الــزمـــن طـبــــعــه كــذا فـرحــــه وهـــــــــــــــــــــــــــــم
بسم الله الرحمن الرحيم
احب اعرفكم على نفسي انا< ماتمنيت امسك ايدين السحاب>
طبعا هاذي اول روايه لي وانا كلي فخر اني اقول اني مبتدئه بالروايات مع انه لي عمر بكتابه الخواطر والشعر لكن قلت يله يابنت انت كلك احساس مرهف << واااضح ههههه> ليش ماتكتبين روايه وهذا انا اليوم قاعده اكتب روايه وكلـــي امل انها تحوز على رضاااااااااااكم وطبعا روايتي لاتخلو من الخيال والمغامره لكنها في نفس الوقت تحتوي على اجزاء كثيره واقعيه لكني حرفت شوي فيها احتراما لاصحابها.,.,.,
صوووح بغيت انسى روايتي سعوووووووديه ميه بالميه وهذي هي روايتي ~~
<وانا ماراح اسامح ولا احلل أي شخص ينقل روايتي بااسمه >
الاسم :ماتمنيت امسك ايدين السحاب
الروايه : لاخذلك الوقت ياقلبي ابتسم
الزمن طبعه كذا فرحه وهم
البااااااااااااااااااارت الاول
وحنّا [ صغار ] ..
زرعنا في تراب { الحلم ~
[ حلم ] ويشبه العصفور ,
لكن …. " طار " !!
وكنّا ….. " صغار " ..
ويتفتّح صباح ٍ " غارق " بغيّه
.. مثل [ تفتيحة الأزهار ] ,
ولا ندري متى " نمنا " !؟
و كم " نمنا " .. !
وش اللي صار !!
نزلت تحت وهي تشوف كل انوار البيت مفتوحه وكأنه عندهم مناسبه والكل من الحريم يزغرد وفرحان والكل متكشخ بأحلى حله له كأنهم في زواج ألقت نظره على نفسها وشافت انها لابسه فستان قربت من عند المرايه اللي عند الدرج وشافت مكياج على وجهها وشعرها مفكوك وكان كثير حلو فيه بف خفيف من فوق قالت بنفسها بس اليوم مافي مناسبه ماأهتمت بالموضوع ونزلت وهي نازله الكل توجهت انظارهم لها وهم يبتسمون فجأه جاء ابوها مسك يدها وقعدها جنب واحد ماتعرفه تحاول تدقق بملامحه بس كل اللي تشوفه غمام مسك يدها ابوها مره ثانيه وعطاها قلم واشر لها على ورقه وهي وقعت حتى بدون ماتفكر وفجأه مسك يدها اللي جنبها وهنا هي صرررررررخت…
!صحت من نومها مزعوجه من الحلم اللي له فتره طويله يتكرر عليها قامت وتفلت على جنبها الايسر ثلاث مرات وانقلبت على جانبها الثاني
مر عليها وقت طويل وهي تحاول ترجع تنام لكن محاااااااال
فتحت الجوال وشافت الساعه 2:15 قامت وضت وصلت تدعي ربها وتناجيه كالعاده عندما يهجرها النوم
رجعت تفكر بالحلم اللي دائما تحلم فيه ثم صارت تتكلم بصوت مسموع وتقول اعوذ بالله من الشيطان الرجيم انا ليييييش افكر وهزت راسها كأنها تحاول تبعد هالافكار وقالت اكيد اضغاث احلام اففففف مدري ليش بس قلبي قارصني مو متطمن ابدا ثم راحت تقعد على tv تشغل وقتها لانه مابقى شي على صلاه الفجروبسررعه مر عليها الوقت ماااصحت الى على صوت ابوها
ابوها: نوري ليش سهرانه والا عشان عطلتي هاه
نور: لا يبه بس جافاني النوم
ابوها: طيب يابنيتي التلفزيون مايفيد اشغلي وقتك بشي مفيد
نور : ابشر … ولحقت عليه قبل مايطلع يصلي …. يبه .. !!
ابوها : نعم يابوك وش تبين
نور: لا بس بقولك تبي قهوه بعد الصلاه
ابوها: اذا من يدك ماقول لا
نور: بس كذا يالغالي انت تاامرني امر
ابوها اجل زهبيها<سويها او عدليها > على مااجي من المسجد
نور: ابشر يبه
وفعلا راح ابوها يصلي وهي توجهت تصحي باقي البيت وتصلي وتسوي قهوه لابوها
بعد نص ساعه تقريبا…
جاء ابوها من المسجد وكانت قاعده مع امها يتقهوون ودخل وقال
ابوها : السلام عليكم
الام ونور : هلا وعليكم السلام
الاب: الله اكبر الله اكبر لا اله الا الله ياعيال ياعيال وينكم ماصليتم بالمسجد الله يصلحكم
الام: اقول والله ماحولك احد كلهم نايمين الله يهديهم
الاب: الا انت غريبه صحيتي
الام : هو لا يكون ماتبيني اقعد معك
الاب: ههههههه لا والله مو قصدي بس قبل ماروح مافيه احد صاحي الا النوري والتفت على نور وشافها شكلها سرحااانه وفيها نوم
ابوها :نوري يابوك شكلك فيك نوم روحي نامي وريحي
الام : ايه والله انا مدري ليش تسهر
نور: يمه والله مو بكيفي بس اناا فيني ارق وانت تعرفين
ابوها : طيب روحي نامي يابوك مع انه والله ودي تقهوين معي
الام: ايه انا قايله ماتبيني بس النوري
الاب:: انت بس تدورين المشاكل
الام: زعلت وقامت وراحت على غرفتها
نور بضيق لان امها قامت: يله يبه تبي شي انا بروح انام شوي عن ازعاج نوف ورنا اذا صحو ..
ابوها: لا روحي ارتاحي ..وراحت..
*****
بعده باربع ساعات بمكان ثاني بالشرقيه كان قاعد على البحر يفكر بهالدنيا والمسؤوليات اللي صارت على ظهره
فيصل بتنهيده :اااااه مدري وش اسوي استقيل وامسك الحلال والا اقعد بوظيفتي الله يرحمك يبه خليتني وحيد ومسؤول عن اخوان وام اااااااه والمشكله حتى اخوي وسندي ناسي انه عنده ام واخوان و عمي ماأثق فيه الله يعيني مدرري وش اسوي ماأبي استقيل انا احب العسكريه اللهم اهدني الى الطريق الصوااب اللهم امين وقطع تفكيره صوت الجوال قام من على الشط وفتح باب السياره وشاف مكتوب بالجوال ست الحبايب
فيصل بحب : هلا والله بالغاليه امري يمه
امه: مايامر عليك عدو يمه وينك انت مستلم والا <مستلم يعني بالخفاره>
فيصل: توني خلصت يمه ورحت البحر شوي اتمشى
امه: الله يهديك البحر تعال يمه ريح راسك تعال نام انا حتى شوف صايره ماشوفك يابشغلك والا بالشركه والا مسافر وانت تقول بحر الله يسامحك بس يانظر عيني
فيصل : اااخ يالغاليه كل ذا شايلته علي كل شي ولا زعلك انت ياست الحبايب انا جاي خلاص عشر دقايق واكون عندك بس الله الله بالفطور تراني حدي جوعان حتى امس ماتعشيت
امه بخوف: ليه يمه ماتعشيت هذا وانت ضابطهم حسبي الله عليهم كان قلت لي اخلي السواق يجيب لك عشاء
فيصل يضحك على كلمه ضابطهم: ههههه يمه الله يطول لي بعمرك والله يمه التهينا بالشغل وبس يله عاد انا جاي اللحين ويمكن اكل كل شي من الجوع ههههههه
امه : وه خلاص ياامك تعال والله تلقى اطلق<يعني احسن > فطور بس تعال
فيصل : يله اجل جاي مع السلامه
امه: مع السلامه واحرص على نفسك بالطريق
فيصل : تأمرين امر
خلوني اعرفكم بابطالي اول شي
عبدالله الـ.. متوفي و زوجته شعاع عايشه بجده عند اخوهاوعندهم من الابناء
1-عمر وعمره 46 سنه يشتغل بالعقار والاراضي ومتزوج من نوره بنت عمه 40سنه ويحبها حيييل وعندهم
1- عبدالرحمن 25 سنه متخرج من الجامعه ولا شغل ولا مشغله
2- زيد 23 سنه توه متخرج ضابط
3-عبدالله 17 سنه ثاني ثانوي
4- زينه اخر العنقود سكر معقود 7 سنوات
2- عبدالعزيز 44 سنه يشتغل بالعسكريه ومتزوج بزوجتين الاولى منيره بنت خالته 38 سنه وبينهم مشاكل و يمكن ينفصلون و عندهم
1- نواف 24 سنه بيتخرج من الجامعه مهندس بترول
2- نايف 22سنه موظف في شركه ارامكو السعوديه
3- نور 20 سنه تدرس لغه انجليزيه ثالث سنه بالكليه < وراح تتعرفون عليها من الروايه > وهي بنت تعودت تشيل بقلبهاحنونه وعصبيه ومزااااجيه بقوه بس شخصيتها قويه وماتحب تبين لاحد انكسارها وضعفها اما من ناحيه الشكل هي بيضاء والطول متوسط والوزن نحيفه بس حلووو جسمها والشعر اسود متوسط الطول عاديه نعومته اما ملامحها حلوه مررره بس هي تشوووف نفسها عاديه جدا وانشاء الله راح تعرفون قصتها
4- عمر 18 سنه اخر سنه ثانوي
وراح تتعرفون عليه من خلال الروايه عررررربجي مره وبيعجبكم
5- نوف 11 سنه
6-عادل 7 سنوات
7-رنا سنه اخر العنقود
اما زوجته الثانيه عفاف 34 سنه وعندها ولد وهو عبدالاله وعمره سنتين وبتعرفون شنو دورها بالروايه
~~~~~~~~~~~
3 –هيا 38 سنه وصديقه منيره زوجه اخوها عبدالعزيز الروح بالروح وهي متزوجه من برى العايله من حمدان اللي يشتغل مع عمر اخوها بالعقار وعندهم من العيال
