روايتي الأولى/ لو ما الحزن بادي ما نفهم الفرحة 2024.

نسيت معنى كلمة فرح..!

" الحــلقـة الأولــى "

قريب من رمال الشاطئ ..وجنب وحده من الفيلل الكبيرة..اللي صافة على طول الساحل الشمالي..
كانت جالسه على طاولة دائرية وعليها مجموعة كراسي.. موجودة في الحديقة المكشوفة على البحر..

مدت ايدها على زر الصوت اللي في الراديو..وعلت عليه حبتين..
بعد ما أشجنها صوت السيدة فيروز على الصباح..

نسم علينا الهوا..
من مفرق الوادي..
يا هوا دخل الهوا..
خدني على بلادي..

آآآآآه و نسم علينا الهوا..
من مفرق الوادي..
يا هوا دخل الهوا..
خدني على بلادي..

يوم الخميس ..الساعة سبعة الصبح.. والجو مغيم وما فيه أحلى منه..
ماسكة كوب القهوة التركية الكبير بيدينها الثنتين..
وعيونها تطالع في البحر ، والصوت العذب تخلل أذنها وخلاها تسرح بعالمها..

ناظرت في اللا مكان..
ونظرة عيونها توحي بالجمود..!

سكرت الراديو بعد ما خلصت الأغنية وحولت نظرها لدفترها اللي جابته معها وكانت حاطته على الطاولة.. وقررت تكتب فيه كلمتين.. عل وعسى تقدر تطلع شي من اللي بقلبها
مسكت قلم الحبر بايدها الباردة من برودة الجو ..
وخطت بخط جميل..
:
:
أتهاوى في أعماق تلك الحفر
التي تكلل دربي..
بحثا عنك..
ورغبة في وصلك
أيتها السعـ ـ ـ ـادة..!

فلا أنا أجدك..
ولا أحس بقربك مني..

ولا أنا قادرة على النهوض من جديد..
والصعود للأعلى.. لأجد المخرج..

فما الحل .. أخبريني..
مـــا الحل ..!
فإن كنتي عاجزة عن الوصول إلي.. فلربما لن تعجزي عن تقديم الحل لي..

أسرعي ..
أيتها السعادة..
أنقذيني
قبل أن يفوت الآوان..

فإني أشعر بالحزن يلحفني ويخنقني..
وقد يجبرني على الإرتباط به..
مدى الحياة..
فلا تعود لك القدرة على مواجهته..
ولا يعود صوتك، وهمسك، وقربك، واسمك.. يعني لي شيئا..

فأتهاوى وأتخبط في الحفر المظلمة مرات أخرى..
بحثا عن المفـــر..
ولا أجده هو أيضا..!
:
:

سكرت الدفتر بملل.. وهي تحس هالكلمات ما عبرت عنها صح ولا بالشكل اللي هي تمناته..
تحس أنها تافهه وما لها معنى..وبكل برود طلعت الورقة من الدفتر بقوة..
وعفستها بيدينها..ورمتها في أقرب سلة..
يمكن هالحركة تطلع شوي من حرة قلبها..
وجلست بعدها في هدوء..
واستكانت وارتخت ملامح وجهها..
واستنشقت الهواء براحة..
وكأن قلبها كان ينتظر هالهدوء من زمان..

ما مرت ثواني إلا ويفاجأها صوت عالي ومزعج.. خرب عليها جمال هاللحظة..

طالعت جوالها بقهر وردت بعصبية بدون ما تشوف مين المتصل: خير..؟ وش هالازعاج من صباح ربي؟

وصلتها ضحكة صاحبتها وهي تقول: أووووف اش فيها الأخلاق مطينة على هالجو الساحر

قالت بضيق: ماني فاضية لج يالرايقة

قالت بهبل: والله انتي اللي رايقة مواصلة السهر للصبح وتاركة النوم وحلاته..

