..السلام عليكم ورحمة الله وبركاته..
أضع بين ايديكم روايتي الأولى التي تحمل مسمى كسر العظام اليا جبرته يستعيد وكسر الخواطر لو لحمته ما لحم
روايتي تعرض لكم بعض المشاكل التي يتعرض لها الكثير من الناس في مجتمعنا هذا , وحياة ابطالنا اليومية
التي تحمل الحزن , و الفرح , و المغامرة , والتشويق ..
أتقبل منكم النقد البناء ..و لا أبيح من ينقل الرواية إلا عند ذكر اسمي فيها .. شذى الورد ..! ( منتدى غرام )
لن أطيل عليكم أحبتي
••••••••
مسحت دموعي وانا أتأمل الادوية اللي كادت تملأ كف يدي وانا اتذكر الضرب المبرح و محاولة اعتداء جون اللي كان راح يقوم بها لولا رحمة ربي بي وقبل ما أكل الأدوية سمعت صوت صراخ البنات اللي يملؤون الميتم رميت الحبوب بخوف وانا افتح الباب واشوف وحدة من البنات مرمية على الأرض والدم من حولها يسيل والمشرفة تحاول تبعد البنات
استغليت انشغال الكل عني وانا اسحب رجولي بشويش ووصلت للبوابة وركضت بأقصى سرعة قدرت عليها وما صدقت إني طلعت من الميتم وأنا أتلفت حوالي وأنا احس بالغربة والخوف وانا امشي وما ادري وين اروح وانا أحاول ابعد عن المكان اللي كان بيضيع فيه أغلى شيء املكه لميت نفسي بخوف وأنا احس بالبرد والمطر مالي ملابسي مشيت ولا لي هدف او مكان محدد دخلت من المرر الضيق المسدود اللي بين المبنيين وأنا احارب النوم اللي بدأ يتسلل لعيوني …
••••••••
فتحت عيوني و أنا اتأمل المكان باستغراب و أشعة الشمس تتسلل للممر الضيق اللي أنا جالسه فيه وتذكرت كيف هربت من الميتم واليوم الشاق اللي مريت فيه لميت نفسي ورتبت شكلي ومشيت لين طلعت من الممر الضيق اسمع صوت السيارات واشوف الطلاب بلبسهم المدرسي مشيت مع المارة ما ادري وين اروح كل الي اعرفه اني لازم اعتمد على نفسي مشيت لين وصلت لمكان اغلبه محلات ورد ,ملابس , احذيه , سوبر ماركت …. الخ مشيت وانا اتلفت اشوف المكان كانت بعض المحلات مفتوحه مشيت لما تعبت جلست على الرصيف وانا افكر لازم القى مكان اشتغل فيه لازم اصرف على نفسي وقمت وانا اكمل مشيي بين المحلات استوقفني اعلان على محل ملابس طلب موظفين ناضرت الإعلان وانا احس بالأمل بس المحل كان مغلق جلست على عتبة باب المحل وانا انتظره يفتح هذا املي الوحيد انتظرت ساعة إلا ربع وقلت أستغل الوقت الى أن يفتح المحل وبدأت أدخل المحلات محل ورى محل بعد أن اصبت بخيبة أمل وحزن شديد رجعت لأول محل شفته وجلست أنتظر إلى ان جاء الفرج شفت بنت تتقدم للمحل وبيدها مفاتيح فزيت من مكاني بسرعه وبكل أمل صافحتها و أنا أسألها عن الإعلان ابتسمت وقالت: تفضلي لتناقش بالداخل (كل الكلام اللي راح أقوله كان باللغة الإنجليزية ) دخلت وأنا اتأمل الملابس الراقية إلى ان قطعت تأملي بسؤالها : هل تريدين شرب شيء استانست وتلقائياً ضغطت على بطني اللي كان فارغ من ليلة أمس : نعم من فضلك هل لي بكأس من الماء.. الموظفة : بالطبع انتظري قليلاً سوف أعود .. رجعت وبيدها كأس موية شكرتها وابتسمت لي ..بعد ما شربت المويه سألتني عن أسمي وجاوبتها بـ سولي .. قالت لي : حسناً .. نحن بحاجة ماسه إلى عاملات فهذا الفرع جديد .. قلت لها: اني بحاجة ماسه لراتب مقدم عن هالشهر لو نصفه ..