روايتي الثانية : هل في يوم أحب ؟ و إلا الحب خيال في خيال ! , كامله 2024.

السلام على جميع الاعضاء المتواجدين

بعد اقبال على روايتي الاوله ((أنا سراب؟ أم انتقامي سراب !!)))

رجعت لكم بروايه مختلفه عن الاولي

روايتي تحمل عنوان

:::::هل في يوم احب؟؟ ولا الحب خيال في خيال !!:::::

وهي روايه من نسج ونسخ افكاري وخيالي

هل مره ما راح ادخل بمقدمات راح ادخل سيده على الروايه

@@@@@@@@@@@@@@@@@@@@@@@@@@@@@@@@@@@@

في غرفتها المظلمه والبارده جلست تشاهد التلفزيون بأنتباه شديد مو قادره ترفع عينها عن التلفزيون
قالت وهي تطالع : لا القاتل راح يمسكهم انحاشوا هبارا إيومي انحاشوا لااااا
وفجئه ينفته الباب بسرعه وصوت يقول : ما خلصتي ؟؟!؟
قامت صارخت بقمة راسها : آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآآآآآآآآآآآ
ساره تحط ايدرها على اذنها : وجع فقعتي طبلة اذني
قالت وهي تحط يدها على قلبها إللي تسارعت دقاته من الخوف : منو خوف منو بغت تجيني الجلكه من
طريقة فتح الباب ظنيت المجرم طلع من التلفزيون
ساره وهي تبطل اللمبات : محد قالك ما تفتحين النور وانت تطالعين هذا الرعب أنا اشك انه كرتون اطفال
قالت : ااخ بس لو عندي ذكائه كان سويت العمايل
ساره :اقول يا عائشة الطفوله تعالي ما قلتيلي وين راح تدخلين ؟؟؟!؟
قالت :راح ادخل الجامعه تخصص هندسة بترول
ردت عليها : بس مو كأنه صعب عليكي رين
رين ردت : بالعكس هوايتي الشيء الصعب اموت عليه
ساره بضحكه : ههههههه انتي عكس الناس الناس تدور السهل وانتي الصعب
رين وهي تلم شعرها الكشه : انا ابي افهم اشمعن اشعوركم ناعمه بس انا الوحيده كشه
ساره : بالعكس تشيهين مريام فارس بشعرها
رين وهي تطالع وجها في المرايا : ابي اروح اخذلي شور قبل العشي بسرعه
ساره : خذي شاور على مهلك مازن راح يتأخر اليوم
رين : ليش ؟؟!؟
ساروه : والله ما ادري بس هو قال ارح يتأخر واحتمال يجي على العشاء واحتمال لا
رين : انزين ومنو راح يودينا بكره؟؟!؟
ساره : انتي بالشالجر مالت مزون
رين بقهر : أخ يالقهر ولله قهرانه ما نقدر نشترى سياره
ساره : قولي الحمد الله على كل حال
رين : انزين يالله بره ابي اتحمم
ساره طلعت ورين على طول لللحمام تتحمم وهي تفكر شلون تغيرت حالهم

خلوني اعرفكم بعايلة ابو مازن
ابو مازن كان رجل اعمال معروف خسر كل فلوسه و مات وخله زوجته واعياله ابروحهم كان وحيد امه وابوه
وعند ولد عم راح تعرفونه بعدين
ام مازن : لبنانيه تعرف عليها ابو مازن بلبنان وحبها وتزوجها مرأه طيبه وحنونه
مازن :24 سنه ضابط شرطه يموت على رياضة المشي عشان كذا جسمه رياضي متناسق ربعه قالوله
شيل اثقال بس هو رفض بشرته بيضاء وشعره اسود واعيونه زرقاء على امه
اسيل : 22سنه متزوجه من ولد معارف ابوها عندها جاسم 3 سنوات نسخة امها بس اعيونها سود على ابوها
وبشرتها خمريه وهذا إللي زاد حب زوجها لها
ساره : 20 سنه تدرس في الكليه الاساسيه تخصص انقليش ساره جمالها هادي شعرها اسود نفس مازن وطويل
وعيونها بنيه وبشرتها بيضاء جسمها حلو ومتناسق بس مائل لنحافه
رين :18سنه توها مخلصه الثانويه دخلت الجامعه تخصص هندسة بترول نسخة امها في كل شيء الشعربني فاتح
بس هي خشن عكس اسيل وامها ناعم وعيونها زرق وكبار وبشرتها بيضه جسمه نفس ساره

