رغم الحزن يظل الأمل بالله أجمل ما بداخلنا /بقلمي 2024.

احياناً ستظن انك وحيد ولا يحبك احد ولكنك ستتفاجئ ان علمت ان الملايين يتمنون لك الخير دائماً فتوكل على الله في كل حين
كم نعشق كلمت خيال فكلما تألمنا سافرنا الى عالم يشغلنا بعض الوقت عن احزاننا فسميت روايتي (( رغم الحزن يظل الامل بالله اجمل ما بداخلنا ))
سأكتب الان بطلت الرواية وعائلتها وسأذكر الاشخاص الاخرين في الرواية حتى لا تنسوهم .

(( ابو ناصر (خالد ) :: ريال على قد حاله مستواهم المعيشي وسط يعني مب اغنياء ولا فقراء عمره 44 عصبي احياناً وبعض الاحيان طيووب يحب بناته وما يقصر وياهم ))

((ام ناصر (سارا ):: اصلها امريكية تعرف عليها ابو ناصر يوم كان مسافر ويا اهله امريكا علاج الاخته تعرفو على الدكتور اللي يعالج اخته وبدو يعزمون بعض وفي يوم دخلو نقاش عن الاسلام فكلمهم ابو خالد يعني جد البنات عن الاسلام فأهتدو ودخلوه وعجب فيها واتزوجوا و الحمدالله محد اعترض على الزواج توفت وفاه طبيعيه يعني مب حادث ولا شي ))

(( رنا : عمرها 22 متزوجه ماشاء الله عليها حلوه وطيوبه الحين تدرس في الجامعه مواصفاتها شعرها اشقر لين كتوفها مناسب ومخلي ويهها احلى خشمها طويل رشيقة وعيونها خضر ))

((حور : عمرها 17 لو اقول حلوه وبوصفها من اليوم لين باجر ما بتقدرون تتخيلون الجمال اللي هي فيه والله يحفظها من عيون الحساد طيووبه وحساسه ولكن وقت الشدايد صامده تشبه اختها شوي من ناحيت الخشم وملامحها مثل ملامح اومها و ابوها شعرها طويل لين اخر ظهرهاا لونه اشقر قريب من البني عيونها خضر مثل اختها رشيقه وطولها وسط ))
………………………………………….. …………………………..

بسم الله , نبدأ البارت الاول
(البارت الاول )
حور كانت يالسه تتكلم ويا واحد على الانترنت وعدها انه راح يكون مثل اخوها (( وهاذا الشي اللي يصدقونه بعض البنات و للاسف غلط الانه الولد بيحاول بأي وسيله انه يتقرب من بنت )) اسمه خليفه وهاذا الاسم الوهمي اللي هو اختاره.

حور :: صدقني ما اقدر

خليفة :: يا بنت الحلال ترا مافيها شي بكلمج على التلفون احسن من هالانترنت وانا ما اقدر كل يوم ادخل

حور :: انزين قدر ظروفي صدقني ما اقدر يعني اتخيل ابوي يكتشف اني اكلمك والله بيذبحني

خليفة :: ليش مكبره الموضوع ترا انا قلتلج بكون مثل اخوج لا اكثر ولا اقل

حور :: بدون اي رد

خليفة :: شوفي هاذا رقمي 050******* واذا ما دقيتي لا انا اعرفج ولا انتي تعرفيني

حور :: لاااااااااااااااااااا بليز خليفة لا تسوي فيني جذي

حور :: قدر ظروووفي والله ما اقدر

خليفة :: بدون اي رد

حور ودموعها على خدها :: حرااام عليك رد علي

(( صدقيني يا حوور لو ما كلمتيه كان احسن لج وهو ما يستاهل دمعه من عيونج ))
خليفة :: اسمه الحقيقي راشد عمره 23 صايع وراعي مشاكل امه وابوه منفصلين وكان هو الضحيه وهاذي نهايته ناسي صلاته وطول عمره راعي مشاكل عنده شله لو تدخل فيها وتفكر انك تطلع الله يرحمك ))
.
.
.
.
ادري قصير البارت
الصراحة هاذي البدايه يمكن ما تعجب البعض و يمن تعجب البعض الاخر واللي عنده اي نقاط مهمه يقول عشان استفيد واذا شفت تفاعل اوعدكم احط بارتات طوال ^^

هلا فديتج
عيبتني ب صراحه كملي بس هاي الفترة
ما اعتقد بحدر المنتدى عسب الامتحانات و وعد مني ان شاء الله
كل ما تنزلين بارت بحاول أعلق
و استنا تعليقج اذا مب مشغوله
ع روايتي
{{ حبيت بنت يتيمه }}
و ان شاء الله نكون ربع اذا ممكن !

