السلام عليكم ورحمه الله وبركاته
الشاعر القتيل هو طلال العبدالعزيز السعود الرشيد من عائلة الرشيد المعروفة في منطقة حائل شمال السعودية, اشتهر بلقبه "الملتاع". وكان يُعد من أبرز شعراء النبط (الشعر الشعبي) في جزيرة العرب, وله شهرة واسعة على امتداد المنطقة. وهو صاحب ومؤسس مجلة "فواصل", أول مجلات الأدب الشعبي في الخليج العربي وأكثرها انتشاراً.
والرشيد من مواليد العام 1962. حاصل على درجة البكالوريوس في العلوم الإدارية من جامعة الملك سعود, وهو متزوج ولديه ولدان نواف (19عاماً) كان يرافق والده في رحلة الصيد, وعبدالعزيز (16 عاما)
وفي الجزائر, أفيد أن الشاعر السعودي قُتل في منطقة جبل بوخليل في بلدية مسعد في ولاية الجلفة (300 كلم جنوب العاصمة).
رحم الله الفقيد وادخله فسيح جناته
ديوان الامير / طلال الرشيد يرحمه الله
الفكرة
جمع قصائد الامير يرحمه الله
واي احد عنده قصيده للأمير طلال الرشيد يضيفها من خلال المشاركه
حتىيستمتع القارى بما كتبه الامير يرحمه الله من قصائد
ارجوا من الجميع المشاركه
يا بنت انا ماني كذا وظنونك تكذب عليك
كلي عيوب وما قوت تخجلني ظنونك واتوب
اكذب عليك ودوم اخونك والبس الابيض واجيك
واعشق معك الفين وجه ويمتلي صدري قلوب
احلى الكلام اقوله لك لوقلته البارح لذيك
يوقف على شفاهي معك مراهق صب لعوب
اكذب ولا ادري ليه اكذب اعشقك ما ارتجيك
اخاف من صدق الحقيقه في الهروب من الهروب
والله احبك واعشقك واعرف زمان اني ابيك
ولكنها هـذي الحياة تعلمت من الذنوب
العين عجزت تعتقك القلب عيا يـشـتريك
في السجن خيال وفي في الصدر رجال كذوب
هذي الحقيقه ما يجي في الكون اطهر من يديك
وانا الذي انقظ وضوء الغيم والماء والهبوب
انقل عيوبي فوق متني وانتي لعيبك شريك
وباكر تبسملي وجيه لك يعبسها الشحوب
يا طاهرة حنا كذا… والمظهر يكذب عليك
يمكن يجي يوم يجي نخجل من ظنوك…نتوب
والله يغفر لشاعرنا ويرحمه ويسكنه الفردوس الاعلى من الجنه
…………………………..
صديق الطفوله
صديق الطفوله وش جرى لك مع الايام
هي انصفت دنياك والاانت بك مثلي
فقدنا ملامحنا مثل ساير الانام
عبث بنا جور الزمن والزمن يبلي
وقفنا جميع وبيننا حاجز الاعوام
صعيب وصولي لك وياصعب لك وصلي
وانا اشوف في وجهك طريق غشاة عتام
وذاك النخل واشوف دارك ودار اهلي
وسدرة هي اكرم من اهل بيتها اللوام
وفي وجهك اصحابي عصى مدرسي وفصلي
وعود كبيييييرودايم فالظلال ينام00
في ذكرياتي له بعد ملمح وجلي
وسور كتبنا فيه ذكرى عبث واوهام
ولي في عيونك صورة زانها جهلي
بثوب تبلل بلمطر والتراب وشام
وانا حب اسير العب وهي حافيه رجلي
انا وانت طفل وطفل دايم رضى وخصام
بكانا سهل والضحكه امر بعد سهلي
دعاني بوجهك ناداة ينده الاحلام 000
معه رمح مدري هو علي غاضب اولجلي
اناكيف اباصل والامل خلف مو قدام
كثير الاسى والسهد يامن فعل فعلي
اليوم يابنت من زيي الشمس وردة على ظيي
جيت انتخي بالوجيه البيض يا عزوتي يا بعد حيي
الجادل الي حلاها غير ضيعت في شمسها فيي
بعيونها سلسبيل رماح والموت بالسود متهيي
موت وأنا موت انا بالموت كثيرها غرق شويي
لا قلت تكفين قالت جاك وإن جيتها فجأه تعيي
ولا قلت مالي ومال الغيد قالت وهم بينهم زيي
وإن قلت انا تبت مالي كار مقفي زمانين عن غيي
قالت وهي تلتفت للناس ( طلال ) موته على يديي
جتني وشافتهـا عيـون حايـرات
ذا شعاع الشمـس او هـذا سناهـا
ضاعوا اللي جوا معاها مسيـرات
واقبلت تمشي تقـل محـدٍ معاهـا
ياسنـا الفضـه وياجيـد المهـات
ياشذى نبت الخزامى فـي وطاهـا
قلت كن بوجنتـك زهـر النبـات
قالت ان الرمش يجرح لي صفاهـا
تجرح الظلمـا عيـون ناعسـات
سلهمت وأغضت تغطرس في بهاها
حققوا بالشوف فـي لـون الشفـاة
هو خذا منها الشفـق والا عطاهـا
ولو ظلام الليـل يعطينـا ثبـات
فيه من لون الشعـر والا كساهـا
كيف أباصف زين كاملة الصفـات
كيف أباصل في حروفي منتهاهـا
يعطيك ألف عافيه
الله يرحمه ويغفرله يارب
,,
بيني و بينك عرفـت المـوت
تحـب و الـحـظ متجـنـي
تبي الصدق حبهـا منحـوت
و أصبحت منها و هي منـي
أفرش لهـا القلـب بالياقـوت
و أقـول يـا دلـي إتمـنّـي
صدري قصور و مدن و بيوت
و هي المليك اللـي يحكمنـي
يا ويل ويلي عليهـا صـوت
تحكـي تقـل كنهـا تغـنـي
و سكوتها غير كـل سكـوت
كـل شـي فيهـا يكلمـنـي
قد شفت شمس زرعوها توت
بشفاتهـا التـوت متثـنـي
يا حلوهـا و القلـم مبهـوت
وش يكتـب بوصفهـا عنـي
هي دنيتي و الهوى و القوت
و إن غبت عن وجهها كنـي
متغـرب و غربتـي تابـوت
ميـت و أنـا حـي مستنـي
قولو لها لو يفـوت الفـوت
هو ينفـع الصـوت متعنـي
و قولو لهـا و الله إلا مـوت
لو خـاب فـي حبهـا ظنـي
//
|
المشاركة الأساسية كتبها سراب الصمت
 يعطيك ألف عافيه الله يرحمه ويغفرله يارب ,, بيني و بينك عرفـت المـوت تبي الصدق حبهـا منحـوت أفرش لهـا القلـب بالياقـوت صدري قصور و مدن و بيوت يا ويل ويلي عليهـا صـوت و سكوتها غير كـل سكـوت قد شفت شمس زرعوها توت يا حلوهـا و القلـم مبهـوت هي دنيتي و الهوى و القوت متغـرب و غربتـي تابـوت قولو لها لو يفـوت الفـوت و قولو لهـا و الله إلا مـوت // |
الله يعافيك امين يارب
يسلمو على المرور