1- امل 21 سنه وتدرس انجليزي مع بنت خالها نور
2- ابراهيم 18 سنه وصديق عمر اخو نور من كانوا صغار وكأنهم تؤام بتصرفاتهم
3- مشاري 15 سنه
4- بدر 9سنوات
5- جنا 4سنوات
اما بالنسبه لفيصل فهو عمره27 سنه طويل وابيض شعره اسود سواد الليل ناعم طوله طويل شوي لرقبته وعيونه كبار وسود واحلى شي فيه الذقن الامارتي اللي هو مسويه وغمازاته جسمه معضل ورياضي ومن عيوبه انه عصبي ومايحب احد يرادده بالكلام يعني ياخذ ويعطي معه وكلمته مسموعه بين اهله وينعمل له الف حساب وهو يصير ولد فهد صالح الـ.. العائله المعروفه بشركاتها واموالها
وله من الاخوان
1- طلال 32 سنه وعايش برى السعوديه ومن ديره لديره ولا شغل ولاشي
2- منى 25 سنه مطلقه من ولد عمها احمد ناصر وماعندها الا بنت وحده اللي هي سلاف ثلاث سنين
3- منار 22 سنه تدرس صيدله
4- سمر او سموره 19 سنه وتدرس اولى جامعه
5- مشعل 17 سنه ثاني ثانوي هو تؤام مشاعل 17 سنه ثاني ثانوي وكلهم علمي وامهم هي سعاد حسين الـ..عمرها 50 سنه حنونه وكريمه جدا ومتواضعه وتحب عيالها كثير وعيبها الطيبه الزايده واكيد بتعرفونها زين بالاحداث الجايه < كل شوي بتتعرفون وبتتعرفون خخخخ>
~~~~~~~~~~~~~~~~~
بعد اسبوعين
نور : نوف نووف
نوف: نعم انسه نور
نور : هههههه الحمدلله والشكر وش قلتي
نوف وموعاجبها الكلام كالعاده : اففففف منك انت مو تقولين كل واحد له شخصيه خلالالاص انا كذا اف وش هالعيشه قررف
نور تضحك على اختها: اقوول لايكثر حشى ناديتك بعطيك محاظره وانقلب السحر على الساحر
روحي بس روحي شوفي رنو وين
نوف بعصبيه: ليش لايكون انا خدامتك
نور وبدت تعصب: روحي ترى والله بدت تقفل معي روووووحي
نوف بتأففف: طيب طيب اففففف
نور: اعوذ بالله مدري من شنو مخلوقه لاويقولون انا على أي شي اعصب هذا لانهم ماجربو العيشه معها
وفجأه وهي مشغوله بترتيب غرفتها دخل عليها ابوها الغرفه
ابوها : نور
نور: لبيه يبه
ابوها : لبيتي بمكه مع ولد الحلال
نور بضيق مفاجى :……
ابوها حس انها استحت: اقول يابوك بفاتحك بموضوع وانا الله يشهد على اني انتظر من زماان الوقت المناسب
نور بخوف وربكه و كأنه قلبها حاسها: تفضل يبه قوول
ابوها: اول شي خلينا نجلس هي جلست وهو صك الباب وقعد على كرسي المكتب مقابلها وهي على السريروقال ااااااه
نور:سلامتك من الااااه يبه
ابوها: الله يسلمك … سكت فتره وبعدين قال:والله كبرتي يابنتي وصرتي بنت وشيخه البنات وصرتي تنخطبين مني
بس بكل مره ترفضين وانا مخليك براحتك لانك النوري
بس اللحين لا والف لا لانه الرجال اللي متقدم لك ماينرد ابد وانا عطيتك له وانا جاي مابيك تفكرين ولا شي بس مابيك تزعلين علي
نور بصدمه وأهي تظن او تتمنى انه يمزح:…………………
ابوها : علامك ساكته جاوبي
نور: يبه انت تمزح صح؟؟
ابوها : لا بالله ماأمزح انا اتكلم بجد ؟؟
نور ودموعها رافضه السقوط وتكاد تحجب عنها الرؤيا..:.مو معقوله لا اكيد كذب
ابوها: نوري يابوك تعوذي من الشيطان وش فيك
نور وهي تصارخ: ليش يبه هذي اخرتها بتغصبني وتبيعني يعني انا حمل ثقيل عليك أي واحد يجي تعطيني اياه حتى بدون ماتشاورني وقالت كل هالكلام دفعه وحده
ابوها: اول شي قصري صوتك واسمعيني زين انا قلت اني ماجيت اشاورك تفهمين وزواج بتتزوجينه ليش وش ناقصك ابي افهم انت كامله والكامل الله زين وعلم وعقل والكل يبيك وش فيك هاااه جاوبي؟؟
نور: لالا يبه
ابوها: وش اللي لا
نور:ماتقدر تغصبني لهنا ويكفي انا احبك بس يكفي دمرتني يكفي كلنا تعبنا كلنااااااااا كل شي غصب كل شي
حتى امي ماندري اذا بتستمرون مع بعض والا؟؟! انا ادري اني اذا طلعت من البيت امي بتلحقني ادري وش ذنب اخواني انا ماابي اتزوج مااا ابي ابي اقعد هنا
ابوها وبغضب وقله صبر : خلصتي كلامك والا باقي شي بقلبك علي هااه خلصتي والا؟؟
نور:…. يبه تكفى قول انك تمزح قووول
وبدت تبكي قدامه وتشاهق فجأه كل احلامها اللي ترعبها من فتره ظهرت لها
ابوها بقسوه ماتعودتها منه: لالالا ما أمزح وشوفي ياتتزوجينه ياااا…..
يا رياضي ~
يالحبيبه ~
يالحنونه ~
[جعلني كللللي فداك ]
حيّ حيّ و بيت بيت و لا خلا ربي و عدم ,
نزلت وهي لابسه عبايتها وبيدها الشنطه وطلعت برى البيت بالحوش وصارت تنادي قاسم قاسم وين راح هذا اوووف مو وقته ابد قاسم قااااااااااااسم وينك يامالك للي ماني بقايله فجأه طلع بوجهها وخاافت وشهقت اهئئئئئ خوفتني الله يقطع ابليسك انت وينك من ساعه انادي هااااه وين قوووول
قاسم السواق بخوف: والله ماما انا هنا بس هذا سياره فيه وصخ شوي انا اقعد نظف ماما
ريف وبقله حيله :تدري عاد انا اليوم ابدا ماااالي خلق هواش فا ابي اعديها لك امش يله ودني الصيدليه بجيب علاج ابوي وكلمه ماما ذي اذا قلتها مره ثانيه تررررحم على عمرك فهمت
قاسم وهو خايف منها: كلاص <خلاص> ماما اووووه والله ماافيه معلوم
كلاص مس ريف
ريف : لالا رح جب القهوه والحلى وخلنا نتقهوى ااااااااامش قدامي يللللله
قاسم : بس انتا ارتاح وانا روح جيب علاج بابا كبير واجي حرام انتا اتعب واجد
ريف: لالا انا ابي اروح عندك مانع والله احس لازم اخذ اذنك امش اذا قعدنا كذا كل الصيدليات بتسكر اممممممش قسم تحسسني اني انا اشتغل عندك
قاسم السواق: لالا اللحين روح كلاص يله
وراحت ريف وركبت السياره وتوجهوا للصيدليه و بالطريق ودق عليها الرقم الغريب اللي يدق عليها من اربعه شهور وصارت تكلم نفسها هو نفسه ياااااربي منو هذا افففف وفجأه وهي تناظر الدريشه شافت اللي يلاحقها وهو يبتسم لها ماتروح مشوار الا هو وراها وهو صاحب الرقم اللي يدق عليها وهذا الشي اللي هو مرعبها انه يعرررف عنها كللللل شي
ووقفت عند الصيدليه قال قاسم: كلاص وصلنا انا انزل جيب علاج واجي
ريف : نــــــــعــــــــــــم وانا ليش رايحه انا ماصدقت اطلع من البيت تقول انا انزل اقوووول اقعد بس
قاسم : كلاص ماما ااااقصد مس ريف انزل انتا وانا هنا اوكي
ريف ضحكت عليه على كلمه اوكي: اوكـــــــــــــــي ونزلت وهي مو بحاسه باللي نزل وراها ودخلت الصيدليه وعطت الصيدلي اسم العلاج وهي تنتظره يجيبه لها فجأه وواحد ماسك يدها ويقول ليش تطلعين من البيت عندك السواق يجيب اللي تبين
ريف بصدمه: اانت وفكت يدها منه
سعود وهو مبتسم: ايه انا
ريف بخوف:انت بأي حق تلاحقني وتتحرش فيني اذلف عن وجهي وش تبي مني انا مااعرفك اذلف
سعود: انا بكيفي وهو مبتسم لها عكسها هي اللي واضح عليها الرجفه والعصبيه
ريف وبدأ الخوف يدب فيها : انقلع لاقول لاخوي تفهههههم والله افضحك انقلع
وجاء الصيدلي وعطاها العلاج حاسبت وطلعت وركض على السياره وصرخت على قاسم روووووووووووووح للبيت
قاسم : ماما فيه شي
ريف بهستيريا : روووووووووووح للبيت روح والا انا اللي بسووووووق
قاسم : لا ماما كلاص شوف انا شغل سياره
ريف: صارت تبكي بصمت ودموعها عرفت تشق طريقها على خديها كالعاده عندما تزعل او تخاف وصار قلبها يدق بقووه مجنونه من الخوف وماحست على نفسها الا وهي داقه على تؤام روحها لكن للاسف مقفل بدأ الخوف يتسلل الى قلبها من ناحيه ثانيه وينك يانور وينك اااااه ياربي لايكون فيها شي مدري لمين اقول مدري
وراحت داقه على صديقتها وصديقه نور ملاك
ريف : ……. الو
ملاك : احلى الو والله تعالي فيفي عندي حلى وقهوه والجلسه خنفشاريه بصرااحه
ريف: ملاك
ملاك حست الوضع مو طبيعي : فيفي انت تبكين ايش فيييك
ريف : تعبانه وخايفه وبدت تصيح بهستيريا لدرجه انه السواق التفت عليها
ملاك بخوف شديد : طيب انت شكلك بالسياره مو تعالي تكفين ياقلبي تعالي وفضفضي لي
ريف : مااقدر اجي انا رايحه البيت
