وان شاء الله تعجبكم مع تحياتي مراهقة عجوز
أولا :- م أحلل النقل بدون ذكر المصدر
ثانيا :- ادري اني كل ف تحت رواية قفلتها بس أنتو بيدكم تخلوني أكملها .gif "Graaam (220)")
ثالثا : اذا صار مني تأخير أو شي سامحوني .gif "Graaam (157)")
بسم الله نبدأ
واية انا ترى بالهوى شكيت من حبك
بسم الله الرحمن الرحيم
البارت الاول
…..| ي يمه ي الجازي انتي كبرتي صورتي عروس وحنا موب دائمين لك ي بنتي
الجازي م فهمت : كيف يمه
جدتها مسحت على شعرها بكل حنيه : ي بنتي في واحد متقدم لك
الجازي من الصدمة فتحت فمها : كيييفففف
وقفــهه
الجازي : عمرها 22 سنه بنت فيها جاذبيه موب طبيعيه على جده أمها لون عيونها بلون الزيتي الغامق وحواجبها محدده بإتقان وشعرها قاصته فكتوريا من جنب طويل للرقبتها والجنب الثاني لاذونها ومدرج وصابغته بني فاتح وخصب عسلي وجسمها متينه شوي بس حلو عليها خشمها حااد أمها توفت وهي عمرها 13 سنه وساكنه عند جدتها وأبوها م تدري زينه من توفت أمها اختفى أبوها وربتها على الصح من الغلط لانه أمها م كنت تهتم مره فيها وكانت مصابه ب مرض سرطان الدم الله يعافينا ويعافيكم
جدتها عقدت حواجبها : وش فيك ي يمه
الجازي وهي ترجف : يمه منهو الي متقدم لي
جدتها : هذي عائلة اسمها ال……. شافتك امه بعرس خالتك منيرة وعجبها اسلوبك وشكلك وخطبتك لولدها اسمه رائد عمره 27 سنة يشتغل عسكري
الجازي نزلت عيونها : تركييني يمه كم يوم افكر واستخير
وقامت وهي تدمع ماتبي تأخذ غير ولد عمها الي تحبه ويحبها من 5 سنين
صعدت الدرج الي كانت درابزينه من الزجاج المزخرف بالذهبي وعلى ايد اشهر المصممين
وهي تسرع ب خطواتها ودموعها تسابقها
فتحت غرفتها الي كانت باللون البنك وقطت نفسها على السريرها الي كان من حديد وصناعته يابانيه وعليه مفرش من ريش النعام وكان لونه مدموج باللون الوردي والأبيض والرمادي وجلست تبكي لين م زهق البكي منها
مسكت جوال ها البلاك بيري بولد وكان له كفر وردي وينزل منه ميداليه عليها حرف a&t أهداها ياها تركي ولد عمها ووعدها انه يتزوجها بس يرجع من البعثة الي كانت بأمريكا وكان تخصصه الطب طموحه يصير جراح وأول م بغى يسافر هدأها ياها وكان فيه الميدالية حرفه وحرفها وصار له 3 سنين وباقي له 6 شهور ويرجع
وكتبت بالبروسونال (( برروب صاكه معاي ومالي خلق أكلم احد )) وقامت تتوضأ وصلت ركعتين وأول م حطت راسها نااامت بسرعة من التعب وكثرة التفكير
انتهى البارت توقعاتكم ^،^
البارت الثاني
أشرقت شمس الشرقيه لتداعب اجمل وارق عينان شهدت بها الاعين وهي مروقةة كانت لآبسه بيجامه حرير من نعومي بلوزة زرقاء كلها أزرار من قدام وبنطلون حرير باللون الأزرق
تمغطت وحكت شعرها الي كان مبعثر
وناظرت حولها وقامت وهي تدلك رقبتها واخذت الروب ودخلت الحمام (( يكرم القارئ )) وأخذت شاور ب جل الاستحمام ب رائحه ورود الساكورا من بودي شوب (( مرره ريحته ناعمة وهاديه م جربته بس ناوية اشتريه اختي تمدح فيه ))
طلعت وهي تحس بنشاط ناظرت الساعة الي كانت فوق الباب ولونها اسود وكانت عقارب الساعة تشير الى الساعة الحاديه عشر صباحا
لبست جلابيه لين ركبتها لونها احمر مدموج بالبرتقالي ومشطت شعرها وربطته ذيل حصان وقعدت ع سريرها ومسكت جوالها تتفقد الرسائل
لقت 15 رسائل بي بي ومن الواتس و 12 مكالمه كانت نصها من صاحباتها الي كانو لها الأخوات الي م جابتهم أمها الي من شافو البروسونال بالبي بي ام وهم يرسلون لها ويدقون عليها كتبت بالبروسونال حقها (( واااي حدي مروقةةة |=) ))
دخلت لصاحبتها اسما كانت اقرب وحده لها كان النك حقهاsome ونك الجازي jojo
Some : jojo wsh fesh ams adg lsh WL3 trden
Jojo : لا ي قلبي ما فيني شي بس متضايقة شوي
سومي : ليش شنو فيج
جوجو : أخ ي سوما تخيلي تقدم لي واحد وشكل عمامي وجدتي موافقين عليه ( هنا صاحت وكأنها قدامها ) تخيلي بيخلوني اتزوج غير تركي ليش حظي جذي ليش
سومي تكتب وهي مصدومة : هاااه من صجج انتي
جوجو وهي تمسح دموعها : اي من جدي ليش السالفة لعبه
سومي : ان زين وش بتسوين الحين
جوجو تنهدت : ما ادري بستخير وارد لج خبر
سومي : هونينها وتهون ي قلبي بكره ان شاء الله اشوفج بالجامعة ونتكلم بالموضوع الحين قومي عسلي وجهج وتعالي نسولف بالقروب البنات شوي ويطقون من القهر سحبنا عليهم
