بسمه تقول لباباها يا بابا
بابا …بابا
اصبح كل العالم غابه
كل الخونه اسود وديابه
واحنا غلابه
جُبنا يا بابا ولاّ غلابه
***
إحنا يا بسمه طيور مجروحة
وخايفه توقف فى وش الريح
كله خايف يخسر عشه
خايفه تغنى وخايفه تصيح
ممكن كله في لحظه يخون
ممكن كله في لحظه يهون
كله يا بنتي جنون فى جنون
***
بابا!!! .. بابا؟؟
رحت فتحت التليفزيون
نفسي كنت أشوف كرتون
شفت القدس يا بابا حزينه
بتصرخ من جوّاها علينا
صوتها بيدوي فى كل الكون
شفت أخواتي ازاى بيموتوا
تحت رصاص غدر الصهيون
***
سوريا.. عراق.. مصر ولبنان
وطن وأصبح كام أوطاااان
شوفت سواد ونواح ودمار
شفت دموع وآهات أحزان
***
شفت يا بابا كتير وكتير
شفت الوطن العربي اسير
***
بسمه يا بنتي ليه الغم
ليه من صغرك شايله الهم
روحى وشوفي هديه جميلة
دا بكره يا بنتي عيد الأم
***
بابا !!!…بابا ؟؟؟
ماما ام محمد درّه
فاكرها يا بابا ولا نسيتها
حاسّه انى بعيش فى وريدها
مين يحضنها ويبوس ايدها
مين يعطيها هديه فى عيدها
بعد ما قتلوا الخونه وليدها
قولى يا بابا مين؟ فكّرنى !!
هم بلادى يا بابا كسرنى
ذل بلادى كاد يقتنلى
شفت يا بابا كتير وكتير
شفت الوطن العربى اسير
شفت اخواتى هناك بيموتوا
والاطفال تصرخ وتنوح
شفت محمد درّه فى دمه
فى حضن ابوه مقتول مدبوح
نفسى يا بابا القدس اروح
نفسى أداوى جروح وجروح
بابا …
مش هتمنّى اروح أمريكا
ولا هلبس أزياء لباريس
ولا هحلم أحلام كمراهقه
ولاهتمنّى لنفسى عريس
نفسى يا بابا أكون فدائيه
زى تانت وفاء إدريس
شفت يا بابا كتير وكتير
شفت الوطن العربى اسير
***
بقلمي
أيمن الحسيني …. أسير الأشجان [
سأعود للرد على عبقريتك اخي أيمن
اشتقنا لك
كن بخير
::
أسير الأشجان
كل عام والأمهات بخير
عابق برونق
نزفت واقع
اجدت الوخز بألم
واجدت نزف الجراح
ليبقى حرفك مبدعا
وتبقى ذو إحساس
راقي في الكتابة
دمت باذخ
تحاياي
lolozz