روايتنا : ليه العيون الي فرحت بالحب بكاها النصيب

ليه آلعيـــون آللي فرَحــت بَـ آلحُب بكــآهآ آلنصــيب ..؟

شخصيات الروايه
الجد : عبدالعزيز /الجدة : نورة
اولادهم :
1 /فهد / زوجته : فوزيه/ اولادهم
فيصل / 23 سنه دكتور اطفال
فاتن / 21 سنه تدرس بالجامعه قسم E
فيروز / 18 سنه اخر سنه بالثانويه
فارس وفراس / توأم العايله عمرهم 16 سنه اول ثانوي
2/ سليمان / زوجته : سعاد / اولادهم
سلطان / 23 سنه مهندس
سهى / 20 سنه تدرس يالجامعه قسم علم نفس
غرور/18 سنه اخر سنه بالثانوي تدرس مع فيروز بنت عمها
سجى / 15 سنه ثالث متوسط
سلمان / 10 سنوات رابع ابتدائي
3 / ناصر / زوجته : نجلاء / اولادهم
نايف / 23 سنه مهندس صديق سلطان الروح بالروح وبنفس الشغل
ندى / 21 سنه تدرس بالجامعه قسم E مع فاتن بنت عمها
نهى / 18 سنه اخر سنه بالثانوي تدرس مع فيروز وغرور
نواف / 16 سنه اول ثانوي يدرس مع فارس وفراس
4/ عبير / زوجه : عبدالعزيز / اولادهم
عبدالله / 22 سنه اخر سنه بالجامعه قسم هندسة حاسب
عهود / 20 سنه تدرس بالجامعه قسم علم نفس مع سهى بنت خالها
عنود / 18 سنه اخر سنه بالثانوي تدرس مع بنات خوالها
عبدالرحمن / 16 سنه اول ثانوي يدرس مع عيال خواله
عروب / 10 سنوات رابع ابتدائي
5 / راكان 24سنه متخرج هندسة ويشتغل بشركة ابوه واخوانه
6 / ربى20 سنه للحين ماتزوجت تدرس طب

لهم ولد عم واحد ويصير اخوهم من الرضاعه اسمه محمد / زوجته : منال / اولادهم
ريان / عمرة 22 سنه يدرس طب اخر سنه بالجامعه
ريم / 18 سنه اخر سنه بالثانوي وتدرس مع البنات بالمدرسه صديقة غرورالروح بروح توأم روحها وتعرفها من عيونه وغرور نفس الشي
رنيم /15 سنه ثالث متوسط صديقة سجى

& الجزء الأول&
في بيت الجد
رن التلفون ترن ترن
ميري : الو
غرور : الو ميري وين ماما نورة
ميري : فيه روه سوى سوى بابا سليمان
غرور : يووه متى طيب
ميري : يمكن ساعه يبغى شي انتي
غرور : لا بس اذا جت ماما نورة قوليلها غرور تبيك بالتلفون طيب
ميري : تيب مع السلامه
غرور : باي
عند غرور : افف ماما نورة مو في البيت
سهى : ليه وينها
غرور : مدري ميري تقول راحت مع ابوي
سهى : طيب الحين انتي وش معجلك
غرور : ياغبيه لازم جدتي هي اللي تقول لبابا عبدالعزيز فهمتي علشان لاقلناله يكون مقتنع
سهى : اهاا قولي كذا وطبعا مخططه مع الشله المصونه << تقصد فيروز وعنود وريم ونهى
غرور: اكيد ياقلبي
وراحت وخلتها
عند ريم : افف الحين مدري غرور قالت لها والا لا لازم اتصل
غرور: هلا وغلا بتوام روحي
ريم : هلا فيك ياروحي هاه وش صار
غرور : ماما نورة طالعه مع ابوي اذا رجعت بقولها
ريم : اوك يالله بروح لامي سي سو
غرور : سي يو
راحوا الكل ينامون بكرى وراهم مدارس
الصباح في بيت ناصر : يالله ياعيال المدارس قوموا تاخرتوا الساعه 6 ونص
نواف : يبه انا موب رايح اليوم
ابو نايف : وليش ان شاءالله
نواف : مانمت الا متاخر
ابو نايف : ايه رجل ماشاءالله اقول قم للمدرسه لا بالعقال
نايف : يبه وراك معصب بيقوم غصب عليه لاتشيل هم
ابو نايف : بس على هالصبح تطلع الاعذار وراح وخلاهم
جت نهى لمهم قالت : غبي انت فيه احد يقول مانمت الا متاخر قل بطني يوجع شي مو مانمت الا متاخر
اكيد بيقول قم غصب
نواف : وانا وش دراني يالله وخري بروح للحمام
في بيت عبير
عبدالله : عنود وخري عن وجهي بنام
عنود : والجامعه يامهندس