جوجو تضحك : هههههههههههههههه اوكك بس أفطر وارد لكم
سومي : ههههه اوكك تيت يالله انا بعد امس كسرت الباب وهي تطقه مقفلته ونايمه
الجازي ضحكت وقامت نزلت تحت كلمت المطبخ وطلبت تسوي لها كروسون وموكا حار
نزل عمها بدر أصغر وافل عم بينهم
بدر وكله نوم عيونه منفخه وشعره طاير فوق وطالع خقه : صباح الخير
الجازي ماتت ضحك : هههههههههههههههههههههههههههههههههههههه بيدو وش فيك شعرك طايير كذا كانه ضاربك استشوار
بدر : أصغر واحد عمره 24 سنه بشرته برونز وعيونه عسلي فاااااااااتحححح وشعره كانه أندومي ولين رقبته وكثيف وطويل أطول من الجازي بشويات وعنده عضلات ب كتفه وصدره يدرس جامعه اخر سنه تخصص إدارة أعمال أبوه قايل لهم عشان يديرون الورث ولا يطلع للغريب
بدر مسك شعره : اووفف مالي خلق أمشطه كفايه قاهرني كأني صحن أندومي بس ناقصني شوكه وصحن أقعد اكل فيه وعع
الجازي تناظر شعره : بالعكس انا أتمنى مثله يجنن
بدر ب غرور : غصبن عنك
الجازي رمت عليه المخده : اقول تلايط
بدر بضحك وهو يصيد المخده قبل لا تجيه : ههههههه وش رأيك نطلع نفكر بالظهران ودي أغير جو
الجازي : اممممم اوك ما عندي أشكال ههههه يالله انا ببدل وانت بدل ايه ترى بجيب صاحبتي عاتي ؟
بدر دق قلبه وكأنه حاس بالي راح تجي : صاحبتك مين ؟
الجازي تناظر بخبث : ليه تبي تعرف
بدر بارتباك : هاه لا بس يعني قلت اذا بيتها بعيد ولا لا مالي خلق زحمه شوارع
الجازي مشت عليها : إها…..عالعموم أسوم ب تجي هي الي بتجي
بدر طار فوق وتعداها وهو متحمس كانه حاس أنها هي لدرجه انه بغى يدعم اخوه خالد أكبر واحد
خالد بفزع : هييييييي انت بشويش بغيت تدعمني
بدر يضحك : هههههههههههه l’m sorry
خالد : الحمدالله والشكر
الجازي بغرفتها تلبس والجوال حاطته ب كتفها وتكلم أسوم وباليالله أقنعتها تجي
نزلت لقت عمها خالد جالس قدام التلفزيون والفطور قدامه وجدته الظاهر توها قايمه
باست راس جدتها وعمها وسألها خالد وقالت له انا طالعة تفطر مع بدر بالظهران ووصاها تنتبه لنفسها
نزل رائد كاشخ بشورت للركبه باللون الاسود وبلوزة بربريز شبابية وشعره مرجعه بالجل ومضبط السكسوكة ولابس شوز ابيض مدموج بالبيج
الجازي تصفر : يااااااولدددددد اكشششخخ
بدر يضحك وطقها على مؤخره راسها ب خفة : هههههههه يالله امشي مالي خلق زحمه
خالد يبتسم : انتبه لها يا بدر وانتبه لنفسك وانت تسوق
بدر ياشر لخشمه : على هالخشم تامر على شي ؟
خالد : سلامتكم
الجازي باست خده : يالله تشاو
وطلعووو
الجد يوم طلعو نزل : احمممم صباح الخير
كلهم وقفو احترام له : صباح النور
الجد ياشر لهم : اقعدو استريحو
يوم قعدو وسولفو عن الشركه والأسهم
الجده : ي فيصل انا تكلمت مع البنت بالموضوع وشكلها رافضه الولد مع انه ولد أصل وفصل ولا ينرد واخلاقه الكل يشهد فيها
الجد عقد حواجبه : نعمم رافضته لا ي مهره م عندنا شي اسمه رفض الرجال م ينرد وهو شاريها ويبيها على سنة الله ورسوله وانا بصراحه م عندي مانع وبلغيها انه ملكتها بعد اسبوعين ولاني مغير ولا ابي مناقشة
الكل : حاضر
بالسيارة ألبي ام دبليو الرصاصيه كانت مبخره والقران يصدح فيها وكان الشيخ السديس سبحان الله احب اسمع للشيخ ذا صوته تلتمسين فيه الراحة والطمئنينه وسعه الخاطر
كانت الجازي هي وأسماء ورى وبدر قدام كل شوي يسرق نظرات لها وأسماء منحرجه والجازي موب معهم مع صديقاتها بالقروب هي مسويته باسم all my life ❤،❤،يسولفون ودور ب خطبتها وسوو مناحه وليش م تقولين وي خاينه ومدري وش والجازي تضحك وخبرتهم انهم اول ناس يدرون
وصلو الظهران وكان فاضي شوي ب ذا الوقت
راحو ل ستار بكس وطلبة كروسون 2 وموكا حار 2 وكبتشيون لبدر لانه م يحب الكروسون ودايم يحب يشرب كابوتشينو الصبح يحس انه باله يهدأ خصوصا انه الوقت وقت شتاء
انتهى البارت توقعاتكم ^,^
البارت الثالث
أثناء ما بدر يطلب وكان يبي يجيب الطلب
الجازي كانت معاه عشان تساعده وأسماء كانت عند الطاولة
فجأة شافت فوقها ظل استغربت ورفعت راسها لقت واحد يمكن وسط الثلاثين بس ملامحه حاده وجذابة
الشاب : الحلو ليش جالس لحاله ؟
اسماء م استغربت لانها تتحجب بس ودائم تتعرض ل هالمواقف بس م ترد :………..
