روايتي الثانية: يا صاحبي راحت سنين العمر طيش بين الهنا و الضيق ساعه و ساعه 2024.

رواية عن مجموعة من الشباب بتكوون مواقفهم حلووه و بتاخذوون منها العظه و العبره

بيووم الاحد الساعه 6 الصبح
ساري : يالله صبااح خخير
ام ساري : شفيك تتحلطم من الصبح
ساري: شاوون ما اتحلطم و اليوم الاحد
ام ساري : ههههه طووول عمررك تكره هاليوم
ساري : ايه بانه كريه
ام ساري : اقوول اكل بس اكل ولا تتأخر عن المدرسه يالله عاد ترى هانت مو باجي لك الا شهرين و تتخرج و تفتك من الثانوي
ساري : اخخ اطلع من الثانوي بجهة و ادخل الجامعه بججهة ثانيه
ام ساري : اقوول تووكل على الله هذا و انت تبي طب
ساري : ادعي لي بالتوفيق يما ادعي
ام ساري : مووفق ياولدي موفق ان شاء الله
طلع ساري من البيت و راح للمدرسه مشي

اعرفكم عليه سارري يتيم الاب عمره 17 وحيد امه ساكن مع امه بالبيت ما يتخلى عن امه ابد حنون عليها و يطيعها و ما يعصي اوامرها شوي خجوول و مو تقولون استغفر الله ريال و يستحي بالعكس حلووه صفة الخجل لان الرسول صلى الله عليه و سلم كان مشهور بحيائه ، مواصفاته طويل و ابيض عيونه خضراء شعره بني مملوح

نكمل لكم ببيت ضياء
ضياء : دانه قوومي بسررعه اوصلج ما عندي وقت
دانه اخته : اووووف انطرني بسووي شعري
ضياء : فاضي لج انا يبا خلي ابوي يوديج انا بروح رفيجي ينطرني
دانه : ضيااء تكفى انطرني
ضياء : اففف خلصيني
صعدت دانه لدارها و مسكت شعرها ربطته ذيل حصان و نزلت بسرعه اخذت جنطتها و لبست انعالها
دانه : يالله ضياء خلصت
ضياء : يالله توكلنا على الله
قاموو و بطريجهم عشان يطلعون
……. : دياء بلووح معاك
لف ضياء لاخوه الصغير نادر و ضحك له : ههههه حبيبي ندوري شمقعدك هالوقت
نادر : بلوح معاك
ضياء : اممم ما اقدر اخذك ما يصير المدرسه تهاوش
نادر : انت قلت
ضياء : انا قلت اخر يوم مو الحين
نادر : خلاص الوح معاك اخل يوم
ضياء : ان شاء الله قول ان شاء الله
نادر : ان شاء الله
طلع ضياء و دانه ركب سيارته طبعاً ما عنده رخصة لكن كان عادي يسوق السياره داخل المنطقه وصل دانه للمدرسه و راح يقابل رفيجه

خن نعرفكم عليهم ضياء انسان حبوب و مررح صبوور لابععد حد يحط للشخص الف عذر ما يحب الظلم يحب اخته دانه و يدلعها لاكن الصبح ما يكون رايق لها طويل و اسمر شوي عيونه بنيه شعره اسود ملامحه عاديه
عايلته اخته دانه و اخوه نادر و امه و ابوه عنده اخ توأم لكن تووفى قبل خمس سنين لمى كانو بصف سابع بالمتوسط

