رواية دهاليز الحياة / بقلمي

أحياناً يكون الضيآآع مفيداً لنكتشف ( أنفسنا ) !! من جديد ..

عبارهه جميله ( عندما أريد أن أبث حزني وألمي لأحدهم يخجلني قول تعالى : (( وبشر الصابرين ))

الريآض .. السآعه 9:30 صباحاً ..

من بين تلك الشوآرع والمنزال التي تعبر عن فخآمه أصحابها وترفهم ، يقطن ذلك المنزل بعد خطوات ليست بالكثيرهه من تلك الشوارع منزل بسيط جداً يعبر عن بساطه أصحابها بجانب بيوت قد تهدم البعض منها بسبب الزمن

في أحدى غرف ذلك المنزل …

دخلت تالين وهي تفرك عيونها من النوم : صباح الخير
تولين : صباح النور ، وين تالا ماصحت ؟
تالين : اليوم أيش اصلاً ؟ ، ليش مارحتي الجامعه ؟؟
تولين : اليوم السبت شفيك ؟
تالين : اهه حسبالي الاحد
تولين : الثلاجه فاضيه ليش ؟ ماشريتي الأغراض
تالين : من وين أجيب فلوس تعرفيني لاشغل ولا مشغله !!
تولين : طيب ليش ماتكملين الجامعه وتساعديني بالمصروف ؟ تراني تعبت ما ألحق بين أغراض البيت والجامعه
تالين : قلتيها ماتلحقين من أغراض البيت والجامعه وأنا الصراحه ما أبغى أكلف عليك وأخذ من مكافئتك ، غير المشاوير تعب عليك أكثر ، وكمان إلين مافيه أحد بيجلس عندها خليني كذا لين أدبر حالي
تولين : براحتك ، بس لاتنسين تشترين اليوم الأغراض
……………: وأنا أبغا أغراض من السوق
تولين لفت على تالا مستغربه : شنو تبين ؟
تالا : أبغى شوز للمدرسه وأشياء ثانيه
تولين : أوكي كتبيها لـ تالين بس لاتكثرين المصروف ماا يكفي كثير
تالا : عارفه أنا معي فلوس كمآن بزيدها عليها
تولين : زين

نتوقف نعرفكم على الشخصيات الي معانا ..
تآلين : بنت جميله بشرتها بيضاء وصافيه شعرها بني فاتح ممزوج بالذهبي جسمهآ خيالي مخصر لا بالطويله ولا بالقصير عيونها عسليه نعسانه وخشمها سله سيف جميله جداً الي يتأمل بعيونها ينجن عليها الاخت الكبرى عمرها 20 سنه شخصيتها مابين الجديه والفله تحب أخواتها كثير وتحاول تسعدهم ولو على حسبها قلبها طيب كثير وتخبي بقلبها ماتحب تطلعه لأحد تحب تساعد الغير وتسعدهم

تولين : شبيه بأختها تالين الا أن حادهه جميله تحسين اذا جلستي معاها انها الاخت الكبرى يقولون ان عقلها أكبر من عمرها مثقفه تحب أخواتها كثير وتحاول تسد مكان أبوها وأمها الي ماتو من صغرها وجديه كثير ، عصبيه نوعاً ما لكن أنها حنونه جداً عمرها 19 سنه بس تحاول تبين أن أكبر من تصرفاتها وحكمتها

تالا : بنت جميله وناعمه جداً بشرتها بيضاء وصافيه جداً عيونها بني غامق وعيونها نعسانه تحب أختها ألين الصغيره ومتعلقه فيها تحب أخواتها كثير و شخصيتها غامضه جداً تحسين أنها حزينه بس تحاول تبين العكس حتى تسعد أخواتها تحاول جاهده تساعد أخواتها وتخفف عنهم من طلباتها وتساعدهم ولو بالبسيط عمرهـا 16

ألين : بنوته صغيره عمرها 5 سنوات جميله جداً بريئه شبيهه بأخواتها ومتعلقه كثير بـ تالين وتالا مريضه بالربو

بمكان أخر

نزلت وأصوت كعبها يملي المكآن الي كان قبل فتره يمليه الهدوء نزلت بخطوات منظمه على الدرج بفستانها الراهي الأسود الفخم وبشعرها الأسود المرفوع بطريقه ناعمه وروجها الأحمر الصارخ .، ومابين المكان يعمه الهدوء صرخت … مشعل