في منزل ابو يوسف ولد عم ابو مازن

ابو يوسف : مازن تره مكانك في الشركه بعده إذا تبي بعد الظهر
مازن : والله ما ادري يا عمي اخاف ما اقدر اوفق بين شغلي وشغلي معاك
يوسف يتدخل : لا تقول لا يا مازن الشركه ما تسوي شي بدونك
ابو يوسف : عد ما تقدر ترفض يوسف مو اي احد يمدح لازم يكون عزيز
يوسف بثقته المعتاده : وانا اقدر على بعد مزون
ضحك مازن على كلمت مزون
ابو يوسف : ليش تضحك يا مازن ضحكنا معاك
مازن : كلمة يوسف مزون ماتقولها غير رين
ابو يوسف : الله على رين من زمان عنها انا اذكرها وهي صغيره
يوسف يتذكر بعدين قال : لا تكون ام كشه
مازن : لو تسمعك كان اقلبت الدنيا حريق
يوسف بغرور : وهي تقدر على
مازن : طول عمرك حاط دوبك بدوبها ما ادري ليش ؟؟!؟
يوسف : قصدك العكس
ابو يوسف : خلاص الجمعه الجايه قول للوالده يا مازن الغدا عندنا
مازن : بس يا عمي….
ابو يوسف يقطعه : لا بس ولا شيء راح تيون انا بحسبت عمكم ولا تنسي هذا يوم جمعت الاهل
وافق مازن بعد اصرار من عمه ابو يوسف عليه

اعرفكم بعايلة ابو يوسف
ابويوسف : رجل اعمال معروف يصير لابو مازن ولد عمه
ام يوسف : مرام طيبه وزينه بس اتقي شر الحليم إذا غضب يا ويله إللي يعصبعا
يوسف : 25 سنه مغرور لابعد الحدود حاصل على ماجستير في ادارة الاعمال جماله رهيب شعر اسود
اعيون عسليه لون بشرته اسمر بي السمار الحلو جسمه رياضي ومعضل بسب ممارسته لحمل الاثقال
رذاذ : 20 سنه تدرس في الجامعه تخصص هندسه المعماريه جميل نفس اخوها بس هس بيضه
وشعرها بني طويل لاخرالظهر وعيونها عسلي

@@@@@@@@@@@@@@@@@@@@@@@@@@@@@@@@@@@@

راح انزل بكره بارت اطول عشان تعرفون القصه

سلامي

حقوق الطباعه و التأليف و الكتابه ل….نار الانتقام

اشكر كل من الزعيمه و توكاتيتو على مرورها الطيب

وقول لتوكاتيتو موقف بأذن الله

إليكم تتمة البارت السابق

$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$ $$$$$$$$$$$$$$$$

في اليوم التالي رين كانت تنتظر ساره في السياره
ركبت ساره وقالت : ريون شوي شوي ادري بسياقتك سياقةالصبيان احسن منج
رين : لا يا شيخه بس
رجعت السياره و شغلت cd وحطت اغنيه راشد وحسين الغرقان

جيت وش جابك حبيبي من بعد طول المغيبي
ولا ناوي يا حبيبي تغرق الغرقـان اكـثر

تقـول اني ما اهمك يا برودة والله دمك
كنت فى عيني اضمك وتغزل بك واسهر

اللي جابك هو حبي ولا شئ مستخبي
يالي ساكن وسط قلبي ليه من حبي تنكر

انت فى دنياك لاهي وعن حبيب القلب ساهي
التغلي مو تباهي حس بشوقي وتذكر

يا دروب الحب صيحي ويا دموع العين طيحي
صرت من بعده جريحي وقلبي عن غيره تسكر

روح يا طاير وقله قلبي فىه ألفين عله
الحياه بعده ممله وحالى من بعده تدهور

وصلت ساره لكليتها و وصتها تسوق شوي شوي وراحت رين على الجامعه اليوم اول يوم لها
وطبعا تأخرت بسبب الزحمه بس لحسن الحظ لقت الدكتور ماجي قعدت تلف في الجامعه هي ما تعرف احد
فيها ومر الوقت ودخلت وقت محاضرتها الثانيه دخلت لقت بنت قالت : السلام عليكم
ردت البنت عليها : وعليكم السلام
حاولت رين تفتح حوار مع البنت ونجحت في التعرف عليها كان اسمها هنوف هي نفس تخصص رين
وستانست رين عليها لان باختصار هنوف مجنونه نفس رين

