روايتي الثانية : أحب زوله و أحب طوله و أموت برزة عقاله 2024.

اشتقت لكمـ

بعد روايتي الاولى وبعد وعدي لكم عدت مره ثانيه حاملهً معى روايه اخرى وكلي امل ان تنال اعجابكم .. اخذت الكثير من الوقت وانا انتظر متى تتحرك اصابعي ويداي لكي اروي مالدي من قصص وروايات مواقف ومشاهد ..
سنتان تقريباً مضت وانا اكتب وامسح افكر هل هذي سوف تعجبهم ام تلك لكن بعد وقت وتفكير دقيق استقريت على روايتي هذه .. لن تصدقوو ان قلت انني كتبت 6 روايات ولكن لم تكتمل بسبب دراستي ومشاغلي اما الان انا فاضيه تماما لكم وان شالله تحوز روايتي هذه على حسن رضاكم

تحياتي ( شيهانه على كف صقار ) < سابقاً
(تناهيد الخجل)< حاليا

تعبت وانا اكتب بالفصحي خليني بالكويتي احسن

شلوونكم شخباركم اعضاءنا الحلوين والله اشتقت لكم الحمدالله رديت لكم بروايتي الجديده وان شالله تعجبكم بس قبل لا ابدي ابي كل من يقرى روايتي يحط اسمي

تناهيد الخجل
وكلمه منقووله ولحد ينتسبها حقه لاني ماراح احلل وان شالله جعل ربي مايوفقه يارب والله فوق لان حرام انا اتعب واكتب واخر شي ينقلونه بمنتدى وبأسمهم مثل ماصار معاي بروايتي الاولى
اللي كتبو انها لهم واللي يقهر يكتبون بمواضيع شرايكم بروايتي

قهر بليز اكتبو اسم الكاتبه تناهيد الخجل ومنقووله ولحد ينتسبها حقه ما احب ادعي على احد بس هم حدووني

طولت عليكم مووو يالله خلونا بالروايه

لقد عرفت ان كل شي كتب عن الحب تقريبا حقيقي قال شكسبير ان الرحلات تنتهي عند لقاء الاحبه ياله من اعتقاد رائع انا شخصيا لم امر بشيئ قريب من هذا ولكنني اعرف ان شكسبير مر بهذا وهو يفكر بالحب اكثر من غيره كان شكسبير هو من قال بان الحب اعمى اؤمن بمقولته هذه لانها حقيقيه .. بعض البشر يفقدون الحب بل يحيون ويموتون بدون المرور بتجربه حب تغير حياتهم نحن نفقد الحب ولاكن نستطيع ان نجده ولو بليله واحده الحب انواع :

حب الله عزوجل ورسوله(صلى الله عليه وسلم )

حب من طرف واحد
(هو اقسى انواع الحب وهو الذي يقتل ضحايا )

وبهذا انا خبيره
ان معظم قصص الحب يتحدثون عن ناس يقعون في حب بعضهم البعض يفرحون ويحزنون يتشاركون معاً بكل شي

ولكن ماذا عن ضحايانا؟!!
ماذا عن قصصنا نحن ؟؟!!
قصص اؤلئك الذين يقعون في الحب لوحدهم؟؟!!

نعم نحن ضحايا علاقه من طرف واحد نحن الملعونون من قبل الذين نحبهم نحن الغير محببون الذين يسيرون وهم مجروحون ولا يقدرون على إيجاد مكان لهم
آآآآآآآآآآه

نعم انا انظر الى شخص واحد ولقد احببت ذلك الرجل

اسمي فهد عمري 33 سنه دايم اقعد بحديقه بيتنا الصبح اشوف الي رايح المدرسه والي رايح الدووام انا مدير بشركة ابوي بس ماخذ اجازه طويل من سنتين الى اليوم انا ادري عنها واحس فيها قاعده تطالعني وجم مره سمعتها تتكلم عني بس مطنشها ما اقدر اعطيها وجه هي اصلا ماتعرفني بس تشوفني الصبح والمغرب اه يا هالبنت مجننتني ابي اعرف سر نظراتها

