رواية تكبّر قلبك القاسي و أبد ما همك إحساسي / بقلمي 2024.

فيصل 22سنه: وسيم لآخر درجه شعره بني مايل للاشقر عيونه عسليه يعصب بسرعه بس يموت بأخواته ومايرد لهم طلب يدرس بالخارج ورومنسي طبعا رومنسيته يحطها بخواته لين يتزوج ( هذآ في الحقيقه وصف اخوي لبى قلبه ويرجعه بالسلامه)

مشاعل 20 سنه :طيييييبه لابعد درجه ماترد لاحد طلب اذا كرهة احد ماتطيق احد ينطق اسمه حبوبه وعسوله وكلهم يموتون فيها

روز 18 سنه : هذي قلق البيت مستحيل تجلس لازم تتحرك وتتكلم حلوه احيانا تصير هادئه مافيه مثل وماتتكلم الا بعد طلعة الروح نعووومه وجسمها مره رووووعه

ابو خالد & ام خالد

خالد 23 سنه : شوي غامض مايحب احد يتدخل في خصوصياته اذا عصب مايشوف طريقه عليه جمال مادري من وين جايه والكل يشهد عليه يدرس بالخارج مع فيصل بنفس الجامعه بس حنوووووووووووون لابعد درجه اذا حب يحب من قلب حساس رومنسي بس ولا مره بين لاحد هذي الصفات اللي فيه

لوجين 20 سنه : حبوبه طيوبه هاااااااااديه مره بالموت تسولف تكره انو احد يتفلسف عليها واهي فاهمه الشي

سلمان 19 : هذا على جنب راعي بنات يموووووت في البنات يحب يحرج اخواته وحركته زايده وساحب على الدنيا ومافيها بس وسييييييييم وماخذ من حلآ اخوه خالد كثييير

شهد 17 : تكره المدرسه تموت ولا تداوم الصباح بس مع ذلك دافوره من الاوائل

ابو هيثم & ام هيثم

هيثم 21 سنه : يحب الضحك والهيصه والوناسه حنوووووون طيوب عليه ابتسامه تدوخ وبما انه ماكان راعي دراسه فاا خلص الثانوي و دخل عطول شركة ابوه يشتغل فيها بس نجح فيها

جود18 : حسساسه دلوعة هيثم امها وابوها مايبون يدلعونها اكثر من اللزوم بس هيثم مدلعها وماخذه راحتها تموت بالجمعات , بالرغم ان هيثم مدلعها بس كل يوم مناقر الاثنين

ابوسعود& ام سعود
العنود 20 : عصبيييييييه ماتحب ميانة الشباب الزايده رسميه مع الشباب ,وقت الطيبه مافيه اطيب من قلبها وحلالة المشاكل

سعود 19 : ااااخ منه وربي مجنني هالولد مثل سلمان بكل شي والاثنين يموتون ببعض تقولون تووأم مستحيل يفترقون الا وقت النوم يحب يحرج اخواته مثل سلمان ويموت في البنات نسسخة سلمان بس اذا عصب الله يعين اللي قدامه

منار 17 : سحاااااااااااااويه ,تحب واحد من الشباب من وهم صغاار , وقت الحاجله موجوده تلاقي لسانها اطول منها
بنفس الوقت مربوشه بالموت تجلس تحب تتحرك

ابو طلآل & ام طلآل
طلآل 25 سنه : دكتور طيب هادي مافيه مثله بكل الاوقات مووجود , وفت الوناسه مافيه اونس ومثل مايقولون بلسسم ينحط على الجرح يبرآ والكل يموت فيه ,طلال كنز مافيه مثله

الوليد 21 :عسسسسل طيب حبوب يحب الضحك والوناسه يحب بنات اعمامه يعتبرهم اخواته لانه يفتقد الاخوات يموت ويشوف طلال معصب يحب يرفع ضغطه بس يمووت بطلال اسراره كلها عنده
,عنده هموووم مايعلم بها الا الله ثم طلال