عند باب المدرسه التقى ضياء مع ساري رفيجه و راحوو على مطعم ماكدونالدز الي جدام مدرستهم تماماً قعدو ينطرون الباجي على ما ايوون
ضياء : يا صباح الخير
ساري : صباح النوور
ضياء : هاه شالاخبار
ساري : هههه والله ماكوو شيء يديد
ضياء : فيك شيء !
ساري : لا والله ماكوو بس ابي اتخررج بسرعه
ضياء : ووويه ححتى انا ابي اتخرج ابي اصير دكتور على طوول
ساري : ياررب تتحقق ككل احلامنا
ضياء و اثنين من وراهم : امممين ياررب اجمعين
لفو لهم و ضحكو
البراء : هههههه اشووف خلاص طقت جبودكم من الدراسه
المنذر : هههههه ما الوومهم والله خلاااص ما صارت احس هالاشهر تمر ببطئ
ساري : انشهد و ابطئ من البطئ نفسه
ضياء : اقوول ساري اكل بس اكل و سد حلجك
ساري : هههه والله هذا الصج
البراء : شباب شرايكم اليووم نسحب على الدوام
ساري : لا لا اسف ما اقدر و بعدين انت ما تعررف امي تجكني حتى لو الوضع عادي و عاد تدري الخخبر ينتشر عند الككل
المنذر : اقوول عقلوو بس اليووم شنو عليها رياضيات و قال الاستاذ بيغيب و اليوم حصتين و احياء عاد كلنا نححب هالماده
ساري : لا لا شلوون نسيت اليووم حصتين فيزياء بياخذ الاستاذ حصة الرياضيات وحده
الكل : اوووهووو و بعدين معاه هذا ما يمل
ساري : مستححيل احنا دايم نخليه يطلع من الحصه معصب و مع ذلك متخملنا ما ادري ليش
البراء : عادي اهو مصخرره
المنذر : اقوول شباب كاافي حش احس صرنا نفس البنات ما يتيمعون الا و يحشون
ضياء بضحكه : هههههه الا على طاري الحش تخيلوو شباب دخلت للبيت يوم اليمعه كانت دانوه اختي عازمه رفيجاتها انزين دخلت و مريت من عندهم الله وكيلكم اول ما صعدت الدري و اختفيت عن انظارهم الا و بدوو حش فيني مو من صجهم هذا و اهو ما صار لهم الا عشر ثواني بس شافوني
ساري : هههههههههه الله يعينك عاد رفيجاتها ملسوونات بعد عنهم
ضياء : ههههه ايه ادرري مو قعدو يمصخرونك المره الي طافت
ساري : انشهد مصخروني لكن انا راويتهم الشغل و حطيت على الكيك حقهم ملح بدال السكر لمى كانت تطبخه الخدامه
المنذر وهو يشوف الساعه : اقوول تحركو يالله بيبدأ الطابور بعد دقيقتين
الكل قام و راح للمدرسه راحو لصفهم و وقفو طابور
المنذر بهمس : ووويه رحنا فيها اليوم اشراف فيزياء بعد زياده على الحصتين صبحنا بويهه
ساري : اسكت بس اسكت الله يعين
بدو يحيون العلم و بعد التحيه راحو للصف
و بصفهم 12/ع1 ع يعني علمي <طبعاً ما صارو بصف واحد الا بواسطه المنذر الي عمه المدير
ساري : استاذ حمد تكفى ما نبي درس اليوم
استاذ حمد : ووويه غريبه انت الوحيد الي تقول اشرح اما الكل يقول لا
ساري : اليووم كلش مالي خلق لشيء
استاذ حمد : خلاص ولا يهمك يا ساري عشانك نوقف اليوم و ما نشرح
ساري بابتسامه بشوشه كالعاده : بيض الله ويهك استاذي
راح و قعد مكان و اعلن الاستاذ انه مرح يشرح و بيتركهم و يروح يقعد بالقسم يتريق لكن ما يسمع صوت او اي واحد يطلع من الصف و الكل هز راسه بالموافقه
البراء : اوووف احنا نحاول فيه من الاسبوع الي طاف و انت بكلمة وحده اقنعته
ساري : شفتو شلوون هذا كله لاني احترمه و يحترمني
المنذر : يعني احنا ما نحترم
ساري : مو عن لكن انتو بس تبونه ما يشرح عشان جي ما يسمع لكم
تركي واحد من زملاء الصف : شباب اليووم شرايكم تروحون للمسيله
ساري و المنذر و البراء وضياء : لا اسفين
تركي : افااا ليش
ساري : هالمكان ابداً مو من مستوانا ولا يشرفنا نرووح له اهالينا مربينا عدل ولا يمكن ننحرف عن هالتربيه
المنذر و البراء و ضياء : صح كلامه
تركي : بس اهناك شغل عدل و بيعجبكم هناك بتلقوون بنات اوووف ناااار
المنذر : لو سمحت تركي احنا قلنا مرح نروح لان تربيتنا ما تسمح لنا و اذا انت تربيتك تسمح لك تروح و تشوف هالاشكال فهه و نعم التربيه
تركي : شووف المنذر انا ما علطت عليك ولا تغلط على تربيتي
المنذر : انا ما قلت شيء غلط ولا انت جاك بتربيتك
عض تركي شفايفه بقهر و قام عنهم و راح
ساري بضحكه و هو يضرب المنذر على ظهره علالخفيف : عاااااش المنذر عاااش خوووش رد سراحه تعجبني
المنذر بابتسامه : ههههه افا عليك و بعدين هذا واحد قليل ادب و لا يمكن نطاوعه بيووم من الايام عدل شباب ولا مو عدل
الشباب بصوت واحد : عددل كلامك عدل
البراء : شباب احنا كلنا مخططين على كلية الطب صح
الكل : ايه صح
البراء : عندي لكم خطه بعد ما نتخررج ان شاء الله
الكل : قول شنو
البراء : لا مو الحين خلها بعدين كل شيء بوقته حلو
الكل : اووك براحتك
ضياء : شباب انا اليووم عندي مفاجئه لكم
ساري بملل : ادري كالعاده مستاجر شاليه و تبينا نسهر فيه

