حكايات الألوان

يامرحباً بك ياحكايات الألوان .. يامرحباً بك عدّ فرْحي بجيّتْك

كنّي بنورك أفترش وجْه الأكوان .. والصبْح نوّخ في مساحات فيّتْك

يـ ( الجازي ) إسمك عالي القدْر والشان .. والغيم مدهالك وهامه مطيّتْك

يـ إنسان عندي غير عن أي إنسان .. كنّ الطفل مخلوق من طهْر نيّتْك

إيه أقلطي في الصدْر روحٍ وريحان .. دام المشاعر ياعْظم الناس حيّتْك

شهرين مرّت كلها ضيق وأحزان .. شهرين فيها الفقْد يحمل هويتْك

في غيبتك كل شي هالك وعطشان .. وبْرجْعتك كل شي تنامى بميّتْك

يارتْم تزهى فيك عذبات الألحان .. كل الشعر سجّادك وأرض وطيتْك

جيتي وسالت لك حكايات الألوان .. والفرْح أستيقظ على صوت جيّتْك

من صالة القدوم
أنا
سعد العوجان
أو
ليل النديم