نبدأ

الوليد :طلالوه طلال طلولي طاااااالااااال
طلال نايم ماله خلق للوليد:وليدوه بتطلع ولا شلون
الوليد مد بوزه: جزاي اني ادلعك ماتستاهل ( جا بيروح الا ناداه طلال)
طلال والنوم ذابحه : الوليد وقف
الوليد سوى نفسه زعلان : لآ مابي (ووقف عند الباب وكتف يدينه )
طلال ضحك على حركات اخوه : لبى والله الزعلان
الوليد سوى نفسه استحى وصار يقلد البنات : بس طلولي (وتكلم عدل ) اقول اصحى بنروح للعزيمه انت للحين نايم
طلال : ليش كم الساعه ؟
الوليد : عشر طعش وش عرفني قوم شوف ساعتك (وطلع)
طلال وهو يقوم من السرير : اهئ بيذبحني هالولد

بيت ابو فيصل

روز : ميشو شنو البس هذي ولا هذي
مشاعل تناظر فيها وتفكر
رزو ماتقدر توقف بدون ماتتحرك ولا تتكلم : ها يله بسرعه
مشاعل: اممم اعتقد التنوره احسن من البنطلون
روز :اوك
وراحت , لبست تنوره ساتان مشجره بنفسجي واخضر لين الركبه وكلها كسرات وبلوزه بنفسجي ساده بدون اكمام
وشعرها سوته كيرلي وطلع شكلها روعه على نعومتها وجسمها طالعه عالم ثاني

روز وهي تتكلم بسرعه : هاه كذا حلو ولا اغيره شقلتي
مشاعل : يمه منك تكلمي بشويش ايه حلو يالله ضفي وجهك انا بعد ابي البس
روز شهقت : وين اروح وين اضف وجهي
مشاعل : بلآ استعباط روحي بأي داهيه روحي غرفتك
روز : طاااااه , طلعت سحبت الباب معاها وسكر بقوه
مشاعل بيأس من حركات اختها : الله يصبرني

بيت ابو خالد
شهد لبست فستان احمر تحت الركبه عطول وشعرها ناااعم مره فا تركته مفلوت ولبست كعب احمر ومعى بياضها الاحمر معطيها حلآوه زاااايده وطالع عليها روعه

دخل عليها سلمان وشافها كاشخه فكر انه يستهبل عليها ويحرجها بعدين وقف مكانه وماتحرك ويتأملها
ناظرته مستغربه : مافيه شي اسمه استأذان ؟بعدين لي واقف كذا ؟
سلمان انهبل على شكلها وقرب منها : هاه
شهد عرفت هبال اخوها : سلمان بعد احسن لك
قرب واعطاها بوسه على خدها : تدرين شهوده
وهي تمسح بوسته : وع الله يقلب كبدك شتبي
سلمان وهو يدور بغرفتها : لو ماكنتي اختي كان تزوجتك
شهد فتحت عيونها : نعم نعم انهبل الاخ
سلمان : منهبل فيك شسويتي فيني اليوم طالعه قمر
شهد : وع سليمانوه اطلع برى احسن لك ابي اخلص
سلمان مسوي رومنسي: نتي كذا طالعه قمر خلاص ارحمي اللي بيشوفونك
شهد عصبت : لآ شكل مالك نيه تطلع
مسكته من يده وسحبته لين طلعته برى الغرفه : يالله ولا اشوف وجهك (وسكرت الباب)

وهو رايح يضحك الا وصدم بلوجين
لوجين : خير وش عنده
غمز لها وجلس يطالعها من فوق لتحت : لبى ولبى ولبى هالزين
لوجين فتحت عيونها على الاخر : لآلآ منت صاحي
سلمان : ايه مجنون فيك
لوجين : يالله بس روح هناك (وراحت من عنده)

بيت ابو سعود
العنود : لآ تكفين اعطيني لولو
شهد : لا مافيه مو فاضيه
العنود : شخيط والله ماتسلمين

