قال بندم..ممزوج بسخريه وقهر: مبرووووك…ههههه..مبروووك (وصفق له بقوه وحراره) ياخساره..ووقف من مكتبه..تقرب منه وضغط على رقبته..ودي اقطعك قطعه قطعه..ليش العفو يشملك ..وقال بصراخ ..ليـــــــــــــــش…فتح الدرج بقوه وعصبيه..وسحب اوراقه وبطاقته..وقع على الاوراق بعصبيه ..واخذ البطاقه ورماها في وجهه..خذ واطلع بره بسرعه …برررررررررررررره…انقلع من وجهي انقلع..
مسكه من قميصه وسحبه لبره..ورماه على الارض!!
رفع راسه للسماء…أول ماشاف نور الشمس غمض عينه الوقت ظهر وصار له زمان ماشاف النور…مايدري يفرح يصيح يضحك..والا ايش..والله انا تعبان ايش اسوي ..مشى ومشى
مشى على الرصيف وهو يلتفت يسار ويمين كل شي يحسه غير بس في الواقع مو كل شي غير
في باله … يفكر كيف يرجع الى اهله وكيف يقابلهم بأي وجه وأي عين قويه بتوقف تقول الهم أنا طلعت لو أنا رجعت…… بس انا بريء… انت ماعترفت ..بس التهمه لبستك …ماقدرت اضيع مستقبلها ….آآآآآآآآآه …ماقدرت اضيع كرامتها…..الكرامه ياخالد….الكرامة ضاعت كرامتك انت وما حد جاب خبرك…..ليه ما ارجع واقول الهم الحقيقة…
ايش بيقولوا لك وايش موقفك عندهم
في الاساس كيف رجعت وليه وبعد سواد وجهك والسمعة الي طيحتها في التراب ….
كمل المشي لين وقف …….احتار..وهو يشوف الحرس الي برى …يروح ويدخل ..والا ايش.. اصلا اذا ما راح وحطهم قدام الامر الواقع وين بيروح وين بينام ومن وين بياكل واصلا مين الي بيقبله يتوضف حتى…….. تنهد بألم وقعد على جنب لأن ما اله وجه حتى يشوف اهله ..هو ماغلط لكن حسبي الله عليهم … يتمنى يشوف ابوه
تذكر آخر مره شافه
ايه آخر مره شافه قبل سنه وكم يوم
والموقف الاصعب
تذكر كان واقف بين خمسة او ستة رجال شرطه وحواليه اهله ورجال الهيئه
كان الكل يصرخ ويتكلم بقوه ويذكر كلام ابوه وكيف مايذكره وهو طول السنه يسمعه في اذنه
…ياحقير …..ياحمار .. يانجس ….. الله يلعنك …..الله ياخذك ……الله لا يسعدك ولا يبارك فيك… انا انا ……. انا ابوك ياحقير تسوي فيني كذا..ليش ليش منزل راسك ها مو الحركه الي سويتها ترفع الراس مو? تكلم ياحمار تكلم (مسكه من قميصه وشد عليه) انا انا …..ياخالد …..انا
رفع خالد نظره وشاف الي عمره ما اتمنى يشوفه في عيون ابوه ……شاف الانكسار شاف …..دموع ابوه….. ابوك يبكي ياخالد ….يبكي والسبب مين السبب انت ياخالد….
