روايتي الاولى : أحظان الشياطين

السلام عليكم والرحمه
هذي اول رواايه لي .. اتمنى انها تعجبكم وماتكون مشابهه لغييرها ,, الاحداث والشخصيات خياليه , اتمنى اني اشوف تشجيعكم ولو بكلمه بسيطه
اسميتها " احظان الشياطيين "… ….

ررراااح ابتدى بتعريف للابطال باختصار ..

=============

عائله ابو باسم
الاب متوفي من 5 سنوات
خالد متوفي مع الاب بنفس الحادث
باسم 30 سنه انسان عصبي وله كلمته غامض اسس شركات بعد ماخسر ابوها شركته ابتداء من الصفر بمساعده تجار واصحاب ابوها .. طويل وملامحه بدويه اسمر وعيونه سود حواجبه كثيفه بس مرسومه وخيال القسوه باينه بملامحه
رامي 28 سنه حنون طيوب لابعد الحدود مستلم فرع بمكه من فروع الشركه , يعشق الخيييل ويشارك بمسابقات كثييير ,بطول باسم وفيه شبه منه بعيونه بس رامي بشرته بيضاء وبالنسبه لجماله هو احلى من باسم
شوق 19 سنه اخر سنه ثانويه طيوبه وتحب الخييل والسيارات , عربجيتها تغطي على انوثتها شوي عيونها وساع وبني قاصه شعرها فكتوريا , لاهي طويله ولا صغيره
راما 23 سنه تحب الاناقه والموضه اكثر اوقتها بحفلات مع صاحباتها او بالاسواق والكوفي , نحيفه وعيونها وساع بني , طويله وجسمها خطير

2/
عائله ابو نايف
الاب موضف بالبنك حنون وطيب وهو عنده شاليه اشتراه من فترره يجمع العائله فيه كل عطله
الام هي اخت ام باسم طيبه وهي مدرسه
نايف 29 سنه صاحب باسم الروح بالروح يشتغل معه بالشركه
نوره 24 سنه مدمنه اجهزه وحاسوب تقضي فوووق 12 ساعه عليه , شعرها اسود وطويل جسمها مو نحيف بس دبدوبه شوي طوله متوسط سمراء
سعد 2 سنه دبدوب شعره كدش ويهبل
عمار27 سنه صاحب رامي ,رامي يكون اخوه من الرضاع يحب الكشخه والرزه جسمه عادي

3/
عائله ابو اياد
الاب اخو ابو باسم وهو عسكري متقاعد
الام دكتوره بمستشفى حكومي
اياد متزوج 34 سنه هو احسن شباب العائله انسان محترم , يشتغل بالرياض وهو مستلم فرع من شركه ولد عمه باسم
عبد الله هو دكتور اسنان

4/
عائله ابو فهد
الاب انسان كل همه شغله يحب الفلوس وحقود يغار من كل اللي حوله وانجح منه
الام مغروره كل همها المظاهر وماتهتم ببيتها معتمده على الخدم,
فهد 27 سنه يكرره اطباع اهله واهمالهم , اشتغل من سن 21 سنه عشان يصرف عليه وعلى لانا اخته لان بنظررره ان فلوس ابووه حراام
لانا 20 سنه دلوووعه وجسمها صغيير مخطوبه من ولد عمها طلااال وهما يحبون بعض من هما صغار
الجد "اب ابو فهد " حنون يحب يهتم بفهد ولانا ويعزهم اكثر من اولاده واحفاده لان امهم وابوهم مقصرين معهم
الجده"متوفيه " لهم 3 اولاد ابو فهد وابو طلال وسطام وهو الاصغر وعمررره 26 سنه وبنت وحده وهي تهاني توائم سطام

5/
ابو مرام
مرام 29 سنه متزوجه اياد وهي مدرسه عندهم جود 8 سنوات وقصي 10 ومحمد واحمد 3 سنوات
ملاك 21 سنه بالجامعه اداره اعمال

