روايتي الثانية : يا عاشقين إسمعوا قصة غرام إحكموا لا تظلمون الغريم بالله عن تظلموا

اول شي ( اخبــــــــــاركم بنات غرام)

حابه اقول اني رجعت مع روايتي الثانيه و مثل مامكتوب ( الجزء الثاني)

انا غبت عن المنتدى وقت طويـــــــل لانه احتجت لراحه
وكنت احط بارت كل يومين وكان مرهق واذا انتي كاتبه بتعرفين شلون

المهم ان اشتقت للمنتدى ولكم وللروايات
واشكر الكل على التشجيع والردود الحلوه وماقصرتوا معاي

مثل ماتدرون ان روايتي الاولي كانت مو وااايد طويله بس كانت تجربه لي واعتقد انهها ناجحه اذا مو برايكم بس بالنسبه لي كانت تجربه حلوه.

واتمنى للي ماقرا روايتي الاولي يقراها
وهذا هو رابط الروايه ( الاولـــــــى)..
اضغطوا هني للجزء الآول

وبعد ابغى اقول ان البارتات بتكون كل خميس واذا قدرت احط بارتين بالاسبوع انشالله بحاول بس مو

فبيت عبدالعزيز(ابو رعد)

العنود(ام رعد): لا يا بو رعد حرام عليكم جذي تسوون برعد ..وانا شقاعده اقول ..المسكينه دلع ,, حرام عليكم هي لحالها حاطه بقلبها ان امها توفت و..
قاطعها ابو رعد: لا يا ام رعد , انا واخوي سعود قررنا نزوجهم , سعود مو راضي يهد بنته لحالها , لا خوات ولا اخوان , لا ام وهي ماتثق بالكل , خايف عليها وهي كمان بنتنا و..
العنود قاطعته: طب تعيش معنا بالبيت وانا اصير امها واختها وكل شي بس لاتسوون فيها جذي .., ملاك تقول انها حابسه نفسها بالغرفه تبكي, والله تقطع القلب,,
بو رعد عصب: خلاص يالعنود, قلت لج بيتزوجون يعني بيتزوجون , موعشاني , بس عشان سعود اللي مو عارف شيسوي بدنيته بس لجل بنته ونحن مو قادرين نساعده , وهو مقتنع ان هذي الطريقه الوحيده اللي ممكن تكون دلع بامان ورعد مافي مثله.
العنود بدت تدمع: والله مو قادره اقول لكم شي,, البنت قطعت قلبي , ورعد شلون بتقولون له؟
بو رعد: انا اقوله وتخلص السالفه , انا وبودلع نكلمه , واذا انج خايفه على دلع وكذا,, ها نحن زوجونا كذا ,, صح ان انت حالتنا غير ,, بس كل شي الحمدلله بخير, انتي برقبتي وامانتي ,, وكذا بيصي مع رعد.
العنود: اول شي نحن غير,, وبعدين انت تعرف ولدك رعد , عنيد وبيعصب وممكن يقلب الدنيا علينا ,, او يختفي من نظرنا .
بو رعد: خلاص يام رعد بس راسي عورني من هالسالفه,,

ْْبالمستشفى~ًٍِْ ًْ
سعود(بودلع) منسدح على سرير المستشفى
السرير اللي مو عارف اذا هو بيقوم منه ولا بيموت
السرير اللي تم فيه شهووور , شهور من التعب والكآبة
غمض عيونه بالقوه ونزلت منه دمعه حارره
..: آآآخ يا انجود,, تعالي جوفي حالتي , تعالي جوفي حالة بنتي حبيبتي ,, بنتنا دلع , والله مو عارف شسوي
ابتسم ودموعه تنزل
ابتسم وهو يقول: يارب اسعد حياة بنتي معاه,, انا حطيتها فذمة واحد مافي مثله ,, يارب يتقبلها وتتقبله ,,**بدا يبكي** حبيبتي يابنتي والله ماني عارف شبتسوين اذا رحت ,, او اذا فكرتي ان ابوك ماراح يكون معك آآآخ…
تنهد: ماادري كيف بتتزوجين وكنتي تقولين لامج ان تلبسج دبلتها يوم زواجج ,,, تنهد وحمد ربه على كل شي
وراح توضا عشان يصلي ~ْ ْ ,,,,