الشاب رفع حاجبه دلالة عال استغراب : ع العموم هذا الرقم ي حلوة وانتظر اتصال اوك ؟ وارسل لها بوسة ف الهوى وراح
بدر شاف الموقف وجا هائج وقال لأسماء والغيره تبي تطلع من عيونه : اسماء مين ذا الي كان هنا كلمك قالك شي ؟
الجازي الي كانت ماسكه الطلب استغربت عصبيته بس قالت يمكن عشانها بنت وما يرضى على بنات الناس وأقنعت نفسها ب هذي الفكره
اسماء انصدمت اول م شافت عصبيه بدر وعيونه الي شوي وتطلع من مكانها وقالت بخوف مدموج مع حيا لانه يطالعها : لا انا متوعدة على هذي الأشياء ودوم أطنش لا تخاف انا عن 100 رجال
بدر لانت ملامحه وابتسم ابتسامه دوختها وقال : طيب بس توعديني تلبسين نقاب بعد هالمره
اسماء وهي منزله عيونها : اوك
الجازي قعدت تطالع بينهم وهي رافعه حاجب وقالت بنبره سريعه : خلصتو ولا لا
اسماء وبدر ضحكو بخفيف وقالو بنفس الوقت : ايه
الجازي تبوس باطن يدها وظهر يدها وهي تقول : الحمدالله والشكر ههههه
فطرو وسولفو وضحكو
وصلو أسوم البيت ويوم رجوع استغربو في سيارة اول مره يشوفونها ودخلو يوم اسمعو صوت رجال الجازي دخلت من الباب حق المطبخ الخارجي عشان محد يشوفها
دخلت الصالة وبقت الجده جالسة وباين عليها التوتر
سالت جدتها : يمه ايش فيه
جدتها قالت بتوتر : هاه الجازي الله جابك تعالي البسي خالاتك الحين بيجون
الجازي ناظرت ساعتها الرولكس البيضا : بس الساعة 2 ونص بالعاده محط يجي ب ذا الوقت هم والبنات
جدتها ابتسمت بارتباك : ايه يمه انا دقيت عليهم وقلت لهم يجون يتغدون معنا
الجازي قالت بسرعه : يالله انا بروح البس اجل وإذا جو خلي الخدامه تبلغني
جدتها بحزن وبداخلها " اخخخ بس لو تدرين مين الي جاي وش سوى جدك م راح تسامحينه ليوم الدين " :
الجازي دخلت بسرعه أخذت شاور وطلعت لبست تنورة لنص الفخذ لونها اسود ومن عند الخصر حزام ابيض عريض وجلد وبلوزة رسميه لونها ابيض وازرارها باللون الاسود وسوت شعرها ويفي وحطت فيونكه باللون الأحمر على جنب ورسمت عينها ب اي لاينر باللون الاسود وحطت روج صارخ احمر تعشق الأحمر موووت
ولبست كعب اسود ومخطط بأحمر ومن ورا فيونكه حمرا طلعت جذابببببههه مووووت وحطت عطر الي ذاب على جسمها وكان كوكو شانيل ريحته هاديه
ونزلت جلست تستنى خالاتها وحشوها البنات مره ولقت حرمه كبيره شوي بالسن بس أنيقه مره استغربت بس قالت يمكن وحده من صاحبات جدتها
بس فاجئها دخول جدها وملامح الجمود تكسو وجهه واشر بايده الي الخاتم الفضي ويتوسطه حجر نادر باللون التركواز وهي يقول : الجازي حبيبتي أبيك ب كلمة راس
الجازي وقفت وراحت مع جدها وهي عندها فضول تعرف جدها ايش بيقولها
الجد ب لهجه لا تقبل النقاش : : اسمعيني يا الجازي انا ربيتك وكبرتك وأظن تعرفين مصير كل بنت وانا جاي أقولك كلمه ورد غطاها اليوم شوفتك النظرة الشرعيه انا ما سويت كل هذا الا ابي اتطمن عليك قبل م أموت وانا كلمت أبو رائد وقلتله البنت موافقه واتفقنا انه نخلي النظرة الشرعيه اليوم والملكه بعد اسبوعين لا تفشليني مع الرجال وبعد 5 دقايق برسل خالد ياخدك للمجلس تشوفين زوجك ويشوفك
الجازي انصدمت وفتحت عينها ع الاخير والي كانت تلمع ببحر من الدموع عمرها م توقعت انه جدها ممكن يبيعها كذا وكأنها ولا شي طاحت على ركبتها من الصدمة وهي تقول : الله يسامحك عالي سويته فيني الله يسامحك عالي سويته فيني
جدها تألم من منظرها وراح عشان م يضعف اهو م سوى هالشي الا لمصلحتها
الجازي رجعت بدون ولا كلمه وهي تناظر جدتها ب نظرات كلها عتاب وألم
جلست والدموع مهي راضيه تنزل وتريحها من الصدمه الي تلقتها