عن مازن بلغ امه عن عزومة يوم الجمعه إللي باقي عليها يومين و وافقت امه تروح مع البنات
مازن وهو ينزل ولا يرن تلفوته شاف لقه يوسف يتصل بك رد بابتسامه : السلام يويو
يوسف بعصبيه : يويو بعينك شايفني جاهل جدامك عشان تقول يويو
مازن بضحكه :ههههههه كل هذا على كلمه
يوسف : تعرف اني اكره هذي الكلمه من وانا ياهل
مازن : انزين يوسف شنو بغت ؟؟!؟!
يوسف : والله الوالد هو إللي دازني ادق عليك يقولم لا تنسي يوم الجمعه وإن ما جيت انا راح ازعل
مازن : من تقصد بالزعل انت ولا هو
يوسف: اثنينا
مازن : خالص قوله تم
يوسف بفرحه : يعني راح تجون ؟؟!؟
مازن : نعم اي اوامر ثانيه مستر يوسف؟؟!؟
يوسف بغرور : لا ما ابغي يمكن بعدين
مازن : اقول اقلب وجهك عطيتك حجم اكبر من حجمك
يوسف : يا اخي احترم فرق السن بينا
مازن : كلها سنه وذالني فيها تقول 10 سنين اخلص تره بسكر بوجهك
يوسف : ابي اقابلك الحين
مازن : ما اقدر عندي دوام انا رايح الحين
يوسف : كم مره قلتلك خل شغلك وتعال عندنا بشركه بس انت عنيد متي راح اشوفك؟؟!؟
مازن : اليوم كله مشغول
يوسف :أففففففففف الحين اطلع مع منو؟؟!؟
مازن : روح مع جسوم ولا مشاري؟؟!
يوسف : مادري اشوف انا بعدين يالله في امان الله
مازن : مع السلامه
سكر مازن وطلع بره ولا يلقه صديق عمر خالد ينطره من قبل ما يدق يوسف
خالد : كان تأخرت بعد وايد مبكر كل إللي تأخرته نصف ساعه بس
مازن : اسف خلود بس هذا يويسف دق على يبغي يطلع
خالد برد عليه ولا يرن تلفونه شاف الشاشه قالو هو يضحك :ههههههههه شوف منو داق علي
مازن يناظر الشاشه ولا يضحك: هههههههههه هذا مصر شنو مقومه بدري؟؟!؟
خالد :خلني ارد عليه رد: اهلين يويسف
يوسف : هلا خلود انت فاضي ؟؟!؟
خالد : الحين توك داق على مزون وقالك عليه دوام
يوسف :وووووووووووووو نسيت انت ومزون نفس الوظيفه
خالد : انزين انت ليش ما تدق على جسوم ومشاري؟؟!؟
يوسف بزهق : ومن قالك ما دقيت كل واحد مكبره مخدته ونايم
خالد يستفسر : انزين شنو مقومك بدري؟؟!؟
يوسف: اختي سيارتها اختربت و وصلتها للجامعه يالله اقلب وجهك
خالد : اقلب وجهك انت سلام
يوسف بضحكه : هههههه سلام
سكر التلفون حرك خالد ومازن بعد ما حط حسين الحسمي شموخي

شوفي شموخي ترا غالي معي ذاتي
قلبي شموخه يساوي الف من ذاته
ان كان تقصر خطاه بعيد خطواتي
يلعب عليك وطموحه بس غاياته

قلبك يعيشون فيه اثنين هي هاتي
ترضين قلبي يسوي مثلك سواته
عندي تقولين وحدك كل رغبات
وعنده تقولين مانبغي علاقاته

صحيح كنتي لقلبي بداياتي
صحيح كنتي لقلبي كل حاجاته
دايم اداري المحبه كل حالاتي
شخص هويته نديم في مداراته

كلامي وصلك شوفي كيف وقفاتي
قلبي بفضيه من حبك مساحاته
عادي طبيعي مزاجي مو لماحاتي
من خان بعده وعجل في نهايته

عند رين
ودعت هنوف على اساس يلتقون بكره طالعت الساعه لقتها 2 العصر قالت في نفسها سارونا تخلص 3:30
يعني يالله يمديني اوصل من الزحمه طلعت للمواقف وركبت الشالجر السوده و وطلعت cd المفضل هي
ما تحب الشعر بس شعر حامد زيد استثناء حطت قصيدة غرام احباب

