حلى الشعيرية – تطبيقي 2024.

رابط الموضوع : حلى الشعيريه ولا اروع

نبدأ ..

المقادير :

كيس شعيرية
زبدة
حليب بودرة
جبن كيري
حليب نستله (حليب مكثف محلى)
علبة كريم كراميل
بسكوت شاهي
علبة قشطة
بالإضافة لكأس ماء

الخطوة الأولى :

هي تكسير الشعيرية
و جعلها ناعمة
كما في الصورة ..

الخطوة الثانية :

نحمس الشعيرية الا كسرناها على النار
و نضيف لها الزبدة بعد ما نذوبها على النار
و نخلطهم جيدآآآ

~> أعتذرما قدرت أصور خطوة ذوبان الزبدة و إضافتها لأن صارت بسرعة

ناخذ البايركس أو إذا حبيتي في كؤوس
و نرص طبقة الشعيرية ..

الخطوة الثالثة :

نآخذ كأس الماء و نحط فيه ملعقتين حليب
و نذوبهم ..

الخطوة الرابعة :

نحط الحليب في القدر
و نحط فوقه ظرف الكريم كراميل
و نخليه على نار هادية ليما يغلي

الخطوة الخامسة :

بعد ما يغلي الكريم كراميل و الحليب
نحط علبة القشطة فوقهم و نذوبها
ليما يتجانس الخليط ..

نصب الخليط فوق طبقة الشعيرية
و نتأكد إنها غطت الشعيرية كاملا
بعد كذا .. ندخلها في الثلاجة لمدة نص ساعة
حتى تجمد الطبقة …

الخطوة السادسة :

بعد ما تجمد الطبقة
نرص فوقها طبقة من بسكويت الشاهي
كما في الصورة …

الخطوة السابعة :

نحط في الخلاط
– نصف علبة النستلة (حليب مكثف محلى)
– 3/4 حبات جبن كيري
و نخلطهم في الخلاط

نصب الخليط فوق طبقة البسكويت
و نزينه ~

طبعآ ما كان عندي شيء أزين به
فكسرت البسكويت و زينت به
بعد كذا حطيه بالثلاجة لمدة 4 ساعات أو أكثر
و كل ما كانت المدة أطول
طلع الحلى أحلا

و عند التقديم يمكنكِ إضافة الهرشي =)

و بالصحة و العافية جميعآآ
أتمنى يكون تطبيقي عجبكم
و أعتذر إن كان التصوير رديء