سمعت الحرمه تكلم جدتها وهي تناظر الجازي بإعجاب : بسم الله عليها الرحمن الرحيم يالله تحرسها وتحميها وتبعد عنها الحسود والحقود هذي الجازي ي مهره ؟
الجده ابتسمت وهي تمسح على شعر الجازي : ايه ي مهره هذي بنتي الجازي
الحرمه تكلم الجازي : كم عمرك ي بنتي
الجازي ناظرت الحرمه 5 ثواني بعدين تكلمت وهي صوتها متحشرج : 22 سنه
الحرمه : العمر كله ي بنتي وبأي تخصص ؟
الجازي أخذت شهيق وزفير وماسكه نفسها : طب ي خالتي وذي 3 سنه لي وبقالي 6 سنين ان شاء الله
دخل خالد وعيونه على الجازي وبعيونه نظره رحمه على حالها : يالله جوجو
وقفت وهي ترجف ومشت مع خالد وبس وصلو عند باب المجلس تمسكت فيه ولا رضت تتحرك : عمي تكفى اقنع جدي اني ما أبيه وانه ظالمني تكفى الله يخليك تكفى تهزززز رجال
خالد دمعت عينه على منظرها تكلمه وشوي تشق ثوبه من القهر : جوجو م أقدر اسوي شي هذا أبوي وانتي تعرفينه انه قال شي عمره م يتراجع عنه
الجازي صاحت ب حضنه وطلعت كل الي بقلبها بصوت مكتوم خلاها على حالها 3 دقايق بعدها بدت تهدى وتحس أنها طلعت الي بقلبها وارتااااحت كانت كاتمه اشيااء كثير من يوم كلمتها جدتها عن خطبتها
مسحت دموعها وسمت بالله وهي تحس ب خيانه لحبها وقلبها أنها تتزوج غير الي اختاره قلبها : بسم الله
ودخلت وهي متمسكه ب خالد الي خلاها على راحتها
الجازي من يوم دخلت وعيونها بالأرض وما شافت الا ثوبه وجزمته " الله يكرمكم " الي كانت من جلد الافعى ولونها اسود وتلمع وريحه عطره الي وصلت ل خياشيمها من قوته : السلام عليكم
سمعت صوته الي كانت فيه الرجولة والبحه وحست انه مبتسم : وعليكم السلام
خالد قال وهو م وده يتركها ب ذا الحال : يالله انا استئذن
وطلع عيون الجازي تعطيه أشارة رجا بانه م يطلع
جلست على كنبه منفردة وسمعته يقول : كيفك الجازي
الجازي كان ودها تشوفه بس وش بيقول عنها : ال الحمد… لله
رائد وهو بعد وده يشوفها : ليه جالسة هناك ترى م اكل لحوم انا
الجازي تقول ب نفسها " مسوي تنكت هاه ان ما خليتك تندم ع الساعة الي فكرت تخطبني فيها م اكون بنت أبوي "
حست فيه يقوم ويجلس جنبها مسك ذقنها ورفعه وانصدددم من الوجه الملائكي والعيون الي جذبته على انه مستغرب انه الدموع ملتها
الجازي فهت وراحت وطي من عيونه واستحت ونزلت راسها على طول بس رائد رجع رفعه ومسك وجهها بين يدينه والجازي خلاااص ذابت بس جا على بالها تركي وفجأة بسرعه نقزت وهي تقول بارتباك : انا استئذن
ولفت بتطلع لكن رائد ب حركه سريعه مسك أيدها خلاها تلف وتضرب ب صدره بقوة وباسها على خدودها وهي طارت بعدها جلس وهو يحس قلبه ب يطلع من مكانه
الجازي راحت ولفت من عند الصالة ووجهها الحمره تكسيه رائد اعتقد انه خجل لكنهما كانت على وشك صياح اول م دخلت طاحت على سريرها وانفجرررت بكي وبكت بكت تحس أنها محتاجه تفضفض مسكت جوالها ودقت على اسماء الي انصدمت من وصوتها وقالت لها الجازي الي صار وأسماء بكت على حال صاحبتها وقالت أنها بتشوفها بكره في الجامعه ويتفاهمون
انتهى 3 بارتات بيوم واحد
بعد اسبوعين
الجازي جهزت كل شي للملكه واهي ما ودها لكن وش بيدها لو بيدها هربت لكن محد يقدر يهرب من الواقع
الجازي من ذاك اليوم وهي م تكلم جدها ولا جدتها زعلانه منهم ع الي سووه ومن الجامعه للبيت ومن البيت الجامعه
يوم الملكه كانو بنات خالاتها مجتمعين عندها
الجازي عندها 3 خالات
خالتها منيرة : عمرها 25 سنه وجسمها رشيق تحب تعتني ب نفسها شعرها واصل لنص فخذها لونه اسوود فاحم وعيونها وساع ومكحله من الله يعني ملامحها عربيه وبدوية وسمارها يعذب وعيونها لونهم بني على عسلي ومتزوجه واحد من برا العيلة عمار عمره 29 سنه ملامحه تجذب وابيض وطويل ومعضل له 3 سنين يروح الجيم وإلا الآن ويحب يسوي رياضه السباحه