ساري : معرووف هذي مفاجئاتك دايم
البراء : بس اليوم الاحد جان خليته الخميس
ضياء : ما فكرت فيها
ساري بابتسامه : على ككل حال انتو روحو و استانسو انا ما اقدر اترك امي بروحها بالبيت
ضياء : وووويه نسيت اعذرني ساري ما كان قصدي
ساري : عادي ولا يهمك
ضياء : اقوول بلا هالروحه و خن نروح للمجمع بعد شوي لعيوون ساري
ساري بابتسامه : تسلملي
مر الوقت و دق جرس الفرصه طلع الكل الا المنذر كان ينقل شيء من الصبوره على دفتره قال لربعه يروحون و اهو بيلحقهم
تركي : اشووف العصابه موو حوولك الحين
رفع المنذر راسه : تركي شفيك ؟
تركي : عيل انا قليل تربايه هاه
حط المنذر ريل على ريل و قال بثقه : انا ما قلت هالكلام انت الي حطيت اني قلته
تركي : بتشووف يا المنذر بتشووف شنو بسووي فيك و صدقني لا يمكن اتغاظى عن الي قلته
المنذر بضحكه قهرت تركي : ههههههه اكبر همي انت بابا انا لا يمكن انزل مستواي لواحد مثلك سمعته معروفه على لسان
تركي و هو يعض شفايفه بقهر : شووف يالمنذر ان ما سحبت كلامك لتندم على كل حرف قلته
المنذر : ههًههههههه مررح اسحبه و بشوف شنو بتسوي
تركي : بتشوف بتشووف و صدقني بتندم اشد الندم
المنذر قام من مكانه و عطى تركي طاف و مشى رايح لربعه
تركي : مطنشني هاه انا اراويك
طنشه و كمل طريجه
ساري : منذر احنا اهني
المنذر : المنذر مو منذر
ساري : اسفين غلطان المنذر
ضياء : شعندك تأخرت الفرصه باجي لها ثلاث دقايق و تخلص
المنذر ؛ شفت تركي يا للصف عشان يتكلم معاي و قال ………….. الخ
البراء : خ يووولي قليل الادب هذا
ساري : استغفر ربك لا تضحك عليه تبتلي
البراء : استغفر الله اللهم لا شماته ما اضحك عليه لكن هالانسان سيرته على كل لسان و مع ذلك مستمر باللي يسويه و عادي عنده عاق بوالديه ولا يصلي ولا يصوم و طايح اربع و عشرين ساعه بالمسيله و الشاليهات و ما خفي اعظم
ضياء : خلاص يالبراء لا تحش بالريال خ يولي و بعدين انت شلون مت وقفت حش ما تخيلت شكلك و انت تاكل لحم شخص حي ولا عاجبك هالشيء
البراء : استغفر الله استغفر الله استغفر الله قعد البراء يستغفر ربه
ساري : ما علينا الحين الامتحانات القصيره على الابواب و بسراحه ما اقدر اتيمع معاكم نفس قبل و ندرس مع بعض يمكن بس يومين او ثلاثه فاعذروني شباب
الكل : ما عليك ، معذوور ، لا تحاتي
مر الووقت و الكل رد لبيت و ببيت ساري بالتحديد
ساري : يما يماا وينج يما
ام ساري : هلا وليدي انا بالمطبخ تعال الغداء جاهز
دخل ساري المطبخ باس راس امه و قعد
ساري : يه يه يه شالحركات هذي برياني ربيان لي انا
ام ساري بابتسامه : يعني لمنو يما اككيد لك منو لي بالدنيا غيرك عشان اطبخ له
ساري : الله يخليج لي يما
ام ساري : ولي ياررب
ساري : اقوول يما يووم الخميس انتي بتروحين عند يدي وتنامين عنده صح
ام ساري : باذن الله
ساري : يما شرايج اخذج و اووديج لمكه
ام ساري لفت عليه : شالطاري ؟
ساري بابتسامه : ماكوو بس ابي اروح لها وابيج معاي
ام ساري : و ربعك ما تبيهم يروحون معاك
ساري : الحين تبيني اعزم ربعي و اخليج
ام ساري : ما ادري توقعت تعزمهم قبلي
ساري : افاااا تجكين بقدرج بقلبي يالغاليه
ام ساري : حاشاك يا ولدي
ساري : عيل وافقي
ام ساري : خلاص لعيوونك نروح مكه
ساري : عيل توكلنا على الله بروح و احجز اليوم
ام ساري : ان شاء الله