ملاك: طيب قولي وش فيك قسم طيحتي قلبي قولي فيفي
ريف : تتذكرين اللي … وقالت لهاا كل السالفه
< ريف هي خاله نور بس عمرها22 سنه وهي ونور وملاك تقدرون تعدونهم شخص واحد تدرس رابع سنه طب وساكنه بالرياض حساسه جدا ومرحه وتحب الفرفشه بس ساعه الجد جديه وتحب تكتب الخواطر والشعر اما شكلها فشعرها طويل شوي ولونه بني وجسمها رشيق وبشرتها سمراء بس الكل يقولون حلو سمارك وعيونها كبيره عسليه وفمها صغير وجسمها يميل للقصر وبتعرفون شنو قصتها مع الغامض سعود بالروايه >
<ملاك تصير صديقه نور من زمان وتعرفت على ريف من خلالها ومتزوجه وعندها ولد واحد عمره سنه ونص وعمرها 20 سنه قاعده بالبيت اما شكلها فهي ايه في الجمال بياض ورشاقه ونعومه وصفاتها عصبيه جدااا واذا بغت شي تجيبه عندها بالدنيا اختين هم ريف ونور وماترضى عليهم بشي ابدا وعاقله بتصرفاتها وساكنه بالرياض >
ْ~~~~~~~~~~~~~~~~~~~
كان قاعد مع امه واخته منى اللي يعتبرها ملجأه هو صح جمعهم عشان يفاتحهم بس شلون مايدري محتار الموضوع بيكون مفاجأه لهم بس ياترى حلوه والا لا؟
امه حست عليه وقالت : فيصل يمه وش فيك هذا احنا هنا قول اللي عندك
فيصل رفع عيونه لهم وقال: يمه مناي بصراحه ..
منى : اييييييه شنو والله اخاف وراك مصيبه قوووووول
فيصل : انا انا ..
منى بقله صبر : ايييييييييييييه شنو فيك
فيصل: انا خطبت وحده واهلها وافقوا علي …..قال كل هالكلام بسرعه ثم شافهم منصدمين تماما كل وحده تشوف الثانيه مو مصدقات استمر الوضع دقيقتين بعدين قال هو
فيصل : يمه وش فيك لا تخوفيني تكلمي قولي أي شي .مناي وش فيك انت بعد
امه: شنو تبيني اقول وقامت من مكانها وصرخت ليش تسوي كذا من وراي لييييييييش يمه ليش مو حرام عليك . قامت منى تهدي امها وهي تطالع فيصل قالت : عاجبك اللحين خلاص يمه انت اهدي مايصير الا اللي انت تأمرين فيه اهدي وقعدت امها على الكرسي
فيصل قرب وباس يد امه وقال : يمه والله لوتعرفين من بنته اللي خطبت ماتزعلين هالزعل
كله
امه باستفسار: من بنته قووول من سعيده الحظ
فيصل : بنت عبدالعزيز عبدالله الـ..
امه بصدمه : شنو ؟؟ ……شلون تذكرتهم .؟!
فيصل : يمه انا اقابلت ابوها بالعمل وعزمني لمى كنت بالاحساء ابوها والله رجال ماشاء الله حتى عياله واخوه معروفين
منى بدت تحس انها مثل الاطرش بالزفه: اففففف طيب انا ماعرفت منو البنت قول لي؟
فيصل : مناي تتذكرين جيرانا اللي كانو ساكنين جنبنا بحينا القديم بالاحساء
منى بتفكير:: اممممممم لا وانا شنو بيذكرني انا زين اتذكر عشاي البارح
امه تقاطعهم: طيب لحظه انت تقول انك تعرفه بس البنت شنو اسمها كم عمرها
فيصل : اسمها مدري ولا حتى عمرها بس هي قريبه من عمر خواتي منار وسمريعني يمكن 21
الا وعلى دخله سمر
سمر : منو اللي بعمري ابو فهد
فيصل : بعدين تفهمين .. هاه يمه وش قلتي.؟؟
امه : وش اقول هو الاهل والنعم بصراحه اتذكرهم لمى كنا جيران حتى ابوك الله يرحمه يعرفهم بس خلني اسأل عن البنت زين مازين شنو اسمها وعمرها . بس يعني انت بتفهمني انك خلالاص نسيت دلال بنت عمك
فيصل وهو يتجنب يحط عينه بعين منى : ايييييييه اصلا عقب اللي سواه اخوها ينسون شي اسمه فيصل
منى تبي تغير الموضوع بارتباك : لحظه يمه فيصل اخاف يكون عنده بنات كبار ااقصد شلون نعرف البنت اللي انت تبيها
فيصل بابتسامه : ايه هذا انا اقولك عليه بعدين وباس راس امه وطلع
سمر تحس انها مو فااااهمه شي غير انه السالفه فيها زواج وذبحها الفضول: يمه قول لي وش صاير عندكم
الام : شي مالك فيه بعدين تعرفين وقامت لغرفتها..ثم على طول سمر بحركه سريعه لفت على منى وقالت : مناي حبيبتي انت قولي لي تكفين ذبحتني الشفايه تكفين الله يخليك بلييييييييز..
منى : انت شنو فهمتي معقوله قعدتي وماتدرين شنو السالفه ؟
سمر: الا فهمت انه فيصل خاطب ووووبس بس ابي اعرف منو ومتى الملكه والحاجات هذي
منى : اقول طيري بس هو بس خطب يعني لسى ماشفنا البنت تفهمين وقامت تركتها وراحت لبنتها
سمر : افففففففف هين اوريكم وراحت على طول تقول لاخوانها الخبر
ااما بالخبرعند نواف اللي كان يرتب اغراضه لانه بيرجع الاحساء دق عليه ولد عمه عمر عبدالرحمن
عبدالرحمن: الوو ياولد وينك ماترد
نواف: هلا والله شلونك ؟
عبدالرحمن: بخير الا اقولك
نواف : سم
عبدالرحمن: سم الله عدوك بصراحه الشباب كللهم مجتمعين عندي الليله ومو ناقص الا خشتك <يعني وجهك>.. ماودك تجي للاحساء ترى والله اشتقنا لك وانت بس بالدمام لاتمر ولاشي
نواف يضحك: الا والله بس اول شي بروح اسلم على الاهل لي اسبوع عنهم ووبعدين امركم
عبدالرحمن : اخلص يعني متى الساعه كم تجي؟ترى الاحساء كلها ساعه وانت هنا
نواف : اقول ضف وجهك قلت لك بمر الاهل واجيكم يعني يمكن على
الساعه 10 زيييين
عبدالرحمن : زين ونص يله تشاااو
نواف : وش تشاو الله يخلف اقول سكر بس سكر ياروح امك
عبدالرحمن : مردود ه يابو عبدالرحمن مردوده
نواف : هههههه ماباقي الا هي اسمي ولدي على اسمك عشان تصك الدنيا بوجهه مره وحده انا ابو عبدالعزيز لوو سمحت واللحين يله ضف وجهك تراك اقلقتني
عبدالرحمن : الشرها مو عليك بس يله ترانا ننتظرك زين مو تتأخر
نواف : لا انشاء الله على الموعد
وسكر نواف وهو مايدري اليوم وش بيصير بس من دقت عليه امه وقالت له عن حاله اخته نور وهو متضايق وهو يعتبر نور صديقته مو اخته لان علاقتهم قوويه
قبله بيومين نرجع عند نور وابوها
بدت تبكي قدامه وتشاهق فجأه كل احلامها اللي ترعبها من فتره ظهرت لها
ابوها : لالالا ما أمزح وشوفي ياتتزوجينه يااا…
نور رفعت عيونها له تنتظر الكلمه تطلع: يا ايش؟؟
ابوها: ياأني اطلق امك انا ادري انك قاعده عشان اخوانك بس هذا مو تفكير ابدا انا وامك ماادري نستمر والا لا؟وانت مو زينه توقفين نصيبك عشان اخوانك اللي بيكبرون ويخلونك حرام الله مايرضاها
نور بصدمه لان اسوأ مخاوفها على وشك التحقق: تخيرني يبه تخيررررني بينك انت وامي وبين اني اتزوج
ابوها بقسوه :اييييه احنا اذا الله مو كاتب لنا ان حنا نستمر مع بعض انت ماتقدرين تمنعين هالشي ماتقدرين شيلي هالافكار من راسك شيليها
نور : لا يبه انت تحبني ماتقدر تسوي فيني كذا ماتقدر صح يبه صـــــــــــــــــــــــــح؟؟
ابوها وبدأ ينفذ صبره : شوفي ياموافقتك يا اني اطلق امك وانت بكيفك عاد والملكه بتتحدد متى مادق علي المعرس تفهمين واذا عرف احد بهالموضوع يانور لا انت بنتي ولا اعرفك < يقصد التهديد> قولي لهم انه عاجبك وبعدين انت استخيري صدقيني اكيد بترتاحين هو رجال مامثله رجاال … وباسها على راسها وراح تركها مصدومه
هــذا الــزمــن حــاكم وأنــا فيــه
محكــوم
مــاهمنــي كبــر الفضــا و
أتســاعه
مــدام دمعــي جــف والقلــب
مصـدوم
بقــول للأحـزان سمعــا (ن) و
طــاعه
ومــدامني عشـــت الــزمن دوم
محـــروم
شيصيــر لوضـاقت علـــي كـل ســاعه؟
لها يومين على سريرها وبكل لحظه تسترجع اللي صاركأنها بحلم من احلامها المزعجه بس هالمره ولا شي يفيد لانه للاسف حقيقه مو حلم مقفله جوالها لها يومين ولا اكل ولاشي والكل على باله انها تعبانه ويروحون ويرجعون عليها ماعدا ابوها اللي من رمى عليها الخبر ماشافها خايف انها تكسر خاطره ويتراجع بس هذا هوالصح بوجهه نظره وهو مايدري انه حكم على كل احلامها وطموحاتها بالاعدام واللحين هي حتى الكلام مو راضي يطلع والدمع مو راضي ينزل دائما هي كذا من كانت صغيره من تزوج ابوها على امها والحال مايسر وبس بمشاكل وهي تعودت على كذا واللي يشاركها همومها مو موجود!!..