خالتها فدوى : عمرها 44 سنه الاب : متوفي من 4 سنوات
بناتها /
فوز : 19 سنه وتوامها فواز 19 سنه يشبهون بعض مرررره بس عشان فوز بنت شعرها يوصل لكتوفها ولونه اسود على بني وجسمها رشيق مرره العين لونها بني وفواز عينه لونها اسود وجسمه نحيف ويعمل رياضة الكورة عشان كذا طلعت له عضلات ب كتفه وبطنه وصدره وبشكل يومي يلعب
أخوهم الكبير : فايز 26 سنه متزوج وحده اسمها نورة وملامحه حاده وله غمازات جنان تطلع اذا تكلم أو ضحك يعني بكل وقت بس م يحب نورة ولا هو قادر يحبها ليش ؟ بنعرف بالبارتات الجاية
نورة : زوجه فايز عمرها 23 سنه ملامحها طفولية ونعومه وتحب فايز ب شكل وتدري انه م يحبها ومتضايقة من ذا الشي بس عشانها تحبه موب مشكله المهم أنها تحبه وجنبه على طول وحامل بالشهر الخامس وفايز فرحان انه عنده ولد بيشيل اسمه
خالتها عالية : عمرها 46 سنه
زوجها طلال : عمره 50 سنه وعنده مرض السكر الله يكفينا الشر
عيالهم /
عبدالعزيز : عمره 22 سنه يشتغل عسكري مع رائد وملامحه الكل يقول عنه محمد صفر لانه فيه شبه كبير منه ههههههههههه وطويل ويحافظ على جسمه
عبدالملك : عمره 15 سنه وذا الولد اخر العنقود وسكر معقود عيونه وساع وكحيله وطويل ونحيف ب شكل فضيع عشان قليل أكله يقول السمنه تطلعني بلونه على جمالي >>>>> ي ولددددد ي جمال هههههههه
وشعره كدش وويفي ولونه بني فاتح وابيض مره بياض أجنبي على خاله امه وطالع له شنب بسيط
عهود : 21 سنه تدرس طب مع الجازي بس بسنه الثانيه ودافورة ما شاء الله جسمها زي جسم كيم كرديشان بالضبط زيه ودايم ينادونها كيم >>> سبحان الله العايله مشهورة
تركي : عمره 27 سنه جميل مره بس مو بجمال رائد طبعا جسمه نحف على جسم رياضي وبشرته سمره لونها قمحي وذقنه محدد ب لحيه وتحت شفته سكسوكه ملكيه وشعره ناعم ولونه بني غامق وطويل
نقول الإخوان عشان محد يتلخبط
عبدالعزيز وعبدالملك و عهود وتركي
فوز وفايز وفواز
كانو عندها منيرة كنت توها جايه من شهر العسل وعهود ونورة وفوز لسى م جت توهم بالطريق
عروستنا كانت لابسة فستان طويل بدون اكمام و من تحت شيفون برتقالي مدموج مع الاسود وينساب ب حرية على جسمها من عند صدر ماسك وكله ترتر ذهبي وله قصه مميزه من عند الصدر ولابسه كعب اسود وشعرها حطت فيه وصلات مع أنها تعرف انه حرام بس مضطره وسوته كعكه كبير من ورا ب مؤخره راسها وحطت زيك اب فضي مع ترابي طلع واااو ورسمت عيونها ب اي لاينر عريض وحطت لمعه تحت حواجبها ولبست خلخال يتدلى منه لؤلؤ ذهبي طلعت كيووووت وكانت لابسه عقد الماس فاخر ونادر كان هديه من رائد طالبه من ايطاليا مخصوص لها
أما عهود كانت لابسه دانتيل طويل وسأتر لونه ابيض وشعرها سوته ويفي وحطت ميك اب ابيض مع ذهبي
ولبست كعب ذهبي واكسسوارات ذهبي واسود وابيض
نورة لابسه فستان حمل مره كيوت يوصل لنص الركبة لونه وردي ومن عند الصدر كله ورود طبيعيه وشعرها شيفون على تحت ولفت خصل ونزلتها على وجهها وحطت اي لاينر ومسكرا ومكياج خفيف ومناكير وردي فاتح
وفلات وردي مع ابيض طالعه بيبي فيس ونعومه
منيرة كانت لابسه فستان ساتر مؤ باينه الا أكتافها ورقبتها وكان كله ترتر فضي وكعبها كان احمر ناري ومكياجها خفيف جداً
الجازي كانت ترجف والبنات يسمو عليها ويصونوها
منيرة : جوجو ايش فيك ترجفين كذا ترى الجو حلو اليوم
نورة : هههههههههههههه ايه والله وإذا على النفسية ترا كنت مثلك وسكتت وهس تتذكر يوم ملكتها كانت أسوء أيام حياتها فايز م رضي يشوفها بحجه انه مافيه بجو الطقطقه والازعاج وإذا دق عليها جرحها بالكلام وهي مؤ عارفة السبب وإذا جاها يجيها يشبع رغباته ويرميها بعدها وناوية تفتح معاه الموضوع الي من تزوجو وهم على ذا الحال ويووم جا اليوم الي كل رجال يتمناه