ردت بلا مبالاة: لا أبشرج نايمة بدري

شهقت: هييييه حلفي..! لا لااا ما أصدق.. فجر بنت راشد تنام بدري.. من متى هذي؟

فجر: لا تتعشمي خير.. هي بس أمس كنوع من التغيير.. ماظنتي بستمر

ردت بخيبة أمل: مـــااالت.. وأنا اللي فرحت على بالي بتعدلي نومج الخايس عشان نقدر نطلع مثل الناس.. مو تنامين طول اليوم وتصحين آخر الليل

فجر بعصبية: انتي هيي تراني عطيتج وجه.. يللا فارقي

ردت بسرعة: لاااا وين أفارق أنا ما صدقت انج صاحية تبيني أفوت الطلعة؟ لا وحياتج.. يللا قومي خلينا نطلع نفطر في أي مكان

قالت بتعترض (لأنه مالها مزاج تطلع): لا مـ…

قاطعتها : عذرج ما قبلناه ويللا خلصيني ماني فاضية لج ولدلعج تراني مواصلة من أمس وتعبانة و..

قاطعتها فجر بحدة: أووف يللا انقلعي.. كلها ربع ساعة وأكون عندج..

ما كان ودها تطلع بس يحتاج لها تغيير جو.. قامت بتروح غرفتها عشان تطلع مع صديقتها اللي تعرفت عليها قبل ثلاث أســابيع.. لأنهم نقلوا من مدينتهم لمدينة ثانية ..
وهي تعرفت عليها من المدرسة الجديدة اللي دخلتها..

لبست لها بنطلون جينز وبلوزة رمادية قطنية وطويلة
طالعت بوجهها في المراية واللي كان شاحب بسبب قلة النوم.. عدلته بشوية رتوش مكياج ومسكت شعرها كله على جنب بربطة سودا عادية ولبست نظارة شمسية لونها أسود غطت نص وجهها..
خذت وحدة من الشنط اللي في دولابها بدون ما تطالع فيها واتصلت على السايق يجهز السيارة..

نزلت تحت ولقت أبوها يقرا جريدته.. سلمت عليه وطلعت بدون ما يسألها وين رايحة ولا مع مين.. << ماااالت عليك من أبو

ركبت سيارة البي إم دبليو السودا ووجهت كلامها للسايق: روح عند غزل

بعد عشر دقايق وصلوا بيت غزل واللي كانت فيللا صغيرة وبسيطة بس كانت عصرية وحلوة..
رنت فجر على جوالها والثانية وصلت في ثواني..
دخلت وهي لابسة بنطلون جينز غامق وتوب نص كم لونه تركوازي عليه شخابيط (كلام ورسمات) بالأصفر والأبيض..
ومسيحة شعرها الأسود الناعم اللي يوصل لفوق كتوفها..

جلست بسرعة وهي تتحرطم..
ولفت على فجر وسلمت عليها والثانية سألتها: اش فيج يالخبلة<<صدقها والله

غزل: يووه هذا أخوي يرفع الضغط (وقلدت صوته) وين رايحة؟ مع مين؟ بدلي ثيابج، لبسي عباية، رجعي بسرعة (رجعت لصوتها) والله لو ما أمي جات وأنقذتني ما كان خلاني حتى أطلع..
طالعت في فجر السرحانة وقالت: بذمتج ما يرفع الضغط؟

انتبهت لها فجر ..وقالت "وهي تتذكر برود ابوها ولا مبالاته": إلا يقهــررر

غزل: زين يللا قولي لسواقج يودينا سلطان مشتهية أفطر فيه

فجر: ايه هذا اللي يهمج..
صدت عنها وقالت للسايق: روح سلطان

**********************************************

في مدينة ثانية.. جالسة قدام اللاب توب.. وفاتحة الماسنجر.. وقاعدة تكلم بنت تعرفت عليها من النت وهي في الأصل فتحته عشان تكلم صديقتها الروح بالروح.. بس لقتها أوف لاين..

مركزة نظرها ع المحادثة وهي تكلم صاحبتها الإماراتية الجديدة (واللي اسمها شمس).. وبالها في مكان بعيد..

شـ…مــ…ــس العيـ & ـــن:
هييييه يالدبة وين سرحتي؟

انتبهت انها كانت سرحانة وردت بسرعة..
ما.. أقوى على — فرقاك:
معاج .. هذي أختي كانت تكلمني.. <<< يالكذاااااابة.. لأنها مهي بشايفتج يعني تقولين أختي ؟

شـ…مــ…ــس العيـ & ـــن:
ايييه.. إلا قوليلي متى تبدا الإجازة عندكم؟..

