رواية عاهدني يبقى معي بس الأكيد إنه رحل / بقلمي 2024.

روايــ عاهدني يبقى معي بس الاكيد انه رحل ــة
للـكـاتـبـه : تفاصيل الفرح

هذي اول روايه لي ان شاء الله تنال على اعجابكم
الجزء الاول

:لا اله الا الله اصبحنا واصبح الملك لله ام امحمد
ام محمد : تعال انا هنا
ابو محمد: صبحتس الله بالخير
ام محمد: هلا صباح الخير اليوم برد شبيت لك النار وحطيت فوقها
دلة القهوة والشاي عليها
ابو محمد: الله يعطيتس العافيه .. الا عهد وينها
ام محمد: نايمه من البارح سهرانه نامت قريب الفجر
ابو محمد: روح قعديه اللحين بتاخر عن الباص ويروح عنها
ام محمد: حاضر
وقامت ام محمد لغرفة عهد وفتحت الغرفه وكانت عهد بسابع نومه وغرقانه
بااحلامها الورديه
((طبعا عهد عايشه عند جدتها وجده ابو امها يتيمة الام وابوها متزوج
ولاهي في حياته مع مرته الثانيه))
ام محمد : عهد يمه يلا قومي بيفوت عليتس الاختبار اللحين
عهد بصوت نايم : يمه خليني انام بس شوي 5 دقايق
ام محمد : اقولتس قومي يلا منتي بشبعانه نوم بالخمس دقايق
قامت عهد ودخلت الحمام واخذت لها شور دافي وصلت الفجر
ولبست مريولها وطلعت وراحت عند جدها
عهد : صبحك الله بالخير يا احلى اب بالدنيا
ابو محمد بابتسامه : صباح الخير تعالي افطري وبعدها توكلي على مدرستس
عهد : لا يبه مايمديني ها اللحين يجي الباص
واندق الباب
عهد : شفت يبه هذي امل خويتي تمرني عشان نوقف
عند بداية الحاره ننتظر الباص يلا مع السلامه
ابو محمد : مع السلامه الله يوفقتس يابنيتي
طلعت عهد عند امل
امل : ياصباح القشطه والعسل والفول المدمس
عهد : صباح الزيت زيتون والجبنه والزبادي واللبن
امل وعهد : ههههههههههههههههههههههههههههههههه
امل : لاتاخذني بالمعلبات وتنسيني امشي يلا اللحين الباص يجي
ليه امس اتصل عليتس ماتردين علي كسرت جوالتس
عهد : ياماما كم مره قلتلتس لا تدقين علي لاني ما افضى لتس ابدا
امس كنت في اجتماع مع اوباما في امريكا ومارجعت الا متاخر
امل تجاريه بكلامها : لاياشيخه ماقلتي لي انتس رايحه لا امريكا على اساس
انتس تعشين معي في باغيس ونرجع بدري ونذاكر
وفجاءه امل وعهد وقفوا وصرخوا : آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآه
مها : ههههههههههههههههههههههههههه خرعتكم صح
امل : وجع مها كم مره قلت لتس بطلي حركاتس البايخه هذي
مها : تعشيتوا في باغيس وانا رحت امس كندا
عهد : هههههههههههههههههههههههه لا ماتعشينا انا كان عندي اجتماع مع اوباما
في امريكا
امل ومها وعهد : هههههههههههههههههههههههههههههههههههههههه
جاء الباص وطلعوا البنات معه
في المدرسه الساعه 7:15 في قاعات الامتحان الكل يطالع بورقته
وهمه كيف يحل الا امل ……
امل تكلم احلام اللي جالسه قدامها : احلام افتحي ورقتس
احلام بصوت مهموس : فاتحته ماتشوفين
ابله عفاف : مين هذي اللي تتكلم ما ابي اسمع اي صوت
كل وحده عينها في ورقتها
بعد ما انتهى وقت الامتحان خرجوا البنات
عهد : امل كيف عاد لاتقولين صعب بالعكس اليوم اسهل ماده
امل : انتي كله عندتس سهل ياربي انا كيف انجنيت وطاوعتس
ودخلت علمي
عهد : انتي بنفستس تقولين ان الفيزياء اسهل ماده كيف ماتحلين فيها
امل : اصلا انا ما ذاكرت امس
عهد : ليه لايكون ابوتس عادته هذي
امل تناظر عهد وكانه تاكد لها كلامها : ايه وهو فيه غير ابوي
عهد : ليه وش مسوي هالمره
امل : ابوي غصب اختي امجاد على الزواج
عهد : ليه مين اللي خاطبها
امل : سلمان
تقاطعها عهد : سلمان البخيل ماغيره
امل : ايه وهو فيه غيره
عهد : ابوتس انجن يدري كم عمره هذا عشان يزوجه اياه
هذا شايب وفوق ذا كله بخيل
امل : وش السواة تقول لو اتزوجته لا انتحر
عهد : استغفر الله وش بتسوي هذي بتدخل النار
امل : ماتنلام والا احد يرضى يتزوج هذا
عهد : اسمعي انتي تعالي معي نروح البيت ونفطر
ونفكر ايش نسوي
امل : طيب يلا مشينا

