روايتي الثانية : ماتخيلت في يوم إني أعشقك

قاعدين البنآت ف صآلة بيت أبو احمد ~
امل : المدرسة عقب شهرر رمضآن ، اوف مابي اروح .
شيمآء بهدوء :بالعكس وحشتني المدرسة ، ابي ارجع لهآ لو زين أنآ ليحين ماكملت ثنوية .
سآرة : هههههه ~
نور : روحي زين ، شقالت وحشتنا ، مآيوحشج غآلي حبيبتي .
نجوى وهي تحط مآنكير في أصآبعهآ النآعمين : والله انكم فرآغة .
امل : تدرون عاد ، اشتقت الى التهبل ف المعلمآت ، نوروه تذكرين يوم وعد تكسر البيضة في ويه المعلمة .
نور : هههههههه ، اي اتذكرر كآن شكلها مصخررة ، تفشلت .
دخلت عليهم وعد العربجية ( دفشة ) : هآي بنآت .
امل : لو طآريين مليون مو احسن .
وعد:جب .

خل اعرفكم شوي على شلة المرح ~
امل : بنت شآقول عنهآ شلون اوصفهآ ، دفشة لـ أبعد الحدود ، دآئماً تصرخ وهبالها ماله حدود ف ثآني ثآنوي بتروح ثالث ، ملامحهآ عآدية وحنطآوية وشعريهآ لين جتفهآ .
شيمآء : هآذي عكس امل مع أنهم خوآت ، أهي ملكة جمآل العآئلة او بالاحرة ملكة جمآل الكويت بدون أي مبآلغة ، عيونهآ رمآدية تجذب الانظآر شعرهآ اشقر طويل لين آخر ظهرهآ ، بيآضهآ صآرخ شفآيفهآ صغار توت الكل يغار منهآ ، طيبة وتدخل القلب بسرعة ، بتروح أول سنة جآمعة .
وشيمآء وأمل عندهم أخوآن أثنين .. الاول :
أحمد : يدرس في إبريطآنيآ ، عيونه عسلية ورومآنسي ، عمره 24 سنة يحب يكتب اشعار ويرسم ، ويحب بنت خآله نجوى .

والاخَ الثآني :
طلال : صايع ضايع ماعنده غير البنآت والمغآزل ، عمره 22 سنة .
عآيشين ف بيت فخم وفي عز ودلال ، وأهم من الطبقة المخملية .

أمآ نور ونجوى فأهم خوآت ويصيرون بنآت خآل شيمآء وأمل :
نجوى : بنت حلوة وعيونهآ بنية فآتحة ، شعرهآ قصته قصة فرآولة وتحب ولد خآلها أحمد ، دلوووعة وآيد ، بتروح اول سنة جآمعة مع شيمآء .

نور : دفشة ، وآيد تتكلم وتحب الاكشن والمغآمرآت ، في ثآني بتروح ثالث .
وعندهم أخو اسمه محمد عمره 21 سنة ابيض يهببل .
أمآ وعد سالفة ثآنية هالانسآنة :
مرجوجة ، دفششة لـ أبعد الحدوود وتحب المغآمرآت نفس نور بس عليهآ جمال تشبه شيمآء
شوي بس شيمآء احلى وأبيض وعيونهآ هم رمآدية نفس شيمآء في تشآبه بينهم ، في ثآني ثآنوي بتروح ثالث .
وأختهآ سآرة :
ملامحهآ بدوية عيونهآ وسآع حنطآوية شعرهآ لين نص ظهرهآ اسود سوآد الليل ، عمرهآ 20 .

وعندهم أخوين ..
يوسف : 17 سنة ، عنيييد بس فن وفالهآ .
طارق : 25سنة ، ابيض عينه عسلية نآعسة يهبببل بمعنى الكلمة وكل البنآت خآقين عليه بس مآيعطي احد ويه من بعد مامات حبيبته كتوم وعلى طول حزين.

نرجع للروآية ..
أمل: جب يجبج قولي آمين .
وعد ضربت أمل على راسهآ وركضت لحقتهآ أمل ..
امل : وقفي يآ *******
وعد وهي تركض : وعع عليج شهالكلام !
امل تصرخ : خفي علينآ بسس ..
وقفت امل ، تعبت وهي تركض مآلحقت على وعد لانهآ طآررت كآنهآ دبآبة حرربية
وعد تركض بأقصى مآعندهآ ويآت بتلف ورآهآ اجوف امل ورآهآ ولا لآ

فجأة .. !