________ نطير لآمريكا_______

كان يمشي بالجامعه ويفكر
مايعرف شلون رفيجه بيفارقه
ولا شلون يقنعه ان يقعد
او الشي اللي يسويه غلط
ماشي ورفيجه شاغل تفكيره
شوي الا تجي وحده وتقطع افكاره
….: سالم~
سالم(صاحب رعد الروح بالروح): نعم سمر
سمر بخوف : لالا لاتقول صحيح اللي سمعته
سالم استغرب وماله خلقها : اي خبر
سمر تفاجآت: معقوول ماسمعت؟
سالم تنهد وبروحه يكرهها كره العمى: خييررر خلصيني
سمر: طيب هدي , عن رعد
سالم عصب: شفيج انتي خلصيني
سمر: صحيح ان رعد راح يرجع لبلاده؟!
سالم: اي بيرجع امس تخرجنا وخلاص يقدر يرجع
سمر : بس هو قال انه بيدرس ماجستير هنا
سالم : اول شي مالك دخل زوجته انتي وانا ماعرف ,, ثاني شي هو بيرجع وبكيفه وهذا الواقع , ثالثا انتي شدخلج فيه وهو قالج تبعدين عنه.
واعطاها ظهره وراح,,..
اما سمر واقفه مكانها ومقهووره حدها .,
سمر :21 سنه , تحب رعد وااايد من 4 سنين معاه بالجامعه الامريكيه , دايما تلاحق سالم ورعد وهم يكرهونها ,, سببت وايد من المشاكل لرعد وهو انسان عصبي وطفش منها بس هي تموت فيه , شعرها كيرلي قصير , امها امريكية وابوها سعودي ,عيونها زرقة ومب ضعيفة ولا دبه.

××,,,,,…..,,,,,××
لمح طيف رعد يمر من بوابة الجامعه
راح يركض له مسررع
وجافه , وقال بصوت عالي
سالم: رعد ,,,,رعــــــــــــد
رعد لف له بهيبته وثقله: نعــــم~
سالم: متى جيت
رعد تنهد: من ساعه هنا اخذ اوراقي وكذا.,
سالم : طيب متى طيارتك؟؟؟!!
رعد: الساعه :12:00 الظهر بكرا
سالم: اعطيت اهلك خبر انك راجع؟
رعد رفع حاجبه: لا ,بس انا بروح لبيت عمي بيكونون مجتمعين هناك عالغدا .
سالم: اهــــــآ ,طيب بكرا بمر عليك الهوتيل وانا بوصلك للمطار.,
رعد : طيب ,,
(ْ×× ومشوا مع بعض لعند برا الجمعه , وجلسوا على طرف نافورة ماي كبيره وفخمه وماخذه مساحه الجماعه من برا××ْ)
رعد: آآآآآآآخ , مادري شلون برجع لهم بعد 4 سنين , احس اني غريب بينهم مدري ليش,.
سالم : طيب فهمني انت ليش رايح؟؟
رعد: والله قلتلك ياخووي مافي شي , بس انا قررت من نفسي ارجع لآهلي , لبلآدي , مابقعد طول حياتي هنا , اشتقت لآمي, ابيها تكون مفاجآه لها , والله تقطع قلبي لما تصيح وانا اكلمها,..
سالم ابتسم: اذا عشان امك واهلك, الله يوفقك انشالله
رعد رد له الابتسامه,.