في قسم الطواري واقف يشخص المريض اللي عنده
تركي : اقول ابو سالم انت تدخن
ابو سالم : ايه يادكتور ليه وش فيه
تركي : القلب عندك تعبان مره ولازم نسوي لك عمليه
ابو سالم : انت وش تقول يادكتور انا ماعندي القلب
تركي : والله التقارير اللي عندي تقول انه عندك صمام ولازم نسوي لك قصدره
ابو سالم : ومتى ان شاء الله
تركي : انت بتتنوم اللحين عندنا وبنسوي لك فحص شامل وبعدها نقرر
اللحين تروح تسوي اجراءات التنويم
ابو سالم : خير ان شاء الله
تركي : فالك العافيه ان شاء الله ماتشوف شر
ابو سالم : الشر مايجيك
طلع تركي من غرفة الكشف
: تركي تركي
التفت تركي على صاحب الصوت : هلا والله يالله انك تحيه
خالد : هلا بك زود الله يبقيك بسالك انت خلصت اللحين
تركي : ايه خلصت ليه وش عندك
خالد : لا قلت نطلع نفطر وندردش من زمان ماجلسنا مع بعض
تركي : اي والله صدقت انشغلنا بالمستشفى وقلة قعدتنا يلا مشينا

الساعه 10 داخله البيت وهي معصبه وتسب وتشتم وتكلم نفسها
ام تركي : خير وش فيك ؟؟
ريهام : جات الاسئله صعبه اليوم وماعرفت احل جعلها ماتسهل عليها ولادتها
ام تركي : حرام عليك خلاص اللي قدرتي تحلينه حليتيه والباقي على ربك
روحي بدلي ملابسك وانزلي افطري
ريهام : لا مالي نفس ابي انااااااااااااااااااااااااااااام من امس سهرانه
ام تركي : خلاص روحي نامي بس قومي بدري لان بيت خالتك جايين عندنا اليوم
ريهام بفرح : خالتي ام ريان
ام تركي : ايه روحي نامي ولاتطولين بالنومه
طلعت ريهام لغرفتها وهي بقمة وناستها ونسيت انها ماحلت بالاختبار
((وبخاطرها)) : وربي اشتقت لك ياريان بس متى تحس فيني
رن جوالها وصحاها من احلامها الورديه طالعت فيه وردت بفرح
ريهام : هلا وغلا با احلى ريم في الدنيا اشتتتتتتتتتتتتتتتتتتقت لك
ريم : هههههههههههههههههههه هلابتس زود ياقاطعه اخبارتس
ريهام : الحمد الله والله موقاطعه بس انتي عارفه اختبارات واليوم اللي خلصت
وتوني راده من المدرسه
ريم : خلاص عذرتس
قاطعتها ريهام : صح ريوم امي قالت لي انكم جايين عندنا اليوم
ريم : احم احم ايه جايين
ريهام : واااااااااااااااااو وناسه والله راح تنور الشرقيه اليوم
اجل تلايطي اللحين بروح افله نوم عشان اصحصح لك اليوم
ريم : ههههههههههههههههه طيب خلاص روحي وياويلتس لو قلتي
ابي انام اذبحتس
ريهام : هههههههههههههههههههههخلاص ما اراح اقول يلا باي
ريم : باي
فنفس هذا الوقت
عهد : هاه امل وش رايتس بالفكره
امل : ماهيب شينه بس نجاحه مضمون و لا
عهد : انا اضمنها لتس ميه بالميه بتنجح بس بتوقف على موافقة ابوي
امل : اجل توكلي وسويها وربنا معاك

في ستار بوكس
تركي : وهذي جلسه يلا خبرنا عنك يابو وليد
خالد : هههههههههههههههه عجبتني منك بو وليد
تركي : وليه مو انت متزوج ربي ان شاء الله بيرزقك بوليد
خالد : اي وليد انا صار لي 5 سنوات متزوج ولحد الان ربك ماكتب
وكل مارحنا لدكتور قال الفحوصات سليمه بس شوية وقت
تركي : خالد انت قلت ربك ماكتب وان شاء الله ربي بيرزقك انت اصبر
خالد : الله كريم

طالع من المسجد ورايح للبيت
:بو محمد
التفت ابو محمد استنكر الصوت ….

(( ابي اعرفكم على عائلة ابو تركي
( تركي 30 سنه طويل القامه عريض الكتوف وسيم خشمه سلة سيف
ابيضاني عيونه وساع ولونه عسلي شعره اسود كثيف )
(عواطف 25 سنه متوسطة الطول بشرتها لونه برونزي
عيونه لوزيه نحيفه متزوجه ولد عمتها وعندها بنت يارا 3 سنوات)
(ريهام 18 سنه اخر سنه لها بالثانوي
بنت خجوله طويله عيونه لوزيه لونه عسلي بيضاء
وشعرها متوسط الطول تحب ولد عمها ريان)
( خلود 15 سنه قصيره بيضاه شعره اسود قصير )
( بدر و بندر توام عمرهم 9 سنوات)

جالسين على طاولة الطعام والكل ساكت ومشغول بنفسه
ابو تركي : سمعت ان عبد العزيز هنا بالشرقيه
ام تركي : ايه اختي تقول جايين اليوم ان شاء الله
ابو تركي : لا هم هنا من الصبح بس جالسين في فندق
ام تركي : انت مين قالك
ابو تركي : عبد العزيز قابلته اليوم وعلمني
ام تركي : خير ان شاء الله
(بخاطرها) : ايش فيها اختي ماقالت لي اكيد فيه شي
وقفت ريهام : الحمد الله
ابو تركي : ايش فيك ماتغديتي
ريهام : لا الحمد الله اكلت
ابو تركي : الحمد الله الا تركي وينه ماشفته
ام تركي : بالمستشفى بعد ماجاء
———————————————