((
نورة طلعت من الحمام وهي فرحانة وبنفس الوقت خايفة من رده فعل فايز لما يعرف
فايز دخل الغرفة وحيله مهدود ويبي ينام ويوم شاف نورة تناظر الفراغ وجالسة استغرب
ناداها لكن م ردت عليه
بصوت شبه صراخ : نوررررة
نورة فزت وبغت تطيح من الكنبة
فايز ضحك بداخله عليها لكنه بين البرود
نورة قامت وهي ترجف ومو عارفة كيف تقوله : ف ف ف،،،، فايز
فايز يطالع وجهها الي كان فيه ميك اب خفيف ولابسه جلابية فخمه ماسكه لحد الخصر وبعدها يأخذ حريته بالحركة سحرته من اول م دخل الغرفة وهو موب قادر يشيل عيونه من عليها : هلا
نورة بارتباك وهس تناظر الارض : انا انا ……
فايز ماسك اعصابه : انتي ايش
نورة : انا انا …… حــــــــــــاامل
فايز :….. صدمه وسكوت وسكون وهدوء م نسمع غير أنفاسهم
وفجأة هاج عليها ومسك كتفها بقوة : حامل من مين
نورة ب عصبيه م توقعت يسال ها لسؤال : فايز ايش فيكم انا حامل منك انت ابووووه
فايز بصراخ : لاااااا تجذذبين انتي مين حامل منه انا مؤ غبي بتقولين لي مين أبوه ولا اذبحككك واذبحهه معك
نورة عطته كف بكل قوة : الااا شرفي يا فايز صحيح أحبك ومستعده أتحمل كل شي عشانك لكن توصل للعرض والشرف لااااااا وألف لاااااااااا
فايز سحبها من شعرها لورى وسمعها كلام يسمممم البدن وحذفها بقوة على السرير وطلع لا يرتكب فيها جريمه ))
صحت على صوت فوز وهس تصرخ فيها : نوووورررة وصمخخخخخخخخخخ
نورة مسك اذونها : وجععع ان شاء الله أذني أبيها ي زفت
فوز : هههههههههههههههههههههه وش اسوي فيك من اليوم أناديك بقولك انه امي تبيكي تحت بتسلم عليك
نورة نزلت والبنات كملو سوالف
أوه نسيت اقولكم على لبس فوز
فوز : كانت لابسة فستان لنص الفخذ لونه اخضر عشبي وكعب اخضر وله فيونكه ذهبية وشعرها سوته كعكه ولبست تراجي ( حلقان ) ب ريش الطاووس يلامس كتوفها وحطت روج احمر صارخ وأي لاينر ومسكرا فقط أمها تقولها توك على المكياج ذاك وغير كذا جمالها ناعم
عند الرجال
كان رائد كاشخ وريحه البخور تفوح منه
وكانو بجنبه الشباب فواز وعبد العزيز وعبد الملك وفايز وبعض شباب العمل
عند الشياب كانو سوالف وضحك وناسين العمل نهائي
عبدالعزيز : رويد م بغيت تعرس أخيرا تبي تعتقني
رئد بضحك : ههههههههههههه الفأل لك ان شاء الله عزووز
عبدالملك جاهم معاه الدله والفناجين : الحقق عزووز عمي أبو فايز عطاني 500
عبدالعزيز : يالنذل ليش م تقوله أخوي يبي
عبدالملك يحرك حواجبه : موت حره
عبدالعزيز يسوي له مالت : ليش عطاك طيب
عبدالملك : لأني أدور طول الليل أشوف شنو يبون واقهوي فيهم قال خل اكافئه طول الليل واقف
الشباب هنا : ههههههههههههه
فواز : ههههههه والله أبوي كريم
عبدالعزيز : وانا أيديني تكسرت ب عرس ولد أبو خالد وانا اقهوي ولا تكرم علي مد بوزه لفوق وتكتف كانه بزر
رائد : ههههههههههههههههههههههههههههههه كأنك بزر لطشو منه لعبته
الشباب : ههههههههههههههههه
عبدالعزيز انقهر منهم وسوى نفسه يرفع جزمته على عبدالملك وعبدالملك كان قدامه وتعثر ب جزمه عزووز اثناء ما هو يلف وجت القهوة على طرف ثوبه ويوم شاف ثوب اخوه طقها نحشه على سريع
عبدالعزيز شوي ويصيح ههههههههه : هىىىىىى ي كلب يا لحقير لاااا أعدد توني فصلتهه
فواز : هههههههههههههههههههههه كفووووووو ي ولد العم له مني 500 زايدة ههههههههههههه
فايز كان توه جاي وشاف ثوب عبدالعزيز وانصدددم : وش صاير
رائد قاله الموقف وهو يضحك فايز فطس ضحك
جات دفعه جديده من المعازيم وقامو يباركون
عند الحريم…….
