روايتي الاولى: حضيت بأحلى صدفة نستني كل همومي 2024.

السلام عليكم ورحمة الله وبركاته
هنا اسطر حكاية بقلمي وفيها بعض من المعاناة والالم واللطف والحنان
والمشاكل العائلية وغيرها من الامور وكيف يتجاوزها بعض منا
و الرواية من خيالي اتمنى ان تنال اعجابكم ❀
وطبعا هاذي روايتي الاولى واذا كان فيها عيب او اخطاء اذا صدرت
مني اتمنى تنبهوني عليها لاني مبتدئة في الكتابة واتمنى للي بينقل روايتي يذكر اسمي
اقلاام حائره~

بسم الله الرحمن الرحيم

((البارت الاول))

{حـڞۑټ پأحـڵـے ڝډڣة ڼـښټڼـے ڱڵ همـۆمـے✽}

هًڼـٱ ٱښطڑ حـڱٱۑة پڨڵـمـے ۆڣۑهٱ پعڞ مـڼ ٱڵـمـعٱڼـٱة ۆٱڵـٱڵـمـ ۆٱڵـڵـطڣ ۆٱڵـحـڼـٱڼ ۆٱڵـمـڜٱڱڵ ٱڵـعٱئڵـۑة ۆڠۑڑهٱ مـڼ ٱڵـٱمـۆڑ ۆڱۑڣ ۑټڃٱۆژهٱ پعڞٱً مـڼـٱ ۆٱڵـڑۆٱۑة مـڼ څۑٱڵـے ٱټمـڼـے ٱڼ ۑڼـٱڵ ٱعڃٱپڱمـ❀

~~~~~}

((ٱمـۆڼ✽))

يوم الاحد ~

– بعرفكم بنفسي انا امنه ( امون ) عمري 19 سنه أكبر وحدة من بين أخواني و خواتي ، نسكن في حي راقي و في بيت مشالله كبير و هذه كله بفضل ابوي و امي الله يرحمه .. احم انزين راح ابدء حكايتي الي عباره عن يوميات ~

قمت ع الساعه 6 كأي يوم أقوم فيه ما أنام وايد بس تقريبا 5 ساعات او اقل بسبب اشغالي نفس منتو شايفين انا طالبه جامعيه وايد شغل ع العموم رحت خذتلي شور وعقب ما لبست ملابسي المعتاده للجامعه مثل كل مره و بعد ما خلصت نزلت من ع السلالم الدائريه لغرفه الطعام الي شفت فيه عمتي (( أناديها أمي )) بعد وفاة أمي وأبوي << بتعرفون التفاصيل بعدين >> رحت لها و بست راسها

أنا: صباح الخير امايه ~

ردت عليه وهي مبتسمة : صباح النور و السرور

انا : شو امورج اليوم تمام

هيه : هيه الحمدلله الضغط خف في الدوام

انا : الحمدلله عيل متى يخلص دوامج الحين

هيه : ع الساعه 3 و شي

انا : هيه زين عيل

هيه : متى بتروحين الجامعه ع اساس اوصلج

انا : محاضرتي ع الساعه تسع يعني ثمن بطلع مع السواق عادي انتي روحي بدوني

هيه : زين عيل تحملي ع روحج

انا انشالله

راحت عمتي دوامها

كان الفطور جاهز ع الطاوله قبل لا اتريق شفت الساعة 5:45 قلت في بالي((اكيد الهرم ما قام ﮪ̯ھٓﮪ̯ﮬ̲ﮧ̲)) رحت غرفة حمدانوه اخوي الي اصغر عني عمره 17.. دقيت الباب م رد سرت دخلت شفته في سابع نومه اواعيه ما شي فايده جان اروح اخذ لي كاسه ماي بارد و ثلج ﮪ̯ھٓﮪ̯ﮬ̲ ورشيت عليه وقام مرعوب أبتسمت بحزن لأن هذي حركة أمي يوم كنت في الإعدادية تسويلي أياها .. وبعدها قام وتغسل وإلخ …. وبعدين قومت الباجين يفطرون

انا : يلا فرح ، فهد ، عبير خلصو الباص الحين بيي

كلهم بملل : انزييين

هههههه و حليلهم ، حمدان يروح معاي بالسواق صح انه خاصه بس مو مع القيه مختار المدرسه ع كيفه .. المهم انه ييب درجات حلوه .. طلعو كلهم لدواماتهم .. بعدها شفت الساعه . تنهدت ورحت أجهز لأن تقريبا الساعة 8:00 ولازم أخلص لأن محاظرتي ع الساعة 9:00 وطبعا ساعات أسير مشي عادي عندي وساعات يوم تكون امايه في البيت توصلني … ما احب اركب مع.ما احب اركب مع السواق وايد و احيانا يكون مشغول وصلنا حمدان عقبها انا