ما.. أقوى على — فرقاك:
امممم باقي لنا تقريبا ثلاث أسابيع

شـ…مــ…ــس العيـ & ـــن:
يوووه مساكين حنا اجازتنا بدت من هالاسبوع

ما.. أقوى على — فرقاك:
يااااااا حظكم.. والله قهههر.. طيب ناوين تروحوا مكان؟

شـ…مــ…ــس العيـ & ـــن:
هيه.. ان شاء الله يايين عندكم..

ما.. أقوى على — فرقاك:
وااااااااو جايين مسقط؟؟

شـ…مــ…ــس العيـ & ـــن:
لأ.. سايرين صلالة باذن الله..عيل نخلي الخريف ونقعد فهالحررر << فديييتها وفديت أهلها..

ما.. أقوى على — فرقاك:
يووه وأنا على بالي جايين عندنا.. قلت يمكن نشوف بعض..

شـ…مــ…ــس العيـ & ـــن:
امم بس ما أظن انا بنمر مسقط.. لأنه سيدة بنسير صلالة عند عمتيه اللي عايشتن هناك..

ما.. أقوى على — فرقاك:
أها..

شـ…مــ…ــس العيـ & ـــن:
يوووه بسكر احينه.. أمايه تزقرني..
<<< لايكون هي بعد تكذب عليها خخخخ (وانتي وش عليج؟؟ صدق لقاااااافة)

ما.. أقوى على — فرقاك:
طيب يللا باي..

شـ…مــ…ــس العيـ & ـــن:
بااااي

طلعت شمس وبقت لحالها..
ناظرت في النك حق صديقتها للمرة الأخيرة..
”نسيت طعم الفرح !!"
ولقته أوف لاين.. وطلعت من الماسنجر..

: يووه صار لي أسبوعين ما كلمتها.. والدبة ما فكرت حتى تتصل فيني..

مدت ايدها لجوالها ودورت على اسمها .. لين وصلت لاسم (السنيورة) واتصلت..

: أوووف هذا وقته يكون مغلق..

حطت جوالها ع الكومدينا بقهر ودست راسها في الوسادة وراحت في سااااابع نومة..

**********************************************

في العاصمة مسقط..

في سلطان..
الساعة تسعة و ربع..
قاعدين في المطعم اللي فوق على طاولة قريب من الواجهة الزجاجية اللي تطل على برا..

أشرت للنادل بيدها وقالت: الحساب
جاب النادل الحساب وحطت بطاقة الصرف الآلي داخل الفاتورة من دون ما تطالع بالرقم وهي تكلم غزل: هيي يالخبلة اشفيج؟

>>> @_@ هالبنت ما تحشم أحد..من الصبح وهي يالخبلة ويالخبلة..

<<< أنا: والله كيفي أنا أبيها تكون كذا روايتج ولا روايتي؟

بتنهيدة @_@ أمرنا لله يللا كملي روايتج..

<<<أنا: اييييه بكملها عيل بنتظرج تكمليها يعني…. والله..!!

بهمس @_@ : أعووووذ بالله أخلاقهم تتشابه مالت عليهم

<<< أنا: نعععم وش قلتي؟؟

(يممه) @_@ : هاا؟ لا ولا شي..

<<< أنا: ايـــه.. على بالي بعد..!

المهم وين كنا… شكلنا خرجنا عن الموضوووع ..

>> @_@ : لاااااا بدري ؟؟ (ترا قلته بقلبي أعرفها متوحشة)

<<<سمايلي: اييييييه صح تذكرت وين كنا …

بـــــــــاااااك
…

أشرت للنادل بيدها وقالت: الحساب
جاب النادل الحساب وحطت بطاقة الصرف الآلي داخل الفاتورة من دون ما تطالع بالرقم وهي تكلم غزل: هيي يالخبلة اشفيج؟

عضت غزل على طرف إصبعها: يوووه ما عزمنا عبير..

قالت فجر بهدوء: اتصلت عليها وكانت نايمة

زفرت غزل بارتياح : أشوى.. والله لتزعل لو عرفت انا رحنا بدونها

قامت فجر اللي قالت: يللا قومي..

قاموا وطلعوا من المطعم..

فجر: دقي على سواقي

طالعتها غزل بنص عين: وليش انتي ما تدقين؟

فجر: مقفلة جوالي << خوووش عذر

غزل (رافعة حاجب) : يجوز تفتحيه والله..!