ام مرام تفضل مرام اكثر من ملاك لان ملاك دايم بصف ابوووها

6/
عائله ابو بدر
بدر 30 سنه دارس اداره اعمال فاتح له موسستين للاثاث متزوج من رغد وعمرها 23 سنه جميله حيييل وهي اخت صاحبه شافها مررره وقرر يخطبها صار لهم سنتين متزوجيين
تهاني 25 سنه دلوعه
الاب متوفي
الام طيبه وحنونه
عائله ابو رغد

رغد وتعرفنا عليها
وسالم 18 سنه وسليمان 31 سنه متزوج وعنده ولدين , حمد 26 سنه خاطب وزواجه قريب

…..البارت الاول ….

لااااا هزكــ زمانك…
خلك داايم صريح "
وخل " وقفتكــ" مثل النخل ….
يموت النخل ,اقــــف ….
لكن مايطيح …..

قبل خمس سنوات :…..
طلع من المستشفى مخنوق مكسور , خذلته رجليه وطاح على الارض وهو يبكي , التم الكل حوله وهم يحاولون يواسونه ويصبرونه ..
جلس بجانبه شايب بالخمسين : تصبر ياوليد ان لك مريض ادعي ربك يشفيه وان فقدت غالي الله يسكنه فسيح جناته
طلعت منه آآآآآآه وصرخ بكل صوته" راحوا الغالين ياسلطان راحووووااا , آآآآآه , والله لنتقم منك والله لدمرك والله لنتقم "
طاح على الارض مغمى عليه بانهياااار عصبي ….
هو ابتداء حياته بانتقام ……

باسم جالس على مكتبه يشتغل باوراق
دخل السكرتير طال عمرك البريد لازم توقع عليه قبل نهايه الدوام
باسم اوك رجاء خلي الملف اشوفه لخلصت ارسله لك
رجاء: البريد مستعجل
باسم نزل القلم ولف له قلت خل الملف بقراءه
رجاء باحترام انشاء الله طال عمررك نزل الملف وطلع
باسم سحب الملف وهو يتصفحه دق جواله :الووو
نايف وهو يدخل سيارته تنهد :بالمكتب
باسم ايوى
نايف :انتظرني لاتروح لمكان
باسم :وقع الاوراق
نايف : وعيونه مغمضه هههههه وربي خفت يشوفهم واروح فيها
باسم :هههههههه ياخواف , طيب تعال انتظرك
نايف :اوك سكر الخط , وباسم مبسوط قربت نهايتك ياسلطان قربت "سند ظهرره على الكرسي ينتظر نايف
…….
…….
…….

تعبت<
ارتب لكت من احساسي بيوت
تعبت واقتنع كيفـ …
قلبك – لــغيري~=…..

دخل الفيلا بسيارته البسيطه ابتسم لما شافها تركض وتصرخ باسمه
فهد نزل وهو متجه لها وضمها بشوق يالبى عيون فهد ودنيته
لانا تضمه زود :اشتقت لك "رفعت راسها عن صدره وبزعل "لييه ماقلت لي انك جاي اليوم
فهد حبيت ا سويها مفاجائه ياعيوني كيفك
لانا بحب بخيير دامي شفتك ياقلبي
: قلبي وعيوني واشتقت لك وش بقيتي لي
لفت على الصوت وانحرجت ماشافته كل اللي اهتمت فيه فهد , فكت يديها من حوول فهد ونزلت راسها :الحمد لله على السلامه
طلال : الله يسلمك
فهد ابتسم انا بدخل حرقتني الشمس اخذ شنطته من السياره وراح
لانا "كان ودها تقول لفهد لايروح"
طلال بحب: كيفك يالغلى
لانا : بخييير
طلال بهمس :اشتقت لك
لانا ارتبكت بعدت شعرها عن عيونها: ندخل الشمس حرقتنا
طلاال انجن على شكلها مسك يدها بحب لين وصلوا للباب لف لها :لانا
لانا :هلاا
طلال طلع سلسال من جيبه ولبسها وبضحكه :ماعندي حركات تغليف ومني عارف ايش ..المهم انه اعجبني وتمنيت يكون لك
لانا ابتسم روعه حييل
طلال قرب منها وضمها وهمس بـ "احبــكــ"
…..
…..
…..

