اخباركم ؟؟ ان شاءالله بخير اليوم حبيت انزل اول روايه لي حقيقة حبيت اوضعها
في القسم الاخر بس الظاهر عضويتي ماتسمح روايتي رومانسيه
وتتكلم عن التماسك العائلي روايتي من الخيال وفيها اشياء كثير مقتبستنها من الواقع ومن بعض القصص اللي اسمعها من حولي
رح انزل بارت اذا عجبتكم راح اكمل بعد الاختبارات
لااحلل من ينقل الروايه بغير ذكر اسمي … اختكم حنين العشاق أو angl
البــــارت الاول …………: بس تفهمين ولا كلمة ياعديمة الشرف والله ثم والله ان ماسكتي ذبحتك بمكانك سامعه
…………: اهئ اهئ والله يا دانيال انك فاهم غلط والله
ناظر انحاء السيارة يدور على شي يرميه عليها مالقى غير علبة السيديات البلاستيك ورماه عليها بعنف
وصرخت بألم
دانيال : عشان مرة ثانيه لاقلت لك اسكتي تنطمين وحسابك بس نرجع يا أليس هين
أليس: حرام عليك دانيال بس اسمعني افهم الموضوع
دانيال ( شاب وسيم للغاية طموح غيور على اهله كثير يحبهم ويعزهم كثير عمره 26 ويشتغل بشركة ابوه وعمه شعره يوصل الى قبل نهاية رقبته لونه اسود )
اما أليس بنت عمه (وحيدة امها وابوها ماعندها غير اخوان ماعندها خوات فمدلعينها وايد وطلباتها اوامر
هي بنت جميييييله حيييل وكل مافيها ينبض بالانوثه والجمال شعرها طويل الى خصرها ولونه بني وعيونها عسليه غامقه عمرها 19 تدرس بالجامعه اول سنه لها وحابة تتخصص طب لانها مرة متفوقه بدراستها(
انفتحت بوابة القصر الضخمه تعلن وصول احدهم مشى دانيال بالسيارة بيعد شوي
عن المدخل عشان مااحد ينتبه (طبعا دانيال ولد عم اليس ابوتهم بانين هالقصرالمكون من فلتين كبار مره لكل واحد منهم فلة او بمعنى اخر قصر)
دانيال : هش ولا كلمه ماابي اسمع حسك مسكها من شعرها حتى طاحت طرحتها من على راسها لين وصل فيها الى المجلس الخارجي
اليس: دانيال الله يخليك اتركني يعور
دانيال بدون رحمة رماها بكل قوه على الارض وضربها كف : انتي تعرفين الالم انتي تبين توطين روسنا ياحقيرة من متى تكلميه ها تحبينه شنو صار بينكم وبصراخ تكلمي
اليس بهاللحضة حست انها تكرهه بكل مافيه ونست مشاعرالحب والعشق اللي كانت تكنها الى دانيال
من ايام طفولتها ماكانت تشوف احد غيره قدامها وماحد يدري عن هالحب غير سديم صاحبتها حتى هو
مايدري وبهالحضة حست انها ودها تذبحه لانه يطعن في شرفها بدون مراعاة الى انها بنت عمه
بعدته عنها بقوة : خلااااص حرااام عليك منت فاهم شي تتهمني من فراغ الله لايسامحك اذا شكيت فيني وتركت مجال الى دموعها وطلعت تركض الى الحديقة ولما حست انها بعدت شوي عن الانظار
جلست عند شجرة تبكي وتشاهق : حقير اكرهه قد الكون مااحبه لا مااحبه انا مااحبه
تذكرت اللي صار قبل ساعة ونص لما وصلها السواق بيت صديقتها سديم وبعد ماخلصت اتصلت الى امها عشان تخلي واحد من السواويق يجيها
ام سليم : يمه سليم روح قل الى السواق يروح يجيب اختك من عند سديم
سليم: يمه السواق راح يجيب اغراض من السوبر ماركت ولا نسيتي
ام سليم: يووووووووه نسيت طيب شوف سواق بيت عمك
دانيال : خالتي سواقنا اليوم اجازته خلاص ولا يهمك انا اجيبها اصلا كنت طالع
سليم: لالا استريح انا بروح لها
دانيال: انت يادوب روح الشركه تأخرت ادري فيك تدور الحجة
سليم: مشكلتك فاهمني هههه يلا اجل عن اذنكم
ام سليم ودانيال : اذنك معك
ام سليم: بس يادانيال يمه نتعبك معنا كذا
دانيال : شدعوه خالتي لاتزعليني منك اخدمكم بعيوني
يلا انا طالع بس خالتي اذاماعليك امر امي دواها لازم تشربه الحين ذكريها لاتنسى
ام سليم : من عيوني
_________________
عند اليس لماسمعت الهرن : يلا حبيبتي شكله راهيم وصل (اسم السواق)
سديم : لاتكفي جلسي معاي شوي
اليس : لاحبيبتي تأخرت خيرها بغيرها يلا باااي
سديم: اوك باي ( سديم بنت متوسطة الجمال رشيقه وتدرس تمريض شخصيه متعاونه و مربوشه شوي )
وهي طالعة تلاقت بأخو صديقتها راشد اللي تعتبره مثل اخوها لانه اكبر منها بسنتين ولمال كانو صغار دووم يلعبون مع بعض هي وراشد وسديم صديقة طفولتها وماانتبهت الى السياره اللي واقفه
راشد: هلا أليس شلونك وين هالغبه من زمان عنك وشخبار دراستك ؟؟
اليس: هههه هلا والله هلا شوي شوي علي عاد كل ذي اسأله!