ببيت المنذر
رد للبيت و على طوول راح لغرفته اليووم بالهده و اهو طالع بيرد للبيت كانت بتيي لحظه موته حس بكل شيء من حوله مر بسرعه لكن لولا رفيجه ضياء جان راح طاح على السرير و هو يتذكر نظرة تركي له و ابتسامته كان ناوي انه يدعمه لكن الله نجاه الحمدلله

ام المنذر تطق الباب : المنذر حبيبي شفيك شصاير لك ويهك منصفق جنك شايف شيء جايد بطل الباب يما بطله
قام المنذر و بطل الباب حق امه و طاح بحضنها و ضمها
المنذر : يماا كنت بمووت يما سامحيني سامحيني اذا غلطت بحقج سامحيني
ام المنذر : بسم الله عليك حبيبي بسم الله عليك شفيك شصاير لك
المنذر رفع راسه من حضن امه و قال : كنت ماشي بالشراع برد للبيت لكن فجأه واحد من زملائي بالصف يسوق سيارته بسرعه و يالي يبي يدعمني والحمدلله ربي سلم يما ربي سلم و خلا ضياء يكون موجود جريب مني و انقذني دفني بسررعه عن الطريج لكن
ام اامنذر بصدمت و هي تطق خدها : لا يكوون اهو الي اندعم
المنذر : لا يما ربي سلم بس اصابع ريوله تكسرت و الحين اهو بالمستشفى
ام اامنذر : يوويلي يا ضياء الله يقوومك بالسلامه
المنذر : يما ابووي يا
ام المنذر : ايه و خواتك بعد تحت كلهم
المنذر : انزين يما تعذريلي منه برووح انام و بعدها بطلع للمستشفى اشوف ضياء
ام المنذر : معذور يا ولدي معذور انت الحين نام و ارتاح
المنذر : تسلمين يالغاليه ربي لا يحرمني منج
ام منذر : ولا منك
طلعت ام المنذر بعد ما طفت الليت و خلت المنذر منسدح على فراشه و يحاول ينام لكن مسك تلفونه و دق على واحد من ربعه

اعرفكم على المنذر وعايلته شاب خلوووق واايد لكن مشكلته ما يثمن كلامه و دايم يقط نغزات حاول يبعد عن هالفعل لكن بدون فايده كووميدي و يحب يسوي مقالب بربعه لكن مقالب معقوله و مو قويه انسان له طمووح نفس ربعه الباجي و بيتحقق طموحه ان شاء الله جريب مواصفاته طويل و ابيض عيونه و شعره سوود دايم يلبس نظارات لكن يحس شكله فيها جنه مصطفى لكن كل الي يطالعه يعجب بشكله مزيوون بالنظاره واذا شالها يحسون الناس شكله غريب لانهم اعتادو عليها
امه نفس كل ام حنونه على عيالها و تدور مصلحتهم طيبه و ما ترفض لهم طلب لكن ابوه شوي شديد و صارم لكن يحب عياله و خوات منذر و اخوانه عنده 3 خوات اكبر وحده اصغر منه بسنتين و الي اصغر منها بسنه و بعدها بسنتين و اساميهم من الاصغر الاكبر خجل و جنى و ريان <<عندنا بالكويت اسم ريان للبنت و الولد للمعلومه
و اخوانه عند اثنين واحد صغير عمره ست اسنين اسمه امجد و واحد اكبر منه لكن توفى قبل اسمه ضاري و بس نكمل