.
.
.

دعمت بشي طويل
وعد رفعت رآسهآ وشهقت وطلعت منهآ كلمة عفوية برقة ونعومة ولاول مررةَ : يمآمآآ !
طلال قاعد يطالع الملاك اللي جدآمه ، أهو جآفهآ من قبل بس أول مرة يجوفهآ بالبرمودآ القصيرة وآيد والتي شيرت الاصفرر الصآرخ اللي هو لونهآ المفضلَ ، سرح في بحرر عيونهآ الرمآدية وظلت عيونهم معلقة ببعض ، ومآنتبهو لللعيون اللي ترآقبهم بقهر ، وعد حست على نفسهآ وركضت بسرعة دآخل الحجرة .

طلال قآعد يفكر فيهآ أهو جآفهآ من قبل بس جذبته بلبسهآ خلاهآ تصير أحلى وأجذب أكثر .
طلال : أنآ ويني عنهآ من زمآن ، آه يآوعد فريتي مخي ، والله لاآييب رآسج .

عــنــد البنآت ..
دخلت وعد وقلبهآ يدق طبول ، دخلت وهي سرحآنة ومبتسمة وتغني أهوآك .
كل البنآت طآلعوهآ مستغربين ، اله وحدة من بينهم كآنت منقهررة من وعد مآحطت عينهآ اله على الشخص اللي تحبه !
أمل رآحت طقتهآ طرآق : هآذي طرآقج اللي من إم…
سكتت مصدومة من وعد .
وعد : فدوة لج أنآ حبيبتي سوي فيني اللي تبين ، آه أهوآك وأتمنى لو انسآك وأنسى روحي ويآك ولو ضآعت كلهآ فداك لو أنسآك .
أمل : هيي شفيج انتي ! وكأنج وحدة من العشآق والمغرمآت .
وعد انتبهت لهآ : لاآ شدخل ، بس جي أنآ رآيقة اليوم .

دخلت عليهم أم احمد
ام احمد : يلا قوموَ تغدوَ يآبنآت .
وعد : أنآ مآبي خآلتي !
ام احمد : ويي ليش يممه !
وعد : مو مشتهية آكل .
امل : خليهآ يمه ، مآدري شفيهآ بنت ميري !
ام احمد : يممه امول عيب عليج ، وعد على رآحتج يمه بس وقت اللي تيوعين خلي صوفي تنجب لج الغدى .
وعد : إنشآء الله خآلتي .
سآرة : وأنآ بعد مآبي غدى .
ام احمد : ويي شفيكم كلكم مآتبون عيل الاكل لـَ منو ! بو احمد مآبيي معزوم واحمد مسآفرر مآفي اله طلول يلا يممه تعآلو .

نجوى فزز قلبهآ من طآري احمد ، ووعد حمرت خدودهآ من سمعت أسم طلال

و

سآرة
تفكر ف طلال في حبهآ من يوم أهي صغيرة وشلون نظرآته لـ أختهآ ، وخررت هالافكآر وقآلت :
سآرة : إنشآء الله خآلتي بنزل معآج .
شيمآء : يلا بنآت ~
ونزلو كلهم مآعدآ وعد اللي تفكرر في طلال !
دخلو غرفة الطعآم :
كلهم : السلام عليكم
طلال : وعليكم السلام .. وطالعهم وحدة وحدة ومآلقىَ اللي سرقت قلبه اليوم .
سآرة قلبهآ يدق بسرعة رهيبة وهي تجوف عيونه العسلية وشعر السبايكي ووجهه الملآئكي وبيآضه الصارخ!
سارة انتبهت لـ مرة خآلها
ام احمد : يمه سآرة شفيج قعدي من إمسآعة وأنآ أنآديج !
سآرة : إنشآء الله .
نجبت لهم ام احمد الغدآ وتغدو مع بعض وسارة كل دقيقة ترفع رآسهآ تسرق النظرر الى حبيبهآ ، ومرة وحدة نزلت رآسهآ وقالت ف قلبهآ :
انا جفت ف نظرة وعود اختي الحبَ ونظرته بعد انا لازم انسآه عشآن اختي ومآبكون انانية دآمهم يبون بعض !

