حلى التمر على طريقتي 2024.

كيفكم ياحلوين ؟؟

ان شاء الله تماااامو ^_^

اليوم جبتلكم طريقه حلى التمر

وان شاء الله يعجبكم 🙂

.. مقادير الطبقه الاولى ..

2 بسكوت شاي

2 زبده

تمر معجون

.. الطريقه ..

يطحن البسكوت لين مايصير ناااعم .

ونسيح الزبده ونحطها عليه لين مايصير البسكوت شويه متماسك ونفردو في الصينيه

بعدين نجيب التمر المعجون ونحط طبقه منو فوق البسكوت .

.. مقادير الطبقه التاني ..

4 حبات جبنه كيري

ربع زبده

علبه قشطه

حليب نستله مركز حجم وسط << ماراح نستخدمو كلو حناخد ربعو او نصو بس على حسب مقدار الحلا الي تبغيه ^_^

شويه فانيليا

3 ملاعق حليب بودره

.. الطريقه ..

نخلط جميع المقادير السابقه ( الجبنه – الفانيليا – الزبده – الحليب البودره – النستله – القشطه )

نخلطهم في الخلاط لين مايتجانسو مع بعض .

وبعدين نضع الخليط فوق البسكوت والتمر اللي عملناه .

وندخلو الفرن تقريبا 10 دقايق او اقل . لما يحمر من فوق ننزلو ^_^

.. وهادا شكلو النهائي..

معليش تراه انحرق عليا شويه لاني نسيتو

وسوو معاه دله قهوه حيطلع اخر كلام

وبالهناء والعافيه