راشد : ههه لا والله مو عاد ثمود
اليس : ههههههه هذا انت ماتغيرت
راشد: ولا بتغير اي اليس هذا الكتاب اللي تدورينه من زمان شفته بالصدفه وقلت لازم اخذه الى اختي الحلوه اعتبريه هديه مني
اليس: راااااشد تحرجني كذا ههه تسلم والله ماقصرت وتوها بتمد يدها تاخد الكتاب
( راشد شاب مملوح وجسمه رياضي يدرس ادارة اعمال بأمريكا وعمره 21)
….: ياسلام وبالشارع بعد قدام الرايح والجاي امشي قدامي بسرعه
اليس بصدمه : دا دانيال
دانيال : بس ولا كلمه بسرعه روحي ركبي السياره
راشد: دانيال وطي صوتك لاتفضحنا
دانيال : الحين عرفت الفضيحه ياحيوان… وقام يتضارب معه
راشد: هدي دانيال انت فاهم غلط
دانيال : والله لربيك
صحت من سرحانها : راشد شلونه الحين لازم اتطمن عليه وين جوالي اففف صار عند الوحش بالسياره ابتسمت داخلها على كلمتها
وراحت الى السياره لقتها مقفله
اليس: افف والحل
دانيال وهو ضاغط على يدها : شتسوين
اليس: ابي جوالي
دانيال : تحلمين تبين تكلميه ها
قطع عليهم صوت ام دانيال : دانيال اليس شتسوون يلا العشا جاهز من زمان ننتظركم
دانيال ترك يد اليس بسرعه : اي يمه تونا واصلين
اليس فرحت لانها انقدنها من ولد عمها وابتسمت : يلا خالتي جايه
دانيال بصوت هامس: ويين بتروحي مني
ام سليم شافت اليس راكبه الدرج بسرعه
ام سليم: اليس حبيبتي وين رايحه تعالي تعشي
اليس : ماابي عشا مامي
ركبت جناحها وعلى طول اتصلت من الثابت الى سديم تتطمن على راشد
ااااه يادانيال خربت كل شي حلو اخمله لك بقلبي
قطع تفكيرها صوت التلفون وعرفت من رنته انه من البيت نفسه وردت : نعم
دانيال: انزلي تعشي ليه ماتبي
اليس: انت مايخصك شي ماعليك مني
دانيال وهو يشد على كلامه : انزلي لااخبر الكل بسواد وجهك ولك عين تتكلمين بعد
اليس : ماني واعلى مابخيلك اركبه
دانيال : لالاتتحدين ترى والله تندمين
اليس : طيب طيب لكن حط في بالك مو خوفا منك ولا من تهديدك
واخذت لها شاور ولبست بنطلون اصفر وتي شيرت
ازرق نيلي لين نص الفخد بحكم ان اولاد عمها موجودين ورفعت شعرها الناعم وحطت طرحتها على راسها جت بتبتعد عن المرايا بس لفت نظرها
الكدمه اللي سببها دانيال وحاولت تخفيها بكريم الاساس ونزلت
راحت للمطبخ وتلاقت مع ولد عمها وافي
اليس : هاي كيفك
وافي : هلا بالغاليه بخير دامك بخير يلا روحي خلص عنك العشا
اليس: يكون احسن
وافي: شفيك ليه ماتبي ترى ازعل مشويات وانا بنفسي شويتهم بيدي الحلوه
لمحهم دانيال من بعيد
دانيال : الحمد لله ودوم هالجمعه ان شاءالله
ابوسليم : أكل ياولدي مااكلت شي
دانيال: لاوالله عمي اكلت كثير شوف صحني
ابودانيال: عليك بالعافيه
دانيال : الله يعافيك يبه