ياربي ليش جذي ليش مايلف علي بشوفه كل يوم اطالعه بالحديقه يقرا الجريده ويشرب حليب حتى اعرف نوع الحليب الي يحبه وعدد ملاعق الشكر الي يحطها بالحليب صرت اعرف واراقب تصرفاته معقووله ماحس فيني نسيت لا اعرفكم بنفسي انا فرح انا الي سردت لكم المقدمه الطويله عن الحب وانواعه والحب من طرف واحد احبه احبه ياناس
اي فهد صار لي 3 سنين واهو مو حاس وينها وداري لما سوا الحادث بغيت امووت بجبت لين قلت بس الله لايعودها من ايام انا الحين اول سنه لي بالمعهد ادرس بمعهد السكرتاريه عايلتي تتكون من 5 بنات وولد اانا البجر طبعي خجووله حيل بس ساعات افصل محد يدري عن فهد الا رفيجتي شروق بس مرام اختي ملاحظه هالشي علي ياربي فديت هالظحكه

للتوضيح
( هندي من الي يخمون الشارع طاح وفهد ضحك )

……./ بووووو.. بسج خز ارحمي الولد ترا لو اانا مكانه جان ذابحتج من زمان .
فرح / مراموووه ووجع خرعتيني بعدين منو قالج اني اخزه انا اصلا اشوف الهندي الي طاح
مرام/ اي واضح على فكره الهندي الي طاح يسار مو يمين
فرح / ها اي يعني شنو
مرام تقرب من فرح وبصوت واطي / يعني اعترفي انج تحبينه ترا انا اختج بنفعج تدرين ان فوز اخته معاي بالصف وامون عليها شوي اقولها تــ
قاطعتها فرح / بس وقص ان سمعتج تقولينها والله لذبحج فاهمه
مرام / انا ابي مصلحتج
فرح / مصلحتي اعرفها زين مالج شغل فيني
حصه / هي انتي وياها مطولين وانتو واقفين الساعه 7 الا ربع بيطق الجرس تخرنا على المدرسه

ركبوو السياره وتوجهو لمدارسهم

عايله فرح عايله على قد الحال عكس عايله فهد الغنيه والي معروفه بالكويت فرح واهلها جيران فهد بس طبعا بيتهم اجار

عائلة فرح تتكون من

الابو خلف الام بدريه : ابو فرح موظف بالبلديه بخيل حيل وعصبي لاقصى الحدود دايم يزف بناته وعلى قولتنا ( معزر فيهم ) وحتى في امهم يموت بولده سيف لانه الولد الوحيد وكله بنات بس نادر ما يسمع كلام فرح اما ام فرح ماتشتغل قاعده بالبيت

فرح البجر : بنت مزيونه لاقصى الحدود يعني خشف محترمه حبوبه ماعندها خرابيط مربيه تربيه سنعه تموت بامها وامها عندها فرح غير لانها دايم مضلومه على فكره فرح تشبه امها بالزين ومعروفه عند بنات العايله ان فرح احلاهم ونفس امها ماخذه الزين منها شعر فرح طويل يوصل الى غاية فخوذها اسود ناعم عمرها 18 سنه بمعهد السكرتاريه

مرام الثانيه : حلوه لاكن مو بجمال فرح مؤدبه اجتماعيه حيل برابعه ثانوي عمرها 17 سنه

حصه / بثانيه ثانوي عمرها 15 سنه حلوه بيضه متبتبه شوي لسانها طويل ماتخاف من احد غير خالقها وابوها

اوضاح /بثالثه متوسط عمرها 12
اصايل / 8سنين بثالثه ابتدائي
سيف:/5 سنين يشبه فرح باولى روضه

عايله فرح عايله على قد الحال يعني شوي فقاره الحمدالله على كل حال

بالسياره

مرام / راجوو علي على التكيف متنا حر
راجو/ مكيف خربان انا يبطل دريشه
حصه / اف مليت من هالسياره السكراب متى افتك منها متى
اوضاح / الحمدالله على النعمه
حصه / اووف اوووف اووف
مرام / حصووه ووجعه وخري عني حشرتيني
حصه / اقلبي وجهج ترا واصله حدي
مرام / دني شوي يالبطه ماخذه المكان كله
فرح بعصبيه / ووووووجع انتو ماتستحون حنه وقرقه وهواش على هالصبح بركز ماني قادره