ببيت البراء
البراء : المنذر شفيك ضياء بيسامحك لا تحاتي و بعدين على شنو يزعل بالله على انه حاول يساعد رفيجه !! انزين هذا من نفسه و رغبته و الحمدلله ان صار جي ولا صار شيء جايد
المنذر : يالبراء انت ما تفهم ريله تهشمت راحت فيها كله من هالتركي الوصخ
البراء : و بعدين مع هاللسان
المنذر بتنهيده : اسف
البراء : ما علينا الحين اسمع روح لضياء و قدم له باقة ورد جي حلوه و معاها حلاو و تحمد له بالسلامه و ما يصير الا كل خير
المنذر : ان شاء الله الاا البراء ترى ساري ما يدري عن الموضوع قوول له انت عفيه
البراء : من صجك لا اككيد هذا الي بيزعل بيقول رفيجي يطيح بالمستشفى و انا اخر من يعلم
المنذر بنذاله و اهو يضحك : هههههه ادري عشان جي ابيك تكلمه عشان يحط اللوم عليك يالله سلام و بالتوفيق سكر الخط
البراء : ايا النذذل بتوهقني معاه هاه بس هين يا منذرو انا اراويك الشغل بعدين
اب البراء : اللهم سكنهم مساكنهم
لف البراء على ابوه و وراء ابوه اخوانه الكبار اثنين
البراء ببراءة : شفيك تتعوذ من منو !!
ابو البراء : منك انت اكو احد صاحي يقعد يكلم رووحه
البراء بضحكه : هههههههههه لا لا فهمت غلط يبا انا كنت اكلم رفيجي و وهقني و سكر الخط جان اول ما سكر بويهي اقول هالكلام الا انت و الي وراك داشين
ابو البراء : اها عدل
البراء : اقوول مروان
مروان : خير
البراء : شفيك جي منفس الناس يقولون خ
هلا و عيوني و آمر وانت خير !!
مروان : مالي خلق لك بروحي انحرمت من مادة اليوم
البراء : لا يكون عند الدكتور عبدالله
مروان : ايه
البراء : احسن عشان تتعلم شلوون تسحب على محاظراته و بعدين انت اخر سنه هندسه خلص و افتك
مروان : مالي خلق للدراسه شسوي المهم شنو كنت تبي
البراء : ماكوو بس ابيك تقطني اليوم على المستشفى رفيجي دعمته سياره و اهو اهناك
ابو البراء : لا حول ولا قوة الا بالله منو اهو يا ولدي
البراء : ضياء يبا
ابو البراء : الله يقومه بالسلامه خلاص انا ارووح معاك منها اوصلك و منها امر اسلم عليهم و اتحمد له بالسلامه
البراء : ما تقصر يبا
ام البراء : يالله يا عيال نجبت (حطيت-غرفت) الغداء تعالو و اكلو
قام الكل و راح للسفره و قعدو ياكلون
اعرفكم عليهم البراء انسان مسالم حححيل و ما يحب يشوف ربعه حزنانين يحب يساعد الكل و ما يبخل على احط له طموح نفس ربعه و بيحققه ان شاء الله مواصفاته طويل و ابيض عينه خضر شعره اسود له سكسوكه و معضل شوي
عايلته امه مره حازمه و تهمها مصلحه عيالها و حنونه و ابوه انسان صبووور لابعد حد و حنوون ححيل على سارري يحب ساري و يعزه نفس ولده و يحاول يعوضه عن فقدان ابوه اخوانه مروان اكبر واحد عمره 24 سنه و بعده محمد عمره 22 يستغل بالشركه مع ابوه ابوهم يملك شركة مقاولات و بعد ما يتخرج مروان من الهندسه بيشتغل فيها و عنده خواته ثنتين كبار و متزوجات توأم وحده اسمها فرح و الثانيه مرح