مشعل كان يطقطق بجواله رفع راسه بخوف : بسم الله ، خير وش فيك روعتيني
………….: أشتقت لك ( وجت تركض تحضنه ) بادلها الحضن
مشعل : ألحين بسألك وش فيك على هالصراخ
رتيل : أنا ألحين أقول مشتاقه لك تقول ليش تصارخين ؟ ( لمت فمها على جنب ) وسكتت وصرخه ثانيه ( ههييي يعني ما أشتقت لي
مشعل : حبيبتي رتيل فيك شي ( حط يده على جبهتها )
رتيل ( بعدت يدها ) وقالت : أقول مشعل
مشعل : لبيه ؟
رتيل : أنا ألحين رايحه للغداء في بيت جدي بليز جيب لي من السوق الفستان إلي أمس شفناه والله عاجبني بس أنت مستعجل مرهه الله يهديك
مشعل : زين شي ثاني ؟
رتيل : برسلك إذا أبغى شي ثاني
مشعل : خلاص أنتظرك بس ترسلينها قبل العصر .
رتيل : أكيد إن شاء الله وأبتسامه وقالت .. الله لايحرمني منك ، سلام
مشعل بادلها الأبتسامه وقال : ولامنك ، أنتبهي على نفسك

نوقف لحظه نتعرف عليهم ..

عائله خالد محمد …………….

الأب خالد : حنون مع أولاده شخصيه جاده جداً عايش مع أبوه محمد بقصرهه الي يجمع جميع أخوان خالد ( أكتفي بوصف الصفات )

الأم الهنوف : حنونه جداً مع أولاده تحبهم كثير وتخاف عليهم كثير متواضعه ..

الأبناء

مشعل : جميل جداً جسمه معضل عيونه واسعه و مكحله وحاده بشرته مابين البياض والسمار خشمه سله سيف. .، يحب أخته رتيل كثير وحنون بس العصبيه تخرب عليه غامض نوعاً ما ذكي جداً يشتغل بشركه من شركات أبوه مدير فيها عمرها 25

هيثم : شبيه بأخوه كثير شخصيته يوسع الصدر عربجي نوعاً ما يحب الوناسه ويكره الحزن والكأبه وشعاره بالحياه ( طنش تعش تنتعش ) عمره 17

رتيل : عيونه وسيعه عسليه مكحله بشرتها بيضاء شعرها أسود نحيفه مو طويله ولا قصيره جميله جمال هادي وناعم عمرها 19
متعلقه ب أخوها مشعل حبوبه وعربجيه مع الاشخاص القريبين منها جداً اما الباقي تكون هاديه

ريتال : الأخت الصغرى شبيه بأخوانها كثير عمرها 15

( باقي الشخصيات من الروايه لك حريه تخيل الأشكال والصفات تعرفو عليها أثناء القراءهه )

الرياض .. العصر

صدح صوت الأذان في سماء الحي ،، وفي أحدى البيوت القريبه ،،

تولين : لا إله إلا الله ( تردد وراء المؤذن حتى تنال الشفاعه ) < للتذكير
تالين : تولين أتصلتي على السواق
تولين : إيه أتصلت ، بس ماراح يرجعك يقول طالبته وحده
تالين : يعني شلون أرجع وين بلقى تاكسي مع زوجته !!!
تولين : دبري حالك ، يالله صلي حتى يجي السواق وياخذك
تالين : اوكك

( وأدت تالين الصلاه وقاعدهه تنتظر السواق ).

تولين صرخت : تالين ماتسمعين صوت الجرس ، أطلعي
تالين : أسمع ألحين طالعه بس ألبس النقاب

( وصلت تالين السوق ودخلت تدور مابين أغراض تولين من لبس للجامعه وأغراض تالا )
تالين بنفسها ( افف ي الله السواق غالي مرهه وخلصت الفلوس كلها وياليت عاد شريت المقاضي للبيت ( الثلاجه فاضيه !!) شنو أسوي وفشله أرجع للبيت وماشريت المقاضي )
نبشت بالكيس عن أي قطعه شرتها ممكن تسترجعها بدون أستبدال لقت كم قطعه بس المشكله تحتاجهم كلها
قعدت تتمشى وتناظر ممكن تجي فكره ببالها بس مالقت
تالين : افف شنو أسوي ؟ ( سكتت قالت مالي إلا أروح لأي بقاله ممكن تسجل لي وأرجعه بعدين ) ناظرت ساعتها باقي لها وقت
طلعت عند البوابه وهي تقول : تعبت صراحه مالي الا أرتاح ثم أروح بقاله قريبه من بيتنا حتى ما أحتاج السواق سليم وتدري تولين وأتورط

بنفس المكآن ،

مشعل : خلاص وقف هنا بنزل ماراح أطول
نواف : لا عندي مشوار وبرجع بعده
مشعل : أوك لا تتأخر

نتعرف على نواف ..ولد عم مشعل وصديقه المقرب له بشرته حنطيه وعيونه مكحله وخشمه طويل وحاد عمره 25 حنون جداً وغامض