هلاااا خيتوووو انشاء الله من عيووني الثنتين

(( البارت الثاني )) لعيوون Kntferoo7ytsri

حووور طول الوقت كانت متوتره يالس تصيح وتتذكر كل كلامها مع خليفة وكيف انها بتعيش بدونه الانها طول الوقت وهي تكلمه تعلقت فيه يلست تفكر بنفسها وللاسف ما فكرت بشرفها وعرضها و ابوها اللي طول عمره تعب وهو يربيها وخذت قرارها انها تكلمه

بدت تضغط على الارقام وقلبها يدق لدرجه حسته انه بيطلع من مكانه وطاح الفون من مكانه من كثر ما ترتجف بعد دقايق بدا الفون يرن

.
.
.

عند راشد ( اللي هو خليفة ) شاف الرقم انه غريب وعلى طول فز محله و رد عليه

خليفه : الووو
حور : بدون رد

خليفة :: من صوت انفاسج عرفتج

حور :: لا حيااااه لمن تنااادي

خليفة :: شو بلاج ردي علي

حوووور بصووت طفووولي وكله صياااح :: خلاااص سمعت صووتي اترجاااك لا تخليني

خليفة اول مره يحن على انسان :: غناتي شو بلاااج كل هاذا عشاني لو عرفت انه كل هاذا بيستويلج جان ما قلتلج شي
………………………………………….. …………………………………
واستمر الحديث لين ما بدوو يكلموون بعض

اسبوع ..

اسبوعين ..

شهر ..

شهرين ..

ثلااااث شهوووور ..

واستووووت متعلقه فيه ..

………………………………………….. ……………………………
العصر كانو فطوم و حوور يالسات في الحجره
(( فطووم :: ربيعت حووور من يووم ما كانووو في الروضه هي الوحيده اللي ساااندت حووور يوم وفااة امهاااا حووور متعلقه فيها وااايد وكل اسرااارها عندها عااااقله واللي يسمع كلاااامها كانها حرمه عمرها 40 وفاهمه الحياه صح وعمرها 17 قد حووور حلووووه شعرها بني عيونها عسليات وكبار ملاااامحها حلووه لدرجة ما اقدر اوصفها خشمها سيف وجسمها جسم عارضات الازياااء ))
.
.
.
خلال الحديث
فطووم :: صدقيني يجذب عليييج

حوووور : لا هو يحبني و انا احبه ومستحيل اتخلى عنه

فطووووم : انتي مينووونه نسيتي ابوووج

حور : : ادري اذا درى بيذبحني بس ما اقدر اخليييه

فطووم بالنفعال : انا مب قصدي جذي انا قصدي نسيتي ابوووج اللي رباااج ويفتخر فيج جداااام اهله نسيتي يوووم كل يوووم كااان يقووول انتي نسخت امج نسيييتيي انهههه مستحيييل يرفض لجج اي طلب هااااذاااا ابووووج ويتمنووون مثله ملااااين نسيتي كل هالاشياااء وجازيتيه بالهشي

حووور اللي استوووعبت كل هالاشياء كيف سوووت بابوها جذي فكرت بنفسهااا قبل ما تفكر بابوهاااا الي يدلعا وعلى طووول يا ببالها خليفة

.
.
(( قبل شهر كانو يتكلمووون كالعاده وقطع الكلام خليفة ))