__________عند دلع ________

ماتقدر توصف احساسها, او بالآحرى , ماتعرف وش تسوي , وش تفكر فيه , تحس انها مخنوووووووقه حدها , صارلها يوم كامل مقفله عليها الباب, مانامت ولا كلت , ماتصدق الخبر اللي سمعته من 23 ساعه!
ماتعرف شنو تقول .. كل ماتتذكر الكلمات اللي سمعتها من ابوها بالمستشفى ,تبكي اكثر واكثر…..
منسدحه على سريرها وتبكي بحرقه
….: ااااخ يايبه ااااااااااااااه , ياليت كل الناس يبيعوني , الا انت الا انــــــــــت لييييييش لييييييييييش ,,,,,,
وزاد بكاها , وكل ماتسمع احد برا يكلمها يزيد صياحها
تحس ان الكل باعها لواحد , ماجافته ابدا من 4 سنين
حتى لما تشوفه ماتتكلم معه وماتعرفه ,, اللي تعرف عنه انه عصبي
ومغروور وفسرت كل شي على كيفها وبطريقتها وبدلعها.,,,.
الله أكبر يايمه اعز الناس باعوني .
اعز الناس خلوني اسهر الليل وحداني .
اشكي وابكي على حالي يومه نسوني.
وخلو بقايا دمعاتي على خدي سهراني.
يايمه قلبي جفاه الحال من بعد اتركوني.
حسيت بالهم اخذ بقايا كل مافيني.
يايمه عيوني من كثر مابكت احرموني.
النظر والسمع والناس وباقي محبيني .
وش عاد اسوي من بعدهم يوم خلوني.
وش عاد ظلو غير الحزن في ديار خلاني .
(منقـول)

قامت وهي تتآفآف
قررت تاخذ لها شاور وتصلي احسن لها,,..