حصه / اقوول كملي ادعيتج وانتي ساكته
اوضاح / احترمي نفسج
فرح / الشرها مو عليج الشرها علي انا اللي اكلمج ولا انتي ماتستحين
حصه / يو هو بدينا بمحاضره كل يوم يبا والله خلاص حفظناها
مرام / حصووه ووجع بتسكتين ولا اشلون احترمي اللي اكبر منج
اصايل / بس اسكتوو ازعجتونا
فرح / راجو مر الفرع
مرام / ليش
فرح / بشتري اكل لاصايل واوضاح وسيف
اصايل / هيا يعني ماراح نشتري من اكل المقصف
سيف / انا ما احب اكل الروضه وع
اوضاح /عيب سيوفي قول الله يديم النعمه
مرام / من وين لج فلوش نزلت الايعانه ( المعونه الشهريه اللي تصرفها الدوله للطلبه 100 دينار كويتي )
فرح / لا وين تونا بنص الشهر
حصه / اجل من وين لج
فرح تنهدت / من ابوي
مرام تغير الموضوع / يلا انزلو هجووم على الفرع
فرح / بسرعه 5 دقايق اوضاح احرصي على اصايل وسيف
اوضاح / ان شالله

(ياحبي لهل الاوضاح مؤدبه )

مرام تلحق فرح / عشان جذي كنتي تبجين امس
فرح/ قلت له ابي فلووس بطبع مراجعات للمعهد زفني وماخلى كلام ماقاله لامي ابي افهم امي شكو ااااه والله تعبت امي من كثر الضيم
مرام تطالع اختها فرح وهي تشتري اه يا اختي تحملتي المسؤوليه وانتي بعدج صغيره
فرح / مرام شفيج
مرام ببتسامه مصنعه / لا بس اسال جم عطاج لاتقولين لي الف
فرح / هههه لا مليون كلها 10 دنانير يقول لي هذا مصروف اخوانج لمده شهر

مرام / الله كريم امشي تاخرنا على المدرسه

حصه / راجوو قطني انا اول
مرام / يووه ما ابي لازم تجيبينا مبجر شنو شايفتني لابسه نظاره
حصه / لا ياعيوني شايفتج كسلانه انا احب اجي مبجر بسولف مع الشله

مرام / والله وماقالوو كلهم جياكر وسحوت
حصه / عدااااااااااااااااااااال خليني ساكته
مرام تطلع لسانها / لان ماعندج رد
فرح / اووف وبعدين عاد
حصه / فرح هي اللي بدت
فرح / خلاص اسكتوو راجوو وقف عند روضه سيف

سيف / ما ابي انزلي معاي
حصه / ياوو هالدلوع لازم كل يوم تاخرنا وتخلي فرح توصلك الى باب الصف اووف
فرح /حبيبي سيف حنا تاخرنا يالله روح ابروحك
اوضاح / اانا انزله عادي
فرح / لا جذي راح انتاخر
سيف / فرح انزلي معاي
فرح / انزين راجوو قط اوضاح واصايل وتعال لي
حصه / وحنا
فرح / انتو انا اقطكم على دربي
حصه / اووووف

خلونا نخلي ابطالنا يتكلموون
حصه ** تسالون ليش ابي اروح مبجر للمدرسه مو عشان الحق الطابور ولا من حبي لها بفتك من الهموم اللي داخل البيت بس وين افتك ووجه مرام يذكرني بالهم والبيت

مرام ** ادري بحصه تبي تروح المدرسه عشان تضحك وتنسى بس انا تفكيري كله بفرح ياناس احبها تحسسني اني ولاشي تخليني احس انا ما استاهل تدرون ليش ؟؟ ماراح اقولكم ..لا اقص عليكم بقوول هع طول عمرها هي اللي تكلم ابوي اذا بغينا شي وحتى لو سوينا اي غلطه لازم هي اللي تنطق اكره ابوي ساعات واكره عصبيته بس شنوا أسوي هذا ابوي مردي له ساعات اسأل فرح ليه ماتعيش ايامها ليش تاخذ حقنا بالطق والبجي والهم والتعب اه يا يما لو ان شخصيتج مو ضعيفه جان حنا وين