على ذاك الطريق اللي يسمونه غرام iiأحباب
وطت رجلي على دربه ولاأدري وش نوى iiفيني

تبعته لآخر دروبه .. ألين أن القمر قد iiغاب
تعب قلبي ، ولا تعبت مسافاتٍ توديني

لقيت الليلة الجردا : هدب ظل وسما iiواعشاب
بعد ذاك الظلام اللي يتوهني iiعناويني

صدفتك معجبه فيني وياليت..الغرام : iiاعجاب
وتراك انتي الهنوف اللي هقيتك iiتستحقيني

عطيتك عشق من قلبي..وسلمت لغلاك iiرقاب
وغيرك يحترق قلبه ولا يقدر iiيحاكيني

أنا قبلك صدفت عيون لكن ويش جاب iiلجاب؟
ترى كل العيون اللي لقتني ما iiتكفيني

رماني حظي العاثر عليك وجيت لك iiطلاب
ولا أنتي اللي عشقتيني ولا انتي اللي iiعتقتيني

تعالي واعتقي ذاك الخفوق المولع المرتاب
مهب لاجلي ، عشان الله يجازيك ويجازيني

تعدي في سما عشقي ولو عشقي خراب أصحاب
وصوني بالهوى نفسك قبل لا انتي iiتصونيني

وشيليني على متنك : خفوقٍ باريٍ iiمنصاب
ومن فوق الغرام العذب .. شيليني وحطيني

ولا منك هقيتيني شجاع وما يطيق iiيهاب
أنا لك بالهوى والله مثل ما انتي iiهقيتيني

أنا ما أمشي ورا غيرك ولو أنه يطق iiالباب
وترى عيبٍ عليّ أطعن..ولو كثرت iiسكاكيني

زهودٍ ما يطيق الدم لا داين ولا طلاب
شجاع وعارفٍ نفسي وأظن أنك iiتعرفيني

غيورٍ ماعرفت أضحك مع الغدر ببّرود iiأعصاب
أبيع عيوني الثنتين قبل أنك iiتخونيني

إذا شد الغرام .. اترك خفوقي : بين ناب iiوناب
لفرقى تكسر ضلوعي .. ولا عشقٍ يوطّيني

أنا رجلٍ ولي غيره .. وإذا شفت الهوى iiكذاب
تثور بقلبي الفزعه ولا تهدى iiشياطيني

سؤالك لو يزعزع بي كياني ما قبلت iiعتاب
اجي لك وأسالك نفس السؤال اللي سألتيني

عن العشق القديم أبواب .. تقفيها كثير iiأبواب
بعد ذاك الحبيب اللي خدعني وانخدع iiفيني

أبي عشق تحسب له كل نظرات العيون iiحساب
وابي قلبٍ علي قلبي ، وابى دينٍ على ديني

وابي نظرة عطا توفي ولا تخلف بدون iiأسباب
وابي منك قبل لا نتي تصديني .. توديني

وابي دربٍ على العذال صعبٍ ومتعبٍ وغلاب
وابي نفس الطريق الصعب يبعدهم ويدنيني

ترى لو للقلوب عيون ولدموع العيون iiأهداب
حشى ما تنزل الدمعه لغيرك لو iiتركتيني

أنا أول من عرف قدرك وأنا توي صغير iiوشاب
وابي منك ما دام أنك عرفتيني iiتحبيني

ما دام أني لقيتك في طريق أسمه غرام iiأحباب
دخيل الله ، وبعد الله دخيلك .. لا iiتخليني

ما دام أن كل من يحيا على وجه التراب iiتراب
عسى تنساني الدنيا مادام أنتي iiذكرتيني

ونفس ما توقعت كان الشارع زحمه وبعد فتره حست بشيء يخبط سيارتها ناظرت ولا تلاقي همر داعمتها
من وره نزلت تشوف السياره ولا تشوف السياره في حاله يرثي لها نزل صاحب الهمر وناظرت له بس هو
ما تكلم كان يناظر لسياره قالت بغضب واضح : حضرتك ما تشوف عشان تدعمني
ناظرها من فوق لتحت وقال بغرور : عفوا حضرتك تكلميني ؟؟!؟
رين بغضب : لا والله اكلم الثور إللي قبالي
عصب و قال : ثمني كلامك احسلك
رين : فوق شينك قواة عينك الحين منو يصلحلي السياره ؟؟!؟
قال : والله انتي الغلطانه منو قالك توقفين ؟؟!؟
رين بنرفزه : ما تشوف الشارع زحمه واقف تبيني ادعم الناس نفسك
قال : تلقينك قاعده تكلمين حبيب القلب وما نتبهتي علي
قالت بعصبيه : انت واحد تافه ومو متربي وقليل الادب بعد
قال ببرود : انا كنت راح اصلح السياره بس علشان لسانك إللي ينقط عسل ماراح اصح سلام
ركب سيارته وحرك وخلا رين في المصيبه إللي انحطت فيها