ام احمد : اليوم بنروح بيت يدتكم ، اي وحبيت ابشركم احمد يوم الخميس يوصل من إبريطآنيآ ..
نجوى : صج خآلتي !
ام احمد : هههه اي صج ، أفتك وعليآ وليدي مآصدقنآ يكمل درآسة وأيييب الشهآدة اللي تررفع الرآس .
ملاحظة ( نجوى محيرة ^ محجوزة ^ لـ أحمد يعني الكل يدري أن احمد لنجوى ونجوى لـ أحمد ) .

عم السكوت مآعدآ صوت الملاعق ..

العصرر !
في غرفة طلال يدندن ومستطرب
طلال : متى متى خلي اشوفك الصيف جآ وش هي ظروفك !
رش له من عطره المفضل Silver Black ، ولبس سآعته المآركة قوتشي وعدل السبايكي وأخذ مفتآح السيارة وطلع من الحجرة .

وهو نآزل جآف البنآت قآعدين بعبآيآتهم تحت عشآن بروحون بيت يدتهم شيخة .. وعد من جآفته قلبهآ قآم يدق طبول وخدودهآ حمررت على طول نزلت راسها .

طلال ف قلبه : اويلي على اللي يستحون ، والله انها تسوى كل البنات انا لازم انسى حركآتي وابدأ صفحة نظيفة واكلم امي تحجزهآ لي .

: احم احم السلام

البنات : عليكم السلام

طلال: شيمو بغيتج شوي .

شيمآء : شتبي ؟

طلال : تعاالي شفييج

راحت لطلال وطلعو من الصالة الكبيرة ، ودخلو ف المطبخ .

طلال : ميري ابي مآي .

ميري خآقة على طلال : حآضر بابا .

شيمآء : شتبي خلصني .

طلال: وين بتروحون لابسين عباياتكم ؟

شيمآء : بيت يدتي ، لييش ؟!

طلال : اممم ، ومن بوصلكم ؟

شيمآء : السايق ، ليش كل هالاسئلة !
طلال : لا ابد ، بس اقول السايق وبنات بروحكم مب عدلة ، انا بوصلكم .

شيمآء : لا بنروح مع السايق .

طلال : قلت لج انا بوصلكم شفيج

شيمآء : طلول السيارة مآتكفي .

طلال: بآخذ سيارة السايق !

شيمآء : اوك ، يلا عيل .

ودخلو الصالة ، وطلال برى ينطرهم .. !

شيمآء : يلا قومو .. طلول بوصلنا .

سارة تضايقت ماتبي تذكره عشان اختهآ

امل : شعنده طلال بوصلنآ ، الاول نموت مآيرضى يودينآ مكآن !

شيمآء : شدرآني .

وعد : انزين يلا بنطلع لانتأخر أكثثر .

البنآت : يلا ..

وركبو السيارة ~

ومشو الى بيت يدتهم بالشامية ، رن تلفون طلال ..

طلال : هلا بو اللهش

مشاري : هلا طلول ، وينك بو الشباب تأخررت نبي نروح السالمية .

طلال : يآي ف الطريج ، بس أوصل بنآت خآلي وخوآتي وآييك على طول .

مشآري :يلا لآ تتآخر وسلملي على شيمو الحب .

طلال : والله لو انك جدامي ذبحتك .

مشآري : ههههه مآ أهون عليك .

طلال ضررب بريييييك

امل : هييي انته أعمى مآتشوف ، لاتتكلم وانت تسوق ، بتذبحنآ أنت .

وعد : يممه قلبي .
طلال : سلامة قلبج بنت خآلي ، فيني ولا فيج .

سكتتت وعد ونزلت رآسهآ ،

مشآرري : الوو يالاخو وينك ؟!

طلال : هآآ معآك شفيك .

مشآري : مبين ، اقول يلا تأخرت وآيد

طلال : كآني مسآفة الطريج ،

مشآري: يلا مع السلامة .

طلال : بآي !

طلال : شتبون تسمعون بنآت ؟!

امل اللي جنب طلال : اممم ابي اسمع لـ نآنسي

طلال يقلدهآ : ابي اسمع لنآنسي ، مآبي نآنسي انتي ويآ ويهج .

ابي بنت خآلي وعود تختآرر شنو نسمع .

البنات : او او اوووو مآنقدرر .

وعد ماتت حيآ وطلع صوتهآ بالغصب : أي شي .

طلال : اوكي .

وشغل : للحين أحبهآ ، لنبيل شعيل .