دخل عليها الغرفه وهو مستانس حده وبدأ يناديها نور نور نورررررري ياااهوه ياناااااااس ياحلوين ابله نورر ابله ؟؟ اما هي كانت سرحانه تماما ومو حاسه باللي قعد جنبها على السرير وتربع وقال لها
شوفي جبت لك بيبسي وشيبس و تويكس ومالتيزرز انا ادري انك تحبينهم تدرين لو تشوفني امي خخخخ والله غير تقطع السلك على ظهري انت ماأكلتي شي وانا جايب لك هالخرابيط بس عشان عيونك ترى ياانورعيوني انت
نور : عمر
عمر بفرحه واضحه: هلا والله يااااااازين الصوت زيناه ايه كذا وانا اخوك خليك قدعه ياجبل مايهزك ريح
نور بتعب واضح : كم الساعه
عمر وبدأ يلاحظ عليها التعب : الساعه ياطويله العمر 8:30 بالليل
نور : ادري انه ليل اجل مااشوف
عمر : هههههه اسفين اقول يله اطلعي ترى نواف جاء من زمان ودخل وشافك نايمه وطلع
نور بفرحه وكأنه مافيها شي ابداا: جاء يعني عطل خلالاص
عمر: الله بس يخلف علي هذا وانا متكلف على نفسي ورايح وطاق هالمشوار ومتسلف لي كم ريال عشان اجيب لك اللي تبين واخر شي نواف روحي بس روحي زعلتيني
نور قربت منه وباسته: كل شي الا زعلك ياملح البيت انت والله ..حاولت انها تقوم بس حست بدوخه لانها مااكلت شي
هو خاف عليها وساعدها وقال بحب اخوي : نوري خليني اوديك المستشفى تكفين ,,؟
نور: لالا وش مستشفى ماله داعي اللحين بصلي واسلم على نوافي واكل لي شي وتشوفني مثل الحصان
عمر باسها على راسها وعض خدها: ههههه
نور: ااااخ يعور
عمر : اجل نروح؟؟
نور ببلاهه: وين.؟
عمر : المستشفى
نور: ههههههههه
عمر بفرح: ايه خليك كذا قوووووويه مثلك دايم فديت هالضحكه والله
نور : افا عليك انا قويه بس شكله فيه احد عينه قويه وطيحني يومين على الفراش
عمر: ايييه واضح اقول بروح العب بلاي ستيشن 3 احسن لي
طق الباب وقال عمر : من بالباب
دخل نواف وقال سلام وجاء عندها وهي على طول ضمته وبكت تبي تقول تبي تفضفض تبي تصرخ صح عند عمر كانت تمثل بس اللحين لا لانه يفهمها لانه يعرف يفكك ببساطه اصعب اسرارها
نواف: نوري وش فيك تبكين حتى اكل ماتأكلين تعبانه فيك شي قولي من اللي مزعلك مين قولي والله لاوريك فيه والتفت على عمر اللي من شاف نظره عيونه له خااف وقال والله ماسوويت شي قسما عظما ورفع ثوبه وبان المكسر< السروال الابيض> وطلع ركض وضحكو ا على شكله وقالت وهي تمسح دموعها
نور : ابد يالغالي اشتقت لك والله بس اللي مضايقني ان الترم هذا درجاتي نازله شوي الا انت من اللي ازعجك وقال لك؟؟
نواف بعدم تصديق : امي اكيد اجل منو ؟؟ بس ليش درجاتك نازله لاتكونين مهمله بالدراسه هاه؟
نور وهي تدور أي مخرج: مدري بس ولا يهمك ببدايه السنه الجايه بروح للدكاتره واشوفهم
نواف يقول بنفسه وراك وراك يانور لين اعرف وش فيك: اكيد
نور بابتسامه: اكيدين .. لاتضيع الكلام وحضنته وقالت مبروك التخرج
متى خلصت
نواف بضحكه: توني والله امس مخلص بس هاه شوفي ابي احسن حفله ودخلت امه على كلمه الحفله
ام نواف: حفله شنو؟؟ نور !!!
نور: هلا يمه
ام نواف: قمتي يمه اخيرا وش فيك ياعمري متعبك شي مزعلك احد قولي وبدأت بموجه الاسئله اللي ماااتخلص
نواف التفت على نور وقال وهو مميل فمه على جنب : ابد يمه بس درجاتها الترم هذا نازله صح نوري
نور خافت لايكون شك : هااه اييه بس كذا يمه وبعدين دقت علي لولو وطمنتني لاتخافين لكل حصان كبوه خخخ
امهاصدقت الكلام لانها تدري بنور من وهي صغيره لوتنزل درجه وحده بس تقوم الدنيا عليهم: طيب يمه طيحتي قلبي قلت فيك شي كايد اخرتها درجات اهم شي الصحه والعافيه بالدنيا والباقي يتعوض انت اللحين روحي اكلي شي والحقينا على الصاله نسولف مع بعض وطلعت .. قال نواف لنور نور تراني حدي مشتاق لك وابي اخر المستجدات ززززين وطلع
نور : ياويل حالي اااااااه انا بربع ساعه ماقدرت امثل وشلون بكره اذا صار كل شي اللهم صبرني وساعدني انا مالي غيرك يارب وبدأت دموعها بالانهيار مسحتها بسرعه وقبل ماتطلع للحمام عشان توضي وتصلي العشاء فتحت الجوال وشافت مكالمات من ريف وملاك و12 رساله تنهدت وطلعت …
بمكان ثاني كان قاعد بغرفته وهو مايدري القرار اللي سواه صح والا غلط؟؟ بس ابتسم وهو يتذكر شكلها وهي داخله المجلس الخارجي وقاعده تتحلطم ومو منتبهه للي قاعد بأخر المجلس
افففففف منك ماادري شلوني يأخذ اغراضي بدون استئذان بس انا اراويك ياعمروه وقعدت تدور وهي مو منتبهه ابدا ولا شايفته اما هو كان مبتسم قالت هي اخيررااا لقيته حشى مو شاحن واخذته والتفت على ورى وشافت اللي قاعد يبتسم وقالت اهئئئئئئئئ وطاح اللي بيدها حتى الجوال وركضت لبرى..
… ورجع للواقع على صوت طقه الباب قال منو؟؟
قالت: انا
قال تعالي وش فيك متصنمه < يعني واقفه>عند الباب؟! دخلت
… وقالت: فيصل
قال :نعم
..قالت: اولا ابي ابارك لك على الخطبه
فيصل : انت شلون عرفتي بعدين حس انه من سمر فا ابتسم وقال الله يبارك فيك
…قالت: وثانيا مو انا اختك حبيبتك
قال: اييييييييه وبعدين
… قالت: بصراحه اليوم في زواج وحده من صحباتي و..ما امداها تكمل الاوهو يقاطعها
فيصل : واكيد جايه تستأذنين صح والا؟
منار: يب يب
فيصل:طيب بس والله لو جت الساعه 12 وانت مو هنا لاسود الدنيا بعيونك
منار : 12 حرااااااام فصولي تكفى والله وناسه طيب على الاقل قول الساعه1 مو 12
فيصل بعصبيه : نعم وش قلتي ماسمعت
منار بخووف : لالا ولا شي اقول مناسبني الساعه 12 اوكي تمامو بس خلني اروح
فيصل بحنان لانهم من خمس شهور بس فقدوا ابوهم: منار انت تدرين اني احبكم واني المسؤول عنكم اللحين بما انه طلال مو هنا صح يعني شي طبيعي اقسى شوي
منار بتفهم: اكيد انت ابونا اللحين يله انا بروح اللحين
فيصل : طيب بس خلي مشعل يروح معك مو تركبين مع السواق بروحك وحتى بالرجعه
منار : اوكي بااااااااي
اتمنى عجبتكم الروايه واذا عجبتكم راح اكملها
مع حبي
ماتمنيت امسك }ايدين السحاب {
تجننننننننننننننننن الروايه
بس في ايام تنزلين فيها البارتات ولا لا
تسلمين ياقلبي انت الابداع والله
امم إن شاء الله بنزلها الخميس<اتوقع مناسب للجميع> واذا فيه يوم ثاني بيكون الاثنين …
بكره إن شاء الله بنزل جزء ثاني عشان الافتتاحيه<خخخخ
نورتِ القسم بطلتك
موفقه في طرحك
~
●•
أفتِقَدتِگ
أنآ بآلحِيِلْ [ أحتآجِگ ]
أنآ بآلحِييل . . / أشتَآقِـ لگ
أنآ مَلِيتْ ألملِمهَآ !