~~×××< برا الغرفه>×××~~
كانت ملاك مع آمنــهـ قاعدين
يأسوا من كثر ماكلموها وهي مو راضيه تفتح الباب
آمنه : لين متى بتقعد كذا حابسه نفسها
ملاك : والله مادري ………اففففففففف
آمنه : شفيج؟
ملاك: كل ما احاول اطرش مسج لامي الجوال يخرررف..
الا يرن جوال ملاك.,, ردت
ملاك: الوو
ام رعد(العنود): هلا يمه
ملاك: اهلين ماما
ام رعد: طلعت من غرفتها؟
ملاك : لا لسه داخل.,
ام رعد تنهدت: حبيبتي …. طيب انا قلت للخدامه تجهز ملابسك لبكرا , وكمان قلت لام تركي ( نجلاء) تجهز ملابس امنه عشان تنامون عند دلع.
ملاك: انشالله
ام رعد: والسواق راح يجيبلكم الاغراض, وحاولوا ان بكرا تجي بيت بو تركي , واذا مارضت حاولي تقنعينها ان نحن كل جمعه نجتمع هناك ومحد يغيب عن هالجمعه وكذا ,.
ملاك: انشالله يمه
ام رعد : تبغون شي زياده؟
ملاك: لا يمه تسلمين ماقصرتي,.
ام رعد ابتسمت : يلا ديروا بالكم على حالكم اوك..
ملاك: تمام ماما انشالله.,
وسكرت الخط,,.
آمنه: شقالت؟
ملاك: قالت ان طرشت السواق يجيب ملابسي وملابسك عشان ننام عند دلع وبعدين لازم بكرا نجتمع ببيت عمي بو تركي, قالت امي عشان ماتقعد بروحها وتحبس نفسها اكثر مو زين,…
آمنه: طيب يلا خلي نكلمها عشان ننام عندها
ملاك: انا اقو لان مانكلمها وننام بغرفة ثانية عشان ماتتضايق
آمنه: شفيج انتي نسيتي ان الغرف مسكره كلها (مقفوله)..
ملاك ضربت راسها: ايييي صح نسييت ,, طيب ننام بالصاله
آمنه: يالمجنونه شدراج اذا احد دخل علينا فالليل.؟؟
ملاك اووف طيب يلا قومي خلي نروح لها,.
قاموا ملاك وامنه
وتوجهوا لعند غرفة دلع,.
طقوا الباب,.
ملاك: دلع ..دلــــــــــــــع
امنه : دلع الله يخليج فتحي الباب مو زين لج
ملاك: طيب ارحمينا نحن من الصبح نقولك فتحي الباب,, طمنينا خايفين عليج يلا فتحي الباب
امنه: واذا ماتبين نكلمج قولي,. بندخل ننام ,لان وصونا ننام هنا..واذا ماتبينا ننام هنا نحن خايفين عليج ومصرين ننام عندج وبنقعد للصبح حتى لو ماتحبينا ولاتخافين علينا نحن نخاف عليج و……
امنه ماكملت كلامها والا ينفتح باب الغرفة
دخلوا الغرفه
كانت الليتات مطفيه, بس انوار خافته من قرب السرير,.
والغرفة باااااااااارده والسرير معفوس فوق تحت
لفوا رؤوسهم ورا الباب
وجافوا دلع وانصدمــــــــــوا
تحت عيونها سووووااد مو طبيعي .. بشرتها البيضة تحولت للون اصفرررر ومبينه دموع كثيره على خدها,.
واللي يجوفها يعرف انها ضعيفة وهلكانه ,. ماوعوا الا ودلع تطيح عالارض مغمى عليها,.
امنه وملاك صرخوا وراحوا عندها
حملوها الين السرير وخففوا عالمكيف ., لحفوها باللحاف عدل
امنه:انا بروح اجيب ماي بارد ومنشفه لراسها,.
ملاك خايفه:طيب.
راحت امنه تحت والا يرن جرس البيت
فتحت الباب وخذت الملابس والاغراض من السواق
وسكرت الباب
اخذت ماي بارد ومنشفة والاغراض لغرفة دلع
وسكرت الباب وقفلته
ملاك كانت نحط المنشفة بماي بارد وتحطه على راس دلع
اما امنه كانت تفرش لها ولملاك فراش عالارض عسب ينامون..
ملاك: دلع……دلــــــــع ××وتضرب خدها عالخفيف عشان تصحى×× دلع تسمعيني
دلع حركت راسها
وفجاه بطلت عيونها وقامت وجلست جمب ملاك
مسكت راسها ….
ملاك وامنه : فيج شييييي؟؟؟؟
دلع: لالا مافيني شي..
ملاك وامنه جلسوا جمبها وكل وحده مسكت يدها من صوب
ملاك: حبيبتي دلع مايصير تسوين جذي بنفسج حرام عليج
دلع: أي حرام ياملاك أي حرام,, باعوني,, ابوي باعنـــ
قاطعتها ملاك بعصبيه: خلاص يادلع , محد باعك وابوكي خايف عليج .. طيب خلاص حسي فيه هو تعبان وخايف عليج ومو عارف شيسوي .. يبيج تكونين بامان..
دلع سكتت ونزلت راسها
ملاك تنهدت وحضنت دلع: انا اسفه, بس دلع والله تعورين قلبي لمن اشوف حالتك كذا صعبه!
دلع بصوت صياح : اذا انتي كنتي مكاني شبتسوين..
ملاك ابتسمت : بالاول اكيد راح ازعل وكذا , بس لمن افكر واعرف ان ابوي خايف علي راح ارضى , لان هذا الواقع وهذا اللي لازم يصير.
امنه : صراحه يادلع , انتي دلوووووووووووووووووووعه وطفشتيني يلا انا بروح انام ( وامنه قامت من عالسرير وطاحت عالارض)…
ملاك ودلع : هههههههههههه
امنه : اااااااااايي
دلع: احسن عشان كذا تقولين لي
امنه ضحكت : هههه ترى تعمدت اسوي كذا عشانك
دلع ابتسمت
ملاك: طيب يلا ننام عشان بكرا الجمعه نسيتوا؟
دلع بطفش: مابي اروح
ملاك:ليييه؟
دلع :بس ما ابي اجوف حد..
ملاك: لا لازم تروحين
دلع : بس..
امنه نطت عندها وقالت: لا بس ولا شي
دلع : هههه بسمالله شفيج
امنه:ههههههه لازم اصير مجنونه عشان ترضين
ملاك يلا ننام..