توقعاتكم :

منو هذا إللي دعم رين ؟؟!؟

شنو راح تكون ردت فعل مازن لمن يدري؟؟!؟

$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$ $$$$$$$$$$$$$$$$

مع السلاما

نار الانتقام

مي بـــــــــــــــــــــــــــــــــــــــاك

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!

عند رين راحت لساره كليتها وخذتها منها وطبعا عطتها محاضره على السياره ولمن وصلوا البيت ما كان
مازن راجع لحد الحين
ام مازن : يا ينتي كان خليته يروح احسنلك
رين : مامي الشارع كان زحمه و واقف يا ناس يعني ادرعم على الاوادم ؟؟!؟
ام مازن : ما خذتي رقم اللوحه على الاقل ؟؟!؟
رين بدموع : ما خذته كان كل تفكيري في السياره
ام مازن تحضن بنتها : خلاص يا بنتي ليش الدموع الحين ؟؟!؟
رين بدموع : يما انتي تدرين انه مازن ما عنده فلوس يقدر يسدد ثمن التصليح هو قاعد يذبح عمره في الشغل
عشانا اقوم اجيبله مثل هذي المصيبه
ام مازن : لا مصيبه ولا شي وتشوفين ان اخوكج راح يقول السياره فدوه لج الحمد الله على سلامتج
ساره تدعم امها : أي يا ريون اهم شيء سلامتج مومهم الفلوس والسياره تروح بس لو راحت ريون وين نلقه
مثلها في العالم؟؟!؟
هدت رين شوي وقالتلهم على القصه وشلون الشاب دعمها ساره بعصيبه : صج انه ما يستحي الحين يقول
على بنت الناس تكلم واحد صج وقح
رين ترد عليها : وانا ما خليته رديت عليه شان يقولي وتقلد صوته : انا كنت بصلح السياره لكن بعد لسانك
إللي ينقط عسل خلي حبيب القلب يصلح أخ يا القهر كنت راح ادق عليه بس أأأأه راح وخلاني
ام مازن تنهي النقاش في هذا الموضوع : خالص روحوا بدلوا ملابسكم عشان نتغدي يالله
صعدوا البنات فوق و رين بس تدعي على الشاب إللي دعمها

عند رذاذ اخت يوسف تدق عليه : يوسف انت وين ؟؟!؟
يوسف : انا بره يالله طلعي وسكر الخط
رذاذ تطلع وتلقي همر اخوها وتركب قالت : ليش تأخرت ؟؟؟!؟
يوسف : اسكتي تره قرفان حدي ودعمت وحده خبله
رذاذ تستفسر : شنو دعمت ؟؟!؟
يوسف : انتي شلون داخله هندسه اقولها دعمت بنت تقولي شنو دعمت ؟؟!
رذاذ : انزين الحق على منو ؟؟!؟ قول الصدق يوسف
يوسف سكت وما علق
رذاذ : عيل انت الغلطان اعرفك اخوي بس تسكت معناته انت
يوسف بعصبيه : اسكتي انتي بعد بروحه مصدع راسي من البنت مساعه زين ما هفيتها كف على وجها
رذاذ اسكتت لانها تعرف اخوي لو عصب ما يشوف قدامه نفس امها لو قالت سكتي يعني سكتي