فرح** اه يا هم كل يوم على هل الحال بعد ماقطيت اخاوني لمدارسهم جا دوري اروح المعهد صج تعب ادرس طول الوقت بس يونسني شوي وينسيني همي رغم كل اللي االلي اعانيه بس احس برتياح الحمدالله خل ادق على شروق اشوفها وصلت المعهد ولا لا

فرح / صباحووو
شروق / ههههههههههههههههههههههههههههههه
فرح / دووم هالضحكه
شروق / ههههههههههههههههههههههههههههههههه
فرح/ شروق ووجع ليش تضحكين
شروق / هههههههههههه اخوي الخبل طاح هههههههههههه
فرح / هههههههههههه لايكون فيصل
شروق / ومنو غيره هههههههههههههههههههههههه لايطوفج شكله مصخر ههههههههههههههههههه
فيصل / ياحماره انجعمي جعله ان شالله تطحين انتى وفرح بالمعهد وجدام البنات
فرح / وووجع انا شكو عطيني اياه
شروق / الدعوه ترد لصاحبها
فيصل / واللي يضحك الله يبلاه
فرح/ فيصلوووه تدعي علي
فيصل/ اي
شروق / ماعليج منه احقريه
فرح/ افآآآ
فيصل/ استغفر الله
شروق/ اخس يالمطوع
فيصل / فرح وصلتي المعهد
فرح / لاقريب ليش ؟؟
فيصل / لانا وصلنا واكيد هالخبله ماراح تنزل الا لما تجين مدري ليه ماتنطرج داخل شكلها تخاف
فرح / ههههههههه بعد عمري شوشو يالله انا وراكم
شروق / هين حسابك بالبيت باي
فيصل / باي

/ اخووي فهودي العزيز هاااااي
فهد / هلا فوز الناس تقول السلام عليكم صباح الخير مو هاي
فوز / ولاتزعل Good moreing
فهد / هلا
فوز/ افا هلا بس
وقعدت تشرب من حليب فهد
فهد / انا جم مره قايل لج لاتشربين من حليبي
فوز / ياربي فهوود شنو اسوي الصراحه حليبك يجنن
فهد/ لا والله … ابي افهم تدرين جم الساعه الحين
فوز / يب 7ونص
فهد / وليه للحين مارحتي المدرسه يا انسه فوز؟؟
فوز حطت رجل على رجل / لأني الآآآنسه فوز فأنا غير
فهد / لاوالله اقوول طسي مدرستج احسن لج
فوز/ فهد شنو طسي وااي اسلوبك موكلاس
فهد / فوز
فوز / خلاص خلاص برووح من عنوني بس لاتزعل
فهد/ اللهم طولج ياروح
فوز / اوكي انا قايمه تبي شي
فهد/ سلامتج وهالله هالله بدروسج
فوز/ لاتحاتي باي
فهد / مع السلامه

يالله بشير << السايق

فوز 17 سنه اخر سنه بالثانوي قسم علمي شاطره وطيبيه ومتواضعه حلوه ودمها خفيف اغلب اللي يشوفها يقوول عنها مغروره بس هي العكس

فهد ** لما راحت فوز حسيت بضيقه دايم فوز تريحني وتخليني انسى همومي على الرغم من عجزي الا اني احاول قد ما اقدر اني اونسها بعد ماشفتها لما توفت امي شلون كانت منهاره حاولت قد ما اقدر اني انسيها واريحها والحين شوفتها تخليني انسى همومي

عايله فهد
ابو فهد ( عبدالعزيز ) رجل اعمال معروف بالديره فلوسه تغطي عين الشمس على ماقالو طيب حنون على عياله بعد وفات امهم
ام فهد ( غنيمه ) توفت قبل سنتين بمرض الخبيث فهد وفوز كانو متعلقين فيها حيل الله يرحمها
فهد < 33 سنه مزيون طويل عريض هيبته تجنن اغلب البنات ميتين عليه انسان جدي الكل يخاف منه عصبي حيل بس طيب وحنون يموت بفوز اخته مطلق ( حنان ) بنت رفيج ابوه من 6 سنين كان يحبها مووت وللحين ماتزوج سوا حادث سياره وانكسرت رجله اليسار واهملها وصار مايمشي الا بعكاز
غانم : 30 سنه متزوج بشاير ويدرس دكتوراه بأميركا عنده ولدين توأم عبدالعزيز وبندر 5 سنين