نرجع لـ تالين ..
جالسه عند البوابه وعينها مابين الي رايح والي جاي ، أطلقت تنهيده وهي تفكر ( شنو أسوي ألحين ، البيت بعيد والفلوس الي معآي خلصت شلون أخذ تكسي ) وقفت وهي تنفض عبايتها وهي تقول بنفسها ( لازم أقوي قلبي وارجع للبيت ولو كان بعيد ، ولا لو أجلس من اليوم لبآكر من بيجي ي حظي ؟ )
ناظرت الطريق الي قباله وبدت تخطي أول خطوه وهي تقطع الطريق الاول وهي بدايه تخطي سمعت صوت من جنبها وشد أنتباها
………..: افف ، متى تجي يعيني ساعه أنتظرك ؟ ، طيب طيب خلاص لاتنرفزني زياده مع ها الحر وين قلت ؟
وقفت تناظر له كأنها شافته بس وين

مشعل لف وشاف بنت تطالعه ( عطاها نظرة سخريه )
تالين (على شنو شايف نفسه )

مشعل مشى عنها وهو يشوف نواف من بعيد يأشر له نزل عينه على أكياسه ينبش فيها يتأكد منها عارف أخته بتذبحه لو نسى شي وبتتخانق وياه وهو ماله خلق

فجأه ما حس الا بصرخه لف بيشوف مصدرهـا ماشف إلا سياره جايه بسرعه !!! وقف لحظه يفكر مابينه وبين الموت إلا شعره بيموت الحين ، غمض عينه .. فجأه ماحس الا وهو طايح على الأرض بدأ يفتح عينه ناظر نفسه بخير ،، قال بنفسه ( شكلي أحلم ) فجأه سمع صرخه بنت لف

أنصدم ، شاف بنت على الأرض والدم يغطيها والسياره راحت بسرعه الريح

سمع صوت نواف : قم شف البنت بتموت
رفع مشعل نفسه ونفض الغبار عنه راح لمها بيرفعها بس سمع صوت الأسعاف جاء رفعوها الأسعاف ونتقلو بها للمستشفى
نواف : ي الله مشعل وش فيك واقف ي الله نلحقها
مشعل : طيب طيب ، ي الله

لحقو مشعل ونواف الأسعاف ووصلو المستشفى وقاعدين ينتظرون أي خبر عنها

طلع الدكتور ركض نواف له : بشر دكتور
الدكتور : تقرب له ؟؟
نواف : ايه
شنو صله قرابتكم : زوجها
مشعل صرخ : شنوووو ؟
الدكتور ناظر فيه مستغرب وشاك لف على نواف وقال: الحمدلله ماصار لها شي كثير بس كسر بالرجل وكدمات وتروح مع الوقت إن شاء الله
نواف : شكراً دكتور
مشى الدكتور عنهم

ومشعل واقف منصدم دزه نواف : شفيك
مشعل : صدق زوجتك ؟
نواف : إيه
مشعل : تستهبل
نواف : مدري عنك

في مكان أخر ..

على أعصابهم جالسين وجده ماسكه جوالها والثانيه عند الباب خايفين مره

تولين : تالا رجعت تالين ؟
تالا : لا
تولين : الله يستر ماكانت تتأخر لهذا الحد
تالا : خايفه عليها إن شاء الله ترجع قريب ،،

ومر على حالهم ساعات ووصلت الساعه 10ليلاً

بدت تولين تبكي : تالا رجعت ؟
تالا : لا
تولين : وينها فيه تتوقعين خايفه عليها ؟؟
تالا : مدررري

فتحت عيونها شوي شوي وفزعت شافت كل شي حولها أبيض غمضت عيونها وفتحتها ثانيه وهي مازالت بهالمكان أستغربت وهي تضحك وتقول : ههههههه شكلي أحلم بس يازين الراحه
جت بتقوم بس تحس بوجع برجله وشافت يدها شفت المغذي
صرخت : هههههي بالمستشفى

دخلت الممرضه بسرعه مستغربه شنو صار لها

تالين بدت تستوعب أنها صار لها حادث سكتت وصرخت ثانيه مع دخول نواف الي تعدى الممرضه المستغربه
تالين طقت راسها بأخر يدها : أخواتي ،، آيييييييييي

نواف كاتم ضحكتها دخل مشعل ووقف جنبه قال : متأكد أن البنت صاحيه

تالين : ناظرت لهم وصرخت وسحبت الشرشف تغطي وجهها به
نواف : الحمدلله على السلامه

تالين عيت الحروف تطلع من فهمها وبعد دقايق قالت ، الـ … ل ……ه يسسس…….ل….مك ( الله يسلمك )
مشعل قال : الحمدلله على السلامه
سمع صوت جواله طلعه وشاف أسم رتيل يتراقص على الشاشه صرخ وهو يطنز بـ تالين : هييي أختي

ضحك نواف وقال : فيك شي أنت الثاني

أنتهى البارت
أتمنى أعجبكم وأعتذر إذا كان قصير حاولت جاهده ما أعرض جميع الشخصيات والأبطال الباقين حتى ما تضيعون بينهم
أنتظر أرئكم بكل شوق