أجدكــ أنت …
ابتسامه مخبباه
بـ داخليـ…
اششعر بها كلما احتجت
لـــ / فرح ….

صراخهم ماللي البيت . نزلت تجري على الدرج ورامي وراها , دخل البيت وشاف شوق نازله تجري تتخبى وراه
شوق بتعب :بسومي تكفى لاتخليه يقرب
باسم يحاول يسحب نفسه عنها : وش مسويه له
رامي يحاول يطلعها من وراء باسم :خلها عشان تتعلم كيف تصحي الواحد
باسم ابتسم مغرقتك بالماء البارد صح
شوق ياخي انتوا ماينمزح معكم عائله هم
باسم سحب شوق بسرعه ورماها على رامي حلاالك
شوق بخوف ياخاين
رامي لوى يدها وراء ضهرها ان ماربيتك من جديد واعلمك الانوثه ياحيوانه
شوق رفسته بقوه وهربت براء
رامي فكها بالم ياحيوااااانه لحقها
كان داخل للفيلا شاف شوق تجري ورامي وراها ويصرخ عليه يمسكها جراء وراها ومسكها وهو يضحك
رامي وصل ومسكها والحين ان ماربيتك
عمار هههههه وش مسويه فيك
رامي مسكها وراح للمسبح
شوق لا لا تكفى حنى بالليل والجو براد شوي تكفى
رامي احسن عشان تتربين , رماها بقوه وهما يضحكون
شوق تكح انا اوريك والله لوريك يالزفت
عمار حلو الماء
شوق كلب
رامي بروح ابدل انتظرني بالمجلس ,
عمار اوك ,لف لشوق شلون الماء بارد ولا
شوق ترتجف هييين اوريك سبحت بتطلع بس صابها شد
عمار شافها تخبط بالماء عرف انها تستهبل وتبي تنزله بالماء : غيرها ياحلو قديمه كمل طريقه للمجلس
شوق تحاول تصرخ بس الماء يمنعها
عمار لف وشافها لسه بالماء ونزلت تحت استغرب وقرب شوق بلا استهبال "صرخ" شوووق ,, رماء نفسه بالماء ورفعها ,شهقت وهي تلم يديها حوله وتكح
عمار بخوف : فيكي شي شوق
شوق ببكاء: طلعني
عمار : اسف والله اسف ضنيتك تكذبين , طلعوا وراح جري للبيت دخل وصرخ لرامي
رامي وباسم نزلوا وش فيه
باسم بخوف شالها :شوق وش بك , انتي بخير
شوق ببكاء وديني لغرفتي بردانه
باسم صرخ وش منزلها بالماء
شوق رامي وعمار اضربوني ورموني بالماء ورجلي تعورني ماقدرت اسبح
رامي وعمار صدمه !!!!!
باسم بصراخ خبول انتوا بهالبرد ياكلاب ,طلع لفوق وهو يقراء عليها
شوق رفعت راسها عن كتف باسم ومدت لسانها بلعانه
عمار بقهر انا لو مخليها تغرق مو احسن
رامي ليتك وش منزلك انت بالماء
عمار تقول صابني شد برجلي
رامي وانت صدقتها يالحمار
عمار لا بس من شفتها غرقت صدقت , بس هييين والله لردها
رامي انقلع لغرفتي بس بدل ملابسك
…..
…..
…..