في البيت الشعبي وبالتحديد بمجلس الرجال جالس
عبد العزيز : ابو محمد وين عهد
ابو محمد : اللحين اناديها لك
راح ابو محمد يناديها
ابو محمد : عهد
عهد اللي جالسه بغرفتها وتفكر كيف تقول لجدها فكرتها
صحت على صوت جدها يناديها
(((طبعا بعطيكم فكره عن عهد عمرها 18 سنه باخر سنه بالثانويه
ذات جمال متوسطة الطول شعرها اسود طويل بيضاء عيونها وساع)))
عهد : هلا يبه
ابو محمد : عهد بنتي ابوتس في المجلس يبي يشوفتس
عهد وكانه ماهي مستوعبه كلام جدها : هاه ابوي
ابو محمد : ايه ابوتس
عهد بااستغراب : ابوي عبدالعزيز
ابو محمد : ايه ياعهد عبدالعزيز توه راجع من الخارج
واول ماوصل جاء لتس يبي يشوفتس
عهد وكانه مصدومه من كلام جدها : اي بالخارج يايبه اصلا انا نسيت ان لي اب
نسيت ما اتذكر شكله
ابو محمد : انتي روحي شوفيه وسلمي عليه واسمعي منه
طالعت عهد بجدها وعيونه غرقانه بالدموع : بساطه يايبه اطلع له واسلم عليه
كانه امس تاركني مو صار له سنين
ابو محمد بحنان : روحي يابنتي واسمعي
تقاطعه عهد : طيب يبه بطلع له واشوفه
طلعت عهد مع جدها ودخلت المجلس بخطوات هاديه ورفعت عينه وشافت ابوها جالس
لكن وقفت وكان شريط الذكريات بدا يلف لها الماضي وكيف كان شكل ابوها
كان شعره اسود حلو ابيض وسيم عيونه وساع لكن السنين هذي غيرته ماتشوف غير
الشيب اللي كسى شعره وعيونه الذبلانه وسامته راحت
عبد العزيز تقدم لها وعيونه مليانه بالفرح بشوفتها وضمها : عهد يبه سامحيني
انا مانسيتك بس الظروف هي اللي جبرتني ابعد عنك
عهد وهي في حضن ابوها ودموعها تجري على خدها : وينك طول السنين هذي
عبد العزيز : كنت مسافر واللحين اللي رجعت
عهد : والسفر يمنعك تتصل علي تتطمن تسال عني ميته حيه
عبدالعزيز : لا بس الظروف منعتني سامحيني ياعهد
عهد : اسامحك

((((لاتطلب مني ان اسامحك….
لم تذق مرارة الالم التي تجرعت كاسه منك
لم تسهر ليالي تنتظر رساله تريح قلبك
لم تبكي من اجل حبيبا فقدته
لم يعتصر قلبك حزنا من اجل فراق انسان يهمك
لا تطلب مني ان اسامحك ….
كم ليل سهرته في انتظارك
وكم نظرت الى تلك الساعه انتظر منك جواب
وآآآآآآآآآآآآآآآآآآآآآآآآه ياقلبي تمر الساعات والدقائق والثواني
ولا ياتي سوا السراب الذي اراه
كم افتقدتك كثيرا ولكن بلا جدوى
احتجت اليك كثيرا ولكن كنت اراك في احلامي
لاتطلب مني ان اسامحك ….
لم ينبض قلبك بالحب كي تحزن وتتالم
لاتعرف معنى الاحساس كي تبكي
ارجوك لاتطلب مني ان اسامحك يا ابي)))

بعدت عهد عن حضن ابوها : ما اقدر اسامحك انت ذبحتني وانا حيه
روح وانساني لاني اصلا نسيتك
طلعت عهد وتركت ابوها وراها مصدوم من كلامها

ابو محمد : هذا جواب السنين ياعبدالعزيز تحسبها هينه تتركها وراك
وماتسال عنها ياليتك ماجيت عذبتها بفراقك واللحين ذبحتها بجيتك
روح ياولدي عسى ربي يغفر لك وتسامحك هالمسكينه على اللي سويته فيها
طلع عبد العزيز من بيت ابو محمد ودموعه على خدها بخاطره:
طلعت حساباتك غلط ياعبدالعزيز ضنيت انك تبي تكسب قلبها بشوفتك
ضنيت انك لو قلت لها اني بعوضوك بتفرح وتجي معك بس خيبت ضنك
وطلعت مثل امها تموت ولاتعيش بمذله
—————————————————-

داخل الفله الكبيره بوسط غرفتها
ريهام : ريم وينكم ابوي يقول انكم هنا بالشرقيه من الصباح
ريم : ايه صح
تقاطعه ريهام : طيب ليه مانزلتوا عندنا هتا ليه تروحون فندق
ريم : اذا جاء ابوي اساله وارد عليتس
ريهام : تتطنزين
ريم : مدري عنتس خلاص ترى كلها كم ساعه واحنا عندكم
ريهام : وربي اشتقت لك مره وانقهرت لما عرفت انك هنا من الصباح
ريم : اقولتس ابوي جاء بروح اساله مع السلامه
ريهام : مع السلامه
قفلت ريهام من عند ريم ونزلت تحت عند امها
ام تركي تكلم الجوال : الله يحيك باي وقت
المتصل : تسلمين اجل بكره العصر وانا عندك
ام تركي : تشرفينا باي وقت حياك
المتصل : مع السلامه
ام تركي : مع السلامه

ريهام : يمه تكلمين مين
ام تركي : مو شغلك روحي قولي لساتي تحضر الحلا والقهوه
خالتك جايه بالطريق
ريهام : طيب اللحين اروح اقولها
: السلام عليكم
ام تركي وريهام : وعليكم السلام
تركي: لمين الحلا والقهوه
ام تركي : حق خالتك ام الريم
تركي : متى جايين
ريهام : بعد شوي
تركي : اجل انا استاذنكم اللحين بروح انام
ام تركي : روح حبيبي الله يعطيك العافيه
تركي وهو قايم : الله يعافيك
——————————————–