لولوه : 24 سنه ملجه على ولد عمها وعرسها قريب مزيونه تشبه لفهد كثير طويله سمره ضعيفه شكلها جنها عارضات الازياء مغروره شوي لاكن طيبه تشتغل بالبنك على ان ماعليهم قاصر بس ابوهم يحب يخليهم يعتمدون على نفسهم

فوز 17 سنه طيوبه وحبوبه تموت بأخوها فهد ومتعلقه فيه حيل بعد وفاه امها صابها انهيار عصبي وضلت بالمستشفى شهر غير سد بالشهيه اللي جاها كلهم حاولو يطلعونها من اللي هي فيه محد قدر غير فهد اللي كان دايم ينام عندها ويجيها وماخلاها لان وصيه امها قبل لاتموت هي فوز
مثل ماقلت لكم فوز مزيونه فيها غمازتين محليتها اكثر مو متحجبه

فوز *** يالله صباح خير قلت هالكلمه وانا انزل من السياره طبعا سيارتنا السياره الوحيده الكشخه بهالمدرسه او بالاصح انا الوحيده الكشخه واللي الكل يتمنى يصير مكاني ماهو غرور ولاكن هذا الواقع

/ صباح الخير الست فوز
فوز / هلا هلا بوفتحي < الحارس قاط الميانه لان فوز دايم تتصدق عليه
فوز / خلص الطابور
بوفتحي / من خمس دقايق
فوز / ويه يعني تأخير
حصه اللي تتمشى بالممر هي وشلتها ( مناير – رشا – فاطمه – ونوره )
رشا / طاعو من جا الكيلوبترا
مناير / اخيرا تنازلت وجت ابي اعرف هاذي ماهمها اي شي دايم جذي تتأخر والي يحر ابله ناديه ماتحط لها تأخير
فاطمه / لانها مو من عيال الفقاره الي نفسنا هذي بنت جخ
( بنت فلوس ) بيدها تشتري المدرسه باللي فيها
حصه / مني هي
نوره / منو بنت جخ بالمدرسه غيرها بنت جيرانكم
حصه / اي هذي تدرون على انها بنت جيرانا بس ولا جنا نعرفهم بس برمضان ندز لهم نقصه وهم يردونها بصحنا وفاضي
نوره / فاضي ليش بعدين ليش ماتروحون لهم ؟؟
حصه / لا وين نروح .. عاد امي تقوول حرام لان ماعندهم مره تسنعهم
نوره / ليش ؟؟
مناير / شفيج نسيتي ان امها متوفيه لما ماكانت تداوم عشان جذي
نوره / اي تذكرت الله يرحمها
/ لا والله فاتحينها دوانيه هني يالله كل وحده لحصتها يالله
الكل / انزين ابله … وقاموو يسحبون روحهم سحب

فرح خلف راشد ال……
فرح / نعم
شروق بدر مبارك ال ….
شروق / نعم

شروق / اقوول فروحه
فرح / عيونها
شروق / تسلم لي عيونها الحين بتخلص اول محاظره انا بروج اجيب لي كابتشينو على ما يبدي البريك ( الفرصه ) تبين وياي ؟؟
فرح **ودي ياشروق بس كل اللي عندي دينار يادووب يكفيني حق البريك / لاحياتي سلامتج
شروق / حووبي ماتمشي علي هالحركات خلصيني شاي عادي ولا نعناع مثل كل يوم
فرح ياقلبي الله لايحرمني منج / مثل كل يوم
شروق / اوكي بقوول للاستاذ اني بروح الحمام ( يكرم القارئ)
فرح / انزين

هذي بدايه روايتي الثانيه وان شالله تعجبكم ناطره ردودكم الحلوه .. تحياتي

/ مرام خلف
مرام / نعم ابله
الابله / تعالي المختبر
مرام / ان شالله
عبير رفيجه مرام / تهقين شنو تبي فيج ؟؟
مرام / والله مدري علمي علمج
عبير / انزين انا بروح الكفتيريا تبين شي
مرام / سلامتج انا متريقه