سعود سمعها تكلم شهد حب يستهبل عليها اخذ الجوال من العنود

سعود: اقول ياسلك التليفون ورى ماتنادين اختك
شهد شهقت : انا سلك التليفون ياعمود كهرب
سعود : اجل انا عمود كهرب هاه ياعقربه معليه برويك (وسكر بوجهها)
العنود تضحك : ايه احسن سويت فيها (بعدين استوعبت) بس هيييييييييييييييه ليه سكرت
سعود ببرود: توك تتذكرين اني سكرت ( وطلع من عندها)
العنود : والله ماتسلم يا عمود كهرب ع قولتها
سعود رجع لها : وش سمعت
العنود ارتبكت وش يفكني منه الحين : ولا شي ماقلت شي
سعود : احلفي بس (ورماها بريموت التلفزيون وراح)
العنود : يخرب بيتك ياسعود يعني كل اسبوع لازم ريموت جديد

بيت ابو طلال
طلال يغني : ماكنت ابى انسا ونساني الزمان وعظيم جرحي حقيقه انتهى
الوليد : عاش عاش خالد عبدالرحمن
طلال بحيره : تصدق مع اني ماحبه بس احب اغانيه (وهو يحط له عطر)
الوليد : وانا حط لي يا أخي عليك ذوق في العطور موب صاحي
طلآل وهو يحط للوليد عطر : تسلم , يالله تأخرنا
وجلس يغني لخالد عبدالرحمن

في المزرعه
جود جالسه على البلاك بيري : تأخروا صح
هيثم : لا بس لأنو حنا جايين بدري
جود: اوف طفـ……. ها وصلوووو
هيثم : مين؟
ابو هيثم : عمك ابو طلال قم قم افتح باب السيارات لهم خلهم يدخلونها هناك
جود : فيه عنده طلال والوليد يفتحون الباب ولا الحارس
ابو هيثم اعطاها نظره وسكتت
هيثم قام وفتح لهم باب كراج السيارات وسلم عليهم
جود : اهلييين وليدوووه (وحضنته) اشتقت لك
الوليد ابتسم : هلآ جويد وانا اكثر
طلال : لنا الله مالنا بوسه ولا شي
جود طلعت عيونها : خير انت وش تبي
طلال رفع اكتافه : مادري
الوليد ضحك : أهبل هاه ولا غيران انو عندي اخت وانت لا
طلآل : هاه هيثم ناديتني
هيثم : من قاله ماناديت احد (وضحك) بس خل التصريف
وجلسو يضحكوون
جود اخت الوليد بالرضاعه
ابوهيثم : قم ياولد عمامك وصلو
هيثم "وانا وش لي بعمامي يدخلون لازم ارابط معاهم لين يدخلون هنا" : ابشر ماطلبت شي
جود رحمته : هيثم افتح الباب لا تسكره عشان ماتجلس رايح جاي
هيثم ابتسم لها
وقام طلال والوليد معاه
واجتمعوا العوائل كلها بالمزرعه قبل صلاة الظهر

منار بدفاشه : هييه يبه وش سالفة العزيمه
سعود يقلده : هيه يبه اقول تكلمي عدل ولا عدلتك (وطلع وهو معصب )
شهد : لا جد والله ليش مجتمعين اليوم
ابو خالد : والله يقول عمك ابو هيثم لان من زمان ما اجتمعنا ووده اليوم نكون مع بعض
ابو هيثم : ايه والله وعشان طذا جمعتكم
مشاعل : بننام هنا صح عمي
ابو هيثم : والله ياليت بس مادري عن اهلكم
روز : الله يخليك يبه خلنا ننام هنا
العنود: ترى ملابسنا معنا جبناها
لوجين : لا كذابه
شهد : الا انا جبت لك ملابس
ابو فيصل : لا حنا اليوم بنرجع البيت وبكره العصر بنرجع لكم
ابو هيثم : لا يالغالي خلنا نريح هنا اسبوع اسبوعين من زمان عن الجمعات واللي مامعها ملابس تروح مع اخوانها للبيت وتاخذ اللي تبي وترجع
مشاعل : اي والله صادق عمي الله يخليك يبه
ابو فيصل : خلاص تم
روز ومشاعل عطول باسوا راسه