الساعه 5 العصر جالسه في غرفتها تبكي على نفسها
ام محمد تدق الباب : عهد يمه افتحي الباب
عهد بصوت باكي : يمه خليني ابي اجلس لحالي شوي
ام محمد : يابنتي ماني قادره ارتاح افتحي ابي اشوفتس
قامت عهد فتحت الباب وتبكي وتحضن جدتها : يمه ابي امي اشتقت لها
ام محمد تبكي : وين امتس اللحين يايمه استهدي بالله
عهد : ليه يايمه ليه انا يصير معي كذا انا تعبت بغيابه واللحين جاي يذبحني
يحسبني ما ادري انه متزوج ولاهي في حياته مع زوجته وعياله
آآآآآآآآآآآآآآآآآآآه يايمه ليت امي اخذتني معها وتبكي بحرقه
وام محمد تبكي معها وحاضنتها : قومي يايمه وتعوذي من ابليس وصلي ركعتين
انسي يايمه وهذا ابوتس سامحيه يايمه واسمعي منه
————————————————-

فنفس هذا الوقت بغرفتها واقفه قدام المرايا وتناظر بنفسها
ريهام تكلم نفسها: متى تحس فيني ياريان الكل عرف اني احبك الا انت
فجاءه انفتح باب غرفتها بقوه وصرخت ريهام
ريم : هههههههههههههههههههههههههههههههههههه خوفتس هههههههههههههههههههه
ريهام تطالع بريم مقهوره بس نسيت هذا كله وقامت تحضنها وتسلم عليها
ريهام : وحشتيني ياخبله
ريم : وانتي كمان وحشتيني
—————————————–

طلعت من غرفتها وراحت عن جدها وجلست جنبه
ابو محمد بحنان : ياهلا بنتي
جاءت عهد وجلست بجنبها عهد : ياهلا بك زود يبه ابي اكلمك في السالفه
ابو محمد : امري يابنتي
عهد : يبه سلمان
ابو محمد : وش فيه
عهد : خطب امجاد بنت ابو عمر وابوها غصبها وهي ماتبيه
ابو محمد يطالعها باستغراب : ليه وش مطلوب مني انا
عهد تبتسم : فديتك يبه فهمتني على طول
ابو محمد : هههههههههههه كملي
عهد : يبه ابيك تجيب سلمان هنا وتقوله انك حلمت فيه حلم
وانك فسرته واذا سالك وش الحلم تقولها انك تبي تخطب
وتبي تخسر كل مالك واللي فسره ينصحك تشيل فكرة الزواج من راسك
ابو محمد : منتي صاحيه تبيني اسوي كذا
تقاطعه عهد : يبه الله يخليك حرام تتزوجه هذا رجله والقبر
ابو محمد : ههههههههههههههههههه حرام عليك
ابو محمد : انا عندي فكره غيرها وش رايتس اجيب هنا
وانتي تطلعين له وانا ما ادري عنتس وتقولين لها انتس اللي حلمتي
عهد تطالع بجدها نظرة اعجاب : فديتك يبه الله يخليك لي ولايحرمني منك
ابو محمد : امين ياااارب ولايحرمني منتس

في وسط الفله الكبيره وبالصاله الساعه 8 م
ريم : اقول ريهام اخوك تركي وينه ماشفته من يوم جيت
ريهام : تركي من اول ماوصل طلع غرفته ونام يقول تعبان
ريم بخوف : ليه وش فيه تعبان
ريهام تطالع بريم بتعجب : وش فيك مافيه الا العافيه بس تعرفين دوام المستشفى تعب شوي
ريم : ايه صح
تقاطعه ريهام : ريم وش رايك نروح بكره مجمع الراشد نتسلى
ريم : فكره بس مين يودينا
ريهام : السواق
ريم : ريان مايرضى
ريهام من سمعت اسم ريان صار وجهها علبة الوان
ريم لاحظت عليها : اقول اللي يشوفتس يقول كلش درى عنتس
ريهام تناظر ريم بقهر: وانتي ايش دراك
ريم : ياحبيبتي ريان يحب سمر بنت عمي حسن
وقفت ريهام وعيونه غرقانه بالدموع : طيب ليش تقولين لي اللحين
ليه من زمان ماقلتي لي وانتي دايم تقولي انه مافي بحياته احد
ريم تهديه : وش فيتس انا ماعرفت الا قبل فتره لما طلب من امي تخطبه له
اجلسي وانا افهمتس
ريهام تمسح دموعه اللي كانت على وشك النزول وجلست : تكلمي علميني
ريم : ريان طلب من امي قبل 3 اسابيع تخطب له سمر بنت عمي حسن
بس امي رفضت وقالت له ان سمر مخطوبه لو خالها نمر
ريان عصب وانقهر بس بعدين شال الموضوع من راسه
انا كنت امزح معتس وانتي هبيتي فيني
ريهام بفرح مو باين : خلاص انسي السالفه
دخلت خلود وبيده كيس ليز وتناظر فيهم : وش فيكم ساكتين والحزن يخيم
علو وجوهكن يافتيات
ريم : لاشي ياعزيزتي ولكني اشتهيتوا الليز الذي بيدك
خلود : ماذا تقولين
تقاطعه ريهام بضحكه بصوت عالي : هههههههههههههههههههههههههههههههههههههه
ريم وخلود :هههههههههههههههههههههههههههههههههه
ريهام : ناقصن تونا مخلصين من المدارس هههههههههههههههههههههه
ريم تكلم خلود : هاتي الليز ابي اكل وروحي المطبخ وجيبي بيبسي
خلود : ما اشوف رجلك منكسره قومي انتي روحي جيبي
ريم تناظر بريهام اللي فهمت عليه ريهام : ماني قايمه روحي انتي
ريم وهي قايمه : مالت عليكم اللحين انا الضيفه وانا اللي اضيف نفسي
راحت ريم المطبخ وهي داخله صدمت بشي طيحه على الارض
ورفعت راسه وطالعت
ريم بخوف : ااااانننننااااا اسسسسسسفه وال…
يقاطعه تركي : لاعادي حصل خير انا اللي اسف بللتك بالماء وعورتك
ريم انتبهت انها بدون غطاء وقامت وشردت عند ريهام
ريم دخلت عند ريهام وهي مبلله وخايفه
ريهام بخوف : وش فيك ومين مبللك كذا
ريم بعد ما اخذت نفس : صدمت بتركي بالمطبخ
ريهام : هههههههههههههههههههههههههههههههههههه
ريم ترمي عليها المخده : ضحكت عليتس بقره
————————————————-