وكانت حبوبة وتقبلت كلامي برحابه صدر.. مشيت معها بالمحل وبدت تعلمني عن أماكن الملابس وطريقة ترتيبها وتركتني أبدأ بشغلي .. بديت أرتب الملابس وأنا احمد ربي اللي وفقني وقدرت القى وظيفة اصرف على نفسي بها .. بدو الناس يدخلون وبديت بشغلي بكل راحه إلا اني تضايقت من الموظفة اللي معي احس بنظراتها استحقار وحقد .. وجاء وقت البريك ورحت لسوبر ماركت قريب من المحل خذيت لي سندويش وعصير وأنا أحاول أقتصد لأني ما أدري وش تخبي لي الأيام .. ورجعت للمحل واكملت يومي بكل نشاط إلى ان خلص وقت شغلي مشيت ابحث لي عن مكان اقضي فيه هالليلة بديت أدخل العمائر عمارة ورى عمارة وانا أتأفف بطفش من الأسعار اللي يقولونها لي الموظفين إلى ان ووقفت قدام عمار متهالكة ودخلت وناقشت الموظف وحاولت فيه إلى أن أرضاني المبلغ وإتفقت معه على أن أدفع له شهرياً ..أعطاني المفتاح وهو يعطيني رقم الشقة 5 في الدور الثاني توجهت للمصعد وأنا انتظره يفتح صعدت للمصعد توني بأسكر المصعد ودخل رجال بسرعه ضغطت على الدور الثاني ووصلت للدور وأنا احمد ربي ان المصعد فتح بعد أن لاحظت نظرات هالشخص اللي كان معي حسيت بخوف وانا اشوف الرجال يمشي وراي تنهدت براحه يوم ابتعد عني ودخل شقة بس اللي ضايقني ان شقته جمبي فتحت الشقة وانا أسمي بالله تفاجأت من شكلها الأثاث قديم ومستهلك و غير نظيفة خنقتني العبرة وأنا أشوف الصرصور اللي يمر قدامي سكرت الباب وأنا اهدي نفسي واصبرها خلعت جزمتي أكرمكم الله ورميتها على الصرصور بقرف وشلت جزمتي وأنا أشوف الصرصور بلحظاته الأخيرة رجل يمين ورجل يسار دخلت الغرفة الوحيدة بالشقة و أغراني شكل السرير الجميل بالنسبة للميتم اللي حتى اسره ما فيه خلعت جاكيتي ورميت نفسي وأنا استسلم للنوم بعد هاليوم الي تقدمت فيه أكثر من خطوة
(( إن الحزن الصامت يهمس في القلب حتى يحطمه ))
الكاتبه : شذى الورد ..!
أرجو أن أجد منكم التفاعل واقبال
توقاعتكم..
القوانين / الإطلاع هام و الإلتزام ضروري
وهذا الموضوع راح يفيدك ياليت تطلعي عليه
مشكوره على تشجيعك وان شاء الله بكمل بتنزيل البارتات
|
المشاركة الأساسية كتبها وردة الزيزفون
 صباح الخير … ياهلا فيك بغرام … موفقة بطرحك … بداية حلوة بس بما انك مختارة شخصياتك اجنبية واحداثك ببلدة اجنبية الافضل تخلي السرد بالفصحى مثل الحوار …حتى مايتشتت القارئ … باعدي بين السطور وكبري الخط شوي
القوانين / الإطلاع هام و الإلتزام ضروري وهذا الموضوع راح يفيدك ياليت تطلعي عليه |
صباح النور… مشكوره على نصائحك وان شاء الله راح اكبر الخط واباعد بين السطور في البارتات الجايه .. وتم الاطلاع على القوانين شاكره لك جهودك..
بداية موفقه يالغلا..
بس مثل ماقالت وردة باعدي بي السطور وكبري الخط …
وبتوفيق ….
اختك (جذابة)
|
المشاركة الأساسية كتبها جذابه وعيونها خلابه
السلام عليكم ..
بداية موفقه يالغلا.. بس مثل ماقالت وردة باعدي بي السطور وكبري الخط … وبتوفيق …. اختك (جذابة) |
وعليكم السلام .. مشكوره وان شاء الله الاحداث الجايه تنال اعجابك
ومثل ماقلت في البارتات الجايه راح اباعد بين السطور واكبر الخط
شذى الورد