……………………………..جُرُۈحِ� �ْ ۈآلله بغْ ـًيًآبِگ
……………………………. جُرُۈحِيْ ۈآلله بغْ ـًيًآبِگ
ترددت كثير وهي ماسكه الجوال بكل مره تبي تدق فيها ترجع وتحطه على الطاوله وتناظر فيه وبعدين قالت
نور: افففففففف انا خلاص لازم اكلمها واقولها وهي تقول لملوكه لمتى بظل كذا لمتى انا لازم اقول لازم افضفض احس اني بنجن اااااااااه الله يسامحك يبه الله يسامحك وبدت بموجه البكاء اللي لازمتها طول هالاسبوع بس قطع فتره نحيبها وبكائها نغمه جوالها باغنيه عمري ماتمنيت شي قد ماتمنيت اشوفك رفعته وهي متردده لانها تعرف انها ببساطه بتكتشف اللي فيها فقوت نفسها وصارت تضحك ثم ردت
نور: الو هلا والله بهالصوت.. وحشتيني
ريف بزعل : واضح اصلا انت مالي كلام معك ابدا وهذا مو بس كلامي حتى ملوكه انا بس داقه لانه امي تدق على امك وامك ماترد فاحبيت اقولك خلي امك تدق على مامي بسررعه … استغربت سكوت نور وقالت بلهفه نوري بصراحه انا مااعرف ازعل عليك بس قووولي وش فيك
حتى خالتك منيفه قالت لامي انك تعبانه وان امك قلقانه عليك وانا ادق وانت ماااااتردين وهذ اللي خوفني قووولي اففففففف ليش ماتردين…نوررررر؟؟
نور بهدوء عكس اللي بداخلها : خلصتي ؟؟!
ريف : ايييييييييييه
نور : ابد مافيني شي بس نتيجتي طلعت مو حلوه وووووبس يعني كلكم مكبرين السالفه بصراحه على الفاضي
ريف ومابلعت ابدا الطعم : علينا
نور : براحتك تبين تصدقين والا ماتبين
ريف : نور تكفين قووووولي طيب ايش رايك نقعد على المسن وتقولين لي
نور : شوفي هو فيه شي بس مو اللحين ا نا بقول بس بالوقت المناسب وحست دموعها بدت تخونها وتأخذ مجراها وقالت : فيفي انا مضطره اسكر يله بااي
ريف متفاجئه: الو الوو الو… نووووووووور ؟ معقوله سكرت
وصارت تكلم نفسها وش فيها ذي ابغى افهم هذي مو نور ابدا
خلوني اعرفكم بعائله ريف اللي هم يصيرون خوال نور
الجد سعد ومتزوج من حصه وهم على قيد الحياه وعايشين بالرياض وساكن معهم ولدهم الكبير محمد
1- محمد عمره 45 سنه ومتزوج من بنت عمه شريفه 42 سنه ويحبها وعنده تسوى الدنيا كلها ولهم متزوجين 20 سنه ومايجيبون عيال.
2- منيره اللي هي ام نواف وهي تؤام عزيزه اللي ماتت وهي تولد ولدها وليد
3- ام سعد واسمها منيفه عمرها 36 سنه ومتزوجه من صقر 44 سنه وهو ولد عمها ويصير اخو شريفه بس قبل منيفه كان متزوج من عزيزه اللي ماتت وهي تولد ولدها وليد وهو تزوج منيفه عشان تربي ولد اختها بس بعدين حبته وجابت منه
1- وليد 23 سنه ويدرس بالجامعه وهو انسان عاقل ومو راعي حركات ابداوهادئ وابوه يعتمد عليه بكل شي وشكله طويل واسمر وملامحه حلوه ويحب بنت خالته نور بس هي تعتبره مثل اخوها
2- لمى 16 سنه
3- ليان 13 سنه
4- سعد 11 سنه
5- منى 6 سنوات
——–
4- حمد 26 سنه وهم يعتبر ونه اخو مو خال لانه قريب من الكل <يعني الشباب>وهو مايشتغل ولا شي وابوه يترجاه عشان يشتغل مع اخوانه بس هو على قولته يقول يبي يرتاااااااح
5- ريف 22 سنه وانتم تعرفونها
——–
000000000
…: جبت اللي طلبته
…: ايييييييه بس وين الفلوس ؟جبتها ترى هالمره كااااش ماااافيه دين
… وهو يلتفت يخاف احد يصيدهم: ايه جبتها والله جبتها هاه خذها زين بس عطني واللي يرحم والدينك عطني
…: خذ… وقبل مايروح التفت وقال صح بغيت انسى شوف ترى من اليوم ورايح كل شي بحساب يابابا يعني خلاص تبي تشتري تجيب فلوس…
…: رد عليه وهو ابدا مو بوعيه وقاعد يشم من الكيس بس انا صديقك
…: ههههههه ضحكتني انا امي اللي هي امي مااعرفها اذا صارت السالفه فيها فلوس وتركه وراااح
….: كله منك انت السبب بس والله لاخليك تندم على كل شي وركب سيارته ومشى بسرررعه ….!!!!!!!
**************
أنا أعترف
بعدك حياتي ترتجف
تايه وحيد
أصيح باسمك وارتجف
في كل شي أتخيلك
ومهما تغيب
عندي أمل
بكره تجي
وبكل شوق
أستقبلك
كانت بالمطبخ تغني وتطبخ وراايقه وماحست باللي واقف عند الباب ويضحك عليها والتفت تبي تطلع بس تفاجئت يوم شافته بغت تنرسم على شفايفها ابتسامه بس تذكرت انها زعلانه عليه ومرت من عنده وطلعت بس وقفها صوتها لمى قال افاا ماشتقتي لي يام ريان وجاء حضنها من ورى
اما هي اكتفت بالدموع وهو لمى شاف دموعها انصدم وقال ملوكتي تبكين
ملاك : اهئ اهئ .. ليش تخليني وتروح عشره ايام مادري وينك لييييييش ؟؟ اذا انت زعلان قووول بس تتركني وتخلي اهلك يمروني ؟؟ ويشوفون وش اللي ناقصني انا وولدي ليش؟انا من لي غيرك من قوووووول ؟؟ وبدت تبكي بقوه وترتجف أما هو ضمها حيل وقال السموحه والله اذا بدور عذر والله مابلاقي ابد سامحيني تكفين .. انا والله اللي مريت فيه مو بشويه سامحيني تكفين ..
ملاك وهي تشاهق وحاسه بمعاناته: بسامحك اكييييد بس انت حاول انك تنسى عشان تعيش حااول مو تستسلم احنا عندنا ولد لازم نكافح عشانه .. وبعدين انا من لي انا والله بدونك اضييع اضييع انت سندي انت الروح اللي تسري فيني
خالد وهو ضامها وهي بكل لحظه تكبر بعينه: الله لايحرمني منك الله يخليك لي انا بدونك وش اكون وش اكون؟ ووعد مني بحاول انسى عشانك عشان هالعيون الذباحه ههههههه ضحك وهو يشوف وجهها اللي بدأ بالاحمرار
ملاك وهي مستحيه منه : احم .. طيب انت جوعان والا؟؟
خالد ضحك بصوت عالي : وقال فديت الخجلان ياناس
قال ايه جوعان بس جوع ثاني ………. هي فهمت عليه وزاد خجلها ..و ~.^
—————
دخل المبنى وسئل عن مكتب م. علي وتوجه له بسرعه وقلبه يدق طبول خايف ان الله مايكتب له نصيب بهالمكان بس بسرعه بدل هالشعور
وحط مكانه اكبر ابتسامه وقال بنفسه الله يرزقني يارب ومايضيع تعب السنين يااارب ضغط على زر الاصنصير ودخل ثم ضغط على رقم الدور 15 وصار بس يقول يارب يارب يارب
وقف الاصنصير وطلع وتوجه لمكتب السكرتير وقال السلام عليكم
السكرتير: وعليكم السلام ورحمته وبركاته
نواف : اخوي لو سمحت عندي مقابله مع م. علي
السكرتير : الموعد بأسم مين؟
نواف : باسمي انا المهندس نواف عبدالعزيز الـ.. وجاي هنا بخصوص المقابله
السكرتير: طيب تفضل انت هنا واشر على كراسي الانتظار الموجوده وقال الاستاذ علي عنده اجتماع اللحين يعني تقريبا يبي له نص ساعه ويخلص اذا عندك مشوار خلصه وتعال
نواف : لالا بنتظره هنا اذا مافيه مانع ..!