~
ولنـــا فـــ القدر ,اشيــاء رائعه
لم نعرفها بعد…

نسدحت على السرير "اليوم فهد وطلال قرروا يخلون الملكه بعد اسبوعين "ابتسمت بحب وهي تتخيل هي وطلال مع بعض وبهمس" الله لايغير علينا "….
…..
…..
…..
ابو فهد وانتوا تخططون من راسكم
فهد الله يهداك يبه وش نخطط من راسنا ترا صار لهم 5 شهور مخطوبين والملكه الرجال هو اللي يحددها وهو قال يبي بعد اسبوعين عشان يجهز الحفل
ابو فهد والله ماودي بطلالوه هالزفت بس عشان ابوي حالف انها ماتاخذ غيره
فهد وطلال وش فيه رجال والنعم فيه مو ناقصه شي اخلاقه كلن يشهد بها
ام فهد بتكشيره مو من مستوانا
فهد: اهم شي الدين والاخلاق يمه , وانه يسعدها وهي شايفه السعاده معه هو , قولوا الله يتمم عليهم بس
ام فهد اسكت بس
فهد تنهد وقام تصبحون على خييير
ام فهد انت من صدقك تبي تزوجها طلال ولد الفقر ,ولد ام صالح يبيها وهو غني ومركزه زيين
ابو فهد بقهر بس انا ماقدر اكسر حلفان ابوي
ام فهد اقول ولي بس من متى انت تسمع كلمه للشايب
ابو فهد بقهر اسكتي بس
……
……
……

~
وهل يحق لي ااان احن على من اوجعني كثييرررا ؟؟…..

دخل مكتبه بعد مابدل ملابسه فتح الملف " كل شي تم بقى اقابله واحط النقط على الحروف "
طق الباب ولف وببتسامه هلا بالغاليه
ام باسم هلابك ايش تسوي
باسم اخلص بعض الاوراق
ام باسم جلست: باسم يمه ايش فيك صاير شي معك وماودك تتكلم
باسم لا يالغلى ليش
ام باسم اشوفك مكثر شغل هالشهور انت ونايف وسعود
باسم شوي شغل لاتشلين هم
ام باسم انشاء الله مافي مشاكل
باسم: لا بالعكس بس
ام باسم :ايش
باسم تنهد: سلطان
ام باسم: باستغراب وش به
باسم: قريب برجع منه كل شي اخذه منا من خمس سنوات يمه انا انتقمت لابوي ولخالد الله يرحمهم
ام باسم بحذر: وش ناوي عليه ياباسم
باسم :ارجع كل اللي اخذه واذوقه المرر
ام باسم :لاتخوفني ياباسم
باسم :لاتخافيين بكررره في الليل لما اخلص بقول لك عن كل شي ,لف وشال الملفات وسط الشنطه انا بنام وراي شغل بكررره لراسي
ام باسم: طيب تصبح على خييير
باسم: وانتي من اهله
…..
…..
…..

~
واقوولها بصووت بهـ شهقه يااارب لجنتك خذني ….

فزت من نومها مرعوبه ومخنوقه شغلت الضواء وهي تمسح شعرها , فتحت باب البلكونه واخذت نفس نزلت دموعها
لانا ببكاء اطلع من حياتي حتى بكوابيسي رجعت "مسحت دموعها " الله ياخذك وارتاح منك
كان يتاملها كيف كانت تمسح دموعها , تامل ضعفها وانكسارها , تمنى يكون قريب منها عشان يطمنها
رفعت راسها وشافته جالس بالحديقه انصدمت ورجعت بخوف وسكرت الباب …
نزل راسه وتنهد لم جكيته عليه ودخل للبيت ….
…..
…..
…..