ام سليم: والله دانيال كانه طول ولد اخوي اصغر منه وتزوج وهو بعده يلا عجلو عليه واذا تبين الصراحه في بنت في بالي مره شفتها بعزيمة ام بدر ماشاءالله عليها
ام دانيال:ههههه اي والله كنت بكلمك بعد العشا بس دام جبتي الطاري قبل لايجوون العيال خلي ابوه يتكلم
بالمطبخ
اليس: هههه اوه اوه ولد العم اللي طابخ بنفسه اجل لازم اتعشى يلا باي
وافي : ههههه ليش تلفون
دانيال بهمس : اياني وياك الا اخوي لاتحاولين تلعبين معه
اليس : صدق انك واحد مريض تكذب الكذبه وتصدقها
ماحست الا بكف دانيال : عشان تثمنين كلامك وتنزلين راسك لماتكلميني لاني تاج راسك مفهوم
اليس : تخسي
دانيال غمض عيونه وشد على يده خاف انه يتهور ويطقها
………………………………
ابودانيال : احم والله ياجماعه الولد كبر وودنا نفرح فيه وحنا مانضمن اعمارنا
ابوسليم: الله يطول بعمرك لاتقول كذا ياخوي
ابودانيال : والله ياخوي العمر يمضي ومارح نلقى الى ولدنا احسن من بنت اخوي ترعاه وتكون زوجة له على الحلوه والمره
ابوسليم: هذي الساعه المباركة ياخوي وحنا مابنلاقي احسن من دانيال اللي تربى هو وعيالي سوا بس الشور الاول والاخير الى اليس والله يكتب اللي فيه الخير
نهاية البارت
والبارت الثاني بأذن الله راح يكون في شخصيات جديده ومرحه واحداث اكثر واحلى من هالبارت كنت
بنزله بس اتمنى ماتحكمو ع الرواية الحين لان هذا الجزء مو كافي مامداني انزل البارت الثاني
استنوني بعد اسبوعين الاختبارات رح انزل بارتين ………..مع خالص حبي لكم
توقعاتكم : اليس هل بتوافق تتزوج دانيال وشنو بيكون موقف دانيال لما يعرف ودانيال هل بيتفهم وضع اليس مع راشد
حياك الله بغرام .. اعتقد بانه نظرا لحياتهم المتحرره والمفتوحه ماكان له داعي يشك
فيها بهالسرعه وياخذ موقف سيء لهالدرجه .. المفترض انهم مايشوفو بعض ولا يجلسوا
مع بعض على السفرة خصوصا بان كل عايله ببيت منفصل بداخل مجمع واحد ..
غريبه ليه سميتي البطلين باسماء اجنبيه بعكس البقيه !!!
القوانين / الإطلاع هام و الإلتزام ضروري
ياليت تطلعي على هالموضوع اكيد بيفيدك
بالتوفيق ان شاء الله
اجتمعوا على طاولة وحده لان هم بين كل فترة يجتمعوا الاخوين على وجبه وحده نوع من تغير الجو
وكثييير عوائل غنية بس ملتزمين بعاداتهم وتقاليدهم ولانه غيور على اهله خلاه ياخذ موقف
والاسماء بالعكس مو اجنبيه اسم دانيال اسم واحد من الانبياء كثييير من الناس مايعرفوا هالشيئ بس بأمكانك تبحثي عنه راح تشوفي انه اسم نبي اما أليس له معنى طبعا وماهو اجنبي اذكر كان عندنا معلمة سعوديه طبعا اسمها اليس كان مره يعجبني
اتمنى اجبت ن كل اسألتك اختي
ادري ان فيه عوايل بهالشكل بس انا سؤالي نظرا لانفتاحهم
ليه استغرب وتعجب ماكان اولى فيه يستنكر جلوسهم مع بعض
واخوانه فيه هذا اذا كان لها بالقلب مكان ؟؟!!!!