انتبه الى ابوه الي يبكي ويصرخ يقول ……خالد قول لي انهم يكذبون عليه قول الله يخليك قول انا ربيتك وكبرتك عطيتك كل الي تبيه قول ليه ليه سويت كذا ليه ….فجأه شاف ابوه يطيح والكل تجمع حوله …ماوعى الا على اخوه يرفع راسه بقسوه (وبصق عليه في وجهه)
…….:تفوووو عليك ياحمار…
بعدها الكل ناظروا فيه بحقد..وطلعوا ..كان يبغى ابوه يعرف اخباره.. ماكان يقدر حتى يسأل اويتطمن عليه ……..بعدها ماشاف ابوه ولا اخوته ولا اي احد يقرب اله
………
مسح دمعه من الدمعات الي طاحن على خده وقام من على الرصيف ومشى …مشى……مايدري الى وين اهم شي يسويه انه يهرب يهرب الى اي مكان الا ان ابوه يشوفه لا هذا الي عمره مايتمناه ايه ابوي احبه وما اتمنى اشوف نظرة من نظراته الي تخليني اموت ……… سمع صوت كان يسمعه دايما لكن سنه كامله ماسمعه ابتسم بألم ……. كيف ينساه وهو الي يخلص كل اشغاله علشان يسمعه بدون ما يفكر في اي شي غيره…….. وكان صوت الأذان …. مشى بتثاقل ..وللحظه كان بيدخل المسجد وانتبه ان الناس كثيره واكيد بيعرفوه لكن ارتاح لما اتحسس ملامحة الي تجيب الهم انتبه الى الناس الي تتكلم عن الشغل والي تسأل والبعض مشغول بذكر الله قرر يتراجع لا احد يعرفه ……. لكن قال في نفسه أنا داخل بيت الله بيت ربي وربهم …..دخل وصلى مع الشيخ ……….صلى وطلع يكمل مشي ما يدري الى وين مشى ومشى ودخل زرانيق (الممرات الضيقه) مشى ….بعدها تعب وقعد على عتبة بيت من البيوت …..مسك ظهره كان يحس بألم ..وألم شديد …حس بالحر زياده اذان الظهر توه مخلص…. قال في نفسه اكيد الحين الساعه وحده او ثنتين لأن الشمس صارت اقوى من قبل رفع كم قميصه ولمس ايده اقشعرت نفسه من منظر ايده المقزز ..كلها جروح وتشوهات وجزء من ايده الجلد مفتوح فيها نزل كم القميص مرة ثانيه ..حس ان ايده تجيب الحرارة اكثر من حرارة الشمس تعب وحس بتعب سند نفسه على الجدار ونام….. نام وهو يتمنى انه مايقعد ابد
&&&&&&&&&&&&&&&
رمى الملف الي في يده وصرخ باقوى ماعنده:انت ايش قاعد تقول؟متى
……….: وانا ايش عرفني .. انا كنت ماشي عند المسجد وسمعتهم يتكلموا
…….:فيصل .. انت عارف ايش يعني ذا الكلام .. ابوي مريض وما اعتقد انه يتحمل يسمع اي خبر مثل كيذا
فيصل : ادري ياتركي ادري ..لكن انا ايش ذنبي
تركي:اوووف .. الحين انا ايش اسوي انا ما صدقت الشركه تقوم تخسر اللحين ..المبلغ مهو بقليل يافيصل …..انا لازم اروح البنك وقسم الماليه اشوف ايش صاير
فيصل : بس ياتركي…… المبلغ كبير مره
تركي : مايهمني … لازم ابدا اللحين لان اذا مابدأت راح تخرب زياده …قام بسرعه وطلع من المكتب وصفق الباب بأقوى ماعنده
…تنهد فيصل بألم…. ايش هالحالة الي كل ما جا الها تتصلح تخرب زيادة…. زفر باقوى ماعنده يذكر قبل سنه كل شي كان تمام كل شي كان حلو ….من راح خالد بدا كل شي يصير زفت…
ونزل راسه للارض يحاول يذكر ملامح ولد عمه وأخوه وصديق عمره .. الروح بالروح وياه
تذكر آخر مره شافه كيف الالم في عينه ونظرة الندم لكن مايدري ليه ليه من بين كل الناس قال لك انت يافيصل ليه … ليه قال لك …
تذكر ذيك النظره ..وهو يقول له فيصل انت اخوي الي انولد معي انت …فيصل فيصل طالع في عيني قول قول انا انا اسوي كذه …انا مارضاها لغيري كيف برضاها لنفسي كيف قول لي يافيصل قول
…ليه ما قدرت اصدقه ليه …..هو الي كان واقف جنبي في كل صغير وكبيره ……
آآآآآآآآآآآآآه … طلعت تنهيده قويه من قلب فيصل وهو يذكر خالد مايدري ليه يحس انه بريء ليه مايدري طلع من المكتب وركب سيارته ومشى مشى لين وصل الى الكورنيش قعد يغير جو ويطلع همومه الي تجمعت سنه كامله من فارق خالد …. عمره مابين له انه صديقه في هاذي السنه عمر الصديق مايتخلى عن صديقه في المحن وانا تخليت عنه في اشد المحن وليه ليه ……..السبب انت يافيصل ….انت ماحد جبرك تتركه….. انت انسان حقير ماحد يحبك لانك تخليت عن اقرب الناس لك في اول مره يطلبك فيها وتوقف في وجهه… تصده …تهرب عنه …ليه ليه يافيصل…ليه انت خايف على نفسك …يمكن بريء.