عند ضياء الي خليناه بالمستشفى برووحه و ما ذكرناه
الدكتور : يمكن بيصعب عليك المشي مدة ست اشهر و بتستعمل عكازه بهذي الفتره و ان شاء الله باجر بتكون عندك عمليه لان بعض العظام عندك تهششو و تكسرت منهم اجزاء و شضايا صغيره
ضياء : خطيره العمليه ولا لا ؟
الدكتور : لاما فيه اي خطووره
ضياء : عيل توكلنا على الله باجر ان شاءالله
الدكتور : يالله بالاذن
ضياء : اذنك معاك
طلع الدكتور و تم ضياء يطالع ريله والله لو تروح ريلي كلها عادي عندي اهم شيء اني ساعدتك يا المنذر
و شوي و دخخل الككل عليه و معاهم الهدايا بانواع
الشباب الثلاثه بصوت واحد : الحمدلله على السلامه يالمنذر و بعدوينك يارررب
ابتسم لهم المنذر و ضحك : هههه هلا والله باحبابي توني بس حييت
ساري : والله والشاهد علي اني خفت عليك لدرجه ما تتصورها
تجدم المنذر عند ضياء و قال واهو منزل راسه : ضياء انااسف سامحي كله مني
ضياء رفع راس المنذر : تفداك ريلي و ايدي و راسي يفداك جسمي كله
ابتسم المنذر و باس ضياء عاى راسه : ما تقصر و ربي لا يحرمني منك
ضياء : ولا منك
البراء : شباب شوي و يأذن المغرب خن نروح للمسيد و نلحق
المنذر : للحين ما اذن
ساري : صاج البراء و بعدين انت ما تقول الاذان حق تنبيه الغافلين و لا الحين راحت كلمتك
المنذر : ايه ادري بس ابي اقعد مع ضياء
ضياء : اقوول فارج بس فارج و روح للمسيد ما ابي اخخذ ذنبك كافي ذنبي
المنذر : الشرهه علي بقعد عندك
ضياء بضحكه : ههههههه ياخي انا مو مهم الاهم صلاتك ولا نسيت كلامك الي قبل لمى قلت الكل تقدر نعوضه الا الصلاة لا فاتت ما تقدر تعوضها
المنذر : مشكلتي اقول مكلام و انساه لكن يبقى معاكم الحمدلله بكسب اجر على هالنصايح الحلوه
ساري : يالله مشينا
ضياء : فمان الله
طلعو الشباب و راحو للمسيد الجريب من المستشفى
البراء و اهو يمشي : شباب قوولو امين
الكل : امممين
البراء بابتسامه : عسانا نمشي مع بعضنا لباب الجنه
ساري : اممين ياررب امين
المنذر : تصدقون شباب خايف
ساري : من شنو
المنذر : من الدنيا احسها بتفرقنا
البراء : فال الله ولا فالك مرح نفترق باذن الله
ساري بتفكير : حتى انا خايف نفسه
البراء : هاه شفيكم مو متفائلين !
ساري نفض الافكار من راسه : ما علينا خن نكمل بس كملو طريجهم للمسيد صلو مع الامام و سلمو بعدها ردو للمستشفى
ضياء : شباب ابي امشي ما ابي اقعد مليت من القعده
البراء : ههههههه و حليلك ماتدري انك بتلزق بالسرير لزق
ضياء : لاعااد لا تقولها
البراء يأشر باصبعه بشطانه : اسبووعين مواهاهاهاها
مسك ضياء المخده و حذفها عليه : ماااالت عليك الناس تخفف على المريض انت تزيد عليه
البراء وهو يحك راسه : والله عاد هذا الي بيصير ما بيدي حيله اخفف عليه بشوف اقول لك اهون اسبوعين ولا شهر
ضياء : اقوول براء اسكت لا بالانعال الي علي ترى يديده من المستشفى بيعجبك طعمها
البراء : ههههههه خلاص خلاص مرح اتكلم
ضياء : احسن
مر الوقت على اصحابنا و رد كل واحد لبيته بعد ما انتهى وقت الزياره الساعه ٧