دانيال مزبوط اسم نبي بس اليس لا اسم اجنبي ومدرستك اهلها سموها
باسم اجنبي : )
ابو سليم : هذي الساعة المباركة وبيني وبينك دانيال كل من يتمناه الى بنته وياحظ من تاخذه بس الشور الاول والاخير الى اليس ولا شرايك ياانوار( ام سليم )
ام سليم : كلامك زيينه العقل
في المطبخ ….
قربت منه اليس وقالت بهمس : انت انسان مرييض مريض ولازم تتعالج يامتخلف
دانيال مسك يدها بقوه : احترمي نفسك يا يا خاينه
رنت في اذنها الكلمه
خاينه
خاينه
خاينه
تجمعت الدموع بعينها: دانيال انا مو خاينه انا ماسويت شي انا انا اح
دانيال قاطعها : بلا خاينه خنتي ثقت اهلك فيك ومشى عنها بدون مايسمع ردها
اليس في قلبها: اشوه حسبالي عرف مشاعري اتجاهه اللي تلاشت بسبب تصرفاته الحب الطاهر اللي كنت احلم فيه من ايام طفولتي
نجي الى الشخصيات اللي ماذكرنها
عائلة ابو سليم وعمره (47) وام سليم عمرها (44) متكونه من
سليم ( وهو شاب مملوح وعمره 27 يشتغل بشركة ابوه ماكان يبي يشتغل بهالمجال بس ابوه اجبره لانه لازم يستلم مكانه بعد تقاعد ابوه يحب اخته ومايرضى بزعلها )
احمد( اخو سليم واليس عمره 24 وملامحه حلوه بس مو حلاوة اخوه سليم يدرس بلندن ادارة اعمال )
واليس تم ذكرها
عائلة ابو دانيال(45) وام دانيال (40)
متكونه من دانيال وسبق ذكره
وافي (شاب مرح كثير يدرس هندسة لحبه في هالتخصص عمره 24 الصديق المقرب لاحمد)
فارس( وسيييييييم ويشبه دانيال بس ملامحه حاده اكثر عمره 22 يدرس طب اسنان )
حنين رح يتم ذكرها في الرواية
ويارا عمرها 4 سنوات
عائلة رمزي ابو حمد وام حمد( اخت ابودانيال وابو سليم )
حمد
سامي
ماريا
لجين
بيتم ذكرهم بالرواية ايضا
________________________________________
قصر ابو دانيال
ابو دانيال : دانيال تعال ابيك بموضوع انتضرك بالمكتب
دانياال : خير يبه
ابودانيال : استريح خير ياولدي خير
انا كلمت عمك بموضوع زواجك وانا خطبت لك بنته اليس
دانيال : نعم يبه انت شتقول من قال ابي اتزوج اصلا ولا من مين من اليس
ابو دانيال بحدة: بنت عمك ماعليها قصور جمال ودلال والله يحرسها ويجعلها من نصيبك وبعدين الى متى بتضل عزابي
دانيال : يبه حسستني اني شايب وانا توني داخل ال26
ابو دانيال : انا مالي شغل فيك ومالك راي بعد كلمتي ومااثنيها لجلك
دانيال : اوك يبه انا موافق مو اعتراض وكسر لكلمتك بس لاني تفاجئت بس مثل ماقلت مارح الاقي مثلها جمال ودلال وقال بسخريه واخلاق وبهمس والله لربيك يأليس يا زوجتي المصون
افف يربي صدق كنت افكر فيها كزوجة قبل كم يوم بس قهرتني بحركتها اليوم طيب انا ليش ماسمعتها يمكن عندها تبرير لموقفها وهز راسه يطرد الافكار من راسه
وافي : مبروووك يخوي اجل من ورانا ها
دانيال : اي مبروك واللي يرحم والديك
وافي : خير شصاير
دانيال حس انه محتاج احد يفضفض له ويوجهه وقال الى اخوه كل اللي صار
وافي : بسسسس وهذا اللي زاعجك خييير ماصار شي ياخي البنت ماسوت شي عادي اخو صاحبتها وسلمت ليه
دانيال : اقول اقلب وجهك كلكم عندكم عادي بس انا غير ياخي
________________________________________
ام سليم: اي ياحبيبتي وهو مارح يمانع بالعكس ولد عمك وانتي ادرى فيه مثقف ويحب الدراسه والتعلم
اليس: يمه هو اكبر مني كثير
ام سليم : بلا كلام فاضي فكري بالموضوع وعطيني خبر والله يكتب اللي فيه الخير
بعد ماطلت امها على طوول دقت الى سديم وخبرتها باللي صار
سديم : جد والله وناسه
اليس : واللي يرحم والديك قولي تعاسه
سديم : ليه تقولي كذا هذا حلم طفولتك تحقق
اليس : بس الموازين اختلفت الحين هو يفكر في شي بيني وبين راشد بس والله لأندمه على شكه فيني وراح اخليه يحبني ويموت فيني
______________________________
في الصباح وبالاخص فلة رمزي ال ……….