في المساء خالد رمي مازن لبيتهم
مازن وهو ينزل : ما غيرت رايك تنزل تتعشي ؟؟!؟
خالد : والله تعبان يا مزون وما شوف من غير الفراش
مازن بخوف بعد كلامه : خلود إذا تبي تعال اوصلك بسيارتي وخل سيارتك اهني لبكره احسن
خالد : لا تحاتي الحين اوصل كلها 10 دقايق بالكثير ربع ساعه و واصل المهم تبي امرك بكره العصر
مازن يفكر انه وايد ثقل على خالد : لا بكره راح اروح بسيارتي
خالد كأنه قريء افكاره : لا انت قلتي انك راح تعطي السياره لخواتك
مازن بهدوء : خالد مابي اثقل عليك
خالد : اقول اسكت بس بكره راح امر عليك وياويلك يا سواد ليلك ان طلبت من احد غيري
راح خالد ودخل مازن لبيتهم كان هادي لانه الكل نايم هل حزه صعد على غرفته تسبح ولبس بجامه وراح في
سابع نومه
قبل صلاة الفجر ام مازن : مازن مزون قوم يا ولدي
مازن يفتح اعيونه وقال بابتسامه : يماه من وفاة ابوي وانتي تقوميني على صلاة الصبح
ام مازن تردله الابتسامه : يالله قوم عشان تلحق على صلاة المسجد
ام مازن تكمل : يا ولدي تره رين سوت حادث بالسياره
مازن بفزع : وليش ما قلتولي ؟؟!؟ اشلونها عسي ما صارلها شيء؟؟!؟
ام مازن تهدي ولدها : لا تحاتي هي بخير بس السياره إللي انخفست من وره
مازن ارتاح شوي : انزين ومنو دعمت؟؟!؟
ام مازن قالته السالفه كلها نفس ما قالتها لها رين
مازن بعصبيه قال : شلون يقولها هذا الكلام صج قليل ادب
ام مازن تقوم : انا الحين بروح اقوم خواتك وتره سايق اسيل راح يوديهم بكره عشان تصلح السياره
طلعت ام مازن ومازن مسك التلفون ودز مسج لخالد يقوله انه بكره راح يمره عليه هو
قام تسبح وتوضي ليش دشداشه (ثوب)وراح للمسجد عشان يصلي الفجر وبعد الصلاه رجع شلون يصلح السياره
وهو ما عنده فلوس نصف معاشه يعطيه لرجال وما يقدر يقوله انه هذا الشهر ما يقدر يدفع يالله شلون احل
هذي المشكله

في الصبح قام راح مازن لخالد وقاله عن الدعمه وبعدين راحوا يشوفون كم يسوي تصليح السياره بس اتصل عليه
ابو يوسف وقاله تعال الشركه راح خالد مع مازن لشركه و دخل على ابو يوسف وتكلموا شوي بالشغل وحاول
ابو يوسف يقنع مازن انه يشتغل عند بس هو قال لا دخل عليهم يوسف وقال : مزون وخلود عندنا في الشركه
وقعد يسولفون شوي عن الشركه والاسهم والبورصه
بعد ساعه من الحديث مازن : إحنا لازم نمشي اللحين
ابو يوسف : مبكرين انتوا قلتم عندكم دوام العصر
مازن : اي بس بروح اصلح سيارتي
ابو يوسف : اشفيكم على تصليح السيارات امس يوسف راح يصلح سيارته واليوم انت؟؟؟!؟
يوسف بدفاع : يبا انا مو الغلطان الغلط على البنت هي خبله ما تشوف ومجنونه بعد
ابو يوسف بدفاع اشرس: فوق شبنك قواة عينك الحين داعم البنت وبدال لا تصلح سيارتها خليتها ومشيت بكل
وقاحه حتى ما كلفت نفسك تعتذر مع انه انت الغلطان
خالد شاف مازن كأنه يقوله تفكر باللي افكر فيه
خالد يسأل: يويسف انت دعمت شالجر سوده تسوقها بنت؟؟!؟
يوسف: اي بس اشدراك
مازن بسرعه قال : عن اذنكم وراح مثل البرق ولا التفت لوره
يوسف منصدم : شنو السالفه وشعرفك خلود بنوع السياره ؟؟!؟
خالد : لانه البنت إللي قاعد تتكلم عنها هي اخت مازن
صــــــــــــــدمه على ابو يوسف ويوسف
خالد طلع يلحق مازن بس مالقي السياره اتصل عليه ما يرد خاف رجع لشركه
ابو يوسف : ليش رديت يا خالد ؟؟!؟
خالد : مازن يا عمي راح و ما يرد على اتصالاتي انا خايف عليه
ابو يوسف : خالد مازن فيه شيء صايرله شي تكلم انا حسيت عمه ؟؟؟!؟
خالد توتر وقال : ها….. عمي وانت ليش تقول هذا الكلام هو ما فيه غير العافيه
ابو يوسف : خالد إذا ما تقدر تتكلم بوجود يوسف الحين اخليه يطلع بره
خالد بسرعه : لا عمي مازن ما فيه شيء انت تطمن
ابو يوسف : لا الولد فيه شيء وانا كل ما اسأله يقول ما فيتي شيء خالد ارجوك تكلم
خالد برضوخ : مازن في ازمه يا عمي
ابو يوسف ما فهم : شلون يعني ؟؟!
خالد يشرحله : مازن لمن توظف جاله واحد ينقاله ابو محمد يقول انه ابوه متدين منه مبلغ كبير قبل لا يتوفي
وجايه الحين يطالب بفلوس وبعد ما تاكد مازن من صدق كلامه اتفق معاه على انه يقصد المبلغ ويعطيه نصف
راتيه كل شهر لحد ما يخلص المبلغ
يوسف : وليش سكت خمس سنوات ليش ما تكلم من اول ما مات عمي؟؟؟!؟
خالد : يقول على كلامه انه نطر لحد ما يكبر ولده إللي هو مازن بعدين يطالبه في الدين لمن يشتغل
ظلوا ساكتين يفكرون بكلام خالد هل فعلا هذا الشخص يطالب ابو مازن ولا هو كذاب

