها بيدها سلام .. وردتلها فنار الحركة ..
.. نورسين جلست جنبها : هاي .. كيفك؟
فنار اللي ارتاحت لنورسين : هلا .. تمام .. انتي كيفك ….
نورسين : تمام .. انا نورسين ..
فنار : فنار ..
نورسين : انتي شكلك جديدة هنا .. ما قد شفتك في القسم ..
فنار : ايه والله انا جديدة في الجامعة بكبرها وفي جدة كمان .. نقلنالها قريب ….
نورسين : اها .. يا ستي الله يحييك في جامعة عزوز وفي جدة بكبرها .. واذا احتجتي اي شي انا بالخدمة ..
فنار بابتسامة : تسلمين ..
وسكتوا لان الدكتورة دخلت ….
*******************************
.. بعد المحاضرة ….
فنار: انتي عندك شي الحين ..
نورسن : عندي ثقافة بعد ساعتين .. وانتي ؟
فنار: عندي موارد طبيعية بعد ساعتين كمان ..
نورسين – لان هذي المادة في اترام متاخرة – : ماشالله فنار انتي مستوى كم ..
فنار : السابع خلاص كلها ترم ترمين واتخرج ..
نورسين : ماشالله عليكي .. انا هذا اول سمستر ليه ..
فنار : ياستي الله يوفقنا كلنا يارب ..
نورسين من قلب : آآآآآمين .. يلله يا ستي دامك فاضية بفرفر فيك في الجامعة ….
فنار تضحك : يلله ..
*******************************
.. قويت علاقة فنار بنورسين مع الايام .. وما مر اسبوعين الا صارت علاقتهم كانهم يعرفون بعض من سنتين .. كل هذا ونورسين ما تدري عن قرابة فنار لسلطان .. وبدت الاختبارات النهائية ..
*******************************
جدة – الاربعاء 10 صباحا ..
.. اليوم اخر يوم اختبارات عند نورسين ..السماء ملبدة بالغيوم .. المطر يهطل بغزارة .. الجو مايبشر بالخير .. والوضع مو مطمئن ابدا ….
.. نهال في البيت على اعصابها .. دق الجرس .. راحت ركض تفتح ..
مدى وندى : السلام عليكم ..
نهال: وعليكم السلام ..
مدى وندى : يمة الجو برا يخرع .. الحمد لله مدرستنا وحينا ما جاها شي تقريبا .. بس يقولون الجامعة هي اخطر مكان ..
ندى بفجعة : اخواتي رجعوا ؟؟
نهال : ايناس ماداومت اصلن .. باقي ميسم ونورسين .. نورسين ما ترد .. وميسم بالعلة لقطت معاها شبكة واتصلت فيني .. تقولي الامن وادفاع المدني قاعدين يطلعونهم من الجامعة عشان يخلون مسؤوليتهم والدنيا تخوف برا وزحمة .. ارسلتلهم السواق .. الله يستر بس ..
*******************************
عند الجامعة ..
الشبكة عدم .. والسيارات زححححمة و البنات يصارخون ويبكون .. واللي سحب عليهم الباص واللي مي لاقية ابوها و الحالة حالة …. نورسين كانت مع فنار اللي خايفة ومو حافظة شي في الجامعة ,, وبس تبكي .. كاننت نورسين تحاول تتصل بامها او بميسم تتكمن عليها او بالسواق بدون جدوى .. كانت الشبكة معدومة .. كان الهوى قوي والمطر غزير فشالت نورسين اللثمة .. مسكت فنار من يد وجوالها فيدها الثانية تحاول تتصل .. صدمت فيها وحدة وطاح الجوال في الارض اللي مليانة موية .. خافت نورسين تنزل تدورة تندعس .. ( اش الفايدة اكيد خرب اصلن ) .. شدت على يد فنار وهي تحاول تطلع من بين الجموع ..
*******************************
ميسم .. واقفة عند البوابة تدور اختها بعيونها وترجع تتصل فيها يطلعلها الجهاز مغلق .. الله يستر ..
.. كان فيه سواق باص شايب شاف ميسم واقفة خايفة فكر سيارتها راحت عليها ..
جا عندها : يابنتي اركبي معاي اوصلك ..
ميسم: لا ياعم استنى اختيـ …
جت بنتها سحبتها معاها للباص : روان .. روان حبيبتي الحمدلله لقيتك .. امشي بسرعة بيروح الباص .. ميسم جات بترد بس البنت كانت قد سحبتها وركبتها الباص .. ميسم من الفجعة ساكته : ( نورسين .. نورسين لحالها .. يارب سترك .. يالله ) ..
*******************************
بعد الباص عن الجامعة .. وميسم لقت شبكة واتصلت بامها ..
نهال : او .. ميسم طلعتو من الجامعة؟ ونورسين؟؟ .. نورسين معاك ….
ميسم: نورسين ما ترد يا ماما .. جوالها مغلق .. وانا جت بنت دفتني وركبتني باص .. انا الحين في الحي .. من لقيت الشبكة وانا احاول اتصل على نورسين .. مني قادرة …. السواق في الجامعة ….
نهال: ياويلي بنتي .. السواق اتصل فيني يقول الشرطة رجعته يقولون لاتسببون زحمة في سيارات لنقل الطالبات …. ياويلي نورسين .. يا ربي بنتي ….!
*******************************
نورسين تحاول تهدي فنار الخايفة و تحاول تطلع من وسط الحشود اللي حول الجامعة ..
فنار بفرح: سلطان .. هذاك اخوي واقف هناك ..
نورسين: يالله طيب بسرعة ..
*******************************
.. سلطان اللي شاف اخته ومعاها صاحبتها .. عدا السكة بيجيهم .. وفجــــــأة ….!
*******************************
..ماحست نورسين الا بسيارة تصدمها .. وبنفسها تطير في الهوا و ترجع تطيح عالارض .. وبيدين تشيلها .. وبسكووووون ….!!
*******************************
نهاية البارت