روايتي الثانية : منتدي الحب 2024.

السلام عليكم ورحمة الله وبركاته ..
حبيت انزل روايتي الثانية الين ما اخلص كتابة روايتي الاولى لانها انمسحت مع الفورمت ..
واتمنى تعذروني لانه يمكن احط بارت اسبوع والاسبوع الثاني لا .. بسبب الامتحانات النهائية ..
بس ان شاء الله في عطلة الصيف راح تخلص الروااية ..

…………………………………..>> مـــنتدى الحــب <<………………………………..

ملحووظة : حقوق الطبع محفوظة .. يرجى عدم النقل او نشر الرواية دون ذكر اسم صاحب الرواية او مصدر الرواية .. Do Not Copy Right ..

——————————————————————————————

يالله .. بسم الله الرحمن الرحيم ..

ريم : انا مادري ليش انتو تحبون الانترنت هالكثر !
فطيم : لا عادي بالنسبة لي انا .. ماحبه وايد بس فيه منتدى روووعة ! اسمه ******
ريم : انزين انتي مشتركة فيه ؟
شيخة : يا بنات .. الله يهداكم بس .. احاجيكم عن امتحانات المنتصف تقلبون لي السالفة مدونة ..!
فطيم : اووهوو .. لا تنكدين علينا شيخوو .. سمعي ريووم .. انا مشتركة فيه .. اشتركي فيه والله بنقلبها فللة و وناسة
ريم : انزين بس بدون مصخرة او لعب يهاال ..
فطييم : لايبه ويين .. هالمنتدى محتررم .. هيييييييع
شيخة : هفففف .. اكره هالسوالف ..
ريم : انزين انا بشترك في هالمنتدى على اني بنت عمتج
فطييم : اييي هاذا هوو .. وفي نفس الوقت تكونين البست فرند مالتي ..
ريم : اووووك .. تم .. اليوم الساعة اربع العصر بشترك فيه ..
فطييم : بس لازم مشاركاتج تطق السبعين عشان تدخلين صندوق المحادثات .. عاد هناك الفلة والوناسة
ريم : يالله اوك .. شورانا
شيخة : شنوو شورااج ..؟ باجر امتحان ماركتنغ وتقولين شورانا ! فطييم خلي البنت بحالها ..
فطييم : اوووه انتي بعدين وياج ؟ ليش ماتشتركين ويانا .. ؟ لا تخافين مافيه صبيان وايد .. اصلن مايتكلمون مع احد .. بس شووي
شيخة : شدخل ؟ بس لانه فيه اشياء اهم فالحياة لازم نركز عليها ونهتم فيهاا ..
ريم : انزين فطيموو انا بشترك بنكنيم توته
فطييم : شهالنكنيم الله يهدااج .! اختاري نكنيم عدل ..
ريم : انزين عطيني من عندج
فطييم : امم .. شرايج في على الخد مجراي ..
ريم : شمعناته ..!
شيخة : هههههههههههههههه .. دشينا حصة عربي .. هاذي تشبيه حق الدمعة .. انها تجري على الخد ..
ريم : وييييييع .. بس حلو عجبني .. هههههههههه .. خلاص اوك .. وانتي شنو نكنيمج ؟
فطيم : انا نكنيمي حور العين ..انتظرج اليوم اوكي ؟
ريم : اووك ..

طق جرس الهدة .. تررررررررن .. البنات راحو لبيوتهم .. ريم فتحت المنتدى وقاعده تشارك فيه عشان تدخل صندوق المحادثات وتبتدي على قولتها الرجة والاستهبال .. و فطيم تنتظررها تخلص .. وشيخة قلبها على دراستها ..
طبعا فطيم وريم مافتحو الكتب ابدا .. معتمدين على شيخة يغشون منهاا والبراشيم ما تقصر .. وشيخة اول ماخلصت دراستها .. فكرت انها تفتح النت ..دشت على المنتدى الي هم يتكلمون عنه ..
شيخة : وعوو .. حتى واجهة المنتدى كريهه .. من صجهم ! انا اقدر اصمم واجهه احسن من جذي !
اثناء تصفح شيخة للمنتدى .. شافت نكنيمات رفيجاتها فالمنتدى .. فعرفت انهم موجودين ..
شيخة : ياربي .. انزين ليش انا ماشترك فيه .. عادي بس اقعد عليه اوقات الفراغ واسلي روحي ويا ربعي ..
اشتركت شيخة في المنتدى بأسم : بنت سبع .. > ادري النكنيمات مأساه ..
وماقالت حق ريم او فطيم عن اشتراكها فالمنتدى وحبته تخليه لروحها ..
بدت تشارك في المنتدى وتحصل تشجيع من الاعضاء .. الين ما افتتح لها صندوق المحادثات ..
وكانو فيه صبيين يتكلمون و اربع بنات ..

ياترى شبيصير ؟؟ ..
رايكم فالبارت الاول ..