طلعت من الحمام بسرعه ورفعت الجوال ترد الووو
جسار هلا وينك ماتردين
ملاك تنشف شعرها :كنت اتروش انت اللي وينك من امس مختفي وجوالك مغلق
جسار :كنت بالبر توني راجع بغيتي شي
ملاك :لا بس اسال
جسار: طيب اشوفك بكرره
ملاك: اامممم مدري على حسب تعرف امي اذا بيت اختي تصارخ اجل لو بقول اني كنت مع وحده من صاحباتي وش بتسوي
جسار قولي بروح اذاكر اختبار عند هند
ملاك ههه من كثر ماطري هند كرهتها
جسار هههه خلاص طلعي غيرها
ملاك بقول لابوي وهو يدبر لي عذر معها
جسار اها اوك اللي يريح اجل اشوفك
ملاك: اوك باي ,نزلت الجوال وراحت تلبس وتنشف شعرها
……
……
……

~
لو تذوقين الوجع في دمعه عيوني ؟ لثملتي
لو اسوي سواتك !!! زعلتي
انتي رحتي بسبب ولا مللتي
علميني في العشق ساجاهله وش عرفتي ~
كنتي تعرفين اللي بقلبي من بحتي *
مصيرك ترجعيين واقوولك
*كنتي وصرتي وخنتي " ذكراك بقلبي ياكذابه ولكنك رحلتي

شال صينيه الاكل وراح قسم المستودع طلع المفتاح وفتح الباب شافها جالسه على سجادها تصلي وكانت هذي حالتها كل مادخل شافها على سجادتها نزل الصينيه وطلع سلمت ولفت شافت بقايا اكلهم , ابتسمت بسخريه جلست على سريرها وقربت الصينيه وسمت بدت تاكل بعد ماخلصت نزلت الصينيه عند الباب ورجعت على السرير
" صااار لها سنه ونصف وهي بهالوضع لاتطلع من الغرفه ولا تشوف احد حتى الشباك مسكر بقطعه خشب كبيره ماتدخل ضواء الشمس والغرفه مقطوع الكهرباء عنها , غمضت عيونها ونامت
جلس بجانب امه
ام بدر وين كنت
بدر وديت لها الغداء
ام بدر تنهدت العصر حنا توك تودي عطني مفتاح انا اودي لها الاكل
بدر لا محد يقرب للغرفه انا اودي لها
ام بدر بس حرام عليك ياوليدي انت كم مرره تطلع من الصبح ولا ترجع الا المغرب وهي تضل بدون اكل
بدر بقسوه مو ميته قبل يومها
ام بدر بحزن ارحموا من الارض يرحمكم من في السماء
بدر يمه خلاص وربي اتضايق من طاريها
ام بدر:بدر خلاص حبيبي صار لها سنه ونص ماشافت الضوء ماجاء الوقت اللي تسامحها
بدر لف لها بصدمه اسامحها من عقلك يمه تقولينها كيف اسامح وحده خانتني وقف وبضيقه الله ياخذها وارتاح طلع من البيت ضايق وضل يلف شوارع الرياض بدون هدف
ام بدر الله يسامح اللي كان السبب ليتها ماتت قبل تسوي هالمصيبه مو بعدها مسحت دموعها بطرف ثوبها
تهاني شافت امها تبكي يمه وش فيك
ام بدر كله منك انتي و جميله ليتك متي معها وارتحت منكن وارتاحت هالمسكينه ليته
تهاني دمعت عيونها: لاتدعين يمه اللي فيني مكفيني لو على بدر انا بقول له كل شي
ام بدر:والله لو تفتحين فمك ياتهاني ليذبحك بارضك انقلعي لغرفت الله لايبارك فيك
تهاني راحت لغرفتها وهي تبكي
…..
…..
…..