الساعه 1 في الليل
جالسه فوق السطح بالبيت الشعبي وسارحه بضوء القمر وتفكر
وكانت ماهي بمرتاحه قلبه دقته اليوم غير
عهد بخاطرها : ياربي وش فيني الليله هذي قلبي قارصني
حاسه بااحساس غريب احساس ماجاني من قبل
قامت عهد تعوذت من ابليس ونزلت وصلت لها ركعتين وحاولت تنام
بس ماجاها نوم وكل شوي تتقلب على السرير وبالاخير قامت من فراشها
وراحت جلست على التلفزيون
————————————————-

بنفس هذا الوقت عبدالعزيز وابو تركي جالسين بالمجلس
ابو تركي : ايش رايك ياابو ريان بفكرة المجمع اللي قلتها لك
عبدالعزيز ويحس بالم بيده وبصدره ويتكلم بهدوء : فكره حلوه ندرسها ونشوف بعدين
اللحين انا استاذنك بروح انام وقف عبدالعزيز ومشى خطوتين واول ماوصل
عند باب المجلس مسك صدره وحاول يقاوم بس الالم بس ماقدر وطاح مغشي عليه
ابو تركي وقف من مكانه وراح بسرعه عنده ويحاول يصحيه : عبد العزيز
عبد العزيز
دخل عليه تركي وريان اللي كانوا جايين من الحديقه
ريان اللي تقدم بسرعه عند ابوه اللي مرمي بالارض : يبه يبه رد علي
تركي اللي جلس يفحص عليه : لازم نوديه المستشفى
ريان يطالع بتركي : ليه وش فيه ابوي
تركي : شكلها جلطه
وصلت الاسعاف وشالت عبدالعزيز
البيت كلها بكاء ومتوترين مو عارفين ايش فيه عبدالعزيز
ام ريان تبكي ومنهاره وام تركي جالسه تهديها
ريم جالسه جنب امها وتبكي بحرقه على ابواها
رن جوال ريم وردت بسرعه وبصوت باكي : هاه ريان طمني
اخذت امه السماعه منه وتكلم ريان : هاه يمه كيف ابوك وايش قالوا فيه
ريان : مدري يمه دخلوه داخل ولحد اللحين محد طلع لنا يطمنى عليه
ام ريان : وتركي وينه
ريان : دخل معهم داخل
ام ريان تبكي بحرقه ريان يهديه : يمه وش فيك ان شاء الله مافيه الا العافيه
ام ريان : ان شاء الله
ريان : يالله يمه مع السلامه انا اطمنكم عليه اذا طلع تركي
ام ريان : مع السلامه
—————————————–

فزت من مكانه وماهي عارفه ايش فيها
طلع جدها يبي يروح للمسجد وشافه جالسه
ابو محمد باستغراب : عهد يبه وش فيتس جالسه له الحزه
عهد بقلق : والله مدري يايبه ماجاني نوم احس بقلق بس مدري من ايش
ابو محمد : تعوذي من ابليس وصلي الفجر ونامي ولاتفكرين بشي
عهد : ان شاء الله يبه

—————————————–

بالمستشفى طالع من قسم العنايه المركزه
ريان من شافه تقدم له بسرعه : هاه تركي طمني
تركي باسف : والله ياريان ما اخبي عليك ابوك صابته جلطه
والجلطه هذي سببت له غيبوبه وماندري متى بيصحى منها
ريان بخوف : جلطه ومن وين جاته هذي
يقاطعه ابو تركي : اذكر ربك ياريان
ريان : لا اله الا الله طيب من ايش تجي ما كان فيه شي ولاعمره شكى من حاجه
تركي : عادتن تجي من الضغوطات والزعل ويمكن ابوك متعرض لشي من كذا
ريان : زعل ومين اللي يزعله ابوي طول عمره ماتهمه الاشياء التافهه
ولايزعل من اي شي ايش معنى هذي المره
تركي : استهدي بالله ياريان هذا ابتلاء من الله اصبرو احنا ماندري كم يوم
بيجلس بالغيبوبه يمكن اسبوع او اكثر او اقل
ريان : لا اله الا الله ياربي انك تشفيه وتقومه لنا بالسلامه
قام ريان يتصل با امه ويطمنها عليه
—————————————————