بالمختبر

الابله / هلا مرام انا جمعتكم اليوم انتي وفوز عبدالعزيز وسلمي محمد عشان تسوون مشروع البحث
مرام / اي مشروع ابله ؟؟
الابله / شوفي مرام انتي اشطر طالبه عندي وانا طلبت منكم قبل مشروع واللي وافقو عليه فوز وسلمى
مرام / اي بس انا ماوافقت
الابله / ادري بس يامرام انا ما اقدر افرط فيج انتي ماراح تسوين ولاتتكفلين بشي بس اللهم تكونين مراقبه عليهم
مرام / بس
فوز / لا بس ولا شي مرام انا صج اني تكفلت بالموضوع وانا ماني غبيه يعني افهم بس انتي اشطر مني وتعرفين اكثر مني انا ما ابي منج الا انج تساعدينا على البسيط شقلتي تشاركينا
مرام / اممممم شوفو انا بكون صريحه معاكم انا ماوفقت على البحث مو لاني ما اقدر بالعكس انا احب الماده واقدر اعطي فيها لاكن انا امكانياتي وظروفي الماديه والاسريه ماتسمح اني اكون وياكم يعنــ…
قاطعتها فوز / بس حنا مانبي منج الا انج تكونين مراقبه علينا و..
قاطعتها سلمى / مرام حتى انا ما تسمح لي ظروفي لاكن فوز متكفله بكل شي يعني احنا راح نشارك بمجهودنا وفوز بأمكانياتها
الابله / حطي ببالج يامرام ان البحث راح يروح للوزاره وراح يتقيم واذا فاز راح يكرمكم الامير خلونا نتساعد ونرفع اسم المدرسه
مرام / اوكي احاول اشوف اهلي وان شالله خير
فوز وسلمي والابله / ان شالله
بعد ما طلعو من المختبر فوز راحت لمرام / مرام
مرام / نعم
فوز / اتمنى انج تشاركين ويانا صدقيتني بنستانس
مرام / ان شالله
فوز / ان شالله

شروق / واخيرا
فرح / اي والله واخيرا عاد تدرين امس طاره من ابوي 10 دنانير عشان اخواني
شروق / لا الحمدالله ربج عوضج مابقت تنزل الاعانه انشبت بحلوجنا نشب
فرح / الحمدالله

الساعه 2الظهر

شروق / فرروحه روحي ماتبين اوصلج ترى نفس الطريج
فرح / لا ياقلبي ما ابي اكلف عليج الحين اخواني يجوني مثل كل مره
شروق / 2 وربع حرام ليش ما تروحين في باص
فرح / شروق انتى ادرى بالحال والباص ياخذ واجد وانا ماعندي الا 100 دينار ويالله يكفوني
شروق / اسفه ياعمري كدرت خاطرج
فرح / لا عادي يالله صارلج ساعه منقعه السايق ماصير كل مره جذي
شروق / انا قايله لأمي ماراح احرك الا لما فرح تحرك وياي
فرح / الله يخليج لي ولا يفرقنا عن بعض
شروق / امين

–

–

بالسياره
اصايل / كله من حصه تأخرنا على فرح حرام
حصه / جب مو مني من راجو
مرام / راجوو شكو كله منج ماتحلى سوالفج الا بالهده
حصه / انا ماسولفت راجو يمشي بطيئ عشان جذي نتأخر
راجو/ انتي واجد موشكل
حصه / انت المشكله
مرام / حصووه ووجع عيب والله لعلم ابوي
حصه / اوف

–

–
فرح/ كا جو يالله مع السلامه
شروق / بايو ياقلب

–

–
بالسياره

اصايل / فررح شوفي الابله حطت لي 3 نجمات
فرح / صج ماشالله شطوره خلاص اليوم بنروح نشتري لج اللعبه اللي تبينها
اصايل / صج وناسه