فجر ببرود: مالي مزاج.!
<<< أنا: أحللللى والله تعجبيني يالمزاجية
:

طالعتها غزل باستنكار (من تصرفاتها اللي تشوفها غريبة) : وانتي كل شي عندك بالمزاج؟

عطتها فجر نظرة عرفت منها انها مارح تجاوبها..
دقت غزل وهي تقول بقلبها (وش نسوي عاد أمرنا لله ..محد يقدر عليها السنيورة): ألو..ايوة علي تعال..

أجى السواق وقالت له فجر يوديهم الكورنيش..

غزل: أنا أبغى أعرف انتي ما تملي من البحر؟ اربع وعشرين ساعة مقابلته؟

فجر (ياليتني اربع وعشرين ساعة مقابلته كان ما قابلت ويهج): ……….

**********************************************
<<< أنا: هع هع هع حللللوه فجووورتي تكفين عيديها بس بصوت عالي

فجر بنص عين: انقلعي

>>> @_@ : هاهاهااااااااااا لقطي ويهج خخخ فشلوها فشلووها..مو كنتي تبينها كذا ؟؟خلي أخلاقها تنفعج الحين هع هع..

<<< أنا: (يووووه احترق وجهي ماااااالت عليها الدبة..)وانتي هييي فجروووه ترا اذا ما تعدلتي بسحب منج دور البطوووولة (فرحانة بنفسها يقاللك تعرف تهدد)

فجر: ………

<<< أنا: أوريييييها الدبة مو هامها بعد..!
يللا خلونا نرجع للرواية قبل ما تنبط كبدي من بعض النااااااس..

احم احم.. باااااااك..

**************************************

جالس بين أصحابه يسمع سوالفهم وهو طفشان.. أخذ جواله ومر في قائمة الأسماء وهو متردد يتصل ولا لأ….!
بالأخير طنش أفكاره وحط الجوال على الطاولة اللي قدامه..
قال واحد من الشباب اللي كانوا قاعدين على الطاولة

عبدالله : اوووووه من هذيك اليوم ماعد شفناها ياخي..

طلال : ليش وش سويت بالبنية؟

رائد : انت قول وش ما سوى.. البنت راحت وطي من بعد مادروا أبوها وأخوها

طلال: والله؟ _لف على عبدالله_ وأنت اش هالنذاااالة؟ وبعدين أنت ما تخاف اذا أهلها عرفوك وش بيسوون فيك؟

قال عبدالله بكل وقاحة وعنجهية وغرور: هه.. هالأشكال ما تخوف..
قال طلال في قلبه (والله شكلك أنت اللي بتودي نفسك في داهية من هالغرور اللي راكب راسك)..

أجى زيد اللي دخل عرض وقال: وش السالفة؟

طالعه رائد بنص عين : الناس تسلم قبل..

قال بضحكة: السلام عليكم..

طلال: لا بدري..!

زيد: هههه اشفيكم اليوم كنه حد ماكل حلالكم..(سكت ثواني وبعدها قال باستفسار) إلا ما قلتولي وش عندكم؟

لف رائد على طلال وقال له: ياخي هذا ما بيرتاح إلا اذا قلتله وفكيتنا..

ضحك طلال وهو عارف لقافة صاحبة اللي مايتوب عنها : السالفة واللي يسلمك انه أخونا في الله (وأشر على عبدالله) سوى حركة نذالة مع آخر بنت تعرف عليها .. تعرفها اا..

قاطعـــه: ايه عرفتها.. أماني أم روج أحمر.. مو اللي شعرها كشة..!

طالعوه كلهم بصدمة..وبعدها انفجرررروا ضحححك..
ههههههههههههههههههههههه هههههههاااااااااااااأااي ههههههه
هههههههههههههههههههههههههههههه هههههههههههههه

قال طلال وهو ضاغط على بطنه و يطالع بصديقه الملقوف والمنتظر رده باهتمام: يعني.. يعني الحين مو كافيك حافظ اسامي نص البنات ..بعد حطيت لهم ألقاب..؟

زيد: هع هع هع عشان أفرق مابينهم..<< أجل الله يعينهم ..

قال عبدالله وعينه دمعت من الضحك(وهو يتخيلها تسمعهم): واش معنى مسكت (روج أحمر)..؟

قال زيد بقرررف: وععع يعني ما تذكر يوم انها تجي المول كل يوم وهي فرحانة ببراطمها اللي تخرررع ومعبيتهم بالأحمر..إلا وش السالفة؟

طالعوا كلهم في بعض.. هذي ثالث مرة يسأل.. ولو تركوه من اليوم لبكرة بيضل يسأل..!