طلع من المسجد ولقى سلمان واقف يكلم ابو عمر وكانه فيه نقاش حاد بينهم
ابو عمر : لعبه انا عندك مره تقول ابي بنتم ومره لا ما ابيه
سلمان : يااخي مافي نصيب انا فكرت فيه قلت بنت اصغر مني بواجد
انا كنت ابي وحده عمره 30 مو 20 سنه
ابو عمر : الشرهه ماهي بعليك علي انا اللي رضيت ازوج واحد مثلك
ماعنده كلمه
سلمان بيتكلم لكن ابو عمر ما اعطاه فرصه ومشى عنه وخلاه
تقدم ابو محمد لسلمان
ابو محمد : السلام عليكم
سلمان : وعليكم السلام هلا ابو محمد
ابو محمد : هلا بك كيف حالك
سلمان : بخير
ابو محمد : وش فيه ابو عمر معصب وصوته عالي
سلمان بتوتر : لا مافيه شي بس انت تعرفه حمقي وبسرعه يعصب
ابو محمد : الله يعين سمعت انك تبي تزوج على البركه ان شاء الله
سلمان : لا غضينا النظر عن فكرة الزواج
ابو محمد : ليه ان شاء الله انا فرحت قلت اخيرا تبي تزوج وتجيب عيال يشيلون اسمك
سلمان : يجيب ربك خير ان شاء الله اجلتها شوي بس
ابو محمد : الله يوفقك ويكتب لك الخير
سلمان : في امان الله
ابو محمد : في امان الله
افترقوا وكل واحد راح لبيته
——————————————-

جالس فمكتبه ويفكر بالاسم اللي كان ابو ريان يردده قبل لايدخل في الغيبوبه
تركي بخاطره : مين عهد ما اتذكر ان ابو ريان عنده احد بهذا الاسم
قطع عليه سرحانه صوت الجوال طالع الجوال ورد : هلا دكتور غسان
د غسان : اهلا بيك د تركي لا بس كنت عاوزك شوي بالمكتب بتاعي
تركي : خير ايش فيه
د غسان : لا كل خير ان شاء الله بس ان تعال وحفهمك دلواتي
تركي : حاضر دقايق وانا عندك
———————————————

جالسه بغرفته ومازال نفس الاحساس يتملكه من امس
عهد ( بخاطرها ) : معقوله كل هذا لاني زعلت ابوي امس
ياربي طيب ماني قادره اسامحه تركني السنين هذي كله
وبعده اسامحه وبساطه كذا
: عهد يابنت يابقره لا هذي شكلها غرقانه تفكر بشي بنننننننننننننننننننننننننت
عهد : هاه اوه امل ياهلا فيتس ارحبي يابنت
امل : هلا بتس زود وش فيتس اكلمتس وانتي ماتردين علي
عهد : اممممم ولاشي
امل : علي انا الا وش ابشرتس فيه
عهد: ايش فرحيني
امل : سلمان فك الخطبه قلت كله من افكارتس الجوهنميه
عهد : فك الخطبه بس انا ماسويت شي
امل : ايش اجل ليه
عهد بفرح : مو مهم اهم شي انه افتكت من امجاد
امل : اي والله انتس صادقه اهم شي افتكينا منه
عهد : امل بقولتس شي صار امس معي
امل : ايش صار معتس
عهد : تعالي نجلس وبجيب لتس قهوه وبعدين اعلمتس

——————————————–

في المستشفى بمكتب غسان
تركي : ايش انت متاكد
غسان : ايوا ياتُركي انا مُتاكد نتائج التحليل بتقول كدا
تركي : والحل كيف نبلغ اهله
غسان : اقول ازاي نبلغه هو
تركي : الله يصبره ويصبر اهله امه مسكينه ماله غيره ابوه متوفي
غسان : ربنا عينه ويصبر امه المسكينه دي
تركي : امشي نروح له اللحين ونتكلم معاها

——————————————-

بمجلس الحريم
امل : ابوك انتي عمرتس ماقلتي لي انه عايش بالرياض
تقاطعه عهد : اصلا انا نسيته ونسيت شكله بس جيته لي غريبه
حسيته ندمان وجاي يعوضني بفلوسه يحسبني بجري لها وانسى
السنين اللي راحت وهو بعيد عني
امل : عهد بقولتس شي بس لاتزعلين
عهد : قولي مانيب زعلانه
امل : عهد انتي غلطانه كان سمعتي منه وعرفت سبب جيته لتس
عهد : لو كنتي مكاني وش بتسوين
امل : مدري بس اكيد بتصرف مثلتس او شي يشبه تصرفك
عهد بنرفزه : اجل لاتفلسفين علي
امل : انا قلت لتس لاتزعلين وقلتي مانيب زعلانه
عهد : لا انا مازعلت منتس بس مدري من امس احس باحساس غريب
امل بخوف : وش فيتس
عهد : مدري بس قلبي قارصني احس بشي غريب
امل : هذا وسواس تعوذي من ابليس
عهد : الله يستر بس