الكل بصوت واحد / نزلت لج الاعانه
فرح / هههههههه اي
حصه تبوس فرح / حبيبتي فروحه ابي لي فلوس امانه وابي بدله جديده واغراض واجد
فرح / ان شالله
اوضاح / وانا ابي لي فلوس وبروح السوق بشتري
فرح / ان شالله .. ومرام
مرام / امممممممممم سلامتج بس اذا ملزمه يعني فلوس وتودينا مطعم
فرح / ان شالله
حصه / ان شالله ولا اكيد
فرح / ان شالله واكيد
اوضاح / بتعلمين ابوي
فرح تطالع السيارات / اه لازم
حصه / اووف اكيد راح ياخذ منهم ومايبقى شي
فرح لا انا اعرف شلون اكلمه

رديت البيت وكالعاده فاضي مافي الا هي والخدم كلهم بالدوام وفهد هالحزه يروح يشوف احوال المسجد اللي يبنونه لأمهم
بدلت ونزلت تحت تتغدى
فوز ** ياربي مهي حاله دايم اتغدى بروحي وينج يما تشوفين حالتي بعد مارحتي انا ما اقول غير الله يرحمج و يخليلي فهد ( وبجت )

سيرينا / فوز
فوز تسمح دموعها / نعم
سيرينا/ مستر فهد يبي انتي في تلفون
فوز / انزين … الوو
فهد / هلا وغلا
فوز / هلا فهد
فهد/ اهلين تغديتي
فوز / كنت قاعده اتغدى تصدق مالي نفس
فهد تضايق وحس فيها / فوز حبيبتي لازم تاكلين انتي راده من المدرسه وتعبانه اكلي لج شي
فوز ساكته /…….
فهد / انزين شرايج اجيب لج وجبه من ماك
فوز / اممممم اوكي بس تاكل وياي
فهد كان متغدي بس ماحب يسكر بخاطرها / اوكي انطريني موتنامين
فوز مستانسه / ان شالله

ردت البيت كالعاده الساعه 3 لبست دراعتها النص كم ولفت شعرها الطويل اللي يتعبها بتمشيطه نطرت لما يأذن العصر صلت واخذت سماعتها وتلفونها وانسدحت على السرير وقامت تسمع قرأن بصوت القارئ ( محمد البراك) وتبجي .. تبجي من شدت خشوعها .. تجي من تحملها للهموم هواش مشاكل صراخ .. وطق اهانات ظلم حره .. كل مره اتمنى تنزل الايعانه عشان تشتري لخوانها اللي يبون واذا نزلت تحس انها مخنوقه وخايفه من ابوها تدري انه راح ياخذ منها وراح يطقها ويهينها عمرها ماحست بحساس الأبوه

دخلت حصه على فرح / فرووحه
فرح كانت متلحفه ومغطيه وجهها وماسمعتها /…
حصه تشيل الالحاف عن وجهها / فرح امي تقولـ …. ( انصدمت لما شافت اختها تبجي اول مره تشوفها تبجي ياما انطقت من ابوها ومابجت الحين ليش تبجي )
فرح اللي خافت ومسحت دموعه وعطتها ظهرها
وبعصبيه/ شنو تبين
حصه / أأ امي تقول تعالي تغدي
فرح بنفس العصبيه / ما أبي بعدين ماتعرفين تطقين الباب وتستأذنين
حصه / أأ مدري … أأ قصدي طقيت الباب ومارديتي قلت يمكن بالحمام
فرح / انزين الحين روحي وقولي حق امي فرح بتنام
حصه / زين

طلعت من غرفه اختها ودخلت غرفتها وللحين منصدمه

( فرح تبجي .. انا ادري ان عادي بس اول مره تبجي انزين ليش تبجي اصلاً انا خفت عبالي فيها شي .. حرام اول مره احس اني اني اني ااااااااه )