قرر يقعد لين ينسى الي في باله لكن وين ينسى وهذا الشي مستحيل جلس على الاحجار قريب المويه وفتح محفظته..وناظر في الصورة الي في المحفظه..صورة له اهو وخالد معاه…ابتسم على الذكرى ولكن بسرعه اختفت ابتسامته
&&&&&&&&&&&&&&
قاعده في غرفتها تتأمل نفسها في المرايه وتفكر بضيقة خلق مالها نفس اي شي… اليوم تكمل سنه ..سنه وشهرين من العذاب والذل الي عاشته بس ليه ليه انا ايش سويت
الحمد لله …بس ليه كل الناس تحتقرني …الحمد لله ياربي اكيد في خير انت العالم بحالي
وقفت وتقاربت اكثر ..وتنرفزت في بالها انا ليه اقترب علشان اشوف اثار ضربه لي وتشويهه الى جمالي
مسكت عينها ونزلت ايدها على خدها وتذكرت ايام قبل ايام الثانويه وجمالها الي الكل كان مستحيل ينكره
…: ماشاء الله ياخلود ياريت انا بجمالك كان الخطاب طوابير على الباب وانا ارفضهم
خلود ضحكت على هبال صديقتها: وليه يا امل ترفضيهم
امل : علشان ابين لنفسي اني جميله
خلود : هههه ماشاء الله عليك ذكاء ما حد يوصل له … تصدقين ياخلود كل مره اناظر في المرايه اقول ياليت عيوني ما كانت رماديه ولا انا بيضه ولا
قاطعتها امل : وليه
خلود : علشان ماتناظروني وتقولن ياليتنا مثل خلود
…..
قطع ذكرياتها عليها صوت التلفون وهو يرن …لكن مارفعته …بتسألوا ليه مارفعته لأن احد قوانين هالبيت تنص على انها ماترفعه والا بتشوف الي مايسر لا عدو ولاصديق
تنهدت بألم وهي تسمع عمتها(ام زوجها) تضحك وتسولف بدون اي خوف تمنت انها تكون مثلها بس قاطعت فكرتها وقالت الحمد لله على مابلانا وله الشكر على ما اعطانا
&&&&&&&&&&&&
دخل البيت وهو طاير من الفرح … اليوم اليوم قبلوه يتوظف في مركز الشرطه بعد عدة مرات كان مرفوض فيها تنفس بقوه يعلن عن راحته من قبوله …مشى ..وركب على الدرج وهو يدندن ويغني بفرح …في العاده يركب الى غرفته بالمصعد …بس هالمره من فرحته ما حس وهو يركب على الدرج مشى ومشى لين وصل الى باب غرفته دخل يده في جيبه وطلع المفتاح وفتح الغرفه ودخل رمى الغتره والعقال ورمى نفسه على السرير بقوه وتنهد بفرح وصرخ ياااااااااي ………اخيرا اخيرا….يا محمد اخيرا توضفت تعبت كثير لين وصلت اكيد الحين ما بقولو لك عاطل ما عندك سالفه ولا بقولو من وراك واحد كبير الحمدلله والشكر مصروفه من عند ابوه ……..ابتسم ابتسامه شقت حلقه وقعد يضحك بأعلى صوته
لين نام
&&&&&&&&&&&
دارت على نفسها اكثر من مره كانت تدور وتدور وهي فرحانه مهي بقادره تصدق الي صاير فرحانه مره ..كانت تكلم نفسها اكثر من مره …..وتتحسس بطنها …ابتسمت وقالت مااتخيلك تصيري دبه كنك البطريق هههه.. ……..ناظرت نفسها في المرايه …نست نفسها وهيه تناظر شكلها ..ماوعت الا على اصوات ضحك جنبها
التفتت بعصبيه وقالت : بلى في شكلكم ليه تضحكون
……..:هههه الي ماخذ عقلك يتهنى بوه
حنان : انقلعي يا رانيه لا اعطيك كف يسكتك ويسكت انفاسك
ودارت على الجههه الثانيه
وانتي يانور ليه تضحكين
نور: هههه جايين نقول لك ان امي تقول يالله انزلي تحت عبد الله ينتظرنا تحت
ابتسمت حنان وقالت بحيا انشاء الله
طلعوا نور ورانيه وهم يضحكون وحنان تناظرهم وتبتسم
اخذت عبايتها وقفلت باب الغرفه وبعدين طلعت ونزلت تحت
وراحو يتمشون في المجمعات
&&&&&&&&&&&&&
نهاية الجزء الاول
&&&&&&&&&&&&&&
ننتطر البارت في اقرب وقت تكفيييين كمليها
بـدآيـه مـوفـقـه ~!!