كمل له طلال السالفة وقال له أنه عبدالله تعرف على هذيك البنت واستمر معها شهرين لين مل منها واستدرجها وبعدها أخذ اللي يبيه… وبدال مايتركها بحالها فضحها ودروا أبوها وأخوانها..!

زيد: خخخخ والله وطلع فيك يا عبود عرق نذالة (كمل بجدية) خلها تستاهل ماجاها..هي وكل البنات اللي نفسها يخونوا ثقة أهلهم ويضيعوا نفسهم

رائد: اووووه والله وصار كلامك عدل..يالملقوووف خخخ..صدق لي قالوا..خذوا الحكمة من أفواه المجانين..

الكل (ماعدا زيد والشخص اللي كان سرحان): هههههههههههههه هههههههههههههههههههههههههههاا

"كنت سرحان وما وعيت إلا على صوت ضحكتهم" سألتهم: خير..! وش السالفة؟

عبدالله: ههه خلك مع اللي ماخذ عقلك أحسن..

؟؟؟؟؟؟؟

المهم طلعنا من المطعم ورحنا كل واحد لبيته..
أصلا في مثل هالوقت عادة نكون منخمدين في بيوتنا ونايمن..بس هالمرة كملنا السهرة لين الساعة ١٠ الصبح..

ركنت سيارتي البنتلي السبور ودخلت قصرنا الكبير والواسع..<<.. تستعرض انت ووجهك..؟؟

مريت بالصالة وبعدها صعدت الدرج ..وتوجهت لجناحي.. وتوني كنت بدخل إلا سمعت صوت وراي يناديني..

: فـيـــصل..!

فيصل بقلبه(اللهم طولك يا روح) وببرود: خير يمه..

تنرفزت من كلمته وقالت بقهر:
تعرفني ما أحب هالكلمة لا تقولها..

فيصل : تأمرين يمه

انقهرت أكثر من بروده (هين يافيصلوه تعاندني ها..والله لأعلم أبوك) : وش جابك الحين؟؟ ترا الوقت صار الظهر..

فيصل ببرود أكثر: ومن متى صار فيه وقت محدد أرجع فيه البيت..؟

خففت من حدة كلامها وقالت بهدوء (لأنها تدري ان استفزته وش بيصير): لأ مو قصدي.. بس في العادة تجي قبل..

فيصل بثقة: ووقت ما أبي أغير العادة أغيرها.. ودام أبوي مخليني على راحتي محد يقدر يمنعني..

سكتت وما ردت..طنشتها ودخلت جناحي اللي مانع أن احد يدخله غيري (أدري فيها ليش سكتت.. ماتبي مشاكل)..

دخلت لغرفتي ورحت عند السرير وفتحت الدرج اللي بجنبه..
طلعت صورتها وقعدت اتأملها.. وأتأمل وجهها الساكن والهادئ..واللي يبعث على لراحة والسكينة..

بتنهيدة: آآآه الله يرحمج.. الله يرحمج يالغالية..يا جنتي..

رجعت الصورة بمكانها..وسكرت الدرج.. بس ما سكرته بالمفتاح لأني أدري محد يتجرئ ويدخل جناحي وبالأخص غرفتي..
بعدها حطيت راسي وحاولت أنام..
بس النوم عيا يجيني..

**********************************************

على الكورنيش ..
والجو حلووو واااااااايد..
جالسات على طاولة مدورة وقدام كل وحدة منهم عصير..
ملت من القعدة وقامت بتروح للبحر..

غزل: وين رايحة؟!

كملت طريقها ولا عبرتها..

غزل (اووفف مالت عليها من شايفة نفسها هذي)

وصلت لعند البحر وصارت قريب منه بالحيل.. وجلست على وحدة من الصخور الكبار اللي مسوية حاجز بين الشاطي والبحر..
لمت رجلينها لصدرها وضمتهم بهدوء وهي تسمع أصوات موج البحر الهادئ واللي يريح الأعصاب..
وغمضت عيونها باسترخاء وهي تتذكر الماضي..

المـــاضي المزعج..!

___ـــ___

نرجع لغزل اللي من راحت فجر وهي قاعدة تتحرطم بروحها..