مرام / شفيج
حصه / فرح
مرام / مافيني
مرام / اجل ليش عيونج مبققه
حصه / مافيني شي اووف
مرام / لاتصارخين علي
حصه / جب جب
مرام / احترميني ياشقوول
حصه / مرام مالي خلق لج
مرام / شدعوه انا اللي لي خلق لج بس شفته مبققه عيونج قلت اكيد فيها شي هذا جزاي خايفه عليج
حصه بهدوء / فرح تبجي
مرام قابلتها / ليش ؟؟؟
حصه / مدري بس شكلها غريب تدرين اول مره اشوفها تبجي
مرام / انا كذا مره اشوفها تبجي بس كل ما جيت بكلمها طردتني
حصه / ليش
مرام / مدري الظاهر ما تحب نشوفها تبجي
حصه / حرام وانا اللي دايم احر جبدها
مرام / عشان تعرفين لما اقولج خففي عليها انتي عبالج الناس كلها اتقبل غشمرتج
حصه / تدرين مرام
مرام بأهتمام / شنو
حصه / انا عطيتج وجه زياده على اللزوم
مرام / انا اقوول مو معقووله حصه تغيرت
حصه / ههههههههه انا بروح عند امي
مرام / سكري الليت والباب بنام
حصه خلت الليت وبطلت الباب/ سووري
مرام / حصصوووه ووجع

–

–

فوز / الحمدالله
فهد / عافيه
فوز / الله يعافيك .. اي فهد نسيت لا اقولك
فهد / شنو ؟؟
فوز / اليوم انا وسلمى والابله كلمنا مرام ؟؟
فهد يروح يغسل ايدينه وبصوت عالي / اي مرام
فوز بصوت عالي / مرام بنت جيرانا
فهد / اممممم ما اعرفها قصدج بيت بو منذز
فوز / لا بيت خلف هي اسمها مرام خلف
فهد بيت خلف هذي البنت اللي دايم تطالعني / اي هذول اللي على يسارنا
فوز / اي ووافقت
فهد /على شنو انا ماني فاهم شي
فوز / ياربي يافهد جم مره اقوالك مسابقه الكيمياء للصف الثاني عشر
فهد /اي وبعدين
فوز/ قلت لها وبالقصب وافقت
فهد / اممممممم انزين ليش بالقصب مو شرط هي خليها تولي واخذي بنت غيرها
فوز / لا مايصير هي شاطره وانا ابيها لانها مؤدبه وحتى الابله تبيها بعدين ….
قطع عليهم دخول اختهم لولوه / هااي
فوز ببتسامه / هاي
فهد / هلا
لولوه / شلوونكم
فوز وفهد / تمام ..وضحكووو
لولوه / فهد
فهد / نعم
لولوه تشيل ملفعها / ويه حر احم .. فهد ام عبدالله اتصلت تقوول انهم بحددون العرس
فهد / متى ؟؟
لولوه / ما أدري قالت شرايكم بتاريخ 22/5
فوز / السنه هاذي ؟؟
لولوه / اي
فوز / مايصير بس ما يمدي وحتى لوقلنا يمدي راح يصير بأمتحانات الفاينل
لولوه / بس انا عاجبني حتى لو انا مالي شغل ماعندي امتحانات
فوز / شنو مالج شغل انا عندي انا اختج
لولوه / يعني تبين اقولهم حددو يوم يناسب اختي
فوز / اي
لولوه / لا والله
فوز / اجل تبين تحطين يوم الناس كلها تكون تدرس لاتنسين هذي اخر سنه لي
لولوه / وانا شعلي فيج .. فهد تكلم
فهد طول الوقت يطالعهم وساكت / شقول
فوز / فهد اليوم هذا بيكون بامتحانات وانا اخر سنه وتدري اني ماراح اروح العرس لاني بدرس
لولوه / عذر قبيح بعدين انتي شكو عرسي ولا عرسج
فهد / قولي لأم المعرس العرس نبيه 4/4
فوز / اي هذا زين
لولوه / شكوو فهد من صجج
فهد / قولي لهم جذي
لولوه / بس
فهد / ولا شي الكلام اللي قلته مايتغير واذا مستحيه تكلمينهم انا راح اكلم عبدالله

وراح
لولوه / شفتي كلا منج يالدلوعه انتي شكوو بعرسي انا كيفي ليش دايم تحبين تنكدين علي اكرهج
فوز عيونها حمره / بس انا اختج
لولوه / مالت عليج من اخت

وراحت
فوز / ليش ليش

اااااااااااااااااااااه

ان شاءالله يكون الجزء الثاني عجبكم .. ناطره ردودكم الحلوه