______عند رعد _____

توه سكر التلفون من ابوه
وواقف منصدم من اللي سمعه
بتزوج!!!!!!!!!!!!!!
انا بيزوجوني!!! ليه بنيه
لا ومن بعد ,, دلــــــــــــــــــــع
ضرب يده بقوووه عالجدار
معصصصصصصصصصصب حده ويحس انه عروقه شوي تطلع بس مابيده حيله ,, عشان عمه
واذا ماتزوجها
عمه اذا مات الكل بيحتقره
لالا ماهمني من يحتقرني المهم اعيش حياتي مابي اتزوج
لالا انت وش تقول فكر مثل ماقالك ابوك
تذكر اللي قاله ابوه
*** فكر تفكير رجاجيل ياولدي , انا اعرفك زين وعمك حطك بثقته وخلك على قد المسؤووليه , الكل يعتمد عليك انت.. ووو………..
………….. وعرسك بيكون الاسبوع الجاي مادام انك بتجي بكرا , انا مابقول لحد انك جاي عسب يكون مفاجآه لامك و…….**
قعد وهو مقهــــــــــــــــــوور
وانا ناقصتني هالدلع
ياليتني ماقررت ارجع.. ولا قلت له اني جاي
حس نفسه مخنوق
اتصل بسالم بس جواله مقفول
رمى الجوال بعصبيه على الجدار وانكسر..

………………………………….
>> يوم ثاني ,,, الساعه 10ونص ببيت بودلع<<
قامت امنه ودخلت اخذت شاور وطلعت بالروب
راحت تقوم ملاك ودلع
مو راضيين يقومون اببببد
لانهم كانوا سولفون وناموا متآخر
عصبت امنه وجابت ماي بارد وكبته على وجههم
ملاك ودلع : آآآآآآآآآآآآآآآآآآآآآآآآآآآآآآآآآآآآآآآآآآآآآآآح
امنه انسدحت ضحك:هههههههههههههههههه
دلع شهقت : اهــــــــــــــــــــــــىء يالمجنووووونه
ملاك: كم مره قلت لك مو زين كذا تسوين
امنه :هههههههههه شسوي ماكنتوا راضيين تقومون
ملاك: روحي البسي ملابسج بعدين تكلمي
امنه بغرور لفت وراحت
لبست قميص احمر كت عليه حركات بالاسود وجينز غامج واكسسوارات سوده وحمرا , وصندل احمر وحطت ايلاينر وروح احمر صارخ.
اما ملاك لبست فستان سماوي روووعه عليها , عليه حرمات من الصدر وبعدين ينزل لحد الركبه ,لبست معه صندل سماوي ورفعت شعرها وحطت ميكاب خفيف وروج وردي..
ملاك: يلللاآآآ دلووووووووووعه تآخرنا
طلعت دلع: طيب طيب
ملاك: اوووووووووووه شهالجمال *وغمزت لها*
دلع بغرور: طوول عمري كذا احم
دلع لبست قميص بنفسجي غامج كت(بدون اكمام) وطالع حلو عليها وشورت لنص الفخذ لون ابيض , ولبست لها اكسسوارات بنفسجيه وكعب لون ابيض, وخلت شعرها طبيعي ستريت(سيده , مصفف) بس مشطته وحطت لها مكياج خفيف وفحمت عيونها بالكحل..
ملاك: اقول لاتصدقين نفسج
امون: يلا السواق تحت ,, الحين قريب وتصير الساعه 12…
راحوا البنات لبسوا عباياتهم وشيلتهم وركبوا السياره!..
………………………………………….. …