ملاك جسار خلاص وقف هنا
جسار ليه باقي شارع
ملاك بمر بيت مرام على اني جايه من عند هند
جسار وقف براحتك
ملاك نزلت يلى باي , كملت طريقها لبيت اختها فتحت لها الشغاله
ملاك مرام فين
الشغاله فوق
ملاك والاولاد
الشغاله بالحديقه
ملاك اوك راحت لخلف البيت شافت اياد يلعب مع عياله ابتسمت سلام
اياد نزل الكوره وبابتسامه هلا بك غريبه ماجيتي من الظهر
ملاك كنت عند صاحبتي وهذاني مريت
اياد زين جلسي طالب الشغاله تسوي قهوه
ملاك اوك .. وين مرام لسه نايمه
اياد ايوى
بعد نص ساعه جت مرام
مرام باستغراب من متى انتي هنا
ملاك لفت لها وبابتسامه ماصار لي وقت
مرام كشرت طيب يلى رووحي تلاقي امي قلقانه عليه
ملاك تلعب محمد بحظنها من متى امي تقلق تلاقيها تنتظرني عشان تهزئني
مرام صرخت ملاااك
ملاك رفعت راسها هلا
مرام لاعاد تتكلمين عن امي بهالشكل فاهمه ويلى قومي انقلعي
اياد عصب مررام وش هالكلام
مررام رجاء اياد لاتتدخل بيني وبينها , انتي ماتفهميين انقلعي
ملااك بضيقه قامت
اياد حسابك معي بعدين ,ملاك خليني اوصلك
مررام البيت مو بعيد كلله باخر الحي تقدر تمشي
ملااك لا حابه امشي استريح راحت وهي تسمعهم يتهاوشون " ملت من معامله مررام لها كل ماجت لها بالبيت
ملاك انا الغبييه كل يووم تهينني وانا ارووح لها برجلي ولا اتوب
:سلامات يالحلو من اللي مضيق صدرك
ملاك لفت للسياره كان فيها شابين : شوفت خشتك كدرت المزاج " علت صوتها "انقلع لادوس ببطنك يالكلب
الشابين ههههههههه
الشاب 2:الشمس لاتحرق الحلو اطلعي اوصلك
ملاك لفت لاوالله بتصلني
الشاب 1 بابتسامه للمكان اللي تبين
ملااك بقهر فصخت جزمتها ورمتها عليه وضربت وجهه
الشاب 1 بقهر هذا ليش ياكلبه
ملااك انت الكلب انقلع
الشاب 1 بلعانه راح انقلع بس امشي بدون جزمه خلي الارض تحرقك
ملاك بقهر هاتها يالكلب
حركوا السياره وهم يضحكون
ملاك تمشي وهي شبه تناقز من حراره الارض وتدعي
…. بابتسامه الشمس بتحرقك خوذي
ملاك لفت شافت ولد جيرانهم وانحرجت عرفت انه شاف كل شي لفت بزعل :مابي
جراح : نزل جزماته وعطاها خوذي
ملاك اخذتهم لانها مو قادره تتحمل
جراح مشاء بجانبها لان طريقهم واحد طلع من الكيس ماء تفضلي
ملاك مابي
جراح براحتك فتح الماء وصار يشرب
ملاك بقهر تناضر له شافته يناظر لها وهمس تبين
ملاك بقرف بعدك يععععع قذر
جراح براحتك
ملاك ماحرقتك الشمس
جراح الا
ملااك احسن وصلت للباب وفصختهم ورمتهم عليه : مو مشكور دخلت وسكرت الباب
جراح هذي جزاتي اوريك يالدلوعه
راح لبيتهم وهو يتوعد فيها ……….

تو عيني مــ شبعت والوقت بدري
خل عنكك الناس بس لااحق عليهم
ياخي افهم حتى لكك نبضااات قلبي
كنها تغني ابيككـــ ومـــ ابيهم!!!!…..
…..
…..
…..