خليفة :: حووور بقوولج شي بس وعد ما تزعلين مني

حوور : اوعدك

خليفة :: الصراحة انا احبج

حووور الي صدمه غطت عيونها

خليفة :: امانه لا تزعلين مني والصرااااحة مب باليدي هالشي والله غصباً عني

حوور الي توها تستفيق من صدمتها

خليفة :: ردي علي

حوور :: الصراحة حتى انا احبك
.
.
.
حووور الي ردت لواقعها الاليم

حوور ودمووعها مازره عيونها :: وخليفة

فطوووم :: لوووو هو يحبج خلييي اي يخطبج

حووور ردت بسرعه :: بس انا صغيره وما خلصت المدرسة

فطوووم بعقلااانية :: مافي شي اسمه بعدني صغيره هو بيخطبج لين ما بتخرجين بتزوجون ( فطووم في خاااطرها : هاذا اذا كان يحببج الله يصبرج يا حور )

حوووور هزت راسها بالستجابه
بعد ما روحت فطوووم روحت فطووم تدق على خليفة وقلبهاااا مقبووووض ما تدري ليش …

يلاااااااااا اباااا اشووووووووووووووف تفاااااااعل ^^

صباح الخير .. ياهلا فيك بغرام .. موفقة بطرحك .. بداية جدا جدا قصيرة مافيها احداث قوية تجذب القارئ بكذا ماراح تلاقي تفاعل .. نصيحة ابتعدي عن العلاقات المحرمة لاي سبب كان وخصوصا انو حور مالها اي عذر تكلم واحد ماتعرفه وهي عارفة انها تغضب ربها … خايفة من ابوها يكشفها ومااهتمت لربها الي شايف ومطلع على الي تسويه ..

اذا كنتي راح تصوريها ضحية وتبغي القارئ يتعاطف معاها صدقيني بتكون الرواية ضعيفة من ناحية الحبكة لانه حور هي الي سعت للشي واصرت عليه لانو مافي سبب يجبرها ماتترك راشد لابتموت ولا بتتوقف حياتها لو ماكلمته بالعكس اشرف واطهر لها ولعايلتها … مافي بنت محترمة ومتربية تكلم شباب وتبكي علشانهم

القوانين / الإطلاع هام و الإلتزام ضروري

وهذا الموضوع راح يفيدك ياليت تطلعي عليه

قضايا

هلاااا خيتووو اول شكراً على الرد .. والصراااحة تفكيرج راااح بعيد انا هدفي من البدااايه الابتعاااد عن هاذي العلاقات و في البدااايه ما فكرت اقرب القارئ من هاذا الشي وكل انسان يغلط فممكن تكوون انها كلمت راشد هي غلطت حياااتها والشي المهم ان حوور بعد موت امها هي الوحيده اللي كانت في البيت بعد زواج اختها طبعا فأبوها كان يستجيب لاي طلب ,, وانا كتبت في البدايه ان راشد كان يحاول يتقرب منها وقال لها علاقتنا فقط كأخوه وانا نبهت من هالشي في البدايه واعيد ان روايتي كانت الاستفادت الناس خاصة البنات الانه اشوف كثرة الروايات التواصل بين الشابه و الشاب و النهايه الزواج وهاذا اكبر غلط يقع فيه الكاتب و يشجع هالكلام البنات انهم يكلمون فروايتي عكس هالشي فأنا انبه البنات منه الانه اكبر غلط ..

فديت روحج انا
مساء الخير
علومج قلبو اخبارج !!
ع فكره الروايه الي تكتبينها موجود ف الحقيقه ها الشيء بس ف النهايه ما يتزوجون واذا هذا اذا تزوجون و طبعا بلنادر ان الصراحه اعجب ب الريال الي جي
ان في واحد يجذب ع البنت و جي
ف انا اعتقد الي يرد عليج ، لازم يفكر ب لي.بيكتبه وجي
أحم نرد للروايه
قسم ب الله انها فانتاستك
كملي دخيلج بس الحين عدنا امتحانات ههه
بليز هاي الفتره لا اطولين البارتات بلييييز

عقولت خليفة : اهم شي الأخلاق و الباقي كوكولا

………………………………………….. ……………………………
البارت الثالث
دقت المره الاولى طلع مشغول دقت المره الثانية وطلع وويلست تصيح من الخوف , خافت شي استوى له الانه قلبها يعورها ردت اتصلت المرة الثالثه رد
خليفة : الوووو

حووور وبصوت كله صياح : حبيبي فييك شي ليش ما ترد عليه والله طول الوقت

قاطعها خليفة بدون نفس : اختصري الموضوع وقولي شو تبقين

حور : ليش تكلمني جذي

خليفة بعصبيه : يعني كيف تبقني اكلمج

حوور اتصيح و بصوت هادي و مخنوق : حبيبي شوفيك

خليفة بعد ما هدا : ممكن تقولين شو تبقين

حوور : ابقيك انت

خليفة : نعم !!