نـنـتـظـر الـبـآرتـ الـجـآإي~!!
*
| روووووووووووعه يسلموو حمااااااس xحماااااااااس
ننتطر البارت في اقرب وقت تكفيييين كمليها |
مشاعر حاكاها الزمان
نتي الاروووع
ومشكووورة على مرورك
| بـدآيـه مـوفـقـه ~!! نـنـتـظـر الـبـآرتـ الـجـآإي~!! |
حلاتي سعوديه
مشكووورة على مرورك
كانوا يسحبوه ……..ويعذبوه اشد انواع التعذيب يصرخوا في وجهه اعترف اعترف اعترف كره هالكلمه من كثر مايسمعها ….بتعترف والا …صرخ بأعلى صوته اعترف على ايش انا ماسو..آآآآآي ..آآآآه حرام حرام…….قالوا وهم يضربوه وانت تعرف الحرام …اضربوه بقوه …جيبوا الحديد المحمي على النار …حركه اعتادوا عليها كل الي في السجن رفع الضابط يده وقال حاضر وبس ثواني وجابوه …الم الضرب كان يصرخ آآآه بألم وملل من كثر ما قال آآآآآآآآآآآي …..
العسكري :بتعترف والا ……..جاوبه بألم وليه اعترف اساسا مالازم اعترف وانت قاعد ….آآآه تعذبني
العسكري بصراخ :متأكد ..وبعصبيه قرب الصيخ الي صار احمر من الحراره وحطه على زنده …..صرخت الم وعذاب ودموع دموع رجال ما احد يحب يناظرها لانها تقول لك عن شدة ورهبة الموقف شدة الالم والعذاب كانت كفيله انه يطيح مغمي عليه ……صرخ بقوه آآآآآآآآآآآآآآآه صرخه خلت الماره ينفجعوا والاطفال يطلعوا من البيوت المتواضعه يعرفوا ايش فيه
انتبه انه كان يشوف شي من كوابيسه السابقه وانتبه انه كان نايم على الرصيف حس بالالم وهوه يتحسس اول حرق انحرقه …حرقه ظلم وجور هذيله هم الي يحموا البلد ..ما الومهم مافيه ولادليل يثبت برائتي ويرجع كرامتي كان سرحان بس انتبه على يد ناعمه وبريئه يمكن ملطخه بالطين ووسخه بس ناعمه وفيها دفء كبير محتاجه من سنه
….: ليش اتصرخ وانت نايم فيك شي
ابتسم خالد على برائة الطفل الي ماهان عليه يشوفه يصرخ صرخه وحده ولما كان مسجون يصرخ اكثر من مره ولا فكروا يسألوه : انا ….انا صرخت
الطفل : ايه ليش كنت تصارخ
خالد : مادري ….ايه كنت احلم حلم موحلو
الطفل : ايه امي تقول لا تنام كذه عشان ما تحلم احلام تخوفك
خالد : طيب انت ايش اسمك يا حلو
الطفل : انا ( وهو يأشر على نفسه بغرور ) انا الوليد بن عبد الله
خالد :هههه عاشت الاسامي
الوليد : طيب انت ياعم ليه قاعد هنا في الظهر الشمس قويه
خالد :لا انا ….اممم انا جيت هنا وقعدت ونمت بالغلط
الوليد: هه تعال اقعد في بيتنا
خالد : لا انا باروح وراي اشغال يالله يالوليد انا باخليك (حط يده على راسه ومسح عليه بحنان) ودمعت عينه وقال انا باروح للبيت وراي شغل يالله يالوليد رح لامك ولا تعصيها قول انشاء الله لكل شي تبيه فاهم
ابتسم الوليد:انشاء الله ياعم
مشى خالد مايدري لوين كل الي يذكره انه دخل هنا بس مايدري بأي طريق ولا اي شارع تأمل المكان شقد متواضع عمره مافكر بالفقاره الي قاعدين معاه بنفس البلد حمد ربه على كل شي ومشى يبي يدور له على وضيفه حتى مايضطر ينام بالشوارع مشى وطلع من الحي الي نام فيه