دخل البيت متاخر الوقت الفجر كان عارف انها بتكون صاحيه هالوقت راح للغرفه وفتح الباب مالقاها عرف انها بدوره المياه ظل واقف ينتظرها , طلعت وهي تمسح وجهها شافته واقف يناظر لها كان متغير حييل وجهه ذابل
رغد قربت منه وهي تسحب السجاده من جانبه سحبها من يدها
بدر بضيقه كيف طاوعك قلبك كييف
رغد بجمود : كل ماشفتني بتسالني هالسوال ماتعبت
بدر غرز اضافره بيدها جاوبيني
رغد تتالم بس مابينت : ونفس الجواب يتكرر كانت لحظه ضعف
بدر دفها بقسوه: الله ياخذك وارتاح رجع ظربها وعطاها كف اكرهك
رغد لمت يديها حووول وجهها بدر كافي والله ماعدت اتحمل تظربني زود ..ببكاء ارحمني تكفى
بدر رفسها من رجليها وطلع
لمت يديها حول رجليها وصارت تبكي "وهذي هي حالته يجي بين فتررره وفتره يضربها ويطلع "
طلع الدرج بسرعه
ام بدر يمه بدر توك ترجع
بدر ايوى
ام بدر الله يهداك روح صلي الفجر قبل تنام
بدر اوك .. رجع لف لها يمه
ام بدر هلا
بدر: ابيك تخطبين لي بنت جارنا ابو ماللك
ام بدر: مو كنت رافض
بدر: بس الحين ابي وابي كل شي يتم بسرعه , راح لغرفته قبل تتكلم
ام بدر بحزن الله يهديك بس راحت لغرفه تهاني تقومها للصلاه
…..
…..
…..
فز من الكرسي مصدوم وبصراخ كيف صار هالشي انا انتهيت انتهيت , طلع من مكتبه نايف نايف , مالقى السكرتير في مكتبه سكر الباب وهو مخنوق كيف خسر,دق جواله
ابو فهد مخنوق الوو
…..بابتسامه:كيف الحال سلطان
ابو فهد عقد حواجبه مييين ؟؟
…..:افااااا ياسلطان ماعتقد خمس سنين تنسيك ولد صاحبك
ابو فهد ولد صاحبي
….: باسم محمد الحربي ولا نسيته
ابو فهد بصدمه باسم
باسم بحقد : احصد اللي زرعته ياسلطان خمس سنين تزرع بقلبي حقد والانتقام جاء الوقد اللي تحصد فعايلك
ابوفهد انت وش تقول ايش تخربط أي انتقام أي حقد
باسم كل شي اخذته من ابوي استرجعته , شركاتك ومزارعك وبيوتك كلها صارت ملكي وبضحكه وازيد من الشعر بيت شيكات بدون رصيد تدخلك السجن 30 سنه قدام
ابو فهد كيف انت وش تقول وش تخربط
باسم لا عاد كيف وشلون هذي يبي لها قعده نتفاهم فيها وعلى الشروط حتى تطلع باقل الخساير شرايك
ابوفهد بغصه وين
باسم بضحكه ايه كذا تعجبني

الـا القاء احبتي …..
اتمنى انها تكون عجبتكم ….!!!!
اما على البارتات راح انزل يوم الجمعه بارت وبعدها راح احدد يوم , بس اتمنى منكم مايكون متابعيين خلف الكواليس ابي التشجيع ثم الثشجيع ثم التشجيع
تصبحون على خيير ….

لقاء باسم مع سلطان …!!!!!
رغد وبدر ايش قصتهم …!!!
ملاك ومرااام …!!!
لانـــا والشخص المجهول والكوابيس ..!!!
تهاني والسر اللي تخفيه هي ووالدتها عن بدر …!!!!

نلتقي بْإذن الله يووم الجمعه مساءً….

السلام عليكم

البارت فيه من الاثارة
بس ياليت تكثيرين من الوصف
وتفصلين بين اسم الشخص والحوار والوصف
وتكبرين الخط ﻻن جاني صداع وأنا اقرا
وانتبهي لكلمة ان شاء الله ..

يعطيك العافية ..
وأتمنى انتقادي ما ازعجك..

بالتوفيق ..

مرحبا فيك .. انبسطت انه عجبك حييل
بالعكس مازعلت ولا شي
وان شاء الله راح افصل مابينهم صح في البارت اللي جاي

اتمنى اشوف تشجيع بنات لو بكلمه

معقوله مافي ردود يعني ماجازت لكم على العموم بنزل بارت اليوم الفجر واشوف ان لقيت تشجيع ولو قليل كملت

موفقه يَ حلوه

ܓܛܟ