حاليا انا ادرس في جامعه من جامعات البلاد و هيه مختلطه .. تخصصي إدارة أعمال .. هذي أول سنة بس كملت أسبوع من داومت .. انا من النوع الي ما احب اتعرف ع احد من الي في كلاسي ويعتبروني غامضة لأني أبد م أرمس مع حد مول وأنا داخلة هاي الجامعة الفخمة لأن أقرب شيء ممكن أروح لها ..

اول ما دخلت الجامعه مشيت سيده ع قسمي ف و انا ماره بدون قصد صدمت بحد رفعت راسي اشوف منو هالشخص كان مشالله جميل تحريته اجنبي بس لما قال اسمحيلي عرفت انه مواطن المهم من الربكه شليت شنطتي الي طاحت و مشيت عنه كانه شيئ لم يكن

((عند الولد الي دعمت فيه))

((افف محلاتها ..أويه أنا ليش افكر فيها وما مسكت ولا كتاب عشان أعطيها ﮪ̯ھٓﮪ̯ﮬ̲ﮧ̲ )) وبعدين لاحظ كتاب طايح على الأرض خذاه وقال هذا أكيد دفترها فتح أول صفحة كان يشوف مكتوب يوميات ((آمنة ……)) استغرب و حط في باله انه يرده لها بعد ما خلص الدوام ~

انزين اكيد ما تخيلتو اشكالنا .. خلوني اقول لكم وصف اهل العيله

* عمتي العنود : 29 سنة .. طيبة وحنونة وتحب عيال أخوها راشد وأبد م ترفض لهم طلب .. هي حلوة مثل اخوها.. وعيونها بني غامج .. شعرها طويل شوي لعند الخصر ولونه احمر فاتح .. خشمها صغنون ..شفايفها صغيره و شوي مليانه .. وهي تحب تختار الملابس لعيال أخوها لأن عندها ذوق في هالأشياء و تشتغل في شركة أخوها من بعد وفاته .. ~

* انا ( امون ) : 19 سنه أكبر وحدة من بين أخونها و خواتها حلوة وايد طالعة على أمها عمرها 19 أول سنة في الجامعة .. بيضاء .. عيونها عسليات ووساع ومكحله و رموشها طويل وكثيف .. شعرها بني فاتح مايل على الإحمرار يوصل لأول كتفها .. خشمها حلو وصغنون .. شفايفها صغنونة وتوتية .. هي بنت حبوبه وتموت في أخوانها و خواتها وهي إلي تهتم فيهم من بعد وفاة أهلها .. اسلوبها راقي و جميل .. م ترمس حد في الجامعة لأنها تخاف من شيء!! بعدين بتعرفونه .. عليها جسم عارضات أزياء ..~

– اختي عبير : 12 سنة .. حبوبة وطيبة ودلوعة شوية .. بيضاء .. عيونها وساع ولونهم بني فاتح .. شعرها جوكلت ومدرج .. خشمها صغنون وحتى شفايفها لونه توتي .. جسمها عادي لا متين ولا ضعيف و تحب الفاشن..~

– و اختي فرح : توأم وليد .. 9 سنين .. هي حبوبة بس بعد مشاغبة وتحب الربشة وتحب تسوي مقالب مع انها صغيرة .. بيضاء .. عيونها صغار ولونهن بني فاتح .. شعرها لحد اخر رقبتها .. خشمها صغنون .. شفايفها عادية .. جسمها من النوع النحيف شوي ..~

* اخوي حمدان: 17 .. ثالث ثانوي .. وسيم لدرجة الجنون .. عايش حياته على كيفه .. بس يسمع كلام عمته وأخته.. ويحب أمون وايد .. شعره بني فاتح لين أول رقبته .. عيونه وساع لونهم بني فاتح .. له غمازه على اليمين .. خشمه سلة سيف .. شفايفه عادية بس شوي فيها ملونه .. وهو طيب ووسيم نفس ابوه والبنات متخبلات عليه بس م يعطيهم إي اهمية وجسمه رياضي ..ء~

– اخوي الصغير فهد : 9 سنين .. توأم فرح .. وكله هواش مع بعض بس مع ذالك يحبون بعض .. يشبه حمدان بس فيه أختلاف لون شعره جوكلت وخشمه سيف وعيونه صغنونة بس حلوه عليه وهو مشاغب ههه.

_______

انتهى

بدايتي صغيره .. لاني اريد اراء .. سواء جيده او غير ذالك لاني لست بماهره و جديده ع الكتابه .. اتمنى بان تعجبكم بدايتي ~

(( البارت الثاني ))

~!$..{حـڞۑټ پأحـڵـے ڝډڣة ڼـښټڼـے ڱڵ همـۆمـے✽}…