للحين احبها ولاني قادر انساها صورتها دايم في بالي ماتفارقني
كل شيء حولي يذكرني بذكراها خللتلي في كل شيء ذكرى تذكرني
للحين احبها ولاني قادر انساها صورتها دايم في بالي ماتفارقني
كل شيء حولي يذكرني بذكراها خللتلي في كل شيء ذكرى تذكرني
للحين احبها ولاني قادر انساها صورتها دايم في بالي ماتفارقني
كل شيء حولي يذكرني بذكراها خللتلي خللتلي في كل شيء ذكرى تذكرني
كانت لي قلبي هيه الدنيا ومعناها كانت من عيوني تقراني وتفهمني
لا مالقيت اللي بين الناس يسواها كلهم على راسي لكن هي تسحرني
كانت لي قلبي هيه الدنيا ومعناها كانت كانت من عيوني تقراني وتفهمني
لا مالقيت اللي بين الناس يسواها كلهم على راسي لكن هي تسحرني
للحين احبها ولاني قادر انساها صورتها دايم في بالي ماتفارقني
كل شيء حوووولي يذكرني بذكراها خللتلي خللتلي في كل شيء ذكرى تذكرني
احيان تطري علي واقول ما اقساها واحيان ما تطري والقى الشوق جننني
كل يوم اقول اني من هاليوم بنساها واكذب على روحي بالنسيان لكني
احيان تطري علي واقول ما اقساها واحيان ما تطري والقى الشوق جننني
كل يوم اقول اني من هاليوم بنساها واكذب على روحي بالنسيان لكني

احيان تطري علي واقول ما اقساها ما اقساها واحيان ما تطري والقى الشوق جننني جنني
كل يوم اقول اني من هاليوم بنساها واكذب على روحي بالنسيان لكني
للحين احبها ولاني قادر انساها قادر انساها صورتها دايم في بالي ماتفارقني
كل شيء حولي يذكرني بذكراها خللتلي خللتلي في كل شيء ذكرى تذكرني.

طلال: شيمآء ، هآذي أهدآء مني لج يابعد قلبي انتي وهو يطالع وعد من المنظرة ويغمز لهآ .

محد انتبه من البنات مآعدآ سآرة اللي مآنزلت عينهآ عنه .

وعد استحت ونزلت رآسهآ ,,

وصلو بيت يدتهم ، ونزلو كلهم وحرك طلال الى رفيجه مشآري .

دخلو بيت يدتهم وسلمو على يدتهم شيخة

ملاحظة : يدهم عبد الله توفى !

اليدة شيخة : تحبون الكعبة يآ بنآتي !

امل: يدتي نبي نطلع كلنآ البرر

اليدة : ويي ليش البرر أحنآ ف الصيف وحرر وآيد

امل : عآدي عآدي يديدة !

نجوى : جب مآنبي نطلع ف الحر عشآن ننطبخ

امل : سكتي يالرقيقة

وعد : ايي نبي نطلع
شيمآء : حرر شفيكم

امل : ياليل البعارين ، انتو بالصيف لي قلنآ لكم نبي نطلع البر قلتو حر ولي قلنآ لكم ف الشتآء قلتو بررد متى عيييل هآ !

سارة : ايي خلنآ نطلع ونآسة

نجوى : ونطق الحجر

سارة : سكتي اقول

سررحت اليدة تفكرر ف شي مهمد ومآهي بعآرفة وشلون تقوله ، ولازم يكون الكل موجود .

انتبهت عليهآ وعد : يديدة شفيج سرحآنه ، اللي مآخذ عقلج يتهنى به .

اليدة : مآفيني شي بس وين امهآتكم ؟

امل : ف بيوتهم لييش ! بس امي ياية ف الطريج مع السواق .

اليدة : كل وحدة تتصل على امها وابوهآ ايوون وأخوآنهآ ابي العآئلة كلهآ موجودة لازم اقول هىذآ الشي اللي خآشته سنين عنكم وويآ الوقت اللي لازم اقولكم فيه ، قبل مآ الله يآخذ امآنته .

نجوى : يدة خرعتينآ شنو فييه !

امل : الله يطول ف عمرج يدة شهالكلام !
اليدة : انتو أتصلو اول ، ولي تيمعو كلهم نآدوني .

وكل وحدة اتصل على امهآ تستعجل في وصلوهم ، وبالفعل بعد نص سىعة تقريباً كآن الكل موجود .