ماريا : صباااحووو
لجين : صباح الخير
ماريا : وين الكل
لجين فطروا وطلعوا
ماريا : وماما كمان؟
لجين : ايوه اكيد افف اليوم تقول بتتأخر عندها تصاميم كثير لازم تخلصها
( ام حمد اختصاصها تصميم داخلي )
ماريا : طيب والله ملل شرايك نطلع
لجين : اكيد بس مو لوحدنا مو وناسه يصير
ماريا: ايوه طبعا دقي على بنات خوالي اليس وحنين
لجين : حالا بس وين بنروح
ماريا : امممم السوق نفطر ونتمشى بالجمع واذا تحبون نطلع ع البحر
لجين: حلوو دقت بجوالها الى اليس
اليس: هلا بالغلا هلا
لجين: هلا والله حبيبتي شلونك اخبارك
اليس: ماشي الحال
لجين : حابين نطلع انا وماريا وقلنا مو حلو نروح بدونكم ربع ساعه وحنا واصلين لكم مانبي اعتراض منك او من حنينو
اليس : والله مالي مزاج
لجين: لابتطلعين يلا باي
ماريا : خلاص روحي اجهزي انا بكلم حنين
لجين: اوك تعالي سديم المربوشه و زهاري (زهرة بس مايسمونها الا زهاري) مو تنسيهم
ماريا بعد ماضغطت على رقم حنين
وصلها صوتها: همممم
ماريا بصراخ: شنووووو نايمه!!
حنين: اااااي وجع انتي مهبوله خرعتيني ويش ذا الصوت اذني طاحت لحضه بدورها
ماريا: هههههه خبله قومي بنمر عليك انتي واليس بنطلع ان ماقمتي
حنين : لاوين ارد انام بعد هالفزعه يلا انقلعي بقوم
ماريا : اوك بتقلع بس ياويلك ان ماقمتي
حنين: خفي علي تكفين ورحميني من حنتك
ماريا: ههههه اوك باي
حنين : باي
اليس ولجين وحنين وماريا صحبه من هم صغار وسديم وزهاري صديقاتهم من ايام دراستهم بمتوسط
لجين وماريا توأم متشابهين شوي
لجين ( جميلة عمرها 19 جريئة واللي في قلبها على السانها طويله وجسمها مثل عارضات الازياء)
اما ماريا( جميلة بس لجين اجمل شوي جسمها املى من لجين شوي طموووحة ومتفائله )
حنين( آية من الجمال عمرها 18 شعرها كيرلي شوي ولونه كستنائي فيها شوي هبال ورشيقه ورموشها طوال وكثاف تحليها اكثر )
_____________________________
في حي من الاحياء البعيده
هيثم : لولو حبيبتي شرايك اكلم امي تكلم خالتي عشان موضوعنا
لولو: لا هيثم ماعليه صبرت هذا كله اصبر سنه اخلص ثانويه
هيثم : يالولو ياحبيبتي افهميني انا مارح امنعك طيب بس نملك والزواج بعد ماتخلصين
لولو : عارفه بس ماابي انشغل بأي شي مهما كان عن دراستي مستقبلي مهم بالنسبه لي
هيثم: انا الحين صرت اي شي الله يسامحك مشى عنها وخلاها بالحديقه لوحدها وهو دخل البيت وصعد غرفته
بعد خمس دقايق دخلت لولو وجلست مع امها وخالتها شوي تسولف معهم
ام هيثم : لولو حبيبتي شوفي الكيكة بالفرن اذا استوت ولالا
لولو: انشاءالله
اخذتها فرصه وركبت بسرعه الى هيثم وحتى نست ماتدق الباب ودخلت على طول
ولقته منزل راسه بين رجليه
لولو : زعلت ؟
هيثم انصدم من وجودها وبصوت مبحوح :لا
لولو : انا احبك هيثم وماابي غيرك بسهم مستقبلي مهم
هيثم: لولو انا مو مارض بس تعبت ابيك توقفين معي وتنسيني اللي سواه وبصعوبه ابوي
لولو: لازم تنسى ياهيثم السالفه صار لها سنين
هيثم بسرعه وانفعال: بس انا كل يوم اتذكر اللي صار وكأ،ه امس محتاجك يالولو محتاجك تكوني بجنبي وتنسيني كل شي معاك