~~~~} حيره و يوميات ~ لّيٌتًﮭمٌ يَعُلًمٌوًنً ! بًأِنِ أُلّصًمَتّ لّأٌ يُعًنِيَ بُأِنِنُأَ ،# لَأِ نًشّ۶ـرٌ

بُلٌ نُشَعٌرّ وِرَبٌمِأً أًڳُثُرّ مّمَأٌ يًشُعٌرِوّنِ !

في نفس اليوم ع الساعة 9:00 بالليل

الكل تقريبا بغرفته إلي قاعد يدرس وإلي ياكل وإلي يبا ينام إلخ…. ،$! دخلت غرفتي ما اعرف شو أسوي رحت صوب طاولتي إلي محطوطة فوقها دفاتري قعدت ع الكرسي تبع الطاولة وقاعدة ادور دفتر يومياتي #

أنا : أف وين الدفتر ليكون ضيعته!:&

و انا ادور بين الارفف و الدرجات و صوب السرير ما لقيته و فجأه تذكرت اني اخذته الجامعه : ليكون طاح هناك و لا نسيته ع الطاوله .. بس انا ما طلعته من الشنطه لحظه لحظه لما صقعت بالولد طاحت كل كتبي بس منو هالشخص اخاف مو من كلاسي ~

تنهدت باسى ورحت أتصلت ع خدوي صديقتي من زمان م رمستها فديتها .. أتصلت فيها رن رن رن

خدوي : هلا وغلا ما بغيتي

أنا : أهلين فيج .. والله تعرفين الظروف وجي

خدوي: هي أدري تراني أمزح

انا : لا عادي

خدوي : مشتاقتلج حيل

أنا : وأنا اكثر

خدوي : شو رايج باجر أمرج ونطلع جي من زمان ما طلعنا مع بعض

أنا : والله بصراحة ما دري بسأل أمايه وبردلج خبر باجر

خدوي : أوقيه انتي شوفي و ردي علي

…، وتمينا نرمس لين م شبعنا من بعض وبعدها أنسدحت ع شبريتي أفكر لين م غلبني النوم ونمت

________~

في اليوم التالي الساعة 2:30 الظهر

ع الغداء كلنا محتمعين و ناكل ( عموتي العنود ، حمدانوه ، عبيروه ، فرح و فهد )

حمدان : اميه بطلع اليوم مع ربعي بنسير ….. تبون ايب لكم شي

العنود : لا فديتك و تحمل بروحك ..

عبير : هاذي هدى قسم بالله لو تشوفونها شقايل صايره صابغه شعرها و قاصته بموديل غجري تقهر و تدلع بعد ولا تيكم بفيونكه اكبر عنها تحطه ع راسها ،، يايه عند شلتي تضارب اونه ليش مطلعين اشاعه ان يرمسون شباب ،،

انا : كم مره قلت لج لا تحتكين فيها و اذا اتهمتج علميها انتي منو

عموتي : لا امونه ،، لازم حبيبتي تسفهينها و لا عليج منهم و تلاقين مطلعين هالاشياء عشان يقهرونكم لا اكث

عبير : المشكله يليت لو المعلومه غلط ههههههههههه

عموتي : لا حبيبتي نحن ما نتكلم عن عوارض الناس صح

عبير : اللهم لا شماته استغفرك يا ربي صدق نحصل اثام ع الفاضي من وراهم

انا : هيه اختي عاقل

عبير : طالعه عليج حبيبتي

فرح : و انا مو عاقله

عموتي : حبيباتي انتو كلكم عاقلين و شاطرين ،، بس خنشوف درجاتكم و لكم مني سفره لباريس

حمدان : والله

عموتي : هيه فديتك شد حيلك عشان نتم عطلت الصيف كلها هناك

الكل فرح لهال الخبر ~

أنا : يمه عادي أروح مع خدوي بتمر بتاخذني نروح مع بعض مكان

أمايه : أوكي روحي أستانسي بس تحملي ع روحج و تليفونج مو مقفل و لا تعرفين شو بسوي

أنا ومرة مستانسة : انشالله عموتي مشكوره حبيبتي ،، ( اعرفها عمو اذا ما رديت او تليفوني مقفل تطرش الحراس كلهم عشان يدوروني ) المهم كملت اكلي وعقبها أتصلت ف خدوي وجي قالت بتمرني ع الساعة 5:30 قلتلها أوكي …… ؛&

عند ((وليد))

أتصلت فيه وحدة بالغلط رد عليها ، البنت بمياعة : هلاا طلولي

وليد: أنا مو أسمي طلال

البنت : أنت ليه كذا مودك؟!