السكرتير : لا ابدأ اخوي خذ راحتك تفضل وقعد نواف وقال له السكرتير تشرب شي .؟ شاي, قهوه ,ماء أي شي؟
نواف : لا تسلم اخوي …. وقعد ينتظره
————-
دخل على العقيد خلف وهو مرتبك من هالقرار اللي اخذه وراح يغير الكثير بحياته اما هو فقام من مكانه وتوجه له وضمه بحب ابوي وقال حيا الله فيصل تفضل ياولدي
فيصل قعد وقال : انا جايك بصراحه بخصوص ؟؟؟
العقيد خلف : قول يافيصل
فيصل : بخصوص الاستقاله
——–
كانت تنتظره بالغرفه صح اللي بتقوله مايفيد بشي بس على الاقل تقوله وتعلمه انه كسر كل شي فيها واهم شي ثقتها فيه
دخل وجلس جنبها على الكنبه ومسح على شعرها بحنا ن فهي بالنهايه تظل بنته وحبيبه قلبه زي مايقول لها وقال : نور هاه يابوك وش قلتي
نور ضحكت بسخريه والدموع بعيونها :هههه اقول شنو يبه مو انت خلالاص مقرر ومنتهي ويمكن بعد أخذت المهر على العموم انا ماعندي شي اقوله انت خيرتني بين حياتي وبين حياه امي واخواني وانا مو غبيه ولا انانيه عشان افضل نفسي عليهم خلاص انا بالنسبه لي كل شي منتهي سو اللي تبيه انت فصل وانا بلبس وخلته وراحت هو نزل راسه وقال يارب ماأكون ظلمتها يارب وطلع لبيته الثاني
اما عندها اول مادخلت غرفتها صكت الباب وقفلته وقعدت عند الباب ولمت نفسها وصارت تصيح بصمت ويدها على قلبها
ارجي السنين المقبله تنصف الحال … عقب السنين اللي مضت لي حزينه
مشيت كل دروب الايام رحـال… طال الشقا والحزن طالت سنينه
وكل من نشد ويقول وش هي الاحوال… اجامله بالرد واقول زينه!!
————-
دخل البيت وهو يمشي وراهم ويضحك عليهم وعلى طريقه كلامهم
…:اصلا انت خبله وانا ما أحبك وخلاص هذي اخر مره اروح معك فيها
…: لا تكفى انا اللي امووت فيك صح انا الخبله اللي ماخليتك تطيح
…: هين اوريك وصار يلحقها هو يضربها وهي تضربه
اما هو خلالاص مرارته تفقعت من الضحك وقال خلالالاص عادل فك شعر نوف .. نوف لاتضربينه تراه صغير
نوف وهي تصارخ: أي صغير شوفه عمره سبع سنين وانتم بس تدلعونه وبعدين هو حماار بس يضربني ويأخذ اغراضي.
عادل يضحك باستهزاء: احسن كيفي بأخذهم واكسرهم ومره ثانيه اذا جاء نايف بيودينا الالعاب ماراح اقولك بروح بروحي معه
نايف : لا انت ولا هي خلاص اصلا انا اقولكم لاتتهاوشون وانتم فضحتوني هذي اخر مره اوديكم مره ثانيه بأخذ بدر وجنا وبس انتم بس تصارخون وتتهاوشون ماتستاهلون احد يلعبكم
نوف وعادل صاروا يطالعون ببعضهم ثم قالت نوف: لالا خلاص والله اخر مره بنسكت ومانسوي شي بس لاتأخذهم هم وتخلينا حنا اخوانك صح عدولي
عادل : اييه والله نسكت ومانسوي شي حتى بالمطعم انت اللي تطلب لنا وحنا بنسكت بس لاتأخذ الدلوعين
نايف وهو مسوي نفسه انه يفكر : اممممم مدري بفكر اذا شفتكم هادين ومؤدبين اوديكم مره ثانيه اما اذا ازعجتوني لا بروح وأخذ بدر وجنا وسعد ومنى وليان بعد وانتم بكيفكم وتركهم وراح وهو يضحك
نوف التفت على عادل وقالت : شفت كله منك انت اللي دايما تبكي
عادل : لالا مو انا انت السبب.. بس هو صدق بيأخذ هذولي الدلوعين عيال عمتي؟
نوف: لا مايقدر يأخذهم واذا هو أخذهم والله اضربهم .. دخل نواف وقال : نوف تضربين مين
نوف : هااه لا مأحد
نواف ما أعطى الموضوع اهميه قال : طيب نايف هنا
عادل : يب يب
نواف : وش ذي قل ايه مويب يب وبعدين من اللي معلمك عليها هاه
عادل : عمر دايما يقولها لابراهيم وانا اسمعها منه
نواف : ايه انا داري كله منه وتركهم وصعد لغرفته هو ونايف وعمر وشافه قاعد على الاب توب قال سلام
نايف : هلا والله بالخريج هاه بشر وش سويت بالمقابله
نواف: ابد عطيته اوراقي وبعدين هو مشغول عنده اجتماع فا ماطولت عنده ثم توجه للكبت ونزل شماغه واغراضه
نايف : الا تعال اللحين انت ماصار لك اسبوع متخرج تروح وتسوي مقابله وتدور وظيفه يا أخي اول شي ارتاح شهر على الاقل ثم روح ..سؤال وش تحس فيه؟؟
نواف : مدري بس صرت اوسوس وقلت بدل القعده البطاليه اروح ادور لي وظيفه وبس .. الا تعال اليوم ابوي ماقالك انه يبي يجمعنا عنده خبر بيقوله
نايف اللي خلى الاب وتوجه لنواف : الا بس وش تتو قع عنده الشايب
نواف بعصبيه : خييير وش شايب احترم نفسك ابوك هذا
نايف : طيب هد اعصابك ماقلنا شي انا قصدي اني ماصدقت أخذ اجازه ابي اطلع مع الربع وهو يبيني اقعد انتظره وبس
نواف وبدأ يهدأ: مدري والله وش عنده بس قلبي قارصني مدرري ليش
نايف : حتى انا والله احس انه ملزم مره على هالاجتماع يله كلها ساعه ونشوف
~~~~~~~~~~~
بمكان ثاني خارج حدود الوطن كان قاعد بالسنترال بارك والتعب وقله النوم واضحه على ملامحه تنهد بصوووت مسموع ااااااااه
الله يرحمك يبه ياترى مت وانت راضي عني وا لا وانت غضبان اااه ماستفدت من اللي سويته ولالاشي غير الندم والتعب ياترى اشتقتي لي يمه والا للحين زعلانه ااااااخ حتى اخواني مدري وش صار عليهم انا لمتى بظل على هالحال لمتى تعبت والله تعبت وندمااااااان قد شعر راسي بس وش يفيد الندم لا فات الفوت ماينفع الصوت انا لازم ارجع لازم اعترف لهم هم اهلي اكيد بيسامحوني اكيد انا لازم ارجع واشيل لو شوي عن اخوي لازم اخفف عنه لالالالالالالازم وقام وتوجه لشقته وهو مقرر العوده ومتفائل خير بهالقرار .! اللي ماندري هو بيرتاح منه والا بيزيد عذابه ؟؟؟!
~~~~~~~~~~~~~
الساعه 6 المغرب كانت نايمه لانها سهرانه طول الليل تفكر باللي يلاحقها مين هو ووش يبي منها وبعد بسالفه نور اللي تغيرت تغير جذري لاتكلم ولا تطلع على المسن ولمى جت صلاه الظهر صلت ونامت وما صحت الاعلى صوت الجوال وهي مو مفتحه ردت
ريف بنوم: الوو؟
سعود: الو
ريف وهي موحاسه من شده النوم : نعم
سعود: اشتقت لك من زمان ماشفتك ولا سمعت صوتك
ريف اللي كأنه احد صاب عليها ماي بااارد : قامت وتعدلت بجلستها : نـــعــم من انت ؟
سعود : افا نسيتيني
ريف : وش تبي داق انت ماتستحي ماتخاف الله
سعود : ابيك انت
ريف بهاللحظه قفلت الجوال ورمته على الارض بسرعه كأنها بهالحركه تبي تبعده هو وتصنمت في مكانها وهي تشوف الجوال طايح علىا لارض وفجأه دق الجوال مره ثانيه نزلت بجسمها بشويش وقربت منه وشافت رقمه وصارت ترتعد كلمته لسى ترن بأذنها .. ابيك انت..وسكر ورجع يدق مره ثانيه بس هي هالمره عطته مشغوله وعلى طول قفلت الجوال وتمت قاعده على الا رض عشر دقايق وماحست الا وشريفه زوجه اخوها محمد داخله عليها
شريفه : ريوفتي حبيبتي ايش فيك قاعده على الارض وصارت تهزها
ريف بربكه واضحه: هاااه لالا ولا شي بس حلمت حلم وقمت مفزوعه
شريفه: بسم الله عليك ياقلبي تعوذي من الشيطان
ريف : اعوذ بالله منه وهي تغمض عيونها
شريفه : انا عندي خبر بقوله لك بس بصراحه انا جايه ومتأكده انك تعرفينه بس قلت يله يمكن احصل لي بشاره
ريف وتحس توها تصحى من كل شي : شنو قولي
شريفه : نور انخطبت لـ….