امل : سيتي .. سييتي وصمخ يقض أذآينج قولي آمين .

سيتي يآت معصبة تكره امل : خير ماما شنو فيه

امل : ماما في عينج تحجي عدل لا افتح مخج احين

سيتي : حآزر ماما ~

شيمآء : وليييه امل حدج فرآغة يلا قولي لهآآ .

امل : كلي تبن انتي ، سمعي انتي الثآنية نآدي على مااما كبيرر ماما شيخة وقولي لهآ تعآلي يبونج .

سيتي معصبة وتتأفأف من أوآمرهم اللي مآتخلص : اوف حآزر

امل : تعالي اهنييي وقفت ويودتهآ من بلوزتهآ ، اتكلمي معآي بأدب لا اصكج كف على عينج اطيرهآ لج .

ام احمد : امل بس ذبحتي البنت شفيج !

امل : يممه مالج شغل ، هىذي جليلة حيآ ، ونفضت ايدهآ كأنهآ ميودة شي نجس وقآلت :
وعوو مىبقى اله الخدم يلا ذلفي ونادي ماما كبير .
مشت سيتي وهي تتحلطم ، ونآدت شيخة ..

شيخة ( اليدة ) : سمعو يآبنآتي ويآ اولادي ، المرحوم لما مآت وصآ وصية وانا مآبغيت اقولها اله لما تكبر شيمآء على حسب الوصية وانا لازم اقولها ، بعد انا مآبقى لي من العمر شي ويمكن الله يآخذ امانته في أي وقت ؟!

الكل يده على قلبه ,,

شيمآء : يديدة ، شسالفة ، الوصية عني أنآ !

شيخة : اي يابنيتي !

شيمآء : قولي يممه خرعتيني وقفتي قلبي .

شيخة : المرحوم قبل مآيتوفى قآل وصآني اقولكم وصيته ولازم تنفذونه شيمآء كانت وآيد عزيزة عليه ، وهم طآرق وآيد عزيز وغآلي على قلبه ، ووصآني ان لمى تكبر شيمآء وتوصل العشرين يملج عليهآ طآرق .

شيمآء وقفت بصدمة : شنووو !!!
يودت رآسهآ وأهي دآيخة : لآآآ مستحيـل !

ابو احمد : يمه من صجج !

شيخة بصرآمة : اي من صجي ، هآذي وصية المرحوم ولازن اتنفذ حددو لكم يوم جريب واتفقو فيه على الملجة والخطوبة ، ابي اجوف ولدي طارق وبنتي شيمآء على الكوشة اثنينهم قبل مآاموت .

ابو احمد : الله يطول ف عمرج يمه !

ومشت اليدة دآخل تنآم وهي مرتآحة ~
شيمآء صرخت : يبببه لاآ ، لاتوآفق طآررق أخوي وبسس وانا اكرهه مآابيه مستحيل اكون مررته لاآ .

طآرق للحين مصدوم من الكلام اللي قاعد يسمعه ، صحيح أن شيمآء أخلاق وجمآل والكل يتمنى ظفرهآ بس أهو حب وحدة بس وهالوحدة رآحت وهدته .

طلع معصب من البيت ورآح على البحرر ينسى همومه .
.
طارق: شيمآء بنت ومآيعيبهآ شي ، بس انا ميت ، ميت من ماتت اللي خذت قلبي ،لا ياطارق بنت خالك حلوة والف وحدة اتمنآهآ وحور ماتت وخلاص ليمتى بظل جذي !

انا عارف ان الوصية لازم تتنفذ ، واهم اكيد بنفذون الوصية بس البنت ماتبيني ، حتى لو اخذتهآ لازم تسعدهآ يآطآررق ، افف .

قآم ورآح لسيآرته متجه لبيت يده ، دخل ولقى شيمآء تبجي بروحهآ

لفت عليه شيمآء ونآظرته بنظرة انكسآر ، ثوآني ومآجآفت نفسهآ اله وأهي تطقه على صدره بقوه .

شيمآء : ليش ليييش ، ليش انا اللي اتزوج غصب عني ليييش ! ، طآرق تكفى لاتوافق تكككفى ولي يسلمك لاتوافق انا مابيك اصلا انت اخوي .

طار نزل ايديهآ متعآطف معآهآ صعب الوحدة تنجبر على شي مآتبيه : شيمآء أنآ مآبيدي شي اسويه ، وتركهآ .

قعدت على الارض تبجي .