خلوونا نرووح لعايله ثانيه ونتعرف عليها
تركي عرفتوه صح
تركي يكلم بالتلفون بغرفته : اخخ يالقهر ما قدرت ادعمه ضيائوه الحيوان بعده عن طريجي وبس دست ريل ضياء
رفج تركي اسامه : انزين انت شعليك منه
تركي : والله ما اخليه هذا يقول عني قليل ادب
اسامه : تركي اعقل و لاتورط نفسك
تركي : والله ما اخليه هين
اسامه : يا تركي انت اذا ……
قاطعه تركي : لحظه فيه احد عند الباب
راح تركي و بطل الباب جان يشوف امه شايله صينيه عليها اكل له
ام تركي : ياوليدي انت ما تغديت عفيه عشاني تعشى
تركي : ماابي و يالله الحين فارجي عني
ام تركي : بس يا وليدي ا……… ما كملت كلمتها الا و اهيه طايحه على الارض و استكانة الجاي الحار طااح على ريلها صرخت بالم
تركي بصراخ : انتي ما تفهمين صج عيوز مخرفه فارجي دخل غرفته وسكر الباب و ترك وراه مره عيوز عاجزه عن الحراك بسبب ريلها الي انحرقت من الجاي الحار و من الاغراض الثجيله الي طاحت عليها استندت على الطووفه و هي تتحسب على حظها بهالولد
عند تركي داخل الغرفه
اسامه : ترركي شنو هالصووت شفيك على امك
تركي : ما عليك منها هالعيوز
اسامه : تركي هذي امك عيب عليك و بعدين سمعت صرختها شصار عليها
تركي ببرود : عادي طاحت عليها استكانة الجاي و المواعين
اسامه بصدمه من رفيجه الي تغير وااايد ما كان يدري انه بهذي القسوه لكن تشجع و فكر يغيره
تركي : شفيك ساكت
اسامه : هاه لا ماكوو بس تركي هذي امك حرام عليك تسوي فيها جي
تركي : وانت شعليك مني اسوي الي اسوي انا حر
اسامه : لا لكل حريه لها حد و هي انك ماتتعدى على اي شخص
تركي : اقوول شكلك مطوول يالله سلام
اسامه : كيفك سلام
سكر تركي من اسامه وراح عند مسجلته الي بغرفته شغلها على الاغاني و انسدح على سريره و نام و اهو يسمع الاغاني الي حرمها ربي
و برى غرفته على بعد متر منه عيوز ميته من القهر و الحريجه الي بقلبها تهووون عن الي بريلها مقهوره من ولدها مقهوره من ضناتها الي ياما طقها و حرمها حتى من الاكل
اعتقد ما يبيله تعريف بتركي لانه انعرف طبعه لكن بعرفكم على عايلته امه ساكنه معاه بالبيت عندها ثلاث عيال كبار كلهم تزوجو ولا عاد سألو عن امهم و ابوهم نفسهم تزوج عليها على اساس انه توه شباب و ساكن مع زوجته و عياله منها بعيد عن زوجته الاولى فعشان جي تركي مهمل امه تعرف على صحبه سيئه غير اسامه الخلوق و تغير حتى على رفيجه اسامه صار كل يوم يحرق قلب امه يطقها يرفع صوته عليها يحرمها من الاكل من الماي حتى مان الخدامه الي تيي تحرص عليها و حرمها من الملابس اليديده كان بيتهم فخخم لكن حط امه بغرفه صغيرن فيها اسفنجه مقطعه تنام عليها و لحاف خفيف حتى عصفور ما يدفيه و رافع على المكيف حده
قامت ام تركي من الارض و لملمت شتات قلبها مع المواعين و راحت للمطبخ قطتهم فيه و قامت تغسلهم و هي تدعي ربها يهدي ولدها ويرأف بحالها راحت بعدها لغرفتها البارده الي يدخلها يحس انه بالشتاء مو جنه الجو برى بعز الصيف و الكل يعرق منه الا اهيه كانت محبوسه بهذا البيت ما تطلع ذابحها البرد اربع و عشرين ساعه تحاول تاخذ لها بطانيه اثقل من الي عندها حتى بدون علم ولدها لكن تخاف يعرف و وقتها يطقها و يمكن حتى يحرمها من عالشرشف الخفيف الي عندها مسكت الشرشف بطرف اصابعها الي مليانه تجاعيد تحكي عن حياة شقى عاشتها بهالدنيا لفت هالشرشف على جسمها النحيل الي يشوفه يقول هيكل عظمي و سكرت الستاره و نامت على امل ان بكره بيكوون احلا و يمكن بكره يحن قلب ولدها عليها و بالفعل صارت كل هذي الاشياء لكن مو بالواقع للاسف لا صارت هالاشياء بعالم الاحلام الي كل شيء مستحيل بهالدنيا بهالعالم ممكن نامت و هي راسمه على طرف شفايفها المتجعده ابتسامه امل ان باجر باذن الله اجمل من اليووم