مشى ورفع راسه للسماء يحمد ربه على الي الله عطاه اياه التفت وشاف العالم الي رماه ونبذه ليه مايدري ليه يمسكون الخطأ على اي احد حتى يرموه في اي زباله اسمها زبالة الفقر في مصطلحهم للحظه حس ان ماكوا زباله الاالزباله الي ينتمي اليها مشى وفي باله يبي اي وظيفه تخليه يعيش
&&&&&&&
كانت قاعده تنظف مكتبة الصاله الي اغلبها من الزجاج على كبر البيت والي يشوفه يقول قصر من كبره وفخامته وكثر الخدم الي الهم جناح كامل فيه لكن مافيه اي خادمه تشتغل كثرها هيه
كانت تسمع صوتها الي تكرهه كره العمى فجأه سمعتها تصارخ عليها
……: هيه ياخليدوه ولدي يبيك على التلفون (ضربتها على كتفها بقوه ) وكل كلمه يقولها تقولين انشاء الله سامعه
خلود : انشاء الله عمتي
اخذت السماعه من يد عمتها وتكلمت
خلود:نعم راشد
راشد بعصبيه : نعامه ترفسك على المقبره قولي آمين …يالي ماتستحين الحين امي تنظف وانتي متكيه قليلة أدب انتين حشره واصغر انواع الحشرات يالي يدوسون كل خلق الله عليها بدون مايحسون فاهمه
سكتت خلود والدمعه على هدب عينيها …… ولما طولت
راشد : سمعي ابيك تسوين على العشاء شوربه وبرياني اعتقد انك تعرفين كيف ابيهم وياويلك ان شفت حاجه غلط لا تلومين الانفسك فاهمه
خلود:انشاء الله
صفق السماعه باقوى ماعنده يكرههها ليه كان يحبها مايدري ليه هيه مخادعه وخاينه وقليلة الادب تقول انا بريئه الله ياخذك ياخلود انتي نزلتي راسي بالارض وليه نزلت هو في احد يدري علشان يقول نزلت راسه في الارض …واخوها ياراشد كمل سنه باقي سنه حتى يطلع والناس تعيد حكيها علينا ……………..رمى القلم الي في يده بقهر وحط ايده على جبينه ونزل راسه في الارض وقعد يفكر
&&&&&&&&&&&&&
قاعد في مكتبه لكن مو المكتب الي في الشركه لا المكتب الي حاطه في مكتبته كان ماسك كتاب يتكلم عن معالم الحضاره وكيف اصبح الظلم موجود والفساد مع وجود التطور …. مايدري ليه خالد طرى على باله والاخلود الي ماشافها من تسعة اشهر تقريبا كانوا حبه وكل حياته اولاده من صلبه ولا ابوه الي مرض وصار مايكلمه من سنه كامله تنهد بالم وسكر الكتاب وقام من على الكرسى … حط الكتاب على جنب ورجع الكرسي مكانه وطفى الانوار وقفل الباب وراه هذي مكتبته الي مايحب أحد يدخلها غيره وغير زوجته مشى وطلع من الجناح فتح المصعد ودخله ونزل الى الطابق الاول …..مشى للمكان الي جالسه عليه
هيه شافها مثل كل مره يشوفها فيه كل مره تقعد تناظر الصورة الي تجمعهم ثنينهم ياما ترجته قبل سنه مايتركه مايرميه في السجن هو ولدها قطعة منها كبدها الي تمشي قدامها يمكن بنتها بتهون لانها بتتزوج وبتروح مع زوجها بس الذكرى ألم وجرح …فكر فيها يعذرها يوم مرضت هذولا ثنينهم آخر العنقود هذولا الي ماترضى حتى يعرقوا من الشمس تحبهم اكثر من اي شي تذكر كيف مرضت وكيف دار بها العالم هذي زوجته وحبيبته صدق ماكان بينهم قصة حب وغرام لكن الحب الي بعد الزواج اقوى وقوي وبحكم غيرة كل عربي وشهامته مابيرضى عليها