—————————————-
في بريطانيا
مشعل : حبيبتي ايش رايك نطلع تنعشى اليوم نغير جو شوي
الجوري : اي والله حبيبي من زمان ماطلعنا وتعشينا الدراسه اشغلتنا شوي
مشعل : طيب حضري نفس اليوم وجهزي مهند وليان معك
الجوري : من عيوني طيب انت وين بتروح اللحين
مشعل : ولاشي بروح اشتري بعض الاغراض وراجع لك
الجوري : مشعل حبيبي اتصلت بريان اليوم
مشعل : لاحبيبتي ماكلمته تبغين تكلمينه
الجوري : ياريت حبيبي اشتقت لا اهلي مره
مشعل يطلع جواله ويتصل على ريان : مرحبا ريان
ريان بضيقه : هلا هلا ابو مهند
مشعل يقلد صوته : هلا ابو مهند وش فيك تبي تكبرني توني شباب
ريان : ههههههه وش قلت ولدك هذا
مشعل : اخبارك ياولد
ريان : بخير .. انت كيف حالك وكيف حال الجوري وعيالك
مشعل : بخير وكلنا الحمد الله طيبين
الجوري تاشر لمشعل يعطيها الجوال
مشعل : ريان خذ الجوري معك تبي تكلمك
الجوري تاخذ الجوال وتكلم ريان : مرحبا ريان
ريان : هلا هلا با اختي حبيبتي هلا بشيخة البنات
الجوري : ههههههههههههه هلا بك زود ياقلبي انت
ريان : كيف حالك
الجوري : بخير انت كيف حالك وكيف امي وابوي وريم واحمد
ريان : حيلك حيلك علي كلهم بخير ولله الحمد
الجوري : والله اشتقت لكم حيل بس مافي فرصه ننزل اللحين
ريان بخاطره : اشوى لاتنزلين اللحين لحد ابوي مايقوم بالسلامه
الجوري : ريان ريان
ريان : هلا
الجوري : وش فيك انادي عليك ساكت
ريان : لا بس ما اسمعك الشبكه تروح وتجي
الجوري : انا ما ابي اطول عليك بس سلمني على ابوي وامي مع السلامه
ريان : يبلغ ان شاء الله مع السلامه
قفل ريان من عن الجوري وكان خايف انها تدري او تحس بشي
(( الجوري متزوجه ولد عمها عبدالله مشعل عمره 29 سنه متوسط الطول ابيضاني
عريض وسيم شعره خشن اجعد عايش ببريطانيا يدرس طب العيون ابوه من اغنياء
الرياض عنده اخته (((العنود متزوجه عمرها 40سنه دكتوره بجامعة الاميره نوره
وعندها خمسه اولاد [وليد عمره 20 سنه طويل القامه جسمه معضل عيونه ناعسه
اسمراني شعره اسود اجعد يشتغل عند جده بالشركه ]
[فارس 18 سنه متوسط الطول ابيض عريض الكتفين عيونه صغيره
مسحوبه على فوق شوي شعره اسود ناعم ويدرس بالثانويه اخر سنه ]
[ غيدا 15 سنه طويله ولون بشرتها برونزيه عيونه صغيره مسحوبه على فوق
شعرها طويل اجعد تدرس بالمتوسطه ]
[ عادل 12 سنه يدرس بالمتوسطه قصير وعيونه صغيره اسمراني
شعره كثيف اسود ناعم]
[شهد 7 سنوات ]
<<واخوه الكبير سعود عمره 38 سنه متزوج وعنده حسن 18 سنه
وحسين 15 سنه وغدير 12 سنه >>
<<واخوه عامر 30 سنه متزوج وعنده حسام 10 سنوات ولانا 7 سنوات>>
واخته البندري اصغر وحده عمرها 20 سنه))
<< بنتعرف عليهم بعدين في احداث القصه === تفاصيل وش فيتس ياتعلمينا اللحين والا اخفسي ههههههههه (( عادي نفسي تكلمني))
———————————————

في المستشفى وبالتحديد عند غرفة العنايه المركزه
ام ريان : ياولدي ياتركي بدخل اشوفه
تركي : ياخالتي ممنوع هذي الغرفه مايدخلها الا الاطباء
ام ريان بترجي : الله يخليك ياتركي بس انا تكفى ياولدي
تركي وكانه رضخ لكلامها : طيب بس ثواني وراجع لك

———————————————

في وسط صخب المدينه وضجيجها بالرياض
متعب : اقول سلوم وش رايك نطلع اليوم الشرقيه
سالم : سمعني وش قلت منت بصاحي
متعب : وليه لا اهلي بالشرقيه صار لهم يومين قلت بلحقهم نحجز لنا شاليه
يقاطعه سالم : قلتها يالخوي اهلك وان وش يحشرني بينكم
متعب : انت اخوي ومن اهلي
سالم : تسلم بس انت عارف امي واخواتي ماعندهم احد
متعب : بهذي مقدر اقولك شي اهلك اهم اجل انا استاذنك بروح للشرقيه
توصي شي
سالم : تسلم توصل بالسلامه ان شاء الله
متعب : الله يسلمك مع السلامه
سالم : مع السلامه

—————————————–

في المستشفى
تركي : خالتي تفضلي بس قبل لاتدخلين البسي هذي الملابس
ام ريان : تسلم حبيبي الله يجزاك الف خير اعطيني اياهم
تركي : الله يسلمك ولاطولين 5 دقايق واطلعي
ام ريان : ان شاء الله
دخلت ام ريان بعد مالبست الملابس المعقمه اللي اعطاهم اياه تركي
وبخطوات هاديه وصلت عند السرير اللي نايم عليه عبد العزيز
وبدات دموعها تجري على خدها وقربت منه وباست راسه
ام ريان : عبد العزيز قوم لاتروح وتخليني انا مالي احد
انت سندي بعد الله وتبكي بحرقه عليه
طلعت من عنده وهي حزينه على منظره وهو على السرير مو حاس باللي حوله
ريان وقف عند امه : خلاص يمه ادعي له ان شاء الله بيقوم بالسلامه
ام ريان : الله يشفيه ويرجعه لنا بالسلامه

——————————————-
جالسين على الفطور
ابو محمد : اقول عهد وينه
ام محمد : عندها خويتها امل جالست بالغرفه
ابو محمد : الحمد الله الله يديمه نعمه اقول انا بروح للمستشفى عندي موعد
ام محمد : بطول هناك
ابو محمد : لا بس مراجعه ماني مطول
ام محمد : فالك العافيه ياااااارب
ابو محمد : في امان الله
———————————————–