" اوووفف مالت عليها سحلية البحر هذي.. جايبتني هنا عشان أقعد لحالي؟"<<< هيييه ترا انتي اللي طلبتي منها تطلعج.. مالت عليج ..صدق ما تنعطين وجه..ما أسمح لج تقولين سحلية البحر يالحرباية ؟؟(اشفيكم تطالعوووون قهررررتني والله)

طلعت جوالها وقعدت تلعب فيه إلا تسمع صوت من وراها..

: أقوووول يالحلوووة..

غزل بقلبها (ماااااالت عليك غبي..خله يحترق ماني لافة عليه..يقاللك يغازل هه) << يقاللك رزة وهيبة والأخت من جنبـهــا هع هع

>>@_@: انتي هيي اشفيج بالبنية من الصبح وانتي نازلة فيها تعليقات؟؟

<<< أنا: موووو شغلج روايتي وبكيييفي يللا .. بـــرااااا
..
رد الصوت ناداها مرة ثانية.. وما عبرت

احم احم ..
عدنــــــا<< عبالها سبيستون

المهم.. سمعت خطوات أحد جاي لعندها.. وهي ظلت مثل ماهي منزلة راسها وتلعب بجوالها..

قال وهو واقف بجنب طاولتها..
: لو سمحتي يالأخت.. ممكن شوية من وقتج؟

غزل (اوووفف لهنا وبس.. زودهااااا)
رفعت راسها بتهزئه…ووووووووو ضـاااااااااااااعت علــــــوووومهاااااا.. << هع هع مين القوية الحين

مروا ثواني وهي متنحة بالشاب اللي قدامها..
أما هو ابتسم بغرور وهو يطالع فمها المفتوووووح كأنه نفق<<< لـوووووووووووول.. خخخخ مشفوووحة مو شايفة خير.. !

مد لها كرت صغير وقاللها : تشرفنا..

وعت من سرحانها على صوته وهي تشوف الكرت قدامها ممدود في الهواء.. تداركت الوضع وأخذت منه الكرت ونزلت راسها بخجل من حركتها الغبية<< إلا سخيفة وتفشششل

رفعت راسها مرة ثانية بس كان قد اختفى.. (وااااي يافشلتي أكيد الحين بيقول خبلة)<<< يعني قبل مو خبلة؟؟ خخخخ

>>@_@:أقوووووول يللا انقلعي برااا عطيناج وجه..

<<<أنا: ما أبي ما أبي روايتي مو على كــ..

>>@_@: بـــرررررااااااا..

.

>>@_@: أخيرا سحبتها من كشتها لبررااا ^_^ .. الغبية خربت الأحداث بتعليقاتها اللي مثل وجهها..
أدري فيها اذا رجعت بتذبحني..
بس ماااا عليه كله يهووون لعيونكم

يللا نرجع للرواية..

خذت غزل الكرت وسجلت الرقم الموجود فيه على جوالها باسم (الخقة)
<< قلت لكم مخفة

___ـــ___

ضلت تقريبا ربع ساعة وهي قاعدة لحالها وبهدوووء..
بعدها سمعت صوت واحد يقول: بدر الللحق.. قمر قمر..

فتحت عيونها اللي مازالوا مثبتين على نفس المكان اللي كانت تناظره.. وقامت من مكانها بعد ما نزلت نظارتها الشمسية على وجهها.. وراحت من دون ما تطالع فيه..

وهي رايحة شافته جاي قدامها ومد يده لها<< يقاللك بيتعرف
بس هي مشت ولا كأنه موجود حتى..

قال بقلبه( يلعن شكلها..! لا تكون الأميرة ديانا ونحنا ما ندري!؟)

وصلت لعند غزل وقالت لها: يللا مشينا..
دقت على السواق.. وراحوا يتمشوا ع البحر على بال مايجي..

كانوا يمشوا وهم ساكتات.. والناس تطالعهم..
لأنه وعلى كثرة البنات اللي مايلبسوا عباية ولا يتغطوا..وعلى كثرة الأجانب اللي ماليين البلد (وما شاء الله عليهم قاعدين ع البحر يتشمسون وهم فاصخين<< مايستحووون) إلا أنهم كانوا ملفتات للنظر..