انتبه من غفلته على صوتها الي يقول ياسعد ليه ساكت اكلمك من ساعه
سعد : ها ….(ابتسم بحنان) …
هه السلام عليكم…
وضحه : وعليكم السلام ورحمة الله وبركاته
سعد : اخبارك ياوضحه
وضحه :الحمد لله تمام
ابتسم سعد:هايوضحه ..طلبتك
وضحه :وانا اقدر ارفض لك طلب …تم
سعد:اجل يالله اعجلي والبسي عبايتك
وضحه (عقدت حواجبها ): هوو ..ليه انشا الله ماصاير شي
سعد : لا ماصاير الاكل الخير……..بس انا قلت نتمشى ونتعشى مع بعض بروحنا يعني امم
وضحه (احمرن خدودها) :هه ……انشا الله انا اللحين اباقوم
قامت وضحه وركبت الى جناحهم وسعد كانت حالته مثل حالها مستحيل ينسى وتم يناظر في الصوره الكبيره المعلقه على الجدار صورة (خالد و خلود) والي استغرب الكل رفضه الى انهم يشيلون الصوره ….على انه رفض اي سيره فيها اسم خالد ولد سعد
&&&&&&&&&&
كان قاعد في مزرعته على انه جد العيله لكنه موكبير مره القوه فيه كان قاعد يناظر في البقر والغنم والخيول الي تنتظر خيالها …..
قام من على الحجرالي كان قاعد عليه
ومشى الين صار قريب من السياج الي يجمع الخيوول فتح الباب الخشبي ….ودخل الى الاسطبل وراح الى مكان دايما يروح له راح الى الزاويه الي فيها فرس يبين عليه الحزن والالم وانه فاقد شخص عزيز عليه
رفع الجد يده ومسح على رقبة الفرس كان يكلمه والي يسمعه من بعيد يقول يكلم بشر لكن كان يمسح عليه ويقول…ماعليه(والعبره خانقته والحزن طاغي على كل ملامح وجهه)..انت تصدقه وانا كمان …….اكيد راح يجي ..يجي ويمسح دمعتي ودمعتك ويركب عليك وانا بشلني فوق ظهره …تدري ليه …….لانه يحبني…..( واشر على نفسه ) لانه ولدي وانا الي ربيته واعرف كل نظرة الم وصدق وحزن وكذب في عينه …خالد …..ايه خالد الكل تبرى منه بس انا ….انا عمري ما اتبرى من اولادي الي اربيهم بس ماعرفت اربيك وازرع فيك المسامحه ياسعد….ماعرفت ….وضل يمسح عليه ويكمل….اليوم كمل خالد سنه ماعليه بعد سنه وبيجي وبقول للكل ……..هذا خالد …خالد ولدي انا……خالد ولد طلال ……….. مسح عليه وقعد معاه يمكن طاحن دمع من عينه لان الغالي راح …صدق زعل على الكل وبعده زعلان بس عمره مافكر يطردهم او يتبرى منهم لانه الي يحب و الي يسامح
&&&&&&&&&&
قاعد على الكورنيش يناظر شاف الكل قلوا(نقصوا) الناس بدت تروح ناظر في ساعة يده لقاها قريب اذان المغرب قرر يرجع البيت يسبح قبل الاذان علشان يروح المسجد
قام من على الاحجار ومشى مشى الين وصل لسيارته وركب راح الى البيت
دخل يشوف الازعاج قايم اكيد خواته قاعدين محد يسوي كل هالازعاج غيرهم
سمع ثنتين يتشابقوا عرف مصدر الصوت في باله مافيه الا العنود وعهود يصارخوا كيذا
مشى وركب على الدرج يبغي يوصل لجناحه