دخلت جدتها وخالتها ام تركي
الجازي من شافه خالتها دمعت عينها وتذكرت تركي بس خلاص هي بتتزوج وتعيش حياتها وتتأقلم مع الوضع
بلغوها انه الزفه ب تبدأ ونزلت على زفه راقيه وحلوة
انتهى البارت توقعاتكم ولا تحرموني من ردودكم حتى لو كانت سبه انتقاد مدح تشجيع اهم شي رد
دق جوال فوز وشافت الاسم (( تــــركي ))
تألمت من تذكرت انه يحب الجازي عورها قلبها على أخوها تذكرت قبل أسبوع يوم دقت تبلغه انه ملكت الجازي بعد أسبوع
(( تركي بصرخه : كيييييييف
فوز خاافت : ت …تركي وش فيك بسم الله عليك
تركي : كييف كيف وهي كانت تقولي عمر القلب م دخ غيرك وو قام يقول كلام موب مفهوم
فوز بهاللحظه جتها صدمه موب طبيعيه : تحبــــــهآآآآآآآآآآ ؟؟؟؟؟؟؟؟؟
تركي بدون وعي منه وهو يبكي على قلب خانه وراح : أموت فيها اعشقها ترابي وسماي ونبضي هي هي كل حياتي خلاص م عاد لي حياة بدونها
فوز خنقتها العبره وسكرت سكرت جوالها وهي تبكي وقلبها تقطع عليه ))
دمعت عيونها بس بسرعة مسحتها عشان الجازي م تشك الي كانت تناظرها
طلعت للحديقة وردت
فوز بصوت هادي : الو هلا تركي
تركي ب غصه : خلاااص ؟؟
فوز تنهدت : أنساها ي تركي أنساها
تركي نزلت دمعه الي كانت محبوسة وطلعت من مكان م تحملت تبقى فيه : م اقدر ي فوز م اقدر ليش تتزوجه ليش وانا وينها يوم كانت تقول م رح احب غيرك ولا أخذ غيرك
فوز : تركي الدنيا م وقفت في غيرها مليون
تركي : ولا واحد من المليون يقدر يدخل قلبي زي م دخلته انا خلااااص انتهيت حتى الجامعه لما أروح م افكر وأركز زين تفكيري صار منحصر فيها
فوز ب عصبيه : لااا ي تركي كل شي ولا دراستك خلص دراستك وتخرج وانا أدور لك الي تنسيك الجازي وطوايفها انت تركي وولد سبع عمررره م تهزك حرمه
تركي يحس انه اقتنع هي م فكرت فيه ولا تستأهل يفكر فيها بعد ال 5 سنين دخل الطب عشانها تحبه يبي يحسسها انه حتى الي م يحبه حبه عشانها : اوك خلاص انا بنام مع السلامه
سكرت منه ولا انتبهت للعيون الي تناظرها والي دخلت وفتنت قلب وهي م تدري
رجع وهو متنح
جلس جمب رائد وهو فاتح فمه : الووو عزووز
ضرب خده لكن لا مجيب ههههههههه قرص فخذه بقووة
عزووز بصرخه : إي
الكل التفت يطالعه
عزووز نزل راسه من الفشله
رائد ضحك : هههههههههه أحسن تستاهل محد قالك تنح تقل شايف جني
عزووز مسك قلبه : الا قول شايف ملاك
فايز الي كان مار وسمعه : نعم
رائد فطس ضحك يوم شاف عزووز الي خاف : ههههههههه
عزووز بخوف : هاه لا بس قام يتمتم وهو لسه فاتح فمه
فايز رفع حاجب ومشى وهو مستغرب
فواز : تكفى سكر حلقك ريحتك تلوع الكبد
عبدالعزيز بعناد لفح بوجهه
فواز سد خشمه : كح الله يقرفك
الشباب : هههههههههههههههههههههههههههههه
عند الجازي
أمها جابت لها الدفتر عشان توقع
ناظرت توقيعه الي كان هيبه تحس انه وقع على سجننهاا وهي بتوقع على موتها
كانت فوز بجمبها وهي تقول : الجازي حبيبتي يالله سمي بالله ووقعي
ناظرت فوز ب رجى ومسكت القلم وهي ترجف وسمت بالله ووقعت وطاح منها القلم م تدري كيف وافقت توقع على غيره أو تنزف لغيره طاحت بحضن فوز وهي تصيح والناس تعتقد من الفرحة لكن محد يدري ب شلال الحزن الي ب قلبها
جتها حرمه كبيره بالسن ومعقاها بنتين عرفت انهم خواته لانه أمه قد شأفتها وهم فيهم شبه منه
سلمو عليها وباست راس الحرمه وهي مقهورة
شافت صديقاتها من بعيد ياشرون لها وفرحة مره بجيتهم
وأسماء كانت تبكي من الفرحة على صاحبتها ووجهها كيف الحزن مكسيه وصاحباتها يهدونها
عند الرجال…..