العصر طلعوا يمشون في المزرعه
منار : وااو بنات شوفو هناك
شهد : اوم الافكار ياشيخه امشوا يله
لوجين : هيه انتي وياها على وين
شهد : على تحدي
لوجين : وشو هالتحدي < عارفه ان ماوراهم خير
شهد : اللي تدعس رجلها السياره هي الفايزه
لوجين فتحت عيونها : هاه
البنات ماتو ضحك على شكلها
شهد ببرود وتفاؤل : ايه مثل المحششين
لوجين : انتوا اصلا محششين ماله داعي تقلدون احد هم اللي يقلدونكم , ميشو العنود تمشون معي
ميشو والعنود : اوك يالله عن البزران بس
منار : بسم الله عليتس اوما انتي وياها عجايز مافي مثلكم
العنود بهمس: يمه منها مجهزه الكلام
جود تضحك : خلاص راحوا يالله نركبها

وراحوا البنات لعربيه عامل المزرعه
منار : انا بركب
جود : اوك انا بدفك بس بعد شوي بركب بدالك
شهد بحماس: مافيه وحده ثانيه
الا وروز جايه تفحط بعربيه ثانيه : حووووووووووووووء يالله اركبي ولا بيروح عليك الباص
شهد عطول ركبت : حشى ولا باص مدرسه
وجلسو يتجاكرون بالعربيات وكل شوي يتبادلون

الا والشباب شافوهم من بعيد
سلمان : اوف اوف شوف المهابيل
الشباب ماتوا ضحك
الوليد : اقول لكم مافيه احد صاحي في العايله
سعود : شباب شوفو في هناك عربيات ثانيه شرايكم ندخل عليهم فيها
هيثم : تم يالله (وراحو الشباب )

كانت منار راكبه وجود تدفها
والعربيه الثانيه روز راكبه وشهد تدفها

منار تصارخ : لا لا لا لا مهابيل
روز : منهم
منار : شوفوهم الشباب
روز بترجي: لا تكفون ما أبيهم شهد وقفي وقفي
وقفت جود من الخوف بس منار مارضت
منار : لا كملي امشي
جود : ماتشوفينهم طايرين
منار: معليه
اما شهد وقفت اهي وروز

هيثم : الظاهر ناوين يقضون على انفسهم
سلمان : انا أشهد (ومشى بسرعه)
قربوا من بعض وبعيونهم نظرات تحدي
جود خافت ووقفت العربيه بسرعه على الكفره اللي قدام بحيث تقوم منار بس سلمان وهيثم ماوقفوا
منار ماقدرت توقف طارت وطاحت بحضن هيثم
سلمان وقف يضحك وهم ماتوا ضحك
هيثم يضحك : من انتي ( لمح فعيونها نظره غريبه ماقدر يفسرها)
منار قامت منحررررجه ودها الارض انشقت وبلعتها لحظتها بس ماحاولت توضح له وتناظر بالارض : من انا ياشين الحلايا هاه
(وراحت مع جود)
وجلسوا هيثم وسلمان يضحكون
هيثم : من جد ماعرفها
سلمان : ولا انا
هيثم معاد ينشاف من الضحك
سلمان : وش فييك
هيثم : اضحك على حالنا مانعرف بنات اعمامنا
سلمان : والله حآله
هيثم : الا وين الشباب
سلمان : مادري والله راحو يمشون امش ندور عليهم

منار : الله ياخذك ياجود الله لا يوفقك
جود فطست ضحك مو قادره تسكت
منار عصبت وراحت من عندها على الفله
شهد+روز ميتين ضحك شافوهم من بعيد
اما منار خلاص منحرجه شوي وتتقطع من الاحراج

ابو سعود شاف منار داخله معصبه : منار يبه شفيك
منار : ولا شي يبه تعبانه راسي يعورني والبنات جلسو يستهبلون علي لين عصبت
ابو سعود حضن بنته وباسها : خلاص يبه روحي ارتاحي وخذي بندول ولايهمك
منار باست ابوها : انشاءالله

ودخلت الحمام -وانتو بكرامه – وجلست تبكي ماتدري هي فرحه ولا خوف : ليش انت بالذات ليششش
حست فيه صوت احد غسلت وجهها وطلعت ولا كأنه صاير شي

ام هيثم : يمه منار شفتي جود ولا هيثم
منار : ايه ياعمه كلهم برى يمشون
ام هيثم : خلاص ياقلبي اذا بتطلعين نادي لي اي واحد فيهم
منار ابتسمت : تامرين (وطلعت )