في المستشفى
جالس بمكتبه يشخص المرضى اللي جاين لمواعيدهم
تركي يكلم الممرضه : Do reviewers stayed there?
((هل بقي هناك مراجعين ؟))
الممرضه : Yes, the remaining one patient
((نعم تبقى مريض واحد ))
تركي :
Well, let him come
((حسنا دعيه يدخل ))

دخل ابو محمد : السلام عليكم يادكتور
تركي : هلا وعليكم السلام ابو محمد تفضل اجلس
ابو محمد : زاد فضلك
تركي : هاه ابو محمد انت ماتجيني الا نغزات قلبك زايده
ابو محمد : هههههههههه فهمت طريقتي
تركي : انت من زمان تراجع عندي عمرك ماجيت بموعد كتبته لك
ماتجيني الا انت حاس بتعب
ابو محمد : صدقت احس متعبني اليومين هذي ماني قادر انام منه
تركي : خير ابو محمد
رن التليفون تركي : عن اذنك برد على التليفون
رد تركي : هلا وعليكم السلام
غسان : كنت عاوز اسالك ملف المريز عبدالعزيز عندك
تركي : انت تقصد عبدالعزيز جاسم ناصر
ابو محمد تفاجا اول ماسمع الاسم بس سكت يبي يسمع نهاية كلام تركي
ايه عندي وش بغيت فيه
غسان : كنت عاوز ارقعه شوي عشان الادويه اللي لازم نديه ليه
تركي : طيب هو في غيبوبه اللحين اية ادويه بتعطيه اياه
غسان : طيب انت ارسلي الملف بتاعه
تركي : حاضر اللحين ارسله لك
قفل تركي السماعه وطلع الملف من الدرج واعطاه الممرضه توديه لمكتب غسان
تركي يلتفت على ابو محمد : معليش ابو محمد طولت شوي
ابو محمد : لا عادي يادكتور
تركي : اسمع ابو محمد لازم تروح اللحين وتسوي الاشعه هذي
والتخطيط وهذي ورقة الموعد تسويه من عند الاستقبال
ابو محمد : حاضر مع السلامه يادكتور
تركي : مع السلامه فالك العافيه يارب
ابو محمد : الله يعافيك

طلع ابو محمد من عند تركي وبراسه سوال محيره
ابو محمد بخاطره : معقول عبد العزيز هذا هو نفس عبد العزيز ابو عهد
انا لازم اروح قسم العنايه المركزه واشوفه

——————————————
فبيت ابو تركي بالمجلس
متعب منزل راسه ودموعه على خده : ليه ماعلمتوني
ابو تركي : استهدي بالله ياولدي ازمه وبتعدي ان شاء الله
متعب : لا اله الا الله انا بروح اشوفه
ابو تركي وقف : قوم اوصلك
متعب : لا ياعمي ما ابغى اتعبك انا بروح بسيارتي
ابو تركي : براحتك ياولدي
طلع متعب وهو طالع سمع احد يناديه
التفت على الصوت اللي يناديه
متعب : ريم احمد
ريم : ايه ابي اروح معك
متعب : ريم
تقاطعه ريم : تكفى متعب وقامت تبكي ابي اشوف ابوي
متعب حن عليه : طيب يلا تعالي
ركبوا السياره وانطلق للمستشفى
—————————————–

في المستشفى بقسم العنايه المركزه وقف عند الاستقبال يسالهم
ابو محمد : لو سمحت وين احصل غرفة عبدالعزيز جاسم ناصر
الموظف : الغرفه هذي ياعم اللي قدامك
ابو محمد : شكرا
تقدم ابو محمد للغرفه وقف يطالع من ورى الباب من القزاز الشفاف
وشاف عبد العزيز وانصدم من المنظر اللي شافه وحن قلبه عليه
وتذكر كيف طلع من عنده ودموعه تجري على خده
التفت ابو محمد يبي يمشي لكن صدم بشخص كان واقف وراه
ابو محمد : تركي
تركي : ابو محمد وش جابك هنا قسم الاشعه في الدور الارضي مو هنا
ابو محمد : ايه اعرف بس جيت اشوف صديق لي بس شكله طلع ماهو فيه
تركي : ايه انت غلطان هذا قسم العنايه المركزه
ابو محمد : شكلي غلطت احسبه قسم التنويم يلا مع السلامه
تركي مستغرب من وجود ابو محمد واللي يعرفه عنه
<<انه دكتور متقاعد بجامعة البترول والمعادن لكنه انسان له مبادى مايغيرها
محتفظ بعادات وتقاليد قديمه انسان متفهم واعي وحكيم وحنون وعنده بنت
وماتت وبعد ماتوفت بنته جاءته ازمه قلبيه طيحة بالفراش شهر كامل
لكن قاوم المرض عشان بنت بنته اللي عاهد نفسه يربيه ويصونها >>
: غريبه وش جايبه هنا
طنش تركي الموضوع وراح كمل طريقه بالفحص على مرضاه
——————————————

في بريطانيا
وبالمطعم
مشعل ويقدم لها هديه عباره عن ساعه الماس : الجوري حبيبتي كل سنه وانتي حبيبتي
الجوري متفاجاه : واااااااااااااو حبيبي مشكوره ياقلبي انت
مشعل : هذا ولاشي ياروحي انتي تستاهلين اكثر من كذا
طبعا كان عيد زواجهم السادس والجوري نسيت
لكن مشعل مانسي واحتفل بالمناسبه هذي
الجوري بحيا : احبك ياكل الدنيا انت
مشعل يقرب منه ويعيها بوسه على خدها : وانا اموت فيك ياقلبي انتي
استحت الجوري : مشعل وش فيك الناس والعيال عندنا
ضحك مشعل :هههههههههههههه طيب ياخجول هنا عادي
كانت ليله عامره بالرومنسيه لمشعل والجوري