توقعاتكم

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !

مع السلاما

نار الانتقام

السلام عليكم

اشكر توكاتيتو و وردة الحب على مرورهم الحلو ومشاركتهم

اتركم مع تتمة البارت

################################################## ################

مازن قاعد يلف في الشوارع بدون هدف حط تلفونه صامت عشان لا يزعجه راح لتصليح سيارته وتفق على
السعر وقاله انه لازم يخلي السياره يومين عشان يخلصون شغلها

يوسف مع خالد في الهمر
خالد : الله يهداك يا يويسف ما لقيت تدعم غير اخت مزون لا ومقللل ادبك عليها
يوسف بقهر : شايفي اعرفها انا ما اذكرها غير لمن كنا يهال
خالد يرد يتصل على مازن لكن ما من مجيب : ااااف ما يرد هذا الثاني انا اراويه بس يرد
يوسف : خلك الحين وقولي شلون راح اراضي مزون ؟؟!؟
خالد : جيبله بوكيه ورد وعلبة شكولاته
يوسف : تنكت حضرتك وقت تنكيت الحين عطني حل
خالد : تصرف يا خريج بريطانيا جيب لنفسك حل وبعدين تره مزون قلبه ابيض ما يشيل على احد تلقاه
منصدم بس لانه ….
يوسف : كمل ليش وقفت ؟؟!؟
خالد : كان متحلف لو شاف هذا إللي دعم اخته ليعطيه بوكس على وجه وانت تسرعة قاليلها انها تكلم وخلي
حبيب القلب يصلح السياره لا ولا كلفت نفسك تعتذر لها يا اخي انت غلطان
يوسف سكت شلون راح يشوف مازن وبررله الموقف