دخل الى صالة الجناح لقاها قاعده تكلم تلفون
ابتسم من بين المه ……..محتاج يضحك الحين وفي هذا الوقت ابتسم واقترب بهدوء بدون ما تلاحظ وجوده وقف وراها وانتظرها الين ماتسكر السماعه ولما سكرت السماعه حط يديه على عينيها……..وصرخ بصوت خشن …
(جــــــــاك المــــــــــوت يا تــــــارك الصـــــلاه)
نقزت وقامت تصارخ اشهد ان لا اله الا الله
واشهد ان محمد رسول الله
وسمعت صوته
هههههههههههههههههههه
دارت بفزع…..بلى في شكلك انا قلت الموت جاني كيف اتوب من المعاصي والذنوب وانت تضحك
فيصل : هههه……..افى يالهنوف اللحين انتي مو مستعده للموت ماهقيتك من الي ياجلون التوبه
انحرجت الهنوف:لا ؟…بس مافي اي انسان نضيف ومعصوم
ابتسم فيصل:لا ماعلينا مسكتك ان ما تبتي بتروحي النار الحمره……..هههه
وقام عنها وهو يضحك
دخل غرفته وفسخ غترته والعقال والطاقيه وحطهم على الشماعه …وطبعا الجزمه(كرمكم الله) والشراب حطه في السله المخصصه للغسيل في جناحه ورمى نفسه على السرير يفكر ينام بس ماقدر
كانت صورة خالد ثابته في وجهه وين مايروح
تذكر .لما كانوا صغار لكن يفهمون ويذكرون ,….كانوا قاعدين على البحر وكانوا يرسمون بالاحجار على الرمل رغم كبر العيله لكن من صغرهم يحبون يقعدون مع بعض
خالد :فيصل .,..ايش رايك اكتب انا شي وانت شي وانشوف بعدين ايش كتب كل واحد فينا
فيصل : ماشي .:..يالله
وداروا كل واحد يرسم
خالد وفيصل : خلللللللللللللصت……
هههههههههه
فيصل :يالله انشوف
ولما شافوا ابتسموا ببرائه وتالي ضحكوا باعلى اصواتهم
فيصل كان كاتب(خالد انت الانسان الي احسه اخوي والي مايرد احد اذا طلبه ولا يحرم احد من البسمه اذا ناظر عينه يوم الي اكون فيه محتاجك لا تخيبني لانك اكثر انسان اثق فيه)
خالد كان كاتب(فيصل انت اخوي الي ماولدته امي ……..لكن انت اخوي الي تربيت معه وتربىمعاي ……واثق فيه اكثر من اخواني ..انا يوم الي احتاج فيه لاي احد ابيك تكون اول الناس وابيك تقول لكل الناس هذا اخوي ولاهو محتاج لاحد وانا الي بوقف معه لاخر العمر)
كلام بتحسوه كبير لكن لا هذي تربيت الجد الي علمهم كل شي
دمعت عين فيصل وهو يذكر خالد كان يساعد في كل لحظه الصغيره والكبيره عمره خالد ماطلب حاجه غير اني اصدقه هاذاك اليوم …..ليه يافيصل كذبته ليه وهو في كل حاجه يكذبك الكل بس هوه يصدقك..ضرب المخده اكثر من مره وهو يصرخ انت خاين خاين خــــــــــــــايــــــــــن
انت عديم احساس انت واحد عدوموصديق
آآآآآآآآآآآه ياخالد وينك فيه وينك…….ادري في السجن لكن انا ما اقدر اروح…….
كان يصيح ورفع راسه من على المخده وتعوذ من الشيطان ودخل الحمام (كرمكم الله) علشان يسبح ويروح المسجد
&&&&&&&&&&&
خيااااااال
كمليها بليييييييييييييييز
في انتظارك على نار
خالد : ( يا قلبي عليه ..
ومشكورهـ واحنا ننتظرك ومتحمسين نعرف ايش صار على خاالد والبااقي ..
لاهنتي ..