قبله بساعه كان جامعهم بالصاله كلهم ماعدا نورونوف وعادل ورنا
ام نواف: قول عبدالعزيز وش عندك
نواف ونايف وعمر يناظرون ابوهم ينتظرونه يتكلم
ابو نواف : بصراحه الخبر اللي عندي يخص نور
نواف : نور !! ليش يبه وش فيها نور..؟
ام نواف بخوف : قول وش فيها بنتي
نايف : لحظه ياجماعه الخير خلوه يتكلم سم يبه وش فيها نور
اما عمر عادي عنده الموضوع بس متفرج
ابو نواف : نور انخطبت مني قبل شهر وانا سألت عن الرجال صح اني اعرفه بس هم سألت وشفت وين عايش وكيف وضعه
ام نواف بصدمه :: …. شلون انت تدري ان نور لوليد ولد اختي شلون تروح وتسال عن الرجال لايكون ناوي تزوجها اياه
عمر : يمه اقعدي خلينا نفهم ونعر ف من هو اقعدي
ام نواف: مابي اقعد بس اسمعني ياعبدالعزيز انا اقولك من اللحين نور لوليد لوليييد
ابو نواف وبدأ يعصب قام من مكانه: شفتو ا امكم تبي تمشي كلمتها علي
نايف : يمه .. يبه . اذكرو ا الله اذكروالله
الام والاب : لااله الاالله
نواف: طيب يبه من هو وماأمداه يكمل الا وامه تقول
ام نواف بعصبيه : طيب منو الرجال نعرفه والا مانعرفه مثل اللي قبله وقبله
نواف بقله صبر : يبه قول لنا من هو؟؟
نايف التفت على ابوه
وقال ابو نواف : هو يصير فيصل فهد صالح الـ.. انا اعرف ابوه الله يرحمه والولد خوش رجال مايعيبه شي وبيعيش بنتي بعز وبعدين انت تعرفينهم كنا جيرانهم قبل ماننقل للاحساء ناس والنعم والله
ام نواف بعصبيه : انشاء الله يكون امير انا مالي دخل انا من زمان قايله لك انه وليد ولد اختي يبي نور والكل عنده علم بهالشي
ابو نواف: وبنتي ماتبيه هي مو افقه حتى اسألوها وياويل اللي يقول لها شي تفهمووون .. وطلع ولحقه نايف اما ام نواف توجهت لغرفه نور اللي كانت ماسكه رنا وتلاعبها: نورر
نور قامت ونزلت رنا: نعم يمه
ام نواف: ليش توافقين ليش
نور نزلت راسها:….
ام نواف : قووولي؟ثم دخل نواف و عمر على صراخها وقال نواف يمه انا اتفاهم معها انت بس روحي وخلينا ومايصير الا اللي يرضيك وقال لعمر
خذ امي ياعمر ودها لغرفتها
ام نواف: لا ماني رايحه وانا مدري هي وابوها وش طابخين من وراي
نور حزت هالكلمه في خاطرها لكنها فضلت السكوت:…
نواف ناظر نور وقال بحنيه : يمه خلاص روحي والله بتعرفين كل شي
عمر: يله يمه مشينا ومسك يدها وطلعها وهي تقول حسبي الله عليك من رجال
نواف راح لباب وسكره والتفت عليها وجاء وحط يده على كتفها وقال ارفعي راسك نوري
نور رفعت راسها:… نواف انا..
نور: اسأل
نواف: انت مغصوبه ..
نور طيرت عيونها فيه وقالت بسررعه: لالا اناا مااني مغصوبه
نواف يبي يختبرها: طيب وش اسمه
نور: مين.؟
نواف : المعرس
نور ارتبكت وبان عليها وقالت: هاه
نواف: من قال هاه سمع
نور: اسمـ.
راحت ركض لامها بعد الخبر اللي سمعته تبي تعرف وش اللي صاير نزلت من على ا لدرج بسرعه وزين ماطاحت وزوجه اخوها وراها وجت عند امها وقالت يمه وهي تتنفس بسررعه
الجده حصه: يمه وش فيك تركضين لاحقك احد؟
شريفه وهي تضحك: ههههه لا خالتي بس قلت لها عن خطبه نور
الجده : ههههه وهذا اللي مخليك تركضين
ريف: يعني صح
الجده بحزن: ايه والله امها توها مسكره كاسره خاطري تقول انه ابوها ملزم وهي تبي بنتها تتزوج وليد بس الظاهر انه وليد ماله نصيب معها
ريف وبدت عيونها تدمع: يعني صدق اللي بيتزوجها مو وليد اجل مين ؟
الجده على بالها انه ريف تبكي عشان وليد: يمه وليد ماله نصيب لانه نور مو افقه والموضوع بين الرجال اللحين
شريفه حنت على ريف لانها تدري انها تحب وليد ونور وتبي تجمعهم مع بعض:فيفي حبيبتي الله اذا كاتب له نصيب معها بيتزوجها غصب عن الكل بس انت لاتبكين بعدين يمكن خيره اما ريف بسرعه راحت تركض لغرفتهها عشان تدق عليها تشوف اذا كل هالكلام حقيقه والامزح بس طبعا دقت ومأحد شاله وراحت داقه على ملوكه وماردت
وقالت مافيه الا اني ادق على ام نواف ودقت وماردت قالت افففففف وش عندهم مايردون افف وجلست تبكي بصمت وقالت بنفسها الله يستر يانور لاتكونين مغصوبه ادري فيك التغير هذا مو من أي شي اكيد فيك مصيبه الله يستر ياااارب
~~~~~~~
كانت قاعده تلبس بنتها ودق الباب ودخل عليها وهو مبتسم
قالت له : ترى مانسيت انت وعدتني انك تقول لي بس رحت
فيصل : هههههه هذا وانت تقولين انك نسايه اثاريك كذابه
منى : والله انا اللي ابي انساه انساه ههه يله قول شلون اعرفها قوووول
فيصل : اصلا ماراح اقولك تدرين ليش ؟
منى بتعجب : ليش؟
فيصل : لانه هي بنته الكبيره والباقي صغار وحده 11 سنه والثانيه سنه يعني ماراح تضيعين خخخخ
منى بتأففف: طيب قول تكفى ابي اعرف عندك ذوق ووشلون شفتها وغمزت له ~.^
فيصل : هههههه لاماراح اقول ومن ناحيه الذوق مالها شبيه فالخلايق
منى وصارت تصفق: يااااهوه مااقدر انا كذا هذي وهي لسى ماجت وصرت تتغزل فيها طيب على الاقل وصف واحد
فيصل ضحك وقام باس سلاف وجاء بيطلع وحط ورقه صغيره بيدمنى: صح بغيت انسى هذا هو رقمهم عطيه امي وخليها تدق بأسرع وقت زين .. سلام
منى بتحلطم: افففففففف هين وراك وراك اجل تعرف كل شي عنها انا بخليك تقول غصبن عليك
نور : اسمـ… وقبل ماتكمل اااااااااااااااااااااااااااااااااااااااااه الحقوني
نواف : بسم الله وطلع ركض وهي لحقته ونزلوا ركض لناحيه الصوت تحت عند الدرج وشافو عمر طايح من الدرج وقاعد يصرخ اااه الحقني نواف اااه ثم جت امه واخوانه الصغار والخدامه وكلهم صارو يراقبونه بخوف وبصياح ام نواف: يمه عمر وش فيك يمه وصارت تبكي
نواف بخووووف : طيب طيب لالاتتحرك لاتتحرك وصار ينادي يمه يمه بس امه مو معه مع عمر وتبكي التفت على نور وشافها واقفه وهزها روووحي كلمي الاسعاف مانقدر نشيله وهي ولا حركه صدرت منها
نواف: نوووووووووور روحي
نور توها تصحى: طيب طيب وراحت تركض
وصاريهدي فيه ويقول يمه لاتبكين مافيه شي صح عمر مافيك شي
عمر بتألم : أي مافيني شي ااااخ يارجلي شكلها مكسوره اااخ مقدر اتحرك
ام نواف بصياح: اهئ اهئ طيب حبيبي اللحين تجي الاسعاف وتصير بخير اهئ اهئ
عادل: عمر وش فيك ثم راح لنوف وضمها وهي بدت تصيح
ثم جت نور ركض: نواف نواف دقيت وهم جايين ومعها عبايتها
قال زين اخذوا خمس دقايق بالضبط ووصلت الاسعاف واخذت عمر وراحت ام نواف مع نواف للمستشفى بسيارته وطبعا رفضوا انهم يأخذون نور عشان تقعد عند اخوانها الصغار و الخدامه
كان قاعد بالكوفي ينتظر صديقه وسرح فيها وطول وهو سرحان وماصحى الا على صوت صديقه . ياولد ياهوه وين رحت
..: ابد مارحت مكان انا هنا انت متى جيت ماحسيت فيك
…: ايه اكيد ماراح تحس فيني وانت سرحان بالحبايب هاه بشرني فيه مستجدات
..: هز راسه بمعنى لا
..: ماعليه انت كم لك صابر وش بتخسر اذا صبرت زياده
..: المشكله مو بالصبر انا اذا علي اصبر العمر كله بس المشكله احسها تخاف مني كااارهتني وهذا اللي زايد علي الهم
…: انت لاتصير كئيب تفائل بالخير وبعدين وشلون تكرهك وهي ماتعرفك
..: مدري مدري ااااااه ودي اشوفها واسمع صوتها بس هي مو تاركه لي أي مجال وانا تعبت تعبت و نزل راسه بالم
..: صدقتني اللحين يوم اقولك الحب مايجي منه الا الهم بس انت اللي سويت بعمرك كذا وحبيت وحده حتى شكلها ماتعرفه
…: بلاك يافواز ماشفت عيونها انا اشهد اني ماقد شفت مثل عيونها عيون احس انه في عيونها شي يجذبني شي يخليني مسحور فيها
فواز: سعود .. وش فيك وانا اخوك انهبلت
سعود.: انت اصلا مستحيل تفهمني مستحيل الظاهر بدور لك على وحده تحبها وافتك منك وذيك الساعه بشوف وش تقول هههه
فواز: واللي يرحم والدينك خلني كذا بلا وجع راس الحب كله دماار وبس
سعود: هههههههه نشوف نشوف وهو يمسح ذقنه
<اعرفكم بسعود عمره 24 سنه من كان صغير وهو عايش بدار الايتام لانه ببساطه لقيط متخرج من الجامعه ويشتغل في البنك اما من ناحيه الشكل فهو طويل وجسمه ضخم الجثه مربي عضلات هو ابيض وحلو كثيرواكره شي له انه لقيط لانه بوجهه نظره صفحه سوداء بحياته اما فواز فهو اخوه اكثر من انه صديقه لانهم عايشين مع بعض 20 سنه بدار الايتام وهو يشتغل بالقطاع الخاص موظف عادي وهم عندهم شقه مستأجرينها وساكنين مع بعضهم > اما كيف عرف ريف تابعوني وبتعرفون ..~.*
من دخلوه بالطوارئ وسووا له اشعه وهو يتدلع عليهم ويتحلطم عليهم انه كيف بيقعد بالبيت شهرين وبدون مايتحرك ولا حتى يلعب كوره
ابونواف: عمر وش فيك هذا بدال ماتحمد ربك انك بس طلعت منها بكسر برجلك قاعد تتسخط استغفر ربك
ام نواف وهي متجاهله ابونواف : ماعليه ياعمري كلنا بنشيلك ونسوي لك اللي تبي اهم شي صحتك ياحبيب امك
عمر وهو يغمز لنواف ونايف اللي جاء مع ابوه لمى سمعو ا بالخبر بسرعه: شفتو انتم خلاص مالكم سوق عند امي اللحين الكل بالكل انا ههه
نايف : شف شف ماكأنه طايح من الدرج ومتكسر
عمر: بسم الله علي بتعطيني عين قول ماشاء الله
نايف : تدري عاد انا والله متحسف اني ماشفت الطيحه بس وصار يضحك والكل ضحكوا معه
نواف : الا تعال انت و ش اللي مخليك تطيح من الدرج ماتشوف هذا كبرك وصار يضحك وهو يتذكر شكله
ابونواف : ايه انا قايل هالولد مطفوق
ام نواف وهي ضامه عمر وقاعده معه على السرير: اهم شي انه بخير بس يمه مره ثانيه انتبه على نفسك
ابونواف: ايه انتبه ليش انت رنا عشان تطيح هالطيحه وش اللي مخليك تركض وتطيح
عمر صار يحك راسه : ابد بس دق علي ابراهيم وقال ان عبدالله و العيال مجتمعين بالملعب قال لي البس بسرعه انا عند الباب انتظرك وانا لبست وركضت بنزل وطحت وبس
نايف: الحمدلله والشكر بس .. انا بروح اشوف الدكتور اذا نقدر نطلعك
نواف : يله اجل شوفه بسرعه وتعال قول لنا
ابونواف: نواف انت طمنت نور حرام تلقاها على اعصابها دق عليها
نواف ضرب راسه : اوووه وش هالنسوه ايه والله بدق عليها تلقاها تنتظروطلع برى.