عبدالله : وتبن اليوم عندي اف اطلعي لاتوطاك
عنود : طيب حلو قم ودني للمدرسه
عبدالله : وين السواق
عنود : مافيه احد بيروح اليوم من البيت الا انا واخاف اروح لحالي معاه تكفى عبود قم
عبدالله : فيني نوم وخري عني
عنود بنفسها تقول طيب ان ماخليتك تقوم ماكون عنودة : افف هاذي غرور الو
غرور : ليش الاخلاق مقفله
عنود:مافيه احد بيجيبني يعني سوري ماقدر امرك
عبدالله وهو يقوم : خلاص قلتلك اوديك انا يالله اطلعي بلبس وخلي غرور تتجهز
عنود : يالله غرور جايينك انا وعبدالله
غرور : طيب ياحمارة اوريك بالمدرسه الوعد وسكرت بوجهه
عنود : ياعيني على الكشخه كل هاذا لي
عبدالله : ايه علشان صاحباتك يشوفوني
عنود : اقول يالله امش
راحوا
دقت غرور على ريم : الو ريومه وينك
ريم : هاذاني بطلع
غرور : لاتكفين تعالي معي عبدالله اللي بيمرني مع عنودة الحمارة
ريم : ههههههههههه موب صاحيه ذا البنت
غرور : ادري يالله تعالي
ريم : طيب افتحي الباب
ريم وغرور جيران بيوتهم جنب بعض
عند فاتن : يالله فيروزوة تاخرنا
فيروز : طيب هاذاني جايه
فارس : لا الاخت فيروز ماتجي اللحين الا لازم كل المكياج على وجهه
فراس: ايه والله انك صادق ياتوأمي
فيروز : ياملاغتكم بس يالله امشوا
وطلعوا
عند غرور بالسيارة
عبدالله : شخباركم بنات
غرور وريم : الحممدلله تمام انت اخبارك
عبدالله : الحممدلله عال العال
غرور : دوم يارب
يوم وصلوا
عبدالله : متى بتطلعون والا بترجعون مع السايق
عنود : لا لاتمرنا اذا طلعنا بنروح للمطعم يعني مطولين
عبدالله : طيب سلام
البنات : سلام
ودخلوا المدرسه
غرور : طيب طيب انتي اللي جبتيه لنفسك
عنود : وشو
غرور : ابد ماسويتي شي حمارة ليش تقولين كذا له
عنود : اذا جبت اسمك قال تم
ريم : اخسس حركااات غرورو مو هينه
غرور : اقول اسكتي انتي وياه
وجتهم فيروز ونهى وكملة الشله
بمدرسة العيال
فارس : اقول شباب وش رايكم بالهجه ونروح نطلع البنات والله فللله
نواف : وربي جبتها اليوم كسسسل مو طبيعي
عبدالرحمن : وين نروح وبعدين وشلون نطلع والحارس موجود
فراس : سهله اسمعوا نجيب الزباله ونحطها عند الجدار واحد يراقب وحنا نطلع من السور وبعدين هو يجي اذا مافيه احد
وش رايكم
عبدالرحمن : انا كم مرة قلتلك غبي عارفين انو كذا بس الحارس كل شوي يلتفت
نواف : لا هاذي سهله اسمعوا انا بروح اسولف معاه واستهبل عليه شوي وانتم تنطون بعدين لاتخافون علي بلحقكم انا
العيال : طيب تمممم
وطلعوا ولا كنهم سوو شي
وراحوا قال فارس : موب مارين البنات خلوهم بكيفهم
عبدالرحمن : ايه صح مالهم داعي تدرون من نطلع من البنات
نواف : اللي اصغر منا سجى ورنيم البنات ساحبات عليهم خلونا نطلعهم
فارس : تم يالله
وراحو طلعوا البنات طبعا بالبطاقات وطابقوا الاسماء وطلعوهم
بعد الدوام طلعن ريم وغرور ونهى فيروز وعنود راحوا للمطعم
وتغدوا يوم خلصوا دق جوال غرور كونا يتصل
غرور : هلا وغلا باحلى كونا بالدنيا
راكان : هلا فيك
غرور : لا لا فيك شي ليش صوتك كذا
راكان : متضايق شوي انتي وينك
غرور : انا بالمطعم مع الشله تعال غير جو معنا
راكان : اي مطعم
غرور : مطعم ال….. لاتتاخر
راكان : طيب انتظروني واطلبولي غداء
غرور : من عيوني يالله ننتظرك
نهى : عمو كونا وش عنده
غرور : شكله متضايق
ريم : ياقلبي عليه وش فيه
غرور : مدري بس يقول بجي لمكم
عنود : الله يحييه بتكمل الوناسه
ريم : عمو كونا وصل