جا الجد وبلغه أنها وافقت
قامت الناس تبارك وهو يحس نفسههه طايير بالهوى من الفرحة تعلق فيها من يوم شأفها تفكيره صار منحصر فيها ويحس انه كل دقيقة يشتاق لها اكثر و اكثر
الشباب قامو يباركون وهم فرحانين خاصه عبدالعزيز الي كان مره فرحان له ومبسوط ويدعي له يتهنى ويتوفق مع الي تسعده وتريحه
فايز جا وسلم عليه : مبروك يالضابط منك المال ومنها العيال ان شاء الله
رائد مبتسم وبانت غمازاته الخطيره : الله يبارك فيك ومشكور عقبالك يارب
فايز : هههههههه انا متزوج من اول وجاي ولي العهد بالطريق
رائد : هههههه موفق يارب
فايز : تسلم
جو الباقين من الشباب يسلمون وجا وقت الزفه
بدر وخالد جو يسلمون وبدر مقهور من أبوه انه غصب الجازي على شي م تبيه وهو ارتاح وخلاه تعيش ب كابوس وخالد نفس الشي بس م يقدرون يسوون شي مهما كان ذا أبوهم الي رباهم وكبرهم على الصح والغلط
عند الجازي…..
مسكت منيرة وهي تقولها : خالتي انا تعبانه تكفين مابي أشوف احد بروح لمكان بروحي
خالتها قالت : سلامتك ي قلبي من التعب بس لا تفشلين جدتك وش بيقولون الناس عنك بيفكرون انك مغصوبة عليه
الجازي بدون وعي : انا بجد مغصوبة ي خالتي
خالتها انصدمت عمرها م توقعت انه ممكن زوج أختها يبيعها بهالطريقة وحققت عليه من قلب
منيرة ساعدت الجازي يروحون لمجلس لحالهم
رائد بلغوه أنها رفضت شوفته وأنها تعبانه وانقهر وتأكدت شكوكه الحين أنها مغصوبة عليه لكن موب رائد الي تنغصب عليه حرمه وناوي بكلمها ويتفاهمون وجلس وهو مقهور
كانت بالمجلس تبكي وتتكلم وتشكي لخالتها الي جاها مسج على الجوال من عمار انه لازم تطلع عشان الجازي زوجها بيدخل يشوفها
بلغت الجازي انه بتروح تشوف المعازيم م يصير تتركهم
الجازي وافقت وطلعت خالتها
5 دقايق وحست الباب يتسكر ومافي اي صوت
رفعت عيونها ورجعت ورى من الخوف م تدري كيف وصل لها ومسك معصمها وهو يقول بهدوء : ليه م خليتيني اشوفك
الجازي ب غصة : تعبانه وموب ماكله من يومين عشان كذا تعبانه يمكن
رائد رفع حاجب ولا اقتنع بالحكي : اها….. الجازي بسالك وتجاوبين بصراحة وأمانه
الجازي : طيب
رائد بدون تفكير : انتــي مجبووررة علي ؟
سكوووووووت
الجازي : بصراحة انا………… ايييه مجبورة ولا تعتقد أني أخذتك ب رضاي انت أساسا لو فيك ذرة رجولة كان م رضيت ب وحده ما تطيقك ولا تطيق شوفتك و… سكتت ولا تدري كيف قالت ها لكلام وبدون وعي منها
رائد قطعها وهو معصب يحس انه رجولته انهانت بهاللحظه : شوفي انا يوم م طلبتي شوفتي قلت يمكن مجبورة وإذا مجبورة بتركها لكن بعد كلامك ذا أحلمي بالطلاق ي حلوة ولو فكرتي مجرد تفكير تطلعين الي بينا بتتشوفين شي عمرك م شفتيه
الجازي بنرفزة : لا بطلق وغصبن عنك كيف ترضى لوحده م تطيقك ي خي وخر عنن حياتي من يوم عرفتك م عرفت الراحة
رائد بابتسامه سخريه :……………………………..
انتهى البارت
ي ترى وش قال لها رائد ؟
وكيف بتكون حياتهم ؟
وتركي ؟
عبدالعزيز وفوز ؟
فايز وش سبب كرهه لنورة ؟ وليه موب قادر يحبها وشك ب شرفها ؟
كل ذا بنعرفه بالبارتات الجاية
لا تحرموني من ردودكم
ودي وحنيني (( مراهقة عجوز ))
مع السلامه
| 3 / إغلاق المواضيع : تُغلق الرواية في حال طلب صاحبـ / ـة الموضوع الأصلي ‘ تأخره ‘ توقفه ‘ تجاوزات في الردود تُغلق الروايات حين تأخر الكاتبة لـ أكثر من 10 أيام و تُفتح في حال جاهزية الأجزاء و يتم مراسلة المُشرفة أو مراقبة القسم لـ ذلك |
تغلق الروايه