ام نواف: ايه والله حرام وهي تنغز لابونواف
ابونواف: وش قصدك
ام نواف: ولا شي بس اللي على راسه بطحه
ابونواف: لوماكنا بالمستشفى عرفت ارد و قرب وباس عمر على راسه وقال الحمدلله على السلامه وحط بجيبه 100 ريال يله هذي عشان سلامتك
عمر: يبه 100 بس هذا وانا توني متخرج من الثانويه ومبيض وجهك وطايح بالمستشفى اثاري قيمتي ميه
ابونواف: هههههه لا عاد انت الغالي وعطاه 100 ثانيه .. هاه رضيت
عمر: وانا اصلا متى زعلت هههه ..
ابونواف: يله انا طالع بروح بيتي الثاني واذا بغيتوا شي اتصلوا وطلع
عمر التفت على امه : يمه وش فيك
ام نواف : اااه ولا شي.. يمه ماكأنه اخوانك تأخروا
ثم دخل عليهم نايف ونواف
نايف يله مشينا ….
~~~~~~~~~~~
من سكر منها وطمنها وهي تحمد ربها الحمدلله الحمدلله طيح قلبي غربل الله ابليسه الحمدلله بس والله انقذني انا حتى اسمه ما أعرفه وجت عندها نوف : نور
نور: لبيه وش تبين لانها لاحظت دموعها
نوف بزعل: اللحين عمر اكيد بخير مامات
نور ضمتها وهي تضحك: لا حبيبتي بسم الله عليه هو بس مكسوره رجله بس شوفي اللحين لازم كلنا نساعده مو نوفتي
نوف وهي تهز راسها: اكيد بس يمه شكله يخوف وهو طايح اول مره اشوفه يبكي هههه بعايره انه بكى
نور : نوف حرام انت لو بمكانه بتبكين صح
نوف : صح بس هو دايما يقول لي ام دميعه < يعني انها بس تبكي>
ثم قطع كلامهم التليفون وردت نور : الو
ام طلال : السلام عليكم
نور: هلا وعليكم السلام
ام طلال: هذا بيت عبدالعزيز عبدالله الـ..
نور : ايه نعم منو معي؟
ام طلال : انا ام طلال انت منو تصيرين يابنتي
نور وهي تفكر ماعمرها سمعت بهالاسم: معك نور وانا بنته
ام طلال بفرحه: ايه هلا والله وشلونك يابنيتي بخير
نور باستغراب: الحمدلله بخير امري خالتي منو بغيتي؟
ام طلال: مايأمر عليك عدو بغيت امك موجوده
نور: لا والله خالتي امي مو هنا بس اذا تبين منها شي ضروري دقي بعد نص ساعه
ام طلال : لا يابنتي اجل اكلمها بكره هي موجوده بكره صح
نور : ايه خالتي
ام طلال: اجل مع السلامه
نور: مع السلامه .. وصكت التليفون منو ام طلال اول مره اسمع فيها يله يمكن من معارف خالتي وامي تعرفها
~~~~~~~
ركب سيارته وهو معصب اففففففف ماادري من اللي يلعب بالشركه بس اللحين انا قاعد لكم قعده لاشغل ولا مشغله غيركم ان ماوريتكم والله لاسوي تحقيق واطلعكم ياحراميه بعد ربع ساعه وصل للبيت وصار يضرب البوري<الهرن> اكثر من مره.
وينه ذا بعد وصار يناديه افففف وبعدين فتحت البوابه دخل سيارته داخل القصر ونزل من السياره وهو حده معصب وقرب منه ومسك بلوزته وينك انت انا مو اقو ل اذا جيت بسرعه تفتح البوابه
جليل: اسف بابا فيصل والله انا كنت بحمام
فيصل : طيب وتركه… وقبل مايروح التفت عليه هاه فيه احد طلع اليوم
جليل: لا بابا مافيه هذا بس بابا مشعل فيه اطلع وجاء
فيصل : لايكون هو اللي ساق السياره
جليل بخوف: ايوه بابا انا قول انا ودي هوا مكان بس هو يقول لا انا رجال بابا انا والله يبي ودي هوا بس هو قول انت قلت روح انا ايش سو ي بابا
فيصل : حسابك انت وياه بكره ومره ثانيه اذا قالك اني موافق لاتعطيه أي مفتاح تفهم .. وصرخ عليه تفــــــــــــــهـــــــــــــم !
جليل : ايوه بابا كلا ص انا والله مافيه صدق هوا كلاص
دخل البيت وهو حده معصب من كل شي الشركه واخوه عمامه وحتى السواق واللحين من مشعل صرخ بالبيت صرخه مشيعيل تعاااااال نزلو ا كلهم ماعدا مشعل طبعا لانه يدري ليش ناداه
ام طلال: يمه فيصل وش فيك خرعتنا وش مسوي مشعل
فيصل : يمه تدرين انه طلع اليوم بالسياره بروحه
امه بخوف لانه مشعل توه صغير: شنوووووو ولفت على منى صدق الكلام اللي يقوله فيصل
منى : انا والله مدري كنت طول اليوم بغرفتي مع بنتي اسئلي مشاعل
مشاعل بدفاع عن تؤامها: اييه طلع عادي يسوق هو كبير
فيصل قرب منها وهي تخبت ورى امها: عاااااادي هاه نشوف انسه مشاعل انت وياه مافيه مصرووف ولا طلعه لمده اسبوع
اما سمر ومنار رجعوا لغرفهم لمى شافوا ان السالفه عن مشعل
قبل ماتدخل غرفتهانادتها: نعم وش تبين بسرعه خلصيني
سمر قربت منها: لا بس ابي اقولك ماله داعي هالحركات والله لو يدرون عنك امي وفيصل ليقصون رقبتك وتركتها وراحت اما هي تجمدت بمكانها عند الباب وماصحت الا على صوته مناار وينه مشعل
منار بارتباك : هاه
فيصل: اقولك وينه مو بغرفته
منار بتصرفه : مدري مدري وقبل ماتدخل مسك يدها وقال
فيصل: انت وش فيك ؟
منار: انا
فيصل : لا انا ايه انت وش فيك مو على بعضك
منار : وهي تبتسم تحاول تصرفه ولا شي شوفني وش حلاتي
فيصل : واضح انا بروح اشوف هاللي مايسمع كلامي
وتركها وراح اما هي على طول دخلت غرفتها وقفلت البا ب اكثر من مره وصارت عيونها تدور بالغرفه وقالت بنفسهابس انا ماخليت اثر كلهم تخلصت منهم كلهم وصارت تفتش مثل المجنونه بكل الغرفه حتى جوالها فتحته وصارت تدور فيه ومااالقت شي ثم قعدت وقالت : شلون عرفت شلوووون يمه والله اخاف تفضحني
مع حبي .,.,
ماتمنيت امسك ايدين السحاب
بانتظار البارت القادم
نترياج
^^.*