حوور بصوت مخنوق : حبيبي ترى كل يوم نكلم بعض يعني اليوم يوم اتصلت قلتلي شو تبقين

حور : حبيبي اذا تحبني تعال اخطبني خلاااص لين متى وانا بكلمك

خليفة بصدمه : نععععم اخطببج

حور : ليش شو فيها ترانا نحب بعض

خليفة : لا يا بنت الحلال انا لو خطبت بخطب بنت محترمه ومتسرته ما بخطبه وحده كلمتها الله يعلم كم واحد كلمتي غيري

حوور كانها صاعقة ضربتها : انت شو يالس تقول

خليفة : اللي سمعتيه ولا تبقيني اترجملج هندي , يعني شو توقعتي من واحد يكلمج انه بيخطبج وبيحبج وطول حياتكم بتكونون ويا بعض ؟

حور و الصدمه عامتنها : بدون رد

خليفة : هاذا اللي عندي استري على عمرج وعلى اهلج ولا تدقين على رقمي مره ثانيه
وسكر الخط

لكن فتح جروووح شخص

( نصيحة مهمه يا بنااات مستحيييييييييل ممكن واحد يكلم وحده ويزوجها واذا تزوجها بتكووون طول حياته شاك فيها , فلا تضيعون شرفكم ولا شرف اهلكم وتكلمون واحد من شباب )
بعد اسبووعين

كانت حوور طوول الوقت حابسه عمرها في الحجرة لا تاكل ولاتشرب الى قليل بس يوم تصر علىها فطوم وفطووم كانت كل الوقت وياها ما خلتها دقيقه تيلس وياها بساااعات بس عشان تخفف من جروحها

( للاسف ما اقول ان حور ضيعت نفسها بنفسها ولكن هاذا من اهلها الان بعد وفاة امها كان ابوها يشوفها نسخه من امها فكان مدلعنها ولا يرفض لها طلب ما اقول ان هاذا هو السبب لكن السبب الرئيسي ان محد نصحها وفهمها ان هاذا صح وهاذا غلط )

دقايق واتصلت ام فطوم تطلبها في البيت الانه خالتها يت بعد ما طلعت فطوم من غرفة حور وكانت نازلة من الدري استوقفها ابو حور بعد السلام بدا الحوار

ابو حور : بنتي انتي اقرب وحده لحور وادري انج تعرفين كل شي عنها فقوليلي شو بلاها اعرف ان فيها شي و قلبي ناغزني عشانها وبعض الاحيان اسمعها تصيح وكل ما سألتها تقول ماشي يا بنتي قوليلي وبردي قلبي

فطوم عورها قلبها على ابو حور وردت عليه وهي مبتسمه : لا تخاف عليها سالفه صغيره مستويه مشكلة بينها وبين ربيعتها فعشان جي وانت تعرف حور على الصغير تصيح

ابو حور وهو مبتسم : بردتي قلبي يا بنيتي الله يحفظج للاهلج

بعد هاذا الحوار

وبعد خمسة شهور بدأ حور يتحسن حالها وبدات تنسى خليفة او تتناساه وهاذا كان لها اكبر غلطة واكبر درس
لم تتوقف روايتنا الى هاذا الحد بل هناك العديد من الاحداث و المشاكل التي سوف تحدث !!

Kntferoo7ytsri LA مشكوووووووووووووووووووووووووووورة لدعمج لي

اللللللللللللللللللله طر قسم ب الله
انا اعرف وحده جي قصتها شرات حور و خليفة
المشكله البنت ما تابت عيزت من كثر ما اقول لها بس هي طااااف
كل واحد مسؤول عن عمره و يوم ألقيامه حواسه بتشهد عليه
و الله يعين كل بنت و الله يسامح كل ولد
ع العموم ب التوفيق
و سامحيني ما فضيت الا اليوم عسب اقرأ الروايه
و ادعيلي انجح ف الامتحانات