>> في صندوق المحادثات <<

الامير : تعااالي وييين رحتي حليمووه لا يكون زعلتي ؟
حليمة 2024 : رووح عني مابي اكلمك ..
الامير : الا غششمرة شفيج ماالت علييج صج مب ويه غششمرة :@
الجوكر : ههههههههه اشكالكم تحفة والله ..
(( دشت شيخة " بنت سبع " لصندوق المحادثات ))
بنت سبع : السلام عليكم . عضوة جديده هل من مرحب ؟
حليمة 2024 : بررب .
الامير : بررب بكلمج عالخاص حليموه ..
الجوكر : وعليكم السلام ورحمة الله وبركاته .. اهلن وسهلن فيج خيتو .
بنت سبع : بل .. من اول ما دشيت وسيده كل من قال برب ><
الجوكر : ماعليج منهم كله يتناجرون على اشياء تافهه .. الا انتي من وين ؟
بنت سبع : من الكويت وانت ؟
الجوكر : من البحرين حيااج الله اختي ..
بنت سبع : الله يحييك ويسلمك ..يالله عن اذنك ..
الجوكر : وين تووو الناس سولفي معاي .!
بنت سبع : ابي اروح اشارك في المنتدى قبل لا اروح اراجع ..
الجوكر : انتي بأي صف ؟
بنت سبع : ثاني ثنوي ..
الجوكر : وانا ثالث ثنوي .. بالتوفيق ان شاء الله ..
بنت سبع : يو توو .. برب
الجوكر : تيت ..

راحت شيخة تكمل مشاركات في الاقسام الثانية وتنقل مواضيع من منتدى ثاني لهالمنتدى .. ومن عقبها راحت تكمل تراجع ..

في اليوم الثاني بالمدرسة .. وخصوصا في حززة الامتحاان ..

فطييم بهمس : شيخوو السؤال الرابع رقم ثلاثة .. صح ولا غلط ؟
شيخة : السسسسسسين الاليييييييم ..
فطييم : شيخوو و ويعة احاجيج :@
ريم : شيخة شنو الجواااب ؟ :@
شيخة : مااعرف مااعرف خلوني احل الامتحان كامل وعقب ايي لكم ..
معلمة : شيخة ..
شيخة تخررعت : نعم معلمة ؟
معلمة : قومي شيلي ورقتج وروحي قعدي على هالطاولة ..
شيخة في قلبها تقوول فكة : معلمة انا ماسويت شي ..
معلمة : ادري ما سويتي شي قومي قعدي على ذيج الطاولة ..
شيخة : ان شاء الله ..
خلصت شيخة الامتحان و طلعت من القاعة و لحقوها ريم و فطيم ..
ريم تقلد شيخة : خلوني اخلص الامتحان اوول شي ..
فطيم : وعساج خلصتي الامتحان بكل سهولة ؟
شيخة : اصلن جب انتو الثنتين .. فشلتوني جدام المعلمة .. انحرق ويهي ..
فطيم : عداااااااال .. شفناه كان طماطة ..
ريم : اصلن انتي ماكنتي تبين تغششينا .. نسيتي شعارنا ؟ الصديق وقت الضيق ؟
شيخة : عاد انتو ما شاء الله .. مايصير الضيق عندكم الا وقت الامتحانات ..
فطيم : شفتي الصدفة عااد ..!
المهم .. قعدو شيخة وفطيم وريم يسولفون عن كل شي في المدرسة ويحشون بالاولي والتالي ..
لما رجعوا للبيت ..

فطيم : السسلام عليكم ..
محد رد ..
فطييم : ياهووووووووووووووه نحن هنااااااااااااااااااااا ..
ومحد رد ..
فطييم : سينيتاااااااااااااااااااااااااااا .. يممممه وينكم ؟
ويطلع صوت من الحمام .. : ماماا رووح مستشفى فيه موعد ..
فطييم : اهااا .. انزين و وين محمد و هنادي ؟
سينيتا : محمد فيه جامعة و هنادي روح بيت صديقة ..
فطييم : اهااا .. والغداا بعد وين رااح ؟
سينيتا طلعت من الحمام : يبي غداا الحين مدام ؟
فطييم : لا فليل .. ايه احيين سينيتاا يالله ..
سينيتا : حاضر مدام ..
فطيم : خلني اروح ابطل المسن والمنتدى ..

—————————————————————–

ريم : السلام عليكم ..
حسن : وعليكم ..
ريم : شتطاالع ؟
حسن : ريم قومي تسبحي وصلي و تعالي تغدي و بعدين بنطالع الفلم الي تبينه فالسينمة شرايج ؟
ريم : قايلين لك كافرة عشان تقولي قومي صلي ؟ انا اصلي من زمان . وبعدين مابي اطلع عندي شغل بوربوينت عالكمبيوتر ..
حسن : انزين كليتيني شفيج .!
ريم وهي قايمة من الكرسي : مافيني شي .. بس الامتحان اليوم كان صعب .. وراسي يعورني . و قول حق امك تحط لي الغدا ..
حسن : قليلة ادب .. الي يبي غدا .. يقوم ينجب له .. محد فاضي لج فاهمه ؟ حمدي ربج ماعطيج ويه ..
ريم : لا ارجووك .. اقلبه هنااك .. هفف .. شهالاشكال ياربي الي بليتني بها !

————————————————————
شيخة : السسلام عليكم ..
بو خالد : هلا هلا والله عليكم السلام ..
شيخة : شلوونك يبه ..
بو خالد : بخيير يبه .. واخيرا وصلتي ..
شيخة : آمر يبه ..
بو خالد : لا ولا شي بس احنا طالعين نتغدى بررع وكلهم راحو وانا قلت بنتظرج عشان اوديج ..
شيخة : عيل عطني ربع ساعة اخذ شور عالسريع واصلي وايي ..
بوخالد : لا تطولييين !

انتظر تعليقاتكم يا حلووين ..