راكان : هلا وغلا بحبايبي
البنات: هلا فيك
فيروز : يالله عمو تغدا واذا خلصت بنسحب منك كل اللي فيك بنقولك اليوم وش سوينا بمدرسة العربي
راكان : هههههههههههه عاد انتم اذا سويتوا شي باحد ماترحمونه
غرور : لا المشكله حنا اللي سوينا فيها كل شي بس تغدينا فيها قبل تتعشا فينا
عنود : هههههههههههه ودي تشوف شكلها والله ترحم
راكان : يالله قولوا وش سويتوا
نهى : طيب اسمع
الله يسلمك كنا جالسين بالحصه وسواليف قالت المدرسه اسكتوا يابنات
حنا قلنا لا بنسولف من زمان ماسولفنا
قالت المدرسه انتوا من زمان ماسولفتوا وتجلس تهاوش المهم تعرف حركاتنا بدت تكتب على السبورة وتجدع غرور القلم عليها وعصبت وسكتت راحت ريومه مشت وهي مسويه نفسها ماتدري قالت ابلى انتبهي وكبت المويه عليها شوي وتصيح عاد يوم رنة حنا رحنا للادارة وقلنا للمديرة كل شي وقلبنا السالفه عليها
يوم دخلت المدرسه الادارة هزاءتها المديرة بس والله رحمناها
راكان : ههههههههههه وش بعدة رحمتوها بعد مامسخرتوها
فيروز : والله عمي تقهر من زمان ودنا تروح جت من الله
والجلسه ضحك وناسه ورجعوا للبيت
ناموا لماصار العصر كانت عنود تكلم عبدالله بالجوال كان طالع وعندها البنات وفجاءه صرخت وهي تكلم
غرور : عنودة وش فيك
عنود : عبدالله عبدالله راح
فيروز : تكلمي زين وشو عبدالله راح
عنود : اكلمه وسمعت صدم سيارة
غرور : اييييييييييييييييييييش لا كذابه اصلا هو بيجي الحين
ريم : غرور اهدي يمكن مافيه شي اصبروا بنات نتاكد بالاول
نهى : لا ياربي استر
ودقوا على العيال
وراحوا للمستشفى
وقالوا للكل
راحوا البنات للمستشفى
ريم : لو سمحت تو دخل عندكم مريض
الموظف : عطيني الاسم
ريم : عبدالله عبدالعزيز عبدالله
الموظف: ايه غرفة رقم 200
ريم : مشكور وراحوا هناك
العيال كانوا موجودين والبنات وابو عبدالله وخوال عبدالله وامه
طلع الدكتور وقال : الحممدلله مافيه شي بس حالة اغماء
ابو عبدالله : مشكور يادكتور ماتقصر
ابو نايف : الحممدلله على سلامة عبدالله
ابو عبدالله : الله يسلمك
وزاروه وطلع بنفس اليوم لانه مافيه شي
كان يوم خميس العايله يطلعون للمزرعه
والكل متحمس
عزموا اخو عبدالعزيز زوج عبير
عندة ثلاث بنات
بناته
رغد عمرها 23 سنه متخرجه
رهف بعمر البنات 18 سنه
وراما 10 سنوات
كانت رهف من عمرها وهي تكره غرور وتدري انو غرور تحب عبدالله وكرهتها زيادة
غرور عادي عندها يعني ماكنت تحتك فيها
قالت رهف : عنود ابغاك شوي ممكن
عنود : قولي اللي عندك مافيه احد غريب
رهف : ايه عارف بس يعني موضوع عن عبدالله
وهي تقولها تناظر غرور وكانها تتحداها
قالت عنود : طيب
يوم راحوا
ريم : شفتيها غرور وشلون تناظرك
نهى : احس نظراتها فيها تحدي لك
فيروز : تخسي تضر غرور والله تدفع الثمن غالي
غرور كانت مو معاهم
ريم : غرور حياتي لاتهمك وش فيك ماعلقتي
غرور : مدري كذا احسها ماتهمني بس لمست شي من ممتلكاتي
فيروز : قلتلك عبدالله لك وقولي فيروز قالت
ريم : انشاءالله يارب
صار الليل
والكل بينام تقريبا الساعه 3 عجزت تنام
غرور : افف وش فيني يارب كله علشان قالت كذا
وقامت يوم شافت البنات نايمين
نزلت تحت عند المسبح وتصيح طالع صوتها بس خفيف
جاء من وراها عمها راكان اللي هو بعد موقادر ينام سمع صوتها وانهبل
راكان :غرور روح عمها وش فيككك
غرور وهي تضم عمها :عممو انت تحبني صح ؟
راكان :مايبي لها كلام اكيد !!!