لولو : اوكي تقدر تكلم امك وابتسمت له بخجل
هيثم : ش شنو لالا مو معقول انا الحين اسعد انسان بالدنيا
+++++++++++++
قبل 20 سنه
بعد ماولدت ام هيثم ببنتها ليلى
ثاني يوم على طول طلقها زوجها لانه تزوج عليها وهذا كان شرط زوجته ابو هيثم كان هاملها هي وهيثم واخوه فؤاد ومايزورهم
ولما كبرت ليلى شوي مرضت مرض خطير والسبب انها مااخذت الجرعه اللي ضد هالمرض
والعلاج ماكان موجود الا بالخارج حاولو وحاولو مع مع ابوها ومارضى الا بالغصب يسفرها
ولما سافروا خبرهم الدكتور بتكلفة العلاج كانت مبلغ كبير
ابو هيثم رفض منه كان يملك هالمبلغ
وامها ماكان لها حيل لانها ماكانت تملك شي
كانت تترجاه يدفع كدين وبس يرجعوا البلد بتسدده بس مارضى
بعد يومين خبره الدكتور لو ماتمت العمليه بأسرع وقت راح تفارق الحياه
ابوهيثم مااثر بقلبه كان مثل الحجر مو انسان : خلها تموت مارح ادفع خلاص ماانبي منك هالعلاج
وبد اسبوع بس من طلعت من المشفى توفت ليلى ورجعوا السعوديه وام هيثم كانت منهاره وماقدرت تنسى بنتها ولا لحضه كل مره تذكر صريخها من الالم وماكان بيدها شي
ومن هذاك اليوم ماشفوا ابو هيثم ولو يشوفه هيثم الحين مارح يعرفه لان كان عمره 4 سنوات ومايذكر شكله والحين عمره 24 ولا مره ابووه سأل عنه ومايعرف عن ابوه اصلا مايعرف معنى الابوه شي غير انه حامل اسمه
هيثم: ااه ياليلى لو انك عايشه الحين اكيد كنتي فرحتي الى هالخبر كنتي ضميتيني وقلتي لي الف مبروك ياخوي الله ويش كثر ودي اسمع هالكلمه انحرمت من كلمات كثير بحياتي اختي ابوي لولو ابيك تعوضيني عنهم كلهم تكفين
لولو مسحت دمعتها: اوعدك
________________________
عند البنات
اليس : بنات تكفون تعبت مابقى محل مادخلناه
لجين : اي والله خلونا نجلس بكوفي تعبنا
سديم : تعالوا نجلس بستار بوكس
بعد ماجلسوا
ماريا: excuse me
القرصون : yes
ماريا: 6 توركش كوفي آند 6 تشيز كيك بليز
القرصون مصري: مش عايز اي حاقه تانيه ياحلو
ماريا : نعم ياقليل الادب تبي افضحك هنا انا مو بس افضحك افصلك من شغلك ماتعرف مين انا يلا بلا كثرة حكي وجيب اللي طلبته
زهرة : احقريه ماكنك سمعتي شي
القرصون : خلاص خلاص دنا اسف
حنين : بنااات ماسمعتوا اخر خبر
لجين : شنووو
حنين بدلع : اليس بتصير خطيبة اخووي داني ( تدليع دانيال)
البنات : هااااااااااا
لجين : اليسوووو يالخاينه وماتخبرينا ولا كأنا بنات عمتك
زهرة: وانا صديقتك
اليس : بل بل شوي شوي لي لسه ماصار شي حتى مارديت بالموافقه
الموضو توه البارحة
حنين : ياويلك ان ماوافقتي
اليس : لاحبيبتي بوافق بس بشرط
البنات بلقافه شنوو
اليس : بعدين تعرفوا
نهايــــ …ة البــــا رتـــ
.
رايكم وتوقعاتكم …………
تحياتي
اذا اسم الروايةمايشجع فمو مشكله اغيره !!
| 3 / إغلاق المواضيع : تُغلق الرواية في حال طلب صاحبـ / ـة الموضوع الأصلي ‘ تأخره ‘ توقفه ‘ تجاوزات في الردود تُغلق الروايات حين تأخر الكاتبة لـ أكثر من 10 أيام |
تغلق الروايه