أجى سواق فجر وراحوا..
وهم في السيارة..
طالعت غزل ساعتها (11 الظهر) وقالت باستنكار : فجوووورة ترا والله راجعين بدري.. وش رايج نروح لنا أي مكان أو نفتر بالسيارة لين وقت الغــ..

قاطعتها فجر بحدة: عطيتج وجه بزياده.. فـ انكتمي أحسن لج..

غزل بقلبها (أوووفف علة تعلج ان شااااء الله..قاعدة أطرها أنا..!)

**********************************************
فــــاصل ونعــود..
::
(تلهث) آه آه آه
<<< أنا: ويييييينها .. آه آه ويــنها الدبة الحمارة أراويها..
أجل أنا تسحبني من كشتي وتطردني من روايتي..؟
طيب طيب..
بصراخ: هييـييه تعالي يالـ#### والـ###…..
(عذرا أعزائي القراء تم حذف هذا المقطع المتخلف<<أا.. أقصد الغير لائق)

أنا: ادري فيج متخبية مني بس إلا ما يجيلج يوم وتطلعين يالدبببببببة … مــــااااالت عليج انتي وويهج وذيك العيون المبققة كأنج ذباااااااانة << تقصد علامة الـat ‎‏ @ خخخ

أنا: إلا يا مشاهدين أو قراء أو أعضاء <<بكيفكم
ما شفتوا لي هذيك الخبلة اللي طردتني؟؟
لا تخبووو عني.. اذا لقيتوها قولولي..
الدبة قاعدة تناقرني من أول ما كتبت الرواية<< يقاللك تشرف علي

ع العموم هي ما رح تظهر الحين غير بعد يومين<< خااايفة على نفسها مني (أدري) خخخ

تلاقونها الحين منحشرة بوحدة من الزوايا لأجل تتقي شري..
أحسن.. خليها تتعدل.. ولا تدخل عصها باللي ما يخصها.. نيــــااااهههها نياااهاهاهههها..

.

عدنــــــا

**********************************************

الساعة 12 ونص الظهـر ..

قامت من نومـها مفزوعـــة على صراخ قـــوي هز غرفتها هزز…

حطت ادها على صدرها وقالت بتلقائية : بسم الله الرحمن الرحيم ..

صـارخ فيها الشخص اللي واقف قدامـها بكل عصبيه: شايفتني جني تسمين بالله ؟؟… قـومي قامت عليج طووفة ..حسبي الله على ابليسج …الساعة 12 الظهر وانتي بعدج راقدة؟؟ ولا كنه وراج غدا تسويــنه ؟؟؟؟

قامت مفزوعــة وهي بتموووت من الرعب ..ما تدري كيف نامت كل هالوقت ومـا حست بنفسها … أكيـد لمـا سهـرت ع النـ…

وفجأة وبدون سابق انذار …
ارتفعت لفووق بلمح البصر … وحست بشعرهـا يتقطع بين ايدينه …

صارخ بعصبيه وعيونه محمـرة : بعدج قاااااااعدة؟؟ روحي سوي الغداا…

ورمــاها بأقوى ما عنده للطرف الثاني من سريرها .. وكان هناك مكتبها اللي صدم ظهرها بحافته ..

صرخت بألللللم ..

آآآآآآآآآآآآآه

بعدهـا سمحته يتكلم بصوت مخيف ..كنه قنبلة موقوته وبتفجر قريب …
ومن كثر الألم ما سمعت وش اللي قاله ..ولا تحركت من مكــانها ..
::
ظلت على حالها فترة و ما سمعت له حس …
( أكــيد راح..)

بس ويــن يروح الظــالم..؟؟

انفتح فجــأة البـــــاب بقـوووووة …وصفع الجدار وكان رح ينكسر…

: بعدج ما قمتــــي ..؟

رفع راسها بتتكلم ..وتشوفه صار قدام وجهها …
وما امداها تستوعب ..إلا ورفســـها رفسة .. تكسر عظــام رجــال..

وبتهديد : سمعيني ..خمس دقايق ان ما قمتي ..اقسم بالله رح أقطج برا البيت وألم عليج كلااااااب الشواااارع ..

:

قاومت ألمها بطاقة فظييييعة …وحاولت تمشي ع الأقل ..
لين ما وصلت للمطبخ وبدت تطبخ بسرعـة خــيالية .. وهي بتموووت من الرعب..
..

***********************
نــهــاية الحلقـة الأولـى

***********************