غرور:تدري اني أحب عبدالله صح ؟
راكان: غرور وترتيني وش فيييييك ؟!!!!!!!!!
غرور :عمو عبدالله بيرووح مني واللي بتاخذةة رهف
راكان : اي رهف ؟؟!
غرور بنت عم عبدالله
راكان :تخسسسي الا هي تاخذةةة
غرور :عمو والله هي قالت كذا عجزت انام انا تعبت
راكان: عبدالله لك ي روح عمممك واذا ماخذتيه اعرفي ااني مو ع الارض
غرور : بسسم الله علييييييييككك الله يحفظظك يارب عمو لاتقول هالكلام اذبححك ترى
راكان :هههههه وش فيك علي بس قاعد اواسيك
غرور : خلك مني انت وش فيك ترى مانسيت سالفتك يوم حنا بالمطعم
راكان: اخخخخ بسس وش اقولك
غرور: سلامتتتك من الاخ تكلم كونا وش فيك
راكان : ي بنت عممكك طايح بهوى وحدةةةة
غررور : اووه من قدها اللي كونا طايح بهواها
راكان : ههههههههههههههه خبللههه ي بنت
غرور : شكرا طالعة عليك .بس منو هالوحدة اللي اخذت قلبك ؟؟!!
راكان: أخاف تزعلين لو اقولك
غرور:أزعل !!!!!! ليه منو !!!!!!!!
راكان :رغد …..
غرور : رغد ماغيرها بنت عم عبدالله ؟؟؟؟؟؟؟
راكان :اي
غررور : والنععععععععمممم والله زين ماخترت ي عمي لاتخلي اللي بيني انا ورهف يأثر على حبك لرغد
بالعكس رغد بنت والنعم فيها ودايم تعتذر لي اذا اختها سوت شي رغد تنحط على الجرح يبرى
من وراهم ريم : أنا اشهد ي عمي
راكان وغرور : بسم الله من وين طلعتي
ريم :هههههه من البيت من وين يعني
راكان :طييب وش رايك باللي سمعتتي ؟؟
ريم : الراي رايك بس البنت ماعليها كلام عسسسل والله
غرور:اقول انت وياها يكفي انها بنت عم عبدالله
راكان وريم :هههههههههههه وهاذا اللي هامكككك
غرور :مالكم شغل
ريم :اقول ليه مانمتوا ؟
غرور انا مافيني نوم
وانت عمو
راكان:نفسكم
ريم :هههه وش رايكم نطلع
راكان :تستهبلين !!!!!!!!!!!