وليد : أجلبي ويهج (( وسكر الخط)) بعدها اتصل في ربيعه فيصل أتصل عليه وبعد شوي رد عليه : هلاا وليدوه

وليد : أهلين أبو الشباب وينك م أتصلت

فيصل : كنت مشغول شويه

وليد : هي أكيد مشغول بالمغازلة يا حبك لها الشيء ﮪ̯ھٓ المهم شو رايك نطلع اليوم ……مول

فيصل : أكيد وأتفقوا يطلعون ع الساعة 6:00 المغرب

…. ع الساعة 4:00 العصر

رحت أجهز جي أحس من زمان م كشخت عقب م خلصت وتجهزت يتلي رسالة فتحتها..

المكتوب : أبي أشوفج في …… مول ومخليه سواقنا يمرج << من المكتوب : أبي أشوفج في …… مول ومخليه سواقنا يمرج << من السوسة هديل بتعرفون عنها بعدين ..& أتصلت في خدوي وقلتلها لا تمرني وبنتقابل في ……. مول لأن السوسة طلبتني قالت أوك …’

وبعد دقايق يتلي رسالة : السواق وصل م رديت عليها ونزلت تحت بست أميه وقلتلها أنا مروحة ورحت ركبت السيارة قعدت ورا طبعاً ورحنا للمول وأول م دخلت يتلي رسالة بعد منها حشى أكيد السواق قايلها وصلنا المهم المكتوب : قابليني في ستار بكس ..، رحت عندها المهم ….&؛

– فيصل : 22 سنه .. ربيع وليد .. هو طيب بس اكبر مغازلجي يحب يغازل البنات بس ما يتعدا الحدود .. يحب يتمصخر و ما يزعل .. عصبي شوي .. غيور ويحب ربيعه وليد وايد .. وسيم عيونه متوسطه و لونها بني غامق .. شعره كدش و كله يخليه ع وراء .. خشمه حاد كبيره شوي .. شفايفه عاديه .. معضل و مهارته القتاليه زينه << ههههه رسوم !!

…………………………………….

عند وليد (( في ……..مول))

هلاا ♡~ أبو الشباب ههه شو الأخبار

فيصل : تمام ههه وين نروح الحين

وليد : شو رايك نشربلنا شيء أول بنروح ستار بوكس شو رايك؟!

فيصل : تمتم

نرجع صووبي

رحت ستار بكس قاعدة أدورها المهم لقيتها ورحت لها وقعدت

قالت : أوه توه م نور الستار (كل عادة سويتلها طااف)

قالت لي : أشحالج أمونه

رديت عليها بلامبالاه : تمام

هديل : شو تبين تشربين؟!

رديت عليها : م أبي أشرب شيء وأخلصي شو تبين (( وقت المصالح تجي الكلاب مشتاقه))

هديل وبكل جرأة : واحد من إلي أرمسهم يبا يشوفني وأبيج تروحين بدالي .. ههه م أنصدمت ولا شيء لأنها …. المهم كنت يايه أرد بس قطعت علي وهي تنادي على ….؟!

€ هديل : 25 سنه .. عدوة امون و تكرها و تبي تأخذ الورث من امون حقها ..

€ هديل : 25 سنه .. عدوة امون و تكرها و تبي تأخذ الورث من امون حقها .. كريه قلبها اسود و مغرور جايفه عمرها .. تسوي كل شيء براسها عنيده و ماتسمع كلام احد و قليلة الادب .. ما تخاف من ربها و كله تغازل .. سمره و عيونها صغار و خشمها اطويل و شفايفه كبار و شعرها صغير مب ناعم و متينه شوي

{~~~~

أنتهى البارت بليز ابي توقعاتكم البارت الاول ما كانن فيه حماس وما شفت فيه توقعات بس اتمنى الحين اشوف توقعات تشجعني

هديل تنادي من؟!

وهل أمون بتوافق ولا؟!

وشو بيصير بالبارت الياي؟!

ابي تفاعل عشان اكمل