عند رين وهنوف طبعا طاقينها سواف تقول يعرفون بعض من سنوات و من كم يوم
هنوف : ريون انتي اسمك غيريب رين ليش سموكي بهذا الاسم ؟؟!؟
رين تقولها : هذا الله يسلمك اسم جدتي ام امي
هنوف مستغربه : بس هذا اسم مو عربي شلون ؟؟!؟
رين : امي لبنانبه ومسيحيه فعادي عندهم هذا الاسم
هنوف : أأأأأأ عشان شذي انتي حلوه
رين : عيونك الحلوه يا قلبي
هنوف : هذا معناته انه كل اسماء اخوانج نفسج ؟؟!؟
رين : لا بس انا ومزون إللي مسميتنا امي اما اسيل وساره سماهم ابوي
هنوف : يا حضك عندك بنات في البيت انا بروحي
رين : ليش ؟؟!؟ انتي وحيدة امج وابوج ؟؟!؟
هنوف : في البنات نعم في الاعيال ترتبي الاخير على 4 شباب 3متزوجين واحد ملكته بعد اسبوعين
رين : ليش ما تقعدين مع زوجات اخوانج ؟؟!؟
هنوف : افففف لا تذكريني غثيثين ويبطون الكبد وبس يقعدون فلانه تزوجه وفلانه تطلقت واني متى تتزوجين
إللي كبرك عنده اعيال أففف
رين بضحك :ههههههه شكليتهم ضاغطينج عدل
هنوف : حدهم انزين موتنسين ملكة اخوي تعال انتي والاهل
رين : لا تحاتي بقول لامي واردلك خبر
هنوف تناظر الساعه باقي ساعتين ونصف على موعد المحاضره إللي بعدها قالت : ريون امشي
نروح ناكل شي من احد المطاعم
رين تماشيها : ولفه على شارع الخليج نمصخر الشباب شوي ونأذيهم
هنوف: ويلموني ليش احبج انتي توأمي مشينا
وفعلا راحوا لسيارة هنوف الرينج البيضه وركبوا وراحوا لشارع الخليج وفصلوا هناك هنوف تتحد الشباب في
السواقه ورين تقعد تأشر لكل شاب يمر عليهم تقول انه هنوف متزوجه وهي مجنونه راحوا بعدين برجر كنج
على البحر كلوا وخلصوا و راحلو لسياره ولا يجيهم واحد من الشباب بيرقم هنوف يضرب على القزاز السياره
رين : طالع قليل الادب وبكل جرئ جايه
هنوف : نمصخر شوي ريون
رين: اوكي نزلي الجامه
نزلت هنوف الجامه ورين تقول : نعم اخوي امر
الشاب : ما يامر عليج عدوا ممكن تخذ الرقم ؟؟!؟
طبعا هنوف معطيه ظهرها لشاب وريون تكلمه قالت : ما يصير اخوي راحت عليك
الشاب : حاولي مني مناك
ريون : اقولك راحت عليك
الشاب : انزين ليش ؟؟!؟
ريون تحط ايدها على راسها وتقول : مزاجي متعكر
الشاب : انا ابيها هي مو انتي
ريون : مو قلنالك مزاجي متعكر
الشاب يقول لهنوف إللي بس قاعده تضحك: انا شايفج بمكان تشبهين شيماء سبت
ريون بفزع : شيماء سبت وع قول نانسي عجرم إليسا ملكة جمال العالم يبا راضين باشواريا بس شيماء سيت
انت جيت بتكحلها عميتها
الشاب بيرر: لا والله بس هي حلوه ويقول لرين : يا اختي خلج واسطت خير
رين : لا انا بارض محايد مالي شغل
الشاب بصدمه : كل هذا بارض محايده عيل لو حرب جان شنو سويتي؟؟!؟
رين : بعدين معاك يا اخي قتلك ما ينفع ما ينفع
الشاب : انزين قولي ليش؟؟!؟
رين بفكره : هذا عقبالك راح تتزوج ولد عمت خال اخت ابوي وعمي من جدي بالرضاعه
الشاب : ولد عمت خال ا….. شنوا ؟؟!؟
رين : قلتلك عشان كذا ما ينقع سلام بلغ سلامي لربعك الخمه مشينا
رفعت هنوف الجامه وهي ميته من الضحك على ريون والشاب لحد الحين منصدم بعد الصدمه ركب مع ربعه
في السياره يلحقون هنوف وريون
طبعا البنتين حاطين مرام دلع بنات وعايشين جوا

أتغير عليك ولاأسأل وأجيك وأقول ما أحبك ولا أموت فيك
يا كل الحياة ما أخبي عليك ترى كل هذا ياروحي دلع بنات

ملهوفة أجيك أبي ألمس ايديك وأمثل عليك أني ما أبيك
وأصلا هواك ماهمني رضاك وإن طول جفاك ملهوفة أجيك

ترى طبع البنات هو الاهتمام ويحبو الدلع والغزل والغرام

على فكرة هالكلام وبمرور اللي فات ترى كل هذا ياروحي دلع بنات

يملكني غرور وأجمل شعور لما أنا أغيب وتفقدني عنيك
تهمسلي بكلام وأذوب بغرام يأخذني لبعيد ياأغلى عنين

ترى طبع البنات هو الاهتمام ويحبو الدلع والغزل والغرام

على فكرة هالكلام وبمرور اللي فات ترى كل هذا ياروحي دلع بنات

أتغير عليك ولاأسأل وأجيك وأقول ما أحبك ولا أموت فيك يا كل الحياة
ما أخبي عليك ترى كل هذا ياروحي دلع بنات

وشباب وراهم وراهم لحد ما وصلوا الجامعه نزلوا البنتين من السياره وجاه الشاب ومعاه واحد ثاني
الشاب الثاني : سلام بنات الظاهر احنا بنفس الجامعه
هنوف خافت بس رين يا جبل ما يهزك ريح قالت : ووووووووووي يعني انت زميل دراسه اوكي نشوفك بعدين
سلام ومسكت يد هنوف ودخلوا على الجامعه و هنوف خايفه و رين بس تبي تلحق على المحاضره

هنوف ليش خايفه ؟؟!؟

مازن هل راح يسامح يوسف ؟؟؟!؟

################################################## ################

سلامي

نار الانتقام