غرور : اقول ي بنت الساعة 2 وين بتروحين بهالوقت
ريم :خاطري اروح للبحر الحين تكفى عمممو
راكان :والله مو شينه
غرور تحط ايدها على جبهة عمها :اشوى فيه حراره عمو شكلك مريض يالله نام
ريم :هههههههههههههههههههههه خبلله والله مافيها شي عادي
راكان : لا هونت مالي خلق اوعدكم مرة نطلع للبحر حول الفجر علشان تشوفون الشروق
غررور : ييييسسسسس يسلملي هيك حكي
ريم :أنتبهي ياللبناني
الكل :ههههههههههههههه
وقاموا ينامون
غرور :ريوم ماتوقعت عمي يحب رغد
ريم :ولا انا بس والله البنت تنحب وعسسل
غرور: عكس اختها ماكنهم من بطن واحد
ريم : الله يعين بسس
غرور :امين يالله تصبحين على خير بنام
ريم :تلاقي الخير ي روحي
ونامو
الصباح الساعة 8 الكل صاحي جو الصباح بالمزرعة مايتفوت
الجد : ابو نايف صحيت العيال كلهم
ابو نايف :اول مادخلت يبه الكل صاحي
ابو عبدالله : مستحيل ينامون الصبح مايفوتون هالجو
ابو سلطان: وانت الصادق جو يرد الروح لاهو شتاء ولا هو صيف
ابو ريان :الا اقول يبه وش صار على الخيول شريتهم ؟والا للحين تفكر
الججد : والله وانا ابوك مدري بس ودي بهم وش رايكم انتم اللي عندنا مو من كثرهن
ابو فيصل :نتوكل على الله اجل ونشري
العيال كلهم :تم خلاص
جو البنات بيصبحون على جدهم قبل يجون العيال
السلام عليكم
الجد :ي هلا بشيخات البنات
غرور : صباح الخير والنوير جدي وتحب راسه وتسلم على ابوها وعمانها
فاتن :Good morning my grandfather
الجد :صباح النور ي هلا ببناتي
فيروز و ريم ونهى وعنود جميع قالوا :صبحك الله بالخير ججججدي
الجد : ي زينكن هاذي التصبيحة الزينة
غرور :أفا ي جدي هاذا وانا اول وحدة قالت لك
فاتن : خليك انتي انا جالسة اتنكلم معاه انقلش وماعجبته
فيروز :حنا نعرف وش يعجب جدي تعلمي انتي وياه مننا
أبو سلطان :والله ي فيروز اذا بنتي بتتعلم منك وانا عمك اجل خربت اللغة عنده
فيروز :عممممي والله تطلع تهبل
الجد :خلاص كلكم تهبلون بس كانكن ناقصات وكالعادة يبدا يعد
قال وين عهود وسهى سجى وندى وبنيتي ربى
دخلن مع بعض حنا هنا يبه
صبحك الله بالخير
الجد هلا وغلا صبحكم بالنور
ابو نايف : ندى روحي ي ابوك عجلي بالفطور ورانا شغل
ندى : سم يبة تامر دقايق وهو عندك
ابو عبدالله :تسلمين ي بنيتي
وطلعوا البنات
ودخلو العيال
الا راكان كان برا ينادي غرور
راكان : غرررررور
غرور : لبببيةةةة
راكان : ي لبى قلبكك بسألك
غرور :امر
راكان :امممممم بيجون الليوم
غرور : هههههههههههههههه ي قلبي عممي خلاص اجيبها لو لحالها بس لاتموت علينا
راكان : تستظرفين حضرتكك
غرور : هههه لا اسففة خلاص
راكان : يالله انقلعي بروح لابوي
عند الحريم
الجدة :عبير
عبير: سممي يمة
الجدة : بيجون الليوم اخو عبدالعزيز
عبير : والله مدري يمةة ماقال شي ليه
الجدة: بس اسأل علشان نقوم بالواجب
عبير : زين اقولك
الجدة زين
دخل البنات وجلسوا يفطرون
دق جوال عبير صارت ام رغد تقول ترى بنجي الليوم
عبير ام عبدالله : الله يحييكم تنورون
ام رغد : تسلمين يالله سلمي لي على اللي عندك
ام عبدالله :يوصل
سكرت ام عبداالله :ترى بيجون الليوم اخو عبدالعزيز
الجدة : الله يحييهم
عند البنات
غرور : اكرمكم الله وقامت عيونها مليانه دموع
البنات ناظروا بعض
ريم : بنات لحد يقوم انا اروح لمها مانبيهم يحسون بشي
البنات : اوك
ريم : اكرمكم الله
راحت فوق دخلت انهبلت يوم شافت غرور تصيح
ريم : غررررور لا خليك قوية مو غرور اللي وحدة مثل رهف تنزل دموعها
غرور : مو قادرةةة ريم والله اذا شفتها من جوا احترق مابيها تكفون
ريم : غرور انتي ماتثقين بعبدالله
غرور : رييييييييييييم الا اكيد
ريم : اجل خلاص لاتصيحين ولاشي لان عبدالله لك لاتخلينها تشوف ضعفكك ترى بتندمين
غرور : الله يعين على مقابلها
ريم : امممين ويعدي الليوم على خخخير

نهاية البارت الاول
توقعاتكم
1/ وش بيصير بين غرور ورهف
2/ هل راكان بيقول لابوه يخطب له
3/من اللي بيكسب التحدي رهف والا غرور ؟!!!!!!!!!!

اراءكم
………..