ـــــــــ ببيت ابو تركي ــــــــــ الكل مجتمع ـــــــــــ
ْْ×××بصوب البنات ××× ْ
وداد: تآخروا وايد
لولو(لُبنى): أي ادري
وداد: اخاف دلع للحين حابسه نفسها
لولو:لا ماعتقد
ودود: انزين امشي نروح عند سارو وفطوم
لبنى: يلا..
سمعوا صوت الباب ينفتح
الكل بالصاله تلفت وجافوا دلع وملاك وامنه
ودخلوا سلموا وبعدين جلسوا عند البنات
وداد: الا مابغيتوا تجوووووونن!!!!
امون: أي اقولج ,الاختين راقدين ومارضوا يقومون
وداد : هههههههه اكيد صبيتي عليهم ماي
امون: أي طبعا ماقدر
البنات : ههههههههههههههههههه
ملاك :مالت عليج وعلى ويهج
لبنى: هي انتوا ماتدرون شصار قبل شوي
البنت كلهم: وشو
لبنى: ههههههههه وداد ضربت بتركي
البنات : هههههههههههههههههههه
ملاك: كيف؟
لبنى: الاخت دخلت مجلس الشباب على بالها محد موجود, ماوعت الا وتضرب بصدر تركي , وكان يناظرها فركضت فوق لعندي وهي شوي بتصيح هههههههه
البنات: ههههههههاااااي
وداد ببرائتها : اقول سكتوا سكتوا احسن
لبنى: لا ومع اللبس هذا تسوين اغرائات
وداد صار وجهها احمررررر: بس سكتي
والبنات قعدوا يضحكون عليها
وداد لابسه فستان ازرق غامج حلو ويبرز لون بشرتها, مسويه بشعرها تسريحه ناعمه وميكاب خفيف , فستانها كت ويوصل لفوق الركبه..
اما لبنى لابسى فستان اسود للركبه وعليه حركات من عالصدر بالفوشي ولابسه صندل فوشي وخلت شعرها مفتوح ..
فاطمه لابسه قميص فوشي كت وسكيني اسود ولبست فوق القميص بليزر (جاكيت رسمي) ورفعت الاكمام ولبست اكسسوارات فوشيه..
ساره لابسه قميص كت ابيض وشورت اسود , ولابسه معه اكسسوارات بيضه وسوده وفوشيه ولابسه كعب فوشي وحاطه روح وماسكرا…

ــــــــدخلت ام تركي عالبناتــــــــ
ام تركي: اخباااااركم بنوتات
البنات: تمام خالتي وانتي؟
ام تركي: دووم انشالله , وانا بعد الحمدلله تمام
لبنى: خالتي متى الغدا جوعانه.,,,
ام تركي : الحين بيجهز
ملاك: انتي كله جوعانه بسج بتمتنين
لبنى: انتي محتره من وشووو؟؟!!! كيفي
ملاك: مالت على كثر ماتاكل ماتمتن تتم ارشق وحده
لبنى: اححمممم احممم
وداد: لاتصدقين نفسج ولا وحده منا دووبه , كل بنات عايلتنا جسمهم احلى من الثاني..,,
لبنى: سكري حلجج
فجآه البنات صرخووووووووا
واشروا على راس لبنى وقالوا: صرصووووووووررر أأأأه
الصرصور يعني ( الزهيوي – الحشره السوده المقرفه)
وطلعوا البنات يقولون يضحكون
لبنى وقفت مكانها الين ما استوعبت
وركضت لين باب الحمام اللي مقابل مجلس الرجاجيل
كانت تدق الباب وتصارخ وفجآه طلع خالد
هي مو مستوعبه شكلها فبس تصارخ: آآآآآآآآآه الحقني صرصووووووررر
خالد تم يطالع فيها تتنقز ويتاملها لان اصلا مافي صرصور
لبنى عصبت وهي تصيح: هههههههههييييي شيل الصرصور
خالد قرب من وجهها حيييييل وقال: حبي مافي صرصور عليج
لبنى صارت تصيح بهستيريه لان هي من صغرها تخااااف من الحشرات ودايما تصرخ وتصيح ..,, وصارت تلعن وتسب البنات.,,
خالد كان يمسح على راسها ويتآملها وعيونه شوي وتطلع ويطالع فستانها الاسود القصير ,..
فجآه لبنى استوعبت وبعدت يده : ياحمار بععععدد عني
وراحت تركض ووجهها احمـــــــــــــــــــــررر
لبنى عدلت شكلها وراحت المطبخ
اخذت عصير كوكتيل ودخلت مجلس الحريم من الباب اللي ورا
وتمشي بخطوات ماتنسمع لان كان ازعاج وراحت ورا الكنب اللي قاعدين عليه البنات يعني هم معطينها ظهرهم ومانتبهوا لها!…
كبت العصير على شعور البنات بحركه سريعه وهم قاموا صرخوا بصوت عاااااالي من برووده العصير على راسهم!!..